O‘zbekiston Respublikasi Hukumati va Gruziya Hukumati ikki tomonlama soliq solishga yo‘l qo‘ymaslik hamda daromad (foyda)ga va mulkka solinadigan soliqlarni to‘lashdan bo‘yin tovlashlarning oldini olish to‘g‘risida konvensiya tuzishga xohish bildirib, shuningdek, ikkala mamlakat o‘rtasida iqtisodiy hamkorlikni rivojlantirish va mustahkamlash maqsadida,

quyidagilar haqida ahdlashib oldilar:

Ushbu Konvensiya Ahdlashayotgan Davlatlarning biri yoki har ikkalasining rezidentlari hisoblanadigan shaxslarga qo‘llaniladi.

1. Mazkur Konvensiya Ahdlashayotgan Davlat yoki uning mahalliy hokimiyatlari nomidan undiriladigan, ularni undirish usullaridan qat’i nazar, daromad (foyda)ga va mulkka solinadigan soliqlarga qo‘llaniladi.

2. Umumiy daromad (foyda)dan yoki uning bir qismidan olinadigan barcha soliqlar, jumladan, ko‘char mulk yoki ko‘chmas mulkni sotishdan olinadigan daromad (foyda)ga solinadigan soliqlar va korxonalar tomonidan to‘lanadigan ish haqi yoki mukofotlarning umumiy summasidan olinadigan soliqlar daromad (foyda)ga va mulkka solinadigan soliqlarga kiradi.

3. Mazkur Konvensiya qo‘llaniladigan mavjud soliqlar ko‘pincha quyidagilar hisoblanadi:

a) O‘zbekiston Respublikasiga nisbatan:

(i) korxonalar, birlashmalar va tashkilotlarning daromadlari (foydalari)dan olinadigan soliqlar;

(ii) O‘zbekiston Respublikasi fuqarolaridan, xorijiy fuqarolar va fuqaroligi bo‘lmagan shaxslardan olinadigan daromad solig‘i; va

(iii) mol-mulkka solinadigan soliq;

(bundan keyin “O‘zbekistonning soliqlari” deyiladi);

v) Gruziyaga nisbatan:

(i) korxonalarning foyda (daromad)laridan olinadigan soliqlar;

(ii) jismoniy shaxslardan olinadigan daromad solig‘i;

(iii) mol-mulkka solinadigan soliq

(bundan keyin Gruziyaning soliqlari” deyiladi).

4. Mazkur Konvensiya har qanday bir-biriga o‘xshash soliqlarga ham qo‘llaniladi. Bu soliqlar ushbu Konvensiya imzolangan sanadan keyin soliqlarga qo‘shimcha yoki amaldagi soliqlarning o‘rniga Ahdlashayotgan Davlatlarning biridan undiriladi. Ahdlashayotgan Davlatlarning vakolatli organlari o‘zlarining soliq qonunlaridagi jiddiy o‘zgarishlar haqida bir-birlarini xabardor qilib turadilar.

1. Mazkur Konvensiya maqsadi uchun, agar matnning mazmunidan boshqacha ma’no kelib chiqmasa:

a) “O‘zbekiston” atamasi, O‘zbekiston Respublikasini anglatadi va geografik ma’noda qo‘llanilganda O‘zbekiston Respublikasining hududini, jumladan, hududiy suvlarini, havo fazosini anglatadi. Bunda O‘zbekiston Respublikasi o‘z huquqi doirasida suveren huquqlarini va sud qilish huquqini, shuningdek, yer osti konlari va tabiiy resurslardan foydalanishga oid huquqlarini O‘zbekiston Respublikasi qonuniga ko‘ra va xalqaro huquqqa muvofiq amalga oshirishi mumkin.

b) “Gruziya” atamasi Gruziyani anglatadi va Gruziya davlat chegaralaridagi Gruziyaning barcha hududlarini, jumladan, ichki va hududiy suvlarni, shuningdek, muhim iqtisodiy zonalarni, kontinental shelfini geografik ma’noda qamrab oladi. Ular Gruziyaning xalqaro huquqlari va milliy qonuniga muvofiq joriy etilgan yoki kelajakda joriy etiladigan yurisdiksiyasi, suveren huquqlari, tegishli ravishda soliq qonunchiligining amal qilishini anglatadi;

c) “Ahdlashayotgan Davlat” va “boshqa Ahdlashayotgan Davlat” atamalari matn mazmuniga ko‘ra O‘zbekiston Respublikasini va Gruziyani bildiradi;

d) “shaxs” atamasi jismoniy shaxsni, yuridik shaxsni yoki har qanday shaxslar birlashmasini anglatadi;

e) “korxona” atamasi daromad (foyda) solig‘i solinadigan kooperativ birlashmani yoki soliqqa tortish maqsadlari uchun kooperativ birlashma sifatida qaraladigan har qanday kooperativ birlashmani, jumladan, aksionerlik jamiyatini, mas’uliyati cheklangan jamiyat, qo‘shma korxonani, shirkatni yoki har qanday yuridik shaxsni yoki tashkilotni anglatadi;

f) “Ahdlashayotgan Davlat korxonasi” va “boshqa Ahdlashayotgan Davlat korxonasi” atamalari tegishlicha Ahdlashayotgan Davlatning rezidenti tomonidan boshqariladigan korxonani va boshqa Ahdlashayotgan Davlatning rezidenti tomonidan boshqariladigan korxonani anglatadi;

g) “xalqaro yuk tashish” atamasi dengiz, havo kemasi, temir yo‘l yoki avtomobil transporti vositasi bilan bir Ahdlashayotgan Davlat korxonasi tomonidan foydalaniladigan har qanday yuk tashishni anglatadi, dengiz, havo kemasi, temir yo‘l yoki avtomobil transporti vositasidan boshqa Ahdlashayotgan Davlat hududidagi punktlar orasida alohida foydalanilgan hollar bundan mustasnodir;

h) “vakolatli organ” atamasi O‘zbekiston Respublikasiga muvofiq ravishda — O‘zbekiston Respublikasi Davlat soliq qo‘mitasini yoki uning vakolatli vakilini;

Gruziyaga muvofiq ravishda — Moliya vazirligini yoki uning vakolatli vakilini anglatadi;

i) “milliy shaxs” atamasi:

ushbu Davlat fuqarosi bo‘lgan har qanday jismoniy shaxsni;

ushbu Davlatning amaldagi qonuniga ko‘ra o‘z maqomini olgan har qanday yuridik shaxs, shirkat yoki uyushmani anglatadi.

2. Ahdlashayotgan Davlat tomonidan mazkur Konvensiya qo‘llanilganda unda belgilanmagan har qanday atama, agar matn mazmunidan boshqa ma’no kelib chiqmasa, ushbu Konvensiya qo‘llanilayotgan soliqlarga nisbatan o‘sha Davlatning qonunlaridagi ma’noni bildiradi.

1. Mazkur Konvensiya maqsadi uchun “Ahdlashayotgan Davlat rezidenti” atamasi ushbu Ahdlashayotgan Davlatning qonuniga ko‘ra undagi haqiqiy rahbar organning turar joyi, doimiy o‘rnashgan joyi, yuridik shaxs sifatida ro‘yxatga olingan joyi, turgan joyi yoki shunga o‘xshash belgisi asosida soliq solinishi kerak bo‘lgan har qanday shaxsni anglatadi. Lekin bu atama ushbu Ahdlashayotgan Davlatda soliq solinishi kerak bo‘lgan har qanday shaxsni faqat shu asosda o‘z ichiga olmaydi, chunki u shu Ahdlashayotgan Davlatning o‘zidagi manbalardan yoki mulkdan daromad (foyda) oladi.

