Ҳужжат кучини йўқотган " " 26.11.2025
Ўзбекистон Республикаси Президентининг
Қарори
«Хива — 2024 йилда ислом дунёсининг туризм пойтахти» халқаро тадбирига тайёргарлик кўриш ва уни ўтказиш чора-тадбирлари тўғрисида
 LexUZ шарҳи
Мазкур қарор Ўзбекистон Республикаси Президентининг 2025 йил 25 ноябрдаги ПФ-231-сонли «Қонунчиликдаги ҳуқуқий бўшлиқларни бартараф этиш ва тартибга солиш юкини камайтириш тўғрисида»ги Фармонига асосан ўз кучини йўқотган.
Хива шаҳри 2024 йилда «Ислом дунёсининг туризм пойтахти» деб эълон қилинганлиги муносабати билан ҳамда Хива шаҳрининг туристик салоҳиятини халқаро майдонда фаол тарғиб қилиш мақсадида:
1. 2022 йил 27 — 29 июнь кунлари Боку шаҳрида (Озарбайжон Республикаси) бўлиб ўтган Ислом ҳамкорлик ташкилотига аъзо давлатлар туризм вазирларининг XI сессиясида Хива шаҳри 2024 йилда «Ислом дунёсининг туризм пойтахти» деб эълон қилинганлиги маълумот учун қабул қилинсин.
2. Қуйидагилар:
«Хива — 2024 йилда ислом дунёсининг туризм пойтахти» халқаро тадбирига (кейинги ўринларда — халқаро тадбир) тайёргарлик кўриш ва уни ўтказиш бўйича ташкилий қўмита (кейинги ўринларда — ташкилий қўмита) таркиби 1-иловага мувофиқ;
«Хива — 2024 йилда ислом дунёсининг туризм пойтахти» халқаро тадбирига тайёргарлик кўриш ва уни ўтказиш бўйича чора-тадбирлар режаси (кейинги ўринларда — чора-тадбирлар режаси) 2-иловага мувофиқ тасдиқлансин.
3. Белгилаб қўйилсинки:
а) 2024 йил март ойида «Хива — 2024 йилда ислом дунёсининг туризм пойтахти» шиори остида Хива шаҳрида халқаро тадбирнинг расмий очилиш маросими ҳамда май ойида Хива шаҳрида Ислом ҳамкорлик ташкилотига аъзо давлатлар туризм вазирларининг XII сессияси ўтказилади;
б) ушбу халқаро тадбирга Ислом ҳамкорлик ташкилотига аъзо давлатлардан иштирокчилар ва экспертлар жалб қилинади, халқаро тадбир оммавий ахборот воситаларида кенг ёритиб борилади;
в) Хива шаҳрининг туристик салоҳиятини халқаро майдонда фаол тарғиб қилиш мақсадида 2023-2024 йилларда қуйидаги тадбирлар ўтказилади:
«Taste of Uzbekistan Festival» шиори остида гастрономик фестиваль;
Паҳлавон Маҳмуд хотирасига бағишланган «Strongmen» халқаро баҳодирлар ўйини мусобақаси;
«Халқаро зиёрат туризми ҳафталиги» доирасидаги тадбирлар;
 LexUZ шарҳи
Қаранг: Вазирлар Маҳкамасининг 2022 йил 20 майдаги 282-сонли «Халқаро зиёрат туризми ҳафталиги»ни ташкил этиш ва ўтказиш чора-тадбирлари тўғрисида»ги қарори.
г) масъул вазирлик ва идораларнинг биринчи раҳбарлари ушбу қарорда назарда тутилган топшириқлар, шунингдек, ташкилий қўмитанинг тезкор кўрсатмаларини ўз вақтида ва сифатли бажарилишини таъминлаш учун шахсан жавобгар ҳисобланади.
4. Ташкилий қўмита (А. Арипов):
чора-тадбирлар режасида белгиланган вазифаларни ўз вақтида ва сифатли амалга ошириш бўйича масъул давлат органлари ва ташкилотлар фаолиятини мувофиқлаштириб борсин;
халқаро тадбирга тайёргарлик кўриш ва уни ўтказишда юзага келадиган ташкилий масалаларни тезкорлик билан ҳал этсин;
Хива шаҳрида халқаро тадбир ўтказиладиган жойларнинг техник ва телекоммуникация ускуналари билан жиҳозланишини таъминласин;
Хоразм вилояти, шу жумладан Хива шаҳрида ўтказиладиган қабул, маданий тадбирлар ва хорижий меҳмонларнинг саёҳатини ташкиллаштирсин;
халқаро тадбирда қатнашувчиларнинг Ўзбекистонга келиб-кетиши, уларга виза расмийлаштирилиши, транспорт ва тиббий хизмат кўрсатиш масалаларини мувофиқлаштирсин;
халқаро тадбир бўлиб ўтадиган ҳудудларни ободонлаштириш ишлари ўз вақтида ва сифатли бажарилишини таъминласин;
