Quyida “Ahdlashuvchi Tomonlar” deb ataluvchi Oʻzbekiston Respublikasi va Turkiya Jumhuriyati,

Oʻzbekiston Respublikasi va Turkiya Jumhuriyati xalqlari oʻrtasidagi doʻstona aloqalarini mustahkamlash borasida ikki tomon xohishiga amal qilib,

fuqarolik, savdo va jinoiy ishlar boʻyicha oʻzaro huquqiy yordam koʻrsatish sohasidagi hamkorlikni suverenitet, milliy mustaqillik va Tomonlarning ichki ishlariga aralashmaslik asosida rivojlantirishga muhim ahamiyat bergan holda,

Oʻzbekiston Respublikasi va Turkiya Jumhuriyati oʻrtasida fuqarolik, savdo va jinoiy ishlar boʻyicha oʻzaro huquqiy yordam koʻrsatish haqidagi Shartnomani imzolash haqida kelishib oldilar:

1. Ahdlashuvchi Tomonlardan birining fuqarolari boshqa Ahdlashuvchi Tomon hududida oʻzlarining shaxsiy va mulkiy huquqlari borasida xuddi shu Ahdlashuvchi Tomon fuqarolari ega boʻlgan huquqiy himoyadan foydalanadilar.

2. Ahdlashuvchi Tomonlardan birining fuqarolari oʻzlarining shaxsiy, mulkiy huquqlari va manfaatlarini himoya qilish maqsadida fuqarolik, savdo va jinoiy ishlar boʻyicha vakolatga ega boʻlgan huquqni muhofaza qilish tashkilotlari (bundan keyin “adliya muassasalari”)ga xuddi shu Tomon fuqarolariga taalluqli shartlar va rasmiyatchiliklarga amal qilgan holda, erkin va biron bir toʻsiqsiz murojaat qilishlari mumkin.

3. Ushbu Shartnomaning qoidalari Ahdlashuvchi Tomonlardan birining hududida joylashgan va ushbu Tomon qonunlariga muvofiq taʼsis etilgan yuridik shaxslarga ham qoʻllanishi mumkin boʻlgan qadar taalluqlidir.

Ushbu Shartnomani qoʻllash maqsadida Ahdlashuvchi Tomonlarning muassasalari bir-birlari bilan diplomatik tartibda aloqa bogʻlashadi.

Ahdlashuvchi Tomonlarning adliya vazirliklari bir birlariga iltimosga binoan ushbu Shartnomaning mavzui boʻlmish oʻz hududlarida amal qilayotgan yoki amal qilgan qonunlar va sud praktikasi haqida huquqiy masalalar boʻyicha axborot taqdim qiladilar.

1. Ahdlashuvchi Tomonlarning vakolatli muassasalari fuqarolik va savdo ishlari boʻyicha oʻzaro huquqiy yordam koʻrsatish majburiyatini oladilar.

2. Oʻzaro huquqiy yordam koʻrsatishga protsessual harakatlarni bajarish, xususan hujjatlarni joʻnatish, ekspertiza oʻtkazish, Tomonlar, guvohlar, va ekspertlarni eshitish kiradi.

1. Huquqiy yordam haqidagi iltimosda quyidagilar koʻrsatiladi:

a) soʻrov yuboruvchi va soʻrov oluvchi muassasalar nomlari;

b) huquqiy yordamga muhtoj boʻlgan ishning mazmuni;

v) tomonlarning ism-shariflari, ularning turar joylari yoki joylashgan yerlari, fuqaroligi va kasbi;

g) Tomonlar vakillarining ism-shariflari va manzilgohlari;

d) iltimos mazmuni va uni bajarish uchun lozim boʻlgan axborot.

2. Huquqiy yordam haqidagi iltimoslar va ularga ilova qilinuvchi hujjatlar imzolangan va soʻrov yuboruvchi muassasaning muhri bilan tasdiqlangan boʻlishi shart.

1. Huquqiy yordam haqidagi iltimosni bajarishda soʻrov oluvchi muassasa oʻz davlatining qonunlarini ishlatadi. Biroq soʻrov yuboruvchi Tomonning iltimosiga koʻra u boshqa Ahdlashuvchi Tomonning protsessual qoidalarini, agar ular soʻrov oluvchi Ahdlashuvchi Tomonning qonunlariga zid kelmasa, ishlatishi mumkin.

2. Agar huquqiy yordam haqidagi iltimosni bajarishga soʻrov oluvchi muassasaning vakolati boʻlmasa, u uni soʻrov oluvchi Tomonning vakolatli muassasasiga yuboradi va soʻrov yuboruvchi muassasani bu haqda xabardor qiladi.

3. Huquqiy yordam haqidagi iltimos bajarilgandan keyin, soʻrov oluvchi muassasa soʻrov yuboruvchi muassasaga hujjatlarni qaytarib beradi yoki unga iltimosining bajarilmaganligi sabablari haqida xabar beradi.

1. Hujjatlarni topshirish soʻrov oluvchi muassasa tomonidan oʻz davlati qonunchiligi qoidalariga muvofiq ravishda, agar topshirilayotgan hujjatlar soʻrov oluvchi Tomon tilida tuzilgan yoki shu Tomon tilidagi tasdiqlangan tarjima bilan taʼminlangan boʻlsa, amalga oshiriladi. Boshqa hollarda soʻrov oluvchi muassasa hujjatlarni adresatga, agar u oʻzi rozi boʻlsagina, topshiradi.

2. Topshirish haqidagi iltimosda qabul qiluvchining aniq manzilgohi va topshiriladigan hujjatning nomi koʻrsatilishi kerak.

3. Hujjatlarni topshirish toʻgʻrisidagi iltimosnomada koʻrsatilgan manzilgoh boʻyicha topshirish imkoni boʻlmagan taqdirda, soʻrov oluvchi muassasa qabul qiluvchining aniq manzilgohini topish uchun tegishli choralar koʻradi. Agar aniq manzilgohni topish mumkin boʻlmasa, soʻrov oluvchi muassasa bu haqda soʻrov yuboruvchi muassasani xabardor qiladi va unga topshirish lozim boʻlgan hujjatlarni qaytarib beradi.

Hujjatlar topshirilganini tasdiqlash soʻrov oluvchi Tomon hududida amal qiluvchi tartiblarga muvofiq rasmiylashtiriladi. Topshirish tasdiqnomasida topshirish vaqti va joyi koʻrsatiladi.

Soʻrov oluvchi Ahdlashuvchi Tomon oʻz hududida oʻzaro huquqiy yordam koʻrsatish bilan bogʻliq boʻlgan barcha xarajatlarni oʻz zimmasiga oladi va ularni toʻlashni talab qilmaydi.

Huquqiy yordam koʻrsatish iltimosi, agar uni bajarish soʻrov oluvchi Ahdlashuvchi Tomonning mustaqilligi, xavfsizligi yoki oʻrnatilgan tartiblariga zarar yetkazadigan boʻlsa, rad qilinishi mumkin.