2. Agar mazkur 1-bandning qoidalariga muvofiq jismoniy shaxs ikkala Ahdlashayotgan Davlatning rezidenti hisoblansa, uning maqomi quyidagicha belgilanadi:

a) ushbu Davlatda doimiy turar joyga ega bo‘lsa, o‘sha Davlatning rezidenti hisoblanadi; agar u ikkala Ahdlashayotgan Davlatda o‘zi uchun doimiy turar joyga ega bo‘lsa, yaqin shaxsiy va iqtisodiy aloqalari (hayotiy manfaatlar markazi) ancha qalin bo‘lgan o‘sha Ahdlashayotgan Davlatning rezidenti hisoblanadi;

b) agar hayotiy manfaatlari markaziga ega bo‘lgan Davlatni aniqlash mumkin bo‘lmasa, yoki agar u Ahdlashayotgan Davlatlardan hech birida doimiy turar joyga ega bo‘lmasa, u odatda o‘zi yashaydigan shu Davlatning rezidenti hisoblanadi;

c) agar shaxs odatda ikkala Ahdlashayotgan Davlatda yashasa, yoki agar u odatda ulardan hech birida yashamasa, u Ahdlashayotgan Davlatlardan qaysi birining milliy shaxsi bo‘lsa, shu Ahdlashayotgan Davlatning rezidenti hisoblanadi;

d) agar Ahdlashayotgan Davlatlardan har biri unga o‘z rezidenti sifatida qarasa yoki Davlatlardan hech biri uni o‘z rezidenti deb hisoblamasa, Ahdlashayotgan Davlatlarning vakolatli organlari ushbu masalani o‘zaro kelishuvga ko‘ra hal qiladilar;

e) agar u davlatlardan hech birining milliy shaxsi hisoblanmasa, unda Ahdlashayotgan Davlatlarning vakolatli organlari maslahatlashish yo‘li bilan ushbu shaxs mazkur Konvensiya maqsadida rezident bo‘lib hisoblanadigan Ahdlashayotgan Davlatni aniqlashga urinib ko‘radilar.

3. Agar 1-bandning qoidalariga muvofiq jismoniy shaxs hisoblanmaydigan shaxs ikkala Ahdlashayotgan Davlatning rezidenti hisoblansa, u o‘zining haqiqiy rahbar organi tashkil etilgan Ahdlashayotgan Davlatning rezidenti hisoblanadi.

1. Mazkur Konvensiyaning maqsadi uchun “doimiy muassasa” atamasi faoliyatning doimiy joyini anglatadi, bu orqali Ahdlashayotgan Davlat korxonasi tadbirkorlik faoliyatini boshqa Ahdlashayotgan davlatda to‘liq yoki qisman amalga oshiradi.

2. “Doimiy muassasa” atamasi, jumladan, quyidagilarni o‘z ichiga oladi:

a) boshqaruv organi;

v) bo‘linma (filial);

c) ofis (idora);

d) fabrika;

e) ustaxona;

f) shaxta, kon, neft yoki gaz qudug‘i, karyer, qurilma, inshoot yoki tabiiy resurslar olinadigan har qanday boshqa joy.

3. “Doimiy muassasa” atamasi quyidagilarni ham o‘z ichiga oladi:

a) qurilish maydoni yoki montaj qilinadigan joy yoki yig‘uv obyekti yoki bu ishlarga tayyorgarlik ko‘rish joyi, biroq faqat ushbu maydon, obyekt yoki ishlar 6 oydan ko‘p ishlab tursa;

v) xizmatlar ko‘rsatish, shuningdek, korxonalar tomonidan shunday maqsadlar uchun yollangan xizmatchilar yoki boshqa xodimlar orqali korxonalar tomonidan ko‘rsatiladigan maslahat xizmatlari, lekin faqat bunday turdagi faoliyat (bir yoki bir nechta obyektlar uchun) o‘n ikki oylik davr mobaynida davr yoki davrlarda mamlakat miqyosida olti oydan ko‘p muddatdan iborat bo‘lsa.

4. Ushbu moddaning oldingi qoidalariga qaramasdan “doimiy muassasa” atamasi quyidagilarni o‘z ichiga olmaydi:

a) faqat ushbu korxonaga tegishli buyumlarni saqlash, namoyish qilish maqsadlari uchun inshootlardan foydalanish;

b) ushbu korxonaga tegishli tovarlar yoki buyumlar zaxiralarini faqat saqlash, namoyish qilish maqsadida saqlash;

c) shu korxonaga tegishli tovarlar yoki buyumlar zaxiralarini boshqa korxonalar tomonidan faqat qayta ishlash maqsadlari uchun saqlash;

d) doimiy faoliyat joyini tovarlar yoki buyumlarni xarid qilish yoki shu korxona. uchun axborotlar yig‘ish maqsadida saqlash;

e) doimiy faoliyat joyini korxona uchun har qanday boshqa tayyorlov yoki yordamchi tusdagi faoliyatni faqat ushbu korxona manfaatlari yo‘lida amalga oshirish maqsadida saqlash;

f) doimiy faoliyat joyini a) dan e) gacha bo‘lgan kichik bandlarda eslatib o‘tilgan faoliyat turlarining har qanday uyg‘unlashuvini amalga oshirish uchun shu shart bilan saqlanadiki, ushbu uyg‘unlikdan kelib chiqadigan doimiy faoliyat joyining barcha faoliyati tayyorlov yoki yordamchi tusga ega bo‘lsin.

5. 1 va 2-bandlarning qoidalariga qaramay, agar 7-band qo‘llaniladigan mustaqil maqomli agentdan farq qiluvchi shaxs Ahdlashayotgan Davlatda boshqa Ahdlashayotgan Davlat korxonasi komidan ish tutsa, unda ushbu korxona har qanday faoliyatga nisbatan birinchi eslatib o‘tilgan Davlatda doimiy muassasaga ega bo‘lgan korxona deb hisoblanadi, agar ushbu shaxs Ahdlashayotgan Davlatda korxona nomidan kontraktlar tuzish vakolatiga ega bo‘lsa va odatda undan foydalansa, bu shaxs korxona uchun, agar bu shaxs 4-bandda ko‘rsatilgan cheklanishdan tashqari faoliyat bilan shug‘ullansa, va u doimiy faoliyat joyi orqali amalga oshirilsa, agar doimiy faoliyat joyidan ushbu band qoidasiga muvofiq doimiy muassasaga aylantirmasa unda bu korxonani ushbu davlatda. deyarli har qanday faoliyat bo‘yicha doimiy muassasaga ega deb hisoblash mumkin, yoki bunday vakolatlarga ega bo‘lmaydi, biroq birinchi eslatib o‘tilgan davlatda korxona nomidan tovarlar va mahsulotlarni muntazam saqlaydi.

6. Ushbu moddaning oldingi qoidalariga qaramay Ahdlashayotgan Davlatning sug‘urta korxonasi, qayta sug‘urtalash hollaridan tashqari, boshqa Ahdlashayotgan Davlatda doimiy muassasaga ega bo‘lgan korxona hisoblanadi, bunda u ushbu boshqa Davlat hududida sug‘urta mukofotini yig‘adi yoki 7-band kiradigan mustaqil maqomi bo‘lgan agentdan farq qiluvchi vositachi shaxsni bo‘lishi mumkin bo‘lgan tavakkalchilikdan ehtiyot qiladi.

7. Agar faqat korxona boshqa Davlatda broker, komissioner yoki har qanday boshqa mustaqil maqomli agent orqali, ushbu shaxslarning odatdagi faoliyatlari doirasida harakat qilishlari sharti bilan tadbirkorlik faoliyatini amalga oshirsa Ahdlashayotgan Davlatning bir korxonasi boshqa Ahdlashayotgan Davlatda doimiy muassasaga ega bo‘lgan korxona deb hisoblanmaydi.

