O‘zbekiston Respublikasi Prezidentining “Respublika davlat boshqaruvi organlari tizimini takomillashtirish to‘g‘risida” 2003-yil 9-dekabrdagi PF–3358-son Farmonini bajarish yuzasidan hamda avtomobil va daryo transporti faoliyatini takomillashtirish maqsadida Vazirlar Mahkamasi qaror qiladi:

1. Quyidagilar O‘zbekiston avtomobil va daryo transporti agentligining asosiy vazifalari etib belgilansin:

avtomobil va daryo transportida yuk va yo‘lovchilar tashishni tashkil etish va takomillashtirish shuningdek avtomobilda tashuvlar va avtomobil transporti obyektlari xavfsizligini tashkil etish bo‘yicha normativ-huquqiy baza shakllantirilishini ta’minlash;

iqtisodiyot tarmoqlari va aholining tashuvlarga bo‘lgan ehtiyojlarini hisobga olgan holda avtomobil va daryo transportini rivojlantirishning kompleks dasturlarini, shuningdek avtomobil transporti xavfsizligini ta’minlash chora-tadbirlarini ishlab chiqish va amalga oshirish;

avtomobil va daryo transporti xizmatlari bozorida bozor munosabatlarini va raqobat muhitini rivojlantirish uchun qulay shart-sharoitlarni ta’minlash, yo‘lovchilarga xizmat ko‘rsatish madaniyati va sifatini oshirish, avtotransport xizmatlari servisini kengaytirish;

avtomobil va daryo transporti sohasida yagona texnika siyosatini shakllantirish va o‘tkazish;

avtomobil transportida yuk va yo‘lovchilar tashishni litsenziyalashni amalga oshirish ;

avtomobil va daryo transportida kadrlarni o‘qitish va ularning malakasini oshirishni shu jumladan transport xavfsizligini ta’minlash masalalari bo‘yicha tashkil etish.

avtomobil transportida yo‘lovchilar va yuklar tashiydigan avtotransport vositalarida litsenziya kartochkalarining mavjudligini nazorat qilish;

O‘zbekiston Respublikasining xalqaro shartnomalarida nazarda tutilgan O‘zbekiston Respublikasi hududida avtomobilda xalqaro tashuvlar shartlariga rioya etilishini nazorat qilish (O‘zbekiston Respublikasi Davlat chegarasi orqali o‘tkazish punktlaridan tashqari);

haydovchilarning mehnat va dam olish rejimiga rioya etilishini nazorat qilish.

2. Quyidagilar:

O‘zbekiston avtomobil va daryo transporti agentligining tashkiliy tuzilmasi 1-ilovaga muvofiq;

O‘zbekiston avtomobil va daryo transporti agentligi to‘g‘risidagi Nizom 2-ilovaga muvofiq tasdiqlansin.

3. O‘zbekiston avtomobil va daryo transporti agentligi markaziy apparati xodimlarining cheklangan umumiy soni 53 nafar, shu jumladan boshqaruv xodimlari soni 43 nafar etib belgilansin.

O‘zbekiston avtomobil va daryo transporti agentligiga agentlik boshlig‘i o‘rinbosarining bir nafar o‘rinbosari hamda shaxsiy tarkibi O‘zbekiston Respublikasi Vazirlar Mahkamasi tomonidan tasdiqlanadigan besh kishidan iborat bo‘lgan hay’ati bo‘lishiga ruxsat etilsin.

Agentlik boshlig‘iga markaziy apparat hamda hududiy boshqarmalar tuzilmasiga xodimlarning tasdiqlangan cheklangan soni va ta’minoti xarajatlari smetasi doirasida o‘zgartirishlar kiritish huquqi berilsin.

4. O‘zbekiston Respublikasi Hukumatining 4-ilovaga muvofiq ayrim qarorlari o‘z kuchini yo‘qotgan deb hisoblansin va ba’zilariga o‘zgartirishlar kiritilsin.

5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.F. Fayzullayev zimmasiga yuklansin.

