O‘zbekiston Respublikasi va Xitoy Xalq Respublikasi, quyida Ahdlashuvchi Tomonlar deb ataluvchilar,

o‘zaro hurmat, suverenitet, teng huquqlilik va o‘zaro foyda prinsiplariga amal qilib,

huquqiy yordam sohasidagi hamkorlikni mustahkamlash maqsadlarida,

quyidagilar to‘g‘risida ahdlashib oldilar:

1. Ahdlashuvchi Tomonlardan birining fuqarolari boshqa Ahdlashuvchi Tomonning hududida o‘zlarining shaxsiy va mulkiy huquqlariga nisbatan boshqa Ahdlashuvchi Tomonning fuqarolariga tatbiq etiladigan ayni huquqiy himoyadan foydalanadilar. Ular fuqarolik va jinoiy ishlar bo‘yicha vakolat doirasiga taalluqli sudlarga va boshqa muassasalarga murojaat etishga haqlidirlar hamda iltimosnoma taqdim etishni yoki boshqa protsessual harakatlarni boshqa Ahdlashuvchi Tomonning fuqarolariga tatbiq etiladigan shartlarda amalga oshirishlari mumkin.

2. Ushbu modda 1-bandining qoidalari har qaysi istalgan Ahdlashuvchi Tomon hududida ularning o‘z milliy qonunlariga muvofiq ta’sis etilgan yuridik shaxslarga ham tatbiq etiladi.

3. Ushbu Shartnomada qo‘llaniladigan «fuqarolik ishlari» atamasi xo‘jalik, oila va nikoh hamda mehnat ishlarini ham qamrab oladi.

Ahdlashuvchi Tomonlarning sudlari va boshqa vakolatli muassasalari iltimosga binoan fuqarolik va jinoiy ishlar bo‘yicha huquqiy yordamni o‘zaro amalga oshirishni ushbu Shartnomada belgilangan tartibda ko‘rsatadilar.

1. Fuqarolik va jinoiy ishlar bo‘yicha murojaat etishda va huquqiy yordam ko‘rsatishda Ahdlashuvchi Tomonlar, agar ushbu Shartnomada o‘zga tartib o‘rnatilmagan bo‘lsa, o‘zlarining markaziy muassasalari orqali bir-birlari bilan aloqa qiladilar.

2. Ushbu moddaning 1-bandida eslatib o‘tilgan markaziy muassasalarga quyidagilar kiradi:

O‘zbekiston Respublikasi tomonidan — O‘zbekiston Respublikasi Adliya vazirligi va O‘zbekiston Respublikasi Prokuraturasi;

Xitoy Xalq Respublikasi tomonidan — Xitoy Xalq Respublikasi Adliya vazirligi va Xitoy Xalq Respublikasi Oliy xalq prokuraturasi.

1. Ahdlashuvchi Tomonlarning markaziy muassasalari yozishmalarda boshqa Ahdlashuvchi Tomonning rasmiy tiliga yoki ingliz yoki rus tillariga tarjimasini ilova etib o‘z mamlakatlarining rasmiy tillaridan foydalanadilar.

2. Huquqiy yordam ko‘rsatish haqidagi iltimos va taqdim etiladigan hujjatlar so‘ralayotgan Ahdlashuvchi Tomonning rasmiy tilida tuziladi va unga so‘ralayotgan Ahdlashuvchi Tomonning rasmiy tiliga yoki ingliz yoki rus tillariga tarjimasi ilova qilinadi.

1. So‘ralayotgan Ahdlashuvchi Tomon orqali so‘rayotgan Ahdlashuvchi Tomonning sudiga yoki boshqa vakolatli muassasalariga berilgan chaqiriq bo‘yicha hozir bo‘lgan guvoh, jabrlanuvchi yoki ekspert jinoiy javobgarlikka yoki so‘rayotgan Ahdlashuvchi Tomonning Davlat chegarasini kesib o‘tishdan oldin u tomonidan amalga oshirilgan huquqbuzarlik uchun har qanday shakldagi shaxsiy erkinligidan mahrum etilishi yoki guvohlik ko‘rsatmalarini bergani uchun ekspert sifatida harakat qilganligi yoki tekshiruv mazmuniga taalluqli bo‘lgan boshqa harakatlar uchun, uning fuqarolik mansubligidan qat’i nazar, so‘rayotgan davlatda jinoiy javobgarlikka tortilishi mumkin emas.