8. Ahdlashayotgan Davlatning rezidenti deb hisoblanadigan korxona, boshqa Ahdlashayotgan Davlatning rezidenti hisoblanadigan yoki ushbu boshqa Ahdlashayotgan Davlatda (doimiy muassasa orqali yoki boshqa tarzda) tadbirkorlik faoliyatini amalga oshiradigan korxona nazorat qilinadigan yoki u orqali nazorat qilinish fakti ushbu kompaniyalardan birini boshqa korxonalarning doimiy muassasasiga o‘zidan o‘zi aylantirmaydi.

1. Bir Ahdlashayotgan Davlatning rezidenti tomonidan boshqa Ahdlashayotgan Davlatdagi ko‘chmas mulk (jumladan, qishloq xo‘jaligi yoki o‘rmon xo‘jaligidan olinadigan daromad)dan olinadigan daromadlarga shu boshqa Davlatda soliq solinishi mumkin.

2. Mazkur Konvensiyadagi “ko‘chmas mulk” atamasi mazkur mulk turgan Ahdlashayotgan Davlat qonunchiligida ifodalangan tushunchaga ega bo‘ladi. Ushbu atama har qanday holatda ko‘chmas mulkka nisbatan yordamchi mulkni, qishloq va o‘rmon xo‘jaligida foydalaniladigan hayvonlar va inventarlarni, baliqlarni. yer mulkiga nisbatan umumiy qonunchilik qoidalari bilan belgilangan huquqni, ko‘chmas mulkning uzufruktini va. to‘lovlarning o‘zgaruvchan yoki belgilangan to‘lovlar kabi mineral zaxiralar, manbalar va boshqa tabiiy resurslarning ishlanmalari uchun yoki ishlanma uchun huquqqa kompensatsiya to‘lovlarini o‘z ichiga oladi. Kemalar, havo kemalari, temir yo‘l va avtomobil transporti vositalari ko‘chmas mulk hisoblanmaydi.

3. “Uzufrukt” atamasi mazkur moddada foydalanilganda begona mulkdan va undan olinadigan daromaddan umrbod foydalanish huquqini anglatadi.

4. Mazkur moddaning 1-bandidagi qoidalar ko‘chmas mulkdan to‘g‘ridan to‘g‘ri foydalanishdan, ijaraga berishdan yoki har qanday boshqa shakldagi ko‘chmas mulkdan foydalanishdan olingan daromadga qo‘llaniladi.

5. Mazkur moddaning 1 va 3-bandlaridagi qoidalar korxonalarning ko‘chmas mulkidan olingan daromad (foyda)ga va mustaqil shaxsiy xizmatlarni amalga oshirish uchun foydalaniladigan ko‘chmas mulkdan olinadigan daromadlarga ham qo‘llaniladi.

1. Ahdlashayotgan Davlat korxonasining foydasiga faqat shu Davlatda, agar faqat shu korxona boshqa Ahdlashayotgan Davlatda unda joylashgan doimiy muassasa orqali tadbirkorlik faoliyatini amalga oshirmasa, soliq solinadi. Agar korxona, yuqorida aytib o‘tilgani kabi, o‘zining tadbirkorlik faoliyatini amalga oshirsa, korxona foydasiga boshqa Ahdlashayotgan Davlatda, lekin quyidagilargagina tegishli qismiga solinadi:

a) ushbu doimiy muassasa faoliyatiga;

b) ushbu boshqa Davlatdagi doimiy muassasa orqali sotiladigan tovarlarga yoki mahsulotlarga to‘g‘ri keladigan shunday yoki o‘xshashlari sotilganda;

s) ushbu boshqa Davlatda doimiy muassasa orqali amalga oshiriladigan tadbirkorlik faoliyatiga o‘xshash yoki to‘g‘ri keladigan boshqa tadbirkorlik faoliyati.

2. 3-bandning qoidalariga muvofiq, agar bir Ahdlashayotgan Davlatning korxonasi boshqa Ahdlashayotgan Davlatda u yerdagi doimiy muassasa. orqali tadbirkorlik faoliyatini amalga oshirsa, unda xar bir Ahdlashayotgan Davlatdagi bunday doimiy muassasaga, agar shunga o‘xshash yoki shu kabi faoliyatni amalga oshiradigan alohida yoki mustaqil korxona bo‘lsa va o‘zi umumiy muassasa hisoblangan korxonadan to‘liq mustaqil bo‘lgan holda harakat qilsa olishi mumkin bo‘lgan daromad tegishli bo‘ladi.

3. Doimiy muassasa daromadi (foydasi)ni aniqlashda mazkur doimiy muassasa faoliyati maqsadlari uchun sarflangan xarajatlarni chegirib qolishga yo‘l qo‘yiladi, sarflangan boshqaruv va umumiy ma’muriy xarajatlar ular doimiy muassasa joylashgan Davlatda ham, boshqa har qanday joyda ham shular jumlasiga kiradi.

Doimiy muassasa o‘zining bosh muassasasiga yoki boshqa muassasalarning xohlagan biriga to‘langan rezidentning pulini royaltilar, yig‘imlar va shunga o‘xshash to‘lovlarni patentlardan va boshqa huquqlardan foydalanganlik uchun to‘lovlarni to‘lash yo‘li bilan, yoki ko‘rsatilgan aniq xizmatlar uchun yoki menejment uchun komission to‘lovlar to‘lash yo‘li bilan, yoki doimiy muassasaga qarz berilgan summa uchun foizlar to‘lash yo‘li bilan chegirib qolishga yo‘l qo‘yilmaydi.

4. Korxona foydasining umumiy summasini o‘zining turli xil bo‘linmalariga mutanosib taqsimlash asosida doimiy muassasaga tegishli bo‘lgan foyda Ahdlashayotgan Davlatda belgilanilishiga qaramay, odatdagi ish deb hisoblanadi, 2-banddagi hech narsa Ahdlashayotgan Davlatga bunday taqsimlanadigan soliq solinadigan foydani aniqlashga xalaqit qilmaydi, ish tajribasi shuni ko‘rsatmoqda; taqsimlashning tanlangan usuli ushbu moddadagi qoidalarga muvofiq natijalarni berishi kerak.

5. Doimiy muassasa tomonidan ushbu korxona uchun tovarlar yoki buyumlarni faqat xarid qilish asosida doimiy muassasaga qandaydir foyda tegishli bo‘lmaydi.

6. Yuqoridagi bandlar maqsadlari uchun doimiy muassasaga tegishli daromadlar, agar o‘zgartirish uchun asosli va yetarli sabablar bo‘lmasa, har yili bir xil ayni o‘sha usulda aniqlanadi.

7. Agar foyda mazkur Konvensiyaning boshqa moddalarida alohida aytib o‘tiladigan daromad turlarini o‘z ichiga olsa, unda ushbu moddaning qoidalari mazkur moddaning qoidalariga daxl qilmaydi.

1. Bir Ahdlashayotgan Davlat korxonasining kemalar, samolyotlar, temir yo‘l yoki avtomobil transporti vositalaridan xalqaro yuklarni tashishlarda olgan daromadiga faqat shu Davlatda soliq solinadi.

2. 1-bandning qoidalari quyidagilarga ham qo‘llaniladi:

a) xalqaro yuk tashishlarda foydalaniladigan kemalar yoki samolyotlarni ekipajsiz ijaraga. olish asosida, shu jumladan, ijaraga berishdan olinadigan tasodifiy foydalarga;

b) konteynyerlar (shu jumladan, konteynyerlarni tashish bilan bog‘liq treylyerlar va asbob-uskunalar)dan foydalanish, saqlash yoki ijaraga berishdan olingan foydalarga, agar bunday foydalar 1-band qo‘llaniladigan foydalarga nisbatan qo‘shimcha yoki tasodifiy bo‘lsa;

3. 1-band qoidalari pulda (umumiy fondda), qo‘shma korxonada yoki transport vositalaridan foydalanish bo‘yicha xalqaro tashkilotda qatnashishdan olingan foydaga ham qo‘llaniladi

1. Kuyidagi hollarda:

a) Ahdlashayotgan Davlat korxonasi bevosita yoki bilvosita boshqa Ahdlashuvchi Davlat korxonasining boshqaruvida, nazorat qilish yoki kapitalida qatnashganda, yoki

b) ayni o‘sha shaxslar bir Ahdlashayotgan Davlatning korxonasini va boshqa Ahdlashayotgan Davlatning korxonasini boshqarishda, nazorat qilishda yoki kapitalida bevosita yoki bilvosita qatnashganlarida;

korxonalar o‘rtasida ularning o‘zaro tijoratchilik va moliyaviy munosabatlarida mustaqil korxonalar o‘rtasida farq qiluvchi sharoitlar paydo bo‘lsa yoki belgilansa, unda munosabatlar natijasidagi daromad bir korxonada to‘planib qolsa, ushbu korxona daromadi qo‘shilgan va umumiy summada soliq solingan bo‘lishi mumkin.

