O‘zbekiston Respublikasining “O‘zbekiston Respublikasining Markaziy banki to‘g‘risida” (O‘zbekiston Respublikasi Oliy Majlisining Axborotnomasi, 1995-y., 12-son, 247-modda) va “Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish to‘g‘risida”gi (O‘zbekiston Respublikasi qonun hujjatlari to‘plami, 2004-y., 43-son, 451-modda) qonunlariga muvofiq O‘zbekiston Respublikasi Markaziy banki Boshqaruvi qaror qiladi:

1. O‘zbekiston Respublikasi Markaziy banki Boshqaruvining 2009-yil 16-martdagi 7/2-sonli qarori bilan tasdiqlangan O‘zbekiston Respublikasi banklarida ochiladigan bank hisobvaraqlari to‘g‘risidagi Yo‘riqnomaga (ro‘yxat raqami 1948, 2009-yil 27-aprel) (O‘zbekiston Respublikasi qonun hujjatlari to‘plami, 2009-yil, 18-son, 229-modda) ilovaga muvofiq o‘zgartirish va qo‘shimchalar kiritilsin.

2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.

1. 8-bandda:

birinchi xatboshi quyidagi tahrirda bayon etilsin:

“Mijozlar tomonidan hisobvaraqlar ochish uchun bankka mazkur Yo‘riqnomada ko‘zda tutilgan hujjatlar taqdim qilingan kundan so‘ng, banklar ikki ish kuni mobaynida, agar qonun hujjatlarida boshqacha hollar nazarda tutilmagan bo‘lsa, ularga hisobvaraqlar ochishlari shart.”;

ikkinchi xatboshi “qonun hujjatlarida nazarda tutilgan hollar bundan mustasno” degan so‘zlar bilan to‘ldirilsin.

2. 10-band quyidagi tahrirda bayon etilsin:

“10. Xo‘jalik yurituvchi subyektlarning hisobvaraq ochish uchun asos bo‘lgan hujjatlari, bank hisobvarag‘i shartnomasi, shuningdek, unga kiritilgan o‘zgartirishlar, ta’sis hujjatlari (ta’sis shartnomasi, ustav) hamda ularga kiritilgan o‘zgartirish va qo‘shimchalarning notarial tasdiqlangan nusxalari, ikkilamchi hisobvaraqlar ochilganligi to‘g‘risidagi asosiy hisobvarag‘ini ochgan bankka yuborgan xabarning nusxasi hamda bekor qilingan imzolar namunalari va muhr izi qo‘yilgan varaqchalar mijozning yuridik yig‘majildida saqlanadi.”.

3. 12-band quyidagi tahrirdagi “d” va “e” kichik bandlar bilan to‘ldirilsin:

“d) tadbirkorlik faoliyati subyektlari bo‘lgan rezident yuridik shaxslar tomonidan — ta’sis hujjatlari (ta’sis shartnomasi, ustav) hamda ularga kiritilgan o‘zgartirish va qo‘shimchalarning notarial tasdiqlangan nusxalari;

e) mijoz nomidan pul-hisob-kitob hujjatlarini imzolash vakolatiga ega shaxsning shaxsini tasdiqlovchi hujjati (pasport yoki uni o‘rnini bosadigan hujjat). Shaxsini tasdiqlovchi hujjatning asli ko‘rsatilgandan so‘ng, bank tomonidan undan nusxa olinadi.”.

4. 13-band quyidagi tahrirdagi “g” kichik band bilan to‘ldirilsin:

“g) tadbirkorlik faoliyati subyekti bo‘lmagan rezident yuridik shaxslar tomonidan — ta’sis hujjatlari (ta’sis shartnomasi, ustav) hamda ularga kiritilgan o‘zgartirish va qo‘shimchalarning notarial tasdiqlangan nusxalari, shuningdek, yuridik shaxs nomidan pul-hisob-kitob hujjatlarini imzolash vakolatiga ega shaxsning shaxsini tasdiqlovchi hujjati (pasport yoki uni o‘rnini bosadigan hujjat). Shaxsini tasdiqlovchi hujjatning asli ko‘rsatilgandan so‘ng, bank tomonidan undan nusxa olinadi.”.

5. 14-band quyidagi tahrirdagi “g” va “d” kichik bandlar bilan to‘ldirilsin:

“g) vakolatxona yoki filialga berilgan vakolatlarni belgilovchi hujjatning notarial tasdiqlangan nusxasi;

d) vakolatxona yoki filial nomidan pul-hisob-kitob hujjatlarini imzolash vakolatiga ega shaxsning shaxsini tasdiqlovchi (pasport yoki uni o‘rnini bosadigan) hujjat. Shaxsini tasdiqlovchi hujjatning asli ko‘rsatilgandan so‘ng, bank tomonidan undan nusxa olinadi.”.

6. 16-band quyidagi tahrirdagi “g” kichik band bilan to‘ldirilsin:

“g) norezident yuridik shaxs nomidan pul-hisob-kitob hujjatlarini imzolash vakolatiga ega shaxsning shaxsini tasdiqlovchi hujjat (pasport yoki uni o‘rnini bosadigan hujjat). Shaxsini tasdiqlovchi hujjatning asli ko‘rsatilgandan so‘ng, bank tomonidan undan nusxa olinadi.”.

7. 17-banddagi “shaxsni tasdiqlovchi hujjat (pasport va unga tenglashtirilgan hujjat) taqdim qilinadi” degan so‘zlar “shaxsini tasdiqlovchi hujjat (pasport yoki uni o‘rnini bosadigan hujjat) taqdim qilinadi va bank tomonidan ushbu hujjatlardan nusxa olinadi” degan so‘zlar bilan almashtirilsin.

8. 23-band o‘z kuchini yo‘qotgan deb hisoblansin.

9. 31-band quyidagi tahrirdagi “v” kichik band bilan to‘ldirilsin:

“v) norezident bank tomonidan va u ro‘yxatga olingan davlatda jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish sohasidagi xalqaro standartlar qo‘llanilishi to‘g‘risidagi axborot.”.

10. 39-bandning ikkinchi xatboshisi quyidagi tahrirda bayon etilsin:

“Ta’sis hujjatlari (ta’sis shartnomasi, ustav)da ko‘rsatilgan ma’lumotlar (ta’sischilar, aksiyadorlar, ishtirokchilar yoki boshqa ma’lumotlar) o‘zgargan taqdirda, mijoz ta’sis hujjatlariga kiritilgan o‘zgartirish va qo‘shimchalarni notarial tasdiqlangan nusxasini bankka taqdim qiladi.”.

11. 45-bandning to‘rtinchi xatboshisi quyidagi tahrirda bayon etilsin:

“Asosiy hisobvaraq o‘tkazilganligi to‘g‘risidagi ma’lumot axborotlar bazasida qonun hujjatlarida belgilangan muddatda saqlanadi. Ushbu muddat tugagandan so‘ng o‘tkazilgan asosiy hisobvaraq to‘g‘risidagi ma’lumot arxivlanadi va belgilangan tartibda saqlanadi.”.