1. Huquqiy yordam haqidagi iltimoslar, shuningdek ularga ilova qilingan hujjatlar, ushbu Shartnomaning 7-moddasi 1-bandi va 13-moddasida koʻzda tutilgan hollardan tashqari, soʻrov oluvchi Tomon tiliga yoxud, fransuz yoki ingliz tiliga qilingan tasdiqlangan tarjimasi bilan birgalikda qoʻshib yuboriladi.

2. Tarjima soʻrov yuboruvchi muassasa, rasmiy tarjimon, notarius yoki Ahdlashuvchi Tomonlardan birining diplomatik vakili yoxud konsullik xodimi tomonidan tasdiqlanadi.

3. Huquqiy yordam haqidagi iltimoslarning bajarilishida soʻrov oluvchi Ahdlashuvchi Tomonning tili qabul qilinadi.

1. Boshqa Ahdlashuvchi Tomonning adliya muassasasiga chaqiriq boʻyicha koʻngilli ravishda kelgan guvoh yoki ekspert, uning qanday fuqaroligidan qatʼi nazar, ushbu Ahdlashuvchi Tomon hududida uning soʻrov yuboruvchi Ahdlashuvchi Tomon chegarasidan oʻtganga qadar qilgan biror jinoiy jazoga loyiq ishi uchun taʼqib qilinishi yoki hibsga olinishi mumkin emas, shuningdek u ilgari chiqarilgan hukmga binoan jazoga tortilishi mumkin emas.

Guvoh yoki ekspert ushbu daxlsizlikdan, agar u soʻrov yuboruvchi Ahdlashuvchi Tomon hududini oʻzining ishtiroki shart emasligi haqida xabar olganidan soʻng 15 kecha-kunduz ichida tark etmasa, mahrum boʻladi. Bu muhlatga guvoh yoki ekspertning soʻrov yuboruvchi Ahdlashuvchi Tomonning hududini oʻziga bogʻliq boʻlmagan vaziyatlarga koʻra tark etolmagan vaqti kirmaydi.

Bu shaxslar, oʻzlarining guvohligi yoki ekspert sifatida bergan xulosalari tufayli taʼqib qilinishlari yoki hibsga olinishlari ham mumkin emas.

2. Soʻrov yuboruvchi muassasa guvoh yoki ekspert sifatida chaqirilayotgan shaxsga uning yoʻl va kundalik xarajatlarining toʻlanishini, ekspertga esa bunday hollarda soʻrov yuboruvchi Ahdlashuvchi Tomon qonuni boʻyicha lozim boʻlgan haq ham toʻlanishini xabar qilishi kerak. Ushbu shaxsning iltimosiga koʻra mazkur muassasa unga yoʻl va kundalik xarajatlarni qoplash uchun avans toʻlaydi.

Ahdlashuvchi Tomonlardan birining sudlari va boshqa vakolatli muassasalari iltimosiga koʻra boshqa Tomon ularga tarjimasiz va bepul fuqarolik holati aktlarini qayd etish kitobidan koʻchirma va soʻrov yuboruvchi Tomon fuqarolarining shaxsiy huquq va manfaatlariga taalluqli boshqa hujjatlarni taqdim qiladi.

1. Ahdlashuvchi Tomonlardan birining hududida vakolatli muassasalar tomonidan tuzilgan, berilgan yoki tasdiqlangan va rasmiy muhr bosilgan hujjatlar, va shuningdek ularning tasdiqlangan nusxalari yoki koʻchirmalarini boshqa Tomon hududida legallashtirishning hojati yoʻq.

2. Ahdlashuvchi Tomonlardan birining hududida berilgan rasmiy hujjatlar boshqa Tomon hududida rasmiy hujjat sifatida tan olinadi.

Ahdlashuvchi Tomonlardan birining fuqarolari judicatum solvi garovini faqat oʻzlarining chet ellik boʻlganlari va ushbu Ahdlashuvchi Tomonda turar joy yoki toʻxtash joyiga ega boʻlmaganlari sababli toʻlashlari majbur emas.

1. Ahdlashuvchi Tomonlardan birining fuqarolari boshqa Ahdlashuvchi Tomonning sudlarida sud va notarius bojlari va chiqimlaridan ozod qilinadilar va bepul yuridik yordamdan xuddi ushbu Ahdlashuvchi Tomon fuqarolari ega boʻlgan shartlar asosida va hajmda foydalanadilar.

2. Sud bojlari va chiqimlaridan ozod etish va bepul yuridik yordam koʻrsatish protsessual harakatlarga, shu jumladan hukmni bajarishga taalluqlidir.

3. Ahdlashuvchi Tomonlardan birining huquqiy normalariga muvofiq sudda biror ishni koʻrish mobaynida sud boji va chiqimlardan ozod qilingan fuqarolar ushbu rejimdan boshqa Tomon hududida xuddi shunday ish boʻyicha amalga oshirilayotgan protsessual harakatlarga nisbatan ham foydalanadilar.

1. 16-moddaga binoan imtiyozlar olish uchun lozim boʻlgan shaxsiy, oilaviy va mulkiy ahvol haqidagi hujjatlar hududida ariza beruvchining turar joyi yoki qarorgohi mavjud boʻlgan Ahdlashuvchi Tomonning vakolatli muassasasi tomonidan beriladi.

2. Agar ariza beruvchi Ahdlashuvchi Tomonlar hududida turar joyi yoki qarorgohi boʻlmasa, hujjat diplomatik vakolatxona yoki konsullik muassasasi tomonidan berilishi mumkin.

3. Sud boji va chiqimlaridan ozod qilish haqidagi ariza boʻyicha qaror qabul qiluvchi adliya muassasasi ushbu Shartnomaning 2-moddasida koʻzda tutilgan tartibda hujjat bergan muassasadan qoʻshimcha maʼlumotlar talab qila oladi.

Agar Ahdlashuvchi Tomonlardan birining sudi boshqa Tomon hududida turar joy yoki qarorgohga ega boʻlgan shaxsning maʼlum bir protsessual harakatni bajarishi uchun muhlat tayinlasa, bu tayinlangan muhlatning kechishi sud qarorining nusxasi oluvchiga topshirilgan sanadan boshlanadi.

1. Har bir Ahdlashuvchi Tomon oʻz hududida ushbu Shartnomada koʻzda tutilgan shartlar asosida boshqa Ahdlashuvchi Tomon hududida chiqarilgan quyidagi hukmni tan oladi va ijro etadi:

a) mulkka oid fuqarolik va savdo ishlari boʻyicha sud qarori;

b) jinoiy ishlar boʻyicha keltirilgan zararni qoplash haqida sud qarori;

v) fuqarolik va savdo ishlari boʻyicha uzil-kesil arbitraj qarorlari.