2. Agar Ahdlashayotgan Davlat shu Ahdlashayotgan Davlat korxonasi daromadiga boshqa Ahdlashayotgan Davlat korxonasiga shu boshqa Davlatda soliq solinadigan foydani kiritsa va shunga muvofiq soliq solsa va shu yo‘sinda kiritilgan foyda agarda ikkala mustaqil korxona o‘rtasida. mavjud bo‘lgan shartlar bo‘lsa, birinchi Ahdlashayotgan Davlat korxonasiga o‘tkazilgan foyda. hisoblanadi, unda bu boshqa Davlat shu foydadan olinadigan soliq summasiga muvofiq keluvchi tuzatishlar kiritish kerak bo‘ladi. Bunday tuzatishni aniqlashda mazkur Konvensiyaning boshqa qoidalari e’tiborga olinadi va Ahdlashayotgan Davlatlarning vakolatli organlari zarur bo‘lgan hollarda bir-birlari bilan maslahatlashib oladilar.

1. Bir Ahdlashayotgan Davlat rezidenti bo‘lgan korxona tomonidan boshqa Ahdlashayotgan Davlat rezidentiga to‘langan dividendlarga ushbu boshqa Davlatda soliq solinishi mumkin.

2. Biroq bunday dividendlarga dividendlarni to‘lagan va ushbu Davlatning qonuniga muvofiq rezidenti hisoblangan o‘sha Ahdlashayotgan Davlatda soliq solinishi mumkin, lekin dividendlarni oluvchi haqiqatdan ham uning egasi hisoblansa, bu tarzda olinishi kerak bo‘lgan soliq:

a) agar korxona (shirkatdan boshqa) dividendlarning haqiqiy egasi hisoblansa va ushbu korxona ayni vaqtda dividendlarni to‘lovchi korxona kapitalining kamida 25 foizining egasi bo‘lsa dividendlar umumiy summasining 5 foizidan;

b) qolgan barcha hollarda dividendlar umumiy summasining 15 foizidan oshib ketmasligi kerak.

Bu band dividendlar to‘lanadigan foydaga nisbatan korxonalarga soliq solishga daxl qilmaydi.

3. “Dividendlar” atamasi mazkur moddada ishlatilganda aksiyalardan olinadigan yoki aksiyalardan foydalanishdan yoki kon sanoati aksiyalari, ta’sischilar aksiyalaridan foydalanishdan olinadigan foydada qatnashish huquqini beruvchi qarz olishning berish bilan bog‘liq talabnomalar hisoblanmaydigan boshqa huquqlarni, shuningdek, soliq solishni tartibga solishi kerak bo‘lgan boshqa korporativ huquqlardan olingan daromad kabi, Davlat soliq qonunchiligiga muvofiq aksiyalardan olinadigan daromadni anglatadi, uning rezidenti bo‘lib foydalarni taqsimlovchi kompaniya hisoblanadi.

4. Agar aslida dividendlar olish huquqiga ega shaxs Ahdlashayotgan Davlatning rezidenti bo‘lgani holda dividendlarni to‘layotgan korxona rezidenti bo‘lgan o‘zga Ahdlashayotgan Davlatda o‘z faoliyatini unda joylashgan doimiy muassasa orqali amalga oshirsa yoki ushbu boshqa Davlatda u yerda joylashgan doimiy bazadan mustaqil shaxsiy xizmatlar ko‘rsatsa va xolding (dividendlar unga nisbatan to‘lanadi) aslida shu doimiy muassasa yoki doimiy bazaga, haqiqatdan tegishli bo‘lsa mazkur moddaning 1 va 2-bandlaridagi qoidalar qo‘llanilmaydi. Bunday holda sharoitga qarab mazkur Konvensiyaning 7 yoki 14-moddasi qoidalari qo‘llaniladi.

5. Agar Ahdlashayotgan Davlat rezidenti hisoblanadigan kompaniya boshqa Ahdlashuvchi Davlatda foyda olsa, bu boshqa Davlat shu kompaniya to‘layotgan dividendlarga soliq solmasligi mumkin, bundan bunday dividendlar shu boshqa Davlat rezidentiga to‘lanadigan yoki dividendlar to‘lashda asos bo‘lgan xolding haqiqatdan ham shu boshqa Davlatda joylashgan doimiy muassasa yoki doimiy baza bilan bog‘liq holatlar istisnodir, shuningdek, korxonaning taqsimlanmagan foydasiga, hatto to‘lanayotgan dividendlar yoki taqsimlanmagan foyda to‘liq yoki qisman shu boshqa Ahdlashuvchi Davlatda yuzaga keluvchi foyda yoki daromaddan iborat bo‘lsa ham soliq solinmasligi mumkin.

1. Bir Ahdlashayotgan Davlatda paydo bo‘ladigan va Ahdlashayotgan Davlat rezidentiga to‘lanadigan foizlarga o‘sha boshqa Davlatda soliq solinishi mumkin.

2. Biroq bunday foizlarga ushbu Davlatning qonunchiligiga muvofiq ular paydo bo‘lgan o‘sha Ahdlashayotgan Davlatda soliq solinishi mumkin, lekin bu yerda oluvchi haqiqatda foiz olish huquqiga. ega bo‘luvchi shaxs boshqa Ahdlashayotgan Davlatning rezidenti hisoblansa, bunday holda soliq foizlar yalpi summasining 10 foizidan oshmasligi kerak.

3. Mazkur moddaning 2-bandidan qat’i nazar, bir Ahdlashayotgan Davlatda paydo bo‘ladigan va Hukumatga yoki ular tomonidan boshqa Ahdlashayotgan Davlatning vakil qilingan organiga to‘lanadigan foizga soliq solinmaydi.

4. “Foizlar” atamasi mazkur Konvensiyada foydalanilganda, ipotet ta’minlashidan va foydada qatnashish huquqi borligidan qat’i nazar, qarz olish-berish bilan bog‘liq talabnomalardan daromadni, va ko‘pincha hukumat qimmatli qog‘ozlaridan olingan daromadni, obligatsiyalardan yoki qarz olish-berish bilan bog‘liq majburiyatlardan, shuningdek, ushbu qimmatli qog‘ozlar, obligatsiyalar yoki qarz olish-berish bilan bog‘liq majburiyatlar bo‘yicha to‘lanadigan pul mukofotlari va mukofotlardan olinadigan daromadlarni anglatadi. To‘lovlar o‘z vaqtida to‘lanmaganligi uchun jarimalarga ushbu modda maqsadlari uchun foizlar sifatida qaralmaydi.

5. 1 va 2-bandlarning qoidalari, agar, bir Ahdlashayotgan Davlatning rezidenti foiz olishga haqiqiy huquqi bo‘lgan shaxs (benefitsiar) foizlar paydo bo‘layotgan boshqa Ahdlashayotgan Davlatda unda joylashgan doimiy muassasa orqali faoliyatni amalga oshirsa, yoki ushbu boshqa Davlatda mustaqil shaxsiy xizmatlarni u yerdagi doimiy bazalar va qarz olish-berish talabnomalari orqali ko‘rsatsa, shular bo‘yicha foizlar to‘lanadi, shunday doimiy muassasa yoki doimiy bazaga tegishli bo‘lsa, qo‘llanilmaydi. Bunday holda mazkur Konvensiyaning 7-moddasidagi yoki 14-moddasidagi qoidalar qo‘llaniladi.

