Oʻzbekiston Respublikasi Prezidentining “Sogʻliqni saqlash tizimini isloh qilishni yanada chuqurlashtirish va uni rivojlantirish Davlat dasturini amalga oshirishning asosiy yoʻnalishlari toʻgʻrisida” 2007-yil 19-sentabrdagi PF-3923-son Farmonini bajarish yuzasidan hamda respublika ixtisoslashtirilgan ilmiy-amaliy tibbiyot markazlarining faoliyatini tashkil etishni taʼminlash maqsadida Vazirlar Mahkamasi qaror qiladi:

1. Quyidagilar:

Respublika ixtisoslashtirilgan akusherlik va ginekologiya ilmiy-amaliy tibbiyot markazi toʻgʻrisidagi Nizom hamda uning tuzilmasi 1 va 1a-ilovalarga muvofiq;

Respublika ixtisoslashtirilgan pediatriya ilmiy-amaliy tibbiyot markazi toʻgʻrisidagi Nizom hamda uning tuzilmasi 2 va 2a-ilovalarga muvofiq;

Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazi toʻgʻrisidagi Nizom hamda uning tuzilmasi 3 va 3a-ilovalarga muvofiq;

Respublika ixtisoslashtirilgan dermatologiya va venerologiya ilmiy-amaliy tibbiyot markazi toʻgʻrisidagi Nizom hamda uning tuzilmasi 4 va 4a-ilovalarga muvofiq;

Respublika ixtisoslashtirilgan ftiziatriya va pulmonologiya ilmiy-amaliy tibbiyot markazi toʻgʻrisidagi Nizom hamda uning tuzilmasi 5 va 5a-ilovalarga muvofiq;

Respublika ixtisoslashtirilgan endokrinologiya ilmiy-amaliy tibbiyot markazi toʻgʻrisidagi Nizom hamda uning tuzilmasi 6 va 6a-ilovalarga muvofiq tasdiqlansin.

2. Vazirlar Mahkamasining “Sogʻliqni saqlash tizimida eksperimentni tugallash va islohotlarni chuqurlashtirish chora-tadbirlari toʻgʻrisida” 2004-yil 8-iyundagi 264-son qaroridagi:

aholiga pulli asosda diagnostika va davolash sifati standartlariga rioya qilgan holda yuqori malakali ixtisoslashtirilgan tibbiy yordam koʻrsatish;

davlat budjeti mablagʻlari hisobiga imtiyozga ega boʻlgan shaxslarga orderlar berish, ularni davolashga yotqizish va davolash haqini toʻlash tartibi;

shoshilinch tibbiy yordamga muhtoj boʻlgan bemorlarni davolashga yotqizish;

markazlar daromadlarini shakllantirishning asosiy manbalari va ular faoliyatini moliyalashtirish tartibi yuqorida koʻrsatib oʻtilgan respublika ixtisoslashtirilgan ilmiy-amaliy tibbiyot markazlariga tatbiq etilsin.

3. Belgilab qoʻyilsinki, respublika ixtisoslashtirilgan ilmiy-amaliy tibbiyot markazlarining davlat tasarrufidagi mol-mulki faqat Oʻzbekiston Respublikasi Davlat mulki qoʻmitasi bilan kelishgan holda garov, ayirboshlash yoki oldi-sotdi predmeti boʻlishi mumkin.

4. Oʻzbekiston Respublikasi Sogʻliqni saqlash vazirligi va Moliya vazirligi tomonidan: 2010-yildan boshlab — Respublika akusherlik va ginekologiya ilmiy-amaliy markazining hamda Respublika terapiya va tibbiy reabilitatsiya ilmiy-amaliy markazining, 2014-yildan boshlab — Respublika dermatologiya va venerologiya ilmiy-amaliy markazining hamda Respublika endokrinologiya ilmiy-amaliy markazining oʻzini oʻzi mablagʻ bilan taʼminlashga va oʻz xarajatlarini oʻzi qoplashga oʻtishi jadvali tasdiqlanganligi maʼlumot uchun qabul qilinsin.

5. Oʻzbekiston Respublikasi Sogʻliqni saqlash vazirligi:

Oʻzbekiston Respublikasi Moliya vazirligi bilan kelishgan holda har yili respublika ixtisoslashtirilgan ilmiy-amaliy tibbiyot markazlarini budjetdan moliyalashtirish hajmlarini tasdiqlasin;

ikki hafta muddatda markazlar kengashlari toʻgʻrisidagi nizomlarni va ularning shaxsiy tarkiblarini, yangi shart-sharoitlarda markazlar faoliyatini tartibga soluvchi boshqa normativ hujjatlarni tasdiqlasin;

har bir respublika ilmiy-amaliy tibbiyot markazi boʻyicha uning sohasidan kelib chiqqan holda pulli xizmatlar koʻrsatish boʻyicha tabaqalashtirilgan tarif siyosatini, shuningdek budjet mablagʻlaridan belgilangan maqsadda va samarali foydalanilishi hamda budjet intizomiga rioya etilishi ustidan qatʼiy nazoratni nazarda tutuvchi chora-tadbirlar kompleksini ishlab chiqsin.

Amalga oshirilayotgan ishlar toʻgʻrisida har chorakda, hisobot choragidan keyingi oyning 10-kunigacha Vazirlar Mahkamasiga axborot berilsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S.Qosimov zimmasiga yuklansin.

1. Ushbu Nizom Respublika ixtisoslashtirilgan akusherlik va ginekologiya ilmiy-amaliy tibbiyot markazi faoliyatini tashkil etish va moliyalashtirish tartibini belgilaydi.

Respublika ixtisoslashtirilgan akusherlik va ginekologiya ilmiy-amaliy tibbiyot markazi (keyingi oʻrinlarda Markaz deb ataladi) Oʻzbekiston Respublikasi Prezidentining “Sogʻliqni saqlash tizimini isloh qilishni yanada chuqurlashtirish va uni rivojlantirish Davlat dasturini amalga oshirishning asosiy yoʻnalishlari toʻgʻrisida” 2007-yil 19-sentabrdagi PF-3923-son Farmoni asosida Oʻzbekiston Respublikasi Sogʻliqni saqlash vazirligining Akusherlik va ginekologiya ilmiy-tadqiqot instituti negizida akusherlik va ginekologiya sohasida davolash-profilaktika, ilmiy-tadqiqot va metodik faoliyatni amalga oshiradigan hamda aholiga yuqori malakali ixtisoslashtirilgan tibbiy yordam koʻrsatadigan ixtisoslashtirilgan mustaqil tibbiyot muassasasi sifatida tashkil etiladi.

2. Markaz davlat muassasasi shaklida tashkil etiladi, yuridik shaxs hisoblanadi, mustaqil balansga, banklarda hisob raqamlariga, Markazning nomi toʻliq koʻrsatilgan muhrga ega boʻladi.

Markaz akusherlik va ginekologiya sohasida ixtisoslashish turlari boʻyicha tibbiyot kadrlarini tayyorlash, qayta tayyorlash va ularning malakasini oshirish boʻyicha klinik, oʻquv bazasi hisoblanadi.

3. Markaz oʻz faoliyatida Oʻzbekiston Respublikasi qonunlariga, Oʻzbekiston Respublikasi Oliy Majlisi palatalari qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Sogʻliqni saqlash vazirligining buyruqlari va farmoyishlariga, boshqa qonunchilik hujjatlariga hamda ushbu Nizomga amal qiladi.

4. Markaz faoliyatning barcha sohalaridagi oʻz munosabatlarini Markaz oldidagi maqsad va vazifalarga muvofiq, qonunchilikda belgilangan tartibda yuridik va jismoniy shaxslar bilan tuzilgan shartnomalar asosida amalga oshiradi.

5. Markazning toʻliq nomi:

davlat tilida — Respublika ixtisoslashtirilgan akusherlik va ginekologiya ilmiy-amaliy tibbiyot markazi;

rus tilida — Respublikanskiy spetsializirovanniy nauchno-prakticheskiy meditsinskiy sentr akusherstva i ginekologii.

6. Markaz quyidagi manzilda joylashgan: Toshkent shahri, Mirzo Ulugʻbek tumani, H.Abdullayev koʻchasi, 132 A - uy.

7. Markaz Oʻzbekiston Respublikasi Sogʻliqni saqlash vazirligiga boʻysunadi.

8. Quyidagilar Markazni tashkil etish va faoliyatining maqsadi hisoblanadi:

yuqori sifatli va xalqaro standartlar talablari darajasida ixtisoslashtirilgan, tibbiy yordam koʻrsatishga daʼvat etilgan yuqori texnologiyali moddiy va ilmiy bazani, shuningdek akusherlik va ginekologiya maktabini shakllantirish;

aholining akusherik va ginekologiya sohasidagi diagnostika, davolash va profilaktika boʻyicha ixtisoslashtirilgan, yuqori texnologiyali tibbiy yordamga boʻlgan talabini qondirish.

9. Markazning asosiy vazifalari:

a) aholiga:

Sogʻliqni saqlash vazirligi tomonidan tasdiqlanadigan roʻyxat boʻyicha patologiyali homilador ayollarga, 15 yoshgacha boʻlgan bolalarga mavjud oʻrinlar fondi va poliklinika davolash quvvatining 20 foizigacha miqdorda - bepul asosda;

Oʻzbekiston Respublikasi fuqarolariga (ushbu kichik bandning ikkinchi xatboshida koʻrsatilgan shaxslardan tashqari), shuningdek xorijiy fuqarolarga va fuqaroligi boʻlmagan shaxslarga-pulli asosda akusherlik va ginekolgiya sohasida yuqori malakali, ixtisoslashtirilgan, yuqori texnologiyali tibbiy yordam koʻrsatish;

b) tibbiyot texnikasi va apparatlarining mavjud parkini doimiy ravishda yangilab borish va modernizatsiya qilishni taʼminlash, Markazni akusherlik va ginekologiya sohasida ilgʻor jahon yutuqlari darajasida, ixtisoslashtirilgan, yuqori malakali yordam koʻrsatish imkonini beradigan zamonaviy tibbiyot asbob-uskunalari bilan jihozlash;

v) Markaz faoliyatini taʼminlash uchun moliyaviy va moddiy-texnik resurslarni jalb etish boʻyicha menejment va marketing ishlarini tashkil etish;

g) Markaz tibbiyot xodimlarining, shu jumladan mutaxassislarning yetakchi xorijiy tibbiyot taʼlim muassasalarida va klinikalarida akusherlik va ginekologiya sohasida diagnostika va davolashning zamonaviy metodlari boʻyicha stajirovkasini tashkil etish hisobiga doimiy ravishda kasbiy darajasini oshirish va takomillashtirish;

d) oʻzining akusherlik va ginekologiya sohasida profilaktika, diagnostika va davolash boʻyicha ilgʻor metodlarini ishlab chiqish va tibbiy amaliyotga joriy etishga yoʻnaltirilgan ilmiy tadqiqotlarni amalga oshirish;

e) akusherlik va ginekologiya sohasida oʻzining patent olgan davolash va diagnostika metodlari va texnologiyalarini doimiy ravishda takomillashtirish va ularning xalqaro miqyosda eʼtirof etilishiga erishish;

j) onalik va bolalikni muhofaza qilish sohasidagi respublika maqsadli dasturlarini ishlab chiqish va amalga oshirishda faol qatnashish;

z) akusherlik va ginekologiya sohasida yetakchi xorijiy tibbiyot muassasalari bilan xalqaro hamkorlikni kengaytirish va mustahkamlash, toʻplangan tajribalar, axborotlar, shuningdek mutaxassislar bilan keng almashinishni taʼminlash.

