Aholi punktlarini va qishloqlararo hududlarni rivojlantirishni rejalashtirish to‘g‘risidagi hujjatlarni ishlab chiqish, kelishish va tasdiqlash tartibini takomillashtirish yo‘li bilan O‘zbekiston Respublikasining aholi punktlarini va qishloqlararo hududlarini sifatli shaharsozlik hujjatlari bilan ta’minlashni yaxshilash maqsadida Vazirlar Mahkamasi qaror qiladi:

1. O‘zbekiston Respublikasi “Davarxitektqurilish” qo‘mitasi, Davlat statistika qo‘mitasi tomonidan Qoraqalpog‘iston Respublikasi Vazirlar Kengashi, viloyatlar hokimliklari bilan birgalikda aholi punktlari va qishloqlararo hududlarning tegishli ravishda qishloqlar (ovullar) fuqarolar yig‘ini hududlarini arxitektura-rejalashtirishni tashkil etish bosh rejalari va loyihalari (keyingi o‘rinlarda shaharsozlik hujjatlari deb ataladi) bilan ta’minlanganligi xatlovdan o‘tkazilganligi ma’lumot uchun qabul qilinsin.

2. Quyidagilarni (keyingi o‘rinlarda dastur deb ataladi):

2015-2018-yillarda respublika shaharlari va shahar posyolkalarining bosh rejalari loyihalarini ishlab chiqish dasturi 1-ilovaga* muvofiq;

2015-2018-yillarda aholisi 5 ming nafardan ko‘p bo‘lgan qishloqlar (ovullar) fuqarolar yig‘inlari hududlarini arxitektura-rejalashtirishni tashkil etish (qurilishning birinchi navbati ajratib ko‘rsatilgan holda) loyihalarini ishlab chiqish dasturi 2-ilovaga* muvofiq;

2015-2018-yillarda aholisi 5 ming nafardan kam bo‘lgan qishloqlar (ovullar) fuqarolar yig‘inlari hududlarini arxitektura-rejalashtirishni tashkil etish (qurilishning birinchi navbati ajratib ko‘rsatilgan holda) loyihalarini ishlab chiqish dasturi 3-ilovaga* muvofiq tasdiqlansin.

3. Belgilab qo‘yilsinki, dasturlarni moliyalashtirish O‘zbekiston Respublikasi “Davarxitektqurilish” qo‘mitasining asoslangan hisob-kitoblariga binoan:

shaharlar va shahar posyolkalarining bosh rejalari, aholi punktlari qismlarini batafsil rejalashtirish loyihalari, shahar chegarasi loyihalari, kompleks muhandislik izlanishlarini o‘tkazish, aholi punktlarining mikroseysmorayonlashtirish xaritalarini, favqulodda vaziyatlar yuzaga kelganda aholini muhofaza qilish sxemalari va bo‘limlarini tuzish, ekologiya ekspertizasi xulosalari, aholisi (fuqarolar yig‘ini organlari joylashgan aholi punktidagi yashovchilar soni) 5 ming nafardan ko‘p bo‘lgan fuqarolar qishloq yig‘inlari hududlarini arxitektura-rejalashtirishni tashkil etish loyihalarini ishlab chiqish, shaharsozlik hujjatlarini ekspertizadan o‘tkazish — nazarda tutilgan budjet mablag‘lari, shu jumladan, markazlashtirilgan kapital qo‘yilmalar doirasida O‘zbekiston Respublikasi respublika budjeti mablag‘lari hisobiga amalga oshiriladi;

aholisi (fuqarolar yig‘ini organlari joylashgan aholi punktidagi yashovchilar soni) 5 ming nafardan kam bo‘lgan fuqarolar qishloq yig‘inlari hududlarini arxitektura-rejalashtirishni tashkil etish loyihalari, ekologiya ekspertizasi xulosalari, shaharsozlik hujjatlarini ekspertizadan o‘tkazish — Qoraqalpog‘iston Respublikasi budjeti, viloyatlar va Toshkent shahar mahalliy budjetlari mablag‘lari hisobiga amalga oshiriladi.

Belgilansinki, O‘zbekiston Respublikasining Investitsiya loyihalari doirasida ishlab chiqiladigan shaharsozlik hujjatlarini davlat ekologiya ekspertizasidan o‘tkazish ishlarining qiymati indeksatsiya qilinmaydi va bo‘lajak yillar loyiha-qidiruv ishlarining tasdiqlangan manzilli ro‘yxatlari bilan belgilangan summalar miqdorida moliyalashtiriladi.

