|
Ҳужжат кучини йўқотган " " 13.08.2025
|
Ўзбекистон Республикаси Адлия вазирининг
буйруғи
Товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабномаларни тузиш, топшириш ва кўриб чиқиш қоидаларини тасдиқлаш тўғрисида
[Ўзбекистон Республикаси Адлия вазирлиги томонидан 2023 йил 7 декабрда рўйхатдан ўтказилди, рўйхат рақами 3482]
LexUZ шарҳиМазкур буйруқ Ўзбекистон Республикаси адлия вазирининг 2025 йил 11 августдаги 20-мҳ-сонли «Айрим идоравий норматив-ҳуқуқий ҳужжатларни Идоравий норматив-ҳуқуқий ҳужжатларнинг давлат реестридан чиқариш тўғрисида»ги буйруғига (рўйхат рақами 3664, 11.08.2025 й.) асосан давлат реестридан чиқарилган.
Ўзбекистон Республикасининг «Товар белгилари, хизмат кўрсатиш белгилари ва товар келиб чиққан жой номлари тўғрисида»ги Қонунига мувофиқ буюраман:
1. Товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабномаларни тузиш, топшириш ва кўриб чиқиш қоидалари 1-иловага мувофиқ тасдиқлансин.
2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.
3. Ушбу буйруқ расмий эълон қилинган кундан эътиборан кучга киради.
Вазир А. ТАШКУЛОВ
Тошкент ш.,
2023 йил 7 декабрь,
21-мҳ-сон
Ўзбекистон Республикаси адлия вазирининг 2023 йил 7 декабрдаги 21-мҳ-сон буйруғига
1-ИЛОВА
1-ИЛОВА
Товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабномаларни тузиш, топшириш ва кўриб чиқиш қоидалари
Мазкур Қоидалар товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабномаларни тузиш, топшириш ва кўриб чиқиш тартибини белгилайди.
1-боб. Умумий қоидалар
1. Мазкур Қоидаларда қуйидаги тушунчалар қўлланилади:
Қонун — Ўзбекистон Республикасининг «Товар белгилари, хизмат кўрсатиш белгилари ва товар келиб чиққан жой номлари тўғрисида»ги Қонуни;
Вазирлик — Ўзбекистон Республикаси Адлия вазирлиги;
Давлат муассасаси — Ўзбекистон Республикаси Адлия вазирлиги ҳузуридаги «Интеллектуал мулк маркази» давлат муассасаси;
талабнома — товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабнома, шунингдек аввал рўйхатдан ўтказилган товар келиб чиққан жой номидан фойдаланиш ҳуқуқини бериш учун талабнома;
товар келиб чиққан жой номи — мамлакат, аҳоли пункти, жой ёки бошқа жўғрофий объектнинг (бундан буён матнда жўғрофий объект деб юритилади) товарни белгилаш учун ишлатиладиган, унинг алоҳида хусусиятлари тамомила ёки асосан мазкур жўғрофий объектга хос табиий шароитлар билан ёки бошқа омиллар ёхуд табиий шароитлар ва ушбу омилларнинг бирикмаси билан белгиланадиган номи;
Реестр — Товар келиб чиққан жой номлари давлат реестри.
2-боб. Товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабномаларни тузиш ва топшириш
1-§. Талабнома
2. Товар келиб чиққан жой номи сифатида рўйхатга олинадиган белги жўғрофий объектнинг замонавий номи, ушбу объектнинг тарихий номи ёки улардан келиб чиққан ном бўлиши мумкин.
Товар келиб чиққан жой номи сифатида рўйхатга олинадиган белги қўшимча равишда товарнинг турига оид белгини кўрсатиб туриши мумкин.
3. Товар келиб чиққан жой номи сифатида рўйхатга олинадиган белгилар, агар уларнинг алоҳида хусусиятлари тамомила ёки асосан мазкур жўғрофий объектга хос табиий шароитлар билан ёки бошқа омиллар ёхуд табиий шароитлар ва ушбу омилларнинг бирикмаси билан белгиланадиган товарни англатиш учун ишлатилса, товар келиб чиққан жой номи сифатида рўйхатдан ўтказилиши мумкин.
4. Қонуннинг 11-моддасига мувофиқ қуйидаги белгилар товар келиб чиққан жой номи сифатида рўйхатдан ўтказилиши мумкин эмас:
а) товар келиб чиққан жой хусусида истеъмолчини чалғитиб қўядиган жўғрофий ном бўлган белгилар;
б) товар келиб чиққан ҳақиқий жойни расман кўрсатувчи, лекин товар бошқа ҳудудда чиқарилаётганлиги ҳақида янглиш тасаввур берувчи белгилар;
в) товар тайёрланган жой номи билан боғлиқ бўлмаган жўғрофий номни англатувчи ва Ўзбекистон Республикасида муайян турдаги товар белгиси сифатида умум фойдаланишда бўлган белгилар;
г) шу турдаги товарга нисбатан товар келиб чиққан жой номи ёки географик кўрсаткич сифатида рўйхатдан ўтказилган белгилар.
5. Қонуннинг 8-моддаси биринчи қисмига мувофиқ талабномаларнинг қуйидаги турлари мавжуд:
а) товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабнома;
б) аввал рўйхатдан ўтказилган товар келиб чиққан жой номидан фойдаланиш ҳуқуқини бериш учун талабнома.
6. Қонуннинг 9-моддаси биринчи қисмига мувофиқ товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун бериладиган талабнома бир товар келиб чиққан бир жой номига тааллуқли бўлиши лозим.
7. Талабнома қуйидагиларни ўз ичига олиши керак:
а) товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш ёки аввал рўйхатдан ўтказилган товар келиб чиққан жой номидан фойдаланиш ҳуқуқини бериш ҳақидаги ариза (бундан буён матнда ариза деб юритилади);
б) талабномада кўрсатилган белги;
в) товар ишлаб чиқарилган жойни жўғрофий объект чегарасида кўрсатган ҳолда товар келиб чиққан жой номини ёки товар келиб чиққан жой номидан фойдаланиш ҳуқуқини рўйхатдан ўтказиш ёхуд аввал рўйхатдан ўтказилган товар келиб чиққан жой номидан фойдаланиш ҳуқуқини бериш сўралаётган товар турининг номи ҳамда унинг алоҳида хусусиятлари тавсифи.
8. Талабномага қуйидагилар илова қилиниши керак:
а) талабнома патент вакили орқали берилган тақдирда талабнома берувчининг ишончномаси;
б) талабнома берувчининг зикр этилган жўғрофий объектда жойлашганлигини ва алоҳида хусусиятлари мазкур жўғрофий объектга хос табиий шароитлар ёки бошқа омиллар билан ёхуд табиий шароитлар ва ушбу омилларнинг бирикмаси билан боғлиқ товар ишлаб чиқаришини тасдиқловчи ҳужжатлар;
в) чет эллик талабнома берувчининг товар келиб чиққан жойнинг талабномада ифодаланган номидан товар келиб чиққан мамлакатда фойдаланиш ҳуқуқини тасдиқловчи ҳужжат.
9. Талабнома берганлик учун Ўзбекистон Республикасининг «Давлат божи тўғрисида»ги Қонунида белгиланган миқдорда патент божи тўланади.
Бунда, Ўзбекистон Республикаси жисмоний ва юридик шахслари томонидан патент божи тўланганлиги қўшимча ҳужжат талаб қилмасдан Вазирлик томонидан ахборот тизимлари орқали мустақил равишда текширилади.
Чет эл юридик ва жисмоний шахслари томонидан талабномага белгиланган миқдорда патент божи тўланганлиги тўғрисидаги тўлов ҳужжати илова қилинади.
2-§. Талабноманинг таркиби
10. Товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабнома ушбу Қоидаларнинг 1-иловасида келтирилган шаклга мувофиқ топширилади.
Аввал рўйхатдан ўтказилган товар келиб чиққан жой номидан фойдаланиш ҳуқуқини бериш учун талабнома мазкур Қоидаларнинг 2-иловасида келтирилган шаклга мувофиқ топширилади.
Талабнома Вазирликка келиб тушгандан кейин реквизитлар киритилиши учун «Талабнома» сўзидан юқорида жойлашган графалар талабнома берувчи томонидан тўлдирилмайди.
Агар маълумотлар кўплиги сабабли, уларни тегишли графаларда тўлиқ жойлаштириш имкони бўлмаса, улар ўша шакл бўйича қўшимча варақда келтирилади ва талабноманинг тегишли графасида «давоми қўшимча варақда» деб кўрсатилади.
