Ўзбекистон Республикаси Президентининг

Қарори

Жаҳон банки иштирокидаги «Солиқ маъмуриятчилигини ислоҳ қилиш» лойиҳасини амалга ошириш чора-тадбирлари тўғрисида

Ўзбекистон Республикаси Президентининг 2020 йил 30 октябрдаги «Яширин иқтисодиётни қисқартириш ва солиқ органлари фаолияти самарадорлигини ошириш бўйича ташкилий чора-тадбирлар тўғрисида»ги ПФ-6098-сон Фармонига мувофиқ, шунингдек, республикада амалга оширилаётган солиқ ислоҳотларини янада қўллаб-қувватлаш ҳамда солиқ маъмуриятчилиги самарадорлигини ошириш мақсадида:

1. Қуйидагилар:

«Солиқ маъмуриятчилигини ислоҳ қилиш» лойиҳасини (кейинги ўринларда — Лойиҳа) амалга ошириш учун Жаҳон банки Директорлар кенгаши 2021 йил 16 июнда Халқаро тараққиёт уюшмаси томонидан Ўзбекистон Республикасига 30 йил муддатга, шу жумладан 5 йил имтиёзли давр билан 60 миллион АҚШ доллари миқдорида қарз ажратилишини маъқуллаганлиги;

Лойиҳани амалга ошириш даври беш йил (2022 — 2027 йиллар) этиб белгиланганлиги маълумот учун қабул қилинсин.

2. Лойиҳани амалга оширишнинг мақсадли кўрсаткичлари этиб қуйидагилар белгилансин:

солиқларни ҳисоблаш ва тўлашни автоматлаштириш даражасини 90 фоизгача етказиш;

солиқ органлари томонидан кўрсатилаётган электрон хизматлар сонини ошириш орқали тадбиркорлик субъектларини электрон хизматлар билан тўлиқ қамраб олиш;

қўшилган қиймат солиғини ундириш жараёнларини тўлиқ автоматлаштириш орқали ушбу солиқнинг ундирув даражасини 75 фоизгача етказиш;

солиқ тўловчиларнинг солиқ ҳисоботларини тайёрлаш, тақдим этиш ва солиқларни тўлаш учун вақт сарфини 2 бараваргача камайтириш.

3. Белгилансинки:

Давлат солиқ қўмитаси Лойиҳанинг ўз вақтида амалга оширилишини мувофиқлаштириш, шунингдек, Халқаро тараққиёт уюшмаси қарзларидан мақсадли ва самарали фойдаланиш учун масъул ҳисобланади;

Халқаро тараққиёт уюшмаси томонидан ажратиладиган қарзни қайтариш, шунингдек, қарз бўйича фоиз, хизмат кўрсатиш ва мажбуриятлар учун воситачилик ҳақи ҳамда божхона тўловлари, солиқлар ва йиғимлар (бундан иш ҳақи билан боғлиқ бўлган солиқлар мустасно) бўйича харажатларни қоплаш Ўзбекистон Республикаси республика бюджети маблағлари ҳисобидан амалга оширилади;

Давлат солиқ қўмитасига Маълумотларни қайта ишлаш марказини қуриш билан боғлиқ харажатларни қисман Давлат солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси ҳисобидан молиялаштиришга рухсат берилади;

Давлат солиқ қўмитаси ҳузурида алоҳида банк ҳисоб рақамини очиш ҳуқуқига эга бўлган, фаолияти Халқаро тараққиёт уюшмаси кредити ва қонунчилик ҳужжатларида тақиқланмаган бошқа маблағлар ҳисобидан молиялаштириладиган Лойиҳани амалга ошириш гуруҳи ташкил этилади;

Лойиҳани амалга ошириш даврида Лойиҳани амалга ошириш гуруҳининг харажатлар сметаси ҳар йили Молия вазирлиги билан келишилади;

Давлат солиқ қўмитаси раисига Лойиҳани амалга ошириш гуруҳи раҳбари ва ходимларига Давлат солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси ҳисобидан солиқ органлари ходимлари учун кўзда тутилган тартибда иш ҳақига қўшимча ҳақ ва устамалар белгилаш ҳуқуқи берилади.