1. O‘zbekiston avtomobil va daryo transporti agentligi (keyingi o‘rinlarda agentlik deb ataladi) tarkibiy va institutsional o‘zgartirish masalalarini hal qilish, xizmatlar bozorini shakllantirish va rivojlantirishga hamda avtomobil va daryo transportida yuk va yo‘lovchilar tashish xavfsizligini ta’minlashga ko‘maklashish uchun maxsus vakolat berilgan davlat boshqaruvi organi hisoblanadi.

Agentlik o‘z faoliyatida O‘zbekiston Respublikasi Vazirlar Mahkamasiga hisobot beradi.

2. Agentlik tizimiga Qoraqalpog‘iston respublika, viloyatlar va Toshkent shahar bo‘limlari, Avtomobil va daryo transportini rivojlantirishni normativ-texnik ta’minlash respublika markazi, “Avtodaryotrans-ilm” kasb malakasini oshirish davlat ilmiy-metodik markazi kiradi.

3. Agentlik o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisining qarorlari va boshqa hujjatlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek mazkur Nizomga amal qiladi.

4. Agentlik o‘z faoliyatini davlat boshqaruvi boshqa organlari, mahalliy davlat hokimiyati organlari, jamoat birlashmalari va boshqa tashkilotlar bilan o‘zaro hamkorlikda amalga oshiradi.

5. Agentlik va uning hududiy bo‘limlarining moddiy-texnik ta’minoti, shuningdek xodimlarning mehnatiga haq to‘lash litsenziyalar berganlik uchun davlat bojidan, litsenziya berish to‘g‘risidagi arizalarni ko‘rib chiqqanlik uchun yig‘imlardan ajratmalar, suzish vositalarini hisobga qo‘yganlik va ko‘rikdan o‘tkazganlik uchun mablag‘lar, shuningdek qonun hujjatlarida taqiqlanmagan boshqa manbalar hisobiga amalga oshiriladi.

6. Agentlik yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi yozilgan muhrga ega bo‘ladi.

7. Quyidagilar agentlikning asosiy vazifalari hisoblanadi:

avtomobil va daryo transportida yuk va yo‘lovchilar tashishni tashkil etish va takomillashtirish, shuningdek avtomobilda tashuvlar va avtomobil transporti obyektlari xavfsizligini tashkil etish bo‘yicha normativ-huquqiy baza shakllantirilishini ta’minlash;

iqtisodiyot tarmoqlari va aholining tashuvlarga bo‘lgan ehtiyojlarini hisobga olgan holda avtomobil va daryo transportini rivojlantirishning kompleks dasturlarini, shuningdek avtomobil transporti xavfsizligini ta’minlash chora-tadbirlarini ishlab chiqish va amalga oshirish, jamoat avtomobil va daryo transporti faoliyatini muvofiqlashtirish;

avtomobil va daryo transporti xizmatlari bozorida bozor munosabatlarini va raqobat muhitini rivojlantirish uchun qulay shart-sharoitlarni ta’minlash, yo‘lovchilarga xizmat ko‘rsatish madaniyati va sifatini oshirish, avtotransport xizmatlari servisini kengaytirish;

avtomobil va daryo transporti sohasida yagona texnika siyosatini o‘tkazish;

avtomobil transportida yuk va yo‘lovchilar tashishni litsenziyalashni amalga oshirish, litsenziatlar tomonidan litsenziya talablari va shartlari bajarilishini nazorat qilish;

avtomobil va daryo transportida kadrlarni o‘qitish va ularning malakasini oshirishni shu jumladan transport xavfsizligini ta’minlash masalalari bo‘yicha tashkil etish;

mahalliy davlat hokimiyati va boshqaruvi organlariga, O‘zbekiston Respublikasi Mudofaa vazirligi va Favqulodda vaziyatlar vazirligiga safarbarlik vaziyatida va favqulodda vaziyatlarda avtomobil transporti maxsus bo‘linmalari faoliyatini muvofiqlashtirishda ko‘maklashish.