2. Fuqarolik va savdo ishlari boʻyicha qaror deganda ushbu Shartnomaning kuchga kirganidan soʻng chiqarilgan qaror tushuniladi. Birinchi bandning “a” kichik bandida eslatilgan qarorlar ushbu Shartnoma kuchga kirganidan soʻng kelib chiqqan huquqiy munosabatlar boʻyicha chiqarilgan boʻlsa, tan olinadi va ijro etiladi.

3. Shaxsiy statusga taalluqli qarorlar ushbu Shartnoma kuchga kirgunga qadar chiqarilgan taqdirda tan olinadi.

19-moddada koʻrsatilgan qarorlar boshqa Ahdlashuvchi Tomon hududida, agar ular quyidagi shartlarga javob bersalar, tan olinadi va ijro etiladi:

a) qaror Ahdlashayotgan Tomon hududida chiqarilgan va uning qonunlariga muvofiq qonuniy kuchga kirgan va ijro etilishi lozim boʻlganda;

b) hududida qarorlar chiqarilgan Ahdlashuvchi Tomon muassasasi hududida qarorning bajarilishi talab qilingan Ahdlashuvchi Tomon qonunlariga muvofiq ushbu masala boʻyicha vakolatli deb hisoblanganda;

v) oʻziga nisbatan qaror chiqarilgan Tomon hududida qaror chiqarilgan Ahdlashuvchi Tomon qonunlariga muvofiq sudga oʻz vaqtida va tegishli ravishda chaqirilgan boʻlsa;

g) Tomonlar huquqiy himoya vositalaridan foydalanishi chaqiriq asosida sud muhokamasiga ishtirok etish va sud kengashlarida, agar ularda ishtirok etish imkoni boʻlmasa, vakillik imkoniyatidan mahrum etilmagan boʻlganlarida;

d) xuddi oʻsha Tomonlar oʻrtasidagi tortishuv boʻyicha qarorning bajarilishi lozim boʻlgan Ahdlashuvchi Tomon hududida xuddi oʻsha sud jarayonidan avval qonuniy kuchga kirgan sud yoki arbitraj qarori chiqarilmagan boʻlsa;

e) soʻrov oluvchi Ahdlashuvchi Tomon sudi xuddi oʻsha Tomonlar oʻrtasida oʻsha mavzu va oʻsha asoslar boʻyicha ilgari qoʻzgʻatilgan ishni olib bormaganda;

j) hududida qarorning tan olinishi va bajarilishi lozim boʻlgan Ahdlashuvchi Tomon qonunlariga muvofiq shu mamlakat qonunlarini ishlatish kerak boʻlgan holda, qaror 1) bu qonunlar haqiqatda qoʻllanilgan boʻlsa yoki 2) boshqa Ahdlashuvchi Tomonning qoʻllanilgan qonunlari tub maʼnosi bilan bu qonunlardan farq qilmasagina, bajariladi;

z) qaror hududida tan olinishi va bajarilishi lozim boʻlgan Ahdlashuvchi Tomon qonunlarining asosiy qoidalariga va oʻrnatilgan tartibotlariga zid kelmaydi.

Arbitraj qarori 20-moddada koʻzda tutilgan (“e” bandi bundan mustasno) shartlardan tashqari kuyidagi shartlarga ham javob bersa, bajarilishi lozim boʻladi:

a) qaror ijro etilishi lozim boʻlgan Ahdlashuvchi Tomon qonuniga koʻra, bunday ish qaror uchun, arbitraj muhokamasi uchun mavzu boʻlsa;

b) arbitraj qarori manfaatdor Tomonlar oʻrtasidagi arbitraj bitimi yoki arbitraj qoʻshimcha tushuntirishida koʻzda tutilgan yoki ularga toʻgʻri keluvchi tortishuv boʻyicha chiqarilsa;

v) arbitraj organi tarkibi Tomonlar kelishuviga yoki manfaatdor tomonlar oʻrtasidagi arbitraj qoʻshimcha tushuntirishi yoki arbitraj boʻlgan davlat qonuniga muvofiq kelganda;

g) Tomonlar tegishli ravishda hakamning tayinlangani yoki arbitraj muhokamasi haqida xabardor boʻlishsa;

d) arbitraj qarori u chiqarilgan davlatda uzil-kesil hisoblansa.

1. Qarorni tan olishga va bajarishga ruxsat berish haqidagi iltimos ushbu Shartnomaning 2-moddasiga muvofiq hududida qaror bajarilishi lozim boʻlgan Ahdlashuvchi Davlatning vakolatli adliya muassasasiga beriladi.

2. Iltimosga kuyidagilar ilova qilingan boʻlishi kerak:

a) qarorning notarial yoki tegishli ravishda tasdiqlangan nusxasi, shuningdek qaror qonuniy kuchga kirgani va bajarilishi lozimligini tasdiqlovchi, agar bu qarorning oʻzidan kelib chiqmasa, maʼlumotnoma;

b) oʻziga nisbatan qaror chiqarilgan Tomonning oʻz vaqtida va tegishli ravishda sudga chaqirilgani va sudda soʻzlash imkoni boʻlmagan taqdirda, unga tegishli ravishda vakil yuborish mumkin boʻlganini tasdiqlovchi maʼlumotnoma;

v) “a” va “b” kichik bandlarida eslatilgan hujjatlarning hududida qarorning bajarilishi lozim boʻlgan Ahdlashuvchi Tomon tiliga yoxud fransuz yoki ingliz tilida tasdiqlangan tarjimasi.

3. Agar bajarishga ruxsat berish haqidagi iltimos arbitraj qaroriga asoslangan boʻlsa unga 2-bandning “v” kichik bandiga muvofiq arbitraj bitimi yoki arbitraj qoʻshimcha tushuntirishining tasdiqlangan tarjimasi ilova qilingan boʻlishi kerak.

1. Qaror bajarilishiga va boshqa Ahdlashuvchi Tomonda chiqarilgan qaror oʻzining bajarilishiga ruxsat berish rasmiy marosimiga nisbatan hududida qaror bajarilishi kerak boʻlgan Ahdlashuvchi Tomon qonunlari ishlatiladi.

2. Bu rasmiy marosimda sud, qarorni tub maʼnosi bilan qayta koʻrib oʻtirmasdan, ushbu Shartnomada koʻzda tutilgan barcha shartlarning mavjudligini tekshirish bilan kifoyalanib qoladi.

Ushbu Shartnomaning qarorlarning bajarilishiga taalluqli moddalari qarorni bajarish natijasida olingan pul summalarini oʻtkazish va ashyolarni olib chiqib ketish haqida Ahdlashuvchi Tomonlar qonunlarining qoidalariga daxldor emas.