11. «Талабнома берувчи» графасида талабнома берувчи (талабнома берувчилар) тўғрисидаги маълумотлар (юридик шахснинг тўлиқ номи ёки жисмоний шахснинг фамилияси, исми ва отасининг исми) келтирилади, бунда фамилия исмдан аввал кўрсатилади. Талабнома берувчининг номи давлат тилида кўрсатилади.
Шунингдек, талабномада талабнома берувчининг почта манзили, шу жумладан мамлакатнинг расмий номи, телефон ва факс рақамлари ҳамда электрон почта манзили (агар мавжуд бўлса) кўрсатилади.
12. Ўз номларига товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш ва/ёки товар келиб чиққан жой номидан фойдаланиш ҳуқуқини бериш сўралаётган Ўзбекистон Республикаси ташкилотлари учун Корхона ва ташкилотнинг умумдавлат таснифи коди (КТУТ коди) (агар мавжуд бўлса) кўрсатилади. Агар бундай код мавжуд бўлмаса, талабноманинг тегишли жойида «мавжуд эмас» деб кўрсатилади.
13. Ўз номларига товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш ва/ёки товар келиб чиққан жой номидан фойдаланиш ҳуқуқини бериш сўралаётган Ўзбекистон Республикаси ҳудудидан ташқарида яшайдиган (жойлашган) чет эл жисмоний (юридик) шахслари учун Бутунжаҳон интеллектуал мулк ташкилотининг (БИМТ) SТ.3 стандарти бўйича мамлакат коди кўрсатилади (агар мавжуд бўлса).
14. «Ёзишмалар олиб бориш учун манзил» графасида ёзишмалар олиб бориш учун почта индекси кўрсатилган манзил, хат олувчининг исми ёки номи, телефон, факс рақамлари ва электрон почта манзили (агар мавжуд бўлса) кўрсатилади. Ёзишмалар олиб бориш учун манзил сифатида Ўзбекистон Республикасида доимий яшовчи талабнома берувчи-жисмоний шахснинг яшаш манзили, Ўзбекистон Республикасида жойлашган талабнома берувчи-юридик шахснинг жойлашган жойи ёхуд Вазирликда рўйхатдан ўтказилган патент вакилининг манзили кўрсатилиши мумкин.
15. «Патент вакили» графаси талабнома берувчи томонидан патент вакили тайинланган ҳолда тўлдирилади ва у ҳақидаги маълумотлар (фамилияси, исми, отасининг исми, Вазирликда рўйхатдан ўтказилган рақами) келтирилади.
«Патент вакилининг манзили» графасида патент вакилининг почта индекси кўрсатилган манзили, телефон, факс рақамлари ва электрон почта манзили (агар мавжуд бўлса) келтирилади.
16. «Талабнома берилган белги» графасида талабнома берилган белги одатдаги шрифтда ёзилган ҳолда келтирилади.
17. «Товар тури ёки муайян товар» графасида Қонуннинг 9-моддаси иккинчи қисми бешинчи хатбошисига мувофиқ товар келиб чиққан жой номи учун мўлжалланган товар (товарлар) кўрсатилиши керак. Бунда, алоҳида хусусиятларга жўғрофий объектнинг (тамомила ёки асосан) табиий шароитлари ва/ёки бошқа омиллари асосида эга бўлган, ҳақиқатда ишлаб чиқарилаётган товарларгина кўрсатилиши лозим.
18. Қонуннинг 9-моддаси иккинчи қисми бешинчи хатбошисига мувофиқ тақдим этилаётган тавсифда белгиси рўйхатдан ўтказилаётган товарнинг ўзига айнан ўхшаш товарлардан фарқлайдиган алоҳида хусусиятлари рўйхати келтирилади. Бунда, товарнинг алоҳида хусусиятлари ушбу жўғрофий объект учун хос бўлган табиий шароитлар ва/ёки бошқа омилларга боғлиқ эканлиги англашилиши керак.
Товарнинг хусусиятлари умум қабул қилинган махсус терминологияга мувофиқ аниқ ва равшан таърифланиши лозим.
Тавсиф ахборот кўринишида бўлиши, хусусан ушбу жўғрофий объектда хом ашёнинг, тегишли иқлим, геологик ёки бошқа табиий шароитларнинг ҳамда товарни анъанавий усулда тайёрлай оладиган одамларнинг (жамоанинг) мавжудлигини кўрсатиши лозим.
19. Маъданли сувнинг алоҳида хусусиятларини тавсифлашда ушбу Қоидаларнинг 8-банди «б» кичик бандида кўрсатилган ҳужжатларда товарнинг ўзига хослигини ҳисобга олган ҳолда қуйидаги маълумотлар бўлиши керак:
а) органолептик хусусиятлари (таъми, ранги, ҳиди ёки ушбу хусусиятларнинг мавжуд эмаслиги);
б) ион таркибининг қисқача таърифи («дан» «гача» оралиғида берилиши зарур);
в) маъданлашганлиги;
г) газ таркиби, микроэлементлар, радиоактив элементлар, органик моддалар, фаол реакциянинг ва оксидланиш-қайтарилиш потенциалининг таърифи;
д) бальнеологик хусусиятлари.
20. Талабномада товар ишлаб чиқарилаётган жой кўрсатилиши лозим. Товар ишлаб чиқарилаётган жой жўғрофий объектнинг чегараларини кўрсатиш йўли билан тавсифланиши мумкин. Жўғрофий объектнинг чегаралари координаталар, жойнинг табиий чегаралари — дарёлар, тоғлар, кўллар кўрсатилган ҳолда, маъмурий чегаралар, кўп йиллик иншоотлар, коммуникациялар ёрдамида тавсифланиши мумкин.
21. «Илова қилинадиган ҳужжатлар рўйхати» графаси тегишли катакчаларда «Х» белгисини қўйиб чиқиш орқали ва илова қилинаётган ҳужжатлардаги варақлар сони кўрсатилган ҳолда тўлдирилади. Талабнома шаклида кўзда тутилмаган ҳужжатлар илова қилинганда, уларнинг аниқ мақсади «бошқа ҳужжат» ўрнида кўрсатилади.
22. Қонуннинг 9-моддаси учинчи қисми тўртинчи хатбошисига мувофиқ талабномага илова қилинадиган ҳужжатларда талабнома берувчи кўрсатилган жўғрофий объектда жойлашганлиги, шунингдек алоҳида хусусиятлари тамомила ёки асосан мазкур жўғрофий объектга хос табиий шароитлар билан ёки бошқа омиллар ёхуд табиий шароитлар ва ушбу омилларнинг бирикмаси билан белгиланадиган товар ишлаб чиқараётганлиги тасдиқланган бўлиши керак. Бунда, ушбу ҳужжатлар товарни тайёрловчининг номи товарни белгилаш учун қўлланган жўғрофий объектнинг чегараларида жойлашганини тасдиқлайдиган ташкилот томонидан тақдим этилиши лозим.
Бунда, мазкур ҳужжатлар битта ёки бир нечта ташкилотлар томонидан тақдим этилиши мумкин (масалан, талабнома берувчининг яшаш ёки жойлашган жойи, шунингдек ваколатли давлат органининг товар ишлаб чиқариш чегаралари ҳақидаги хулосаси ёки товарнинг алоҳида хусусиятлари ҳақида бошқа ташкилотларнинг хулосалари).
23. Қонуннинг 9-моддаси учинчи қисми бешинчи хатбошисига мувофиқ хорижий талабнома берувчининг талабнома берилган товар келиб чиққан жой номига бўлган ҳуқуқини тасдиқлайдиган ҳужжат сифатида товар келиб чиққан мамлакатнинг ваколатли давлат органи томонидан берилган, товар келиб чиққан жой номидан фойдаланиш ҳуқуқини тасдиқловчи ҳужжат мазкур Қоидаларнинг 25-банди талабларини инобатга олган ҳолда тақдим қилиниши мумкин.
24. Талабноманинг «Имзо» графасини имзо қўйилган сана кўрсатилган ҳолда тўлдириш мажбурийдир.
Талабнома талабнома берувчи томонидан имзоланади. Юридик шахс номидан талабнома ташкилот раҳбари томонидан унинг лавозими кўрсатилган ҳолда имзоланади.
Талабнома патент вакили орқали берилганда, талабнома патент вакили томонидан имзоланади.
Имзо имзоловчи шахснинг фамилияси, исми, отасининг исми кўрсатилган ҳолда очиб берилади.
