LexUZ sharhi
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
O‘zbekiston Bolalar sportini rivojlantirish jamg‘armasi Vasiylik kengashining 2011-yil 25-fevraldagi qarorini ijro etish hamda bolalarni, ayniqsa qizlarni sport bilan shug‘ullanishga yanada kengroq jalb qilish uchun qulay shart-sharoitlarni yaratish, o‘sib kelayotgan avlodni jismoniy rivojlantirish va sog‘lig‘ini mustahkamlashni ta’minlash, shuningdek ularning ijodiy qobiliyatlarini har tomonlama rivojlantirish hamda madaniy saviyasini oshirish maqsadida:
1. Respublika va hududiy tashkilotlar hamda korxonalar, shuningdek xorijiy investorlarning O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasiga 1 — 3-ilovalarga* muvofiq prognoz hajmlarda ixtiyoriy xayriya yordamini yo‘llash to‘g‘risidagi tashabbusi ma’qullansin.
O‘zbekiston Respublikasi Moliya vazirligi, Xalq ta’limi vazirligi, Iqtisodiyot vazirligi tomonidan ishlab chiqilgan 2011-yilda O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasi daromadlari va xarajatlarining prognoz parametrlari 4 va 5-ilovalarga* muvofiq;
O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasi tomonidan O‘zbekiston Respublikasi Davlat arxitektura va qurilish qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda tayyorlangan 2011-yilda O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasi mablag‘lari hisobidan moliyalashtiriladigan bolalar sporti obyektlari, suzish havzalari va bolalar musiqa hamda san’at maktablarini qurish, rekonstruksiya qilish va mukammal ta’mirlashning manzilli dasturlari 6, 6a va 6b-ilovalarga* muvofiq tasdiqlansin.
3. Quyidagilar yuzasidan Qoraqalpog‘iston Respublikasi Vazirlar Kengashi raisi, viloyatlar va Toshkent shahar hokimlari zimmasiga shaxsiy javobgarlik yuklansin:
ijtimoiy soha obyektlari qurilishi bo‘yicha ixtisoslashgan pudrat tashkilotlari o‘rtasida bolalar sporti obyektlari, suzish havzalari va bolalar musiqa hamda san’at maktablarini qurish, rekonstruksiya qilish va mukammal ta’mirlashning manzilli dasturlariga kiritilgan obyektlar bo‘yicha tanlov savdolarini 2011-yilning 20-martigacha yakunlash;
tanlov savdolari natijalari tasdiqlangach tanlov g‘oliblari bilan o‘n kun muddatda pudrat shartnomalarini tuzish hamda obyektlarni qurish, rekonstruksiya qilish va mukammal ta’mirlashni o‘z vaqtida moliyalashtira boshlash;
bolalar sporti obyektlari, suzish havzalari va bolalar musiqa hamda san’at maktablarini namunaviy loyihalarga hamda tasdiqlangan qurilish normalari va qoidalariga qat’iy muvofiq holda qurish, rekonstruksiya qilish, shuningdek ekspluatatsiya xavfsizligi talablariga rioya etish;
bolalar sporti obyektlari, suzish havzalari va bolalar musiqa hamda san’at maktablarini qurish, rekonstruksiya qilish va mukammal ta’mirlashning tasdiqlangan parametrlarini belgilangan muddatlarda samarali hamda sifatli bajarish.
4. O‘zbekiston Respublikasi Davlat arxitektura va qurilish qo‘mitasi Xalq ta’limi vazirligi, Bolalar sportini rivojlantirish jamg‘armasi bilan birgalikda, bolalar sporti obyektlarida, suzish havzalari va bolalar musiqa hamda san’at maktablarida tasdiqlangan namunaviy loyihalarga, qurilish normalari va qoidalariga muvofiq bajarilayotgan loyiha va qurilish-montaj ishlarining sifatiga nisbatan qo‘yilayotgan talablarga qat’iy rioya etilishini hisobga olgan holda, buyurtmachilar bilan pudratchilar o‘rtasidagi shartnoma majburiyatlari bajarilishi ustidan tizimli monitoring o‘rnatsin.
5. O‘zbekiston Respublikasi Xalq ta’limi vazirligi 2011-yilda ishga tushiriladigan bolalar sporti obyektlari, suzish havzalari va bolalar musiqa hamda san’at maktablarini belgilangan normalar va standartlarga muvofiq zarur uskunalar va anjomlar bilan o‘z vaqtida jihozlanishini ta’minlasin.
6. O‘zbekiston Respublikasi Moliya vazirligi, Xalq ta’limi vazirligi huzuridagi Bolalar sportini rivojlantirish jamg‘armasi Jamg‘armaning har yilgi daromadi va xarajatlari parametrlarini shakllantirishda alohida modda bilan, birinchi navbatda qishloq joylardan va ijtimoiy madadga muhtoj bo‘lgan oilalardan, umumta’lim maktablari, akademik litseylar va kasb-hunar kollejlari o‘quvchilari — ayniqsa qizlar uchun sport kiyimlarini xarid qilishga xarajatlarni nazarda tutsin.
Belgilansinki, 2011-yilda O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasi tomonidan “O‘zbekyengilsanoat” DAK tarkibidagi ishlab chiqaruvchi korxonalardan xarid qilinadigan sport kiyimlari nulinchi stavka bo‘yicha qo‘shilgan qiymat solig‘iga tortiladi.
O‘zbekiston Respublikasi Iqtisodiyot vazirligi, Xalq ta’limi vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasining hisob raqamiga mablag‘lar o‘z vaqtida kelib tushishini ta’minlasin;
2011-yilning har choragi yakunlari bo‘yicha O‘zbekiston Respublikasi Xalq ta’limi vazirligi huzuridagi Bolalar sportini rivojlantirish jamg‘armasining hududiy filiallari tomonidan bolalar sporti obyektlari, suzish havzalari va bolalar musiqa hamda san’at maktablari qurilishi obyektlariga ajratilgan mablag‘lardan maqsadli foydalanilishi va smeta xarajatlariga rioya etilishi ustidan tekshiruvlarni amalga oshirsin hamda bajarilgan ishlarning natijalari bo‘yicha Jamg‘arma Vasiylik kengashiga axborot berib borsin.
8. O‘zbekiston Respublikasi Vazirlar Mahkamasi har chorakdagi yig‘ilishlarida mazkur qaror bilan tasdiqlangan bolalar sporti obyektlari, suzish havzalari va bolalar musiqa hamda san’at maktablarini qurish, rekonstruksiya qilish va mukammal ta’mirlashning manzilli dasturlari amalga oshirilishini ko‘rib chiqsin, ularning o‘z vaqtida ishga tushirilishi va zarur uskuna hamda anjomlar bilan jihozlanishi ustidan qattiq nazorat o‘rnatsin.
9. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.