“Fuqarolar sogʻligʻini saqlash toʻgʻrisida”gi Oʻzbekiston Respublikasi Qonunining 10 va 11-moddalariga oʻzgartishlar kiritish haqida” Oʻzbekiston Respublikasining 2010-yil 19-maydagi OʻRQ-246-sonli Qonuniga muvofiq, shuningdek tibbiy faoliyatni litsenziyalash tartibini takomillashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Xususiy tibbiyot muassasalariga litsenziya beriladigan tibbiy faoliyat ixtisosliklari turlarining roʻyxati 2-ilovaga muvofiq tasdiqlansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.

1. Vazirlar Mahkamasining 2006-yil 20-fevraldagi 27-son qarori (Oʻzbekiston Respublikasi QT, 2006-y., 2-son, 11-modda) bilan tasdiqlangan Davlat axborot resurslari hamda ularni shakllantirish, ulardan foydalanish va ularni qoʻllab-quvvatlash uchun masʼul boʻlgan davlat organlari roʻyxatining 78-pozitsiyasi chiqarib tashlansin.

2. Vazirlar Mahkamasining “Tibbiy faoliyatni litsenziyalash tartibini yanada takomillashtirish chora-tadbirlari toʻgʻrisida” 2008-yil 3-apreldagi 61-son qarorida (Oʻzbekiston Respublikasi QT, 2008-y., 4-son, 13-modda):

a) 1-bandning uchinchi xatboshi va qarorga 2-ilova oʻz kuchini yoʻqotgan deb hisoblansin;

b) Tibbiy faoliyatni litsenziyalash toʻgʻrisidagi nizomda (1-ilova):

4-bandning birinchi xatboshi quyidagi tahrirda bayon qilinsin:

“Ushbu Nizomda nazarda tutilgan talablar va shartlarga muvofiq boʻlgan yuridik shaxslar litsenziya talabgorlari boʻlishi mumkin”;

5-band quyidagi tahrirda bayon qilinsin:

“5. Tibbiy faoliyatni amalga oshirish huquqi uchun litsenziyalar faqat muayyan ixtisoslik turlari boʻyicha beriladi, ularning yagona roʻyxati Oʻzbekiston Respublikasi Vazirlar Mahkamasi tomonidan tasdiqlanadi.

Ixtisoslik turlari boʻyicha tibbiy faoliyat hajmi Oʻzbekiston Respublikasi Sogʻliqni saqlash vazirligi tomonidan belgilanadi”;

7-banddagi “Yuridik va jismoniy shaxslarga” soʻzlari chiqarib tashlansin;

8-bandda:

uchinchi xatboshi quyidagi tahrirda bayon qilinsin:

“bosh vrach uchun — oliy tibbiy maʼlumotga va mutaxassisligi boʻyicha kamida 5 yil ish stajiga, tegishli mutaxassislik boʻyicha malaka toifasiga, shuningdek boshqa mutaxassis vrachlar uchun — oliy tibbiy maʼlumotga va tegishli mutaxassislik boʻyicha malaka toifasiga ega boʻlishi;

toʻrtinchi xatboshiga “mutaxassis vrachlarning” soʻzlaridan keyin “va oʻrta tibbiyot xodimlarining” soʻzlari qoʻshilsin;

beshinchi xatboshi oʻz kuchini yoʻqotgan deb hisoblansin;

yettinchi xatboshidagi “va/yoki ixtisoslikka” soʻzlari chiqarib tashlansin;

9-bandga quyidagi mazmundagi xatboshi qoʻshilsin:

“Tibbiy faoliyatni amalga oshirishda maʼnaviy eskirgan uskunalardan foydalanilishiga yoʻl qoʻyilmaydi. Zamonaviy va maʼnaviy eskirgan tibbiy uskunalar roʻyxati belgilangan tartibda Oʻzbekiston Respublikasi Sogʻliqni saqlash vazirligi tomonidan belgilanadi”;

10-bandda:

“a” kichik bandda:

ikkinchi xatboshi quyidagi tahrirda bayon qilinsin:

“yuridik shaxsning nomi va tashkiliy-huquqiy shakli, uning joylashgan joyi (pochta manzili) va tibbiy faoliyatni amalga oshirish manzili, bank muassasasining nomi va bank muassasasidagi hisob raqami;

uchinchi xatboshi oʻz kuchini yoʻqotgan deb hisoblansin;

toʻrtinchi xatboshidagi “yoki jismoniy” soʻzlari chiqarib tashlansin;

“b” kichik banddagi “yuridik shaxslar uchun; jismoniy shaxslar uchun — yakka tartibdagi tadbirkorning davlat roʻyxatidan oʻtkazilganligi toʻgʻrisidagi guvohnomaning notarial tasdiqlangan nusxasi” soʻzlari chiqarib tashlansin;

“v” kichik banddagi “arizada koʻrsatilgan tibbiy faoliyat turi va/yoki ixtisosliklar boʻyicha” soʻzlari “arizada koʻrsatilgan turi boʻyicha” soʻzlari bilan almashtirilsin;

“e” kichik band quyidagi tahrirda bayon qilinsin:

“e) bosh vrach uchun — mehnat daftarchasi va tayinlash toʻgʻrisidagi buyruqning nusxasi, oliy tibbiy maʼlumot toʻgʻrisidagi diplomning, malaka toifasi berilganligi toʻgʻrisidagi sertifikatning, keyingi 5 yilda malaka oshirganlik va/yoki ixtisoslashuvdan oʻtganlik toʻgʻrisidagi hujjatning notarial tasdiqlangan nusxalari, shuningdek mutaxassis vrachlar uchun — oliy tibbiy maʼlumot toʻgʻrisidagi diplomning, malaka toifasi berilganligi toʻgʻrisidagi sertifikatning, keyingi 5 yilda malaka oshirganlik va/yoki ixtisoslashuvdan oʻtganlik toʻgʻrisidagi hujjatning notarial tasdiqlangan nusxalari”;

“j” kichik band oʻz kuchini yoʻqotgan deb hisoblansin;

12-bandga “Hujjatlar” soʻzidan keyin “Oʻzbekiston Respublikasi” soʻzlari qoʻshilsin;

21-bandda:

beshinchi xatboshi quyidagi tahrirda bayon qilinsin:

“amalga oshirilishiga litsenziya berilayotgan tibbiy faoliyat turining nomi”;

sakkizinchi xatboshidagi “va/yoki muayyan tibbiy ixtisoslik boʻyicha faoliyat” soʻzlari chiqarib tashlansin;

oʻn birinchi xatboshidagi “va/yoki ixtisoslikni” soʻzlari chiqarib tashlansin;

26-band quyidagi tahrirda bayon qilinsin:

“26. Litsenziat qayta tashkil etilganda, uning nomi yoki pochta manzili va tibbiy faoliyatni amalga oshirish joyi oʻzgarganda, litsenziat yoki uning huquqiy vorisi qayta roʻyxatdan oʻtkazilgandan keyin bir hafta muddatda litsenziyalovchi organga koʻrsatib oʻtilgan maʼlumotlarni tasdiqlovchi tegishli hujjatlarni ilova qilgan holda litsenziyani qayta rasmiylashtirish toʻgʻrisida ariza berishi shart”;

34-bandga quyidagi mazmundagi xatboshi qoʻshilsin:

“joyning oʻzida, moliyaviy-xoʻjalik faoliyatga aralashmasdan, litsenziyalanadigan faoliyatni amalga oshirishning holati va shart-sharoitlari bilan tanishish”;

36-bandda:

ikkinchi xatboshi oʻz kuchini yoʻqotgan deb hisoblansin;

“a” kichik band quyidagi tahrirda bayon qilinsin:

“a) yuridik shaxsning nomi va soliq toʻlovchining identifikatsiya raqami, mulkchilik shakli, filiallar toʻgʻrisidagi maʼlumotlar, yuridik shaxs rahbarining familiyasi, ismi, otasining ismi”;

“d” kichik banddagi “va/yoki ixtisos” soʻzlari chiqarib tashlansin;

v) 3-ilovada:

6-bandga quyidagi mazmundagi xatboshi qoʻshilsin:

“joyning oʻzida, moliyaviy-xoʻjalik faoliyatga aralashmasdan, litsenziyalanadigan faoliyatni amalga oshirishning holati va shart-sharoitlari bilan tanishish”;

12-bandning uchinchi xatboshi quyidagi tahrirda bayon qilinsin:

“Xususiy tibbiy faoliyat bilan shugʻullanuvchi nodavlat tibbiyot muassasalari tomonidan koʻrsatiladigan tibbiy xizmatlar sifatini nazorat qilish boʻlimi”.