Талабномада қўшимча варақлар мавжуд бўлса, улар ҳам худди шу тартибда имзоланади.
3-§. Ҳужжатларни тақдим этиш
25. Талабнома берилган белгини рўйхатдан ўтказиш ҳақидаги ариза давлат тилида тақдим этилади.
Агар талабнома ҳужжатлари хорижий тилда тақдим этилган бўлса, талабномага уларнинг давлат тилидаги таржимаси, талабнома берувчи ёки патент вакилининг имзоси билан тасдиқланган ҳолда илова қилинади.
Агар хорижий тилдаги талабнома ҳужжатларига уларнинг таржимаси илова қилинмасдан тақдим этилган бўлса, таржима кейинчалик тақдим этилиши мумкин.
Бунда, хорижий тилда топширилган ҳужжатлар, агар уларнинг таржималари ушбу хорижий тилдаги ҳужжатлар келиб тушган санадан бошлаб икки ой ичида тақдим қилинса, ҳужжатлар Вазирликка келиб тушган санадан бошлаб топширилган деб ҳисобланади, акс ҳолда ҳужжатлар, уларнинг таржималари келиб тушган санадан бошлаб топширилган деб ҳисобланади.
4-§. Талабномани топшириш
26. Талабнома юридик ва жисмоний шахслар — талабнома берувчилар томонидан Вазирликка ахборот тизими орқали топширилади.
27. Номи товар келиб чиққан жой номи сифатида фойдаланилаётган жўғрофий объектда жойлашган юридик ва жисмоний шахслар, агар улар томонидан ишлаб чиқарилаётган товарлар Қонуннинг 5-моддаси талабларига мувофиқ бўлса, улар Қонуннинг 6-моддаси иккинчи, учинчи ва тўртинчи қисмларига биноан товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш ёки аввал рўйхатдан ўтказилган товар келиб чиққан жой номидан фойдаланиш ҳуқуқини бериш учун талабнома топширишлари мумкин.
28. Талабнома бевосита талабнома берувчи томонидан ёки Вазирликда рўйхатдан ўтган патент вакили орқали топширилиши мумкин.
Ўзбекистон Республикасидан ташқарида доимий яшовчи жисмоний шахслар ёки чет эллик юридик шахслар ёхуд уларнинг патент вакиллари товар келиб чиққан жой номларини ва товар келиб чиққан жой номларидан фойдаланиш ҳуқуқини рўйхатдан ўтказиш ишларини юритишни ҳамда бу ишлар билан боғлиқ юридик аҳамиятга молик ҳаракатларни Вазирликда рўйхатдан ўтган патент вакиллари орқали амалга оширадилар.
Патент вакили орқали топширилаётган талабномага талабнома берувчи томонидан берилган ва унинг ваколатларини тасдиқлайдиган ишончнома ёхуд ишончноманинг қонунчилик ҳужжатларига мувофиқ расмийлаштирилган нусхаси илова қилинади.
Вазирлик ва Давлат муассасаси олдида вакиллик қилиш учун Ўзбекистон Республикасида расмийлаштириладиган ишончнома оддий ёзма шаклда тузилади ва нотариал тарзда тасдиқланиши талаб этилмайди.
Ишончнома талабнома билан бир вақтда ёки талабнома келиб тушган санадан бошлаб икки ойдан кечиктирмай тақдим этилади.
Ўзбекистон Республикасидан ташқарида яшайдиган жисмоний шахсга ёки чет эл юридик шахсига вакиллик қилиш учун Вазирликда рўйхатдан ўтказилган патент вакилига ушбу жисмоний ёки юридик шахснинг ўзи томонидан ёхуд уларнинг патент вакили томонидан ишончнома ёки ишончноманинг қонунчилик ҳужжатларига мувофиқ расмийлаштирилган нусхаси берилиши мумкин.
Агар ишончнома Вазирликда рўйхатдан ўтказилган бир нечта патент вакиллари номига берилган бўлса, у ҳолда талабнома бўйича товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказишга оид ишлар ушбу патент вакилларининг исталган биттаси томонидан олиб борилиши мумкин.
Патент вакилининг ҳар бир ҳаракати талабнома берувчининг ҳаракати сифатида баҳоланади.
3-боб. Товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш ва аввал рўйхатдан ўтказилган товар келиб чиққан жой номидан фойдаланиш ҳуқуқини бериш бўйича ишларни олиб бориш
1-§. Вакил тайинлаш
29. Талабнома топширилгандан кейин у бўйича ишларни олиб бориш ва талабномани кўриб чиқиш давомида ўз манфаатларини ҳимоя қилиш учун талабнома берувчи ишончнома берган ҳолда вакил тайинлаши мумкин.
Вазирликда рўйхатдан ўтказилган патент вакиллари юридик ва жисмоний шахсларнинг, шу жумладан Ўзбекистон Республикасидан ташқарида яшайдиган жисмоний шахслар ёки чет эл юридик шахсларининг вакили бўлиши мумкин.
30. Вакиллик қилиш учун ишончнома талабнома топширилаётган вақтда ёки иш юритиш давомида тақдим этилиши мумкин. Ишончнома талабнома ҳужжатларига қўшиб қўйилади.
31. Вакилнинг ишончнома топширилгунга қадар амалга оширган ҳаракатлари ҳақиқий эмас деб ҳисобланади ва экспертиза жараёнида инобатга олинмайди. Вакилнинг унга тақдим этилган ваколатлари доирасидаги ҳар қандай ҳаракати ёки Давлат муассасасининг унга нисбатан ҳар қандай ҳаракати талабнома берувчининг ҳаракати ёки талабнома берувчига нисбатан ҳаракат сифатида баҳоланади.
32. Вакил ишончномада кўрсатилган ваколатларидан ишончноманинг амал қилиш муддати тугагунга қадар фойдаланади. Ишончномада кўрсатилган ваколатларни муддатидан аввал тўхтатиш талабнома берувчи томонидан Вазирликка тегишли ариза бериш (ишончномани чақириб олиш) йўли билан амалга оширилиши мумкин.
2-§. Вазирлик ва Давлат муассасаси билан ёзишмалар олиб бориш
33. Ёзишмалар талабнома берувчи ёки унинг вакили томонидан ҳар бир талабнома бўйича алоҳида олиб борилади.
Талабнома топширилгандан кейин тақдим этиладиган материалларда талабнома рақами кўрсатилиши ва уларда талабнома берувчи ёки унинг вакилининг имзоси бўлиши шарт. Талабнома рақами кўрсатилмаган материаллар кўриб чиқилмасдан қайтариб юборилади.
34. Вазирлик ва Давлат муассасаси билан ёзишмалар давлат тилида олиб борилади. Талабнома берувчи томонидан хорижий тилда тақдим этилган ҳужжатларга уларнинг давлат тилидаги таржимаси талабнома берувчи ёки патент вакилининг имзоси билан тасдиқланган ҳолда илова қилинади.
3-§. Муддатлар
35. Йилларда ифодаланган ҳар қандай муддат кейинги келадиган йилда, муддатни ҳисоблаш бошланган ой номи ва кун рақами қандай бўлса, худди шу номли ойда ва ўша кунда тугайди, бунда агар кейинги тегишли ой ўша рақамли кунга эга бўлмаса, муддат ушбу ойнинг охирги кунида тугайди.
36. Ойларда ифодаланган ҳар қандай муддат кейинги келадиган ойда ва муддатни ҳисоблаш бошланган кун рақами нечанчи бўлса, ўша кунда тугайди, бунда агар тегишли ой ўша рақамли кунга эга бўлмаса, муддат ушбу ойнинг охирги кунида тугайди.
37. Кунларда ифодаланган ҳар қандай муддат кўриб чиқилаётган куннинг кейингисидан ҳисобланиб, сўнгги куннинг охирида тугайди.
38. Агар Вазирлик ва Давлат муассасасига хат-ҳужжатлар келиб тушиши учун ёки патент божи тўланиши учун белгиланган муддатнинг охирги куни иш куни бўлмаган кунга тўғри келса, ушбу муддат кейинги иш кунигача узайтирилади.
4-§. Талабнома ҳужжатларига ўзгартиришлар киритиш
39. Талабнома берувчи ўз ташаббусига кўра талабнома экспертизаси ўтказилаётган даврда қарор қабул қилингунга қадар талабнома ҳужжатларига ўзгартиришлар (қўшимчалар, тузатишлар ва аниқликлар) киритиши мумкин.