халқаро тадбир бўлиб ўтадиган ҳудудларда объектлар ва меҳмонхона фондининг тайёрлигини таъминласин;
зарур ҳолларда, халқаро тадбирни юқори савияда ташкил этиш билан боғлиқ тезкор қарорлар қабул қилсин.
5. Маданият ва туризм вазирлиги:
а) бир ой муддатда «Хива — 2024 йилда ислом дунёсининг туризм пойтахти» халқаро тадбири логотипини ишлаб чиқсин;
б) икки ой муддатда:
Фанлар академияси, Дин ишлари бўйича қўмита, Ўзбекистондаги Ислом цивилизацияси маркази, Хоразм Маъмун академияси билан биргаликда халқаро тадбирга ташриф буюрадиган хорижий меҳмонлар фойдаланиши учун Хива шаҳри ҳақида ўзбек, рус, инглиз, араб ва француз тилларида қўлланма ишлаб чиқиб, чоп этилишини;
 LexUZ шарҳи
Қаранг: Ўзбекистон Республикаси Президентининг 1997 йил 11 ноябрдаги ПФ-1880-сонли «Хоразм Маъмун академиясини қайтадан ташкил этиш тўғрисида»ги Фармони, Вазирлар Маҳкамасининг 2017 йил 2 августдаги 572-сонли «Ўзбекистон Республикаси Вазирлар Маҳкамаси ҳузуридаги Ўзбекистондаги Ислом маданияти маркази фаолиятини ташкил этиш тўғрисида»ги қарори.
Хоразм вилояти ҳокимлиги, Маданий мерос агентлиги билан биргаликда Хива шаҳрининг туризм ва маданий мерос объектлари, ислом дунёси ва илм-фаннинг ривожланишида тутган ўрни ва тарихи, маданияти, яшаш тарзини акс эттирувчи фото- ва видеоматериаллар («Guidebook») тайёрланишини таъминласин;
в) Ташқи ишлар вазирлиги, Хоразм вилояти ҳокимлиги ҳамда бошқа манфаатдор ташкилотлар билан биргаликда:
халқаро тадбирга тайёргарлик кўриш ва унинг юқори савияда ўтказилишини таъминлаш мақсадида Ислом ҳамкорлик ташкилоти Бош котибияти билан ҳамкорликда ишни ташкил этсин;
2023-2024 йилларда маҳаллий ва хорижий оммавий ахборот воситалари, Интернет жаҳон ахборот тармоғида «Хива — 2024 йилда ислом дунёсининг туризм пойтахти» шиори остида кенг тарғибот акциясини амалга ошириш чораларини кўрсин;
2023-2024 йилларда Ислом ҳамкорлик ташкилоти томонидан ташкил этиладиган халқаро тадбирлар ҳамда республикада ўтказиладиган туризм йўналишидаги кўргазма ва конференцияларда «Хива — 2024 йилда ислом дунёсининг туризм пойтахти» шиори остида тарғибот ишларини амалга оширсин;
2023 йил октябрь ойида Ислом ҳамкорлик ташкилотига аъзо давлатларнинг туристик ташкилотлари, оммавий ахборот воситалари вакиллари, блогерларни жалб қилган ҳолда Хоразм вилояти бўйлаб инфотур ташкил қилсин.
6. Белгилансинки, ушбу қарорда назарда тутилган халқаро тадбир доирасида:
а) Маданият ва туризм вазирлиги томонидан Туризмни қўллаб-қувватлаш жамғармаси ҳисобидан қуйидаги харажатлар қопланади:
халқаро тадбирнинг хорижий иштирокчиларини Тошкент шаҳридаги аэропорт ва вокзалда кутиб олиш ва кузатиш, уларнинг республика ҳудудида ҳаракатланиши учун автобус, авиа ва темир йўл чипталарини харид қилиш;
халқаро тадбир доирасида хорижий (инглиз, араб, француз) тилларда синхрон таржимонлар иштирокини таъминлаш;
халқаро тадбирни хорижий оммавий ахборот воситалари, Интернет жаҳон ахборот тармоғи ва ижтимоий тармоқларда кенг ёритиш;
халқаро тадбир учун тарғибот материаллари (видеороликлар, тарқатма материаллар, китоблар ва бошқалар)ни ишлаб чиқиш ва чоп этиш;
Ислом ҳамкорлик ташкилоти Бош котиби, Бош котибият ходимлари ва экспертлари, фахрий меҳмонларнинг мамлакатга келиб-кетиши;
халқаро тадбирга тайёргарлик кўриш ва уни ташкил этиш билан боғлиқ бошқа тадбирларни ўтказиш;
б) Хоразм вилояти ҳокимлиги томонидан маҳаллий бюджет маблағлари ҳисобидан қуйидаги харажатлар қопланади:
