Ko‘mir tarmog‘i korxonalarini texnika bilan qayta jihozlash va rekonstruksiya qilish bo‘yicha belgilangan parametrlarning so‘zsiz bajarilishini ta’minlash, ularni zamonaviylashtirish uchun xorijiy investitsiyalarni jalb etish, qazib olinayotgan ko‘mir tannarxini pasaytirish hamda elektr va issiqlik energiyasi ishlab chiqarishda uning yoqilg‘i tarkibidagi salmog‘ini ko‘paytirish maqsadida Vazirlar Mahkamasi qaror qiladi:
1. “O‘zbekenergo” davlat-aksiyadorlik kompaniyasi (E.Shoismatov) va “Ko‘mir” aksiyadorlik birlashmasi (A.Klimenko) rahbariyatiga ko‘mir qazib olish korxonalarini rekonstruksiya qilish va texnika bilan qayta jihozlash loyihalarini amalga oshirishning belgilangan muddatlariga rioya etilmaganligi, ko‘mir tannarxini pasaytirish, ishlab chiqarish rentabelligini oshirish va ko‘mir tarmog‘ining moliyaviy ahvolini mustahkamlash bo‘yicha ta’sirchan iqtisodiy chora-tadbirlar ko‘rilmaganligi ko‘rsatib o‘tilsin.
2. “O‘zbekenergo” davlat-aksiyadorlik kompaniyasi va “Ko‘mir” aksiyadorlik birlashmasi tomonidan O‘zbekiston Respublikasi Iqtisodiyot vazirligi va Moliya vazirligi bilan birgalikda ishlab chiqilgan “Ko‘mir” aksiyadorlik birlashmasi korxonalarida ko‘mir qazib olish tannarxini pasaytirish chora-tadbirlari dasturi ilovaga muvofiq tasdiqlansin.
“O‘zbekenergo” davlat-aksiyadorlik kompaniyasi va “Ko‘mir” aksiyadorlik birlashmasi rahbarlariga Dasturda nazarda tutilgan chora-tadbirlarning to‘liq va o‘z vaqtida amalga oshirilishi uchun shaxsiy javobgarlik yuklansin.
3. Ko‘mir tannarxining asossiz o‘sishiga yo‘l qo‘ymaslik maqsadida O‘zbekiston Respublikasi Moliya vazirligi, “O‘zbekenergo” davlat-aksiyadorlik kompaniyasi va “Ko‘mir” aksiyadorlik birlashmasi ishlab chiqarish xarajatlari tarkibi o‘zgarishi ustidan qat’iy monitoring o‘rnatsinlar, 1 tonna ko‘mir qazib olish uchun moddalar bo‘yicha cheklangan xarajatlarni tasdiqlasinlar.
4. Vazirlar Mahkamasining “Ko‘mir” aksiyadorlik birlashmasi tuzilmasini takomillashtirish va 2002—2010-yillarda respublika ko‘mir sanoatini rivojlantirish Dasturini amalga oshirish chora-tadbirlari to‘g‘risida” 2002-yil 4-iyundagi 196-son qaroriga muvofiq:
“Angren” konini texnika bilan qayta jihozlashning yiliga 4,5 mln kub.metr kon ochadigan birinchi bosqichi obyektlari qurilishi bo‘yicha ishlar tugallanganligi;
“Angren” koni obyektlarini texnika bilan qayta jihozlash uchun “Kon-texnika asbob-uskunalarini ta’mirlash zavodi” ochiq aksiyadorlik jamiyatida importning o‘rnini bosuvchi mahsulotlar ishlab chiqarish yo‘lga qo‘yilganligi;
sotish bozorini kengaytirish, eksportbop mahsulotlar ishlab chiqarish hajmlarini ko‘paytirish uchun 2003-yil iyul oyida “Boysunko‘mir” ochiq aksiyadorlik jamiyatida qadoqlangan ko‘mir briketlari ishlab chiqarish o‘zlashtirilganligi;
“Ko‘mir” aksiyadorlik birlashmasi tomonidan 2003-yil oktyabr oyidan boshlab “Angren” konini texnika bilan qayta jihozlashning ikkinchi bosqichini amalga oshirish boshlanishi ma’lumot uchun qabul qilinsin.