Талабнома ҳужжатларига ўзгартиришлар (қўшимчалар, тузатишлар ва аниқликлар) киритиш талабнома берувчи томонидан мазкур Қоидаларнинг 3 ва 4-иловаларида келтирилган шаклларга мувофиқ тегишли аризани ахборот тизими орқали Вазирликка топшириш йўли билан амалга оширилади.
Талабнома берувчи-юридик шахснинг номи ёки талабнома берувчи-жисмоний шахснинг фамилияси, исми, отасининг исми ўзгарган тақдирда, Вазирликка ушбу ўзгаришларни тасдиқлайдиган ҳужжат тақдим этилиши керак.
40. Талабнома берувчи аризани кўриб чиқиш натижалари тўғрисида ариза келиб тушган кундан бошлаб 10 кун ичида хабардор қилинади.
41. Талабнома ҳужжатларига ўзгартиришлар (қўшимчалар, тузатишлар ва аниқликлар) киритиш ҳақидаги аризани кўриб чиққанлик учун Ўзбекистон Республикасининг «Давлат божи тўғрисида»ги Қонунида белгиланган миқдорда патент божи тўланади. Белгиланган миқдордаги давлат божи тўланмаган тақдирда юридик аҳамиятга молик ҳаракатлар амалга оширилмай турилади ва бу ҳақда талабнома берувчига билдиришнома юборилади.
Бунда, талабнома берувчи ўзига Давлат муассасаси томонидан билдиришнома юборилган санадан бошлаб уч ой мобайнида давлат божининг етмаётган қисмини тўлаши мумкин.
42. Талабнома берувчи томонидан тақдим этилган қўшимча ҳужжатлар мазкур Қоидаларнинг 94 — 97-бандларига мувофиқ кўриб чиқилади.
5-§. Талабнома материаллари билан танишиш
43. Талабнома берувчи (ёки унинг вакили) топширилган талабнома ва унга оид ҳужжатлар билан олдиндан Давлат муассасаси билан куни ва соатини келишган ҳолда бевосита Давлат муассасасининг ўзида ёки талабнома ҳужжатларининг ёхуд уларнинг бирор қисмининг нусхасини сўраб олиш йўли билан танишиши мумкин.
44. Тергов учун зарур бўлган ҳолларда талабнома ҳужжатлари ҳуқуқни муҳофаза қилувчи органларга танишиш учун бепул тақдим этилади.
6-§. Талабномани кўриб чиқиш жараёнида экспертиза ҳужжатлари билан танишиш
45. Талабнома берувчи экспертиза ўтказиш жараёнидаги ҳужжатлар билан танишиш ҳуқуқига эга.
46. Талабнома берувчига у томонидан сўралган экспертиза ўтказиш жараёнидаги ҳужжатларнинг нусхалари юборилади.
7-§. Талабномани талабнома берувчининг иштирокида кўриб чиқиш
47. Талабнома билан боғлиқ масалалар, жумладан, талабнома берилган белги, у билан белгиланиши мўлжалланган товар, товарнинг алоҳида хусусиятлари ҳамда унинг жўғрофий объект табиий шароитлари ёки бошқа омиллари ёхуд бир вақтнинг ўзида табиий шароитлар ва бошқа омилларга боғлиқлиги бўйича қўшимча тушунтиришлар олиш ва талабнома берилган белгининг муҳофаза қилишга яроқлилиги, товар келиб чиққан жой номини ва ундан фойдаланиш ҳуқуқини рўйхатдан ўтказиш ёки аввал рўйхатдан ўтказилган товар келиб чиққан жой номидан фойдаланиш ҳуқуқини бериш имконияти бўйича экспертизанинг ва талабнома берувчининг позициясини аниқлаш мақсадида талабнома берувчи (ёки унинг вакили) иштирокида кўриб чиқилади.
48. Талабнома Давлат муассасасининг таклифига ёки талабнома берувчининг илтимосига кўра талабнома берувчининг иштирокида кўриб чиқилади. Бунда, талабнома бўйича экспертизанинг саволлари Давлат муассасасининг таклифида, талабнома берувчининг саволлари эса унинг илтимосномасида баён қилиниши мумкин.
49. Талабномани талабнома берувчининг иштирокида кўриб чиқиш санаси ва вақти олдиндан келишиб олинади. Бунда, талабнома берувчи белгиланган вақтда талабномани кўриб чиқишда қатнаша олмаслиги маълум бўлса, дарҳол Давлат муассасасини бу ҳақда хабардор қилади.
Талабнома берувчининг вакили ушбу Қоидаларнинг 28 — 32-бандларида белгиланган талаблар бажарилган тақдирда талабномани кўриб чиқишда иштирок этиши мумкин.
8-§. Талабнома берувчи томонидан қўшимча ҳужжатларни тақдим этиш муддатини узайтириш
50. Давлат муассасасининг сўровномасига кўра талабнома берувчи томонидан қўшимча ҳужжатлар, унга сўровнома юборилган санадан эътиборан уч ой ичида Давлат муассасасига тақдим этилиши лозим. Бунда, ҳужжатларни тақдим этиш муддати талабнома берувчининг ёзма илтимосномасига кўра узайтирилиши мумкин.
51. Талабнома берувчининг муддатни узайтириш тўғрисидаги илтимосномасини кўриб чиққанлик учун Ўзбекистон Республикасининг «Давлат божи тўғрисида»ги Қонунида белгиланган миқдорда патент божи тўланади.
52. Талабнома берувчининг муддатни узайтириш ҳақидаги илтимосномаси талабнома берувчига Давлат муассасаси томонидан сўровнома юборилган санадан эътиборан уч ой ичида Давлат муассасасига топширилиши керак.
53. Давлат муассасаси томонидан талабнома берувчига сўровнома асосида сўралган ҳужжатларни тақдим этиш муддати узайтирилганлиги тўғрисида билдиришнома юборилади.
54. Агар талабнома берувчининг муддатни узайтириш ҳақидаги илтимосномаси ушбу Қоидаларнинг 52-бандида белгиланган муддат бузилган ҳолда берилган бўлса, шунингдек патент божи тўланмаган бўлса ёки тўланган патент божи суммаси Ўзбекистон Республикасининг «Давлат божи тўғрисида»ги Қонунида белгиланган миқдордан кам бўлса, сўровнома асосида сўралган ҳужжатларни тақдим этиш муддати узайтирилмайди. Бунда, талабнома берувчига унинг илтимоси рад этилганлиги ҳақида билдиришнома юборилади.
9-§. Ўтказиб юборилган муддатларни тиклаш
55. Талабнома берувчи томонидан ўтказиб юборилган қуйидаги муддатлар тикланиши мумкин:
а) экспертиза сўровномаси бўйича қўшимча материалларни тақдим этиш муддати;
б) экспертиза сўровномасига жавоб бериш муддати.
56. Ўтказиб юборилган муддатни тиклаш тўғрисидаги илтимоснома талабнома берувчи томонидан муддат ўтиб кетган кундан эътиборан икки ой мобайнида муддат ўтказиб юборилганлигининг сабаблари кўрсатилган ҳолда Давлат муассасасига топширилади.
57. Талабнома берувчининг ўтказиб юборилган муддатни тиклаш ҳақидаги илтимосномасини кўриб чиққанлик учун Ўзбекистон Республикасининг «Давлат божи тўғрисида»ги Қонунида белгиланган миқдорда патент божи тўланади.
58. Давлат муассасаси томонидан талабнома берувчига ўтказиб юборилган муддат тикланганлиги тўғрисида хабарнома юборилади.
59. Ушбу Қоидаларнинг 56 ва 57-бандларида кўрсатилган талаблардан ақалли биттаси бажарилмаган тақдирда, илтимоснома қондирилмайди ва бу ҳақда талабнома берувчига хабарнома юборилади.
10-§. Талабнома берувчи томонидан талабноманинг чақириб олиниши
60. Қонуннинг 17-моддасига мувофиқ талабнома берувчи талабномани чақириб олиш ҳуқуқига эга.
61. Талабномани чақириб олиш тўғрисидаги ариза талабнома кўриб чиқишнинг исталган босқичида, бироқ товар келиб чиққан жой номи ва ундан фойдаланиш ҳуқуқи рўйхатга олинган санадан ёки товар келиб чиққан жой номидан фойдаланиш ҳуқуқини бериш масаласи ҳал этилган санадан кечикмай топширилиши мумкин.