халқаро тадбир ўтказиладиган ва диққатга сазовор жойларни ободонлаштириш ҳамда тадбир ўтказиш учун тайёр ҳолга келтириш;
хорижий иштирокчилар учун эсдалик совғалари (сувенирлар, миллий ҳунармандчилик маҳсулотлари ва бошқалар)ни ажратиш;
аэропорт ва темир йўл вокзалларида ҳамда марказий кўчалар бўйлаб ўрнатилган баннерлар ва LED мониторларда халқаро тадбирни кенг ёритиш;
иштирокчиларнинг тадбирлар дастури доирасида диққатга сазовор жойларга ташрифларини ташкиллаштириш;
хорижий иштирокчилар, уларга бириктирилган гид-таржимон ҳамда волонтёр кузатувчилар, оммавий ахборот воситалари вакиллари учун тушлик ва кечки овқатни ташкиллаштириш ва Хоразм вилояти бўйлаб ҳаракатланиши учун транспорт воситалари билан таъминлаш;
хорижий иштирокчилар ва оммавий ахборот воситалари вакилларининг Хоразм вилоятидаги меҳмонхоналарда яшаши билан боғлиқ харажатлар.
7. Хоразм вилояти ҳокимлиги хорижий иштирокчиларни аэропорт (вокзал)да кутиб олиш ва кузатиш ҳамда халқаро тадбир дастури асосида уларнинг ҳаракатланиши учун транспорт воситаларини ажратсин.
8. Ташқи ишлар вазирлиги Маданият ва туризм вазирлигининг виза талабномаларига биноан халқаро тадбирда иштирок этадиган чет эллик иштирокчиларга Ўзбекистон Республикасига кириш визалари консуллик йиғимлари ва ҳақиқий харажатларнинг ўрнини қоплаш ҳисобидан йиғимлар ундирилмасдан, зарур ҳолларда, Ўзбекистон Республикаси халқаро аэропортларида расмийлаштирилишини таъминласин.
9. Ички ишлар вазирлиги:
Миллий гвардия билан биргаликда халқаро тадбир ўтказиладиган ҳудудларда иштирокчи ва меҳмонлар тўпланадиган жойларда, меҳмонхоналарда ҳамда уларнинг атрофида жамоат тартибини сақлаш;
тадбирларга ташриф буюрадиган делегация аъзолари хавфсизлигини таъминлаш мақсадида йўл ҳаракати қоидаларига мувофиқ ҳамроҳлик қилиш чораларини кўрсин.
10. Фавқулодда вазиятлар вазирлиги халқаро тадбир ўтказиладиган объектлар ҳамда уларнинг атрофида фавқулодда вазиятларнинг олдини олиш ва ёнғин хавфсизлигини таъминлаш ишларини ташкиллаштирсин.
11. Соғлиқни сақлаш вазирлиги тадбирлар ўтказиладиган жойларда тез тиббий ёрдам бригадалари фаолияти ташкил этилишини таъминлаш, тадбирлар ўтказиладиган жойларда соғлиқни сақлаш ҳамда санитария нормалари, қоидалари ва гигиена нормативларига амал қилиниши бўйича зарур чоралар кўрсин.
12. Рақамли технологиялар вазирлиги Маданият ва туризм вазирлигининг мурожаатига асосан халқаро тадбир ўтказиладиган конференция ва кўргазма заллари, матбуот хоналарини белгиланган тартибда зарур техника воситалари, синхрон таржима жиҳозлари ва Интернет жаҳон ахборот тармоғи билан таъминласин.
13. Маданият ва туризм вазирлигининг талабномасига асосан қуйидагиларга:
«Uzbekistan Airways» АЖга хорижий иштирокчилар учун халқаро ва маҳаллий рейсларга авиачипталарнинг банд қилинишини таъминлаш;
«Ўзбекистон темир йўллари» АЖга хорижий иштирокчилар учун қатновдаги поездларнинг барча турларига темир йўл чипталари захирасини яратиш ва расмийлаштириш чораларини кўриш тавсия этилсин.
14. Мазкур қарорнинг ижросини самарали ташкил қилишга масъул ва шахсий жавобгар этиб маданият ва туризм вазири О.А. Назарбеков ҳамда Хоразм вилояти ҳокими Ж.Р. Рахимов белгилансин.
Қарор ижросини муҳокама қилиб бориш, масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2023 йил 12 июль,
ПҚ-223-сон
Ўзбекистон Республикаси Президентининг 2023 йил 12 июлдаги ПҚ-223-сон қарорига
1-ИЛОВА
«Хива — 2024 йилда ислом дунёсининг туризм пойтахти» халқаро тадбирига тайёргарлик кўриш ва уни ўтказиш бўйича
ТАШКИЛИЙ ҚЎМИТА ТАРКИБИ

