LexUZ sharhi
Mazkur qaror O‘zbekiston Respublikasi Prezidentining 2020-yil 27-sentabrdagi PF-6075-sonli “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida”gi Farmoniga asosan o‘z kuchini yo‘qotgan.
O‘zbekiston Respublikasining “Odam savdosiga qarshi kurashish to‘g‘risida” 2008-yil 17-apreldagi Qonuniga muvofiq hamda odam savdosiga qarshi kurashish faoliyatini takomillashtirish maqsadida:
1. 2008—2010-yillarda odam savdosiga qarshi kurashish samaradorligini oshirish bo‘yicha Milliy tadbirlar rejasi 1-ilovaga* muvofiq tasdiqlansin.
* 1-ilova rus tilidagi matnda berilgan.
2. Vazirliklar, davlat qo‘mitalari, idoralar, jamoat birlashmalari va boshqa nodavlat notijorat tashkilotlari 2008—2010-yillarda odam savdosiga qarshi kurashish samaradorligini oshirish bo‘yicha Milliy tadbirlar rejasiga kiritilgan chora-tadbirlarning o‘z vaqtida amalga oshirilishini ta’minlasin.
Oldingi tahrirga qarang.
(3 — 5-bandlar O‘zbekiston Respublikasi Prezidentining 2017-yil 22-maydagi PQ-2988-sonli qaroriga asosan o‘z kuchini yo‘qotgan — O‘R QHT, 2017-y., 21-son, 388-modda)
6. O‘zbekiston Respublikasi Vazirlar Mahkamasi bir oy muddatda odam savdosi jabrdiydalariga yordam ko‘rsatish va himoya qilish bo‘yicha ixtisoslashtirilgan muassasalar tuzish va ularning faoliyatini tashkil etish, ushbu muassasalar tomonidan odam savdosida jabr ko‘rganlarni ijtimoiy jihatdan tiklash ishlarini amalga oshirish yuzasidan qaror qabul qilsin hamda odam savdosi jabrdiydalariga yordam ko‘rsatish va himoya qilish bo‘yicha ixtisoslashtirilgan muassasalar to‘g‘risidagi nizomni tasdiqlasin.
7. Mazkur Qarorning ijrosini nazorat qilish O‘zbekiston Respublikasi Bosh vaziri Sh.M. Mirziyoyev va O‘zbekiston Respublikasi Prezidentining Davlat maslahatchisi I.B. Abdullayev zimmalariga yuklansin.