6. To‘lovchi Davlatning o‘zi, mahalliy hokimiyatlar yoki ushbu Davlat rezidenti bo‘lgan taqdirda foizlar Ahdlashuvchi Davlatlarda paydo bo‘lgan deb hisoblanadi. Biroq, foizlarni to‘lovchi shaxs Ahdlashayotgan Davlatning rezidenti bo‘lsa yoki bo‘lmasa, Ahdlashayotgan Davlatda doimiy muassasaga yoki doimiy bazaga ega bo‘lsa, shu sababli qarzlar bo‘yicha foizlar to‘lash hollari paydo bo‘lsa, bunday holda foizlar doimiy muassasa yoki doimiy baza joylashgan Ahdlashayotgan Davlatda paydo bo‘lgan hisoblanadi.

7. Agar foizlarga haqiqatda huquqi bo‘lgan to‘lovchilar va shaxslar o‘rtasidagi, yoki ularning o‘rtasidagi va biror boshqa shaxslar o‘rtasidagi alohida munosabatlar oqibatida ular to‘laydigan qarz talabiga nisbatan tegishli bo‘lgan foizlar summasi bunga haqiqatda huquqi bo‘lgan to‘lovchi va shaxs o‘rtasida kelishilgan summadan ortiq bo‘lsa, bunday munosabatlar bo‘lmaganda, mazkur modda qoidasi faqat oxirgi yilga olingan summaga nisbatan qo‘llaniladi. Bunday holda ushbu Konvensiyaning boshqa qoidalarini hisobga olgan holda har bir Ahdlashayotgan Davlatning qonuniga muvofiq to‘lovning ortiqcha qismidan soliq olinishi davom etadi.

1. Bir Ahdlashayotgan Davlatda paydo bo‘ladigan va boshqa Ahdlashayotgan Davlatda rezidentga to‘lanadigan royalti, agar bu rezident ushbu royaltilarning haqiqiy egasi hisoblansa, ushbu boshqa Davlatda unga soliq solinishi mumkin.

2. Ammo bu royaltilarga ular yuzaga keladigan Ahdlashayotgan Davlatda ham shu Davlat qonunchiligiga muvofiq soliq solinishi mumkin, biroq bunda ularni oluvchilar royalti egalaridan foyda oluvchilar (benefitsiar) hisoblansalar, soliq royalti yalpi summasining 10 foizidan oshib ketmasligi kerak.

3. “Royalti” atamasi mazkur moddada foydalanilganda istalgan adabiyot, san’at, fan asarlari, kinematografiya filmlaridan ham, istalgan patent, tovar belgilari, chizmalar yoki modellar, sxemalar. kompyuter dasturlari, maxfiy formula yoki jarayondan foydalanganlik yoki foydalanish huquqini berganlik yoki sanoat, tijorat ilmiy tajriba bilan bog‘liq axborot uchun va sanoat yoki ilmiy uskunalardan foydalanganlik yoki ulardan foydalanish huquqini berganlik uchun to‘lovlarga foydalanganlik yoki mualliflik huquqlardan foydalanish huquqini berganlik yoki uni sotganlik uchun olinadigan haq sifatidagi har qanday turdagi to‘lovlarni anglatadi.

4. Agar royaltining haqiqiy egasi bir Ahdlashayotgan Davlatning rezidenti bo‘la turib royalti yuzaga keladigan boshqa Ahdlashayotgan Davlatda tijoratchilik faoliyatini o‘sha yerda joylashgan doimiy muassasa yoki baza orqali amalga oshirsa yoki royalti nisbatan to‘lanadigan huquq yoki mulk haqiqatdan ham shu doimiy muassasa yoki doimiy baza bilan bog‘langan bo‘lsa, mazkur moddaning 1 va 2-bandlari qo‘llanilmaydi. Bunday holatda mazkur Konvensiyaning 7 yoki 14-moddalari qoidalari qo‘llaniladi.

5. Agar to‘lovchi ushbu Davlatning rezidenti hisoblansa, royalti Ahdlashayotgan Davlatda paydo bo‘lgan hisoblanadi. Agar royalti to‘lovchi shaxs Ahdlashayotgan Davlatning rezidenti hisoblanishi yoki hisoblanmasligidan qat’i nazar, Ahdlashayotgan Davlatda doimiy muassasa yoki doimiy bazaga ega bo‘lsa, u bo‘yicha royalti to‘lanadigan majburiyat paydo bo‘lishi munosabati bilak, ushbu royaltilarni to‘lash bo‘yicha xarajatlarni bunday doimiy muassasa yoki doimiy baza joylashgan Ahdlashayotgan Davlatda paydo bo‘lgan deb hisoblanadi.

6. Agarda to‘lovchi va royaltiga haqiqiy egalik qiluvchi o‘rtasida yoki ularning ikkalasi o‘rtasida va biror bir shaxs o‘rtasidagi alohida munosabatlar oqibatida to‘lashga asos bo‘ladigan foydalanish, huquq yoki axborotga taalluqli royalti summasi qandaydir sabablarga ko‘ra bunday munosabatlar yo‘q bo‘lgan taqdirda to‘lovchi va haqiqiy egalik qiluvchi o‘rtasida kelishilinishi mumkin bo‘lgan summadan ortiq bo‘lsa, mazkur moddaning qoidalari faqat keyingi eslatilgan summaga nisbatan qo‘llaniladi. Bunday holda to‘lovning ortiqcha qismiga har bir Ahdlashayotgan Davlat qonuniga muvofiq mazkur Konvensiyaning boshqa qoidalarini hisobga olib soliq solinaveradi.

7. Agarda royalti to‘lanadigan huquqlarni yaratish yoki berishga daxldor shaxsning asosiy maqsadi yoki asosiy maqsadlaridan biri huquqlarni yaratish yoki berish orqali mazkur modda afzalliklarini olish bo‘lsa, ushbu modda qoidalari qo‘llanilmaydi.

1. Ahdlashayotgan Davlat rezidenti tomonidan 6-moddada eslatilgan boshqa bir Ahdlashayotgan Davlatda joylashgan ko‘chmas mulkni sotishdan olinadigan daromadlarga shu boshqa Ahdlashayotgan Davlatda. soliq solinishi mumkin.

2. Bir Ahdlashayotgan Davlat korxonasi boshqa Ahdlashayotgan Davlatda ega bo‘lgan doimiy muassasa tadbirkorlik mulkining bir qismini tashkil etuvchi ko‘chadigan mulkni sotishdan olingan daromadlarga, yoki doimiy bazaga tegishli bo‘lgan hamda bir Ahdlashayotgan Davlat rezidenti mustaqil shaxsiy xizmatlarni amalga oshirish maqsadida foydalaniladigan boshqa Ahdlashayotgan Davlatdagi ko‘chadigan mulkdan olinadigan daromadlarga, bunday doimiy muassasani (alohida yoki korxona bilan birgalikda) yoki bunday doimiy bazani sotishdan olinadigan daromadlar ham shu jumlaga kiradi, mana shu boshqa Ahdlashayotgan Davlatda soliq solinishi mumkin.

3. Ahdlashayotgan Davlat korxonasi tomonidan xalqaro yuk tashishlarda foydalaniladigan kemalar, samolyotlar, temir yo‘l yoki avtomobil transporti vositalarini yoki ushbu transport vositalaridan foydalanish bilan bog‘liq bo‘lgan ko‘chadigan mulkni sotishdan olingan daromadlarga faqat mana shu Ahdlashayotgan Davlatda soliq solinishi mumkin.

