“Xorijdan mablag‘ jalb qilish to‘g‘risida” O‘zbekiston Respublikasi Qonuniga muvofiq hamda jalb etiladigan xorijiy kreditlar bo‘yicha O‘zbekiston Respublikasi kafolatlarini berish mexanizmini takomillashtirish maqsadida Vazirlar Mahkamasi qaror qiladi:
O‘zbekiston Respublikasi kafolatlari faqat O‘zbekiston Respublikasi Vazirlar Mahkamasi qarorlari asosida beriladi;
xorijiy kreditlar va qarzlar bo‘yicha O‘zbekiston Respublikasi kafolatlarini berish to‘g‘risidagi takliflar Vazirlar Mahkamasiga faqat O‘zbekiston Respublikasi Moliya vazirligi tomonidan kiritiladi.
2. Jalb etiladigan xorijiy kreditlar bo‘yicha O‘zbekiston Respublikasi kafolatlarini berish tartibi to‘g‘risidagi Nizom ilovaga muvofiq tasdiqlansin.
3. O‘zbekiston Respublikasi Moliya vazirligi, Markaziy banki va Adliya vazirligi bir oy muddatda O‘zbekiston Respublikasi kafolatlari berilganligi uchun to‘lov undirish tartibini ishlab chiqsinlar va tasdiqlash uchun Vazirlar Mahkamasiga kiritsinlar, bunda ushbu normaning 2004-yil 1-yanvardan boshlab joriy etilishini nazarda tutsinlar.
4. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda Vazirlar Mahkamasiga amaldagi qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida takliflar kiritsin.
5 Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari R. S. Azimov va E. M. G‘aniyev zimmasiga yuklansin.
1. Jalb etiladigan xorijiy kreditlar yuzasidan O‘zbekiston Respublikasi rezidentlarining majburiyatlari bo‘yicha kreditorlarga O‘zbekiston Respublikasi kafolatlarini berish tartibini belgilaydi.
2. Yuridik shaxslar – rezidentlar majburiyatlari bo‘yicha O‘zbekiston Respublikasi kafolatlari xorijiy kreditorlarga xorijiy davlatlar, banklar yoki yuridik shaxslar bilan tuzilgan tashqi qarzlarni olish to‘g‘risidagi shartnomalar bo‘yicha beriladi.
Istisno hollarda O‘zbekiston Respublikasi kafolatlari O‘zbekiston Respublikasining tijorat banklariga O‘zbekiston Respublikasi kafolati ostida olingan xorijiy kreditlarni qayta moliyalashtirish yoki ular bo‘yicha davlat budjeti mablag‘lari kreditlarni qaytarish manbai etib belgilangan strategik va ijtimoiy ahamiyatga ega bo‘lgan loyihalarning moliyalashtirilishini ta’minlash uchun beriladi.
3. O‘zbekiston Respublikasi kafolatlari har yili O‘zbekiston Respublikasi Oliy Majlisi tomonidan tasdiqlanadigan davlat tashqi qarzining cheklangan miqdori doirasida beriladi.
4. O‘zbekiston Respublikasi kafolatlari faqat O‘zbekiston Respublikasi Vazirlar Mahkamasi qarorlari asosida beriladi.
Xorijiy kreditlar va qarzlar bo‘yicha O‘zbekiston Respublikasi kafolatlarini berish to‘g‘risidagi takliflar Vazirlar Mahkamasiga faqat O‘zbekiston Respublikasi Moliya vazirligi tomonidan kiritiladi.
O‘zbekiston Respublikasi Moliya vazirligi jalb etiladigan xorijiy kreditlar bo‘yicha texnik-iqtisodiy asoslashga doir materiallarni, shuningdek ularga muvofiq O‘zbekiston Respublikasi rezidentlarining norezidentlar oldidagi biron-bir majburiyatlari nazarda tutiladigan hujjatlarni oldindan ko‘rib chiqadi va ular yuzasidan O‘zbekiston Respublikasi Vazirlar Mahkamasiga xulosa kiritadi.
O‘zbekiston Respublikasi kafolatlari, qoidaga ko‘ra, ustav jamg‘armalaridagi davlat ulushi 50 foizdan kam bo‘lgan yuridik shaxslarning loyihalarini ta’minlash uchun berilmaydi, Hukumat qarorlarida nazarda tutilgan hollar bundan mustasno.
