O‘zbekiston Respublikasi “Advokatura to‘g‘risida”gi Qonunining 81-moddasiga (O‘zbekiston Respublikasi Oliy Majlisi Axborotnomasi, 1997-y., 2-son, 48-modda) muvofiq buyuraman:
1. Advokat stajorining faoliyatini tashkil etish tartibi to‘g‘risidagi nizom ilovaga muvofiq tasdiqlansin.
2. Mazkur buyruq davlat ro‘yxatidan o‘tkazilsin va bu haqda O‘zbekiston Respublikasi vazirliklari, davlat qo‘mitalari va idoralari normativ-huquqiy hujjatlarining Davlat reyestriga tegishli yozuv kiritilsin.
3. Qonun hujjatlarini turkumlash va huquqiy axborot boshqarmasi (A. Inanbabayev) hamda Notariat, FHDY va advokatura boshqarmasi (D. Yakubova) ushbu normativ-huquqiy hujjatni o‘n kun muddat ichida barcha manfaatdor shaxslarga yetkazilishini va “O‘zbekiston Respublikasi qonun hujjatlari to‘plami” — “Sobraniye zakonodatelstva Respubliki Uzbekistan”da nashr etilishini ta’minlasin.
4. Ushbu buyruq davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.
Mazkur Nizom O‘zbekiston Respublikasining “Advokatura to‘g‘risida”gi Qonuniga (O‘zbekiston Respublikasi Oliy Majlisining Axborotnomasi, 1997-yil, 2-son, 48-modda) muvofiq advokat stajorining (bundan keyingi o‘rinlarda stajor deb yuritiladi) faoliyatini tashkil etish tartibini belgilaydi.
1. Stajor tomonidan advokat maqomiga ega bo‘lishga tayyorlanish va uning kasbiy bilimlarini hamda ko‘nikmalarini hosil qilish stajirovkaning asosiy vazifasidir.
2. Stajirovka advokatlik tuzilmasida (advokatlik byurosi, advokatlik firmasi, advokatlar hay’ati, yuridik maslahatxonasi) o‘taladi.
3. Oliy yuridik ma’lumotga ega bo‘lgan O‘zbekiston Respublikasining fuqarosi stajor bo‘lishi mumkin.
Belgilangan tartibda muomalaga layoqatsiz yoki muomala layoqati cheklangan deb topilgan, shuningdek, sudlanganlik holati tugallanmagan yoki sudlanganligi olib tashlanmagan shaxs stajor bo‘lishi mumkin emas.
4. Stajorning faoliyat ko‘rsatishiga rahbarlik qiladigan advokat (stajirovka rahbari) kamida uch yillik ish stajiga ega bo‘lishi kerak.
5. Advokat maqomiga ega bo‘lishga talabgor shaxs (bundan keyingi o‘rinlarda talabgor deb yuritiladi) stajirovkani qaysi advokatlik tuzilmasida o‘tash niyatida bo‘lsa, o‘sha advokatlik tuzilmasiga ariza bilan murojaat qiladi. Talabgor stajirovkani yuridik maslahatxonada o‘tash uchun O‘zbekiston Respublikasi Advokatlar palatasining tegishli hududiy boshqarmasiga (bundan keyingi o‘rinlarda hududiy boshqarma deb yuritiladi) ariza bilan murojaat qiladi.
Oldingi tahrirga qarang.
(5-bandning oltinchi xatboshisi O‘zbekiston Respublikasi adliya vazirining 2018-yil 6-yanvardagi 8-mh-sonli (ro‘yxat raqami 1928-1, 06.01.2018-y.) buyrug‘i tahririda — Qonun hujjatlari ma’lumotlari milliy bazasi, 08.01.2018-y., 10/18/1928-1/0520-son)
6. Talabgor stajorlikka qabul qilinishidan oldin advokatlik tuzilmasida (hududiy boshqarmada) suhbatdan o‘tadi, bunda talabgor tayyorgarligining umumiy darajasi, uni stajorlikka qabul qilish to‘g‘risida ariza berishga undagan sabablar aniqlanadi.
7. Advokatlik tuzilmasining (hududiy boshqarmasining) rahbari suhbat natijalariga ko‘ra, talabgorni stajorlikka qabul qilish yoki qabul qilishni rad etish to‘g‘risida qaror qabul qiladi.
8. Stajorlikka qabul qilish advokatlik tuzilmasi (hududiy boshqarmasi) rahbarining buyrug‘i bilan amalga oshiriladi, stajirovka rahbari ham shu buyruq bilan tayinlanadi.
Oldingi tahrirga qarang.
9. Stajorning mehnat sharoitlari qonunchilik hujjatlarida belgilangan tartibda tuziladigan mehnat shartnomasi (kontrakt) bilan belgilanadi.
