A.S. Kamalov | — | “O‘zpaxtasanoateksport” XK boshqaruvi raisi, yarmarka qo‘mitasining raisi |
I.U. Haydarov | — | “O‘zbekyengilsanoat” AJ boshqaruvi raisi, yarmarka qo‘mitasi raisining o‘rinbosari |
A.I. Maqsudov | — | “O‘zpaxtasanoateksport” XK boshqaruvi raisining birinchi o‘rinbosari, yarmarka qo‘mitasi raisining o‘rinbosari |
Sh.A. To‘laganov | — | O‘zbekiston Respublikasi tashqi iqtisodiy aloqalar, investitsiyalar va savdo vazirining o‘rinbosari |
S.B. Shermatov | — | O‘zbekiston Respublikasi iqtisodiyot vazirining o‘rinbosari |
M.O. Saliyev | — | O‘zbekiston Respublikasi Davlat bojxona qo‘mitasi raisining o‘rinbosari |
Y.S. Xidirov | — | “O‘zpaxtasanoat” AJ bosh direktori |
A.J. Ramatov | — | “O‘zbekiston temir yo‘llari” boshqaruvi raisi |
A.O. Aripov | — | O‘zbekiston Respublikasi qi�loq va suv xo‘jaligi vazirining birinchi o‘rinbosari |
J.D. Qodirov | — | “O‘zpaxtaeksport” AJ bosh direktori |
I.K. Ergashev | — | “O‘zekspomarkaz” MKK AJ boshqaruvi raisi |
S.Sh. Tojiyev | — | “O‘zpaxtaeksport” AJ bozor konyunkturasini va paxta tolasiga istiqboldagi talabni o‘rganish boshqarmasi boshlig‘i, yarmarka qo‘mitasi kotibi |
O‘zbekiston Respublikasi Prezidentining qarori, 08.06.2016 yildagi PQ-2544-son
Дата вступления в силу
13.06.2016
Рус
Ўзб
O’zb
O‘zb|Рус
Hujjat kuchini yo‘qotgan 28.09.2020
|
LexUZ sharhi
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
O‘zbek paxta tolasi va to‘qimachilik mahsulotlari yetkazib berishni yanada optimallashtirish, ular eksporti geografiyasini diversifikatsiyalash, paxtani qayta ishlaydigan xorijiy kompaniyalar va pirovard iste’molchi bo‘lgan jahondagi yetakchi tashkilotlarni jalb etishni hisobga olgan holda, uzoq muddatli hamkorlikni kengaytirish, mamlakatimiz paxta va to‘qimachilik sanoati erishgan so‘nggi yutuqlar bilan ishbilarmon doiralarni keng ko‘lamda tanishtirish maqsadida:
1. “O‘zpaxtasanoateksport” xolding kompaniyasi, O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi hamda O‘zbekiston Respublikasi Prezidentining 2005-yil 8-noyabrdagi PP-217-sonli qarori bilan tashkil etilgan Xalqaro o‘zbek paxta yarmarkasining Doimiy faoliyat yuritadigan yarmarka qo‘mitasining 2016-yil 12-13-oktabr kunlari Toshkent shahrida XII Xalqaro o‘zbek paxta va to‘qimachilik yarmarkasini o‘tkazish va uning doirasida xalqaro konferensiya tashkil etish to‘g‘risidagi taklifi qabul qilinsin.
2. Xalqaro o‘zbek paxta yarmarkasining Doimiy faoliyat yuritadigan yarmarka qo‘mitasining yangilangan tarkibi 1-ilovaga muvofiq tasdiqlansin.
* 1-ilova rus tilidagi matnda berilgan.
2016-yilning 5-avgustiga qadar — paxta va to‘qimachilik yarmarkasining asosiy tadbirlari dasturini ishlab chiqsin va Xalqaro o‘zbek paxta yarmarkasini o‘tkazish bo‘yicha Tashkiliy qo‘mitaga tasdiqlash uchun belgilangan tartibda kiritsin;
2016-yilning 10-sentabriga qadar — O‘zbekiston Respublikasi Iqtisodiyot vazirligi bilan birgalikda yarmarka savdolariga qo‘yiladigan paxta tolasining hajmlari bo‘yicha Vazirlar Mahkamasiga takliflar kiritsin;
paxta va to‘qimachilik yarmarkasini o‘tkazish bilan bog‘liq reklama kampaniyasi o‘tkazilishini hamda u bilan bog‘liq materiallarning xorijiy va mahalliy ommaviy axborot vositalarida keng yoritilishini ta’minlasin.
4. “O‘zpaxtasanoateksport” xolding kompaniyasi zimmasiga XII Xalqaro o‘zbek paxta va to‘qimachilik yarmarkasini tashkil etish va yuqori saviyada o‘tkazish borasidagi barcha zarur tayyorgarlik ishlarini muvofiqlashtirish vazifasi yuklansin.
O‘zbekiston Respublikasi Tashqi iqtisodiy aloqalar, investitsiyalar va savdo vazirligi, Qishloq va suv xo‘jaligi vazirligi, “O‘zbekyengilsanoat” AJ, O‘zbekiston “Sifat” markazi, O‘zbekiston respublika tovar-xomashyo birjasi hamda boshqa manfaatdor tashkilotlar bilan birgalikda 2016-yilning 10-sentabriga qadar muddatda “Kotton Autluk” xalqaro nashriyotini jalb etgan holda respublikamiz paxtachiligida, paxta va to‘qimachilik sanoati erishgan so‘nggi yutuqlar va rivojlanish istiqbollariga bag‘ishlangan maxsus jurnal tayyorlanishi va chop etilishini ta’minlasin;
“O‘zbekyengilsanoat” AJ bilan birgalikda XII Xalqaro o‘zbek paxta va to‘qimachilik yarmarkasi doirasida mamlakatimiz to‘qimachilik sanoatining salohiyati, shu jumladan, berilgan imtiyoz va preferensiyalar, qulay investitsiya muhiti, yuqori malakali kadrlar, xomashyo resurslari, rivojlangan ishlab chiqarish, moliya-bank, transport va muhandislik-kommunikatsiya infratuzilmasi mavjudligini yuqori darajada taqdim etsin.
