LexUZ sharhi
Nastoyaщiy Ukaz utratil silu v sootvetstvii s Ukazom Prezidenta Respubliki Uzbekistan ot 27-sentabrya 2020 goda № UP-6075 “O merax po uluchsheniyu delovoy sredi v strane putem vnedreniya sistemi peresmotra utrativshix svoyu aktualnost aktov zakonodatelstva”.
Pillachilik xalq xo‘jaligining muhim tarmoqlaridan biri ekanini e’tiborga olib hamda tarmoq ishchilari va mutaxassislarining O‘zbekiston SSR iqtisodiyotiga qo‘shayotgan hissasini rag‘batlantirish maqsadida:
2. “O‘zbekiston SSRda xizmat ko‘rsatgan pillachi” faxriy unvoni to‘g‘risidagi Nizom va ushbu faxriy unvonning ko‘krakka taqiladigan nishoni tavsifi tasdiqlansin.
3. “O‘zbekiston SSRda xizmat ko‘rsatgan pillachi” faxriy unvoni ta’sis etilishi munosabati bilan O‘zbekiston SSR davlat mukofotlari to‘g‘risidagi Nizomga quyidagi o‘zgartishlar kiritilsin:
10-moddaning “B” bo‘limidagi “O‘zbekiston SSRda xizmat ko‘rsatgan paxtakor” so‘zlaridan so‘ng “O‘zbekiston SSRda xizmat ko‘rsatgan pillachi” so‘zlari qo‘shib qo‘yilsin;
12-modda “O‘zbekiston SSRda xizmat ko‘rsatgan paxtakor” bo‘limidan so‘ng quyidagi mazmunidagi bo‘lim bilan to‘ldirilsin:
“O‘zbekiston SSRda xizmat ko‘rsatgan pillachi” kolxozchilarga, sovxozlar va boshqa qishloq xo‘jalik korxonalarining ishchilari, mutaxassislariga, o‘quv yurtlari, ilmiy-tadqiqot va tajriba muassasalarining xodimlariga, shuningdek pillachilikni rivojlantirishda xizmatlari bo‘lgan hamda shu tarmoqda kamida 20 yil benuqson ishlagan kishilarga beriladi.
1. “O‘zbekiston SSRda xizmat ko‘rsatgan pillachi” kolxozchilarga, sovxozlar va boshqa qishloq xo‘jalik korxonalarining ishchilari, mutaxassislariga, o‘quv yurtlari, ilmiy-tadqiqot va tajriba muassasalarining xodimlariga, shuningdek pillachilikni rivojlantirishda xizmatlari bo‘lgan hamda shu tarmoqda kamida 20 yil benuqson ishlagan kishilarga beriladi.
2. “O‘zbekiston SSRda xizmat ko‘rsatgan pillachi” faxriy unvoni O‘zbekiston SSR Prezidenti huzuridagi Vazirlar Mahkamasining, O‘zbekiston SSR Qishloq xo‘jaligi vazirligining, O‘zbekiston Kompartiyasi Qoraqalpog‘iston ASSR Respublika komiteti va viloyat komitetlarining, Qoraqalpog‘iston ASSR Oliy Kengashi bilan Qoraqalpog‘iston ASSR Vazirlar Kengashining, xalq deputatlari viloyat va Toshkent shahar Sovetlari komitetlarining taqdimiga muvofiq O‘zbekiston Prezidenti tomonidan beriladi.
3. “O‘zbekiston SSRda xizmat ko‘rsatgan pillachi” faxriy unvonini berish to‘g‘risidagi tavsiyanoma, odatda, faxriy unvonga taqdim etilayotgan kishi ishlayotgan jamoalarda ma’muriyat tomonidan jamoat tashkilotlari bilan birgalikda beriladi.
Shahar, rayon partiya tashkilotlari, xalq deputatlari shahar va rayon Sovetlarining ijroiya komitetlari ham tavsiyanoma berishlari mumkin.
4. “O‘zbekiston SSRda xizmat ko‘rsatgan pillachi” faxriy unvoni berilgan kishilarga guvohnoma va belgilangan namunadagi ko‘krak nishoni topshiriladi.
“O‘zbekiston SSRda xizmat ko‘rsatgan pillachi” faxriy unvonining egalari huquq va imtiyozlar jihatidan “O‘zbekiston SSRda xizmat ko‘rsatgan qishloq xo‘jalik xodimi” faxriy unvoniga sazovor bo‘lgan kishilarga tenglashtiriladilar.
5. “O‘zbekiston SSRda xizmat ko‘rsatgan pillachi” faxriy unvonining ko‘krak nishoni ko‘krakning o‘ng tomoniga taqiladi.
6. “O‘zbekiston SSRda xizmat ko‘rsatgan pillachi” guvohnomasi va ko‘krak nishoni tantanali va keng oshkoralik muhitida O‘zbekiston SSR Prezidenti nomidan topshiriladi.
7. O‘zbekiston SSR Prezidentigina “O‘zbekiston SSRda xizmat ko‘rsatgan pillachi” faxriy unvonidan mahrum etishi mumkin.