(9-band O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
10. Mehnat shartnomasi (kontrakt) bilan advokatlik tuzilmasining (hududiy boshqarmasining), stajirovka rahbarining hamda stajorning huquq va majburiyatlari, stajorning mehnatiga haq to‘lash tartibi, ish rejimi, mehnat shartnomasining (kontraktning) amal qilish muddati, uni tugatish shartlari belgilanadi, advokatlik tuzilmasi (hududiy boshqarmasi), stajirovka rahbari va stajor o‘zaro munosabatlarining boshqa masalalari tartibga solinadi.
11. Stajorning asosiy ish joyi stajirovka o‘tayotgan advokatlik tuzilmasidir. Stajorning o‘rindoshlik asosida ishlashi taqiqlanadi.
Oldingi tahrirga qarang.
(13-bandning birinchi xatboshisi O‘zbekiston Respublikasi adliya vazirining 2018-yil 12-dekabrdagi 549-mh-sonli buyrug‘i (ro‘yxat raqami 1928-2, 12.12.2018-y.) tahririda — Qonun hujjatlari ma’lumotlari milliy bazasi, 13.12.2018-y., 10/18/1928-2/2305-son)
Uzoq muddat (betoblik, harbiy yig‘inlarga chaqirilganlik va shu kabilar bilan bog‘liq holda) ishda bo‘lmagan vaqt stajirovka muddatiga qo‘shilmaydi.
14. Advokatlik tuzilmasi (hududiy boshqarmasi) tomonidan stajorga belgilangan namunadagi guvohnoma beriladi. Stajorlar qatoridan chiqarilganida guvohnoma advokatlik tuzilmasiga (hududiy boshqarmasiga) qaytarilishi kerak.
16. Stajirovka o‘tashi ustidan nazoratni advokatlik tuzilmasining rahbari amalga oshiradi. Advokatlik tuzilmasining rahbari stajirovka o‘tashini ta’minlab:
stajirovka rahbari bergan topshiriqlar va ularning stajor tomonidan bajarilishi aks ettiriladigan stajorning kundaligi yuritilishi;
stajor tomonidan advokatlik tuzilmasining rahbar organi oldida keyinchalik o‘z vaqtida referatlar tayyorlanishi va himoya qilinishi uchun;
stajorning stajirovka o‘tashi to‘g‘risida o‘z vaqtida va to‘liq hisobot berishi ustidan nazorat qiladi.
17. Stajor o‘z faoliyatini stajirovka rahbari bergan alohida topshiriqlarni bajargan holda uning rahbarligi ostida amalga oshiradi. Bunda stajirovka rahbari stajorga zarur yordam ko‘rsatadi.
18. Stajirovka rahbari stajor bilan birgalikda advokatlik tuzilmasining rahbari tomonidan tasdiqlanadigan har choraklik stajirovkaning yakka tartibdagi rejalarini tuzadi.
Stajirovkaning yakka tartibdagi rejasida stajor tomonidan bajariladigan ish mazmuni va bajarilishning aniq muddatlari, shuningdek, kasb tayyorgarligi bo‘yicha stajor bilan o‘tkaziladigan mashg‘ulotlarning mazmuni va muddatlari belgilanishi kerak.
19. Stajor stajirovka o‘tash davrida kundalik yuritib, unga stajirovka rahbarining topshiriqlarini va bajargan ishlari to‘g‘risidagi hisobotni yozib boradi. Kundalik har haftada stajirovka rahbari tomonidan tekshiriladi va imzolanadi.
20. Stajirovka davrida stajor advokatlik faoliyatining barcha yo‘nalishlaridagi sohalarda kasbiy bilimlar va ko‘nikmalarga ega bo‘lishi kerak.
Oldingi tahrirga qarang.
Bunda stajirovka rahbari stajorga zarur maslahatlar va tushuntirishlar berishi, o‘rganish uchun zarur bo‘lgan qonunchilik hujjatlari va sud amaliyotini tavsiya qilishi shart. Stajor qonunchilik hujjatlari va sud amaliyotini o‘rganib bo‘lganidan keyin stajirovka rahbari tomonidan u bilan aniq mavzular bo‘yicha suhbat o‘tkaziladi.
(20-bandning ikkinchi xatboshisi O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
21. Stajirovka davrida stajor kelgusi ishdagi ixtisoslashuvni hisobga olgan holda huquq va protsessning dolzarbroq masalalari bo‘yicha ikkita referat tayyorlaydi. Tayyorlangan referatlar advokatlik tuzilmasining rahbar organi oldida keyinchalik himoya qilinishi kerak.
Birinchi referatni himoya qilganidan keyin stajor bilimlar, Advokatlarning kasb etikasi qoidalarining asosiy normalarini o‘zlashtirishi va ishonch bildiruvchi shaxs (himoya ostidagi shaxs), advokatga maslahat so‘rab murojaat qilgan shaxslar bilan suhbat olib borishni bilishi, shuningdek, sud, protsessning boshqa ishtirokchilari bilan muomala qilish taktikasini o‘zlashtirishi kerak.