2. Agar guvoh, jabrlanuvchi yoki ekspert so‘rayotgan Ahdlashuvchi Tomon tarafidan uning boshqa bo‘lib turishiga zarurat yo‘qligi to‘g‘risidagi bildirishni olgandan so‘ng 15 kun muddat o‘tishi bilan ushbu moddaning 1-bandida taqdim etilayotgan kafolatlar o‘z kuchini yo‘qotadi, unga bog‘liq bo‘lmagan shart-sharoitlar tufayli so‘rayotgan Ahdlashuvchi Tomonning hududini o‘z vaqtida tark eta olmaganlik holatlari bundan mustasnodir.

3. Ushbu moddaning 1-bandida eslatib o‘tilgan chaqiriq ushbu Shartnomaning 3-moddasida belgilangan tartibda topshiriladi. Chaqiriq o‘zida majburiy choralarni tatbiq qilish haqidagi tahdidlardan holi bo‘lishi kerak.

1. Ahdlashuvchi Tomonlar huquqiy yordamni bepul ko‘rsatadilar.

2. So‘rayotgan Ahdlashuvchi Tomonning hududiga chaqiruv bo‘yicha kelgan guvoh, jabrlanuvchi yoki ekspertning safariga, ovqatlanishiga, bo‘lib turishiga sarflanadigan xarajatlarni so‘rayotgan Ahdlashuvchi Tomon qoplaydi. Bundan tashqari ekspert ekspertiza o‘tkazganligi uchun taqdirlash haqi olish huquqiga egadir. Chaqiriqda tilga olingan shaxslar qanday to‘lovlarni olishga haqli ekanliklari ko‘rsatilgan bo‘lishi lozim. So‘rayotgan Ahdlashuvchi Tomonning vakolatli muassasalari ularning talablariga binoan ushbu xarajatlarni qoplash uchun avans to‘lovlarni amalga oshiradilar.

Agar so‘ralayotgan Ahdlashuvchi Tomon huquqiy yordam ko‘rsatish uning suverenitetiga, xavfsizligiga putur etkazadi yoki uning milliy qonunlarining asosiy tamoyillariga zid keladi deb hisoblasa, so‘rayotgan Ahdlashuvchi Tomonga rad etish sabablarini ko‘rsatgan holda huquqiy yordamni taqdim etishdan voz kechishi mumkin.

1. Huquqiy yordam ko‘rsatishda so‘rov qilinayotgan vakolatli muassasa o‘z mamlakatining qonunlarini tatbiq qiladi.

2. So‘rayotgan vakolatli muassasa iltimosiga binoan so‘ralayotgan muassasa so‘rayotgan Ahdlashuvchi Tomonning protsessual normalarini ijro etishga oid usul va shakllarini tatbiq etishi mumkin, chunki ular so‘ralayotgan Ahdlashuvchi Tomon qonunlarining asosiy normalariga zid emasdir.

1. Ahdlashuvchi Tomonning sudi boshqa Ahdlashuvchi Tomonning fuqarosini ushbu Ahdlashuvchi Tomonning hududida faqat ajnabiyligi yoki turar joyining yoki yashash joyining bo‘lmaganligi asosida sud xarajatlarining ta’minoti bo‘yicha garovni kiritishga majbur etmasligi kerak.

2. Ushbu modda 1-bandining qoidalari, shuningdek Ahdlashuvchi Tomonlardan birining hududida uning qonunlariga muvofiq ta’sis etilgan yuridik shaxslarga ham tatbiq etiladi.

1. Har bir Ahdlashuvchi Tomonning fuqarolari boshqa Ahdlashuvchi Tomonning hududida sud xarajatlarini, shuningdek oldindan to‘lanadigan summalarni boshqa Ahdlashuvchi Tomonning fuqarolari bilan bir xil shartlarda va teng miqdorda to‘laydilar.

2. Ushbu modda 1-bandining qoidalari Ahdlashuvchi Tomonlardan birining hududida uning qonunchiligiga muvofiq ta’sis etilgan yuridik shaxslarga ham tatbiq etiladi.

1. Ahdlashuvchi Tomonlardan birining fuqarolari boshqa Ahdlashuvchi Tomonning hududida sud xarajatlari to‘lovidan boshqa Ahdlashuvchi Tomonning fuqarolari bilan bir xil shartlarda va teng miqdorda ozod qilinadilar.