4. Қуйидагилар:

Жаҳон банки иштирокидаги «Солиқ маъмуриятчилигини ислоҳ қилиш» лойиҳасининг асосий техник-иқтисодий параметрлари 1-иловага мувофиқ;

Жаҳон банки иштирокидаги «Солиқ маъмуриятчилигини ислоҳ қилиш» лойиҳасини амалга ошириш доирасида Халқаро тараққиёт уюшмаси томонидан ажратиладиган қарзларни қайтариш, фоиз ва хизмат кўрсатиш ҳамда мажбуриятлар учун воситачилик ҳақи бўйича тўловларни амалга оширишнинг прогноз жадвали 2-иловага мувофиқ;

Солиқ маъмуриятчилигини ислоҳ қилиш, соҳага ахборот технологияларини жорий этиш ва солиқ органлари ходимларининг малакасини ошириш бўйича «йўл харитаси» 3-иловага мувофиқ тасдиқлансин.

5. Молия вазирига Ўзбекистон Республикаси ва Халқаро тараққиёт уюшмаси ўртасидаги Лойиҳани молиялаштириш юзасидан молиявий битимни Ўзбекистон Республикаси номидан имзолаш ваколати берилсин.

6. Давлат солиқ қўмитаси ҳамда Ахборот технологиялари ва коммуникацияларини ривожлантириш вазирлиги 4-иловага мувофиқ график бўйича солиқ солиш соҳасида янги ахборот технологиялари ва дастурий маҳсулотлар имкониятлари юзасидан солиқ органлари ходимларига ўқув машғулотларини ўтказсин.

7. Давлат солиқ қўмитаси:

Лойиҳа доирасида тадбирларни амалга ошириш учун зарур шарт-шароитлар яратилишини, шу жумладан харид қилинадиган техника ҳамда асбоб-ускуналарни ўрнатиш ва монтаж қилиш учун махсус хоналар тайёрланишини;

Лойиҳа ўз вақтида ва тўлиқ амалга оширилиши, унинг мувофиқлаштирилиши ва бошқарилиши, Лойиҳани амалга ошириш даврида мониторинг ва ҳисобот юритилишини таъминласин.

8. Инвестициялар ва ташқи савдо вазирлиги ҳамда Иқтисодий тараққиёт ва камбағалликни қисқартириш вазирлиги Лойиҳа Инвестиция дастурларига белгиланган тартибда киритилишини таъминласин.

9. Ташқи ишлар вазирлиги Давлат солиқ қўмитасининг талабномаларига биноан Лойиҳани амалга оширишда иштирок этувчи чет эллик мутахассисларга кириш визалари консуллик ва ҳақиқий харажатларнинг ўрнини қоплаш ҳисобидан йиғимларни ундирмаган ҳолда расмийлаштирилишини таъминласин.

10. Мазкур қарор ижросини самарали ташкил қилишга масъул ва шахсий жавобгар этиб Давлат солиқ қўмитаси раиси Ш.Д. Кудбиев ҳамда ахборот технологиялари ва коммуникацияларини ривожлантириш вазири Ш.Х. Шерматов белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2022 йил 24 март,

ПҚ-178-сон

Олдинги таҳрирга қаранг.

Ўзбекистон Республикаси Президентининг 2022 йил 24 мартдаги ПҚ-178-сон қарорига
1-ИЛОВА

Жаҳон банки иштирокидаги «Солиқ маъмуриятчилигини ислоҳ қилиш» лойиҳасининг асосий техник-иқтисодий

ПАРАМЕТРЛАРИ

			минг АҚШ доллари
Т/р	Компонент номи	Жами*	Молиялаштиришнинг тахминий ҳисоби
Т/р	Компонент номи	Жами*	Кредит	Давлат бюджети маблағлари
1.	Лойиҳанинг умумий қиймати	72 000	60 000	12 000
2.	Инвестициялар миқдори, жами	60 000	60 000
	1-компонент. Солиқ маъмуриятчилигининг асосий бизнес жараёнларини автоматлаштириш	48 700	48 700
2.1.	1.1-субкомпонент — солиқ органларининг янги интеграциялашган ахборот тизимини жорий этиш	300	300
2.2.	1.2-субкомпонент — техник инфратузилмани янгилаш (Маълумотларни қайта ишлаш маркази)	43 500	43 500
2.3.	1.3-субкомпонент — ахборот-коммуникация технологияларини бошқариш ва режалаштириш соҳасида салоҳиятни ошириш	100	100
2.4.	1.4-субкомпонент — табиий офатлар хавфини бошқариш ва фаолиятнинг узлуксизлигини таъминлаш	4 800	4 800
	2-компонент. Яширин иқтисодиёт ҳажмини камайтириш учун солиқ тўсиқларини бартараф этиш	6 000	6 000
2.5.	2.1-субкомпонент — солиқ талабларини таъминлаш соҳасида Давлат солиқ қўмитасининг салоҳиятини ошириш	2 000	2 000
2.6.	2.2-субкомпонент — талабларга ихтиёрий риоя қилишни рағбатлантириш	3 000	3 000
2.7.	2.3-субкомпонент — хусусий сектор билан конструктив ҳамкорликни ривожлантириш	1 000	1 000
	3-компонент. Кадрлар ва институционал салоҳиятни ошириш	3 300	3 300
2.8.	3.1-субкомпонент — ходимларни янада самарали бошқариш учун Давлат солиқ қўмитасининг институционал салоҳиятини ошириш	1 700	1 700
2.9.	3.2-субкомпонент — давлат солиқ хизмати органларининг стратегик мақсадларга эришишини қўллаб-қувватлаш учун ташкилий функциялар яратиш	800	800
2.10.	3.3-субкомпонент — давлат солиқ хизмати органлари ходимларини касбий ривожлантириш	800	800
	4-компонент. Нотехник компонент — лойиҳа бошқарувини қўллаб-қувватлаш	2 000	2 000
3.	Ўзбекистон Республикасининг солиқ ва божхона тўловларига қўшган ҳиссаси	12 000		12 000
4.	Лойиҳани амалга ошириш даври	2022 — 2027 йиллар
5.	Кредитни қайтариш муддати	30 йил
5.	шу жумладан, асосий қарзнинг имтиёзли даври	5 йил