1. Ahdlashuvchi Tomonlar jinoiy ishlar boʻyicha oʻzaro huquqiy yordam koʻrsatish majburiyatini oladilar.

2. Jinoiy ishlar boʻyicha oʻzaro huquqiy yordam koʻrsatish protsessual harakatlarni bajarishni, jumladan, hujjatlarni yuborish, tintuv, ashyoviy dalillarni musodara qilish va berish, ekspertiza, ayblanuvchi va guvohlarni soʻroq qilish, ekspertlarni tinglash, shuningdek joyda koʻzdan kechirishni oʻz ichiga oladi.

1. Jinoiy ishlar boʻyicha huquqiy yordam toʻgʻrisidagi iltimosda quyidagilar koʻrsatiladi:

a) soʻrov yuboruvchi va soʻrov oluvchi muassasaning nomi;

b) ishning mazmuni;

v) ayblanuvchilar yoki hukm etilganlarning familiya va ismlari, ularning fuqaroligi va kasblari, imkoni boricha, ayblanuvchilar yoki hukm etilganlarning tugʻilgan joyi va vaqti, shuningdek ularning ota-onalarining ismlari;

g) ularning vakillarining familiyalari, ismlari va manzilgohlari;

d) iltimosning mazmuni, uning bajarilishi uchun zarur boʻlgan axborot, jinoiy xatti-harakatning kvalifikatsiyasi va tavsifi.

2. Iltimoslar va ularga ilova qilinayotgan hujjatlar imzolangan va ularni yuborgan muassasaning muhri bosilgan boʻlishi kerak.

1. Huquqiy yordam toʻgʻrisidagi iltimosni bajarayotganda soʻrov oluvchi muassasa oʻz davlatining qonunchilik normalarini qoʻllaydi. Biroq soʻrov yuboruvchi muassasa iltimosiga koʻra soʻrov oluvchi muassasa boshqa Ahdlashuvchi Tomonning protsessual normalarini qoʻllashi mumkin, agar ular soʻrov oluvchi Tomonning qonunchiligiga zid kelmasa.

2. Agar huquqiy yordam toʻgʻrisidagi iltimosni bajarish soʻrov oluvchi muassasaning vakolatiga kirmasa, u ushbu iltimosni soʻrov oluvchi Tomonning vakolatli muassasasiga yuboradi va bu toʻgʻrida soʻrov yuboruvchi muassasani xabardor qiladi.

3. Soʻrov yuboruvchi muassasaning iltimosiga koʻra soʻrov oluvchi muassasa uni huquqiy yordam toʻgʻrisidagi iltimosni bajarish vaqti va joyi toʻgʻrisida xabardor qiladi.Soʻrov oluvchi muassasa soʻrov yuboruvchi muassasa vakillarining iltimos bajarilishida ishtirok etishlariga rozilik berishi mumkin.

4. Huquqiy yordam toʻgʻrisidagi iltimos bajarilganidan soʻng soʻrov oluvchi muassasa soʻrov yuboruvchi muassasaga hujjatlarni qaytarib beradi yoki uni bajarishga toʻsqinlik qilayotgan sabablar toʻgʻrisida xabardor qiladi.

1. Sudda yoki Ahdlashuvchi Tomonlardan birining boshqa muassasasida ishni koʻrish davomida boshqa Ahdlashuvchi Tomon hududida yashovchi guvoh yoki ekspertning qatnashishi zarur boʻlsa, ushbu Tomonning sud yoki boshqa vakolatli muassasasi boshqa Ahdlashuvchi Tomonning vakolatli muassasasiga chaqiruv topshirish iltimosi bilan murojaat qilishi mumkin.

2. 1-bandda koʻrsatilgan holda chaqiruv kelmaganlik uchun jarima solish yoki boshqa majburiy choralarni qoʻllash tahdidini oʻz ichiga olishi mumkin emas.

3. Yoʻl va yashash xarajatlarini qoplash, shuningdek guvoh yoki ekspertlarga kompensatsiya toʻlashni soʻrov yuboruvchi Tomon amalga oshiradi.

4. Boshqa Ahdlashuvchi Tomonning vakolatli muassasasiga chaqiruv boʻyicha oʻz xohishiga binoan kelgan guvoh yoki ekspert uning fuqaroligidan qatʼi nazar, ushbu Tomon hududida taʼqib etilishi, hibsga olinishi yoki ushbu mamlakat chegarasidan oʻtguniga kadar qilingan xatti-harakatlar uchun jazolanishi mumkin emas. Koʻrsatilgan shaxslar, shuningdek ularning guvohlik koʻrsatmalari yoki ekspert sifatidagi xulosalari bilan bogʻliq holda ham, ishni koʻrish mavzu boʻlgan jinoiy ish bilan bogʻliq harakatlar uchun ham taʼqib etilishi, hibsga olinishi yoki jazolanishi mumkin emas.

5. Guvoh yoki ekspert soʻrov yuboruvchi Tomon hududini uni ishni koʻrayotgan muassasa uning ishtiroki zarur emasligi toʻgʻrisida xabardor qilgan vaqtdan boshlab 15 kunlik muddat oʻtguniga qadar tark etmasa, 4-bandda koʻzda tutilgan immunitetni yoʻqotadi. Guvoh yoki ekspert unga bogʻliq boʻlmagan vaziyatlarga koʻra soʻrov yuboruvchi Tomon hududini tark eta olmagan vaqt bu muddatga kiritilmaydi.

1. Agar topshirilayotgan hujjatlar soʻrov oluvchi Tomon tilida tuzilgan boʻlsa yoki ularning ushbu Tomon tiliga tasdiqlangan tarjimasi boʻlsa, hujjatlarni topshirish soʻrov oluvchi muassasa tomonidan ushbu masalani uning davlatida muvofiqlashtiruvchi huquqiy qoidalar asosida amalga oshiriladi. Oʻzga hollarda soʻrov oluvchi muassasa hujjatlarni faqatgina oluvchining roziligi bilan topshiradi.

2. Topshirish toʻgʻrisidagi iltimosda oluvchining aniq manzilgohi va topshirilayotgan hujjatning nomi koʻrsatilishi kerak.

3. Agar hujjatlar topshirish toʻgʻrisidagi iltimosda koʻrsatilgan manzilgoh boʻyicha topshirilishi mumkin boʻlmasa, soʻrov oluvchi muassasa oluvchining aniq manzilgohini bilish uchun zarur choralarni koʻradi. Agar aniq manzilgohni bilish mumkin boʻlmasa, soʻrov oluvchi muassasa soʻrov yuboruvchi muassasani bu toʻgʻrida xabardor qiladi va unga topshirilishi lozim boʻlgan hujjatlarni qaytarib beradi.

Hujjatlarni topshirishni tasdiqlash soʻrov oluvchi Tomon hududida amal qilayotgan tartiblarga muvofiq ravishda rasmiylashtiriladi. Topshirishning tasdigʻida topshirish vaqti va joyi koʻrsatiladi.