10. Markaz oʻziga yuklangan vazifalarga muvofiq:

respublika aholisining akusherlik va ginekologiya sohasida diagnostika, davolash va profilaktikaning jahondagi ilgʻor yutuqlari darajasida eng samarali, murakkab va yuqori texnologiyali metodlariga boʻlgan ehtiyojini taʼminlaydi;

akusherlik va ginekologiya boʻyicha eng keng tarqalgan kasalliklar turlarini diagnostika qilish, davolash va profilaktika qilishning ilgʻor, samarali metodlari va texnologiyalarini ishlab chiqadi va joriy etadi;

respublika mintaqalarida akusherlik komplekslari va tugʻruqxona boʻlimlariga tashkiliy-metodik va ilmiy-amaliy yordam koʻrsatadi;

oʻz yoʻnalishi boʻyicha yuqori malakali mutaxassislarning oʻz maktabini shakllantiradi va rivojlantiradi;

zarurat boʻlganda Shoshilinch tibbiy yordamga muhtoj boʻlgan bemorlarni shifoxonaga yotqizish toʻgʻrisidagi Nizomga muvofiq yuqori malakali, ixtisoslashtirilgan tibbiy yordam koʻrsatish;

Oʻzbekiston Respublikasi Sogʻliqni saqlash vazirligiga Markazning ixtisoslashganlik yoʻnalishi boʻyicha tibbiyot sohasida ilmiy tadqiqotlarni rivojlantirishning ustuvor yoʻnalishlariga doir takliflarni koʻrib chiqish uchun kiritadi;

akusherlik va ginekologiya sohasidagi dori-darmonlar, tibbiyot vositalari, shuningdek diagnostika va davolash metodlarining klinik sinovlarini oʻtkazadi;

xorijdagi tibbiyot olamiga oʻzining ilmiy va texnologik yutuqlarini taqdim etadi;

akusherlik va ginekologiya boʻyicha oʻzining ilmiy, oʻquv-metodik hamda axborot-maʼlumotnoma materiallarini tayyorlaydi va nashr qiladi;

tibbiyot kadrlarini, shu jumladan klinik ordinatura, tayanch doktorantura va doktorantura orqali tayyorlash, qayta tayyorlashni va ularning malakasini oshirishni amalga oshiradi.

11. Markaz belgilangan maqsadlarga erishish va zimmasiga yuklangan vazifalarni bajarish uchun qonunchilikda belgilangan tartibda quyidagi huquqlarga ega:

oʻzining balansiga berilgan davlat mulkidan foydalanish va uni tasarruf etish;

rivojlanish biznes-rejalarini, xarajatlar smetasini tuzish, ularning hajmlarini va shakllantirish manbalarini, shuningdek sarflash yoʻnalishlarini belgilash;

Markaz sohasi boʻyicha pulli asosda aholiga yuqori malakali, ixtisoslashtirilgan tibbiy yordam koʻrsatish;

asosiy vositalarni ijaraga olish yoki ijaraga berish, grantlarni va boshqa moliyaviy yordamni jalb etish;

budjetdan ajratiladigan mablagʻlar va pulli tibbiy xizmatlar koʻrsatishdan tushgan daromadlar doirasida Markaz xodimlari mehnatiga haq toʻlash hamda ularni moddiy ragʻbatlantirish miqdorlarini mustaqil ravishda belgilash;

akusherlik va ginekologiya boʻyicha ilmiy tadqiqotlar oʻtkazishga davlat budjetidan grantlar olish uchun tanlovlarda qatnashish;

oʻz faoliyatini amalga oshirish jarayonida yaratilgan intellektual mulk obyektlariga mualliflik huquqlarini olish va ulardan foydalanish;

Oʻzbekiston Respublikasining qonunchiligiga va xalqaro shartnomalariga muvofiq xorijiy yuridik shaxslar bilan ilmiy hamda ilmiy-texnik hamkorlikni va tashqi iqtisodiy faoliyatni amalga oshirish;

Oʻzbekiston Respublikasi Sogʻliqni saqlash vazirligi bilan kelishgan holda respublika mintaqalarida filiallar tashkil etish;

qonunchilikka, Markaz faoliyatining maqsadlari va vazifalariga zid boʻlmagan boshqa faoliyat turlarini amalga oshirish.

12. Markaz Oʻzbekiston Respublikasi Sogʻliqni saqlash vazirligi bilan kelishgan holda koʻrsatiladigan tibbiy xizmatlar, amalga oshiriladigan ishlarning barcha turlari uchun tariflar va baholarni mustaqil ravishda belgilashga haqlidir.

13. Markaz quyidagilarga majbur:

akusherlik va ginekologik tibbiy yordamga muhtoj boʻlgan bemorlarga zamonaviy, xalqaro talablardagi sifat va standartlar darajasida diagnostika va davolashni taʼminlash va rivojlantirish;

aholiga tasdiqlangan tariflarga muvofiq akusherlik va ginekologiya boʻyicha yuqori malakali ixtisoslashtirilgan tibbiy yordam koʻrsatish;

yetakchi xorijiy klinikalarda Markaz xodimlarini muntazam ravishda tor ixtisos boʻyicha qayta tayyorlash va ularning malakasini oshirishni amalga oshirish;

Markaz xodimlari uchun mehnatni tashkil etish va unga haq toʻlashning qonunchilikda belgilangan shartlarini kafolatlash, texnika xavfsizligini, ijtimoiy taʼminotni va aniq manzilli ijtimoiy himoya qilishni taʼminlash;

oʻz mablagʻlari hisobiga Markazning moddiy-texnika bazasini zamonaviy tibbiyot texnikasi va texnologiyalari bilan mustahkamlash va rivojlantirish;

mol-mulkdan maqsadli foydalanish, uning saqlanishini taʼminlash;

qonunchilikka muvofiq buxgalteriya hisobini va statistik hisobni hamda hisobotlarni yuritish.

14. Markazning mol-mulki asosiy fondlar, shuningdek boshqa moddiy boyliklar va moliyaviy resurslardan iborat boʻladi.

15. Markaz egallab turgan yer uchastkasiga doimiy foydalanish huquqlari bilan egalik qiladi, faoliyat maqsadlariga muvofiq oʻz mol-mulkiga egalik qiladi, undan foydalanadi va uni tasarruf etadi, shu bilan birga, budjet mablagʻlari va budjetdan tashqari mablagʻlardan samarali foydalanishni taʼminlaydi.

16. Markaz vaqtinchalik foydalanilmayotgan xonalarini shartnoma asosida ijaraga berish, undan tushgan mablagʻlardan Markazni rivojlantirishda foydalanish, shuningdek asbob-uskunalar va mol-mulkni qonunchilikda nazarda tutilgan tartibda hisobdan chiqarish huquqiga ega.

17. Markaz tarkibiga bir smenada 240 nafar bemorga xizmat koʻrsatadigan konsultatsiya poliklinikasi va 236 bemor oʻrniga moʻljallangan statsionar kiradi.

Markaz tuzilmasi Oʻzbekiston Respublikasi Vazirlar Mahkamasi tomonidan tasdiqlanadi. Zarurat boʻlganda Markaz direktori tasdiqlash uchun Oʻzbekiston Respublikasi Sogʻliqni saqlash vazirligiga Markaz tuzilmasiga oʻzgartirish va qoʻshimchalar kiritish boʻyicha belgilangan tartibda takliflar kiritish huquqiga ega.

18. Markaz faoliyatiga Oʻzbekiston Respublikasi Sogʻliqni saqlash vaziri tomonidan lavozimga tayinlanadigan va lavozimdan ozod qilinadigan direktor rahbarlik qiladi.

Markaz direktori:

oʻz faoliyatini Markaz nomidan amalga oshiradi, Markazning moliya-xoʻjalik faoliyatiga rahbarlik qiladi, Markaz nomidan shartnomalar tuzadi, Markaz faoliyati bilan bogʻliq boʻlgan boshqa masalalarni hal etadi;

Markaz va uning filiallari xodimlari ishini oʻz vakolatlari doirasida tashkil etadi va boshqaradi, Markaz xodimlari bajarishi majburiy boʻlgan buyruqlar chiqaradi, Markaz xodimlarini qonunchilikka muvofiq ishga qabul qiladi va ishdan boʻshatadi;

Markaz faoliyati uchun javob beradi.

19. Direktor oʻrinbosarlari, Markaz filiallari rahbarlari Markaz direktorining taqdimnomasi boʻyicha Oʻzbekiston Respublikasi Sogʻliqni saqlash vaziri tomonidan lavozimga tayinlanadi va egallab turgan lavozimidan ozod etiladi.

20. Markaz tarkibida rivojlanish strategiyasini ishlab chiqish uchun Markaz Kengashi tashkil etiladi.

Markaz Kengashi direktor, uning oʻrinbosarlari, Markazning yetakchi mutaxassislari, shuningdek Oʻzbekiston Respublikasi Sogʻliqni saqlash vazirligining vakilidan iborat tarkibda 7 kishidan iborat boʻladi.

Markaz Kengashi toʻgʻrisidagi Nizom Oʻzbekiston Respublikasi Sogʻliqni saqlash vazirligi tomonidan tasdiqlanadi.

Kengash majlislari har chorakda oʻtkaziladi, uning qarorlari oddiy koʻpchilik ovoz bilan qabul qilinadi va protokol bilan rasmiylashtiriladi.

21. Quyidagilar Kengashning asosiy vazifalari hisoblanadi:

rivojlanish strategiyasini ishlab chiqish, Markaz investitsiya va ilmiy-texnika siyosatining asosiy yoʻnalishlarini belgilash;

aholiga pulli asosda koʻrsatiladigan tibbiy yordam turlariga tariflarni belgilangan tartibda koʻrib chiqish;

Markaz ichidagi, shuningdek uning filiallaridagi munosabatlarni tartibga soluvchi normativ hujjatlar loyihalarini ishlab chiqish;

Markaz faoliyatining samaradorligini oshirishga qaratilgan tavsiyalarni ishlab chiqish.

Markaz Kengashi majlisida kollegial qabul qilingan qarorlar Markaz direktorining buyrugʻi bilan rasmiylashtiriladi.

22. Markazda Markazning yetakchi ilmiy xodimlaridan iborat boʻlgan Ilmiy kengash tashkil etiladi.

Markazning Ilmiy kengashi toʻgʻrisidagi Nizom va uning shaxsiy tarkibi Markaz direktori tomonidan tasdiqlanadi.

Ilmiy kengash majlislari har oyda oʻtkaziladi, uning qarorlari oddiy koʻpchilik ovoz bilan qabul qilinadi va protokol bilan rasmiylashtiriladi.

Quyidagilar Ilmiy kengashning asosiy vazifalari hisoblanadi:

tibbiy yordam sifati va samaradorligini oshirishga qaratilgan ilmiy tavsiyalarni ishlab chiqish;

amalga oshirilayotgan ilmiy tadqiqotlarning maqsadga muvofiqligi va hajmini aniqlash;

ilmiy-tadqiqot ishlari rejalashtirilishi va bajarilishini tashkil etishga rahbarlik qilish.

23. Markazning tashkiliy tuzilmasiga Oʻzbekiston Respublikasi hududida va uning tashqarisida tashkil etiladigan filiallar belgilangan tartibda kirishi mumkin.

Filiallar ular toʻgʻrisidagi nizomlarga muvofiq faoliyat koʻrsatadi. Filiallar toʻgʻrisidagi nizomlar qonunchilikda belgilangan tartibda tasdiqlanadi.

24. Aholiga ixtisoslashtirilgan tibbiy yordam koʻrsatish boʻyicha Markaz faoliyatini nazorat qilishni Oʻzbekiston Respublikasi Sogʻliqni saqlash vazirligi amalga oshiradi.

25. Markaz va uning filiallari faoliyatini moliyalashtirish aralash shaklda, shu jumladan:

Markazning oʻz daromadlari;

Davlat budjeti mablagʻlari;

grantlar va homiylik yordami;

qonunchilikka zid boʻlmagan tartibda jalb etilgan boshqa mablagʻlar hisobiga amalga oshiriladi.