1. Umumiy vrachlik amaliyoti

2. Tez tibbiy yordam

3. Akusherlik va ginekologiya (maslahat-diagnostika yordami, konservativ davolash, kichik operativ ginekologiya)

4. Bolalar va oʻsmirlar ginekologiyasi (operatsiyasiz)

5. Endokrinologiya (operatsiyasiz)

6. Bolalar endokrinologiyasi (operatsiyasiz)

7. Ichki kasalliklar (terapiya)

8. Allergologiya va immunologiya

9. Gastroenterologiya

10. Geriatriya

11. Diyetologiya

12. Klinik farmakologiya

13. Kurortologiya

14. Fizioterapiya

15. Davolash fizkulturasi va sport tibbiyoti

16. Nefrologiya

17. Pulmonologiya

18. Revmatologiya

19. Funksional diagnostika

20. Otorinolaringologiya (LOR organlarning murakkab tugʻma nuqsonlarini bartaraf etishga oid operatsiyalardan tashqari)

21. Surdologiya-otorinolaringologiya

22. Kardiologiya (intervension kardiologiyadan tashqari)

23. Oftalmologiya

24. Bolalar oftalmologiyasi (operatsiyasiz)

25. Dermatovenerologiya (faqat dermatologiya boʻyicha xizmatlar)

26. Tibbiy kosmetologiya

27. Nevrologiya

28. Narkologiya

29. Psixoterapiya

30. Umumiy xirurgiya (yuqori texnologiyali va ixtisoslashtirilgan operatsiyalardan tashqari)

31. Kardioxirurgiya (maslahat-diagnostika yordami)

32. Koloproktologiya (maslahat-diagnostika yordami, konservativ davolash, kichik operativ koloproktologiya)

33. Plastik xirurgiya

34. Tomir xirurgiyasi (maslahat-diagnostika yordami)

35. Jagʻ-yuz xirurgiyasi (maslahat-diagnostika yordami)

36. Ekstrakorporal detoksikatsiya

37. Diagnostik va davolash-operatsiyali endoskopiya

38. Neyroxirurgiya (maslahat-diagnostika yordami)

39. Gematologiya (maslahat-diagnostika yordami)

40. Urologiya (maslahat-diagnostika yordami, konservativ davolash, kichik operativ urologiya)

41. Bolalar urologiyasi (operatsiyasiz)

42. Seksopatologiya

43. Tibbiy radiologiya

44. Rentgenologiya

45. Ultratovush diagnostikasi

46. Reabilitologiya

47. Anesteziologiya va reanimatologiya (faqat ruxsat berilgan operatsiyalar boʻyicha

48. Travmatologiya va ortopediya (operatsiyasiz)

49. Bolalar travmatologiyasi va ortopediyasi (operatsiyasiz)

50. Oilaviy tibbiyot

51. Tibbiy genetika

52. Umumiy pediatriya

53. Pediatriya

54. Bolalar kardiologiyasi va revmatologiyasi

55. Bolalar gastroenetologiyasi

56. Bolalar nefrologiyasi

57. Bolalar pulmonologiyasi

58. Bolalar xirurgiyasi (maslahat-diagnostika yordami)

59. Bolalar anesteziologiyasi va reanimatologiyasi (faqat ruxsat berilgan operatsiyalar boʻyicha)

60. Bolalar nevrologiyasi

61. Neonatologiya

62. Klinik laboratoriya diagnostikasi

63. Umumiy stomatologiya

64. Terapevtik stomatologiya

65. Xirurgik stomatologiya

66. Ortopedik stomatologiya

67. Ortodontiya

68. Paradontologiya

69. Bolalar stomatologiyasi

70. Dezinfektologiya