Yuqori qoʻshilgan qiymatga ega boʻlgan raqobatbardosh mahsulot ishlab chiqarishni taʼminlaydigan zamonaviy, yuksak texnologiyali ishlab chiqarishlarni tashkil etish uchun xorijiy va mahalliy investitsiyalarni jalb etish boʻyicha qulay shart-sharoitlarni shakllantirish, Jizzax va Sirdaryo viloyatlarining ishlab chiqarish va resurs salohiyatidan kompleks hamda samarali foydalanish, shu asosda yangi ish joylarini yaratish va aholi daromadlarini oshirish maqsadida, shuningdek Oʻzbekistonda oʻzbek-xitoy sanoat parkini barpo etish loyihasini amalga oshirish boʻyicha oʻzaro anglashuv toʻgʻrisidagi memorandumga muvofiq:

1. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi, Jizzax va Sirdaryo viloyatlari hokimligining Jizzax viloyatida Sirdaryo viloyatining Sirdaryo tumanida filiali boʻlgan “Jizzax” erkin iqtisodiy zonasini (keyingi oʻrinlarda — “Jizzax” EIZ) deb yuritiladi) 1-ilovaga muvofiq hududlar chegaralari doirasida barpo etish toʻgʻrisidagi taklifi qabul qilinsin.

Oʻzbekiston Respublikasi “Yergeodezkadastr” davlat qoʻmitasi Jizzax va Sirdaryo viloyatlari hokimligi bilan birgalikda bir oy muddatda “Jizzax” MIZ tarkibiga kiritiladigan yer maydonlarining chegaralarini aniq belgilasin va yerlarning tegishli ravishda ajratilishini taʼminlasin.

Belgilab qoʻyilsinki:

“Jizzax” EIZ tarkibiga kiritilgan yer maydonlari Jizzax viloyati erkin iqtisodiy zonalar va kichik sanoat zonalari Maʼmuriy kengashining bevosita tasarrufida boʻladi;

“Jizzax” EIZga kiruvchi hududlar va uning chegaralari, zarur hollarda, Oʻzbekiston Respublikasi Vazirlar Mahkamasining qarori bilan oʻzgartirilishi mumkin.

3. Belgilab qoʻyilsinki:

“Jizzax” EIZning faoliyat yuritish muddati 30 yilni tashkil etadi va bu muddat keyinchalik uzaytirilishi mumkin;

“Jizzax” EIZ faoliyat yuritadigan muddat mobaynida uning hududida maxsus soliq tartibi va bojxona imtiyozlari amal qiladi;

“Jizzax” EIZ qatnashchisi maqomi “Jizzax” tegishli viloyat Maʼmuriy kengashining qarori bilan beriladi.

Jizzax” EIZda roʻyxatdan oʻtgan xoʻjalik subyektlariga nisbatan soliq toʻlovchining holatini yomonlashtiradigan Oʻzbekiston Respublikasining soliq qonunchiligi aktlari qoʻllanilmaydi, aksiz soligʻiga tortiladigan tovarlarga soliq solishni tartibga soluvchi aktlar bundan mustasno.

6. Jizzax viloyat hokimligi Jizzax viloyati Erkin iqtisodiy zonalar va kichik sanoat zonalari maʼmuriy kengashining qarorlariga asosan “Jizzax” EIZda loyihalarni amalga oshiruvchi investorlar uchun belgilangan tartibda quyidagilarni taʼminlasin:

birinchi navbatda, sobiq sanoat zonalarining foydalanilmayotgan hududlarida korxonalar qurish uchun yer maydonlarini oʻz vaqtida ajratish;

muhandislik-kommunikatsiya infratuzilmasi tarmoqlariga ulanish uchun barcha zarur ruxsatnomalarni “bir darcha” tamoyili asosida berish.

7. Shunday tartib oʻrnatilsinki, unga muvofiq “Jizzax” EIZda qatnashuvchi xoʻjalik yurituvchi subyektlar uchun “Oʻzbekenergo” AJ, “Oʻztransgaz” AK, Jizzax viloyati hokimligi boʻlinmalari va boshqa muhandislik-kommunikatsiya xizmatlarini yetkazib beruvchilar kommunikatsiyalarni ishlab chiqarish maydonchalariga tutashtirgan holda kafolatli ulanishini taʼminlaydilar.