26. Markazning oʻz daromadlari:

aholiga pulli asosda tibbiy xizmatlar koʻrsatishdan;

Markazning ilmiy va oʻquv bazasida boshqa tibbiyot muassasalarining yoʻnalishli mutaxassislarini tayyorlashdan;

ilmiy-tadqiqot ishlari olib borishdan;

qonunchilikda taqiqlanmagan boshqa manbalardan shakllanadi.

27. Davlat budjeti mablagʻlari quyidagi maqsadlar uchun:

patologiyali homilador ayollarga, 15 yoshgacha boʻlgan bolalarga mavjud oʻrin fondi va poliklinika qabul qilish quvvatining 20 foizigacha, shuningdek shoshilinch tibbiy yordamga muhtoj boʻlgan bemorlarga 10 foizigacha hajmda bepul asosda yuqori malakali ixtisoslashtirilgan tibbiy yordam koʻrsatish boʻyicha Markaz xarajatlarini qoplash uchun;

Oʻzbekiston Respublikasi Sogʻliqni saqlashni rivojlantirish davlat dasturi va har yilgi investitsiya dasturlari doirasida Markazni zamonaviy tibbiyot uskunalari va texnikasi bilan jihozlash uchun;

Markazni mukammal rekonstruksiya qilish va taʼmirlash uchun;

ilmiy-tadqiqot faoliyatiga grantlar shaklida ajratiladi.

Budjet mablagʻlari Markazga Oʻzbekiston Respublikasi Sogʻliqni saqlash vazirligi orqali alohida satrda, aholining imtiyozli toifalariga bepul asosda tibbiy yordam koʻrsatish, Markazni uskunalar va texnika bilan jihozlash boʻyicha xarajatlar toʻloviga, shuningdek budjet mablagʻlari hisobiga mukammal taʼmirlashga esa - Gʻaznachilik orqali ajratiladi.

Oʻzbekiston Respublikasi Moliya vazirligi tomonidan Markazning moliyaviy faoliyati mustahkamlanishiga va uning oʻzini oʻzi moliyalashtirish va oʻz xarajatlarini qoplashga oʻtishiga qarab Davlat budjeti mablagʻlaridan moliyalashtirish hajmi bosqichma-bosqich kamaytirilishi mumkin.

28. Markaz xodimlari soni va xodimlarining ish haqi miqdori Markaz direktori tomonidan mustaqil ravishda belgilanadi, tibbiyot xodimlarini moddiy ragʻbatlantirish esa bajariladigan ishning murakkablik darajasi, sifati va hajmiga qarab, belgilangan tartibda belgilanadi.

29. Markaz ajratilgan budjet mablagʻlari va oʻz daromadlari doirasida mustaqil ravishda:

Markaz daromadlari va xarajatlari smetasini ishlab chiqadi hamda uni tasdiqlash uchun Oʻzbekiston Respublikasi Sogʻliqni saqlash vazirligiga taqdim etadi;

Markaz xodimlari mehnatiga haq toʻlash va ularni moddiy ragʻbatlantirish toʻgʻrisidagi nizomni ishlab chiqadi va tasdiqlaydi;

shtat jadvalini tasdiqlaydi hamda bazaviy maoshlardan kelib chiqib Takomillashtirilgan tarif setkasi boʻyicha tibbiyot va farmatsevtika xodimlariga, boshqa xodimlar mehnatiga haq toʻlash boʻyicha esa Yagona tarif setkasi boʻyicha lavozim maoshlarini, shuningdek eng koʻp miqdori cheklanmaydigan ustamalarni belgilaydi.

30. Markaz xoʻjalik faoliyatidan olinadigan daromadlarni mustaqil ravishda tasarruf etadi. Markazning moliya-xoʻjalik faoliyati natijasida olingan foydasi tegishli soliqlar va budjetga boshqa majburiy toʻlovlar toʻlangandan keyin Markazning tasarrufida qoladi va belgilangan tartibda:

Markazning moddiy-texnika bazasini yangilash, modernizatsiya qilish va kengaytirish, zamonaviy tibbiyot texnikasi, jihozlar, asbob-uskunalar sotib olish;

Markaz xodimlarini moddiy ragʻbatlantirish;

aylanma fondlarni toʻldirish;

Markaz mutaxassislarini tayyorlash, qayta tayyorlash va ularning malakasini oshirish;

mahsulotlar va xizmatlarni reklama qilish;

Markaz faoliyatini taʼminlash bilan bogʻliq boshqa maqsadlar uchun foydalaniladi.

31. Markaz qonunchilikda belgilangan tartibda buxgalteriya hisobi va hisobotini yuritadi, uni Oʻzbekiston Respublikasi Sogʻliqni saqlash vazirligiga va Davlat statistika qoʻmitasiga taqdim etadi, hujjatlarning saqlanishi va ularning kelishilgan roʻyxatga muvofiq davlat tomonidan saqlashga berilishi uchun javob beradi.

32. Markazning moliya-xoʻjalik faoliyatini nazorat qilish va tekshirish sogʻliqni saqlash, soliq va moliya organlari, boshqa davlat organlari tomonidan ularning vakolatlari doirasida, shuningdek qonunchilikda nazarda tutilgan tartibda auditorlik tashkilotlari bilan tuzilgan shartnomalar asosida auditorlik tashkilotlari tomonidan amalga oshiriladi.

33. Markazni qayta tashkil etish va tugatish qonunchilikda belgilangan tartibda amalga oshiriladi.

1. Ushbu Nizom Respublika ixtisoslashtirilgan pediatriya ilmiy-amaliy tibbiyot markazi faoliyatini tashkil etish va moliyalashtirish tartibini belgilaydi.

Respublika ixtisoslashtirilgan pediatriya ilmiy-amaliy tibbiyot markazi (keyingi oʻrinlarda Markaz deb ataladi) Oʻzbekiston Respublikasi Prezidentining “Sogʻliqni saqlash tizimini isloh qilishni yanada chuqurlashtirish va uni rivojlantirish Davlat dasturini amalga oshirishning asosiy yoʻnalishlari toʻgʻrisida” 2007-yil 19-sentabrdagi PF-3923-son Farmoni asosida Oʻzbekiston Respublikasi Sogʻliqni saqlash vazirligining Pediatriya ilmiy-tadqiqot instituti negizida pediatriya sohasida davolash-profilaktika, ilmiy-tadqiqot va metodik faoliyatni amalga oshiradigan hamda aholiga yuqori malakali ixtisoslashtirilgan tibbiy yordam koʻrsatadigan ixtisoslashtirilgan mustaqil tibbiyot muassasasi sifatida tashkil etilgan.

2. Markaz davlat muassasasi shaklida tashkil etiladi, yuridik shaxs hisoblanadi, mustaqil balansga, banklarda hisob raqamlariga, Markazning nomi toʻliq koʻrsatilgan muhrga ega boʻladi.

Markaz pediatriya sohasida ixtisoslashish turlari boʻyicha tibbiyot kadrlarini tayyorlash, qayta tayyorlash va ularning malakasini oshirish boʻyicha klinik oʻquv bazasi hisoblanadi.

3. Markaz oʻz faoliyatida Oʻzbekiston Respublikasi qonunlariga, Oʻzbekiston Respublikasi Oliy Majlisi palatalari qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Sogʻliqni saqlash vazirligining buyruqlari va farmoyishlariga, boshqa qonunchilik hujjatlariga hamda ushbu Nizomga amal qiladi.

4. Markaz faoliyatning barcha sohalaridagi oʻz munosabatlarini qonunchilik doirasida, shuningdek Markazning maqsadi va faoliyati predmetiga muvofiq yuridik va jismoniy shaxslar bilan belgilangan tartibda tuzilgan shartnomalar asosida amalga oshiradi.

5. Markazning toʻliq nomi:

davlat tilida — Respublika ixtisoslashtirilgan pediatriya ilmiy-amaliy tibbiyot markazi;

rus tilida — Respublikanskiy spetsializirovanniy nauchno-prakticheskiy meditsinskiy sentr pediatrii.

6. Markaz quyidagi manzilda joylashgan: Toshkent shahri, Sobir Rahimov tumani, Chimboy koʻchasi, Talant tor koʻchasi, 3-uy.

7. Markaz Oʻzbekiston Respublikasi Sogʻliqni saqlash vazirligiga boʻysunadi.

8. Quyidagilar Markazni tashkil etish va faoliyatining maqsadi hisoblanadi:

yuqori sifatli va xalqaro standartlar talablari darajasida ixtisoslashtirilgan tibbiy yordam koʻrsatishga daʼvat etilgan yuqori texnologiyali moddiy va ilmiy bazani, shuningdek pediatriya maktabini shakllantirish;

aholining pediatriyada diagnostika, davolash, profilaktika va reabilitatsiya qilish boʻyicha ixtisoslashtirilgan, yuqori texnologiyali tibbiy yordamga boʻlgan talabini qondirish.

9. Markazning asosiy vazifalari:

a) quyidagilarga:

15 yoshgacha boʻlgan bolalarga - bepul asosda;

Oʻzbekiston Respublikasi fuqarolariga (ushbu kichik bandning ikkinchi xatboshida koʻrsatilgan shaxslardan tashqari), shuningdek xorijiy fuqarolarga va fuqaroligi boʻlmagan shaxslarga-pulli asosda pediatriya sohasida yuqori malakali ixtisoslashtirilgan, yuqori texnologiyali tibbiy yordam koʻrsatish;

b) tibbiyot texnikasi va apparatlarining mavjud parkini doimiy ravishda yangilab borish va modernizatsiya qilishni taʼminlash, Markazni pediatriya sohasida ilgʻor jahon yutuqlari darajasida, ixtisoslashtirilgan, yuqori malakali yordam koʻrsatish imkonini beradigan zamonaviy tibbiyot asbob-uskunalari bilan jihozlash;

v) Markaz faoliyatini taʼminlash uchun moliyaviy va moddiy-texnik resurslarni jalb etish boʻyicha menejment va marketing ishlarini tashkil etish;

g) Markaz tibbiyot xodimlarining, shu jumladan mutaxassislarning yetakchi xorijiy tibbiyot taʼlim muassasalarida va klinikalarida pediatriya sohasida diagnostika va davolashning zamonaviy metodlari boʻyicha stajirovkasini tashkil etish hisobiga doimiy ravishda kasbiy darajasini oshirish va takomillashtirish;

d) oʻzining pediatriyada profilaktika, diagnostika va davolash boʻyicha ilgʻor metodlarini ishlab chiqish va tibbiy amaliyotga joriy etishga yoʻnaltirilgan ilmiy tadqiqotlarni amalga oshirish;

e) pediatriyada oʻzining patent olgan davolash va diagnostika metodlari va texnologiyalarini doimiy ravishda takomillashtirish va ularning xalqaro miqyosda eʼtirof etilishiga erishish;

j) onalik va bolalikni muhofaza qilish sohasidagi respublika maqsadli dasturlarini ishlab chiqish va amalga oshirishda faol qatnashish;

z) pediatriya sohasida yetakchi xorijiy tibbiyot muassasalari bilan xalqaro hamkorlikni kengaytirish va mustahkamlash, toʻplangan tajribalar, axborotlar, shuningdek mutaxassislar bilan keng almashinishni taʼminlash.

