Oʻzbekiston Respublikasi Prezidentining “Oʻzbekiston Respublikasi Moliya vazirligining Insonparvarlik yordami hamda texnik koʻmaklashish vositalaridan maqsadli foydalanishni muvofiqlashtirish, hisobga olish va nazorat qilish departamentini tashkil etish toʻgʻrisida” 2008-yil 24-noyabrdagi PQ-1005-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Moliya vazirligi Oʻzbekiston Respublikasi Prezidentining “Davlat boshqaruvi respublika organlari tizimini takomillashtirish toʻgʻrisida” 2003-yil 9-dekabrdagi PF-3358-son Farmoni talablariga muvofiq oʻzining yangilangan nizomini va tashkiliy tuzilmasini tasdiqlash uchun belgilangan tartibda ikki oy muddatda Vazirlar Mahkamasiga kiritsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining “Oʻzbekiston Respublikasida TASIS dasturini amalga oshirishni taʼminlashda vazirliklar va idoralarning faoliyatini muvofiqlashtirish toʻgʻrisida” 1997-yil 29-maydagi 274-son qarorida (Oʻzbekiston Respublikasi QT, 1997-y., 5-son, 20-modda):

a) 2-banddagi “Vazirlar Mahkamasining Tashqi iqtisodiy faoliyatni muvofiqlashtirish departamentiga” soʻzlari “Oʻzbekiston Respublikasi Vazirlar Mahkamasining Iqtisodiyot va tashqi iqtisodiy aloqalar masalalari yigʻma axborot-tahlil departamentiga” soʻzlari bilan almashtirilsin;

b) Oʻzbekiston Respublikasi Yevropa Ittifoqi Komissiyasining TASIS dasturi doirasidagi loyihalar boʻyicha vazirliklar va idoralarning faoliyatini tashkil etish toʻgʻrisidagi nizomda:

3-band quyidagi tahrirda bayon qilinsin:

“3. Oʻzbekistondagi TASIS dasturi faoliyati Oʻzbekiston Respublikasi Vazirlar Mahkamasining Iqtisodiyot va tashqi iqtisodiy aloqalar masalalari yigʻma axborot-tahlil departamenti huzuridagi Oʻzbekistonda Yevropa Ittifoqi Komissiyasining texnikaviy yordamni muvofiqlashtirish Byurosi (“OʻZYIKBYuRO”) hamda Oʻzbekiston Respublikasi Moliya vazirligining Insonparvarlik yordami hamda texnik koʻmaklashish vositalaridan maqsadli foydalanishni muvofiqlashtirish, hisobga olish va nazorat qilish departamenti (keyingi oʻrinlarda — Moliya vazirligi Departamenti deb ataladi) tomonidan muvofiqlashtiriladi”;

6-band quyidagi tahrirda bayon qilinsin:

“6. Barcha buyurtmanomalar TASIS dasturi maqsadlari va shartlariga muvofiq muayyan mezonlar boʻyicha “OʻZYIKBYuRO”da dastlabki tanlovdan oʻtadi va kelishish, hisobga olish va keyinchalik monitoring olib borish uchun Moliya vazirligi Departamentiga yuboriladi. Tanlovdan oʻtgan va kelishilgan takliflar tasdiqlash va boʻlajak xatti-harakatlar dasturiga kiritish uchun Yevropa Komissiyasiga yuborish uchun Oʻzbekiston Respublikasi Vazirlar Mahkamasining Iqtisodiyot va tashqi iqtisodiy aloqalar masalalari yigʻma axborot-tahlil departamentiga yuboriladi”;

11-bandga “amalga oshiriladi va” soʻzlaridan keyin “Moliya vazirligi Departamenti va” soʻzlari qoʻshilsin;

15-bandga “OʻZYIKBYuRO” soʻzlaridan keyin “Moliya vazirligi Departamentiga” soʻzlari qoʻshilsin;

16-bandga “OʻZYIKBYuRO” soʻzlaridan keyin “Moliya vazirligi Departamentiga” soʻzlari qoʻshilsin;

20-banddagi “roʻyxatdan oʻtkazish”, “roʻyxatdan oʻtkazganlik uchun” soʻzlari tegishli ravishda “vaqtincha roʻyxatdan oʻtkazish” va “vaqtincha roʻyxatdan oʻtkazganlik uchun” soʻzlari bilan almashtirilsin;

28-banddagi “Tashqi iqtisodiy aloqalar vazirligida” soʻzlari “Tashqi iqtisodiy aloqalar, investitsiyalar va savdo vazirligida” soʻzlari bilan almashtirilsin;

29-banddagi “Oʻzdavstandart” markazi” soʻzlari “Oʻzstandart” agentligi” soʻzlari bilan almashtirilsin;

34-banddagi “Vazirlar Mahkamasining Tashqi iqtisodiy faoliyatni muvofiqlashtirish departamentiga” soʻzlari “Vazirlar Mahkamasining Iqtisodiyot va tashqi iqtisodiy aloqalar masalalari yigʻma axborot-tahlil departamentiga” soʻzlari bilan almashtirilsin.