1.

А. Арипов

—

Ўзбекистон Республикасининг Бош вазири, ташкилий қўмита раиси

2.

М. Камилов

—

Ўзбекистон Республикаси Президентининг маслаҳатчиси, ташкилий қўмита раиси ўринбосари

3.

О. Назарбеков

—

маданият ва туризм вазири, ташкилий қўмита раиси ўринбосари

4.

Ж. Рахимов

—

Хоразм вилояти ҳокими, ташкилий қўмита раиси ўринбосари

5.

А. Абдуҳакимов

—

экология, атроф-муҳитни муҳофаза қилиш ва иқлим ўзгариши вазири

6.

Ш. Кудбиев

—

иқтисодиёт ва молия вазири

7.

И. Абдураҳмонов

—

олий таълим, фан ва инновациялар вазири

8.

Ш. Шерматов

—

рақамли технологиялар вазири

9.

А. Иноятов

—

соғлиқни сақлаш вазири

10.

Б. Саидов

—

ташқи ишлар вазири

11.

И. Махкамов

—

транспорт вазири

12.

П. Бобожонов

—

ички ишлар вазири

13.

А. Қулдашев

—

фавқулодда вазиятлар вазири

14.

Б. Закиров

—

қурилиш ва уй-жой коммунал хўжалиги вазири

15.

С. Тошбоев

—

Дин ишлари бўйича қўмита раиси

16.

Б. Юсупалиев

—

Санитария-эпидемиологик осойишталик ва жамоат саломатлиги қўмитаси раиси

17.

Р. Джураев

—

Миллий гвардия қўмондони

18.

А. Ходжаев

—

Ахборот ва оммавий коммуникациялар агентлиги директори

19.

Б. Абдикаримов

—

Маданий мерос агентлиги директори

20.

А. Кўчимов

—

Ўзбекистон Миллий ахборот агентлиги бош директори

21.

Б. Юлдашев

—

Фанлар академияси президенти

22.

Ш. Миноваров

—

Ўзбекистондаги Ислом цивилизацияси маркази директори

23.

И. Абдуллаев

—

Фанлар академиясининг минтақавий бўлими — Хоразм Маъмун академияси раиси

24.

А. Хаджаев

—

Ўзбекистон Миллий телерадиокомпания раиси

25.

Ш. Худайкулов

—

«Uzbekistan Airways» АЖ бошқаруви раиси

26.

Р. Джураева

—

«Uzbekistan Airports» АЖ бошқаруви раиси

27.

Лавозимига кўра

—

«Ўзбекистон темир йўллари» АЖ бошқаруви раиси

28.