4. O‘zbekiston Respublikasi Iqtisodiyot vazirligi va Moliya vazirligi 2015-yildan boshlab, O‘zbekiston Respublikasi “Davarxitektqurilish” qo‘mitasining asoslangan hisob-kitoblari bo‘yicha, har yili O‘zbekiston Respublikasi Davlat budjeti va Investitsiya dasturi loyihalarini shakllantirishda ushbu qaror bilan tasdiqlangan dasturlarni amalga oshirishni moliyalashtirishga zarur mablag‘larni nazarda tutsinlar.

5. Quyidagilar:

“O‘zshaharsozlikLITI” davlat unitar korxonasi va “ToshkentboshplanLITI” davlat unitar korxonasi — bosh rejalar loyihalarini hamda shaharlar va shahar posyolkalari hududlari qismlarini batafsil rejalashtirish loyihalarini, shuningdek shahar chegarasi loyihalarini ishlab chiquvchilar etib;

“Qishloqqurilishloyiha” mas’uliyati cheklangan jamiyat — aholisi (fuqarolar yig‘ini organlari joylashgan aholi punktidagi yashovchilar soni) 5 ming nafardan ko‘p bo‘lgan qishloqlar (ovullar) fuqarolar yig‘inlari hududlarini arxitektura-rejalashtirishni tashkil etish loyihalarini ishlab chiquvchi etib;

tanlov asosida mahalliy ijro etuvchi hokimiyat organlari tomonidan aniqlanadigan shaharsozlik hujjatlarini ishlab chiqish bo‘yicha faoliyatni amalga oshirish huquqi uchun litsenziyaga ega bo‘lgan loyihalash tashkilotlari — aholisi (fuqarolar yig‘ini organlari joylashgan aholi punktidagi yashovchilar soni) 5 ming nafardan kam bo‘lgan qishloqlar (ovullar) fuqarolar yig‘inlari hududlarini arxitektura-rejalashtirishni tashkil etish loyihalarini ishlab chiquvchilar etib;

“O‘zGAShKLITI” davlat unitar korxonasi — kompleks muhandislik-texnik izlanishlarni o‘tkazish (topografik xaritalar va rejalarni tuzish, shaharsozlik hujjatlarini ishlab chiqish uchun muhandislik-geologiya izlanishlarini o‘tkazish) ishlarini bajaruvchi etib belgilansin.

6. Ushbu qaror bilan tasdiqlangan dasturlarni amalga oshirish bo‘yicha buyurtmachi funksiyasi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi xizmati” injiring kompaniyalariga yuklansin, ularning tuzilmasida boshqaruv xodimlarining umumiy soni doirasida ikkita shtat birligidan iborat bo‘lgan, aholi punktlarini va qishloqlararo hududlarni rivojlantirishni rejalashtirish bo‘yicha shaharsozlik hujjatlarini tayyorlashni muvofiqlashtirish bo‘limi tashkil etilsin.

7. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari:

buyurtmachilar va shaharsozlik hujjatlarini ishlab chiquvchilar o‘rtasida shartnomalarning o‘z vaqtida tuzilishi, buyurtmachilar tomonidan ishlab chiquvchilarga zarur boshlang‘ich ma’lumotlarning berilishi, dasturlarning bajarilishi muddatlariga, to‘liq va sifatli amalga oshirilishiga rioya etilishi yuzasidan tizimli nazorat o‘rnatsinlar;

ikki oy muddatda O‘zbekiston Respublikasi “Davarxitektqurilish” qo‘mitasi bilan birgalikda aholisi 20 ming nafardan ko‘p bo‘lgan shaharlar va shahar posyolkalari (tumanlar markazlari) uchun batafsil rejalashtirish loyihalarini ishlab chiqish dasturlarini ishlab chiqsinlar va belgilangan tartibda Vazirlar Mahkamasiga tasdiqlash uchun kiritsinlar.

8. “O‘zshaharsozlikLITI” davlat unitar korxonasi, “ToshkentboshplanLITI” davlat unitar korxonasi, “Qishloqqurilishloyiha” mas’uliyati cheklangan jamiyat, “O‘zGAShKLITI” davlat unitar korxonasi va loyihalash tashkilotlari — tegishli shaharsozlik hujjatlarini ishlab chiqish bo‘yicha tanlovlar g‘oliblari shaharlar va shahar posyolkalari bosh rejalarining, qishloqlar (ovullar) fuqarolar yig‘inlari hududlarini arxitektura-rejalashtirishni tashkil etish loyihalarining dasturlarda nazarda tutilgan muddatlarda sifatli ishlab chiqilishini ta’minlasinlar.