4. Mol-mulkni asosan bevosita yoki bilvosita Ahdlashayotgan Davlat hududida bo‘lgan ko‘chmas mulkdan iborat korxonaning aksiyalari yoki aksionerlik sarmoyasini sotishdan olinadigan daromadlarga mana shu Davlatda soliq solinishi mumkin.

5. Mazkur moddaning 1, 2, 3 va 4-bandlarida sanab o‘tilmagan istalgan boshqa mulkni sotayotgan shaxs rezidenti bo‘lgan Ahdlashayotgan Davlatdagina soliq solinishi mumkin.

1. Bir Ahdlashayotgan Davlat rezidenti tomonidan professional xizmatlar ko‘rsatishdan yoki, xususiyatidan qat’i nazar, boshqa xizmatlar ko‘rsatishdan olinadigan daromaddan faqat mana shu Davlatda soliq olinishi mumkin Biroq bunday daromadga ikkinchi Ahdlashayotgan Davlatda ham soliq solinishi mumkin:

a) agar o‘z xizmatlari maqsadi uchun boshqa Ahdlashayotgan Davlatda muntazam ravishda borishi mumkin bo‘lgan doimiy bazaga ega bo‘lsa;

b) agar uning bo‘lishi boshqa Ahdlashayotgan Davlatda 12 oylik davr davomida umuman olganda 90 kunga teng bo‘lsa yoki undan oshib ketsa, bunday holatda uning daromadiga ushbu boshqa Ahdlashayotgan Davlatda, faqat doimiy bazaga tegishli bo‘lgan qismiga soliq solinishi mumkin.

2. “Mustaqil shaxsiy xizmatlar” atamasi, jumladan, mustaqil ilmiy, adabiy, artistlik, ta’lim yoki o‘qituvchilik faoliyatini, shuningdek, shifokorlar, yuristlar, muhandislar, arxitektorlar, stomatologlar va buxgaltyerlar faoliyatini o‘z ichiga oladi.

1. Mazkur Konvensiyaning 16, 18 va 19-moddalari qoidalarini hisobga olib, Ahdlashayotgan Davlat rezidenti yollash bo‘yicha ishlashi munosabati bilan oladigan ish haqi va boshqa to‘lanadigan haqlarga faqat shu Davlatda, agarda yollash bo‘yicha ish boshqa Ahdlashayotgan Davlatda amalga oshirilmasa, faqat shu Davlatda soliq solinadi. Agar yollashga oid ish shu yo‘sinda amalga oshirilsa, bunga nisbatan olingan haqlarga boshqa shu Davlatda soliq solinishi mumkin.

2. 1-band qoidalariga qaramay bir Ahdlashayotgan Davlatning rezidenti boshqa Ahdlashayotgan Davlatda amalga oshiriladigan yollashga oid ish munosabati bilan oladigan haqlarga faqat birinchi eslatilgan Davlatda soliq solinadi, agar:

a) haq oluvchi boshlanayotgan yoki tamom bo‘layotgan kalendar yilning 12 oyi doirasida umumiy miqdori 183 kundan oshmaydigan davr yoki davrlari mobaynida boshqa Ahdlashayotgan davlatda bo‘lsa, va

v) to‘lanadigan haqlar boshqa Davlatning rezidenti bo‘lmagan yollovchi yoki yollovchi nomidan to‘lanadigan bo‘lsa, va

s) to‘lanadigan haqlar bo‘yicha xarajatlar yollovchi boshqa Davlatda ega bo‘lgan doimiy muassasa yoki doimiy baza hisobidan qilinmaydigan bo‘lsa.

3. Ahdlashayotgan Davlatlardan birining rezidenti yollash bo‘yicha amalga oshiriladigan xalqaro tashishlarda foydalaniladigan dengiz yoki havo kemasi bortida, temir yo‘l yoki avtomobil transporti vositalaridagi ish uchun oladigan haqlarga mazkur moddaning oldingi qoidalaridan qat’i nazar, Ahdlashayotgan Davlatda soliq solinishi mumkin.

Bir Ahdlashayotgan Davlatning rezidenti boshqa Ahdlashayotgan Davlatning rezidenti hisoblanadigan direktorlar kengashi yoki korxonaning shunga o‘xshash organi a’zosi sifatida oladigan direktorlarning gonorarlari va boshqa shunga o‘xshash haqlarga mana shu boshqa Davlatda soliq solinishi mumkin.

1. Mazkur Konvensiyaning 14 va 15-moddalari qoidalariga qaramay bir Ahdlashayotgan Davlatning rezidenti tomonidan san’at xodimi, teatr, kino, radio yoki televideniye artisti yoki musiqachi, yoki sportchi sifatida uning boshqa Ahdlashayotgan Davlatda amalga oshiriladigan shaxsiy faoliyatidan olinadigan daromadga mana shu boshqa Davlatda soliq solinishi mumkin.

2. Agar san’at xodimi yoki sportchi o‘zining shu kabi amalga oshiriladigan shaxsiy faoliyatidan oladigan daromadi san’at xodimi yoki sportchining o‘ziga emas, balki boshqa shaxsga o‘tkaziladigan bo‘lsa, ushbu daromadga mazkur Konvensiyaning 7, 14 va 15-moddalari qoidalariga qaramay, san’at xodimi yoki sportchi faoliyati amalga oshiriladigan Ahdlashayotgan Davlatda soliq solinadi.

3. 1 va 2-bandlar qoidalari Ahdlashayotgan Davlatda san’at xodimlari yoki sportchilar tomonidan amalga oshiriladigan faoliyatdan olinadigan daromadlarga nisbatan, agar ushbu davlatda bo‘lish bir yoki ikkala Ahdlashayotgan Davlatning jamoatchilik fondlari yoki mahalliy hokimiyatlar tomonidan to‘liq mablag‘ bilan ta’minlansa, qo‘llanilmaydi. Bu kabi hollarda bunday daromaddan ushbu san’at xodimi yoki sportchi rezidenti hisoblangan Ahdlashayotgan Davlatda soliq olinadi.

1. Ahdlashayotgan Davlatda tashkil topadigan va ularning haqiqiy egalari hisoblanadigan boshqa Ahdlashayotgan Davlat rezidentiga to‘lanadigan pensiyalarga faqat ushbu boshqa Davlatda soliq solinadi.

2. Mazkur Konvensiya maqsadida “umrbod to‘lanadigan haqlar” atamasi adekvat va to‘liq kompensatsiya o‘rniga majburiy to‘lov bo‘yicha (ko‘rsatiladigan xizmatlardan farq qilgan holda) hayoti davomida yoki muayyan yil mobaynida vaqti-vaqti bilan to‘lanadigan belgilangan summani anglatadi, lekin davriy hisoblanmaydigan pensiyalarni yoki to‘lovlarni o‘z ichiga olmaydi.

3. Ahdlashayotgan Davlatda paydo bo‘ladigan va boshqa Ahdlashayotgan Davlat rezidentiga to‘lanadigan alimentlardan va boshqa shunga o‘xshash to‘lovlardan faqat boshqa Davlatda soliq olinadi.

1. a) Ahdlashayotgan Davlat yoki uning mahalliy hokimiyatlari tomonidan har qanday jismoniy shaxsga shu Davlat yoki uning mahalliy hokimiyatiga ko‘rsatiladigan xizmat uchun to‘lanadigan pensiya bo‘lmagan boshqa haqlarga faqat mana shu Davlatda soliq solinadi.

v) Biroq bunday haqqa, agar davlat xizmati shu davlatda amalga oshirilayotgan bo‘lsa va jismoniy shaxs shu Davlatning rezidenti hisoblanib, u;

i) shu Davlatning milliy shaxsi hisoblansa, yoki

ii) xizmatni amalga oshirish maqsadidagina shu Davlat rezidenti bo‘lmagan bo‘lsa, mana shu boshqa Ahdlashayotgan Davlatda soliq solinadi.