Т. Давлетов

—

Хива шаҳри ҳокими

29.

У. Азамов

—

маданият ва туризм вазирининг биринчи ўринбосари, ташкилий қўмита масъул котиби

Изоҳ: Ташкилий қўмита аъзолари бошқа ишга ўтган тақдирда, унинг таркибига ушбу лавозимларга янги тайинланган ёки зиммасига тегишли функцияларни бажариш юклатилган шахслар киритилади.
Ўзбекистон Республикаси Президентининг 2023 йил 12 июлдаги ПҚ-223-сон қарорига
2-ИЛОВА
«Хива — 2024 йилда Ислом дунёсининг туризм пойтахти» халқаро тадбирига тайёргарлик кўриш ва уни ўтказиш бўйича
ЧОРА-ТАДБИРЛАР РЕЖАСИ

Т/р

Чора-тадбирлар

Амалга ошириш механизми

Ижро муддати

Молиялаштириш манбалари

Ижро учун масъуллар

1.

«Хива — 2024 йилда ислом дунёсининг туризм пойтахти» халқаро тадбири (кейинги ўринларда — халқаро тадбир) ташкил этиладиган бино ва иншоотлар, шунингдек, ҳудудларни ободонлаштириш.

1. Маҳаллий ва халқаро даражадаги йирик оммавий тадбирларни ўтказиш учун алоҳида анжуманлар ўтказиладиган жойларни тайёрлаш.

2. Халқаро тадбир ўтказиладиган жойни (шу жумладан, бино ва иншоотларни) белгилаш тўғрисида ташкилий қўмита ва Хоразм вилояти ҳокимининг тегишли қарорларини қабул қилиш.

3. Халқаро тадбир доирасида Хива шаҳрида ободонлаштириш ва кўкаламзорлаштириш ишларини якунлаш.

2024 йил январь

Маҳаллий бюджет маблағлари

Хоразм вилояти ҳокимлиги

(Ж. Рахимов),

Маданият ва туризм вазирлиги

(О. Назарбеков)

2.

Ислом Ҳамкорлик Ташкилоти (ИҲТ) экспертларини таклиф қилган ҳолда туризм соҳаси вакилларига хизмат сифатини яхшилаш бўйича тренинг ташкил қилиш.

1. ИҲТбилан музокаралар олиб бориш.

2. Тренинг ўтказиш муддатларини белгилаш ва иштирокчиларни жалб қилиш.

2023 йил ноябрь

Туризмни қўллаб-қувватлаш жамғармаси маблағлари

Маданият ва туризм вазирлиги

(О. Назарбеков),

Хоразм вилояти ҳокимлиги

(Ж. Рахимов)

3. ИҲТ томонидан розилик олингандан сўнг, туризм соҳаси вакилларига тренинг ташкил қилиш.

Келишилган муддатда

3.

Халқаро тадбир логотипи ва хештегини ишлаб чиқиш.

1. Халқаро тадбир логотипи ва хештегини ишлаб чиқиш ва тасдиқлаш.

2. Ижтимоий тармоқлар орқали тарғиботини ташкил қилиш.

2023 йил август

Туризмни қўллаб-қувватлаш жамғармаси маблағлари

Маданият ва туризм вазирлиги

(О. Назарбеков),

Хоразм вилояти ҳокимлиги

(Ж. Рахимов)

4.

2024 йилда амалга ошириладиган халқаро тадбирни юқори даражада ташкил қилиш юзасидан аниқ ҳисоб-китоблар асосида таклиф киритиш.

1. Вазирлар Маҳкамасининг баёни лойиҳасини ишлаб чиқиш.

2. Вазирлик, идора ва ташкилотлар билан келишиш.

2023 йил ноябрь

-

Маданият ва туризм вазирлиги

(О. Назарбеков),

Хоразм вилояти ҳокимлиги

(Ж. Рахимов)

3. Тасдиқлаш учун Вазирлар Маҳкамасига киритиш.

2023 йил декабрь

4. Баён тасдиқлангандан сўнг, чора-тадбирлар ижросини таъминлаш.

Белгиланган муддатларда

5.

ИҲТга аъзо давлатларнинг туризм соҳаси вакилларини «Халқаро зиёрат туризми» ҳафталигида иштирок этишини таъминлаш.