9. O‘zbekiston Respublikasi “Davarxitektqurilish” qo‘mitasi belgilangan tartibda:

“O‘zshaharsozlikLITI” davlat unitar korxonasi, “ToshkentboshplanLITI” davlat unitar korxonasi va “Qishloqqurilishloyiha” mas’uliyati cheklangan jamiyat bilan birgalikda, tasdiqlangan dasturlarning amalga oshirilishi, shuningdek shaharlar, shahar posyolkalari va qishloq aholi punktlarini qurishda shaharsozlik hujjatlariga rioya etilishi yuzasidan mahalliy davlat hokimiyati organlari faoliyatining muntazam monitoringini amalga oshirishni, keyinchalik har yarim yillik yakunlari bo‘yicha monitoring natijalarining O‘zbekiston Respublikasi Vazirlar Mahkamasiga kiritilishini ta’minlasin;

ikki oy muddatda — manfaatdor vazirliklar va idoralar bilan birgalikda shaharsozlik hujjatlarini kelishishning har bir vazirlik va idora tomonidan kelishishning maqbul ravishda tabaqalashtirilgan muddatlarini reglamentlovchi tartibi, shuningdek ularga yuklangan vakolatlarga muvofiq ular bilan kelishiladigan masalalar ro‘yxati ishlab chiqilishini va tasdiqlanishini ta’minlasin.

10. O‘zbekiston Respublikasi “Davarxitektqurilish” qo‘mitasi Iqtisodiyot vazirligi va Moliya vazirligi bilan birgalikda (tegishligiga ko‘ra) ikki oy muddatda, shaharsozlik hujjatlarini ishlab chiquvchi loyiha-qidiruv tashkilotlari faoliyatini takomillashtirish bo‘yicha Kompleks tadbirlarning tayyorlanishini va Vazirlar Mahkamasiga tasdiqlash uchun kiritilishini ta’minlasin, Kompleks tadbirlarda quyidagilar nazarda tutilsin:

shaharsozlik hujjatlarini ishlab chiqishning qiymatini va normativ muddatlarini aniqlash tartibini reglamentlovchi amaldagi normativ hujjatlarga tuzatishlar va aniqlashtirishlar kiritish;

xalqaro tajribani hisobga olgan holda, shaharsozlik hujjatlarini amalga oshirish muddatlarini qayta ko‘rib chiqish bo‘yicha takliflar tayyorlash;

xalqaro tajribani hisobga olib, yuqori samarali dasturiy ta’minlashlarni qo‘llangan holda shaharsozlik hujjatlarini ishlab chiqish bo‘yicha zamonaviy texnologiyalar va asbob-uskunalarni joriy etish;

sohaning oliy ta’lim muassasalariga talabalarning o‘quv-ishlab chiqarish amaliyotidan o‘tishini va o‘qituvchilarning tajriba orttirishini samarali tashkil etishda ko‘maklashish;

loyiha-izlanish tashkilotlarining, ularning rahbarlari va mutaxassislarining ishlab chiqilayotgan shaharsozlik hujjatlari sifati va samaradorligi yuzasidan mas’uliyatini kuchaytirish bo‘yicha takliflar kiritish;

loyiha-qidiruv tashkilotlarining moddiy-texnika bazasini va kadrlari tarkibini mustahkamlash;

loyiha-qidiruv tashkilotlari mutaxassislari malakasini tizimli asosda, shu jumladan ularni yetakchi xorijiy ilmiy-loyihalash markazlariga tajriba orttirishga yuborish yo‘li bilan oshirish;

Qoraqalpog‘iston Respublikasi Vazirlar Kengashining, viloyatlar, Toshkent shahar, tumanlar va shaharlar hokimliklarining shaharsozlik hujjatlari ishlab chiqilishini ta’minlash va mintaqalarni ijtimoiy-iqtisodiy rivojlantirishni, shuningdek hududlarni qurishni rejalashtirishda ularning asosiy qoidalarini amalga oshirishni ta’minlash masalalarini o‘z vaqtida va samarali hal etish yuzasidan mas’uliyatini va manfaatdorligini oshirish.