2. Ahdlashuvchi Tomonlardan birining fuqarosi sud xarajatlaridan ozod qilish iltimosi bilan murojaat etganida uning turar joyi va yashash joyidagi vakolatli muassasalar tomonidan berilgan uning shaxsini va mulkiy holatini tasdiqlovchi hujjatlarni taqdim etishi lozim. Agar murojaat etuvchining Ahdlashuvchi Tomonlar hududida turar joyi yoki yashash joyi bo‘lmasa, u o‘z mamlakatining diplomatik vakolatxonalari yoki konsullik muassasalari tomonidan berilgan ko‘rsatilgan hujjatlarni taqdim etishi mumkin.

Ahdlashuvchi Tomonlar o‘zaro asosda iltimosga binoan sud va suddan tashqari bo‘lgan hujjatlarni topshiradilar, ish ishtirokchilari, guvohlar va ekspertlarni so‘roq qiladilar, ekspertiza va joyga borib ko‘zdan kechirishni amalga oshiradilar, shuningdek dalillarni yig‘ish bo‘yicha boshqa protsessual harakatlarni bajaradilar.

1. Hujjatlarni topshirish va ayrim protsessual. harakatlarni bajarish haqidagi iltimos yozma ravishda va topshiriq shaklida rasmiylashtiriladi. Topshiriq quyidagi ma’lumotlarni o‘z ichiga olishi lozim:

so‘rayotgan va so‘ralayotgan muassasalarning nomlanishi;

topshiriqqa taalluqli bo‘lgan ishtirokchilarning va boshqa shaxslarning ismi-sharifi, fuqaroligi, kasbi, yashash joyi yoki turar joyi;

vakilning ismi-sharifi va manzilgohi;

yordam so‘ralayotgan ishning nomi;

iltimosning mazmuni;

taqdim etilishi kerak bo‘lgan hujjatlarning nomlari;

so‘rayotgan muassasaning fikricha, topshiriqning bajarilishiga ko‘maklashishi mumkin bo‘lgan boshqa ma’lumotlar.

Topshiriq bilan birga uning bajarilishi uchun zarur bo‘lgan boshqa hujjat va materiallar taqdim qilinishi lozim.

2. Topshiriq va hujjatlar Ahdlashuvchi Tomonning so‘rayotgan muassasasi tomonidan imzolangan va muhri bilan tasdiqlangan bo‘lishi lozim.

1. Agar so‘ralayotgan Ahdlashuvchi Tomonning qonunlariga muvofiq topshiriqning bajarilishi sudlar va boshqa vakolatli muassasalarning vakolati doirasiga kirmasa, rad etishning sabablari tushuntirilib, topshiriq qaytarib yuborilishi mumkin.

2. Agar so‘ralayotgan muassasa topshiriqni bajarish huquqiga ega bo‘lmagan holda ushbu topshiriqni bajarish uchun vakolatli muassasalarga yuborishga majburdir, shuningdek bu haqda so‘rayotgan Tomonni xabardor qilish kerak.

3. Agar so‘ralayotgan muassasa topshiriqda ko‘rsatilgan manzilning noaniqligi munosabati bilan topshiriqning bajarilishiga imkoniyati bo‘lmasa, manzilini aniqlash uchun zarur choralarni ko‘rishi kerak yoki so‘rayotgan muassasadan qo‘shimcha ma’lumotlarning taqdim etilishini talab qilishi kerak.

4. Agar boshqa sabablarga ko‘ra manzilini aniqlash yoki topshiriqni bajarishning imkoniyati bo‘lmasa, so‘ralayotgan muassasa topshiriqning bajarilishiga to‘siqlik qilayotgan sabablarni bayon qilib, so‘rayotgan muassasani bu haqda xabardor qilishi lozim, shuningdek barcha yuborilgan hujjat va materiallarni qaytarib berishi kerak.

5. Ahdlashuvchi Tomonlardan birining so‘rayotgan muassasasi iltimosiga binoan boshqa Ahdlashuvchi Tomonning so‘ralayotgan muassasasi topshiriqning bajarilish vaqti va joyiga oid huquqiy yordamni ko‘rsatish bo‘yicha, agar bu so‘ralayotgan Ahdlashuvchi Tomonning qonunlarida yo‘l qo‘yilishi mumkin bo‘lsa, ular topshiriqning bajarilishida hozir bo‘lishligi uchun o‘z vaqtida so‘rayotgan muassasaga xabar beradi.