6. “O‘zpaxtasanoateksport” xolding kompaniyasiga XII Xalqaro o‘zbek paxta va to‘qimachilik yarmarkasiga tayyorgarlik ko‘rish va uni o‘tkazish davrida paxta va to‘qimachilik yarmarkasini tashkil etish va o‘tkazish bilan bog‘liq tadbirlarni moliyalashtirish uchun mablag‘lar jamlash maqsadida belgilangan tartibda milliy va xorijiy valyutada vaqtinchalik hisobvaraqlarni ochishga ruxsat berilsin.
7. “O‘zpaxtasanoateksport” xolding kompaniyasi tomonidan XII Xalqaro o‘zbek paxta va to‘qimachilik yarmarkasi qatnashchilari o‘rtasida tarqatish uchun olib kelinadigan 500 nusxadan iborat “Kotton Autluk” axborot-ma’lumotnoma jurnallari (TN VED kodi 4902 90 000 0) boj to‘lovlari (bojxona yig‘imlaridan tashqari) to‘lashdan ozod qilinsin.
8. Belgilab qo‘yilsinki, “O‘zekspomarkaz” MKK” AJdagi ko‘rgazma maydonlari XII Xalqaro o‘zbek paxta va to‘qimachilik yarmarkasi qatnashchilariga tasdiqlangan normativ narxlarga nisbatan 50 foizli chegirmani hisobga olgan holda taqdim etiladi.
9. O‘zbekiston Respublikasi Tashqi ishlar vazirligi “O‘zpaxtasanoateksport” xolding kompaniyasining buyurtmanomalariga ko‘ra XII Xalqaro o‘zbek paxta va to‘qimachilik yarmarkasi qatnashchilariga kirish vizalarini belgilangan tartibda, zarur hollarda — Toshkent shahri aeroportiga kelishganida rasmiylashtirilishini ta’minlasin.
10. O‘zbekiston Milliy teleradiokompaniyasi va Milliy axborot agentligi XII Xalqaro o‘zbek paxta va to‘qimachilik yarmarkasining ishi va yakunlari ommaviy axborot vositalarida keng ko‘lamda yoritilishini ta’minlasin.
11. O‘zbekiston Respublikasi Prezidentining “Xalqaro o‘zbek paxta yarmarkasini har yili tashkil etish to‘g‘risida” 2005-yil 8-noyabrdagi PP-217-sonli qaroriga 2-ilovaga muvofiq o‘zgartish va qo‘shimchalar kiritilsin.
12. Mazkur qarorning ijrosini nazorat qilish O‘zbekiston Respublikasining Bosh vaziri Sh. Mirziyoyev zimmasiga yuklansin.
LexUZ sharhi
1. Qaror sarlavhasidagi “o‘zbekpaxta” so‘zlaridan keyin “va to‘qimachilik” so‘zlari bilan to‘ldirilsin.
“O‘zpaxtasanoateksport” xolding kompaniyasi, O‘zbekiston Respublikasi Tashqi iqtisodiy aloqalar, investitsiyalar va savdo vazirligi, “O‘zbekyengilsanoat” aksiyadorlik jamiyati, jahonning yetakchi ishlab chiqaruvchilari hamda o‘zbek paxta tolasi va to‘qimachilik mahsulotlari iste’molchilarining Toshkent shahrida har yili Xalqaro o‘zbek paxta va to‘qimachilik yarmarkasini o‘tkazib turish to‘g‘risidagi taklifiga rozilik berilsin”.
“4. “O‘zpaxtasanoateksport” xolding kompaniyasi, O‘zbekiston Respublikasi Tashqi iqtisodiy aloqalar, investitsiyalar va savdo vazirligi, “O‘zbekyengilsanoat” aksiyadorlik jamiyati Xalqaro paxta assotsiatsiyasi, Xalqaro paxta bo‘yicha Konsultativ qo‘mitasi va “Cotton Outlook” jurnali, shuningdek Xalqaro to‘qimachilik mahsulotlari ishlab chiqaruvchilar federatsiyasi bilan birgalikda O‘zbek paxta va to‘qimachilik yarmarkasining xalqaro maqomini saqlab qolish hamda uni o‘tkaziladigan jahon paxta va to‘qimachilik tadbirlarining har yilgi jadvaliga oktyabr oyining ikkinchi o‘n kunligiga kiritish bilan bog‘liq chora-tadbirlar kompleksini amalga oshirsin”.
a) birinchi, ikkinchi, oltinchi va yettinchi xatboshilaridagi “o‘zbek paxta” so‘zlaridan keyin “va to‘qimachilik” so‘zlari bilan to‘ldirilsin;
b) uchinchi xatboshidagi “paxta tolasi” so‘zlaridan keyin “va to‘qimachilik mahsulotlari” so‘zlari qo‘shib qo‘yilsin;
b) “Zikriyoyev E.Z. — “O‘zpaxtasanoat” uyushmasi boshqaruvchi raisi” so‘zlari “Xidirov Y.S. — “O‘zpaxtasanoat” AJ bosh direktori” so‘zlari bilan almashtirilsin.