11. O‘zbekiston Respublikasi Hukumatining 4-ilovaga muvofiq ayrim qarorlariga o‘zgartirish va qo‘shimchalar kiritilsin.

12. Vazirliklar va idoralar o‘zlarining normativ-huquqiy hujjatlarini ikki oy muddatda ushbu qarorga muvofiqlashtirsinlar.

13. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari B.I. Zakirov zimmasiga yuklansin.

2. Vazirlar Mahkamasining “Kapital qurilishda xo‘jalik munosabatlari mexanizmini takomillashtirish chora-tadbirlari to‘g‘risida” 2003-yil 12-sentabrdagi 395-son qarorida (O‘zbekiston Respublikasi QT, 2003-y., 9-son, 83-modda):

a) qarorga 5-ilovaning matni quyidagi tahrirda bayon qilinsin:

b) Obyektlarni markazlashtirilgan manbalar hisobiga qurishda yagona buyurtmachi xizmati to‘g‘risidagi namunaviy nizomda (qarorga 6-ilova):

9-bandda:

“a” kichik bandga quyidagi mazmundagi xatboshi qo‘shilsin:

“aholi punktlarini va qishloqlararo hududlarni rejalashtirish to‘g‘risidagi shaharsozlik hujjatlarini ishlab chiqish bo‘yicha loyiha-qidiruv ishlarining manzilli ro‘yxati loyihasini tayyorlaydi”;

“b” kichik bandning ikkinchi xatboshi quyidagi tahrirda bayon qilinsin:

“loyihalarni va tanlov hujjatlarini, shuningdek aholi punktlari va aholi punktlariaro hududlarni rejalashtirish to‘g‘risida shaharsozlik hujjatlarini ishlab chiqish uchun birlamchi-ruxsat beruvchi hujjatlarni tayyorlaydi, tanlov asosida “loyiha” bosqichida loyihalashtirish bo‘yicha ishlariga buyurtma joylashtirilishini tashkil etadi”;

10-bandning uchinchi xatboshi quyidagi tahrirda bayon qilinsin:

“uni tashkil etgan organning topshirig‘iga ko‘ra yangidan boshlanayotgan va qurilishi tugallanmagan obyektlar qurilishida, shuningdek aholi punktlari hududlarini va qishloqlararo hududlarni rejalashtirish to‘g‘risidagi shaharsozlik hujjatlarini ishlab chiqish bo‘yicha buyurtmachi funksiyasini amalga oshirish”.

3. Vazirlar Mahkamasining “Shaharlar, shahar posyolkalarining bosh rejalarini, fuqarolarning qishloq yig‘inlari hududlarini arxitektura-rejalashtirish jihatidan tashkil etish loyihalarini ishlab chiqish va amalga oshirish tartibini takomillashtirish chora-tadbirlari to‘g‘risida” 2010-yil 4-dekabrdagi 286-son qarorida:

a) 2011 — 2014-yillarda respublika shaharlari va shahar posyolkalarining bosh rejalari loyihalarini ishlab chiqish dasturida (qarorga 1-ilova):

“Qoraqalpog‘iston Respublikasi” bo‘limidan 2, 3, 6 — 8-satrlar chiqarib tashlansin;

“Andijon viloyati” bo‘limidan 3, 5 —10, 12, 13-satrlar chiqarib tashlansin;

“Buxoro viloyati” bo‘limidan 2, 4 — 6-satrlar chiqarib tashlansin;

“Jizzax viloyati” bo‘limidan 2, 8 — 12-satrlar chiqarib tashlansin;

“Qashqadaryo viloyati” bo‘limidan 2 — 6, 9 — 14-satrlar chiqarib tashlansin;

“Navoiy viloyati” bo‘limidan 2, 4, 6-satrlar chiqarib tashlansin;

“Namangan viloyati” bo‘limidan 2 — 4, 6, 9 — 14, 16 — 25-satrlar chiqarib tashlansin;

“Samarqand viloyati” bo‘limidan 2 — 4, 6, 9 — 15-satrlar chiqarib tashlansin;

“Surxondaryo viloyati” bo‘limidan 3, 7 — 9-satrlar chiqarib tashlansin;

“Sirdaryo viloyati” bo‘limidan 5-satr chiqarib tashlansin;

“Toshkent viloyati” bo‘limidan 13 — 19, 22 — 27, 29-satrlar chiqarib tashlansin;

“Farg‘ona viloyati” bo‘limidan 1, 4, 6 — 9, 11 — 17-satrlar chiqarib tashlansin;