Давлат муассасаси томонидан талабнома берувчига унинг талабномани чақириб олиш тўғрисидаги аризаси қабул қилинганлиги ҳақидаги билдиришнома юборилган санадан эътиборан талабнома чақириб олинган ҳисобланади.
62. Чақириб олинган талабнома бўйича юридик аҳамиятга молик ҳаракатлар амалга оширилмайди (хусусан, бундай талабнома экспертизаси ўтказилмайди, товар келиб чиққан жой номи ва ундан фойдаланиш ҳуқуқи рўйхатга олинмайди ва/ёки товар келиб чиққан жой номидан фойдаланиш ҳуқуқи тақдим этилмайди). Бошқа талабномаларнинг экспертизасини ўтказишда чақириб олинган талабнома эътиборга олинмайди.
4-боб. Талабномани кўриб чиқиш
1-§. Келиб тушган талабномани рўйхатга олиш
63. Вазирликка келиб тушган талабнома ҳужжатлари, агар ушбу ҳужжатлар таркибида камида давлат тилида топширилган товар келиб чиққан жой номини ва ундан фойдаланиш ҳуқуқини рўйхатдан ўтказиш тўғрисидаги ариза ёки аввал рўйхатдан ўтказилган товар келиб чиққан жой номидан фойдаланиш ҳуқуқини бериш тўғрисидаги ариза мавжуд бўлса, шунингдек талабнома бўйича Ўзбекистон Республикасининг «Давлат божи тўғрисида»ги Қонунида белгиланган миқдорда патент божи тўланган бўлса, улар келиб тушган сана кўрсатилган ҳолда рўйхатга олинади.
64. Талабномага Вазирликнинг учта ҳарфли ва саккиз хонали рақамли коддан иборат қайд рақами берилади.
Коддаги биринчи ҳарф (J) саноат мулки объектининг турини — товар келиб чиққан жой номини ва ундан фойдаланиш ҳуқуқини рўйхатдан ўтказиш ёки аввал рўйхатдан ўтказилган товар келиб чиққан жой номидан фойдаланиш ҳуқуқини беришни, кейинги икки ҳарф (GU) муҳофаза ҳужжатининг турини — товар келиб чиққан жой номини ва ундан фойдаланиш ҳуқуқини рўйхатдан ўтказиш ҳақидаги гувоҳномани ёки аввал рўйхатдан ўтказилган товар келиб чиққан жой номидан фойдаланиш ҳуқуқини бериш ҳақидаги гувоҳномани билдиради.
Талабнома рақамидаги сонлар талабнома топширилган йилни (катта разряддаги тўртта сон) ва шу йилда келиб тушган талабномалар сериясидаги тартиб рақамини билдиради (кичик разрядли тўртта сон). Ҳар бир йил сериясидаги тартиб рақам 1 (бир)дан бошланади.
65. Рўйхатга олинган талабнома қайтарилмайди.
66. Талабнома тўғрисидаги маълумотлар, талабнома Вазирликка келиб тушгандан бошлаб эълон қилингунга қадар бўлган муддат давомида махфий ҳисобланади ва ошкор қилинмайди.
2-§. Расмий экспертиза
67. Қонуннинг 14-моддаси биринчи қисмига мувофиқ расмий экспертизанинг ўтказилиш муддати талабнома Вазирликка келиб тушган санадан бошлаб 30 кунни ташкил қилади. Талабнома берувчига мазкур Қоидаларга мувофиқ сўровнома юборилган тақдирда, бу муддат сўровномада назарда тутилган талаб бажарилгунга қадар бўлган муддатга мутаносиб равишда узайтирилади.
68. Расмий экспертизани ўтказиш мобайнида талабнома ҳужжатларининг таркиби, ҳужжатларнинг мавжудлиги, шунингдек уларнинг мазкур Қоидаларда белгиланган талабларга мувофиқлиги текширилади. Бунда, Давлат муассасаси томонидан ушбу текшириш натижалари бўйича талабномани кўриб чиқишга қабул қилиш ёки қабул қилишни рад этиш ҳақида қарор қабул қилинади.
69. Расмий экспертизани ўтказишда талабнома берувчи томонидан тақдим этилган ҳужжатлар ичида қуйидагиларнинг мавжудлиги ва уларнинг мазкур Қоидаларда белгиланган талабларга мувофиқлиги текширилади:
а) товар келиб чиққан жой номини ва ундан фойдаланиш ҳуқуқини рўйхатдан ўтказиш ёки аввал рўйхатдан ўтказилган товар келиб чиққан жой номидан фойдаланиш ҳуқуқини бериш тўғрисидаги ариза;
б) талабнома берувчининг расмий номи (юридик шахс учун) ёки исми, фамилияси, отасининг исми (жисмоний шахс учун) ҳамда манзилининг кўрсатилганлиги;
в) патент вакилининг (агар талабнома у томонидан берилган бўлса) исми, фамилияси, отасининг исми ва манзили;
г) талабномада рўйхатдан ўтказиш сўралаётган белги;
д) товарни белгилаш учун товар келиб чиққан жой номини ва ундан фойдаланиш ҳуқуқини рўйхатдан ўтказиш ёки аввал рўйхатдан ўтказилган товар келиб чиққан жой номидан фойдаланиш ҳуқуқини бериш сўралаётган товарнинг тури (бунда, товар ишлаб чиқарилаётган жой (жўғрофий объектнинг чегаралари) кўрсатилади);
е) товарнинг алоҳида хусусиятлари тавсифи;
ж) патент вакилига берилган ишончнома (ёки унинг қонунчилик ҳужжатларига мувофиқ расмийлаштирилган нусхаси);
з) талабнома берувчи кўрсатилган жўғрофий объектда жойлашганлиги ва алоҳида хусусиятлари тамомила ёки асосан мазкур жўғрофий объектга хос табиий шароитлар билан ёки бошқа омиллар ёхуд табиий шароитлар ва ушбу омилларнинг бирикмаси билан белгиланадиган товар ишлаб чиқараётганлигини тасдиқловчи ҳужжат;
и) хорижий талабнома берувчининг товар келиб чиққан мамлакатда унинг томонидан талабнома берилган товар келиб чиққан жой номига бўлган ҳуқуқини тасдиқлайдиган ҳужжат;
к) хорижий тилда топширилган ҳужжатларнинг талабномага илова қилинган давлат тилидаги таржимаси.
70. Расмий экспертизани ўтказишда ушбу Қоидаларнинг 69-бандида кўрсатилган ҳужжатлар ва маълумотларнинг мавжудлиги ҳамда ушбу 69-банднинг «а», «б», «г», «д» ва «е» кичик бандларида санаб ўтилган ҳужжатларнинг ушбу Қоидаларда белгиланган талабларга мувофиқлиги текширилади.
71. Талабнома топширилган сана ушбу Қоидаларнинг 69-банди «а», «б», «г», «д» ва «е» кичик бандларида санаб ўтилган ҳужжатлар ва маълумотлар келиб тушган сана ёки, агар ушбу ҳужжатлар ва маълумотларнинг ҳаммаси бир вақтда тақдим этилмаган бўлса, охирги ҳужжат ёки маълумот келиб тушган сана бўйича белгиланади.
72. Хорижий тилда топширилган талабнома ҳужжатларининг давлат тилидаги таржимаси (ушбу Қоидаларнинг 69-банди «к» кичик банди) тақдим этилмагунга қадар, талабнома берувчи томонидан ҳужжатлар топширилмаган деб ҳисобланади.
73. Агар расмий экспертиза ўтказиш жараёнида талабнома ҳужжатлари ушбу Қоидаларда белгиланган талабларга риоя қилинмасдан расмийлаштирилганлиги аниқланса, бу ҳолда талабнома берувчига Қонуннинг 13-моддаси бешинчи қисмига мувофиқ аниқланган камчиликлар кўрсатилган сўровнома юборилади ва талабнома берувчига сўровнома жўнатилган санадан эътиборан уч ой ичида етишмаган ёки тузатилган ҳужжатлар ва/ёки маълумотларни тақдим этиш таклиф қилинади.
74. Агар талабнома берувчи томонидан тақдим этилган жавобда сўралган барча маълумотлар ва/ёки ҳужжатлар бўлмаса, унга қайта сўровнома юборилиши мумкин.
Расмий экспертиза сўровига жавоб олинмаган, жавоб бериш учун белгиланган муддат бузилган ва бу муддат ичида уни узайтириш ҳақидаги илтимоснома тақдим этилмаган бўлса, талабнома берувчига Давлат муассасаси томонидан талабномани кўриб чиқиш учун қабул қилиш рад этилганлиги тўғрисида қарор юборилади.