O‘zbekiston Respublikasining xalqaro shartnomalarda nazarda tutilgan O‘zbekiston Respublikasi hududida avtomobilda xalqaro tashuvlar shartlariga rioya etilishini nazorat qilish (O‘zbekiston Respublikasi Davlat chegarasi orqali o‘tkazish punktlaridan tashqari);

avtomobil transportida yo‘lovchilar va yuklar tashiydigan avtotransport vositalarida litsenziya kartochkalarining mavjudligini nazorat qilish;

haydovchilarning mehnat va dam olish rejimiga rioya etilishini nazorat qilish.

8. Agentlik o‘ziga yuklangan vazifalarni bajarish uchun quyidagi funksiyalarni amalga oshiradi:

a) avtomobil va daryo transportida yuk va yo‘lovchilar tashishni tashkil etish va takomillashtirish bo‘yicha normativ-huquqiy baza shakllantirilishini ta’minlash sohasida:

avtomobil va daryo transportida yuk va yo‘lovchilar tashishni tashkil etish va avtomobil transporti obyektlari xavfsizligini ta’minlash bo‘yicha normativ-huquqiy hujjatlarni ishlab chiqadi va tasdiqlaydi, boshqaruv organlari va xo‘jalik yurituvchi subyektlar tomonidan ularga rioya etilishi ustidan nazoratni amalga oshiradi;

avtomobil va daryo transportidan foydalanish sohasida xalqaro shartnomalarni ishlab chiqishda O‘zbekiston Respublikasi nomidan qatnashadi;

agentlik vakolatiga kiruvchi masalalar bo‘yicha boshqa davlatlar ma’muriyatlari va tuzilmalari bilan o‘zaro hamkorlik qiladi;

avtomobil va daryo transporti shu jumladan avtomobil tashuvlari xavfsizligini ta’minlash faoliyatining normativ bazasini takomillashtirish, amaldagi xalqaro avtomobil yo‘laklaridan samarali foydalanish va ularning yangilarini barpo etish bo‘yicha takliflarni ko‘rib chiqish uchun davlat organlariga kiritadi;

vazirliklar va idoralarning normativ-huquqiy hujjatlari, dasturlar, shuningdek tarmoqlarni rivojlantirish bo‘yicha boshqa hujjatlar loyihalarining agentlik faoliyatiga oid qismini ekspert baholaydi va ularga rozilik beradi;

b) iqtisodiyot tarmoqlari va aholining yuk va yo‘lovchilar tashishga ehtiyojlarini hisobga olgan holda avtomobil va daryo transportini rivojlantirish kompleks dasturlarini ishlab chiqish va amalga oshirish sohasida:

avtomobil va daryo transportini rivojlantirish kompleks dasturlarini, shuningdek avtomobil transporti xavfsizligini ta’minlash chora-tadbirlarini ishlab chiqish va amalga oshirishni tashkil qiladi;

jamoat avtomobil va daryo transporti faoliyatini muvofiqlashtiradi;

O‘zbekiston Respublikasi Ichki ishlar vazirligi bilan birgalikda Qoraqalpog‘iston Respublikasi Vazirlar Kengashi, viloyatlar hokimliklari takliflari asosida ishlab chiqilgan yo‘lovchilar tashishning xalqaro va viloyatlararo yo‘nalishlarini tasdiqlaydi;

v) avtomobil va daryo transporti xizmatlari bozorida bozor munosabatlarini va raqobat muhitini rivojlantirish uchun qulay shart-sharoitlarni ta’minlash sohasida yo‘lovchilarga xizmat ko‘rsatish madaniyati va sifatini oshirish, avtotransport xizmatlari servisini kengaytirish:

tashuvlar yo‘nalishlarini tender bo‘yicha amalga oshirish mexanizmlarini joriy etadi, yo‘lovchilarining sifatli va xavfsiz tashilishini ta’minlash uchun maqbul sharoitlarni nazarda tutadigan shahar, shahar atrofida, shaharlararo va xalqaro yo‘lovchilar tashish yo‘nalishlarida xizmat ko‘rsatish huquqiga namunaviy kontraktlarni ishlab chiqadi va tasdiqlaydi, tendyerlar tashkilotchilari ishini muvofiqlashtiradi;

yo‘lovchilar tashish bo‘yicha shaharlararo-viloyatlararo va xalqaro yo‘nalishlarni joylashtirish yuzasidan ochiq tendyerlarni tashkil etadi va o‘tkazadi;

avtomobil transportida yo‘lovchilar va yuk tashuvlar qoidalariga hamda O‘zbekiston Respublikasida avtobuslarda tashuvlar xavfsizligini ta’minlash bo‘yicha talablarga rioya etilishi, yo‘lovchilar tashish yo‘nalishlariga xizmat ko‘rsatish huquqiga tender kontraktlari shartlarini bajarish, tashuvchilar tomonidan belgilangan grafiklar, jadvallar, tashish tariflariga rioya etilishini tizimli nazorat qilishni tashkil etadi;