2. Vazirlar Mahkamasining “Muruvvat yordamidan va begʻaraz texnik koʻmakdan maqsadli foydalanilishini taʼminlash chora-tadbirlari toʻgʻrisida” 2002-yil 26-iyuldagi 268-son qarorida (Oʻzbekiston Respublikasi QT, 2002-y., 7-son, 44-modda):

a) 2-bandda:

ikkinchi xatboshiga “va Oʻzbekiston Respublikasi Moliya vazirligiga” soʻzlari qoʻshilsin;

uchinchi xatboshidagi “Tashqi iqtisodiy aloqalar, investitsiyalar va savdo vazirligiga” soʻzlari “Moliya vazirligiga” soʻzlari bilan almashtirilsin;

b) 6-bandning uchinchi xatboshidagi “Vazirlar Mahkamasiga va Oʻzbekiston Respublikasi Prezidenti Devoniga” soʻzlari “Oʻzbekiston Respublikasi Moliya vazirligining Insonparvarlik yordami hamda texnik koʻmaklashish vositalaridan maqsadli foydalanishni muvofiqlashtirish, hisobga olish va nazorat qilish departamentiga” soʻzlari bilan almashtirilsin.

4. Vazirlar Mahkamasining “Investitsiya loyihalarini tasdiqlash va amalga oshirish monitoringi mexanizmlarini takomillashtirish, muruvvat yordami yuklarini va texnik koʻmaklashish mablagʻlarini hisobga olish va nazorat qilish chora-tadbirlari toʻgʻrisida” 2005-yil 15-noyabrdagi 251-son qarorida (Oʻzbekiston Respublikasi QT, 2005-y., 11-son, 61-modda):

a) Muruvvat yordami yuklari qabul qilinishi, hisobga olinishi, aniq yoʻnaltirilgan tarzda taqsimlanishi va ulardan maqsadli foydalanilishini nazorat qilish tartibi hamda muruvvat loyihalari monitoringi toʻgʻrisidagi nizomda (3-ilova):

8-bandda:

ikkinchi xatboshidagi “Departamentga hamda Davlat statistika qoʻmitasiga” soʻzlari “Departamentga, Oʻzbekiston Respublikasi Davlat statistika qoʻmitasiga va Moliya vazirligining Gʻaznachiligiga (keyingi oʻrinlarda — Gʻaznachilik deb ataladi)” soʻzlari bilan almashtirilsin;

quyidagi mazmundagi xatboshi qoʻshilsin:

“Oʻzbekiston Respublikasi Davlat statistika qoʻmitasi har chorakda hisobot choragidan keyingi oyning 25-kunidan kechikmay Gʻaznachilikka insonparvarlik yordami olinganligi va foydalanilganligi toʻgʻrisidagi yigʻma axborotni taqdim etadi”;

15-banddagi “va tarmoq komissiyalari” soʻzlaridan keyin “Moliya vazirligi bilan kelishgan holda” soʻzlari qoʻshilsin;

16-bandga quyidagi mazmundagi xatboshi qoʻshilsin:

“Hududiy va tarmoq komissiyalarining, shuningdek yuqori budjet tashkilotlarining insonparvarlik yordami yuklaridan maqsadli foydalanilishi va ularning aniq yoʻnaltirilgan tarzda taqsimlanishini nazorat qilish natijalari boʻyicha hisoboti hisobot davridan keyingi oyning 10-kunidan kechikmay Oʻzbekiston Respublikasi Moliya vazirligining Insonparvarlik yordami hamda texnik koʻmaklashish vositalaridan maqsadli foydalanishni muvofiqlashtirish, hisobga olish va nazorat qilish departamentiga (keyingi oʻrinlarda — Vazirlar Mahkamasi Departamenti deb ataladi) taqdim etiladi”;

17-bandda:

birinchi xatboshidagi “hududiy va tarmoq komissiyalari” soʻzlari “tarmoq komissiyalari va hududiy komissiyalar” soʻzlari bilan almashtirilsin;

quyidagi mazmundagi xatboshilar qoʻshilsin:

“Huzurida tegishli tarmoq komissiyalari va hududiy komissiyalar tashkil etilgan Oʻzbekiston Respublikasi vazirliklari va idoralari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, shuningdek oluvchilar Gʻaznachilikka insonparvarlik yordami yuklari olinganligi va ulardan maqsadli foydalanilganligi toʻgʻrisidagi maʼlumotlarni Oʻzbekiston Respublikasi Moliya vazirligi tomonidan belgilangan shakllar boʻyicha va muddatlarda taqdim etadilar.