1. Иштирокчилар рўйхатини тузиш ва жалб қилиш.

2. ИҲТга аъзо давлатларнинг туроператорлари ва маҳаллий туристик ташкилотлар билан учрашувлар ўтказиш.

3. Хива шаҳрида зиёрат туризми йўналишида яратилган шарт-шароитлар юзасидан тақдимот материалларини тайёрлаш ва ўтказиш.

2023 йил ноябрь

Туризмни қўллаб-қувватлаш жамғармаси ва маҳаллий бюджет маблағлари

Маданият ва туризм вазирлиги

(О. Назарбеков),

Ташқи ишлар вазирлиги

(Б. Саидов),

Дин ишлари бўйича қўмита

(С. Тошбоев),

Хоразм вилояти ҳокимлиги

(Ж. Рахимов)

6.

Урганч халқаро аэропортининг учиб келиш ва учиб кетиш залларида халқаро тадбир иштирокчилари учун қулайликлар яратиш.

1. Урганч халқаро аэропортида туристлар учун шарт-шароитларни яхшилаш ва замонавий санитария-гигиена шохобчаларини ташкил этиш.

2. Ахборот кўрсаткич белгиларини ўрнатиш.

2023 йил декабрь

Ижрочилар маблағлари

«Uzbekistan Airports» АЖ

(Р. Джураева),

Маданият ва туризм вазирлиги

(О. Назарбеков),

Хоразм вилояти ҳокимлиги

(Ж. Рахимов)

7.

Халқаро тадбир учун инглиз, француз, турк, араб, рус тилларида ҳамроҳ таржимонлар, волонтёрлар тайёрлаш.

1. Халқаро тадбир учун инглиз, француз ва бошқа тиллар бўйича ҳамроҳ таржимонлар рўйхатини шакллантириш ва тасдиқлаш.

2. Олий таълим ташкилотларидан кўнгилли волонтёрлар жамоаларини шакллантириш.

2023 декабрь

Маҳаллий бюджет ва Туризмни қўллаб-қувватлаш жамғармаси маблағлари

Маданият ва туризм вазирлиги

(О. Назарбеков),

Олий таълим, фан ва инновациялар вазирлиги

(И. Абдураҳмонов),

Хоразм вилояти ҳокимлиги

(Ж. Рахимов)

3. Ҳамроҳ таржимон (гид)ларни ўқитиш ва халқаро тадбирга жалб қилиш.

2024 йил март — май

8.

Халқаро тадбир доирасида фойдаланиш учун 2 000 нусхадан ортиқ тарғибот материалларини (видеоролик ва тарқатма материаллар, китоблар ва бошқаларни) тайёрлаш.

1. Халқаро тадбирда фойдаланиш ва Хоразм вилояти маданияти, туризм салоҳиятини тарғиб қилиш учун тарқатма материаллар дизайнини ишлаб чиқиш.

2. Халқаро тадбир моҳиятидан келиб чиққан ҳолда тарқатма ва видео материаллар тайёрлаш.

2023 йил ноябрь

Туризмни қўллаб-қувватлаш жамғармаси маблағлари

Маданият ва туризм вазирлиги

(О. Назарбеков),

Хоразм вилояти ҳокимлиги

(Ж. Рахимов)

3. Тарқатма материаллардан халқаро тадбир давомида фойдаланиш.

2024 йил март — май

9.

2024 йилда халқаро тадбир давомида «Ичан қалъа» давлат музей қўриқхонаси ҳудудидаги ҳолатнинг санитария нормалари, қоидалари ва гигиена нормативларига мослигини таъминлаш.

1. «Ичан қалъа» давлат музей қўриқхонаси ҳудудидаги санитария-гигиена шохобчаларини хатловдан ўтказиш.

2024 йил январь

«Ичан қалъа» давлат музейи маблағлари

Маданий мерос агентлиги

(Б. Абдикаримов),

Хоразм вилояти ҳокимлиги

(Ж. Рахимов),

Маданият ва туризм вазирлиги

(О. Назарбеков)

2. Халқаро тадбир давомида санитария-гигиена шохобчаларининг санитария нормалари, қоидалари ва гигиена нормативларига мослигини таъминлаш ва мониторинг қилиш.

2024 йил март — май

10.