O‘zbekiston Respublikasi Moliya vazirligi bilan birgalikda avtomobil va daryo transporti xizmatlari uchun tarif siyosatini shakllantiradi;

g) yagona texnika siyosatini o‘tkazish sohasida:

xalqaro normalarni hisobga olgan holda avtomobilda va daryolarda tashishlar bo‘yicha faoliyatni tartibga solish standartlari, qoidalari, shakllari va usullari yuzasidan ma’lumotlarning yagona axborot bazasini shakllantiradi, ilmiy-texnik ishlarni olib boradi;

suvda kishilarning hayoti qo‘riqlanishini va kemalar suzishi xavfsizligini ta’minlaydigan kemalar va suzib yuruvchi qurilmalarni loyihalashtirish, ulardan foydalanish, ularni ta’mirlash va qayta jihozlash talablari bajarilishini qonun hujjatlarida belgilangan tartibda nazorat qilishni tashkil etadi va amalga oshiradi;

foydalanilayotgan kemalar va suzib yuruvchi qurilmalarni hisobga oladi, tasniflaydi, ro‘yxatdan o‘tkazadi, Registr qoidalari va shuningdek kemalar va suzib yuruvchi qurilmalarni ta’mirlashga doir boshqa normativ hujjatlar qoidalari bajarilishini nazorat qiladi;

kemalarga va suzish vositalariga kema guvohnomalari, malaka guvohnomalari, suzishga yaroqlilik to‘g‘risidagi guvohnomani, neft, oqova suvlar va axlat bilan ifloslanishning oldini olish to‘g‘risidagi guvohnomani hamda Registr qoidalarida nazarda tutilgan boshqa hujjatlarni beradi;

avtomobil va daryo transportida xavfli yuklar, qurol-yarog‘, harbiy texnika, harbiy mol-mulk, portlovchi moddalar va buyumlar, shuningdek harbiy kontingentlar tranziti amalga oshirilganda xulosalar beradi;

d) qonun hujjatlarida belgilangan tartibda avtomobil transportida faoliyatni litsenziyalashni, litsenziatlar tomonidan litsenziya talablari va shartlariga rioya etilishi ustidan nazoratni amalga oshiradi, litsenziyalar reyestrini yuritadi;

d¹) Toshkent shahrida va Toshkent viloyatida yo‘lovchilar tashish transportidan tashqari, shahar yo‘lovchi, avtomobil va daryo transporti sohasida tashuvchilarning yo‘lovchilar hayoti, sog‘lig‘i va (yoki) mol-mulkiga zarar yetkazganlik uchun qonunda belgilangan o‘z fuqarolik javobgarligini majburiy sug‘urta qilish bo‘yicha majburiyati bajarilishini nazorat qilishni amalga oshiradi;

e) avtomobil va daryo transportida kadrlarni o‘qitish va ularning malakasini oshirishni shu jumladan transport xavfsizligini ta’minlash masalalari bo‘yicha tashkil etish sohasida ommaviy kasblarga, shu jumladan haydovchilikka tayyorlash va qayta tayyorlash hamda tarmoq kadrlari malakasini oshirish bo‘yicha bazaviy o‘quv dasturlarini ishlab chiqadi va tasdiqlaydi.

j) davlat bojxona xizmati organlari vakillari bilan o‘zaro hamkorlikda xalqaro avtomobillarda tashuvlarni amalga oshirishda ruxsat berish tizimiga rioya etilishi yuzasidan nazoratni amalga oshiradi;

z) avtomobillarda tashuvlar sohasida O‘zbekiston Respublikasining ma’muriy javobgarlik to‘g‘risidagi Kodeksining 146¹, 165, 176³-moddalarida, 176⁴, 198-moddalarining birinchi qismida nazarda tutilgan ma’muriy huquqbuzarliklar to‘g‘risida belgilangan tartibda protokol tuzadi.