Изоҳ. Якуний қиймат кўрсаткичлари батафсил лойиҳа-смета ҳужжатлари ишлаб чиқилиши, товарларни етказиб бериш бўйича тендерлар ва хизматларни бажариш натижалари бўйича аниқланади.

Давлат солиқ қўмитасига Лойиҳа доирасида ажратилиб, иқтисод қилинган маблағларни молиялаштиришнинг устувор йўналишларидан келиб чиқиб, Жаҳон банки билан келишилган ҳолда қайта тақсимлаш ваколати берилади.

(1-илова Ўзбекистон Республикаси Президентининг 2022 йил 30 декабрдаги ПҚ-471-сонли қарори таҳририда — Қонунчилик маълумотлари миллий базаси, 01.01.2023 й., 07/23/471/0001-сон — 2023 йил 1 январдан кучга киради)

Ўзбекистон Республикаси Президентининг 2022 йил 24 мартдаги ПҚ-178-сон қарорига
2-ИЛОВА

ПРОГНОЗ ЖАДВАЛИ

Қарз суммаси:			60 миллион АҚШ доллари
Қарз муддати:			30 йил
Имтиёзли давр:			5 йил
Фоиз ставкаси:			1,25% + тўғрилаш ставкаси*
Мажбуриятлар учун воситачилик ҳақи:			0,50%
Хизмат кўрсатганлик учун тўлов			0,75% + тўғрилаш ставкаси**
							АҚШ доллари
Тўлов даври	Қарз ўзлаштирилиши	Қарз қолдиғи	Тўлов миқдори				Тўланиши лозим бўлган умумий маблағ****
Тўлов даври	Қарз ўзлаштирилиши	Қарз қолдиғи	асосий қарз	фоизлар*	хизмат кўрсатганлик учун тўлов**	мажбуриятлар учун воситачилик ҳақи***	Тўланиши лозим бўлган умумий маблағ****
15.04.2022	6 000 000	6 000 000
15.10.2022	6 000 000	12 000 000		41 480	45 140	137 250	223 870
15.04.2023	6 000 000	18 000 000		82 507	89 787	121 333	293 627
15.10.2023	6 000 000	24 000 000		124 440	135 420	106 750	366 610
15.04.2024	6 000 000	30 000 000		165 920	180 560	91 500	437 980
15.10.2024	6 000 000	36 000 000		207 400	225 700	76 250	509 350
15.04.2025	6 000 000	42 000 000		247 520	269 360	60 667	577 547
15.10.2025	6 000 000	48 000 000		290 360	315 980	45 750	652 090
15.04.2026	6 000 000	54 000 000		330 027	359 147	30 333	719 507
15.10.2026	6 000 000	60 000 000		373 320	406 260	15 250	794 830
15.04.2027		60 000 000		412 533	448 933	0	861 467
15.10.2027		59 010 000	990 000	414 800	451 400		1 856 200
15.04.2028		58 020 000	990 000	407 956	443 952		1 841 908
15.10.2028		57 030 000	990 000	401 112	436 504		1 827 615
15.04.2029		56 040 000	990 000	392 113	426 711		1 808 824
15.10.2029		55 050 000	990 000	387 423	421 608		1 799 031
15.04.2030		54 060 000	990 000	378 499	411 896		1 780 396
15.10.2030		53 070 000	990 000	373 735	406 711		1 770 446
15.04.2031		52 080 000	990 000	364 886	397 082		1 751 967
15.10.2031		51 090 000	990 000	360 046	391 815		1 741 862
15.04.2032		50 100 000	990 000	353 202	384 367		1 727 569
15.10.2032		49 110 000	990 000	346 358	376 919		1 713 277
15.04.2033		48 120 000	990 000	337 659	367 452		1 695 110
15.10.2033		47 130 000	990 000	332 670	362 023		1 684 692
15.04.2034		46 140 000	990 000	324 045	352 637		1 666 682
15.10.2034		45 150 000	990 000	318 981	347 127		1 656 108