8. Oʻzbekiston Respublikasi Vazirlar Mahkamasi “Jizzax” EIZga ajratiladigan hududlarga budjet mablagʻlari va boshqa ichki moliyalash manbalari hisobidan tashqi muhandislik-kommunikatsiya tarmoqlarini qurish, rekonstruksiya qilish, modernizatsiyalash va yanada rivojlantirishni taʼminlasin.

Oʻzbekiston Respublikasi Iqtisodiyot vazirligi, Moliya vazirligi hamda Davlat arxitektura va qurilish qoʻmitasi “Oʻzbekenergo” DAK, “Oʻztransgaz” AK, “Oʻzkommunxizmat” agentligi, “Oʻzavtoyoʻl” AK, “Oʻzbekiston temir yoʻllari” DAK, Jizzax va Sirdaryo viloyatlari hokimligi bilan birgalikda uch oy muddatda “Jizzax” maxsus industrial zonasi hududida transport, ishlab chiqarish va muhandislik-kommunikatsiya infratuzilmasini jadal rivojlantirish dasturini ishlab chiqsin va Oʻzbekiston Respublikasi Vazirlar Mahkamasiga kiritsin.

9. Oʻzbekiston Respublikasi Vazirlar Mahkamasi bir oy muddatda “Jizzax” MIZ Direksiyasini tashkil etsin va “Jizzax” maxsus industrial zonasi faoliyatini tashkil etish boʻyicha qaror qabul qilsin, unda “Jizzax” maxsus industrial zonasi toʻgʻrisidagi Nizom hamda “Jizzax” maxsus industrial zonasi Maʼmuriy kengashi haqidagi Nizomni tasdiqlash nazarda tutilsin.

10. Oʻzbekiston Respublikasi Tashqi iqtisodiy aloqalar, investitsiyalar va savdo vazirligining Vazirlik tarkibidagi Xorijiy investitsiyalarni jalb etish boshqarmasining Erkin iqtisodiy zonalar faoliyatini muvofiqlashtirish boʻlimi xodimlari sonini 2 nafar shtat birligiga oshirish toʻgʻrisidagi taklifiga rozilik berilsin.

11. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi Moliya vazirligi, Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

12. Mazkur Farmonning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

sharq tarafdan — “Jizzax — Doʻstlik” temir yoʻlining 8 — 11 km uchastkasi;

gʻarb tarafdan — inspektorlik avtomobil yoʻlining 0-km.dan boshlab uning “Obod” koʻchasi bilan kesishmasigacha.

shimol tarafdan — xoʻjaliklararo avtomobil yoʻlining “Jizzax-Doʻstlik” temir yoʻli bilan kesishgan joyidan (sharqiy tomondan) “Obod” koʻchasi bilan kesishgan joyiga qadar (gʻarbiy yoʻnalishda);

janub tarafdan — 4R-35 avtomobil yoʻlining inspektorlik avtomobil yoʻli bilan kesishgan joyidan (sharqiy yoʻnalishda) “Jizzax-Doʻstlik” temir yoʻli bilan kesishgan joyigacha (gʻarbiy yoʻnalishda).

sharqiy tomondan — “Toshkent—Samarqand” temir yoʻli;

janubi-sharqiy tomondan — M-39 avtomobil yoʻli;

janubiy tomondan — “Sirdaryo sh. — Navbahor p.” avtomobil yoʻlining M-39 avtomobil yoʻli bilan kesishgan joyidan shimoliy yoʻnalishdagi “Oʻrunboy” kanalining gʻarbiy oʻng qirgʻoq tarmogʻigacha;

gʻarbiy tomondan — shimoliy yoʻnalishdagi “Oʻrunboy” kanalining oʻng qirgʻoq tarmogʻi;

shimoliy va shimoli-gʻarbiy tomondan — “Oʻrunboy” kanalining oʻng qirgʻoq tarmogʻi boʻylab “Toshkent-Samarqand” temir yoʻligacha.