1. So‘ralayotgan muassasa ushbu Shartnomaning 3-moddasida ko‘zda tutilgan tartibda so‘rayotgan muassasaga topshiriqning bajarilish natijalarini yozma ravishda xabar beradi, shuningdek uning bajarilganligini tasdiqlovchi hujjatlarni yuboradi.

2. Topshiriqning bajarilganligini tasdiqlovchi hujjatda qabul qilingan sanasi va qabul qiluvchining imzosi, taqdim etgan muassasaning muhri va bajaruvchining imzosi ko‘rsatilgan bo‘lishi kerak. Agar qabul qiluvchi ularni qabul qilishdan bosh tortsa, qabul qilishning rad qilinish sabablari ko‘rsatilishi lozim.

Boshqa Ahdlashuvchi Tomon tarafidan akkreditatsiya etilgan Ahdlashuvchi Tomonlardan har birining diplomatik vakolatxonalari yoki konsullik muassasalari o‘z fuqarolariga sudga oid va suddan tashqari bo‘lgan hujjatlarni topshirishlari, ishtirokchini yoki guvohni so‘roq qilishlari mumkin, ammo majburiy tusdagi choralarni tatbiq qilishlari va bo‘lib turayotgan mamlakatning qonunlariga qarshi chiqishlari mumkin emas.

1. Ahdlashuvchi Tomonlar ushbu Shartnomaning qoidalariga muvofiq ushbu Shartnoma kuchga kirgandan so‘ng boshqa Ahdlashuvchi Tomonning hududida qabul qilingan quyidagi qarorlarni o‘z hududida tan olishi va agar qarorning tusiga qarab uning bajarilishi talab etilsa, unda ijro etishi lozim:

1) fuqarolik ishlari bo‘yicha sud qarorlari;

2) jinoiy ishlar bo‘yicha etkazilgan zararni qoplashga oid sud qarorlari;

3) arbitraj sudining qarorlari.

2. Ushbu Shartnomada qo‘llanadigan «sud qarorlari» atamasi quyidagini anglatadi:

O‘zbekiston Respublikasida — sud qarori, ajrimi, hukmi, sud tasdiqlagan yarashuv haqidagi bitim, shuningdek fuqarolik ishining mohiyati bo‘yicha sudya chiqargan qaror;

Xitoy Xalq Respublikasida — sud tomonidan chiqarilgan qaror, ajrim, yarashuv akti.

1. Sud qarorini ijro etish va tan olish haqida iltimosnomani arz qiluvchi shu qarorni qabul qilgan sudga topshiradi va ushbu sud esa ushbu Shartnomaning 3-moddasida ko‘zda tutilgan tartibda boshqa Ahdlashuvchi Tomonning sudiga jo‘natadi. Agar arz qiluvchining qaror ijro etilishi kerak bo‘lgan Ahdlashuvchi Tomonning hududida yashash joyi yoki turar joyi bo‘lsa, u holda iltimosnoma bevosita ushbu Ahdlashuvchi Tomonning sudiga topshirilishi mumkin.

2. Iltimosnoma so‘rayotgan Ahdlashuvchi Tomon talab etgan shaklda tuzilgan bo‘lishi lozim. Unga quyidagilar ilova qilinadi:

1) sud tomonidan tasdiqlangan sud qarorining nusxasi, agar nusxada qarorning kuchga kirganligi va uni ijro etish mumkinligi haqida aniq ko‘rsatma bo‘lmasa, bu to‘g‘risida sud ma’lumotnomasining bir nusxasi ilova qilinishi kerak;

2) protsessda ishtirok etmagan tomonga qonunda belgilangan tartibda sudga chaqiriq haqidagi xabarnoma taqdim etilganini va muomalaga layoqatsiz bo‘lgan holda esa uning tegishli vakili bo‘lganligi haqida tasdiqlovchi hujjat;

3) ushbu moddada eslatib o‘tilgan iltimosnomaning va tegishli hujjatlarning tasdiqlangan tarjimasi.

1. Sud qarorini tan olish va ijro etish iltimosnoma topshirilgan Ahdlashuvchi Tomon tarafidan uning qonunchiligida belgilangan tartibda amalga oshiriladi.