2. a) Ahdlashayotgan Davlat yoki mahalliy hokimiyat organi yoki ular tashkil etgan fondlardan shu Davlatga yoki mahalliy hokimiyat organiga ko‘rsatilgan xizmatga nisbatan har qanday jismoniy shaxsga to‘lanadigan har qanday pensiyaga faqat shu Davlatda soliq solinadi.

b) Biroq bunday pensiyaga faqat boshqa Ahdlashayotgan davlatda, agar jismoniy shaxs shu Davlatning rezidenti va milliy shaxsi hisoblansa, soliq solinadi.

3. Mazkur Konvensiyaning 15, 16 va 17-moddalari qoidalari Ahdlashayotgan Davlat yoki uning mahalliy hokimiyatlari tomonidan amalga oshiriladigan tadbirkorlik faoliyati bilan bog‘liq ko‘rsatilgan xizmatlarga nisbatan to‘lanadigan pul mukofotlariga va pensiyalarga qo‘llaniladi.

Ahdlashayotgan Davlatdan biriga kelgunga qadar bevosita boshqa Ahdlashayotgan Davlat rezidentlari hisoblanuvchi yoki hisoblangan va birinchi eslatilgan Davlatda faqat o‘qish yoki ma’lumot olish uchun turgan va talaba yoki praktikant tomonidan olinadigan yashash, o‘qish hamda ma’lumot olishga mo‘ljallangan to‘lovlarga, agar bu to‘lovlar manbalari shu Davlat hududidan tashqarida bo‘lsa, birinchi eslatib o‘tilgan Davlatda soliq solinmaydi.

Ahdlashayotgan Davlatning manbalaridan paydo bo‘ladigan va mazkur Konvensiyaning oldingi moddalarida aytib o‘tilmagan daromad (foyda) turlaridan faqat ana shu Davlatda soliq olinishi mumkin.

1. Boshqa Ahdlashayotgan Davlatdagi bir Ahdlashayotgan Davlat rezidentining ko‘chmas mulkka boshqa Davlatda soliq solinishi mumkin.

2. Bir Ahdlashayotgan Davlat korxonasi boshqa Ahdlashayotgan Davlatda mavjud bo‘lgan doimiy muassasa tadbirkorlik mulkining bir qismi hisoblanadigan ko‘chmas mulkka yoki bir Ahdlashayotgan Davlat rezidentiga boshqa Ahdlashayotgan Davlatdagi yakka tartibdagi mustaqil xizmat ko‘rsatish maqsadida foydalanish mumkin bo‘lgan doimiy baza bilan bog‘liq ko‘chmas mulk tarzidagi mulkka mana shu boshqa Davlatda soliq solinishi mumkin.

3. Ahdlashayotgan Davlat korxonasining mulki hisoblangan va xalqaro tashishlarda ishlatiladigan dengiz, havo kemalari va temir yo‘l yoki avtomobil transporti sifatidagi mulkka va bunday dengiz, havo kemalari, temir yo‘l yoki avtomobil transporti va konteynyerlardan foydalanish bilan bog‘liq ko‘chmas mulkka faqat yuridik shaxs sifatida u tashkil topgan joydagi Ahdlashayotgan Davlatda soliq solinishi mumkin.

4. Ahdlashayotgan Davlat rezidenti mulkining qolgan barcha elementlariga shu Davlatdagina soliq solinadi.

1. Agar bir Ahdlashayotgan Davlatning rezidenti daromad (foyda)ni qo‘shsa yoki mazkur Konvensiya qoidalariga muvofiq mulkka egalik qilsa, boshqa Ahdlashayotgan Davlatda soliq olinishi mumkin, unda daromad (foyda)ga yoki mol-mulkka shu Davlatda to‘lanishi kerak bo‘lgan soliq summasi birinchi eslatib o‘tilgan Davlatdagi bunday daromad (foyda) munosabati bilan bunday rezidentdan olinadigan soliqdan chiqarib tashlanishi kerak.

Lekin bunday chegirish birinchi davlatning uning soliq qonunchiligiga muvofiq mo‘ljallangan bunday daromad (foyda) yoki mulkka solinadigan soliq summasini oshmaydi.

2. Agar bir Ahdlashayotgan Davlat rezidentining daromadi (foydasi) yoki mulki Konvensiyaning istalgan qoidasiga muvofiq ushbu Davlatda soliqdan ozod etilgan bo‘lsa, bu Davlat shunday bo‘lsada, mazkur rezident daromadi (foydasi) yoki mulkining qolgan qismiga solinadigan soliq summasini hisoblashda soliqdan ozod etilgan daromad (foyda) yoki mulkni hisobga olishi kerak.

3. Soliq summasi Ahdlashayotgan Davlatning ichki qonun hujjatlari bilan taqdim etilgan belgilangan maxsus imtiyozli choralarga muvofiq soliqdan ozod qilinganda yoki kamaytirilganda, unda u Ahdlashayotgan Davlatda to‘langan hisoblanadi, bu bilan u boshqa Ahdlashayotgan Davlatning solig‘idan chegirib tashlangan bo‘lishi kerak.

1. Ahdlashayotgan Davlatlar milliy shaxslari boshqa Ahdlashayotgan Davlatda boshqa Davlat milliy shaxslariga xuddi ana shunday vaziyatlarda solinadigan soliqlardan boshqa soliq solishlarga yoki u bilan bog‘liq majburiyatlarga, yoki soliq solishdan ham ko‘ra og‘irroq yoki u bilan bog‘liq majburiyatga tortilmaydilar, ayniqsa, rezidensiyaga nisbatan. Bu qoida, 1-modda qoidalaridan qat’i nazar, (Konvensiya qo‘llaniladigan shaxslarga) bir yoki ikkala Ahdlashayotgan Davlat rezidentlari hisoblanmaydigan jismoniy shaxslarga nisbatan ham qo‘llaniladi.

2. Bir Ahdlashayotgan Davlat korxonasi boshqa Ahdlashayotgan Davlatda ega bo‘lgan doimiy muassasasiga soliq solish ana shunday faoliyatni amalga oshirayotgan shu boshqa Davlat korxonalariga solinadigan soliqdan qulay bo‘lmaydi. Mazkur qoida bir Ahdlashayotgan Davlatning boshqa Ahdlashayotgan Davlat rezidentlariga qandaydir majburiy xususiy imtiyozlar berish, o‘z rezidentlariga beriladigan ularning fuqarolik maqomlari yoki oilaviy sharoitlari asosida soliq solishdan ozod qilish yoki chegirish sifatida talqin qilinmasligi kerak.

3. Mazkur Konvensiyaning 9-moddasi 1-bandi, 11-moddasi 7-bandi yoki 12-moddasi 6-bandi qoidalari qo‘llanilishini istisno qilib, Ahdlashayotgan Davlat korxonasi boshqa Ahdlashayotgan Davlat rezidentiga to‘laydigan foizlar, royalti va boshqa to‘lovlar bunday korxonaning soliq solinadigan foydasiki aniqlash maqsadida birinchi eslatilgan Davlat rezidentiga to‘lanadigan ayni o‘sha shartlarda chegirmalar qilinadi. Bir Ahdlashayotgan Davlat korxonasining boshqa Ahdlashayotgan Davlat rezidentiga har qanday qarzi xuddi shunday tartibda shu korxona soliq solinadigan mulkini aniqlash maqsadida birinchi eslatilgan Davlat rezidentiga qarz bilan aynan bir xil shartlarda chegirilishi lozim.

4. Ahdlashayotgan Davlatning mulki boshqa Ahdlashayotgan Davlat bir yoki bir necha rezidentlariga to‘liq yoki qisman taalluqli bo‘lgan yoki ular tomonidan bevosita yoki bilvosita boshqariladigan korxonalari birinchi eslatilgan Davlatda birinchi eslatilgan davlatdagi shunday korxonalarga solinadigan boshqa har qanday soliqqa yoki ularga aloqador majburiyatlarga yoki soliq solishdan ko‘ra og‘irroq va ular bilan bog‘liq majburiyatlarga tortilmaydilar.