15.04.2035		44 160 000	990 000	310 431	337 822		1 638 254
15.10.2035		43 170 000	990 000	305 293	332 230		1 627 523
15.04.2036		42 180 000	990 000	298 449	324 782		1 613 231
15.10.2036		41 190 000	990 000	291 604	317 334		1 598 939
15.04.2037		40 200 000	990 000	283 204	308 193		1 581 397
15.10.2037		39 210 000	990 000	277 916	302 438		1 570 354
15.04.2038		38 220 000	990 000	269 591	293 378		1 552 968
15.10.2038		37 230 000	990 000	264 228	287 542		1 541 769
15.04.2039		36 240 000	990 000	255 977	278 563		1 524 540
15.10.2039		35 250 000	990 000	250 539	272 646		1 513 185
15.04.2040		34 260 000	990 000	243 695	265 198		1 498 893
15.10.2040		33 270 000	990 000	236 851	257 749		1 484 600
15.04.2041		32 280 000	990 000	228 750	248 934		1 467 683
15.10.2041		31 290 000	990 000	223 162	242 853		1 456 016
15.04.2042		30 300 000	990 000	215 136	234 119		1 439 255
15.10.2042		29 310 000	990 000	209 474	227 957		1 427 431
15.04.2043		28 320 000	990 000	201 523	219 304		1 410 826
15.10.2043		27 330 000	990 000	195 786	213 061		1 398 846
15.04.2044		26 340 000	990 000	188 941	205 613		1 384 554
15.10.2044		25 350 000	990 000	182 097	198 165		1 370 262
15.04.2045		24 360 000	990 000	174 295	189 674		1 353 970
15.10.2045		23 370 000	990 000	168 409	183 268		1 341 677
15.04.2046		22 380 000	990 000	160 682	174 860		1 325 541
15.10.2046		21 390 000	990 000	154 720	168 372		1 313 093
15.04.2047		20 400 000	990 000	147 068	160 045		1 297 113
15.10.2047		18 360 000	2 040 000	141 032	153 476		2 334 508
15.04.2048		16 320 000	2 040 000	126 929	138 128		2 305 057
15.10.2048		14 280 000	2 040 000	112 826	122 781		2 275 606
15.04.2049		12 240 000	2 040 000	98 183	106 846		2 245 029
15.10.2049		10 200 000	2 040 000	84 619	92 086		2 216 705
15.04.2050		8 160 000	2 040 000	70 131	76 319		2 186 449
15.10.2050		6 120 000	2 040 000	56 413	61 390		2 157 803
15.04.2051		4 080 000	2 040 000	42 078	45 791		2 127 870
15.10.2051		2 040 000	2 040 000	28 206	30 695		2 098 902
15.04.2052		0	2 040 000	14 103	15 348		2 069 451
			60 000 000	14 281 332	15 541 449	685 083	90 507 864

* 2021 йил 1 октябрь ҳолатига фоиз тўлови учун тўғрилаш ставкаси йиллик 0,11 фоизни ташкил этади.

** 2021 йил 1 октябрь ҳолатига хизмат кўрсатганлик учун тўғрилаш ставкаси йиллик 0,73 фоизни ташкил этади.

*** Мажбуриятлар учун воситачилик ҳақи қарз битими имзолангандан сўнг 60 кундан кейин ҳисобланади.

**** Тўлов суммалари қарзларнинг амалда ўзлаштирилишидан келиб чиқиб аниқланади.

Ўзбекистон Республикаси Президентининг 2022 йил 24 мартдаги ПҚ-178-сон қарорига
3-ИЛОВА

Солиқ маъмуриятчилигини ислоҳ қилиш, соҳага ахборот технологияларини жорий этиш ва солиқ органлари ходимларининг малакасини ошириш бўйича

«ЙЎЛ ХАРИТАСИ»

Олдинги таҳрирга қаранг.