28-modda 3-bandi qoidalari bajarilganida soʻrov oluvchi Ahdlashuvchi Tomon uning hududida huquqiy yordam koʻrsatish bilan bogʻliq boʻlgan barcha xarajatlarini oʻz zimmasiga oladi, va ularning oʻrnini qoplashni talab qilmaydi.

1. Huquqiy yordam berish toʻgʻrisidagi iltimosga quyidagi hollarda rad javobi berilishi mumkin:

a) agar soʻrov oluvchi Tomon iltimosni bajarish uning mamlakati suvereniteti, xavfsizligi yoki ommaviy tartibiga zarar yetkazishi mumkin deb hisoblasa;

b) agar iltimos soʻrov oluvchi Tomonning qonunchiligi boʻyicha nomaqbul boʻlsa.

2. 1-bandda koʻzda tutilgan hollarda huquqiy yordam koʻrsatishga rad javobi berish asoslangan boʻlishi kerak.

1. Ushbu Bitimning 29-modda 1-bandi va 57-moddasida koʻzda tutilgan hollardan tashqari iltimoslar, shuningdek ularga ilova qilingan materiallarning soʻrov oluvchi Tomonning tiliga, fransuz yoki ingliz tiliga qilingan tasdiqlangan tarjimasi boʻladi.

2. Tarjima Ahdlashuvchi Tomonlardan birining soʻrov yuboruvchi muassasa, rasmiy tarjimon, notarius yoki diplomatik vakil yoxud konsulxona xodimi tomonidan tasdiqlanadi.

3. Iltimoslarni bajarishda soʻrov yuboruvchi Tomonning tili ishlatiladi.

1. Ahdlashuvchi Tomonlar ushbu Shartnoma qoidalariga muvofiq bir-birlariga iltimosga koʻra ularning hududlarida boʻlgan shaxslarni jinoiy javobgarlikka tortish yoki hukmni ijro etish uchun ushlab berish majburiyatlarini oladilar.

2. Jinoiy javobgarlikka tortish uchun tutib berish ikkala Ahdlashuvchi Tomon qonunchiligiga binoan 12 oydan koʻp muhlatga ozodlikdan mahrum etish yoki boshqa ogʻirroq jazo koʻzda tutilgan jinoyatlar hollarida amalga oshiriladi.

3. Hukmni ijro etish uchun tutib berish faqatgina ikkala Ahdlashuvchi Tomon qonunchiligiga binoan shunday hisoblangan jinoyatlar uchun amalga oshiriladi, va agar ushbu shaxs olti oydan koʻp muhlatga ozodlikdan mahrum etish yoki boshqa ogʻirroq jazoga hukm etilgan boʻlsa.

4. Agar tutib berish toʻgʻrisidagi iltimos har biri ikkala Ahdlashuvchi Tomon qonunchiligiga binoan ozodlikdan mahrum etishga olib keladigan, biroq ulardan baʼzilari ushbu moddaning 2 va 3-bandlarida koʻzda tutilgan shartlarga javob bermaydigan bir-biriga bogʻliq boʻlmagan bir nechta jinoyatlarga tegishli boʻlsa, unda soʻrov oluvchi Tomon bu jinoyatlar uchun tutib berishga rozi boʻlishi mumkin.

1. Tutib berish quyidagi hollarda amalga oshirilmaydi:

a) agar tutib berish toʻgʻrisida yuborilgan iltimosda koʻrsatilgan shaxs soʻrov oluvchi Tomonning fuqarosi boʻlsa;

b) agar tutib berishga soʻrov oluvchi Tomonning qonunchiligi boʻyicha yoʻl qoʻyilmasa yoki belgilangan muddat oʻtib ketganligi sababli yoki boshqa qonuniy asosda hukm ijro etilishi mumkin boʻlmasa;

v) agar tutib berish taqiqlangan shaxsga nisbatan soʻroq oluvchi Tomon hududida oʻshanday jinoyat uchun qonuniy kuchga kirgan hukm chiqarilgan yoki ishni olib borish toʻxtatilgan boʻlsa;

g) agar jinoyat soʻrov oluvchi Tomon hududida sodir qilingan boʻlsa.

2. Agar soʻrov oluvchi Tomon tutib berilishi kerak boʻlgan shaxs uning fuqarosi ekanligi asosida tutib berishdan voz kechsa, unda soʻrov yuboruvchi Tomon iltimosiga koʻra u jinoiy taʼqib etishni qoʻzgʻatadi. Soʻrov yuboruvchi Tomonga jinoyatga tegishli boʻlgan hujjatlar, axborot va boshqa materiallar yuboriladi. Soʻrov yuboruvchi Tomon jinoiy taʼqib etishning natijalari toʻgʻrisida xabardor qiladi.

1. Jinoiy javobgarlikka tortish uchun tutib berish toʻgʻrisidagi iltimos bilan birga qamoqqa olish toʻgʻrisidagi qarorning tasdiqlangan nusxasi, jinoiy xatti-harakat shart-sharoitlarning tavsifi va jinoyatni kvalifikatsiyalovchi qonun normasining matni boʻlishi kerak. Agar jinoyat natijasida moddiy zarar yetkazilgan boʻlsa, unda, imkoni boricha, uning miqdorini koʻrsatish lozim.

2. Hukmni ijro etish uchun tutib berish toʻgʻrisidagi iltimos bilan birga qonuniy kuchga kirgan hukmning tasdiqlangan nusxasi, shuningdek jinoyatni kvalifikatsiyalovchi qonun normasining toʻliq matni boʻlishi kerak. Agar hukm qilingan shaxs jazoning bir qismini oʻtagan boʻlsa, u tomonidan oʻtalgan muddat koʻrsatiladi.

3. Tutib berish toʻgʻrisidagi iltimos tutib berilishi soʻralayotgan shaxsning fuqaroligi va imkoni boricha, tashqi qiyofasining tavsifi, uning shaxsiga tegishli boʻlgan maʼlumotlar, yashash joyi toʻgʻrisidagi axborotni oʻz ichiga olishi va shular bilan birga fotosurat va barmoq izlari boʻlishi kerak.

4. Soʻrov yuboruvchi Ahdlashuvchi Tomon tutib berilishi soʻralayotgan shaxs tomonidan sodir etilgan xatti-harakatlarga tegishli boʻlgan dalillarni iltimosga ilova qilishga majbur emas.

Agar tutib berish toʻgʻrisidagi iltimos barcha zaruriy axborotni oʻz ichiga olmasa, soʻrov oluvchi Tomon qoʻshimcha maʼlumotlarni talab qilib olishi mumkin. Buning uchun u ikki oydan oshmaydigan, biroq uzrli sabablar boʻlganida uzaytirilishi mumkin boʻlgan muddatni belgilashi mumkin.