2. Iltimosnoma topshirilgan vakolatli muassasa ushbu qarorni ushbu Shartnoma talablariga muvofiqligi jihatidan o‘rganadi, ammo uni ishning mohiyati yuzasidan tekshirishi mumkin emas.

Bir Ahdlashuvchi Tomon sudlari ikkinchi Ahdlashuvchi Tomon sudlarining tan olgan va ijro etgan qarorlari ushbu Ahdlashuvchi Tomon sudlarining qarorlaridek yuridik kuchga egadir.

Quyidagi hollardan birida sud qarorini tan olishni va ijro etishni rad qilish mumkin:

1) agar qabul qilingan qaror Ahdlashuvchi Tomonning qonunlariga muvofiq bu qaror qonuniy kuchga kirmagan bo‘lsa yoki ijrosi mumkin bo‘lmasa;

2) agar qarorni tan olish va ijro etish haqidagi iltimosnoma qaratilgan Ahdlashuvchi Tomonning qonunlariga muvofiq ish so‘ralayotgan Ahdlashuvchi Tomon sudining mutlaq vakolat doirasiga kiradigan bo‘lsa;

3) agar protsessda ishtirok etmagan Tomonga Ahdlashuvchi Tomon qonunlariga muvofiq qarorni qabul qilgan muassasa sudga chaqiriq haqidagi xabarnomani taqdim etmagan bo‘lsa, yoki, muomalaga layoqatsiz bo‘lgan holda, uning tegishli vakili bo‘lmagan bo‘lsa;

4) agar aynan shu Tomonlar orasidagi aynan shu huquqiy nizo bo‘yicha so‘ralayotgan Ahdlashuvchi Tomon sudi chiqargan qaror qonuniy kuchga kirgan bo‘lsa, yoki xuddi shu nizo u erda ko‘rib chiqilayotgan bo‘lsa, yoki ushbu nizo bo‘yicha uchinchi davlat qarorining qonuniy kuchga kirganligi tan olingan bo‘lsa;

5) agar iltimosnoma qaratilgan Ahdlashuvchi Tomonning qarorni tan olishi yoki ijro etishi uning suverenitetiga, xavfsizligiga yoki jamoat tartibiga putur etkazadigan bo‘lsa.

Ahdlashuvchi Tomonlar boshqa Ahdlashuvchi Tomon arbitrajining qarorini o‘zaro tan olishni va ijro etishni 1958 yil 10 iyundagi Arbitraj qarorlarining tan olinishi va ijrosi haqidagi Nyu-York Konvensiyasiga muvofiq amalga oshiradilar.

Ahdlashuvchi Tomonlar iltimosiga binoan jinoiy ishlar bo‘yicha guvohlarni, jabrlanuvchilarni, ekspertlarni, gumon qilinuvchi va ayblanuvchilarni so‘roqqa tortishga, tintuv, ekspertiza, ko‘zdan kechirish, dalillarni yig‘ish bilan bog‘liq boshqa protsessual harakatlarni amalga oshirishga; jinoiy yo‘l bilan qo‘lga kiritilgan ashyoviy dalillarni va hujjatlarni, pul va moddiy boyliklarni topshirishga, shuningdek jinoiy ishlarni olib borish bilan bog‘liq protsessual hujjatlarni taqdim etishga, bir-birlariga jinoiy ishni olib borish natijalari bo‘yicha axborot berishga oid topshiriqlarni bajarish majburiyatini oladilar.

1. Jinoiy ishlar bo‘yicha hujjatlarni topshirish va ayrim protsessual harakatlarni bajarish tartibi ushbu Shartnomaning 13 — 16-moddasi bilan belgilanadi.

2. Yuqorida zikr etilgan topshiriqlarni yuborishda quyidagilar ko‘rsatilishi lozim:

jinoyatning tasnifi;

uni sodir etish vaziyatlari;

tegishli qonuniy aktlarning qoidalari.

1. Ahdlashuvchi Tomon boshqa Ahdlashuvchi Tomon murojaatiga binoan ushbu Ahdlashuvchi Tomonga boshqa Ahdlashuvchi Tomon hududida jinoyatchi sodir qilgan jinoyat natijasida uning hududida topilgan va qo‘lga kiritilgan pul va moddiy boyliklarni topshiradi. Biroq bunday topshirish so‘ralayotgan tomonning yoki uchinchi shaxslarning ushbu boyliklarga bo‘lgan huquqlarini cheklashi kerak emas.