5. O‘zbekiston Respublikasi Iqtisodiyot vazirligi, Moliya vazirligi, “O‘zbekenergo” davlat-aksiyadorlik kompaniyasi va “Ko‘mir” aksiyadorlik birlashmasining Ko‘mir tarmog‘ini texnika bilan qayta jihozlash va zamonaviylashtirish maqsadli jamg‘armasini (keyingi o‘rinlarda Jamg‘arma deb ataladi) tashkil etish to‘g‘risidagi taklifiga rozilik berilsin.
Oldingi tahrirga qarang.
ko‘mir sanoati korxonalarining amaldagi qonunchilikka muvofiq soliqlar va majburiy to‘lovlar to‘langandan keyin qoladigan foydasining bir qismi;
(5-bandning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
(5-bandning to‘rtinchi xatboshisi O‘zbekiston Respublikasi Vazirlar Mahkamasining 2005-yil 22-yanvardagi 28-son qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2005-y., 3-4-son, 24-modda)
2003-yil sentyabr oyidan boshlab elektr energiyasi iste’molchilari uchun imtiyozli tariflarni bekor qilish natijasida “O‘zbekenergo” davlat-aksiyadorlik kompaniyasi oladigan qo‘shimcha sof daromadining 40 foizi;
Oldingi tahrirga qarang.
(5-bandning beshinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Jamg‘arma mablag‘laridan faqat “Angren” konini texnika bilan qayta jihozlashda, “Apartak” uchastkasini rekonstruksiya qilishni moliyalashtirishda, ko‘mir sanoatini zamonaviylashtirish uchun jalb qilinadigan xorijiy kreditlarni qoplashda foydalaniladi;
Oldingi tahrirga qarang.
“O‘zbekenergo” davlat-aksiyadorlik kompaniyasi qo‘shimcha sof daromadining Jamg‘arma orqali ko‘mir sanoatini texnika bilan qayta jihozlash va zamonaviylashtirishga yo‘naltiriladigan bir qismi ko‘mir qazib oluvchi korxonalarning foyda solig‘ining soliq solinadigan bazasiga kiritilmaydi;
(6-bandning uchinchi xatboshi O‘zbekiston Respublikasi Vazirlar Mahkamasining 2009-yil 17-iyundagi 168-sonli qarori tahririda — O‘R QHT, 2009-y., 25-son, 288-modda)
2004-yildan boshlab Angren ko‘mir koni obyektlarini texnika bilan qayta jihozlash uchun kapital qo‘yilmalar “O‘zbekenergo” davlat-aksiyadorlik kompaniyasining markazlashtirilgan mablag‘lar, Jamg‘arma mablag‘lari va tarmoqning o‘z resurslari hisobiga amalga oshiriladigan qurilishlari aniq ro‘yxatiga kiritiladi.
“O‘zbekenergo” davlat-aksiyadorlik kompaniyasi O‘zbekiston Respublikasi Moliya vazirligi bilan birgalikda bir oy muddatda Jamg‘arma mablag‘larini shakllantirish va ulardan maqsadli foydalanish tartibi to‘g‘risidagi nizomni ishlab chiqsin va tasdiqlasin.
7. “Ko‘mir” aksiyadorlik birlashmasi korxonalari va tashkilotlariga olinadigan elektr energiyasi uchun energiya tizimining xo‘jalik ehtiyojlari uchun belgilanadigan X tarif guruhi tariflari bo‘yicha haq to‘lash tartibi joriy etilsin.
9. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari K.N. To‘laganov zimmasiga yuklansin.