Tutib berish toʻgʻrisidagi iltimosni olgach, soʻrov oluvchi Tomon tutib berilishi iltimos qilingan shaxsni qamoqqa olish uchun darhol zarur choralarni koʻradi. Bu ushbu Shartnoma qoidalariga koʻra tutib berishga yoʻl qoʻyilmaydigan hollarga tegishli emas.

1. Tutib berilishi soʻralayotgan shaxs, agar soʻrov yuboruvchi Tomon bu shaxsga nisbatan vaqtincha qamoqqa olish toʻgʻrisida qaror, qonuniy kuchga kirgan hukm yoki boshqa sud qarori chiqarilganini tasdiqlasa, soʻrov yuboruvchi Tomonning iltimosnomasi boʻyicha tutib berish toʻgʻrisidagi iltimosi olinguniga qadar vaqtincha qamoqqa olinishi mumkin. Vaqtincha qamoqqa olish toʻgʻrisidagi iltimosnoma pochta, telegraf orqali yoki iltimosnoma mazmunini yozma ravishda yetkazishning har qanday boshqa usuli bilan yetkazilishi mumkin.

2. Qoldirilishi mumkin boʻlmagan hollarda Ahdlashuvchi Tomonlarning vakolatli muassasalari, ularning hududida boʻlgan shaxsni, agar bu shaxs Ahdlashuvchi Tomon hududida tutib berishni keltirib chiqaradigan jinoyatlarni sodir etganligi toʻgʻrisidagi maʼlumotlarga ega boʻlsalar, vaqtincha, istisno tariqasida 1-bandda koʻrsatilgan iltimosnomasiz qamoqqa olishlari mumkin.

3. Boshqa Ahdlashuvchi Tomon ushbu moddaning 1 va 2-bandlariga muvofiq vaqtincha qamoqqa olish vaqti toʻgʻrisida darhol xabardor qilinishi kerak.

1. Ushbu Shartnomaning 39-moddasiga binoan vaqtincha qamoqqa olingan shaxs, agar tutib berish toʻgʻrisidagi iltimos yoki qoʻshimcha maʼlumotlar toʻgʻrisidagi iltimosnoma boʻyicha hujjatlar uni qamoqqa olinganligi toʻgʻrisida boshqa Tomon xabardor qilingan daqiqadan boshlab 45 kun davomida olinmagan boʻlsa, ozod qilinishi mumkin. Soʻrov yuboruvchi Tomonning iltimosiga koʻra bu muddat 15 kunga uzaytirilishi mumkin.

2. Agar soʻrov oluvchi Ahdlashuvchi Tomon soʻrov yuboruvchi Tomonning vaqtincha qamoqqa olingan shaxsni boshqa talab qilish niyati yoʻqligi toʻgʻrisida xabardor qilingan boʻlsa, u darhol uni ozod qiladi.

1. Soʻrov oluvchi Tomon, tutib berish toʻgʻrisidagi iltimos boʻyicha qaror qabul qilgach, oʻz tomonidan, tutib berish toʻgʻrisidagi iltimosga asos boʻlganlar qatoriga kirmaydigan harakatlar uchun tegishli shaxsga qarshi jinoiy taʼqib etishni qoʻzgʻash yoki bu shaxs uning hududida jazoni oʻtashi uchun uni topshirishni kechiktirishi mumkin.

2. Topshirishni kechiktirish oʻrniga soʻrov oluvchi Tomon soʻrov yuboruvchi Tomonga soʻralgan shaxsni vaqtincha topshirishi mumkin. Vaqtincha berilgan shaxs uni berishga sabab boʻlgan protsessual harakatlar bajarilishi bilan darhol, vaqtincha berilgan daqiqadan boshlab 4 oydan kechiktirmasdan qaytarilishi kerak.

Agar bir necha davlat bitta shaxsni tutib berishni iltimos qilsa, soʻrov oluvchi Tomon bu iltimoslarning qaysi biri qondirilishi haqida qaror qabul qiladi.

1. Soʻrov oluvchi Tomonning roziligisiz tutib berilgan shaxs jinoiy tartibda taʼqib qilinishi, tutib berishgacha sodir etilgan va tutib berishga sabab boʻlmagan jinoyat uchun jazolanishi, tutib berishgacha sodir etilgan jinoyatlar tufayli uchinchi davlatga topshirilishi mumkin emas.

2. Rozilik koʻyidagi hollarda talab etilmaydi:

a) agar tutib berilgan shaxs u berilgan Ahdlashuvchi Tomon hududidan protsessual harakatlar tugatilganidan keyin yoki, hukm chiqarilgan holda, jazoni ijro etish daqikasidan boshlab bir oy davomida chiqib ketmasa. Bu muddatga tutib berilgan shaxs unga bogʻliq boʻlmagan vaziyatlarga koʻra soʻrov yuboruvchi Tomonning hududini tark eta olmagan vaqt kiritilmaydi,

b) agar tutib berilgan shaxs soʻrov yuboruvchi Tomonning hududini tark etgach, u yerga oʻz xohishiga binoan qaytgan boʻlsa.

1. Soʻrov oluvchi Tomon soʻrov yuboruvchi Tomonga tutib berish toʻgʻrisidagi oʻz qarori toʻgʻrisida xabar beradi.

2. Tutib berish toʻgʻrisidagi iltimosni toʻliq yoki qisman rad etish holida bunday qarorning sabablari soʻrov yuboruvchi Tomonga maʼlum qilinadi.

3. Tutib berishga rozilik berilgan holda soʻrov oluvchi Tomon soʻrov yuboruvchi Tomonga topshirish joyi va vaqti toʻgʻrisida xabar qiladi. Agar tutib berilishi iltimosiga rozilik olingan shaxsni soʻrov yuboruvchi Tomon belgilangan vaqtdan keyin bir oy davomida qabul qilib olmasa, u ozod etiladi.

Agar tutib berilgan shaxs odil sudlovdan bosh tortgan va soʻrov oluvchi Tomon hududiga qaytgan boʻlsa, unda soʻrov yuboruvchi Tomon tutib berish toʻgʻrisida yangi iltimos yuborganida ushbu Shartnomaning 36-moddasida koʻrsatilgan materiallarni topshirish talab etilmaydi.

1. Ahdlashuvchi Tomonlarning har biri boshqa Tomonning iltimosiga binoan bu Tomonga uchinchi davlat Tomonidan ushlab berilgan shaxslarni oʻz hududidan olib oʻtishga ruxsat beradi. Ahdlashuvchi Tomonlar ushbu Shartnoma qoidalariga binoan tutib berish zarur boʻlmagan hollarda bunga rad javobi berishlari mumkin.

2. Ahdlashuvchi Tomonlarning vakolatli muassasalari har bir konkret holda tranzitning usuli, marshruti va boshqa shartlarini kelishib oladilar.