5. O‘zbekiston Respublikasi kafolatlari xorijiy kreditorlarga qarz oluvchi tomonidan kreditor to‘g‘risida keyingi uch moliya yili uchun e’lon qilingan yillik hisobotlar asosida axborot taqdim etilgan taqdirda beriladi.
6. O‘zbekiston Respublikasi tomonidan kafolatlangan kredit (qarz bitimlari shartlariga o‘zgartirishlar kiritish, shuningdek ushbu bitimlar shartlarining o‘zgartirilishi bilan bog‘liq bo‘lgan O‘zbekiston Respublikasi kafolatlarini berish, agar O‘zbekiston Respublikasining xalqaro shartnomalarida boshqacha qoida nazarda tutilmagan bo‘lsa, O‘zbekiston Respublikasi Vazirlar Mahkamasi Raisining yoki Bosh vazirining yozma topshirig‘iga ko‘ra amalga oshiriladi.
7. Vazirlar Mahkamasi qarori qabul qilingandan keyin O‘zbekiston Respublikasi kafolatlarini olish uchun qarz oluvchi, xorijiy kredit qayta moliyalashtirilgan taqdirda esa — subqarz oluvchi bilan birgalikda O‘zbekiston Respublikasi Moliya vazirligiga quyidagi hujjatlarni taqdim etadi:
a) ularga muvofiq O‘zbekiston Respublikasi rezidentlarining norezidentlar oldidagi biron-bir majburiyatlari nazarda tutilgan hujjatlar, ular asosida tashqi qarzlar jalb etiladigan yoki ular bo‘yicha jalb etiladigan tashqi qarzlar olinishi munosabati bilan qarz oluvchi (subqarz oluvchi) majburiyatlari paydo bo‘ladigan hujjatlarning asl nusxa tilidagi nusxalari, shuningdek ularning rasmiy tasdiqlangan davlat yoki rus tiliga tarjimasi, shu jumladan:
kredit (qarz/subqarz) bitimi loyihalari, O‘zbekiston Respublikasi kafolati va kafolat bitimi matnlari;
Oldingi tahrirga qarang.
O‘zbekiston Respublikasi Tashqi iqtisodiy aloqalar, investitsiyalar va savdo vazirligining kontraktlar bo‘yicha xulosalari;
(7-bandi “a” kichik bandining uchinchi xatboshisi O‘zbekiston Respublikasi Vazirlar Mahkamasining 2005-yil 8-sentabrdagi 206-son qarori tahririda — O‘zbekiston Respublikasi Qonun hujjatlari to‘plami, 2005-y., 34—36-son, 264-modda)
b) jalb etiladigan kreditlarni o‘zlashtirish va qaytarishning qarz oluvchi tomonidan imzolangan prognoz jadvallari;
g) qarz oluvchi (subqarz oluvchi) va/yoki Kafolatchi tomonidan qabul qilinadigan majburiyatlarga taalluqli boshqa hujjatlar.
Agar O‘zbekiston Respublikasi kafolati bazis (kelishilgan) kredit (qarz) bitimlari bo‘yicha beriladigan bo‘lsa, u holda faqat ushbu bandning “a” kichik bandi ikkinchi xatboshida ko‘rsatilgan hujjatlar taqdim etiladi.
Bazis (kelishilgan) kredit (qarz) bitimi deyilganda aniq loyihalar ko‘rsatilmasdan, moliyalashtirishning umumiy shartlari belgilanadigan, banklar o‘rtasida imzolanadigan bitim tushuniladi.
8. O‘zbekiston Respublikasi Moliya vazirligi ushbu Nizomning 7-bandida ko‘rsatilgan hujjatlar olingan vaqtdan boshlab ikki hafta muddatda:
mulohazalar va takliflar mavjud bo‘lgan taqdirda ularni qarz oluvchiga (subqarz oluvchiga) puxta ishlash uchun yozma ravishda jo‘natadi;
mulohazalar mavjud bo‘lmaganda O‘zbekiston Respublikasi kafolatini berishga tayyor ekanlik to‘g‘risida tegishli tasdiqnoma-xatni jo‘natadi.