10. Markaz oʻziga yuklangan vazifalarga muvofiq:

respublika aholisining pediatriyada diagnostika, davolash va profilaktikaning jahondagi ilgʻor yutuqlari darajasida eng samarali, murakkab va yuqori texnologiyali metodlariga boʻlgan ehtiyojini taʼminlaydi;

bolalar kasalliklarining eng keng tarqalgan turlarini diagnostika qilish, davolash va profilaktika qilishning ilgʻor samarali metodlari va texnologiyalarini ishlab chiqadi va joriy etadi;

respublika mintaqalarida viloyatlarning bolalar koʻp tarmoqli tibbiyot markazlariga tashkiliy-metodik va ilmiy-amaliy yordam koʻrsatadi;

oʻz yoʻnalishi boʻyicha yuqori malakali mutaxassislarning oʻz maktabini shakllantiradi va rivojlantiradi;

Oʻzbekiston Respublikasi Sogʻliqni saqlash vazirligiga Markazning ixtisoslashganlik yoʻnalishi boʻyicha tibbiyot sohasida ilmiy tadqiqotlarni rivojlantirishning ustuvor yoʻnalishlariga doir takliflarni koʻrib chiqish uchun kiritadi;

pediatriyada dori-darmonlar, tibbiyot vositalari, shuningdek diagnostika va davolash metodlarining klinik sinovlarini oʻtkazadi;

xorijdagi tibbiyot olamiga oʻzining ilmiy va texnologik yutuqlarini taqdim etadi;

pediatriya boʻyicha oʻzining ilmiy, oʻquv-metodik hamda axborot-maʼlumotnoma materiallarini tayyorlaydi va nashr qiladi;

tibbiyot kadrlarini, shu jumladan klinik ordinatura, tayanch doktorantura va doktorantura orqali tayyorlash, qayta tayyorlashni va ularning malakasini oshirishni amalga oshiradi.

11. Markaz belgilangan maqsadlarga erishish va zimmasiga yuklangan vazifalarni bajarish uchun qonunchilikda belgilangan tartibda quyidagi huquqlarga ega:

oʻzining balansiga berilgan davlat mulkidan foydalanish va uni tasarruf etish;

rivojlanish biznes-rejalarini, oʻz budjetini tuzish, ularning hajmlarini, shakllantirish manbalarini, shuningdek sarflash yoʻnalishlarini belgilash;

asosiy vositalarni ijaraga olish yoki ijaraga berish, grantlarni va boshqa moliyaviy yordamni jalb etish;

budjetdan ajratiladigan mablagʻlar va pulli tibbiy xizmatlar koʻrsatishdan tushgan daromadlar doirasida Markaz xodimlari mehnatiga haq toʻlash hamda ularni moddiy ragʻbatlantirish miqdorlarini mustaqil ravishda belgilash;

pediatriya boʻyicha ilmiy tadqiqotlar oʻtkazishga davlat budjetidan grantlar olish uchun tanlovlarda qatnashish;

oʻz faoliyatini amalga oshirish jarayonida yaratilgan intellektual mulk obyektlariga mualliflik huquqlarini olish va ulardan foydalanish;

Oʻzbekiston Respublikasining qonunchiligiga va xalqaro shartnomalariga muvofiq xorijiy yuridik shaxslar bilan ilmiy hamda ilmiy-texnik hamkorlikni va tashqi iqtisodiy faoliyatni amalga oshirish;

Oʻzbekiston Respublikasi Sogʻliqni saqlash vazirligi bilan kelishgan holda respublika hududlarida filiallar tashkil etish;

qonunchilikka, Markaz faoliyatining maqsadlari va vazifalariga zid boʻlmagan boshqa faoliyat turlarini amalga oshirish.

12. Markaz Oʻzbekiston Respublikasi Sogʻliqni saqlash vazirligi bilan kelishgan holda, koʻrsatiladigan tibbiy xizmatlar, amalga oshiriladigan ishlarning barcha turlari uchun tariflar va baholarni mustaqil ravishda belgilashga haqlidir.

13. Markaz quyidagilarga majbur:

ixtisoslashtirilgan pediatriya tibbiy yordamiga muhtoj boʻlgan bemorlarga zamonaviy xalqaro talablardagi sifat va standartlar darajasida diagnostika va davolashni taʼminlash va rivojlantirish;

15 yoshgacha boʻlgan bolalarga bepul asosda yuqori malakali, ixtisoslashtirilgan tibbiy yordam koʻrsatish;

yetakchi xorijiy klinikalarda Markaz xodimlarini muntazam ravishda tor ixtisos boʻyicha qayta tayyorlash va ularning malakasini oshirishni amalga oshirish;

Markaz xodimlari uchun mehnatni tashkil etish va unga haq toʻlashning qonunchilikda belgilangan shartlarini kafolatlash, texnika xavfsizligini, ijtimoiy taʼminotni va aniq manzilli ijtimoiy himoya qilishni taʼminlash;

oʻz mablagʻlari hisobiga Markazning moddiy-texnika bazasini zamonaviy tibbiyot texnikasi va texnologiyalari bilan mustahkamlash va rivojlantirish;

mol-mulkdan maqsadli foydalanish, uning saqlanishini taʼminlash;

qonunchilikka muvofiq buxgalteriya hisobini va statistik hisobni hamda hisobotlarni yuritish.

14. Markazning mol-mulki asosiy fondlar, shuningdek boshqa moddiy boyliklar va moliyaviy resurslardan iborat boʻladi.

15. Markaz egallab turgan yer uchastkasiga doimiy foydalanish huquqlari bilan egalik qiladi, faoliyat maqsadlariga muvofiq oʻz mol-mulkiga egalik qiladi, undan foydalanadi va uni tasarruf etadi, shu bilan birga, budjet mablagʻlari va budjetdan tashqari mablagʻlardan samarali foydalanishni taʼminlaydi.

16. Markaz vaqtinchalik foydalanilmayotgan xonalarini shartnoma asosida ijaraga berish, undan tushgan mablagʻlardan Markazni rivojlantirishda foydalanish, shuningdek asbob-uskunalar va mol-mulkni qonunchilikda nazarda tutilgan tartibda hisobdan chiqarish huquqiga ega.

17. Markaz tarkibiga bir smenada 200 nafar bemorga xizmat koʻrsatadigan konsultatsiya poliklinikasi va 275 bemor oʻrniga moʻljallangan statsionar kiradi.

Markaz tuzilmasi Oʻzbekiston Respublikasi Vazirlar Mahkamasi tomonidan tasdiqlanadi. Zarurat boʻlganda Markaz direktori tasdiqlash uchun Oʻzbekiston Respublikasi Sogʻliqni saqlash vazirligiga Markaz tuzilmasiga oʻzgartirish va qoʻshimchalar kiritish boʻyicha belgilangan tartibda takliflar kiritish huquqiga ega.

18. Markaz faoliyatiga Oʻzbekiston Respublikasi Sogʻliqni saqlash vaziri tomonidan lavozimga tayinlanadigan va lavozimdan ozod qilinadigan direktor rahbarlik qiladi.

Markaz direktori:

oʻz faoliyatini Markaz nomidan amalga oshiradi, Markazning moliya-xoʻjalik faoliyatiga rahbarlik qiladi, Markaz nomidan shartnomalar tuzadi, Markaz faoliyati bilan bogʻliq boʻlgan boshqa masalalarni hal etadi;

Markaz va uning filiallari xodimlari ishini oʻz vakolatlari doirasida tashkil etadi va boshqaradi, Markaz xodimlari bajarishi majburiy boʻlgan buyruqlar chiqaradi, Markaz xodimlarini qonunchilikka muvofiq ishga qabul qiladi va ishdan boʻshatadi;

Markaz faoliyati uchun javob beradi.

19. Direktor oʻrinbosarlari, Markaz filiallari rahbarlari Markaz direktorining taqdimnomasi boʻyicha Oʻzbekiston Respublikasi Sogʻliqni saqlash vaziri tomonidan lavozimga tayinlanadi va egallab turgan lavozimidan ozod etiladi.

20. Markaz tarkibida rivojlanish strategiyasini ishlab chiqish uchun Markaz Kengashi tashkil etiladi.

Markaz Kengashi direktor, uning oʻrinbosarlari, Markazning yetakchi mutaxassislari, shuningdek Oʻzbekiston Respublikasi Sogʻliqni saqlash vazirligining vakilidan iborat tarkibda 7 kishidan iborat boʻladi.

Markaz Kengashi toʻgʻrisidagi Nizom Oʻzbekiston Respublikasi Sogʻliqni saqlash vazirligi tomonidan tasdiqlanadi.

Kengash majlislari har chorakda oʻtkaziladi, uning qarorlari oddiy koʻpchilik ovoz bilan qabul qilinadi va protokol bilan rasmiylashtiriladi.

21. Quyidagilar Kengashning asosiy vazifalari hisoblanadi:

rivojlanish strategiyasini ishlab chiqish, Markaz investitsiya va ilmiy-texnika siyosatining asosiy yoʻnalishlarini belgilash;

yillik rejalar va moliyaviy hisobotlarni koʻrib chiqish;

aholiga pulli asosda koʻrsatiladigan tibbiy yordam turlariga tariflarni belgilangan tartibda koʻrib chiqish;

Markaz ichidagi, shuningdek uning filiallaridagi munosabatlarni tartibga soluvchi normativ hujjatlar loyihalarini ishlab chiqish;

Markaz faoliyatining samaradorligini oshirishga qaratilgan tavsiyalarni ishlab chiqish.

Markaz Kengashi majlisida kollegial qabul qilingan qarorlar Markaz direktorining buyrugʻi bilan rasmiylashtiriladi.

22. Markazda Markazning yetakchi ilmiy xodimlaridan iborat boʻlgan Ilmiy kengash tashkil etiladi.

Markazning Ilmiy kengashi toʻgʻrisidagi Nizom va uning shaxsiy tarkibi Markaz direktori tomonidan tasdiqlanadi.

Ilmiy kengash majlislari har oyda oʻtkaziladi, uning qarorlari oddiy koʻpchilik ovoz bilan qabul qilinadi va protokol bilan rasmiylashtiriladi.

Quyidagilar Ilmiy kengashning asosiy vazifalari hisoblanadi:

tibbiy yordam sifati va samaradorligini oshirishga qaratilgan ilmiy tavsiyalarni ishlab chiqish;

amalga oshirilayotgan ilmiy tadqiqotlarning maqsadga muvofiqligi va hajmini aniqlash;

ilmiy-tadqiqot ishlari rejalashtirilishi va bajarilishini tashkil etishga rahbarlik qilish.

23. Markazning tashkiliy tuzilmasiga Oʻzbekiston Respublikasi hududida va uning tashqarisida tashkil etiladigan filiallar belgilangan tartibda kirishi mumkin.

Filiallar ular toʻgʻrisidagi nizomlarga muvofiq faoliyat koʻrsatadi. Filiallar toʻgʻrisidagi nizomlar qonunchilikda belgilangan tartibda tasdiqlanadi.

24. Aholiga ixtisoslashtirilgan tibbiy yordam koʻrsatish boʻyicha Markaz faoliyatini nazorat qilishni Oʻzbekiston Respublikasi Sogʻliqni saqlash vazirligi amalga oshiradi.

25. Markaz va uning filiallari faoliyatini moliyalashtirish aralash shaklda, shu jumladan:

Markazning oʻz daromadlari;

Davlat budjeti mablagʻlari;

grantlar va homiylik yordami;

qonunchilikka zid boʻlmagan tartibda jalb etilgan boshqa mablagʻlar hisobiga amalga oshiriladi.

26. Markazning oʻz daromadlari:

aholiga pulli asosda tibbiy xizmatlar koʻrsatishdan;

Markazning ilmiy va oʻquv bazasida boshqa tibbiyot muassasalarining yoʻnalishli mutaxassislarini tayyorlashdan;

ilmiy-tadqiqot ishlari olib borishdan;

qonunchilikda taqiqlanmagan boshqa manbalardan shakllanadi.

27. Davlat budjeti mablagʻlari quyidagi maqsadlar uchun:

15 yoshgacha boʻlgan bolalarga mavjud oʻrin fondi va poliklinika qabul qilish quvvatiga qarab bepul asosda yuqori malakali ixtisoslashtirilgan tibbiy yordam koʻrsatish boʻyicha Markaz xarajatlarini qoplash uchun;

Oʻzbekiston Respublikasi Sogʻliqni saqlashni rivojlantirish davlat dasturi va yillik investitsiya dasturlari doirasida Markazni zamonaviy tibbiyot uskunalari va texnika bilan jihozlash uchun;

Markazni mukammal rekonstruksiya qilish va taʼmirlash uchun;

ilmiy-tadqiqot faoliyatiga grantlar shaklida ajratiladi.