Халқаро тадбир давомида хорижий меҳмонлар жойлашадиган меҳмонхоналарда зиёрат туризмига мос хизматлар ташкил қилиш.

Меҳмонхоналар рўйхатини шакллантириш, уларда зиёрат туризмига мос хизматлар ташкил қилиш, сифатли хизмат кўрсатиш юзасидан ходимлар малакасини ошириш.

2024 йил давомида

-

Маданият ва туризм вазирлиги

(О. Назарбеков),

Хоразм вилояти ҳокимлиги

(Ж. Рахимов)

11.

ИҲТга аъзо давлатлар оммавий ахборот воситалари (ОАВ) вакиллари ва блогерлари учун инфотурлар ташкил қилиш.

1. ИҲТга аъзо давлатлар ОАВ вакиллари ва блогерлар билан инфотурлар ташкил этиш юзасидан келишувга эришиш.

2. Ташриф буюрувчилар рўйхатини шакллантириш ва ташриф дастурини ишлаб чиқиш.

3. Инфотурларни юқори савияда ташкил қилиш ва ОАВда ёритиш.

2023 йил давомида

Туризмни қўллаб-қувватлаш жамғармаси маблағлари

Маданият ва туризм вазирлиги

(О. Назарбеков),

Ташқи ишлар вазирлиги

(Б. Саидов),

Хоразм вилояти ҳокимлиги

(Ж. Рахимов)

12.

Халқаро тадбир иштирокчилари учун эсдалик совғалари бўйича таклиф ишлаб чиқиш ва уларни тайёрлаш.

1. Халқаро тадбир иштирокчилари учун эсдалик совғалари бўйича таклифлар ишлаб чиқиб, тасдиқлаш.

2023 йил давомида

Маҳаллий бюджет маблағлари

Хоразм вилояти ҳокимлиги

(Ж. Рахимов),

Маданият ва туризм вазирлиги

(О. Назарбеков)

2. Халқаро тадбир давомида иштирокчиларга эсдалик совғаларини тақдим этиш.

2024 йил давомида

13.

Халқаро тадбир иштирокчилари учун бепул «Wi-Fi» ҳудудларини ташкил этиш.

«Ичан қалъа» давлат музей-қўриқхонаси, Нуруллабой мажмуаси, иштирокчилар жойлашадиган меҳмонхоналар, халқаро тадбир ўтказиладиган бино ва матбуот марказида бепул «Wi-Fi» ҳудудларини ташкил этиш.

2023-2024 йиллар давомида

Ижрочилар маблағлари

Хоразм вилояти ҳокимлиги

(Ж. Рахимов),

Маданият ва туризм вазирлиги

(О. Назарбеков),

Рақамли технологиялар вазирлиги

(Ш. Шерматов)

14.

Халқаро тадбир доирасида ўтказиладиган конференция, кўргазма ва матбуот анжуманлари учун ўрнатилган тартибда зарур техника воситалари, синхрон таржима жиҳозларини ажратиш.

Маданият ва туризм вазирлигининг мурожаатига асосан ўрнатилган тартибда халқаро тадбир доирасида 2024 йилда ўтказиладиган конференция, кўргазма ва матбуот анжуманлари учун зарур техника воситалари, синхрон таржима жиҳозлари (4 та кабина, 300 та қулоқчин) ажратиш.

2024 йил давомида

Туризмни қўллаб-қувватлаш жамғармаси маблағлари

Маданият ва туризм вазирлиги

(О. Назарбеков),

Рақамли технологиялар вазирлиги

(Ш. Шерматов),

Хоразм вилояти ҳокимлиги

(Ж. Рахимов)

15.

«Ичан қалъа» мажмуасидаги Жума масжидини қайта реконструкция қилиш.

«Ичан қалъа» мажмуасидаги Жума масжиди ҳолатини ўрганиш, эксперт хулосаларини шакллантириш ва реконструкция қилиш чораларини кўриш.

2023 йил сентябрь

-

Маданий мерос агентлиги

(Б. Абдикаримов),

Хоразм вилояти ҳокимлиги

(Ж. Рахимов)

16.

Хива шаҳрида 20 000 китоб фондини қамраб олиш имкони бўлган кутубхона қуриш лойиҳасини амалга ошириш.