T/r | Chora-tadbirlar nomi | Bajarish muddati | Kutilayotgan samara (yiliga mln so‘m) | Mas’ullar |
1. | Tashkiliy tadbirlar | 1610 | ||
1.1. | “Apartak” OAJ, “Ko‘mirenergo” OAJ, “Kon-texnika asbob-uskunalarini ta’mirlash zavodi” OAJ, “Belazko‘mir” OAJ, “Ko‘mir qurilish” OAJ, “Aloqako‘mir” OAJni “Ko‘mir” aksiyadorlik birlashmasining tarkibiy bo‘linmalariga aylantirib va ortiqcha boshqaruv xodimlarini keskin qisqartirgan holda ko‘mir tarmog‘ining boshqarish tuzilmasini takomillashtirish | 2003-yil oktyabr | 1050 | Ma’muriy islohotlarni chuqurlashtirish va iqtisodiyotni boshqarish tuzilmasini takomillashtirish bo‘yicha takliflar tayyorlash Respublika komissiyasi, Vazirlar Mahkamasining Yoqilg‘i-energetika kompleksi, Iqtisodiyot vazirligi, Davlat mulki qo‘mitasi, “O‘zbekenergo” DAK, “Ko‘mir” AB |
1.2. | Yordamchi korxonalar (“Texta’minot” OAJ, “Avtoko‘mir” OAJ, “Informugol” OAJ, “Gornyak” OAJ, “Loyiha qidiruv” MChJ, “Texesko” MChJ, “Angrenko‘mirta’minot” MChJ, “Gornyak” sanatoriy-profilaktoriysi)ni tegishli xizmatlar ko‘rsatish yuzasidan tanlov asosida shartnomalar tuzishga o‘tgan holda “Ko‘mir” aksiyadorlik birlashmasi tarkibidan chiqarish | 2003-yil oktyabr | 560 | Ma’muriy islohotlarni chuqurlashtirish va iqtisodiyotni boshqarish tuzilmasini takomillashtirish bo‘yicha takliflar tayyorlash Respublika komissiyasi, Vazirlar Mahkamasining Yoqilg‘i-energetika kompleksi, Iqtisodiyot vazirligi,Davlat mulki qo‘mitasi, “O‘zbekenergo” DAK, “Ko‘mir” AB |
2. | Moliyaviy nazoratni kuchaytirish | 1590 | ||
2.1. | 1 tonna ko‘mir hisobiga xarajatlarning asosiy moddalari bo‘yicha xarajatlarning cheklangan summalarini tasdiqlash hamda xarajatlarning asossiz o‘sishi aniqlangan moddalar bo‘yicha limitlarni kamaytirish | har chorakda | 1590 | Moliya vazirligi, “O‘zbekenergo” DAK, “Ko‘mir” AB |
3. | Ko‘mir qazib chiqarish va kon ochish ishlari texnologiyasini takomillashtirish | 2530 | ||
3.1. | Transport xarajatlarini kamaytirish maqsadida konning Shimoliy uchastkasida kon jinslarini ichki qatlamlarga to‘kish | 2003-2004-yillar | 1680 | “Ko‘mir” AB |
3.2. | “Angren” koni o‘ngirlaridan ko‘mirni foydalanib kelingan avtomobil transportida tashish o‘rniga lentali konveyer liniyalarida tashishni amalga oshirish | 2003-yil IV chorak | 70 | “Ko‘mir” AB |
3.3. | “1 bis” yuklash pun�tida ko‘mirni temir yo‘l transportida tashishga barham berish maqsadida “Angren” konida ikkinchi yuklash punktini qurish va foydalanishga topshirish | 2003-yil IV chorak | 270 | “Ko‘mir” AB |
3.4. | “Angren” konidan birlashtirish yo‘llari bo‘lgan “Apartak” yuklash temir yo‘l stansiyasini qurish va foydalanishga topshirish | 2006-yildan boshlab | 105 | “Ko‘mir” AB |
3.5. | Kuzatib borish yo‘li bilan ko‘chkilar hajmini kamaytirish va tegishli uchastkalarda ko‘chkilarga qarshi chora-tadbirlarni bajarish | doimo | 405 | “Ko‘mir” AB |
4. | Import o‘rnini to‘ldirish va ishlab chiqarishni mahalliylashtirish | 125 | ||
4.1. | “Boysunko‘mir” OAJ, “Kon-texnika asbob-uskunalarini ta’mirlash zavodi” OAJ va “Ko‘mir” aksiyadorlik birlashmasining boshqa korxonalari tomonidan ishlab chiqariladigan mahsulotlar (ko‘mir briketlari, konveyer seksiyalari, ehtiyot qismlar) turini ko‘paytirish | 2003-2010-yillar | 125 | “Ko‘mir” AB |
5. | Energiyani tejash bo‘yicha chora-tadbirlar | 1330 | ||
5.1. | “Angren” konini texnik qayta jihozlash I bosqichining tugallanishi munosabati bilan kon ochishga elektr energiyasi sarfini kamaytirish | 2004-yil | 700 | “O‘zbekenergo” DAK, “Ko‘mir” AB |
5.2. | Uskunalarni elektr energiyasi bilan ta’minlash hamda manbalardan himoya qilish bo‘yicha taqsimlovchi qurilmani ishga tushirish | 2004-yil II chorak | 630 | “O‘zbekenergo” DAK, “Ko‘mir” AB |
JAMI: | 7185 | |||