Budjet mablagʻlari Markazga Oʻzbekiston Respublikasi Sogʻliqni saqlash vazirligi orqali alohida satrda, aholining imtiyozli toifalariga bepul asosda tibbiy yordam koʻrsatish, Markazni uskunalar va texnika bilan jihozlash boʻyicha xarajatlar toʻloviga, shuningdek budjet mablagʻlari hisobiga mukammal taʼmirlashga esa - Gʻaznachilik orqali ajratiladi.

28. Markaz xodimlari soni va xodimlarining ish haqi miqdori Markaz direktori tomonidan mustaqil ravishda belgilanadi, xodimlarni moddiy ragʻbatlantirish esa bajariladigan ishning murakkabligi darajasi, sifati va hajmiga qarab belgilangan tartibda belgilanadi.

29. Markaz ajratilgan budjet mablagʻlari va oʻz daromadlari doirasida mustaqil ravishda:

Markaz daromadlari va xarajatlari smetasini ishlab chiqadi hamda uni tasdiqlash uchun Oʻzbekiston Respublikasi Sogʻliqni saqlash vazirligiga taqdim etadi;

Markaz xodimlari mehnatiga haq toʻlash va ularni moddiy ragʻbatlantirish toʻgʻrisidagi nizomni ishlab chiqadi va tasdiqlaydi;

shtat jadvalini tasdiqlaydi hamda bazaviy maoshlardan kelib chiqib Takomillashtirilgan tarif setkasi boʻyicha tibbiyot va farmatsevtika xodimlariga, boshqa xodimlar mehnatiga haq toʻlash boʻyicha esa Yagona tarif setkasi boʻyicha, lavozim maoshlarini, shuningdek eng koʻp miqdori cheklanmaydigan ustamalarni belgilaydi.

30. Markaz xoʻjalik faoliyatidan olinadigan daromadlarni mustaqil ravishda tasarruf qiladi. Markazning moliya-xoʻjalik faoliyati natijasida olingan foydasi tegishli soliqlar va budjetga boshqa majburiy toʻlovlar toʻlangandan keyin Markazning tasarrufida qoladi va belgilangan tartibda:

Markazning moddiy-texnika bazasini yangilash, modernizatsiya qilish va kengaytirish, zamonaviy tibbiyot texnikasi, jihozlar, asbob-uskunalar sotib olish;

Markaz xodimlarini moddiy ragʻbatlantirish;

aylanma fondlarni toʻldirish;

Markaz mutaxassislarini tayyorlash, qayta tayyorlash va ularning malakasini oshirish;

mahsulotlar va xizmatlarni reklama qilish;

Markaz faoliyatini taʼminlash bilan bogʻliq boshqa maqsadlar uchun foydalaniladi.

31. Markaz qonunchilikda belgilangan tartibda buxgalteriya hisobi va hisobotini yuritadi, uni Oʻzbekiston Respublikasi Sogʻliqni saqlash vazirligiga va Davlat statistika qoʻmitasiga taqdim etadi, hujjatlarning saqlanishi va ularning kelishilgan roʻyxatga muvofiq davlat tomonidan saqlashga berilishi uchun javob beradi.

32. Markazning moliya-xoʻjalik faoliyatini nazorat qilish va tekshirish sogʻliqni saqlash, soliq va moliya organlari, boshqa davlat organlari tomonidan ularning vakolatlari doirasida, shuningdek qonunchilikda nazarda tutilgan tartibda auditorlik tashkilotlari bilan tuzilgan shartnomalar asosida auditorlik tashkilotlari tomonidan amalga oshiriladi.

33. Markazni qayta tashkil etish va tugatish qonunchilikda belgilangan tartibda amalga oshiriladi.

1. Ushbu Nizom Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazi faoliyatini tashkil etish va moliyalashtirish tartibini belgilaydi.

Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazi (keyingi oʻrinlarda Markaz deb ataladi) Oʻzbekiston Respublikasi Prezidentining “Sogʻliqni saqlash tizimini isloh qilishni yanada chuqurlashtirish va uni rivojlantirish Davlat dasturini amalga oshirishning asosiy yoʻnalishlari toʻgʻrisida” 2007-yil 19-sentabrdagi PF-3923-son Farmoni asosida Oʻzbekiston Respublikasi Sogʻliqni saqlash vazirligining Terapiya va tibbiy reabilitatsiya ilmiy-tadqiqot instituti hamda Gastroenterologiya ilmiy markazi negizida terapiya va tibbiy reabilitatsiya sohasida davolash-profilaktika, ilmiy-tadqiqot va metodik faoliyatni amalga oshiradigan hamda aholiga yuqori malakali ixtisoslashtirilgan tibbiy yordam koʻrsatadigan ixtisoslashtirilgan mustaqil tibbiyot muassasasi sifatida tashkil etilgan.

2. Markaz davlat muassasasi shaklida tashkil etiladi, yuridik shaxs hisoblanadi, mustaqil balansga, banklarda hisob raqamlariga, Markazning nomi toʻliq koʻrsatilgan muhrga ega boʻladi.

Markaz terapiya va tibbiy reabilitatsiya sohasida ixtisoslashish turlari boʻyicha tibbiyot kadrlarini tayyorlash, qayta tayyorlash va ularning malakasini oshirish boʻyicha klinik oʻquv bazasi hisoblanadi.

3. Markaz oʻz faoliyatida Oʻzbekiston Respublikasi qonunlariga, Oʻzbekiston Respublikasi Oliy Majlisi palatalari qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Sogʻliqni saqlash vazirligining buyruqlari va farmoyishlariga, boshqa qonun hujjatlariga hamda ushbu Nizomga amal qiladi.

4. Markaz faoliyatning barcha sohalaridagi oʻz munosabatlarini qonun hujjatlari doirasida, shuningdek Markazning maqsadi va faoliyati predmetiga muvofiq yuridik va jismoniy shaxslar bilan belgilangan tartibda tuzilgan shartnomalar asosida amalga oshiradi.

5. Markazning toʻliq nomi:

davlat tilida — Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazi;

rus tilida — Respublikanskiy spetsializirovanniy nauchno-prakticheskiy meditsinskiy sentr terapii i meditsinskoy reabilitatsii.

6. Markaz quyidagi manzilda joylashgan: Toshkent shahri, Yunusobod tumani, Xurshid koʻchasi, 4-uy.

7. Markaz Oʻzbekiston Respublikasi Sogʻliqni saqlash vazirligiga boʻysunadi.

8. Quyidagilar Markazni tashkil etish va faoliyatining maqsadi hisoblanadi:

yuqori sifatli va xalqaro standartlar talablari darajasida ixtisoslashtirilgan tibbiy yordam koʻrsatishga daʼvat etilgan yuqori texnologiyali, moddiy va ilmiy bazani, shuningdek terapiya va tibbiy reabilitatsiya maktabini shakllantirish;

aholining ichki kasalliklar (terapiya) va tibbiy reabilitatsiya sohasidagi diagnostika, davolash va profilaktika boʻyicha ixtisoslashtirilgan, yuqori texnologiyali tibbiy yordamga boʻlgan talabini qondirish.

9. Markazning asosiy vazifalari:

a) quyidagilarga:

davlat tomonidan qoʻllab-quvvatlashga muhtoj boʻlgan, ushbu Nizomga ilovaga muvofiq imtiyozli toifali shaxslarga mavjud oʻrinlar fondi va poliklinika davolash quvvatining katta yoshdagilar boʻlimlari boʻyicha — 20 foizigacha, 15 yoshgacha boʻlgan bolalar boʻlimlari boʻyicha - 100 foizigacha miqdorda bepul asosda;

Oʻzbekiston Respublikasi fuqarolariga (ushbu kichik bandning ikkinchi xatboshida koʻrsatilgan shaxslardan tashqari), shuningdek xorijiy fuqarolarga va fuqaroligi boʻlmagan shaxslarga—pulli asosda terapiya va tibbiy reabilitatsiya sohasida yuqori malakali, ixtisoslashtirilgan, yuqori texnologiyali tibbiy yordam koʻrsatish;

b) tibbiyot texnikasi va apparatlarining mavjud parkini doimiy ravishda yangilab borish va modernizatsiya qilishni taʼminlash, Markazni terapiya va tibbiy reabilitatsiya sohasida ilgʻor jahon yutuqlari darajasida, ichki organlar kasallanganda ixtisoslashtirilgan, yuqori malakali yordam koʻrsatish va reabilitatsiya qilish imkonini beradigan zamonaviy tibbiyot asbob-uskunalari bilan jihozlash;

v) Markaz faoliyatini taʼminlash uchun moliyaviy va moddiy-texnik resurslarni jalb etish boʻyicha menejment va marketing ishlarini tashkil etish;

g) Markaz tibbiyot xodimlarining, shu jumladan mutaxassislarning yetakchi xorijiy tibbiyot taʼlim muassasalarida va klinikalarida ichki organlar kasalliklarini diagnostika qilish va davolash hamda ularni reabilitatsiya qilishning zamonaviy metodlari boʻyicha stajirovkasini tashkil etish hisobiga doimiy ravishda kasbiy darajasini oshirish va takomillashtirish;

d) oʻzining ichki kasalliklarni profilaktika va diagnostika qilish hamda davolash boʻyicha ilgʻor metodlarini ishlab chiqish va tibbiy amaliyotga joriy etishga yoʻnaltirilgan ilmiy tadqiqotlarni amalga oshirish;

e) terapiya va tibbiy reabilitatsiya sohasida oʻzining patent olgan davolash va diagnostika metodlari va texnologiyalarini doimiy ravishda takomillashtirish va ularning xalqaro miqyosda eʼtirof etilishiga erishish;

j) terapiya va tibbiy reabilitatsiya sohasidagi respublika maqsadli dasturlarini ishlab chiqish va amalga oshirishda faol qatnashish;

z) terapiya sohasida yetakchi xorijiy tibbiyot muassasalari bilan xalqaro hamkorlikni kengaytirish va mustahkamlash, toʻplangan tajribalar, axborotlar, shuningdek mutaxassislar bilan keng almashinishni taʼminlash.

10. Markaz oʻziga yuklangan vazifalarga muvofiq:

respublika aholisining ichki organlar kasalliklari sohasida diagnostika, davolash va profilaktika qilish hamda ularni tibbiy reabilitatsiya qilishning jahondagi ilgʻor yutuqlari darajasida eng samarali, murakkab va yuqori texnologiyali metodlariga boʻlgan ehtiyojini taʼminlaydi;

ichki kasalliklarning eng koʻp tarqalgan turlarini diagnostika qilish, davolash va profilaktika qilish hamda tibbiy reabilitatsiya qilishning ilgʻor, samarali metodlari va texnologiyalarini ishlab chiqadi va joriy etadi;

respublika mintaqalarida viloyatlarning koʻp tarmoqli tibbiyot markazlariga tashkiliy-metodik va ilmiy-amaliy yordam koʻrsatadi;

oʻz yoʻnalishi boʻyicha yuqori malakali mutaxassislarning oʻz maktabini shakllantiradi va rivojlantiradi;

zarurat boʻlganda Shoshilinch tibbiy yordamga muhtoj boʻlgan bemorlarni shifoxonaga yotqizish toʻgʻrisidagi Nizomga muvofiq yuqori malakali ixtisoslashtirilgan tibbiy yordam koʻrsatish;

Oʻzbekiston Respublikasi Sogʻliqni saqlash vazirligiga Markazning ixtisoslashganlik yoʻnalishi boʻyicha tibbiyot sohasida ilmiy tadqiqotlarni rivojlantirishning ustuvor yoʻnalishlariga doir takliflarni koʻrib chiqish uchun kiritadi;

dorivor preparatlarni, tibbiy maqsadlardagi vositalarni, shuningdek terapiyada diagnostika, davolash va reabilitatsiya qilish metodlarini klinik sinovdan oʻtkazadi;

xorijdagi tibbiyot olamiga oʻzining ilmiy va texnologik yutuqlarini taqdim etadi;

ichki kasalliklar boʻyicha oʻzining ilmiy, oʻquv-metodik hamda axborot-maʼlumotnoma materiallarini tayyorlaydi va nashr qiladi;

tibbiyot kadrlarini, shu jumladan klinik ordinatura, tayanch doktorantura va doktorantura orqali tayyorlash, qayta tayyorlashni va ularning malakasini oshirishni amalga oshiradi.