1. Кутубхонани қуриш учун шаҳарнинг бош режасига асосан ер участкасини танлаш ва белгиланган тартибда ажратиш.

2. Лойиҳа-смета ҳужжатларини ишлаб чиқиш.

3. Лойиҳани амалга ошириш.

2023 йил сентябрь

-

Хоразм вилояти ҳокимлиги

(Ж. Рахимов),

Кадастр агентлиги

(Ф. Пўлатов),

Қурилиш ва уй-жой коммунал хўжалиги вазирлиги

(Б. Закиров)

17.

Хива туманида жойлашган «Биби Ҳожар» мажмуаси ҳудудини ободонлаштириш ва унда сайёҳлар ташрифи учун шарт-шароит яратиш.

«Биби Ҳожар» мажмуаси ҳудудини ободонлаштириш, сайёҳларни қабул қилиш учун шароит яратиш ва сайёҳлар ташрифини ташкил қилиш.

2023 йил август

-

Маданий мерос агентлиги

(Б. Абдикаримов),

Хоразм вилояти ҳокимлиги

(Ж. Рахимов),

Маданият ва туризм вазирлиги

(О. Назарбеков)

18.

Хоразм вилоятига халқаро тадбир доирасида ташриф буюрадиган сайёҳлар учун 3х6 ўлчамдаги 6 та туристик харитани тайёрлаш ва уларни туристлар ташриф масканларига ўрнатиш.

1. Туристик харита дизайнини ишлаб чиқиш ва туристик объектларни жойлаштириш.

2. Туристик хариталар жойлашувини аниқлаш ва уларни ўрнатиш.

2023 йил давомида

Ижрочилар маблағлари

Маданият ва туризм вазирлиги

(О. Назарбеков),

Хоразм вилояти ҳокимлиги

(Ж. Рахимов)

19.

Урганч-Хива автомагистрали ҳамда Хива шаҳрида 50 та туристик ва ахборот йўл кўрсаткич белгиларини ўрнатиш.

Туризм ахборот белгиларини жойлаштириш учун нуқталарни аниқлаш ва белгиланган ўлчамда ўрнатиш.

2023 йил декабрь

Туризмни қўллаб-қувватлаш жамғармаси маблағлари

Маданият ва туризм вазирлиги

(О. Назарбеков),

Хоразм вилояти ҳокимлиги

(Ж. Рахимов)

20.

«Хива — 2024 йилда ислом дунёсининг туризм пойтахти» шиори остида Хива шаҳрида расмий очилиш маросимини (launching ceremony) ўтказиш.

1. Расмий очилиш маросими (launching ceremony) дастурини ишлаб чиқиш. Бунда, очилиш маросимининг маданий дастурида ИҲТга аъзо мамлакатларнинг маданиятини акс эттирувчи куй ва қўшиқларини инобатга олиш.

2023 йил ноябрь

-

Маданият ва туризм вазирлиги

(О. Назарбеков),

Хоразм вилояти ҳокимлиги

(Ж. Рахимов)

2. ИҲТ экспертлари, хорижий ва маҳаллий иштирокчиларни халқаро тадбирга жалб қилиш чораларни кўриш.

2023 йил декабрь

3. Расмий очилиш маросимини ташкил қилиш.

2024 йил февраль-март

21.

ИҲТга аъзо давлатлар туризм вазирларининг XII сессиясини юқори савияда ташкил қилиш ва ўтказиш.

1. ИҲТга аъзо давлатлар туризм вазирларининг XII сессиясини юқори савияда ташкил қилиш бўйича Вазирлар Маҳкамасининг баён лойиҳасини ишлаб чиқиш ва ўрнатилган тартибда келишиш.

Бунда, халқаро тадбирни юқори савияда ташкил қилиш ва уни ўтказиш билан боғлиқ харажатларни инобатга олиш.

2024 йил январь

-

Маданият ва туризм вазирлиги

(О. Назарбеков),

Ташқи ишлар вазирлиги

(Б.Саидов),

Дин ишлари бўйича қўмита

(С. Тошбоев),

Хоразм вилояти ҳокимлиги

(Ж. Рахимов)

2. Лойиҳани тасдиқлаш учун Вазирлар Маҳкамасига киритиш.

2024 йил февраль

(Қонунчилик маълумотлари миллий базаси, 13.07.2023 й., 07/23/223/0468-сон)