2. Basharti, agar yuqorida ko‘rsatilgan pul va moddiy boyliklar so‘ralayotgan Ahdlashuvchi Tomon hududida boshqa hal etilmagan jinoiy ish bo‘yicha sudda ishni ko‘rish uchun zarur bo‘lsa, ushbu Tomon ularni topshirishni vaqtinchalik to‘xtatib turishi mumkin.

Agar topshiriqda ko‘rsatilgan qilmish so‘ralayotgan Ahdlashuvchi Tomonning qonunchiligida jinoyat bo‘lib hisoblanmasa, so‘ralayotgan Ahdlashuvchi Tomon ushbu Shartnomaning 7-moddasida ko‘zda tutilgan asoslardan tashqari jinoiy ishlar yuzasidan huquqiy yordam ko‘rsatishni rad etishi mumkin.

Ahdlashuvchi Tomonlar boshqa Ahdlashuvchi Tomon fuqarolariga nisbatan ular sudlari tomonidan chiqarilgan va qonuniy kuchga kirgan hukmlarning nusxalarini bir-birlariga topshirishga majburdirlar.

Ahdlashuvchi Tomonlar iltimosiga ko‘ra bepul boshqa Ahdlashuvchi Tomon sudi tarafidan ilgari hukm qilingan shaxsga nisbatan jinoiy ishni ko‘rish uchun zarur bo‘lgan sudlanganlik to‘g‘risidagi ma’lumotlarni bir-birlariga taqdim etadilar.

Ahdlashuvchi Tomonlar iltimosiga binoan bir-birlariga amal qilayotgan yoki amal qilgan qonunlar va sud amaliyoti to‘g‘risidagi axborotni taqdim etadilar.

1. Ahdlashuvchi Tomonlardan birining sudlari va boshqa vakolatli muassasalari tomonidan tayyorlangan yoki guvohlantirilgan va ikkala Ahdlashuvchi Tomonning markaziy muassasalari orqali berib yuborilgan hujjatlar imzo va rasmiy muhr bo‘lgan holda boshqa Ahdlashuvchi Tomonning sudlari va vakolatli muassasalari tomonidan qonunlashtirish (legalizatsiya) siz qabul qilinishi lozim.

2. Ahdlashuvchi Tomonlardan birining hududida tayyorlangan rasmiy hujjatlar boshqa Ahdlashuvchi Tomon hududida ham daliliy kuchga ega bo‘lgan rasmiy hujjatlar sifatiga egadir.

Ushbu Shartnomani bajarish bo‘yicha bir Ahdlashuvchi Tomonning vakolatli muassasalari markaziy muassasalar orqali qabul qilingan murojaatnomalariga binoan boshqa Ahdlashuvchi Tomonga ishni olib borish yuzasidan talab etiladigan fuqarolik holatlari aktlarini yozish daftaridan ko‘chirmalar, ta’lim haqidagi shahodatnomalar, mehnat staji va boshqa Ahdlashuvchi Tomon fuqarolarining shaxsiy huquqlariga taalluqli bo‘lgan boshqa hujjatlarni Ahdlashuvchi Tomonga bepul va tarjimasiz jo‘natadilar.

Ushbu Shartnomani sharhlash yoki ijro etish masalalari yuzasidan kelib chiqadigan nizolar diplomatik kanallar orqali hal etilishi kerak.

Ushbu Shartnoma ratifikatsiya qilinadi, ratifikatsiya yorliqlari bilan almashish Toshkent shahrida bo‘lib o‘tadi. Ushbu Shartnoma ratifikatsiya yorliqlari bilan almashilgandan so‘ng o‘ttizinchi kuni kuchga kiradi.

Ushbu Shartnoma bundan buyon Ahdlashuvchi Tomonlardan biri boshqa Ahdlashuvchi Tomonga Shartnomaning amal qilishini to‘xtatish haqidagi o‘zining niyatini yozma ravishda va diplomatik kanallar orqali xabar bergan kundan e’tiboran olti oy muddat o‘tgunga qadar amal qiladi.

Ushbu Shartnoma Pekin shahrida 1997-yil 11-dekabrda ikki nusxada, har biri o‘zbek, xitoy va rus tillarida imzolandi, barcha matnlar bir xil kuchga ega.

Ushbu Shartnomani sharhlash maqsadida rus tilidagi matn ishlatiladi.