Vazirlar Mahkamasi shuni qayd etadiki, Qoraqalpogʻiston Respublikasi Vazirlar Kengashi, viloyatlar, shaharlar va tumanlarning hokimliklari, “Oʻzbeksavdo” Davlat aksionerlik uyushmasi, “Oʻzbekbirlashuv” soliq va huquqni muhofaza qilish organlari tomonidan nazoratning susaytirilganligi natijasida jismoniy va yuridik shaxslar oziq-ovqat mahsulotlarini muvofiqlik va sifat sertifikatlari boʻlmagan holda, belgilanmagan joylarda va jihozlanmagan savdo nutqlarida amaldagi sanitariya normalari va savdo qoidalariga rioya etmasdan sotishi faktlari hamon mavjuddir.

Isteʼmolchilarning huquqlarini himoya qilishni, savdo-sotiqning zarur sanitariya shartlariga rioya etilishini taʼminlash, aholi sogʻligʻiga zarar yetkazish hollarining oldini olish, shuningdek oziq-ovqat mahsulotlari savdosini tashkil etishda tegishli tartib oʻrnatish maqsadida Vazirlar Mahkamasi qaror qiladi:

2. Shunday tartib oʻrnatilsinki, ushbu qarorning 1-bandida koʻrsatilgan oziq-ovqat mahsulotlarini sotish chogʻida ularga Respublika pul-kredit siyosati komissiyasining 1997-yil 23-apreldagi 1318/1218-son qarorining savdo korxonalari va tashkilotlari uchun 20 foizgacha miqdorda rentabellikning eng yuqori darajasi boʻyicha cheklashlarni joriy etish qismidagi shartlari tatbiq etiladi.

Mana shu shartlarga rioya etilmagan taqdirda tovar olib qoʻyiladi, uning sotuvchilariga nisbatan esa amaldagi qonunlarga muvofiq qatʼiy maʼmuriy javobgarlik choralari qoʻllaniladi.

3. Qarorning 1 va 2-bandlari bajarilishini taʼminlash uchun javobgarlik Oʻzbekiston Respublikasi davlat soliq qoʻmitasi, Ichki ishlar vazirligi, Moliya vazirligi huzuridagi Monopoliyadan chiqarish va raqobatni rivojlantirish qoʻmitasi, Qoraqalpogʻiston Respublikasi Vazirlar Kengashi, viloyatlar, shaharlar va tumanlarning hokimliklari zimmasiga yuklansin.

4. Oʻzbekiston Respublikasi Davlat soliq qoʻmitasi 1-bandda koʻrsatilgan oziq-ovqat mahsulotlari turgʻun savdo nuqtalaridan tashqarida, shuningdek amaldagi savdo qoidalarini buzib sotilayotgan hollarda ana shu mahsulotlar savdosini toʻxtatib, aybdor shaxslarga nisbatan maʼmuriy choralar qoʻllansin, hatto mahsulotlarni olib qoʻyib keyinchalik ularni qonunlarda belgilangan tartibda musodara qilsin.

5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari musodara etilgan oziq-ovqat mahsulotlari tegishli sud organlarining qarorlari asosida 10 kun muddatda baholanishi hamda maxsus doʻkonlar orqali sotishga yuborilishini taʼminlasinlar.

6. Oʻzbekiston Respublikasi Adliya vazirligi ikki hafta muddatda amaldagi qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisidagi takliflarni kiritsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari M.Usmonov va Davlat soliq qoʻmitasi (V.Beganov) zimmasiga yuklansin.