9. Agentlik o‘ziga yuklangan vazifalar va funksiyalarni bevosita, shuningdek hududiy bo‘limlar, o‘ziga qarashli boshqa organlar va muassasalar orqali hal etadi.

10. Agentlik o‘ziga yuklangan vazifalar va funksiyalarni bajarish uchun quyidagi huquqlarga ega:

o‘zining vazifalari va funksiyalarini bajarish uchun zarur bo‘lgan avtomobil va daryo transporti sohasidagi axborotni yuridik va jismoniy shaxslardan so‘rash va olish;

litsenziatlar tomonidan litsenziya talablari va shartlariga rioya etilishini qonun hujjatlarida belgilangan tartibda rejali va qisqa muddatli tekshirish;

avtomobil va daryo transportidan foydalanish qoidalari buzilishida aybdor bo‘lgan shaxslarni qonun hujjatlarida nazarda tutilgan javobgarlikka tortish to‘g‘risida davlat organlariga takliflar kiritish;

Toshkent shahrida va Toshkent viloyatida yo‘lovchilar tashish transportidan tashqari, shahar yo‘lovchi, avtomobil va daryo transporti sohasida tashuvchilarning yo‘lovchilar hayoti, sog‘lig‘i va (yoki) mol-mulkiga zarar yetkazganlik uchun qonunda belgilangan o‘z fuqarolik javobgarligini majburiy sug‘urta qilish bo‘yicha majburiyati bajarilmaganligi uchun aybdor shaxslarni qonun hujjatlarida nazarda tutilgan javobgarlikka tortish haqida sud organlariga taqdimnomalar kiritish;

avtomobil transportida yo‘lovchilar va yuk tashuvlar qoidalariga hamda O‘zbekiston Respublikasida avtobuslarda tashuvlar xavfsizligini ta’minlash bo‘yicha talablarga rioya etilishi yuzasidan nazoratda qatnashish uchun shartnoma asosida mutaxassislarni jalb etish;

yo‘lovchilar tashishni tashkil etish bo‘yicha hududiy komissiyalardan, Toshkent shahri va Toshkent viloyati hokimliklarining yo‘lovchilar tashish transportining barcha turlari harakatlarini litsenziyalash va muvofiqlashtirish departamentlaridan hamda shahar yo‘lovchilar tashish transportini boshqarish bo‘yicha maxsus vakolatli organlardan yo‘lovchilar tashish yo‘nalishlari ishi masalalari bo‘yicha axborotlarni so‘rash va olish;

kemalar va suzish vositalaridan to‘g‘ri foydalanilishi, ularning tabelda qayd etilgan ta’minot va inventar bilan butlanganligi, ular tomonidan suzish va foydalanish xavfsizligi ta’minlanishi bo‘yicha qoidalar va talablar bajarilishi, kemalar suzadigan yo‘llar va kemalar suzadigan vaziyatning holati ustidan nazorat qilish, ekipajning bilimlarini tekshirish;

kema hujjatlarining amal qilish muddati tamom bo‘lganda, kemalar malakali ekipaj bilan butlanmaganda, bortda avariya-qutqarish, yong‘inga qarshi inventar mavjud bo‘lmaganda, suzib yuruvchi qurilmalarda odamlarning xavfsizligiga tahdid soluvchi nuqsonlar paydo bo‘lganda, kemalardan foydalanish, yong‘inga qarshi va sanitariya xavfsizligi qoidalari talablari buzilganda kemalar va suzib yuruvchi qurilmalardan foydalanishni qonun hujjatlarida belgilangan tartibda taqiqlash;

agar suzish vositalarining holati suzishning va foydalanishning xavfsizligini yoki suzish vositalarining xavfsiz to‘xtab turishini ta’minlamasa, ulardan foydalanishni qonun hujjatlarida belgilangan tartibda taqiqlash;