Gʻaznachilik hududiy va tarmoq komissiyalari, Oʻzbekiston Respublikasi Davlat statistika qoʻmitasi, shuningdek oluvchilar tomonidan taqdim etilgan maʼlumotlar umumlashtirilishi va Moliya vazirligi Departamentiga taqdim etilishini taʼminlaydi”;

23-bandda:

birinchi xatboshidagi “Departamentga” soʻzidan keyin “va Gʻaznachilikka” soʻzlari qoʻshilsin;

ikkinchi xatboshidagi “shakllantirish boʻyicha” soʻzlaridan keyin “Moliya vazirligi bilan kelishgan holda” soʻzlari qoʻshilsin;

27-bandning birinchi xatboshidagi “Departamentga” soʻzidan keyin “Gʻaznachilikka” soʻzi qoʻshilsin;

28-band quyidagi tahrirda bayon qilinsin:

“28. Oʻzbekiston Respublikasi Davlat statistika qoʻmitasi Davlat statistika ishlari dasturida belgilangan tartibda va muddatlarda Gʻaznachilikka insonparvarlik yordami toʻgʻrisidagi statistik axborotni taqdim etadi”;

Nizomga 1 va 4-ilovalar quyidagi tahrirda bayon qilinsin:

b) Texnik koʻmaklashish mablagʻlari monitoringi va ulardan maqsadli foydalanilishini nazorat qilish tartibi toʻgʻrisidagi nizomda:

4-bandning birinchi xatboshiga “Tashqi iqtisodiy aloqalar, investitsiyalar va savdo vazirligiga” soʻzlaridan keyin “va Oʻzbekiston Respublikasi Moliya vazirligining Insonparvarlik yordami hamda texnik koʻmaklashish vositalaridan maqsadli foydalanishni muvofiqlashtirish, hisobga olish va nazorat qilish departamenti (keyingi oʻrinlarda Moliya vazirligi Departamenti deb yuritiladi) Moliya vazirligi bilan kelishilgan hamda” soʻzlari qoʻshilsin;

5-band quyidagi tahrirda bayon qilinsin:

“5. Oʻzbekiston Respublikasi vazirliklari, idoralari va mintaqalari boʻyicha axborotlarni turkumlash va texnik koʻmaklashishdan foydalanish samaradorligini oshirish maqsadida Tashqi iqtisodiy aloqalar, investitsiyalar va savdo vazirligi har chorakda hisobot choragi oxirgi oyining 25-kunidan kechikmay Oʻzbekiston Respublikasi Davlat statistika qoʻmitasi va Moliya vazirligi Departamentiga texnik koʻmakni oluvchilar toʻgʻrisidagi maʼlumotlarni belgilangan shakl boʻyicha taqdim etadi (ushbu Nizomga 2-ilova).

Davlat statistika qoʻmitasi Davlat statistika ishlari dasturida nazarda tutilgan muddatlarda statistik kuzatuvni tashkil etadi hamda olingan va oʻzlashtirilgan grant mablagʻlari toʻgʻrisidagi statistik hisobotlarning umumlashtirilgan maʼlumotlarini Oʻzbekiston Respublikasi Moliya vazirligining Gʻaznachiligiga (keyingi oʻrinlarda Gʻaznachilik deb yuritiladi), Tashqi iqtisodiy aloqalar, investitsiyalar va savdo vazirligiga, shuningdek toʻlov balansi statistikasiga kiritish uchun — Oʻzbekiston Respublikasi Iqtisodiyot vazirligiga taqdim etadi”;

6 va 7-bandlar oʻz kuchini yoʻqotgan deb hisoblansin;

8-band quyidagi tahrirda bayon qilinsin:

“8. Tashqi iqtisodiy aloqalar, investitsiyalar va savdo vazirligi loyihalarni amalga oshirishda xalqaro moliyaviy va iqtisodiy institutlar hamda xorijiy hukumat tashkilotlarini jalb etish hamda ularning majburiyatlari bajarilishining doimiy monitoringini amalga oshiradi.