Ahdlashuvchi Tomonlar tutib berilgan shaxslarni jinoiy taʼqib etishning natijalari toʻgʻrisida bir-birlarini oʻzaro xabardor qiladilar. Tomonlar, shuningdek iltimosga binoan bir-birlariga qonuniy kuchga kirgan hukmning nusxasini yuboradilar.

Tutib berish va vaqtincha qamoqqa olish rasmiy marosimiga faqatgina soʻrov oluvchi Tomonning qonunchiligi tatbiq etiladi.

Tutib berish toʻgʻrisidagi iltimosni asoslovchi hujjatlar bilan birga soʻrov oluvchi Tomonning tiliga, fransuz yoki ingliz tiliga qilingan tasdiqlangan tarjimasi boʻlishi kerak.

1. Ahdlashuvchi Tomonlardan birining qonuniy kuchga kirgan hukmi asosida boshqa Ahdlashuvchi Tomon hududida ozodlikdan mahrum etishga hukm qilingan fuqarolari, ikki tomonning roziligi bilan va ushbu Shartnomada koʻzda tutilgan shartlarda ular fuqarolari boʻlgan Ahdlashuvchi Tomonga shu Tomon hududida jazoni oʻtash uchun topshiriladi.

2. Mahkumni jazoni oʻtash uchun topshirish sudi hukm chiqargan Ahdlashuvchi Tomonning (hukm Davlati) iltimosiga koʻra roʻy beradi, agar boshqa Ahdlashuvchi Tomon (ijro Davlati) mahkumni qabul qilishga rozi boʻlsa.

3. Mahkum uning fuqarosi boʻlgan Ahdlashuvchi Tomon, sudi hukm chiqargan Ahdlashuvchi Tomonga mahkumni topshirish imkoni toʻgʻrisidagi masalani koʻrib chiqish iltimosi bilan murojaat qilishi mumkin.

Mahkum, shuningdek uning vakili yoki uning oila aʼzolari Ahdlashuvchi Tomonlardan birining vakolatli maʼmurlariga 50-moddada koʻzda tutilgan harakatni qoʻzgʻatish toʻgʻrisidagi iltimos bilan murojaat qilishlari mumkin.

Hukm Davlatining vakolatli muassasalari mahkumni shunday iltimos bilan murojaat etish mumkinligi toʻgʻrisida xabardor qiladilar.

Mahkumni topshirish u hukm etilishiga sabab boʻlgan jinoyat ijro Davlatining ham jinoiy qonunchiligiga muvofiq jinoyat deb hisoblansagina amalga oshiriladi.

1. Mahkumni ijro Davlatiga topshirish faqatgina mahkumning roziligi bilan amalga oshiriladi.

2. Agar mahkum oʻz roziligini tegishlicha ifodalashga qodir boʻlmasa, bunday rozilikni uning qonuniy vakilidan olish zarur.

Ijro Davlati iloji boricha qisqa muddatda hukm Davlatini mahkumni topshirishga roziligi yoki buni rad etishi toʻgʻrisida xabardor qiladi.

1. Agar Ahdlashuvchi Tomonlar topshirish toʻgʻrisida kelishib olsalar, ijro Davlatining vakolatli muassasalari qabul qilingan qarorni bajarishga majburlar.

2. Agar jazo xarakteri yoki muddatlar ijro Davlatining qonunchiligiga zid kelsa yoki ushbu davlatning qonunchiligi buni talab etsa, ijro Davlatining vakolatli muassasalari shu xildagi jinoyatlar uchun oʻz qonunchiligi koʻzda tutgan sanksiyalarga muvofiq bu jazoni ijro etishlari mumkin. Bu jazo, imkoni boricha, oʻz xarakteriga koʻra hukm bilan belgilangan jinoyatga mos kelishi kerak. Xarakteriga koʻra ham, muddatlari boʻyicha ham jazo hukm Davlatida oʻrnatilgan sanksiyalarni kuchaytirishi mumkin emas, va shu xildagi jinoyat uchun ijro Davlatining qonunchiligi koʻzda tutgan maksimumdan oshib ketishi mumkin emas.

3. Ijro Davlatining vakolatli muassasalari oʻrnatilgan faktlarga amal qilishga majbur va ozodlikdan mahrum etishni boshqa xildagi jazo bilan almashtirishlari mumkin emas.

Ijro Davlati rozi boʻlgan holda Ahdlashuvchi Tomonlarning vakolatli muassasalari mahkumni topshirish joyi, vaqti va shartlarini eng qisqa muddatlarda belgilaydilar. Mahkumni topshirish hukm Davlati hududida sodir boʻladi.

1. Jazoni ijro etish, jumladan shartli ozod etish, ijro etish Davlatining qonunchiligi bilan aniqlanadi.

2. Amnistiya hukm Davlatida boʻlganidek, ijro Davlatining ham qonunchiligi boʻyicha amalga oshiriladi.

3. Afv etish ijro Davlatining qonunchiligi boʻyicha amalga oshiriladi.

4. Faqatgina hukm Davlatining sudi ijro Davlatiga topshirilgan mahkumga nisbatan chiqarilgan ayblov hukmini qayta koʻrib chiqish toʻgʻrisidagi har qanday iltimosnomalar boʻyicha qarorlar qabul qilishga vakolatlidir.

1. Ahdlashuvchi Tomonlar hukmini ijro etishga taʼsir qila oladigan barcha vaziyatlar va xususan, amnistiya, afv etish va hukmni qayta koʻrib chiqish toʻgʻrisidagi har qanday iltimosnomalarni koʻrib chiqishning natijalari toʻgʻrisida bir-birlarini xabardor qiladilar.

2. Ijro Davlati hukm Davlatini jazoni oʻtash tugaganligi toʻgʻrisida xabardor qiladi.

Mahkumni ijro Davlatiga topshirish, imkoni boricha, 46-moddada koʻzda tutilgan shartlarga muvofiq sodir etiladi.

1. Mahkumni topshirish toʻgʻrisidagi iltimos yozma ravishda taqdim etiladi.

2. Iltimosga quyidagilar ilova qilinadi:

a) hukmning, uning qonuniy kuchga kirganligini tasdiqlash bilan, tasdiqlangan nusxasi;

b) qonunning ishlatilgan qoidalari matni;

v) mahkum toʻgʻrisida, uning fuqaroligi, yashash joyi yoki odatdagi turar joyi toʻgʻrisida imkoni boricha aniq maʼlumotlar;

g) mahkumning hukm Davlatida jazoning bir qismini oʻtaganini tasdiqlovchi hujjatlar;

d) mazmuni mahkumning roziligini aks ettiruvchi protokol;

e) iltimosni koʻrib chiqish davomida muhim boʻla oladigan har qanday boshqa hujjat.