11. Markaz belgilangan maqsadlarga erishish va zimmasiga yuklangan vazifalarni bajarish uchun qonunchilikda belgilangan tartibda quyidagi huquqlarga ega:

oʻzining balansiga berilgan davlat mulkidan foydalanish va uni tasarruf etish;

rivojlanish biznes-rejalarini, oʻz budjetini tuzish, ularning hajmlarini, shakllantirish manbalarini, shuningdek sarflash yoʻnalishlarini belgilash;

asosiy vositalarni ijaraga olish yoki ijaraga berish, grantlarni va boshqa moliyaviy yordamni jalb etish;

budjetdan ajratiladigan mablagʻlar va pulli tibbiy xizmatlar koʻrsatishdan tushgan daromadlar doirasida Markaz xodimlari mehnatiga haq toʻlash hamda ularni moddiy ragʻbatlantirish miqdorlarini mustaqil ravishda belgilash;

terapiya va tibbiy reabilitatsiya boʻyicha ilmiy tadqiqotlar oʻtkazishga davlat budjetidan grantlar olish uchun tanlovlarda qatnashish;

oʻz faoliyatini amalga oshirish jarayonida yaratilgan intellektual mulk obyektlariga mualliflik huquqlarini olish va ulardan foydalanish;

Oʻzbekiston Respublikasining qonunchiligiga va xalqaro shartnomalariga muvofiq xorijiy yuridik shaxslar bilan ilmiy hamda ilmiy-texnik hamkorlikni va tashqi iqtisodiy faoliyatni amalga oshirish;

Oʻzbekiston Respublikasi Sogʻliqni saqlash vazirligi bilan kelishgan holda respublika hududlarida filiallar tashkil etish;

qonunchilikka, Markaz faoliyatining maqsadi va vazifalariga zid boʻlmagan boshqa faoliyat turlarini amalga oshirish.

12. Markaz Oʻzbekiston Respublikasi Sogʻliqni saqlash vazirligi bilan kelishgan holda koʻrsatiladigan tibbiy xizmatlar, amalga oshiriladigan ishlarning barcha turlari uchun tariflar va baholarni mustaqil ravishda belgilashga haqlidir.

13. Markaz quyidagilarga majbur:

terapiya va tibbiy reabilitatsiya sohasida tibbiy yordamga muhtoj boʻlgan bemorlarga zamonaviy, xalqaro talablardagi sifat va standartlar darajasida diagnostika va davolashni taʼminlash va rivojlantirish;

aholiga tasdiqlangan tariflarga muvofiq yuqori malakali ixtisoslashtirilgan tibbiy yordam koʻrsatish;

yetakchi xorijiy klinikalarda Markaz xodimlarini muntazam ravishda tor ixtisos boʻyicha qayta tayyorlash va ularning malakasini oshirishni amalga oshirish;

Markaz xodimlari uchun mehnatni tashkil etish va unga haq toʻlashning qonunchilikda belgilangan shartlarini, texnika xavfsizligini, ijtimoiy taʼminotni va aniq manzilli ijtimoiy himoya qilishni kafolatlash;

oʻz mablagʻlari hisobiga Markazning moddiy-texnika bazasini zamonaviy tibbiyot texnikasi va texnologiyalari bilan mustahkamlash va rivojlantirish;

mol-mulkdan maqsadli foydalanish, uning saqlanishini taʼminlash;

qonunchilikka muvofiq buxgalteriya hisobini va statistik hisobni hamda hisobotlarni yuritish.

14. Markazning mol-mulki asosiy fondlar, shuningdek boshqa moddiy boyliklar va moliyaviy resurslardan iborat boʻladi.

15. Markaz egallab turgan yer uchastkasiga doimiy foydalanish huquqlari bilan egalik qiladi, faoliyat maqsadlariga muvofiq oʻz mol-mulkiga egalik qiladi, undan foydalanadi va uni tasarruf etadi, shu bilan birga, budjet mablagʻlari va budjetdan tashqari mablagʻlardan samarali foydalanishni taʼminlaydi.

16. Markaz vaqtinchalik foydalanilmayotgan xonalarini shartnoma asosida ijaraga berish, undan tushgan mablagʻlardan Markazni rivojlantirishda foydalanish, shuningdek asbob-uskunalar va mol-mulkni qonunchilikda nazarda tutilgan tartibda hisobdan chiqarish huquqiga ega.

17. Markaz tarkibiga bir smenada 150 nafar bemorga xizmat koʻrsatadigan konsultatsiya poliklinikasi va 400 bemor oʻrniga moʻljallangan statsionar kiradi.

Markaz tuzilmasi Oʻzbekiston Respublikasi Vazirlar Mahkamasi tomonidan tasdiqlanadi. Zarurat boʻlganda Markaz direktori tasdiqlash uchun Oʻzbekiston Respublikasi Sogʻliqni saqlash vazirligiga Markaz tuzilmasiga oʻzgartirish va qoʻshimchalar kiritish boʻyicha belgilangan tartibda takliflar kiritish huquqiga ega.

18. Markaz faoliyatiga Oʻzbekiston Respublikasi Sogʻliqni saqlash vaziri tomonidan lavozimga tayinlanadigan va lavozimdan ozod qilinadigan direktor rahbarlik qiladi.

Markaz direktori:

oʻz faoliyatini Markaz nomidan amalga oshiradi, Markazning moliya-xoʻjalik faoliyatiga rahbarlik qiladi, Markaz nomidan shartnomalar tuzadi, Markaz faoliyati bilan bogʻliq boʻlgan boshqa masalalarni hal etadi;

Markaz va uning filiallari xodimlari ishini oʻz vakolatlari doirasida tashkil etadi va boshqaradi, Markaz xodimlari bajarishi majburiy boʻlgan buyruqlar chiqaradi, Markaz xodimlarini qonunchilikka muvofiq ishga qabul qiladi va ishdan boʻshatadi;

Markaz faoliyati uchun javob beradi.

19. Direktor oʻrinbosarlari, Markaz filiallari rahbarlari Markaz direktorining taqdimnomasi boʻyicha Oʻzbekiston Respublikasi Sogʻliqni saqlash vaziri tomonidan lavozimga tayinlanadi va egallab turgan lavozimidan ozod etiladi.

20. Markaz tarkibida rivojlanish strategiyasini ishlab chiqish uchun Markaz Kengashi tashkil etiladi.

Markaz Kengashi direktor, uning oʻrinbosarlari, Markazning yetakchi mutaxassislari, shuningdek Oʻzbekiston Respublikasi Sogʻliqni saqlash vazirligining vakilidan iborat tarkibda 7 kishidan iborat boʻladi.

Markaz Kengashi toʻgʻrisidagi Nizom Oʻzbekiston Respublikasi Sogʻliqni saqlash vazirligi tomonidan tasdiqlanadi.

Kengash majlislari har chorakda oʻtkaziladi, uning qarorlari oddiy koʻpchilik ovoz bilan qabul qilinadi va protokol bilan rasmiylashtiriladi.

21. Quyidagilar Kengashning asosiy vazifalari hisoblanadi:

rivojlanish strategiyasini ishlab chiqish, Markaz investitsiya va ilmiy-texnika siyosatining asosiy yoʻnalishlarini belgilash;

aholiga pulli asosda koʻrsatiladigan tibbiy yordam turlariga tariflarni belgilangan tartibda koʻrib chiqish;

Markaz ichidagi, shuningdek uning filiallaridagi munosabatlarni tartibga soluvchi normativ hujjatlar loyihalarini ishlab chiqish.

Markaz faoliyatining samaradorligini oshirishga qaratilgan tavsiyalarni ishlab chiqish.

Markaz Kengashi majlisida kollegial qabul qilingan qarorlar Markaz direktorining buyrugʻi bilan rasmiylashtiriladi.

22. Markazda Markazning yetakchi ilmiy xodimlaridan iborat boʻlgan Ilmiy kengash tashkil etiladi.

Markazning Ilmiy kengashi toʻgʻrisidagi Nizom va uning shaxsiy tarkibi Markaz direktori tomonidan tasdiqlanadi.

Ilmiy kengash majlislari har oyda oʻtkaziladi, uning qarorlari oddiy koʻpchilik ovoz bilan qabul qilinadi va protokol bilan rasmiylashtiriladi.

Quyidagilar Ilmiy kengashning asosiy vazifalari hisoblanadi:

tibbiy yordam sifati va samaradorligini oshirishga qaratilgan ilmiy tavsiyalarni ishlab chiqish;

amalga oshirilayotgan ilmiy tadqiqotlarning maqsadga muvofiqligi va hajmini aniqlash;

ilmiy-tadqiqot ishlari rejalashtirilishi va bajarilishini tashkil etishga rahbarlik qilish.

23. Markazning tashkiliy tuzilmasiga Oʻzbekiston Respublikasi hududida va uning tashqarisida tashkil etiladigan filiallar belgilangan tartibda kirishi mumkin.

Filiallar ular toʻgʻrisidagi nizomlarga muvofiq faoliyat koʻrsatadi. Filiallar toʻgʻrisidagi nizomlar qonunchilikda belgilangan tartibda tasdiqlanadi.

24. Aholiga ixtisoslashtirilgan tibbiy yordam koʻrsatish boʻyicha Markaz faoliyatini nazorat qilishni Oʻzbekiston Respublikasi Sogʻliqni saqlash vazirligi amalga oshiradi.

25. Markaz va uning filiallari faoliyatini moliyalashtirish aralash shaklda, shu jumladan:

Markazning oʻz daromadlari;

Davlat budjeti mablagʻlari;

grantlar va homiylik yordami;

qonunchilikka zid boʻlmagan tartibda jalb etilgan boshqa mablagʻlar hisobiga amalga oshiriladi.

26. Markazning oʻz daromadlari:

aholiga pulli asosda tibbiy xizmatlar koʻrsatishdan;

Markazning ilmiy va oʻquv bazasida boshqa tibbiyot muassasalarining yoʻnalishli mutaxassislarini tayyorlashdan;

ilmiy-tadqiqot ishlari olib borishdan;

qonunchilikda taqiqlanmagan boshqa manbalardan shakllanadi.

27. Davlat budjeti mablagʻlari quyidagi maqsadlar uchun:

mavjud oʻrinlar fondi va poliklinika qabul qilish quvvatining ushbu Nizomga ilovada koʻrsatilgan imtiyozli toifadagi shaxslarga katta yoshdagilar boʻlimlari boʻyicha — 20 foizigacha, bolalar boʻlimlari boʻyicha — 100 foizgacha, shuningdek shoshilinch tibbiy yordam koʻrsatishga muhtoj boʻlgan bemorlarga — 2 foizigacha bepul asosda yuqori malakali ixtisoslashtirilgan tibbiy yordam koʻrsatishga Markaz xarajatlarini qoplash uchun;

Oʻzbekiston Respublikasi Sogʻliqni saqlashni rivojlantirish davlat dasturi va har yilgi investitsiya dasturlari doirasida Markazni zamonaviy tibbiyot uskunalari va texnika bilan jihozlash uchun;

Markazni mukammal rekonstruksiya qilish va taʼmirlash uchun;

ilmiy-tadqiqot faoliyatiga grantlar tarzida ajratiladi.