xavfsiz suzish sharoitlarini, odamlarning hayoti muhofaza qilinishini, ichki suv yo‘llarida yuklarning ishonchli tashilishini, kemalarning ifloslanishining oldini olishni ta’minlovchi suzish vositalariga qo‘yiladigan texnik talablarni belgilash, ushbu talablar bajarilishini texnik nazorat qilish, suzish vositalari ta’mirlanayotgan davrda chiqariladigan Registr qoidalari asosida ularni tasniflash, ko‘rikdan o‘tkazish va nazorat qilish;

xorijiy va milliy yuk va yo‘lovchilar tashuvchilar tomonidan O‘zbekiston Respublikasining avtomobil va daryo transporti sohasidagi xalqaro shartnomalari asosiy shartlari va qoidalariga rioya etilishi ustidan nazoratni amalga oshirish.

Agentlik qonun hujjatlariga muvofiq boshqa huquqlarga ham ega bo‘lishi mumkin.

11. Agentlik o‘z vakolatlari doirasida vazirliklar, davlat qo‘mitalari, idoralar, davlat mahalliy hokimiyati organlari, korxonalar, muassasalar, tashkilotlar, mansabdor shaxslar va fuqarolar tomonidan bajarilishi majburiy bo‘lgan normativ hujjatlar qabul qilishga haqlidir.

Agentlik, zarur hollarda, boshqa vazirliklar, davlat qo‘mitalari va idoralar bilan qo‘shma qarorlar va boshqa hujjatlar qabul qilishga haqlidir.

12. Agentlik o‘ziga yuklangan vazifalarning samarali bajarilishi uchun javob beradi.

13. Agentlikka O‘zbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan boshliq boshchilik qiladi.

Boshliqning ikki nafar o‘rinbosari bo‘ladi belgilangan tartibda O‘zbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan.

Agentlik boshlig‘i maqomiga ko‘ra vazirga, boshliq o‘rinbosarlari — vazir o‘rinbosarlariga tenglashtiriladi.

14. Agentlik boshlig‘i:

yakka boshchilik asosida agentlik faoliyatiga umumiy rahbarlikni amalga oshiradi hamda agentlikka yuklangan vazifalar va funksiyalarning bajarilishi uchun shaxsan javob beradi;

xodimlarning tasdiqlangan cheklangan soni va ta’minot xarajatlari smetasi doirasida markaziy apparat va hududiy bo‘limlar tuzilmasiga o‘zgartirishlar kiritadi;

markaziy apparat xodimlarini va agentlikning hududiy bo‘limlari, agentlik tizimiga kiruvchi o‘ziga qarashli organlar va muassasalar rahbarlarini belgilangan tartibda lavozimga tayinlaydi va lavozimdan ozod qiladi.

Boshliq qonun hujjatlariga muvofiq boshqa vakolatlarni ham amalga oshiradi.

15. Agentlikda Boshliq (hay’at raisi), uning o‘rinbosarlari (lavozimiga ko‘ra), shuningdek Agentlik faoliyatining asosiy yo‘nalishlarini muvofiqlashtiruvchi tarkibiy bo‘linmalari rahbarlaridan iborat tarkibda hay’at tashkil etiladi.

Hay’atning a’zolari soni va shaxsiy tarkibi Agentlik boshlig‘ining taqdimnomasiga binoan O‘zbekiston Respublikasi Vazirlar Mahkamasi tomonidan tasdiqlanadi.

Hay’at quyidagilar bilan bog‘liq masalalarni ko‘rib chiqadi:

tarkibiy va institutsional qayta o‘zgartirish masalalarini hal etishni davom ettirish, xizmatlar bozori shakllanishi va rivojlanishiga hamda avtomobil va daryo transportida yuk va yo‘lovchilar tashish xavfsizligiga ko‘maklashish, iqtisodiyot tarmoqlari hamda aholining yuk va yo‘lovchilar tashishga ehtiyojlarini hisobga olgan holda avtomobil va daryo transportini rivojlantirish dasturlarini ishlab chiqish va amalga oshirish, jamoat avtomobil va daryo transporti faoliyatini muvofiqlashtirish, avtomobil va daryo transporti xizmatlari bozorida bozor munosabatlarini va raqobat muhitini rivojlantirish uchun qulay shart-sharoitlarni ta’minlash bo‘yicha ushbu Nizomda belgilangan asosiy yo‘nalishlarini tayyorlash va amalga oshirish;

