Oʻzbekiston Respublikasi Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2009-yil 12-avgustdagi 230-son (Oʻzbekiston Respublikasi qonun hujjatlari toʻplami, 2009-yil, 32-33-son, 363-modda) qarorning 3-bandini bajarish yuzasidan, Oʻzbekiston Respublikasi hududidagi faoliyat yurituvchi chet el yuridik shaxslari–norezidentlarni soliq organlarida oʻz vaqtida va toʻliq roʻyxatdan oʻtkazish, shuningdek ular tomonidan tegishli soliqlarni toʻlanishini nazorat qilish maqsadida, Oʻzbekiston Respublikasi Davlat soliq qoʻmitasi, Davlat bojxona qoʻmitasi va Markaziy bank Boshqaruvi qaror qiladilar:

1. Oʻzbekiston Respublikasi Davlat soliq qoʻmitasi, Davlat bojxona qoʻmitasi va Markaziy banki Boshqaruvining 2003-yil 12-sentabrdagi 2003-67, 01-02/19-36 va 240-V-sonli qarori bilan tasdiqlangan “Yuridik va jismoniy shaxslar tomonidan valyuta operatsiyalari amalga oshirilishining asoslanganligi yuzasidan monitoring olib borish tartibi toʻgʻrisida”gi nizomning (roʻyxat raqami 1281, 2003-yil 4-oktabr) (Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlar axborotnomasi, 2003-yil 19-20 son) 3-sonli ilovasining yangi tahriri ilovaga* muvofiq bayon etilsin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.