75. Талабнома материаллари белгиланган талабларга мувофиқ бўлган, шунингдек сўралган маълумотлар талабнома берувчи томонидан ўз вақтида тақдим этилган бўлса, талабнома топширилган сана белгиланади ва талабнома берувчига Давлат муассасаси томонидан ушбу санадан эътиборан талабнома кўриб чиқишга қабул қилинганлиги тўғрисидаги қарор юборилади.
Бунда, талабноманинг кўриб чиқишга қабул қилинганлиги тўғрисидаги қарорда талабнома берувчи Қонун ва ушбу Қоидаларда кўзда тутилган бошқа маълумотлар ва/ёки ҳужжатларни тақдим этишига зарурият бўлиши мумкинлиги ҳақида ёзув киритилиши мумкин.
76. Агар расмий экспертизанинг такрорий сўровномасига ҳам талабнома берувчи томонидан тақдим этилган жавобда сўралган маълумотлар ва/ёки ҳужжатлар бўлмаса, Давлат муассасаси томонидан талабномани кўриб чиқишга қабул қилишни рад этиш тўғрисидаги қарор қабул қилинади.
77. Талабномани кўриб чиқишга қабул қилишни рад этиш тўғрисидаги қарорда бундай қарорни қабул қилиш учун асослар кўрсатилади.
3-§. Талабнома берилган белгининг экспертизаси
78. Товар келиб чиққан жой номини рўйхатдан ўтказиш ва (ёки) товар келиб чиққан жой номидан фойдаланиш ҳуқуқини беришда талабнома берилган белгининг экспертизаси ўтказилиб, бунда унинг Қонуннинг 6 ва 11-моддалари қоидаларига мувофиқлиги текширилади.
Талабнома берилган белгининг экспертизаси натижалари бўйича Давлат муассасаси томонидан товар келиб чиққан жой номини ва ундан фойдаланиш ҳуқуқини рўйхатдан ўтказиш тўғрисидаги ёки товар келиб чиққан жой номини ва ундан фойдаланиш ҳуқуқини рўйхатдан ўтказишни рад этиш тўғрисидаги қарор ёхуд аввал рўйхатдан ўтказилган товар келиб чиққан жой номидан фойдаланиш ҳуқуқини бериш ёки ундан фойдаланиш ҳуқуқини беришни рад этиш тўғрисидаги қарор қабул қилинади.
79. Талабнома берилган белгининг экспертизаси кўриб чиқишга қабул қилинган талабномалар бўйича расмий экспертиза ўтказилгандан сўнг амалга оширилади.
80. Талабнома берилган белгининг экспертизасини ўтказиш давомида қуйидагилар текширилади:
а) талабноманинг ўзи ва унга илова қилинган ҳужжатларнинг мазмуни ва расмийлаштириш тартиби ушбу Қоидаларнинг 5 — 25-бандлари билан талабнома ҳужжатларига қўйиладиган талабларга мувофиқлиги, бундан текшируви расмий экспертиза давомида амалга ошириладиган талабнома ҳужжатлари мустасно (ушбу Қоидаларнинг 70 — 73-бандлари);
б) талабнома берилган белгининг Қонуннинг 5 ва 11-моддаларида унга нисбатан ўрнатилган талабларга мувофиқлиги;
в) талабнома берувчининг кўрсатилган жўғрофий объектда жойлашганлигини ва алоҳида хусусиятлари мазкур жўғрофий объектга хос табиий шароитлар билан ёки бошқа омиллар ёхуд табиий шароитлар ва бошқа омилларнинг бирикмаси билан белгиланадиган товар ишлаб чиқараётганлигини тасдиқловчи ҳужжатнинг мавжудлиги ва мазмуни;
г) агар талабнома берилган белги товар келиб чиққан жой номи сифатида рўйхатдан ўтказилган бўлса, товарни белгилаш учун товар келиб чиққан жой номидан фойдаланиш ҳуқуқи берилиши сўралаётган товарга хос алоҳида хусусиятлар тавсифининг Реестрдаги маълумотларга мувофиқлиги.
81. Талабнома берилган белгининг Қонуннинг 5-моддасида товар келиб чиққан жой номига нисбатан белгиланган талабларга мувофиқлигини аниқлашда қуйидагилар текширилади:
а) талабнома берилган белгининг жўғрофий объектнинг замонавий расмий номига ёки тарихий номига мувофиқлиги (ушбу Қоидаларнинг 5-бандини эътиборга олган ҳолда);
б) талабномада номи товар келиб чиққан жой номи сифатида келтирилаётган жўғрофий объектнинг чегаралари айнан ўша ерда жойлашганлигини тасдиқлайдиган маълумотларнинг мавжудлиги;
в) талабнома топширилган санада жўғрофий объект номи ушбу жўғрофий объектнинг табиий шароитлари ва/ёки бошқа омиллари билан белгиланган алоҳида хусусиятларига эга бўлган товарни аниқлаштириш учун қўлланадиган белги сифатида мавжудлиги;
г) агар жўғрофий объектнинг номи аввал товарни индивидуаллаштириш учун қўлланган бўлиб, бироқ талабнома топширилган вақтга келиб товарнинг ҳақиқатдан ҳам келиб чиққан жойи ва алоҳида хусусиятларини кўрсатувчи дастлабки қобилиятини йўқотган бўлса, бу ҳолда у Ўзбекистонда тайёрланиш жойи билан боғлиқ бўлмаган маълум турдаги (тур тушунчаси) товарнинг белгиси сифатида умумистеъмолга кирган белги деб ҳисобланиши;
д) товар келиб чиққан жой номи ва ундан фойдаланиш ҳуқуқини рўйхатдан ўтказиш ёки аввал рўйхатдан ўтказилган товар келиб чиққан жой номидан фойдаланиш ҳуқуқини бериш сўралаётган товарнинг кўрсатилганлиги (бунда, у ишлаб чиқарилган жой (жўғрофий объект чегаралари) кўрсатилади);
е) товарнинг алоҳида хусусиятлари тавсифининг мавжудлиги ва уларнинг тасдиқловчи ҳужжатларга мувофиқлиги.
82. Ваколатли ташкилотлар томонидан тақдим этилган тасдиқловчи ҳужжатларнинг мазмуни текширилаётганда, уларда қуйидаги маълумотларнинг мавжудлиги аниқланади:
а) талабнома берувчининг, номи товар келиб чиққан жой номи сифатида талабнома берилаётган жойда эканлиги;
б) талабномада кўрсатилган товарнинг талабнома берувчи томонидан, номи товар келиб чиққан жой номи сифатида талабнома берилган жой ҳудудида ишлаб чиқарилганлиги;
в) талабнома берувчи томонидан ишлаб чиқарилаётган товарда талабномада кўрсатилган жўғрофий объектнинг тамомила ёки асосан табиий шароитлари ва/ёки бошқа омиллар туфайли эга бўлган алоҳида хусусиятларнинг мавжудлиги.
83. Товарнинг алоҳида хусусиятлари тавсифи ваколатли ташкилот томонидан тақдим этилган тасдиқловчи ҳужжатга мувофиқ бўлиши ва ушбу ҳужжат талабномага Қонуннинг 9-моддаси учинчи қисмида кўзда тутилган ҳолда илова қилинган бўлиши лозим.
84. Талабнома ҳужжатлари Қонунда ўрнатилган талабларга мос келмаган ҳолларда, талабнома берувчига аниқланган камчиликлар кўрсатилган сўровнома юборилиб, унда сўровнома жўнатилган санадан эътиборан уч ой мобайнида етишмаган ёки тузатилган ҳужжатлар ва/ёки маълумотларни тақдим этиш таклиф қилинади.
85. Талабнома берувчига сўровнома юбориш учун қуйидагилар асос бўлиши мумкин:
а) талабнома берилган белгини аниқлаш зарурияти;
в) товар келиб чиққан жой номини ва ундан фойдаланиш ҳуқуқини рўйхатдан ўтказиш ёки аввал рўйхатдан ўтказилган товар келиб чиққан жой номидан фойдаланиш ҳуқуқини бериш сўралаётган товар турини аниқлаш зарурияти;
г) товар келиб чиққан жой номини ва ундан фойдаланиш ҳуқуқини рўйхатдан ўтказиш ёки аввал рўйхатдан ўтказилган товар келиб чиққан жой номидан фойдаланиш ҳуқуқини бериш сўралаётган товарнинг ишлаб чиқарилаётган жойини аниқлаш зарурияти;
д) талабномада кўрсатилган товарнинг алоҳида хусусиятлари тавсифини аниқлаш зарурияти;
е) ушбу Қоидаларнинг 80-банди «в» кичик бандида кўрсатилган маълумотларга, хусусан товарда алоҳида хусусиятлар мавжудлигини, уларнинг талабномада кўрсатилган жўғрофий объектга хос табиий шароитлар ва/ёки бошқа омилларга боғлиқлигини тасдиқлайдиган маълумотларга аниқлик киритиш зарурияти.