9. Moliya vazirligining tegishli tasdiqnoma-xati olingach qarz oluvchi xorijiy kreditor bilan kredit (qarz) bitimini tuzadi, bitimning asli va nusxasi taqdim etilgandan keyin Moliya vazirligi qarz oluvchi (subqarz oluvchi) bilan bir hafta muddatda kafolat bitimini tuzadi.
10. Kafolat bitimi tuzilgach O‘zbekiston Respublikasi Moliya vazirligi uch kun mobaynida O‘zbekiston Respublikasi kafolatini va kredit (qarz) bitimni rasmiylashtiradi hamda ro‘yxatdan o‘tkazadi, so‘ngra O‘zbekiston Respublikasi kafolatini va kredit (qarz) bitimining asl nusxasini xorijiy kreditorga taqdim etadi.
O‘zbekiston Respublikasi kafolati va kredit (qarz) bitimi alohida daftarlarda ro‘yxatdan o‘tkaziladi, ularda kafolatnoma berishga va kredit (qarz) bitimini imzolashga asos bo‘lgan O‘zbekiston Respublikasi Vazirlar Mahkamasining qarori chiqqan sana va uning tartib raqami, kafolatlangan majburiyatlar miqdori, kafolatning ro‘yxatdan o‘tkazish tartib raqami va berilgan sanasi, kredit (qarz) bitimining ro‘yxatdan o‘tkazish tartib raqami, xorijiy kreditor, xorijiy kredit qayta moliyalashtirilgan taqdirda esa — respublikaning qayta moliyalashtiruvchi tijorat banki, qarz oluvchi (subqarz oluvchi) — O‘zbekiston Respublikasi rezidenti ko‘rsatiladi. Ko‘rsatib o‘tilgan daftarlar tartib raqami qo‘yilgan , ip o‘tkazib tikilgan, O‘zbekiston Respublikasi Moliya vaziri tomonidan imzolangan va Moliya vazirligining gerbli muhri qo‘yilgan bo‘lishi kerak.
11. O‘zbekiston Respublikasi Moliya vazirligi va qarz oluvchi (subqarz oluvchi) o‘rtasida tuziladigan kafolat bitimiga muvofiq qarz oluvchi (subqarz oluvchi):
a) to‘lovlarni o‘z vaqtida amalga oshirishi, shuningdek O‘zbekiston Respublikasi tomonidan kafolatlangan kredit (qarz/subqarz) bitimida nazarda tutilgan barcha majburiyatlarni bajarishi;
v) qarz oluvchi tomonidan Moliya vazirligi oldidagi shartnoma majburiyatlari bajarilmagan taqdirda qarz oluvchi Moliya vazirligi bilan kelishmasdan foydani taqsimlash va boshqa qarzlar bo‘yicha to‘lovlarni amalga oshirish huquqiga ega emas.
12. Moliya vazirligi pul mablag‘larini qarz oluvchining va subqarz oluvchining (subqarz oluvchining majburiyatlari bo‘yicha O‘zbekiston Respublikasi kafolati berilgan taqdirda) istalgan hisob raqamidan istalgan valyutada so‘zsiz undirish huquqiga ega.
Qarz oluvchi (subqarz oluvchi)ning hisob raqamlaridan pul mablag‘larini ko‘chirish to‘lovlarni budjetga ko‘chirish uchun belgilangan tartibda amalga oshiriladi.
13. O‘zbekiston Respublikasi tomonidan kafolatlangan xorijiy kreditlarni hisobga olish va ularning harakatini kuzatish O‘zbekiston Respublikasi Moliya vazirligi hamda mazkur kreditlarga xizmat ko‘rsatuvchi vakolatli banklar tomonidan amalga oshiriladi.
14. Qarz oluvchi kafolat amalda bo‘lgan muddat mobaynida O‘zbekiston Respublikasi Moliya vazirligiga:
qarz oluvchi (subqarz oluvchi)ning O‘zbekiston Respublikasi tomonidan kafolatlangan majburiyatlari bajarilishi to‘g‘risida Moliya vazirligi tomonidan belgilanadigan shakl bo‘yicha hisobotlarni har oyda, oyning beshinchi kunidan kechikmay;
qarz oluvchi (subqarz oluvchi)ning auditor tashkilot tomonidan tasdiqlangan moliyaviy hisobotini har yili, hisobot yilidan keyingi yilning 1-iyulidan kechikmay taqdim etishi shart.