5. 3-bandning qoidalari Ahdlashayotgan Davlatlarning soliqlardan bo‘yin tovlash maqsadini ko‘zlagan operatsiyalar yoki ahdlashuvlarga to‘sqinlik qilish uchun yaratilgan soliq solish to‘g‘risidagi qonunlar qoidalariga ta’sir qilmaydi.

1. Agar shaxs bir yoki ikkala Ahdlashayotgan Davlat xatti-harakati unga ushbu Konvensiyaga muvofiq bo‘lmagan soliq solinishiga olib keladi deb hisoblasa, u, ushbu Davlatlarning ichki qonunchiligida nazarda tutilgan himoya vositalaridan qat’i nazar, o‘z arizasini o‘zi rezidenti hisoblangan Ahdlashayotgan Davlatning vakolatli organiga, yoki uning vaziyati 24-moddaning 1-bandi amal qilishi ta’siriga tushsa, o‘zi milliy shaxsi hisoblangan Ahdlashayotgan Davlatga taqdim etishi mumkin. Ariza Konvensiya qoidalariga muvofiq bo‘lmagan soliq solishga olib keluvchi xatti-harakatlar to‘g‘risida birinchi bildirishnoma berilgan paytdan boshlab uch yil davomida taqdim etilishi kerak.

2. Vakolatli organ, agar arizani asosli deb hisoblasa, va agar uning o‘zi qoniqarli qaror qabul qila olmasa, Konvensiyaga muvofiq bo‘lmagan soliq solishga yo‘l qo‘ymaslik maqsadida boshqa Ahdlashayotgan Davlatning vakolatli organi bilan o‘zaro kelishuv bo‘yicha masalani hal qilishga intiladi. Har qanday erishilgan ahdlashuv, Ahdlashayotgan Davlatlar milliy qonunchiligida nazarda tutilgan biror-bir vaqtinchalik cheklashlardan qat’i nazar, bajariladi.

3. Ahdlashayotgan Davlatlarning vakolatli organlari Konvensiyani talqin qilish yoki qo‘llanish paytida paydo bo‘ladigan har qanday masalalarni o‘zaro kelishib hal etishga intiladilar. Ular ushbu Konvensiyada nazarda tutilmagan hollarda ikki tomonlama soliq solishni bartaraf etish maqsadida bir-birlari bilan maslahatlashib olishlari ham mumkin.

4. Ahdlashayotgan Davlatlarning vakolatli organlari oldingi bandlarning ma’nosini tushunishda kelishuvga erishish maqsadida bir-birlari bilan bevosita aloqaga kirishishlari mumkin. Agar kelishuvga erishish uchun og‘zaki fikr almashishni tashkil etish maqsadga muvofiq bo‘lsa, bunday fikr almashish Ahdlashayotgan Davlat vakolatli organlarining vakillaridan iborat tuzilgan komissiya majlisi doirasida bo‘lib o‘tishi mumkin.

1. Ahdlashayotgan Davlatlarning vakolatli organlari mazkur Konvensiya qoidalarini yoki Ahdlashayotgan Davlatlarning mazkur Konvensiya tatbiq qilinadigan soliqlarga oid ichki qonunchiligini, bu qonunchilik bo‘yicha soliq solish mazkur Konvensiyaga zid kelmaydigan darajada qo‘llash, ko‘pincha, aldashning oldini olish va qonun bilan belgilangan qonuniy bosh tortishlarga qarshi qoidalarni boshqarishga ko‘maklashish uchun zarur axborot bilan almashinib turadilar. Ahdlashayotgan Davlat olgan har qanday axborot maxfiy hisoblanadi va faqat mazkur Konvensiya qo‘llaniladigan soliqlarni belgilash, olish, majburiy undirish yoki sudlashuv yoki shikoyatlarni ko‘rib chiqish bilan bog‘liq shaxslar yoki organlarga, sudlar va ma’muriy organlarga ham berilishi mumkin. Bunday shaxslar yoki organlar bu axborotdan faqat ana shu maqsadlarda foydalanadilar. Ular ushbu axborotni ochiq sud majlisida yoki yuridik qaror qabul qilinishida ochiq aytishlari mumkin.

2. Har qanday holatda ham mazkur moddaning 1-bandi qoidalari Ahdlashayotgan Davlatlardan istalgan birining vakolatli organiga:

a) bir yoki boshqa Ahdlashayotgan Davlatning qonunlariga yoki ma’muriy amaliyotga zid bo‘lgan ma’muriy choralar ko‘rish;

v) bir yoki boshqa Ahdlashayotgan Davlatning qonunlari yoki odatdagi ma’muriy amaliyotida olish mumkin bo‘lmagan axborotni taqdim etish;

s) birorta savdo, sanoat, tijorat yoki kasb sirini oshkor qiluvchi axborotni yoki oshkor qilinishi davlat siriga zid keluvchi axborotlarni berish majburiyatini yuklash sifatida talqin qilinmaydi.

Mazkur Konvensiyaning hech bir qoidasi xalqaro huquqning umumiy normalari yoki maxsus bitimlarning Qoidalariga muvofiq diplomatik vakolatxonalar va konsullik muassasalari xodimlariga berilgan soliq imtiyozlariga daxl qilmaydi.

Ahdlashayotgan Davlatlardan har biri mazkur Konvensiyani ichki qonunchilikka muvofiq kuchga kiritish uchun talab qilingan tadbirlar yakunlanganligi to‘g‘risida bir-birlarini diplomatik yo‘llar orqali xabardor qiladilar. Bu Konvensiya ana shunday oxirgi axborot olingan kundan boshlab kuchga kiradi va uning qoidalari:

a) mazkur Konvensiya kuchga kiradigan yildan keyingi yilning birinchi yanvaridan boshlab daromadlar olinadigan manbadan undiriladigan soliqlarga;

v) Konvensiya kuchga kirgan yildan bevosita keyin keluvchi kalendar yilning 1-yanvaridan yoki undan keyingi kundan boshlab har bir soliq yili uchun daromaddan olinadigan soliqqa va mulk soliqlariga ta’sir qiladi.

Mazkur Konvensiya Ahdlashayotgan Davlatlardan biri uning amal qilishni to‘xtatmagunga qadar kuchda bo‘ladi. Har bir Ahdlashayotgan Davlat Konvensiya kuchga kirgan kundan boshlab besh yil muddat tamom bo‘lgandan keyin boshlanadigan istalgan kalendar yil tamom bo‘lishidan kamida olti oy oldin uning amal qilishini to‘xtatish to‘g‘risida diplomatik yo‘llar orqali bildirishnoma berish yo‘li bilan Konvensiyaning amal qilishini to‘xtatishi mumkin.

Bunday holda Konvensiya:

a) bekor qilish haqida bildirishnoma berilgan yildan keyingi yilning birinchi yanvaridan boshlab daromadlar olinadigan manbadan undiriladigan soliqlarga;

v) bekor qilish haqida bildirishnoma berilgan yildan bevosita keyin keluvchi kalendar yilning 1-yanvaridan yoki undan keyingi kundan boshlab har bir soliq yili uchun daromaddan olinadigan soliqqa va mulk soliqlariga nisbatan to‘xtatiladi.

Tegishli ravishda Konvensiyani tasdiqlashga vakil qilingan shaxslar uni tasdiqlaydilar.

1996-yil 28-may Tbilisida ikki nusxada, har biri o‘zbek, gruzin va rus tillarida tuzildi, lekin barcha matnlar bir xil kuchga egadir.

Mazkur Konvensiya qoidalarini talqin qilishda anglashilmovchiliklar yuzaga kelsa rus tilidagi matn asos qilib olinadi.