Tashqi iqtisodiy aloqalar, investitsiyalar va savdo vazirligi xalqaro moliyaviy va iqtisodiy institutlar hamda xorijiy hukumat tashkilotlarining texnik koʻmaklashish loyihasini moliyalashtirish boʻyicha qabul qilgan qarorlari toʻgʻrisida Tashqi iqtisodiy aloqalar, investitsiyalar va savdo vazirligiga tushayotgan axborot toʻgʻrisida Moliya vazirligi Departamentiga oʻz vaqtida xabar beradi.

Moliya vazirligi har chorakda hisobot davridan keyingi oyning 27-kunidan kechikmay xalqaro moliyaviy va iqtisodiy institutlar hamda xorijiy hukumat tashkilotlarining texnik koʻmaklashish loyihalarining Oʻzbekiston Respublikasida amalga oshirilishi toʻgʻrisidagi tahliliy materiallarni Oʻzbekiston Respublikasi Prezidenti Devoniga va Vazirlar Mahkamasiga taqdim etadi”;

10-bandning ikkinchi xatboshi quyidagi tahrirda bayon qilinsin:

“Ijro etuvchi agentliklar uch kun mobaynida Tashqi iqtisodiy aloqalar, investitsiyalar va savdo vazirligi hamda Moliya vazirligi Departamentiga xalqaro moliyaviy va iqtisodiy institutlar hamda xorijiy hukumat tashkilotlarining texnik koʻmaklashish loyihalarini amalga oshirish doirasida olib kelinayotgan tovarlar (xizmatlar) tushganligi toʻgʻrisida axborot beradi”;

11-banddagi “bir oy muddatda” soʻzlaridan keyin “Moliya vazirligi Departamenti hamda” soʻzlari qoʻshilsin;

13-banddagi “Tashqi iqtisodiy aloqalar, investitsiyalar va savdo vazirligi” soʻzlaridan keyin “hamda Moliya vazirligi Departamenti” soʻzlari qoʻshilsin;

14-band quyidagi tahrirda bayon qilinsin:

“14. Grant mablagʻlaridan samarali va maqsadli foydalanilishini nazorat qilishni kuchaytirish maqsadida Moliya vazirligi texnik koʻmaklashish loyihalari amalga oshirilishi boʻyicha ijro etuvchi agentliklar faoliyatini belgilangan tartibda tekshirish uchun Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Adliya vazirligi, Markaziy bank va boshqa manfaatdor vazirliklar va idoralar vakillaridan iborat ishchi guruhlar tashkil etishga haqlidir”;

15-bandning ikkinchi xatboshidagi “belgilangan tartibda” soʻzlaridan keyin “Gʻaznachilikka” soʻzi qoʻshilsin;

16-bandning birinchi xatboshidagi “Tashqi iqtisodiy aloqalar, investitsiyalar va savdo vazirligi” soʻzlari “Moliya vazirligi” soʻzlari bilan almashtirilsin;

Nizomga 1-ilova quyidagi tahrirda bayon qilinsin:

5. Vazirlar Mahkamasining 2007-yil 20-martdagi 53-son qarori (Oʻzbekiston Respublikasi QT, 2007-y., 2-3-son, 15-modda) bilan tasdiqlangan Oʻzbekiston Respublikasi Moliya vazirligining Gʻaznachiligi toʻgʻrisida nizomda:

a) 8-bandga quyidagi mazmundagi xatboshi qoʻshilsin:

“Oʻzbekiston Respublikasiga kelayotgan insonparvarlik yordami va texnik koʻmaklashish vositalari, shu jumladan nomoddiy shakldagi vositalar toʻgʻrisidagi axborotlarni toʻplash va ishlash”;

b) 9-bandga quyidagi mazmundagi xatboshi qoʻshilsin:

“Oʻzbekiston Respublikasiga kelayotgan barcha turdagi insonparvarlik yordami va texnik koʻmaklashish vositalari, shu jumladan nomoddiy shakldagi vositalarning toʻliq va tizimli hisobini yuritadi”;

v) 10-bandga quyidagi mazmundagi xatboshi qoʻshilsin:

“belgilangan tartibda insonparvarlik yordami va texnik koʻmaklashish vositalari oluvchilaridan ularning shaxsiy bank hisob raqamlaridan koʻchirmalar, shuningdek ular tomonidan olingan insonparvarlik yordami va texnik koʻmaklashish vositalari, shu jumladan nomoddiy shakldagi vositalar toʻgʻrisida hisobotlar va axborotlar olish”.