O‘zbekiston avtomobil va daryo transporti agentligi nomenklaturasiga kiradigan lavozimlarga kadrlarni tanlash, joy-joyiga qo‘yish, tayyorlash va qayta tayyorlash;

O‘zbekiston Respublikasi Prezidentining farmonlari, qarorlari va farmoyishlarida, O‘zbekiston Respublikasi Vazirlar Mahkamasi qarorlari va farmoyishlarida belgilangan vazifalarni amalga oshirish bo‘yicha ijro intizomini mustahkamlash, ularning o‘z vaqtida va sifatli amalga oshirilishini ta’minlash uchun Agentlik rahbarlari va xodimlarining shaxsiy javobgarligini oshirish.

Hay’at Agentlik vakolatiga taalluqli boshqa masalalarni ham ko‘rib chiqish huquqiga ega.

Hay’at majlisiga Agentlik vakolatiga kiradigan masalalar bo‘yicha boshqa vazirliklar, davlat qo‘mitalari, idoralar, mahalliy davlat hokimiyati organlari, korxonalar, muassasalar, tashkilotlar rahbarlari taklif etilishi mumkin.

Hay’at uning majlisida tarkibining yarmidan ko‘pi qatnashgan taqdirda vakolatli bo‘ladi. Ko‘rib chiqilayotgan masalalar bo‘yicha qarorlar oddiy ko‘pchilik ovoz bilan qabul qilinadi.

Hay’at qarorlari boshliqning buyruqlari bilan amalga oshiriladi. Boshliq va hay’at a’zolari o‘rtasida kelishmovchiliklar paydo bo‘lgan taqdirda boshliq paydo bo‘lgan kelishmovchiliklar to‘g‘risida O‘zbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hay’at a’zolari ham o‘z fikr-mulohazalarini O‘zbekiston Respublikasi Vazirlar Mahkamasiga xabar qilishlari mumkin.

Hay’at faoliyati tartibi uning hay’at tasdiqlaydigan reglamentida belgilanadi.

16. Hududiy bo‘limlar o‘z faoliyatini agentlik tomonidan tasdiqlanadigan nizomlarga muvofiq amalga oshiradi.

Qoraqalpog‘iston respublika, viloyatlar va Toshkent shahar bo‘limlari rahbarlari tegishli ravishda Qoraqalpog‘iston Respublikasi Vazirlar Kengashi Raisining, viloyatlar va Toshkent shahar hokimlarining taqdimnomasiga ko‘ra agentlik boshlig‘i tomonidan tayinlanadilar.

17. Agentlikni qayta tashkil etish va tugatish qonun hujjatlarida belgilangan tartibda amalga oshiriladi.

1. Vazirlar Mahkamasining “O‘zbekiston avtomobil va daryo transporti agentligini tashkil etish to‘g‘risida” 1998-yil 11-iyuldagi 296-son qarorining 2, 3 va 5-bandlari hamda mazkur qarorga 1 va 4-ilovalar.

2. Vazirlar Mahkamasining “Avtomobil transporti sohasida boshqaruvning tashkiliy tuzilmasini takomillashtirish chora-tadbirlari to‘g‘risida” 2001-yil 5-iyundagi 245-son qarorining 6-bandi, 6—8-ilovalar, shuningdek ushbu qarorga 9-ilovaning II bo‘limi 2-bandi.

II. Vazirlar Mahkamasining “Avtomobil transporti sohasida boshqaruvning tashkiliy tuzilmasini takomillashtirish chora-tadbirlari to‘g‘risida” 2001-yil 5-iyundagi 245-son qaroriga 2-ilovadagi “Yo‘lovchi” sug‘urta kompaniyasi” va “Navoiytrans” avtomobilda yuk va yo‘lovchilar tashish uyushmasi” so‘zlari chiqarib tashlansin.