Ikkinchi referatni himoya qilganidan keyin stajor sudlarda himoya qilish taktikasi va uslubiyoti bo‘yicha bilimlarga ega bo‘lishi, to‘g‘ri va asoslangan nuqtai nazarni ishlab chiqishi, ish bo‘yicha mazmunli nutq tayyorlashi va so‘zlashni bilishi kerak.
22. Stajorga nisbatan Advokatlarning kasb etikasi qoidalari va advokatlik sirini saqlashga doir talablar tatbiq qilinadi.
Oldingi tahrirga qarang.
23. Stajorga nisbatan qonunchilik hujjatlarida nazarda tutilgan rag‘batlantirish va intizomiy jazo choralari qo‘llanilishi mumkin.
(23-band O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
24. Stajorning mehnatiga haq to‘lash va ijtimoiy sug‘urtasi advokatlik tuzilmasiga kelib tushgan mablag‘lar hisobidan amalga oshiriladi.
advokatlik tuzilmasida mavjud bo‘lgan huquqiy ma’lumotlar bazalaridan, maxsus adabiyotlardan foydalanishga;
normativ materiallarni turkumlashtirish, huquqni qo‘llash amaliyotini umumlashtirish, stajirovka rahbariga topshiriqlarni bajarish uchun zarur bo‘lgan hujjatlar va boshqa materiallar to‘plash bilan shug‘ullanishga;
stajirovka rahbari bilan birgalikda sud majlislarida, tergov harakatlarida ishtirok etishga, huquqiy hujjatlarning loyihalarini tayyorlashga;
Oldingi tahrirga qarang.
(25-bandning yettinchi xatboshisi O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
Oldingi tahrirga qarang.
(26-bandning beshinchi xatboshisi O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
27. Stajor stajirovkaning barcha yakka tartibdagi rejalarini bajarib bo‘lganidan keyin yozma hisobot tayyorlaydi, unda o‘zi tomonidan stajirovkaning yakka tartibdagi rejalarni bajarilishining yakunlari aks ettirilishi kerak. Hisobot stajirovka rahbari tomonidan tasdiqlanadi.
28. Stajirovka muddati tugaganidan keyin stajirovka rahbari stajorga mufassal tavsifnoma tuzadi, unda uning tayyorgarlik darajasi, stajirovka davomida u tomonidan kasbga doir olingan amaliy va nazariy bilimlari hamda ko‘nikmalari, topshiriqlarni bajarishida va kollektivning jamoat hayotida ishtirokining faolligi, shuningdek, stajorni malaka imtihonini topshirishga kirishi to‘g‘risidagi tavsiyasi aks ettirilgan bo‘lishi kerak.
Stajorga tavsifnoma advokatlik tuzilmasi rahbarining imzosi va tuzilmaning muhri bilan tasdiqlanadi.
29. Stajor bilan mehnat shartnomasi (kontrakt) bekor qilinadi, stajor esa advokatlik tuzilmasidan chiqariladi:
stajorni muomalaga layoqatsiz yoki muomala layoqati cheklangan deb topish to‘g‘risidagi sudning qarori qonuniy kuchga kirganda;
stajor tomonidan advokatning sha’ni va qadr-qimmatiga dog‘ tushiradigan hamda advokaturaning obro‘sini tushiradigan qilmish sodir etgan holda;
stajorni sudlanganligi olib tashlanmagan yoki sudlanganlik holati tugallanmaganlikni kelib chiqishiga olib keladigan jinoyat sodir etganlikda aybdor deb topilganligi to‘g‘risidagi sudning hukmi qonuniy kuchga kirganda;
stajorlikka kirayotganda talabgor tomonidan o‘zi haqida haqiqatga to‘g‘ri kelmaydigan ma’lumotlar taqdim etgan bo‘lsa;
Oldingi tahrirga qarang.
Mehnat shartnomasi (kontrakt) qonunchilik hujjatlarida nazarda tutilgan boshqa asoslar bo‘yicha ham bekor qilinishi mumkin.
(29-bandning o‘ninchi xatboshisi O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
30. Advokatlik tuzilmalari belgilangan tartibda tegishli hududiy boshqarmalarga stajirovka bilan bog‘liq statistik ma’lumotlarni taqdim etadi.
Statistik ma’lumotlarni to‘plash va o‘rganish yakunlari bo‘yicha hududiy boshqarmalar advokatlik byurolari, advokatlik firmalari, advokatlar hay’atlari uchun stajirovka o‘tashga eng kam miqdorda ish o‘rinlarini belgilashi mumkin. Hududiy boshqarmalar yuridik maslahatxonalarida stajirovka o‘tash uchun zarur miqdorda ish o‘rinlari yaratadilar.
Oldingi tahrirga qarang.
31. Mazkur Nizomni buzilishida aybdor shaxslar qonunchilik hujjatlariga muvofiq javobgarlikka tortiladilar.
(31-band O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)