Oʻzbekiston Respublikasining Budjet kodeksi va Oʻzbekiston Respublikasi Prezidentining 2014-yil 4-dekabrdagi PQ-2270-son “Oʻzbekiston Respublikasining 2015-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga muvofiq buyuraman:

1. Oʻzbekiston Respublikasi moliya vazirining 2010-yil 20-avgustdagi 65-son buyrugʻi (roʻyxat raqami 2146, 2010-yil 11-oktabr) (Oʻzbekiston Respublikasi qonun hujjatlari toʻplami, 2010-y., 40-41-son, 356-modda) bilan tasdiqlangan Oʻzbekiston Respublikasi budjet tasnifini qoʻllash boʻyicha yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. Nomi quyidagi tahrirda bayon etilsin:

2. 62-band “moliyaviy tashkilotlar kapitalida ishtirok etish bilan bogʻliq xarajatlar” degan soʻzlardan keyin “, vaqtinchalik boʻsh turgan mablagʻlarni depozit omonatlari va boshqa aktivlarga joylashtirish” degan soʻzlar bilan toʻldirilsin.

3. 2-ilovada:

a) 3 212 100, 3 212 101, 3 212 102, 3 212 103 qatorlar chiqarib tashlansin;

b) 3 212 000 qatordan keyin quyidagi mazmundagi qatorlar bilan toʻldirilsin:

“3 212 110 “Yagona ijtimoiy toʻlov (mikrofirma va kichik korxonalar, shuningdek fermer xoʻjaliklari tomonidan toʻlanadigan yagona ijtimoiy toʻlovdan tushadigan tushumlar bundan mustasno)”;

3 212 111 “Yagona ijtimoiy toʻlovi summasidan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga ajratmalar (mikrofirma va kichik korxonalar, shuningdek fermer xoʻjaliklari tomonidan toʻlanadigan yagona ijtimoiy toʻlovdan tushadigan tushumlar bundan mustasno)”;

3 212 112 “Yagona ijtimoiy toʻlovi summasidan Oʻzbekiston Respublikasining Bandlikka koʻmaklashish davlat jamgʻarmasiga ajratmalar (mikrofirma va kichik korxonalar, shuningdek fermer xoʻjaliklari tomonidan toʻlanadigan yagona ijtimoiy toʻlovidan tushadigan tushumlar bundan mustasno)”;

3 212 113 “Yagona ijtimoiy toʻlovi summasidan Kasaba uyushmalari Federatsiyasi Kengashiga ajratmalar (mikrofirma va kichik korxonalar, shuningdek fermer xoʻjaliklari tomonidan toʻlanadigan yagona ijtimoiy toʻlovdan tushadigan tushumlar bundan mustasno)”;

3 212 120 “Mikrofirma va kichik korxonalar tomonidan toʻlanadigan yagona ijtimoiy toʻlov summasidan tushadigan tushumlar”;

3 212 121 “Mikrofirma va kichik korxonalar tomonidan toʻlanadigan yagona ijtimoiy toʻlovi summasidan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga ajratmalar”;

3 212 122 “Mikrofirma va kichik korxonalar tomonidan toʻlanadigan yagona ijtimoiy toʻlovi summasidan Oʻzbekiston Respublikasining Bandlikka koʻmaklashish davlat jamgʻarmasiga ajratmalar”;

3 212 123 “Mikrofirma va kichik korxonalar tomonidan toʻlanadigan yagona ijtimoiy toʻlovi summasidan Kasaba uyushmalari Federatsiyasi Kengashiga ajratmalar”;

3 212 130 “Fermer xoʻjaliklari tomonidan toʻlanadigan yagona ijtimoiy toʻlov summasidan tushadigan tushumlar”;

3 212 131 “Fermer xoʻjaliklari tomonidan toʻlanadigan yagona ijtimoiy toʻlovi summasidan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga ajratmalar”;

3 212 132 “Fermer xoʻjaliklari tomonidan toʻlanadigan yagona ijtimoiy toʻlovi summasidan Oʻzbekiston Respublikasining Bandlikka koʻmaklashish davlat jamgʻarmasiga ajratmalar”;

3 212 133 “Fermer xoʻjaliklari tomonidan toʻlanadigan yagona ijtimoiy toʻlovi summasidan Kasaba uyushmalari Federatsiyasi Kengashiga ajratmalar”;

v) 3 412 201 qatorning nomi quyidagi tahrirda bayon etilsin:

“Ayrim mahsulotlarni sotib olish va sotish narxlari oʻrtasidagi, davlat budjetiga oʻtkazilishi lozim boʻlgan ijobiy farq”;

g) 3 422 220 qatordan keyin quyidagi mazmundagi qator bilan toʻldirilsin:

“3 422 221 “Ixtisoslashtirilgan savdo tarmogʻidan Oʻzbekiston Respublikasi, Rossiya Federatsiyasi va Ukrainada ishlab chiqarilgan yangi avtomobillar oluvchilar tomonidan, xarid qiymatining 3 foizi miqdorida Oʻzbekiston Respublikasi Moliya vazirligi huzuridagi Respublika yoʻl jamgʻarmasiga toʻlangan yigʻimlar”;

d) 3 450 907 qatorning nomi quyidagi tahrirda bayon etilsin:

“Egasiz mol-mulkni, meros huquqi boʻyicha davlat ixtiyoriga oʻtgan mol-mulkni, huquq boʻyicha davlat daromadiga oʻtkazilishi lozim boʻlgan xazinalarni realizatsiya qilishdan Qoraqalpogʻiston Respublikasi budjetiga, viloyatlar va Toshkent shahar mahalliy budjetlariga tushadigan tushumlar”;

e) 3 450 923 qatordan keyin quyidagi mazmundagi qator bilan toʻldirilsin:

“3 450 924 “Meros, hadya huquqi boʻyicha Oʻzbekiston Respublikasi respublika budjetiga tushumlar”;

j) 3 450 973 qatordan keyin quyidagi mazmundagi qator bilan toʻldirilsin:

“3 450 980 “Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga pensiya va nafaqalarni toʻlash bilan bogʻliq yetkazilgan zararni toʻlash”.

4. 3-ilovada 26 290 va 27 290 qatorlardagi “Hamza” degan soʻz “Yashnobod” degan soʻz bilan almashtirilsin.

5. 4-ilovada:

a) 7 019 600 qatordan keyin quyidagi mazmundagi qator bilan toʻldirilsin:

“7 019 700 “Vaqtinchalik boʻsh turgan mablagʻlarni depozit omonatlari va boshqa aktivlarga joylashtirish”;

b) 7 096 426 qatordan keyin quyidagi mazmundagi qatorlar bilan toʻldirilsin:

“7 096 427 “Sinfdan tashqari kutubxona fondini umumtaʼlim maktablarining boshlangʻich sinf oʻquvchilari uchun lotin grafikasi asosidagi asarlar bilan toʻldirish va yangilash boʻyicha xarajatlar”;

7 096 428 “Sinfdan tashqari kutubxona fondiga umumtaʼlim maktablarining boshlangʻich sinf oʻquvchilari uchun lotin grafikasi asosidagi asarlarni yetkazish boʻyicha xarajatlar”.