Budjet mablagʻlari Markazga Oʻzbekiston Respublikasi Sogʻliqni saqlash vazirligi orqali alohida satrda, aholining imtiyozli toifalariga bepul asosda tibbiy yordam koʻrsatish, Markazni uskunalar va texnika bilan jihozlash boʻyicha xarajatlar toʻloviga, shuningdek budjet mablagʻlari hisobiga mukammal taʼmirlashga esa - Gʻaznachilik orqali ajratiladi.

Oʻzbekiston Respublikasi Moliya vazirligi tomonidan Markazning moliyaviy faoliyati mustahkamlanishiga va uning oʻzini oʻzi moliyalashtirish va oʻz xarajatlarini oʻzi qoplashga oʻtishiga qarab Davlat budjeti mablagʻlaridan moliyalashtirish hajmi bosqichma-bosqich kamaytirilishi mumkin.

28. Markaz xodimlari soni va xodimlarning ish haqi miqdori Markaz direktori tomonidan mustaqil ravishda belgilanadi, tibbiyot xodimlarini moddiy ragʻbatlantirish esa bajariladigan ishning murakkablik darajasi, sifati va hajmiga qarab belgilangan tartibda belgilanadi.

29. Markaz ajratilgan budjet mablagʻlari va oʻz daromadlari doirasida mustaqil ravishda:

Markaz daromadlari va xarajatlari smetasini ishlab chiqadi hamda uni tasdiqlash uchun Oʻzbekiston Respublikasi Sogʻliqni saqlash vazirligiga taqdim etadi;

Markaz xodimlari mehnatiga haq toʻlash va ularni moddiy ragʻbatlantirish toʻgʻrisidagi nizomni ishlab chiqadi va tasdiqlaydi;

shtat jadvalini tasdiqlaydi hamda bazaviy maoshlardan kelib chiqib Takomillashtirilgan tarif setkasi boʻyicha tibbiyot va farmatsevtika xodimlariga, boshqa xodimlar mehnatiga haq toʻlash boʻyicha esa Yagona tarif setkasi boʻyicha lavozim maoshlarini, shuningdek eng koʻp miqdori cheklanmaydigan ustamalarni belgilaydi.

30. Markaz xoʻjalik faoliyatidan olinadigan daromadlarni mustaqil ravishda tasarruf etadi. Markazning moliya-xoʻjalik faoliyati natijasida olingan foydasi tegishli soliqlar va budjetga boshqa majburiy toʻlovlar toʻlangandan keyin Markazning tasarrufida qoladi va belgilangan tartibda:

Markazning moddiy-texnika bazasini yangilash, modernizatsiya qilish va kengaytirish, zamonaviy tibbiyot texnikasi, jihozlar, asbob-uskunalar sotib olish;

Markaz xodimlarini moddiy ragʻbatlantirish;

aylanma fondlarni toʻldirish;

Markaz mutaxassislarini tayyorlash, qayta tayyorlash va ularning malakasini oshirish;

mahsulotlar va xizmatlarni reklama qilish;

Markaz faoliyatini taʼminlash bilan bogʻliq boshqa maqsadlar uchun foydalaniladi.

31. Markaz qonunchilikda belgilangan tartibda buxgalteriya hisobi va hisobotini yuritadi, uni Oʻzbekiston Respublikasi Sogʻliqni saqlash vazirligiga va Davlat statistika qoʻmitasiga taqdim etadi, hujjatlarning saqlanishi va ularning kelishilgan roʻyxatga muvofiq davlat tomonidan saqlashga berilishi uchun javob beradi.

32. Markazning moliya-xoʻjalik faoliyatini nazorat qilish va tekshirish sogʻliqni saqlash, soliq va moliya organlari, boshqa davlat organlari tomonidan ularning vakolatlari doirasida, shuningdek qonunchilikda nazarda tutilgan tartibda auditorlik tashkilotlari bilan tuzilgan shartnomalar asosida auditorlik tashkilotlari tomonidan amalga oshiriladi.

33. Markazni qayta tashkil etish va tugatish qonunchilikda belgilangan tartibda amalga oshiriladi.

1. 15 yoshgacha boʻlgan bolalar.

2. Yetim bolalar.

3. I va II guruh nogironligi boʻlgan shaxslar.

4. Bolalikdan nogironligi boʻlgan shaxslar.

5. 1941 — 1945-yillardagi urush oqibatida nogironligi boʻlgan shaxslar va urush qatnashchilari, shuningdek, ularga tenglashtirilgan shaxslar.

6. 1941-1945-yillardagi urush davrida mehnat fronti qatnashchilari.

7. Yoshiga koʻra ishlamayotgan pensionerlar.

8. Chernobil AESdagi avariyani bartaraf etishda qatnashish natijasida nogironligi boʻlgan shaxslar.

9. Baynalmilal jangchilar.

10. 15-17 yoshdagi oʻsmirlarni va chaqiruv komissiyalari yoʻllanmalari boʻyicha chaqiriq yoshidagi (18-27 yashar) shaxslarni tekshirish va davolash.

11. Ijtimoiy reyestrga kiritilgan oilalarning aʼzolari.

1. Ushbu Nizom Respublika ixtisoslashtirilgan dermatologiya va venerologiya ilmiy-amaliy tibbiyot markazi faoliyatini tashkil etish va moliyalashtirish tartibini belgilaydi.

Respublika ixtisoslashtirilgan dermatologiya va venerologiya ilmiy-amaliy tibbiyot markazi (keyingi oʻrinlarda Markaz deb ataladi) Oʻzbekiston Respublikasi Prezidentining “Sogʻliqni saqlash tizimini isloh qilishni yanada chuqurlashtirish va uni rivojlantirish Davlat dasturini amalga oshirishning asosiy yoʻnalishlari toʻgʻrisida” 2007-yil 19-sentabrdagi PF-3923-son Farmoni asosida Oʻzbekiston Respublikasi Sogʻliqni saqlash vazirligining Dermatologiya va venerologiya ilmiy-tadqiqot instituti negizida dermatologiya va venerologiya sohasida davolash-profilaktika, ilmiy-tadqiqot va metodik faoliyatni amalga oshiradigan hamda aholiga yuqori malakali ixtisoslashtirilgan tibbiy yordam koʻrsatadigan ixtisoslashtirilgan mustaqil tibbiyot muassasasi sifatida tashkil etilgan.

2. Markaz davlat muassasasi shaklida tashkil etiladi, yuridik shaxs hisoblanadi, mustaqil balansga, banklarda hisob raqamlariga, Markazning nomi toʻliq koʻrsatilgan muhrga ega boʻladi.

Markaz dermatologiya va venerologiya sohasida ixtisoslashish turlari boʻyicha tibbiyot kadrlarini tayyorlash, qayta tayyorlash va ularning malakasini oshirish boʻyicha klinik oʻquv bazasi hisoblanadi.

3. Markaz oʻz faoliyatida Oʻzbekiston Respublikasi qonunlariga, Oʻzbekiston Respublikasi Oliy Majlisi palatalari qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Sogʻliqni saqlash vazirligining buyruqlariga va farmoyishlariga, boshqa qonun hujjatlariga hamda ushbu Nizomga amal qiladi.

4. Markaz faoliyatning barcha sohalaridagi oʻz munosabatlarini qonun hujjatlari doirasida, shuningdek Markazning maqsadi va faoliyati predmetiga muvofiq yuridik va jismoniy shaxslar bilan belgilangan tartibda tuzilgan shartnomalar asosida amalga oshiradi.

5. Markazning toʻliq nomi:

davlat tilida— Respublika ixtisoslashtirilgan dermatologiya va venerologiya ilmiy-amaliy tibbiyot markazi;

rus tilida — Respublikanskiy spetsializirovanniy nauchno-prakticheskiy meditsinskiy sentr dermatologii i venerologii.

6. Markaz quyidagi manzilda joylashgan: Toshkent shahri, Sobir Rahimov tumani, Forobiy koʻchasi, 3-uy.

7. Markaz Oʻzbekiston Respublikasi Sogʻliqni saqlash vazirligiga boʻysunadi.

8. Quyidagilar Markazni tashkil etish va faoliyatining maqsadi hisoblanadi:

yuqori sifatli va xalqaro standartlar talablari darajasida ixtisoslashtirilgan tibbiy yordam koʻrsatishga daʼvat etilgan yuqori texnologiyali moddiy va ilmiy bazani, shuningdek dermatovenerologiya maktabini shakllantirish;

aholining dermatologiya va venerologiya sohasidagi diagnostika, davolash va profilaktika boʻyicha ixtisoslashtirilgan, yuqori texnologiyali tibbiy yordamga boʻlgan talabini qondirish.

9. Markazning asosiy vazifalari:

a) dermatologiya va venerologiya sohasida:

jinsiy yoʻllar orqali oʻtadigan kasalliklarga duchor boʻlgan shaxslarga hamda ushbu Nizomga ilovaga muvofiq davlat tomonidan qoʻllab-quvvatlashga muhtoj boʻlgan imtiyozli toifadagi shaxslarga mavjud oʻrinlar fondi va poliklinika davolash quvvatining 30 foizigacha miqdorda - bepul asosda;

Oʻzbekiston Respublikasi fuqarolariga (ushbu kichik bandning ikkinchi xatboshida koʻrsatilgan shaxslardan tashqari), shuningdek xorijiy fuqarolarga va fuqaroligi boʻlmagan shaxslarga-pulli asosda yuqori malakali ixtisoslashtirilgan, yuqori texnologiyali tibbiy yordam koʻrsatish;

b) tibbiyot texnikasi va apparatlarining mavjud parkini doimiy ravishda yangilab borish va modernizatsiya qilishni taʼminlash, Markazni dermatologiya va venerologiya sohasida ilgʻor jahon yutuqlari darajasida, ixtisoslashtirilgan, yuqori malakali yordam koʻrsatish imkonini beradigan zamonaviy tibbiyot asbob-uskunalari bilan jihozlash;

v) Markaz faoliyatini taʼminlash uchun aralash moliyalashtirish shartlarida moliyaviy va moddiy-texnik resurslarni jalb etish boʻyicha menejment va marketing ishlarini tashkil etish;

g) Markaz tibbiyot xodimlarining, shu jumladan mutaxassislarning yetakchi xorijiy tibbiyot taʼlim muassasalarida va klinikalarida dermatologiya va venerologiya sohasida diagnostika va davolashning zamonaviy metodlari boʻyicha stajirovkasini tashkil etish hisobiga doimiy ravishda kasbiy darajasini oshirish va takomillashtirish;

d) oʻzining dermatologiya va venerologiya sohasida profilaktika, diagnostika va davolash boʻyicha ilgʻor metodlari va texnologiyalarini ishlab chiqish va tibbiy amaliyotga joriy etishga yoʻnaltirilgan ilmiy tadqiqotlarni amalga oshirish;

e) dermatologiya va venerologiya sohasida oʻzining patent olgan davolash va diagnostika metodlari va texnologiyalarini doimiy ravishda takomillashtirish va ularning xalqaro miqyosda eʼtirof etilishiga erishish;

j) tibbiyot sohasida respublika maqsadli dasturlarini ishlab chiqish va amalga oshirishda faol qatnashish;

z) dermatologiya va venerologiya sohasida yetakchi xorijiy tibbiyot muassasalari bilan xalqaro hamkorlikni kengaytirish va mustahkamlash, toʻplangan tajribalar, axborotlar, shuningdek mutaxassislar bilan keng almashinishni taʼminlash.