86. Ушбу Қоидаларнинг 85-бандида кўрсатилган асосларга кўра талабнома берувчига юборилаётган сўровномага, шу жумладан талабномани кўриб чиқишда пайдо бўладиган бошқа турдаги саволлар ва таклифлар ҳам киритилиши мумкин.
Талабнома берилган белгининг экспертизаси бўйича сўровномада бирон-бир савол келтирилганда у Қонун ва ушбу Қоидаларга асосланган бўлиши лозим.
87. Талабнома берилган белгининг экспертизаси сўровномаси бўйича талабнома берувчи томонидан тақдим этилган қўшимча материаллар ушбу Қоидаларнинг 94 — 97-бандларига мувофиқ кўриб чиқилади.
88. Агар талабнома берувчи сўровномада сўралган материалларни ёки уларни тақдим этиш муддатини узайтириш ҳақидаги илтимосномани ушбу Қоидаларда белгиланган муддатда ва шартларга риоя қилган ҳолда тақдим этмаса, талабнома чақириб олинган деб ҳисобланади ва бу ҳақда талабнома берувчига хабарнома юборилади. Бунда, талабнома бўйича иш юритиш тўхтатилади.
Мазкур Қоидаларнинг 55 — 59-бандларига асосан ўтказиб юборилган муддат Давлат муассасаси томонидан тикланса, бу ҳолда иш юритиш давом эттирилади.
89. Талабнома берилган белгининг Қонуннинг 5-моддасида белгиланган талабларга мувофиқлиги аниқланса, Давлат муассасаси томонидан товар келиб чиққан жой номини ва ундан фойдаланиш ҳуқуқини рўйхатдан ўтказиш ҳақида қарор қабул қилинади.
90. Талабнома берилган белгининг Қонуннинг 5-моддасида белгиланган талабларга мувофиқлиги аниқланган вақтда, ушбу белгининг Реестрда рўйхатдан ўтказилганлиги ҳақидаги қайд мавжуд бўлса, Давлат муассасаси томонидан аввал рўйхатдан ўтказилган товар келиб чиққан жой номидан фойдаланиш ҳуқуқини бериш ҳақидаги қарор қабул қилинади.
91. Агар ўтказилган экспертиза натижасида талабнома берилган белги Қонуннинг 5-моддасида кўзда тутилган талабларга мос келмаслиги аниқланган бўлса, бу ҳолда Давлат муассасаси томонидан товар келиб чиққан жой номини ва ундан фойдаланиш ҳуқуқини рўйхатдан ўтказиш ёки товар келиб чиққан жой номидан фойдаланиш ҳуқуқини беришни рад этиш ҳақида қарор қабул қилинади.
92. Агар ўтказилган экспертиза натижасида талабнома берилган белгининг Қонуннинг 5-моддаси ва 6-моддаси тўртинчи қисмида кўзда тутилган талабларга мос келмаслиги аниқланган вақтда, ушбу белгининг Реестрда рўйхатдан ўтказилганлиги ҳақидаги қайд мавжуд бўлса, аввал рўйхатдан ўтказилган товар келиб чиққан жой номидан фойдаланиш ҳуқуқини беришни рад этиш ҳақидаги қарор қабул қилинади.
93. Товар келиб чиққан жой номини ва ундан фойдаланиш ҳуқуқини рўйхатдан ўтказишни ёки аввал рўйхатдан ўтказилган товар келиб чиққан жой номидан фойдаланиш ҳуқуқини беришни рад этиш ҳақидаги қарорларда ушбу қарорларни қабул қилишга асос бўлган сабаблар келтирилади.
4-§. Қўшимча материалларни текшириш
94. Давлат муассасасининг сўровномаси бўйича талабнома берувчи томонидан тақдим этилган қўшимча материалларни текширишда уларни тақдим этиш учун белгиланган муддатларга риоя қилинганлиги текширилади.
95. Талабнома берувчи томонидан ўз ташаббусига кўра ёки Давлат муассасасининг сўровномаси бўйича тақдим этилган қўшимча материалларнинг талабнома моҳиятини ўзгартирмаслиги текширилади.
96. Қуйидаги ҳолларда қўшимча материаллар талабнома моҳиятини ўзгартиради деб эътироф этилади, агар уларда, жумладан:
а) тасдиқловчи ҳужжатларга кўра ушбу товар эга бўлмаган хусусиятлар кўрсатилган бўлса;
б) талабнома берилган белги товар келиб чиққан жой номи учун мўлжалланган товарнинг номини ўз ичига олганда, бошқа товар (товарлар) кўрсатилган бўлса;
в) талабнома берилган белги ўзгартирилган ёки тўлдирилган бўлса;
г) товарлар рўйхати кенгайтирилган бўлса.
97. Қўшимча материаллар талабнома моҳиятини ўзгартиради деб эътироф этилганда, талабнома берувчига экспертизанинг шундай хулоса чиқариши учун қўшимча материалларга киритилган қайси маълумотлар асос бўлганлиги маълум қилинади. Бунда, бошқа маълумотлар экспертиза ўтказишда ҳисобга олинади.
Товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабномаларни тузиш, топшириш ва кўриб чиқиш қоидаларига
1-ИЛОВА
1-ИЛОВА
| Келиб тушган сана | Кириш рақами | Давлат рўйхатига олиш рақами |
| Ўзбекистон Республикасида товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун ТАЛАБНОМА | Ўзбекистон Республикаси Адлия вазирлиги (почта алоқаси), Тел.: ______, E-mаil: ______. | |
| АРИЗА Талабномани ва қуйида келтирилган ҳужжатларни тақдим этар эканман, талабномада кўрсатилган белгини товар келиб чиққан жой номи сифатида ва ундан фойдаланиш ҳуқуқини рўйхатга олишингизни сўрайман. | ||
| Талабнома берувчи ___________________________________________ (юридик шахснинг расмий номи ва жисмоний шахснинг Ф.И.О. кўрсатилади) Талабнома берувчининг почта манзили __________________________ Телефон: _________ Факс: ____________ Е-mаil: ___________ | Ташкилотнинг КТУТ коди (агар у белгиланган бўлса) ____________________________ БИМТнинг ST3 стандарти бўйича мамлакат коди (агар у белгиланган бўлса) ____________________________ | |
| Ёзишмалар учун манзил (хат олувчининг почта манзили, Ф.И.О. /номланиши) ________________________ Телефон: ___________ Факс: ______________ E-mаil: ____________ | ||
| Патент вакилининг Ф.И.О.: ____________________________________________________________________ | ||
| Патент вакилининг манзили (почта манзили) ____________________________________________________ Телефон: ___________Факс: ______________ Е-mаil: _______________ | ||
| Талабнома берилаётган белги (бош ҳарфлар билан ёзилади) ________________________________________ | ||
| Товарнинг тури ёки муайян товар ______________________________________________________________ | ||
| Товарнинг асосий хусусиятларининг тавсифи ____________________________________________________ | ||
| Ишлаб чиқарилган жойи (жўғрофий объектнинг чегаралари кўрсатилган ҳолда) _______________________ | ||
| Илова қилинаётган ҳужжатлар рўйхати | варақлар сони | |
| 󠄀 патент божи тўланганлиги ҳақидаги ҳужжат (чет эл юридик ва жисмоний шахслари учун) 󠄀 ваколатли ташкилотнинг тасдиқловчи ҳужжати 󠄀 илова қилинаётган ҳужжатларнинг давлат тилидаги таржимаси 󠄀 патент вакилининг ваколатларини тасдиқлайдиган ишончнома 󠄀 бошқа ҳужжатлар | ||
| Талабнома берувчи ёки патент вакилининг имзоси: _______________________________________________ Имзо қўйилган сана: __________________________ | ||
Товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабномаларни тузиш, топшириш ва кўриб чиқиш қоидаларига
2-ИЛОВА
2-ИЛОВА
| Келиб тушган сана | Кириш рақами | Давлат рўйхатига олиш рақами | |