Agar ijro Davlati unga taqdim etilgan maʼlumot va materiallarni yetarli emas deb hisoblasa, u zarur boʻlgan qoʻshimcha maʼlumotlarni talab qilishi va ularni taqdim etish muddatlarini belgilashi mumkin. Bu muddatlar asoslangan iltimosga koʻra uzaytirilishi mumkin. Qoʻshimcha axborot boʻlmaganda ijro Davlati uning ixtiyoriga taqdim etilgan maʼlumotlar va materiallar asosida qaror qabul qiladi.

Topshirish toʻgʻrisidagi iltimoslar, shuningdek ularga ilova qilingan materiallar ularning haqiqiyligini tasdiqlashni talab etmaydi va ular bilan birga ijro Davlatining tiliga, fransuz yoki ingliz tiliga qilingan tarjimalari boʻladi.

Mahkumni topshirish bilan bogʻliq boʻlgan xarajatlarni, faqatgina hukm Davlati hududida yuzaga kelgan xarajatlardan tashqari, ijro Davlati oʻz zimmasiga oladi.

Ahdlashuvchi Tomonlar oʻz qonunchiligiga muvofiq va boshqa Ahdlashuvchi Tomonning iltimosiga binoan boshqa Tomon hududida jinoyat qilgan oʻz fuqarolarini javobgarlikka tortish majburiyatini oladilar.

1. 64-moddada koʻzda tutilgan jinoiy taʼqib etishni qoʻzgʻatish maqsadida Ahdlashuvchi Tomonlar bir-birlariga quyidagi maʼlumotlarni oʻz ichiga olgan yozma iltimoslarni yoʻllaydilar:

a) soʻrov yuboruvchi muassasaning nomi;

b) iltimosda koʻrsatilgan jinoyat shu jumladan uni sodir etish vaqti va joyi, toʻgʻrisidagi maʼlumotlar;

v) gumon qilinuvchi, uning fuqaroligi va imkoni boricha, uning yashash joyi yoki boʻlish joyi toʻgʻrisidagi maʼlumotlar.

2. Iltimosga quyidagilar ilova qilinadi:

a) dastlabki tergov materiallari yoki ularning soʻrov oluvchi Tomon tilidagi tasdiqlangan nusxalari;

b) hujjatlar va jinoiy protsessda ashyoviy dalillar boʻlib xizmat qila oladigan har qanday boshqa ashyolar; bunda ushbu Shartnomaning 67-moddasining qoidalari qoʻllaniladi;

v) jinoyat sodir etilgan joyda amal qiluvchi qonunchilikka binoan sodir etilgan xatti-harakatga nisbatan qoʻllaniladigan jinoiy qonun qoidalari matni;

g) zarur boʻlganda va imkoni boʻlganda — gumon qilinuvchining fotosurati va barmoq izlari.

3. Iltimos olgan Ahdlashuvchi Tomon, boshqa Tomonni koʻrib chiqishning natijalari toʻgʻrisida xabardor qiladi va unga qonuniy kuchga kirgan hukmning nusxasini beradi.

1. Agar boshqa Tomon hududida qamoqda boʻlgan shaxslarni guvohlar sifatida tinglash zarurati yuzaga kelsa, soʻrov oluvchi Tomon bu shaxslarni soʻrov yuboruvchi Tomon hududiga ularni qamoqda ushlab turish va ularning koʻrsatmalari tinglab boʻlinishi bilan imkoni boricha qisqa muddatlarda qaytarib berish sharti bilan yoʻllashga rozilik berishi mumkin.

2. Agar uchinchi davlat hududida qamoqda boʻlgan shaxslarni guvohlar sifatida tinglash zarurati yuzaga kelsa, Ahdlashuvchi Tomonlar bu shaxslarni oʻz hududlaridan tranzit bilan olib oʻtishga ruxsat beradilar.

3. Ushbu moddaning 1 va 2-bandlarida koʻzda tutilgan hollarga, imkoni boricha, ushbu Shartnoma 28-moddasining qoidalari qoʻllaniladi.

1. Jinoyat bilan bogʻliq boʻlgan ashyolar, shuningdek jinoiy protsessda ashyoviy dalil boʻlib xizmat qila oladigan barcha boshqa ashyolar soʻrov yuboruvchi Tomonga ushbu shaxsni uning oʻlimi natijasida yoki boshqa sabablarga koʻra tutib berish mumkin boʻlmagan holda ham beriladi.

2. Soʻrov oluvchi Tomon ushbu ashyolarni berishni, agar, uning fikricha, ular boshqa jinoiy ish boʻyicha ish olib borish uchun zarur boʻlsa, vaqtincha qoldirishi mumkin.

3. Uchinchi shaxslarning berilayotgan ashyolarga huquqlari kuchda qoladi. Jinoiy ish boʻyicha ish olib borish tugatilgandan keyin ushbu ashyolar ularni manfaatdor shaxslarga topshirish maqsadida ularni taqdim etgan Tomonga qaytarib beriladi.

Ashyolarni berish va topshirish bilan bogʻliq boʻlgan xarajatlarni, faqatgina soʻrov oluvchi Tomon hududida yuzaga kelgan xarajatlardan tashqari, soʻrov yuboruvchi Tomon oʻz zimmasiga oladi.

1. Ahdlashuvchi Tomonlar bir yilda kamida bir marta boshqa Tomon fuqarolariga nisbatan chiqarilgan qonun kuchiga kirgan ayblov hukmlari toʻgʻrisida bir-birlariga axborot beradilar.

2. Ahdlashuvchi Tomonlar bir-birlariga iltimosga koʻra soʻrov oluvchi Tomon hududida hukm etilgan va soʻrov yuboruvchi Tomon hududida jinoiy javobgarlikka tortilayotgan shaxslarning sudlanganliklari toʻgʻrisidagi maʼlumotlarni taqdim etadilar.

3. 1 va 2-bandlarda koʻzda tutilgan hollarda Ahdlashuvchi Tomonlar bir-birlariga, imkoni boricha, hukm etilgan shaxslarning barmoq izlarini beradilar.

Ushbu boʻlim qoidalari Shartnoma kuchga kirgunga qadar sodir boʻlgan faktlarga tegishli boʻlgan iltimoslarga ham tatbiq etiladi.

1. Ushbu Shartnoma ratifikatsiya qilinadi va ratifikatsiya yorliqlari bilan almashilgandan soʻng 30 kun oʻtishi bilan kuchga kiradi.

2. Ushbu Shartnoma noaniq muddatga tuziladi. Har bir Ahdlashuvchi Tomon uni diplomatik yoʻl bilan denonsatsiya qilishi mumkin. Bunday holda Shartnoma denonsatsiya kunidan boshlab olti oy oʻtgach amal qilishini toʻxtadi.

Buning tasdigʻi sifatida Ahdlashuvchi Tomonlarning vakolatli vakillari ushbu Shartnomani imzoladilar va uni muhrladilar.

Anqara shahrida, 1994-yil 23-iyunida, ikki nusxada, har biri oʻzbek va turk tillarida tuzildi, bunda barcha matnlar bir xil kuchga ega.