10. Markaz oʻziga yuklangan vazifalarga muvofiq:

respublika aholisining dermatologiya va venerologiya sohasida diagnostika, davolash va profilaktikaning jahondagi ilgʻor yutuqlari darajasida eng samarali, murakkab va yuqori texnologiyali metodlariga boʻlgan ehtiyojini taʼminlaydi;

dermatovenerologiya kasalliklarining eng keng tarqalgan turlarini diagnostika qilish, davolash va profilaktika qilishning ilgʻor, samarali metodlari va texnologiyalarini ishlab chiqadi va joriy etadi;

respublika mintaqalarida viloyatlar, shaharlar va tumanlar dermatovenerologiya dispanserlariga tashkiliy-metodik va ilmiy-amaliy yordam koʻrsatadi;

oʻz yoʻnalishi boʻyicha yuqori malakali mutaxassislarning oʻz maktabini shakllantiradi va rivojlantiradi;

Oʻzbekiston Respublikasi Sogʻliqni saqlash vazirligiga Markazning ixtisoslashganlik yoʻnalishi boʻyicha tibbiyot sohasida ilmiy tadqiqotlarni rivojlantirishning ustuvor yoʻnalishlariga doir takliflarni koʻrib chiqish uchun kiritadi;

dermatologiya va venerologiya sohasidagi dori-darmonlar, tibbiyot vositalari, shuningdek diagnostika va davolash metodlarining klinik sinovlarini oʻtkazadi;

xorijdagi tibbiyot olamiga oʻzining ilmiy va texnologik yutuqlarini taqdim etadi;

dermatologiya va venerologiya boʻyicha oʻzining ilmiy, oʻquv-metodik hamda axborot-maʼlumotnoma materiallarini tayyorlaydi va nashr qiladi;

tibbiyot kadrlarini, shu jumladan klinik ordinatura, tayanch doktorantura va doktorantura orqali tayyorlash, qayta tayyorlashni va ularning malakasini oshirishni amalga oshiradi.

11. Markaz belgilangan maqsadlarga erishish va zimmasiga yuklangan vazifalarni bajarish uchun qonunchilikda belgilangan tartibda quyidagi huquqlarga ega:

oʻzining balansiga berilgan davlat mulkidan foydalanish va uni tasarruf etish;

rivojlanish biznes-rejalarini, oʻz budjetini tuzish, ularning hajmlarini, shakllantirish manbalarini, shuningdek sarflash yoʻnalishlarini belgilash;

Markaz sohasi boʻyicha pulli asosda aholiga yuqori malakali, ixtisoslashtirilgan tibbiy yordam koʻrsatish;

asosiy vositalarni ijaraga olish yoki ijaraga berish, grantlarni va boshqa moliyaviy yordamni jalb etish;

budjetdan ajratiladigan mablagʻlar va pulli tibbiy xizmatlar koʻrsatishdan tushgan daromadlar doirasida Markaz xodimlari mehnatiga haq toʻlash hamda ularni moddiy ragʻbatlantirish miqdorlarini mustaqil ravishda belgilash;

dermatologiya va venerologiya boʻyicha ilmiy tadqiqotlar oʻtkazishga davlat budjetidan grantlar olish uchun tanlovlarda qatnashish;

oʻz faoliyatini amalga oshirish jarayonida yaratilgan intellektual mulk obyektlariga mualliflik huquqlarini olish va ulardan foydalanish;

Oʻzbekiston Respublikasining qonunchiligiga va xalqaro shartnomalariga muvofiq xorijiy yuridik shaxslar bilan ilmiy hamda ilmiy-texnik hamkorlikni va tashqi iqtisodiy faoliyatni amalga oshirish;

Oʻzbekiston Respublikasi Sogʻliqni saqlash vazirligi bilan kelishgan holda respublika mintaqalarida filiallar tashkil etish;

qonunchilikka, Markaz faoliyatining maqsadi va vazifalariga zid boʻlmagan boshqa faoliyat turlarini amalga oshirish.

12. Markaz Oʻzbekiston Respublikasi Sogʻliqni saqlash vazirligi bilan kelishgan holda koʻrsatiladigan tibbiy xizmatlar, amalga oshiriladigan ishlarning barcha turlari uchun tariflar va baholarni mustaqil ravishda belgilashga haqlidir.

13. Markaz quyidagilarga majbur:

ixtisoslashtirilgan dermatologiya va venerologiya boʻyicha tibbiy yordamga muhtoj boʻlgan bemorlarga zamonaviy, xalqaro talablardagi sifat va standartlar darajasida diagnostika va davolashni taʼminlash va rivojlantirish;

aholiga tasdiqlangan tariflarga muvofiq dermatologiya va venerologiya boʻyicha yuqori malakali ixtisoslashtirilgan tibbiy yordam koʻrsatish;

yetakchi xorijiy klinikalarda Markaz xodimlarini muntazam ravishda tor ixtisos boʻyicha qayta tayyorlash va ularning malakasini oshirishni amalga oshirish;

Markaz xodimlari uchun mehnatni tashkil etish va unga haq toʻlashning qonunchilikda belgilangan shartlarini, texnika xavfsizligini, ijtimoiy taʼminotni va aniq manzilli ijtimoiy himoya qilishni kafolatlash;

oʻz mablagʻlari hisobiga Markazning moddiy-texnika bazasini zamonaviy tibbiyot texnikasi va texnologiyalari bilan mustahkamlash va rivojlantirish;

mol-mulkdan maqsadli foydalanish, uning saqlanishini taʼminlash;

qonunchilikka muvofiq buxgalteriya hisobini va statistik hisobni hamda hisobotlarni yuritish.

14. Markazning mol-mulki asosiy fondlar, shuningdek boshqa moddiy boyliklar va moliyaviy resurslardan iborat boʻladi.

15. Markaz egallab turgan yer uchastkasiga doimiy foydalanish huquqlari bilan egalik qiladi, faoliyat maqsadlariga muvofiq oʻz mol-mulkiga egalik qiladi, undan foydalanadi va uni tasarruf etadi, shu bilan birga, budjet mablagʻlari va budjetdan tashqari mablagʻlardan samarali foydalanishni taʼminlaydi.

16. Markaz vaqtinchalik foydalanilmayotgan xonalarini shartnoma asosida ijaraga berish, undan tushgan mablagʻlardan Markazni rivojlantirishda foydalanish, shuningdek asbob-uskunalar va mol-mulkni qonunchilikda nazarda tutilgan tartibda hisobdan chiqarish huquqiga ega.

17. Markaz tarkibiga bir smenada 70 nafar bemorga xizmat koʻrsatadigan konsultatsiya poliklinikasi va 160 bemor oʻrniga moʻljallangan statsionar kiradi.

Markaz tuzilmasi Oʻzbekiston Respublikasi Vazirlar Mahkamasi tomonidan tasdiqlanadi.

Zarurat boʻlganda Markaz direktori tasdiqlash uchun Oʻzbekiston Respublikasi Sogʻliqni saqlash vazirligiga Markaz tuzilmasiga oʻzgartirish va qoʻshimchalar kiritish boʻyicha belgilangan tartibda takliflar kiritish huquqiga ega.

18. Markaz faoliyatiga Oʻzbekiston Respublikasi Sogʻliqni saqlash vaziri tomonidan lavozimga tayinlanadigan va lavozimdan ozod qilinadigan direktor rahbarlik qiladi.

Markaz direktori:

oʻz faoliyatini Markaz nomidan amalga oshiradi, Markazning moliya-xoʻjalik faoliyatiga rahbarlik qiladi, Markaz nomidan shartnomalar tuzadi, Markaz faoliyati bilan bogʻliq boʻlgan boshqa masalalarni hal etadi;

Markaz va uning filiallari xodimlari ishini oʻz vakolatlari doirasida tashkil etadi va boshqaradi, Markaz xodimlari bajarishi majburiy boʻlgan buyruqlar chiqaradi, Markaz xodimlarini qonunchilikka muvofiq ishga qabul qiladi va ishdan boʻshatadi;

Markaz faoliyati uchun javob beradi.

19. Direktor oʻrinbosarlari, Markaz filiallari rahbarlari Markaz direktorining taqdimnomasi boʻyicha Oʻzbekiston Respublikasi Sogʻliqni saqlash vaziri tomonidan lavozimga tayinlanadi va egallab turgan lavozimidan ozod etiladi.

20. Markaz tarkibida rivojlanish strategiyasini ishlab chiqish uchun Markaz Kengashi tashkil etiladi.

Markaz Kengashi direktor, uning oʻrinbosarlari, Markazning yetakchi mutaxassislari, shuningdek Oʻzbekiston Respublikasi Sogʻliqni saqlash vazirligining vakilidan iborat tarkibda 7 kishidan iborat boʻladi.

Markaz Kengashi toʻgʻrisidagi Nizom Oʻzbekiston Respublikasi Sogʻliqni saqlash vazirligi tomonidan tasdiqlanadi.

Kengash majlislari har chorakda oʻtkaziladi, uning qarorlari oddiy koʻpchilik ovoz bilan qabul qilinadi va protokol bilan rasmiylashtiriladi.

21. Quyidagilar Kengashning asosiy vazifalari hisoblanadi:

rivojlanish strategiyasini ishlab chiqish, Markaz investitsiya va ilmiy-texnika siyosatining asosiy yoʻnalishlarini belgilash;

aholiga pulli asosda koʻrsatiladigan tibbiy yordam turlariga tariflarni belgilangan tartibda koʻrib chiqish;

Markaz ichidagi, shuningdek uning filiallaridagi munosabatlarni tartibga soluvchi normativ hujjatlar loyihalarini ishlab chiqish.

Markaz faoliyatining samaradorligini oshirishga qaratilgan tavsiyalarni ishlab chiqish.

Markaz Kengashi majlisida kollegial qabul qilingan qarorlar Markaz direktorining buyrugʻi bilan rasmiylashtiriladi.

22. Markazda Markazning yetakchi ilmiy xodimlaridan iborat boʻlgan Ilmiy kengash tashkil etiladi.

Markazning Ilmiy kengashi toʻgʻrisidagi Nizom va uning shaxsiy tarkibi Markaz direktori tomonidan tasdiqlanadi.

Ilmiy kengash majlislari har oyda oʻtkaziladi, uning qarorlari oddiy koʻpchilik ovoz bilan qabul qilinadi va protokol bilan rasmiylashtiriladi.

Quyidagilar Ilmiy kengashning asosiy vazifalari hisoblanadi:

tibbiy yordam sifati va samaradorligini oshirishga qaratilgan ilmiy tavsiyalarni ishlab chiqish;

amalga oshirilayotgan ilmiy tadqiqotlarning maqsadga muvofiqligi va hajmini aniqlash;

ilmiy-tadqiqot ishlari rejalashtirilishi va bajarilishini tashkil etishga rahbarlik qilish.

23. Markazning tashkiliy tuzilmasiga Oʻzbekiston Respublikasi hududida va uning tashqarisida tashkil etiladigan filiallar belgilangan tartibda kirishi mumkin.

Filiallar ular toʻgʻrisidagi nizomlarga muvofiq faoliyat koʻrsatadi. Filiallar toʻgʻrisidagi nizomlar qonunchilikda belgilangan tartibda tasdiqlanadi.

24. Aholiga ixtisoslashtirilgan tibbiy yordam koʻrsatish boʻyicha Markaz faoliyatini nazorat qilishni Oʻzbekiston Respublikasi Sogʻliqni saqlash vazirligi amalga oshiradi.

25. Markaz va uning filiallari faoliyatini moliyalashtirish aralash shaklda, shu jumladan:

Markazning oʻz daromadlari;

Davlat budjeti mablagʻlari;

grantlar va homiylik yordami;

qonunchilikka zid boʻlmagan tartibda jalb etilgan boshqa mablagʻlar hisobiga amalga oshiriladi.

26. Markazning oʻz daromadlari:

aholiga pulli asosda tibbiy xizmatlar koʻrsatishdan;

Markazning ilmiy va oʻquv bazasida boshqa tibbiyot muassasalarining yoʻnalishli mutaxassislarini tayyorlashdan;

ilmiy-tadqiqot ishlari olib borishdan;

qonunchilikda taqiqlanmagan boshqa manbalardan shakllanadi.