| Ўзбекистон Республикасида аввал рўйхатдан ўтказилган товар келиб чиққан жой номидан фойдаланиш ҳуқуқини бериш учун ТАЛАБНОМА | Ўзбекистон Республикаси Адлия вазирлиги (почта алоқаси), Тел.: _____________, | ||
| АРИЗА Талабномани ва қуйида келтирилган ҳужжатларни тақдим этар эканман, Ўзбекистон Республикасида аввал рўйхатдан ўтказилган товар келиб чиққан жой номидан фойдаланиш ҳуқуқини беришингизни сўрайман. | |||
| Талабнома берувчи _______________________________ (юридик шахснинг расмий номи ва жисмоний шахснинг Ф.И.О. кўрсатилади) Талабнома берувчининг почта манзили _____________ Телефон: _________ Факс: ____________ Е-mаil: ___________ | Ташкилотнинг КТУТ коди (агар у белгиланган бўлса) _______________ БИМТнинг ST3 стандарти бўйича мамлакат коди (агар у белгиланган бўлса) ______________ | ||
| Ёзишмалар учун манзил (хат олувчининг почта манзили, Ф.И.О. /номланиши) ________________________ Телефон: ___________ Факс: ______________ E-mаil: ____________ | |||
| Патент вакилининг Ф.И.О.: __________________________________ | |||
| Патент вакилининг манзили (почта манзили) ____________________________________________________ Телефон: ___________ Факс: ______________ Е-mаil: _______________ | |||
| Талабнома берилаётган белги (бош ҳарфлар билан ёзилади) _______________________________________ | |||
| Товарнинг асосий хусусиятларининг тавсифи ___________________________________________________ | |||
| Ишлаб чиқарилган жойи (жўғрофий объект чегаралари кўрсатилган ҳолда) __________________________ | |||
| Илова қилинаётган ҳужжатлар рўйхати | варақлар сони | ||
| 󠄀 патент божи тўланганлиги ҳақидаги ҳужжат (чет эл юридик ва жисмоний шахслари учун) 󠄀 ваколатли ташкилотнинг тасдиқловчи ҳужжати 󠄀 илова қилинаётган ҳужжатларнинг давлат тилидаги таржимаси 󠄀 патент вакилининг ваколатларини тасдиқлайдиган ишончнома 󠄀 бошқа ҳужжатлар | |||
| Талабнома берувчи ёки патент вакилининг имзоси: Имзо қўйилган сана: __________________________ | |||
Товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабномаларни тузиш, топшириш ва кўриб чиқиш қоидаларига
3-ИЛОВА
3-ИЛОВА
| Ўзбекистон Республикаси Адлия вазирлигига келиб тушган сана ва кириш рақами | Кириш рақами (Ўзбекистон Республикаси Адлия вазирлиги томонидан тўлдирилади) | ||
| Талабнома берувчининг номланиши ва (ёки) манзилига ўзгартириш(лар) киритиш тўғрисидаги АРИЗА | Ўзбекистон Республикаси Адлия вазирлиги (почта алоқаси), Тел.: ______, E-mаil: ___________ | ||
| Ушбу аризани тақдим этар эканман, талабнома ҳужжатларида талабнома берувчининг номи ва (ёки) манзилига ўзгартириш(лар) киритишингизни сўрайман. | |||
| Талабнома рақами _____________ | |||
| Талабнома топширилган сана _____________ | |||
| Талабнома берувчи _____________ | |||
| Патент вакилининг Ф.И.О.: __________________________________ | |||
| Ёзишмалар учун манзил (хат олувчининг почта манзили, Ф.И.О. /номланиши) ________________________ Телефон: ___________ Факс: ______________ E-mаil: ____________ | |||
| Патент вакилининг манзили (почта манзили) ____________________________________________________ Телефон: ___________ Факс: ______________ Е-mаil: _______________ | |||
| Ўзгартириш(лар). Ўзгартирилиши лозим бўлган маълумотлар: Ўзгартирилган ҳолдаги маълумотлар: давоми алоҳида варақда | |||
| Аризага илова қилинаётган ҳужжат(лар): | варақлар сони | ||
| 󠄀󠄀 патент божи тўланганлиги ҳақидаги ҳужжат (чет эл юридик ва жисмоний шахслари учун) давом эттириш учун варақлар бошқа ҳужжатлар | |||
Товар келиб чиққан жой номини ва товар келиб чиққан жой номидан фойдаланиш ҳуқуқини рўйхатдан ўтказиш учун талабномаларни тузиш, топшириш ва кўриб чиқиш қоидаларига
4-ИЛОВА
4-ИЛОВА
| Ўзбекистон Республикаси Адлия вазирлигига келиб тушган сана ва кириш рақами | Кириш рақами (Ўзбекистон Республикаси Адлия вазирлиги томонидан тўлдирилади) |
| Хатоларни тузатиш тўғрисидаги АРИЗА | Ўзбекистон Республикаси Адлия вазирлиги (почта алоқаси), Тел.: ______, E-mаil: ___________. |
| Ушбу аризамни тақдим этар эканман, талабнома ҳужжатларида учрайдиган хато(лар)га тузатиш(лар) киритишингизни сўрайман | |
| Талабнома рақами _____________ | |
| Талабнома топширилган сана _____________ | |
| Талабнома берувчи _____________ | |
| Патент вакилининг Ф.И.О.: __________________________________ | |
| Ёзишмалар учун манзил (хат олувчининг почта манзили, Ф.И.О. / номланиши) ________________________ Телефон: ___________ Факс: ______________ E-mаil: ____________ | |
| Патент вакилининг манзили (почта манзили) ____________________________________________________ Телефон: ___________ Факс: ______________ Е-mаil: _______________ | |
| Хато(лар) ва тузатиш(лар) Тузатиш керак бўлган маълумотлар: Тузатилган ҳолдаги маълумотлар: Алоҳида варақдаги иловага қаранг | |
| Аризага илова(лар): | Варақлар сони |
| давом эттириш учун варақлар бошқа ҳужжатлар | |
| Талабнома берувчи ёки патент вакилининг имзоси: _______________________________________________ Имзо қўйилган сана: __________________________ | |
Ўзбекистон Республикаси адлия вазирининг 2023 йил 7 декабрдаги 21-мҳ-сон буйруғига
2-ИЛОВА
2-ИЛОВА
Ўз кучини йўқотган деб топилаётган идоравий норматив-ҳуқуқий ҳужжатлар
РЎЙХАТИ
1. Ўзбекистон Республикаси Давлат патент идораси директорининг 2002 йил 11 октябрдаги 52-сон «Товар келиб чиққан жой номини рўйхатдан ўтказиш ва товар келиб чиққан жой номидан фойдаланиш ҳуқуқини бериш учун талабномани тузиш, топшириш ва кўриб чиқиш қоидаларини тасдиқлаш тўғрисида»ги буйруғи (рўйхат рақами 1185, 2002 йил 1 ноябрь) (Ўзбекистон Республикаси вазирликлари, давлат қўмиталари ва идораларининг меъёрий ҳужжатлари ахборотномаси, 2002 й., 21-сон).
2. Ўзбекистон Республикаси Давлат патент идораси директорининг 2007 йил 17 октябрдаги 72-сон «Товар келиб чиққан жой номини ва товар келиб чиққан жой номидан фойдаланиш ҳуқуқини беришни рўйхатдан ўтказишга доир талабнома тузиш, топшириш ва кўриб чиқиш қоидаларига ўзгартириш ва қўшимчалар киритиш тўғрисида»ги буйруғи (рўйхат рақами 1185-1, 2007 йил 13 ноябрь) (Ўзбекистон Республикаси қонун ҳужжатлари тўплами, 2007 й., 46-47-сон, 474-модда).
3. Ўзбекистон Республикаси Интеллектуал мулк агентлиги бош директорининг 2011 йил 26 августдаги 27-сон «Товар келиб чиққан жой номини рўйхатдан ўтказиш ва товар келиб чиққан жой номидан фойдаланиш ҳуқуқини бериш учун талабномани тузиш, топшириш ва кўриб чиқиш қоидаларига ўзгартиришлар киритиш тўғрисида»ги буйруғи (рўйхат рақами 1185-2, 2011 йил 30 сентябрь) (Ўзбекистон Республикаси қонун ҳужжатлари тўплами, 2011 й., 40-сон, 431-модда).
(Қонунчилик маълумотлари миллий базаси, 11.12.2023 й., 10/23/3482/0925-сон)
