Mirziyoyev Sh.M. | — | O‘zbekiston Respublikasi Bosh vaziri, tashkiliy qo‘mita raisi |
Ahmedov M. | — | O‘zbekiston Yozuvchilar uyushmasi raisi, tashkiliy qo‘mita raisi o‘rinbosari |
Sultonov X.M. | — | O‘zbekiston Respublikasi Prezidentining Davlat maslahatchisi |
Ikramov A.I. | — | O‘zbekiston Respublikasi Bosh vazirining o‘rinbosari |
Basitxanova E.I. | — | O‘zbekiston Respublikasi Bosh vazirining o‘rinbosari, Respublika Xotin-qizlar qo‘mitasi raisi |
Usmonov R.J. | — | Toshkent shahar hokimi |
Axmedov B.M. | — | Madaniyat va sport ishlari vaziri o‘rinbosari |
Vaxabov A.V. | — | Oliy va o‘rta maxsus ta’lim vaziri |
Inoyatov U.I. | — | Xalq ta’limi vaziri |
Hazratqulov M. | — | O‘zbekiston Milliy axborot agentligi bosh direktori |
Xadjayev A.J. | — | O‘zbekiston Milliy teleradiokompaniyasi raisi |
Yunusov O.H. | — | Matbuot va axborot agentligi bosh direktori |
Qosimov J.M. | — | “O‘zbekkino” Milliy agentligi bosh direktori |
Jalilova F. | — | “Saodat” jurnali bosh muharriri |
Olimjonova R. | — | Zulfiya asarlarini nashrga tayyorlovchi |
Quronboyev Q.Q. | — | Respublika Ma’naviyat targ‘ibot markazi rahbari |
G‘aniyev B.M. | — | “Kamolot” yoshlar ijtimoiy harakati Markaziy Kengashi raisi |
O‘zbekiston Respublikasi Prezidentining qarori, 31.10.2014 yildagi PQ-2256-son
Дата вступления в силу
10.11.2014
Рус
Ўзб
O’zb
O‘zb|Рус
Hujjat kuchini yo‘qotgan 28.09.2020
|
LexUZ sharhi
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
Betakror iste’dodi, Vatanga muhabbat, vafo va sadoqat tuyg‘usini, oliyjanob insoniy fazilatlarni yuksak pardalarda tarannum etgan yetuk badiiy asarlari, ibratli hayoti va ijtimoiy faoliyati bilan milliy adabiyotimiz va madaniyatimiz rivojiga, xalqimiz ma’naviyatini yuksaltirishga qo‘shgan ulkan hissasini inobatga olib hamda tavalludining 100 yilligini munosib nishonlash maqsadida:
1. O‘zbekiston Yozuvchilar uyushmasi, Madaniyat va sport ishlari vazirligi, Respublika Ma’naviyat targ‘ibot markazi, Respublika xotin-qizlar qo‘mitasi, “Kamolot” yoshlar ijtimoiy harakati va jamoatchilik vakillarining O‘zbekiston xalq shoiri Zulfiya tavalludining 100 yilligini mamlakatimiz miqyosida keng nishonlash to‘g‘risidagi taklifi ma’qullansin.
2. O‘zbekiston xalq shoiri Zulfiya tavalludining 100 yilligini nishonlash bo‘yicha tashkiliy qo‘mita tarkibi ilovaga muvofiq tasdiqlansin.
3. Tashkiliy qo‘mita bir oy muddatda O‘zbekiston xalq shoiri Zulfiya tavalludining 100 yilligini yuqori saviyada nishonlash bo‘yicha tegishli chora-tadbirlar rejasini ishlab chiqsin.
shoiraning o‘zbek tilida “Saylanma” asarlarini, ingliz va qoraqalpoq tillariga tarjima qilingan she’riy to‘plamlarini;
O‘zbekiston Fanlar akademiyasi Alisher Navoiy nomidagi Til va adabiyot institutida “Mustaqillik davri adabiyotida Zulfiya ijodining ahamiyati” mavzusida ilmiy konferensiya o‘tkazish;
mamlakatimizdagi oliy va o‘rta maxsus, kasb-hunar, umumiy o‘rta ta’lim muassasalari, harbiy qismlar, mehnat jamoalari va mahallalarda taniqli adib va olimlar, san’atkorlar ishtirokida uchrashuvlar, adabiy kechalar tashkil etish;
2015-yil mart oyida Toshkent shahridagi “Turkiston” saroyida ziyolilar, faol xotin-qizlar, Zulfiya nomidagi Davlat mukofoti sovrindorlari hamda keng jamoatchilik ishtirokida shoira xotirasiga bag‘ishlangan ijodiy kecha o‘tkazish tadbirlari ko‘zda tutilsin.
4. O‘zbekiston Milliy axborot agentligi, O‘zbekiston Milliy teleradiokompaniyasi va boshqa ommaviy axborot vositalariga O‘zbekiston xalq shoiri Zulfiya tavalludining 100 yilligini nishonlash bilan bog‘liq tadbirlarni keng yoritish tavsiya etilsin.
5. Mazkur qarorning bajarilishini nazorat qilish O‘zbekiston Respublikasi Bosh vaziri Sh. Mirziyoyev zimmasiga yuklansin.