“Xorazm viloyati” bo‘limidan 1, 5, 6-satrlar chiqarib tashlansin;

b) 2011 — 2014-yillarda qurilishning birinchi navbatini ajratib ko‘rsatgan holda bir vaqtning o‘zida 5 mingdan ortiq aholi yashaydigan qishloq aholi punktlarining bosh rejalari sxemalarini ishlab chiqqan holda fuqarolarning qishloq yig‘inlari hududlarini arxitektura-rejalashtirish jihatidan tashkil etish loyihalarini ishlab chiqish dasturida (qarorga 2-ilova):

“Andijon viloyati” bo‘limidan 3, 6 — 9, 11, 13, 14, 16, 18, 19, 21 — 63-satrlar chiqarib tashlansin;

“Jizzax viloyati” bo‘limidan 67 — 72, 76 — 79, 81-satrlar chiqarib tashlansin;

“Qashqadaryo viloyati” bo‘limidan 85, 86, 88, 90, 91, 95 — 100, 103, 104, 106, 108, 110 — 113, 115 — 118, 120 — 122-satrlar chiqarib tashlansin;

“Namangan viloyati” bo‘limidan 125 — 129, 131 — 146, 148 — 151, 153 — 173-satrlar chiqarib tashlansin;

“Samarqand viloyati” bo‘limidan 176, 180, 181, 182, 185, 188, 192 — 198-satrlar chiqarib tashlansin;

“Surxondaryo viloyati” bo‘limidan 206, 208, 209, 211, 212, 215 va 216-satrlar chiqarib tashlansin;

“Sirdaryo viloyati” bo‘limidan 221, 225 va 227-satrlar chiqarib tashlansin;

“Toshkent viloyati” bo‘limidan 228, 230, 232 va 236-satrlar chiqarib tashlansin;

“Farg‘ona viloyati” bo‘limidan 243 — 282-satrlar chiqarib tashlansin;

“Xorazm viloyati” bo‘limidan 288-satr chiqarib tashlansin;

v) 2011-2014-yillarda qurilishning birinchi navbatini ajratib ko‘rsatgan holda bir vaqtning o‘zida 5 mingdan kam aholi yashaydigan qishloq aholi punktlarining bosh rejalari sxemalarini ishlab chiqqan holda fuqarolarning qishloq yig‘inlari hududlarini arxitektura-rejalashtirish jihatidan tashkil etish loyihalarini ishlab chiqish dasturida (qarorga 3-ilova):

“Qoraqalpog‘iston Respublikasi” bo‘limidan 1, 4, 7 — 9, 15, 23-28, 50 — 54, 63, 64, 95, 98, 99, 101, 104 — 108, 111 — 114, 116 — 120-satrlar chiqarib tashlansin;

“Andijon viloyati” bo‘limidan 124 — 136-satrlar chiqarib tashlansin;

“Buxoro viloyati” bo‘limidan 140 — 146, 150 — 156, 158, 159, 161 — 193, 197 — 200, 205 — 229, 233, 234-satrlar chiqarib tashlansin;

“Jizzax viloyati” bo‘limidan 238, 239, 242 — 247, 251 — 260, 264 — 266, 269 — 290, 293 — 304-satrlar chiqarib tashlansin;

“Qashqadaryo viloyati” bo‘limidan 305 — 325, 327, 330 — 334, 338, 339, 344, 346 — 368-satrlar chiqarib tashlansin;

“Navoiy viloyati” bo‘limidan 378 — 383, 386 — 390-satrlar chiqarib tashlansin;

“Namangan viloyati” bo‘limidan 393 — 398, 401-satrlar chiqarib tashlansin;

“Samarqand viloyati” bo‘limidan 430, 440 — 446, 448 — 470-satrlar chiqarib tashlansin;

“Surxondaryo viloyati” bo‘limidan 476, 485 — 519, 521 — 538-satrlar chiqarib tashlansin;

“Sirdaryo viloyati” bo‘limidan 543, 547 — 561, 565 — 587-satrlar chiqarib tashlansin;

“Toshkent viloyati” bo‘limidan 588 — 651-satrlar chiqarib tashlansin;

“Farg‘ona viloyati” bo‘limidan 654 — 659, 661, 662, 664, 665, 667, 671, 672, 674, 678 — 733-satrlar chiqarib tashlansin;

“Xorazm viloyati” bo‘limidan 742, 743, 747, 749, 751, 752, 757-760, 764 — 780, 783 — 796, 798 — 803, 805, 808-satrlar chiqarib tashlansin.