Т/р	Чора-тадбирлар номланиши	Амалга ошириш механизми	Муддати	Масъул ижрочилар
I. Жаҳон банки иштирокидаги «Солиқ маъмуриятчилигини ислоҳ қилиш» лойиҳасини амалга ошириш
1.	«Солиқ маъмуриятчилигини ислоҳ қилиш» лойиҳасини (кейинги ўринларда — Лойиҳа) молиялаштириш юзасидан молиявий битим имзоланишини ва юридик хулоса олинишини таъминлаш.	Жаҳон банки билан лойиҳани молиялаштириш юзасидан битим имзолаш. Имзоланган қарз битимига Адлия вазирлигининг юридик хулосасини олиш ва Жаҳон банкига тақдим этиш.	2022 йил апрель	Молия вазирлиги (Т. Ишметов), Адлия вазирлиги (Р. Давлетов), Давлат солиқ қўмитаси (Ш. Кудбиев)
2.	Лойиҳа ижросини таъминлаш бўйича ташкилий чора-тадбирларни амалга ошириш.	1. Лойиҳа доирасида ажратилган қарздан фойдаланиш тартибини ишлаб чиқиш, Жаҳон банки билан келишиш ва тасдиқлаш.	2022 йил май	Давлат солиқ қўмитаси (Ш. Кудбиев)
2.		2. Лойиҳа доирасида харид қилинадиган техника ҳамда асбоб-ускуналарни ўрнатиш учун махсус хоналарни тайёрлаш.	2023 йил декабрь	Давлат солиқ қўмитаси (Ш. Кудбиев)
3.	1-компонент: Солиқ маъмуриятчилигининг асосий бизнес жараёнларини автоматлаштириш.	1. Лойиҳани амалга ошириш учун олинадиган техника ва дастурлар, ахборот тизимларининг рўйхатини тузиш ва Жаҳон банки билан келишиш.	2022 йил август	Давлат солиқ қўмитаси (Ш. Кудбиев)
		2. Ахборот технологияларини бошқаришнинг стратегик ва технологик режасини ишлаб чиқиш.	2022 йил ноябрь
		3. Маълумотларни қайта ишлаш марказлари учун хавфсизлик стратегиясини, технологиясини ва усулларини белгилаш.	2022 йил декабрь
		4. Лойиҳани амалга ошириш учун олинадиган техника ва дастурларни харид қилиш учун:	2022 йил декабрь
		тендер ҳужжатларини ишлаб чиқиш; тендер ўтказиш ва ғолиб билан шартномалар тузиш.	2023 йил давомида
4.	2-компонент: Яширин иқтисодиёт ҳажмини камайтириш учун солиқ тўсиқларини бартараф этиш.	1. Яширин иқтисодиётга қарши курашишга аҳоли ва тадбиркорларни кенг жалб қилиш мақсадида Маслаҳат кенгашини ташкил этиш.	2022 йил июнь	Давлат солиқ қўмитаси (Ш. Кудбиев), Молия вазирлиги (Т. Ишметов), Иқтисодий жиноятларга қарши курашиш департаменти (Д. Рахимов), Иқтисодий тараққиёт ва камбағалликни қисқартириш вазирлиги (И. Норқулов), Коррупцияга қарши курашиш агентлиги (А. Бурханов), Давлат статистика қўмитаси (Б. Бегалов)
		2. Солиқ солиш соҳасидаги бизнес жараёнларни халқаро стандартларга мувофиқлаштириш, солиқ солиш тизимини соддалаштириш бўйича таклифларни Ўзбекистон Республикаси Президентининг 2020 йил 30 октябрдаги ПФ-6098-сон Фармони билан ташкил этилган Яширин иқтисодиётни қисқартириш бўйича махсус комиссия муҳокамасига киритиб бориш.	Ҳар чоракда
		3. Инсофли солиқ тўловчиларни қўшимча рағбатлантириш чораларини ишлаб чиқиш.	Лойиҳани амалга ошириш даврида
5.	3-компонент: Кадрлар ва институционал салоҳиятни мустаҳкамлаш.	1. Кадрларни бошқариш бўйича дастурий таъминот яратиш.	2022 йил сентябрь	Давлат солиқ қўмитаси (Ш. Кудбиев)
		2. Дастурий таъминот ёрдамида ходимларнинг билим ва кўникмаларини таҳлил қилиб камчиликларни бартараф этиш бўйича дастур ишлаб чиқиш.	2022 йил ноябрь
		3. Ходимларнинг малакасини оширишга қаратилган ўрта муддатли комплекс ўқув режасини ишлаб чиқиш.	2022 йил декабрь
		4. Солиқ органларига хос бўлмаган, такрорловчи вазифа ва функцияларни аниқлаш ҳамда мақбуллаштириш бўйича таклифлар ишлаб чиқиш.	2023 йил январь
		5. Ривожланган хорижий давлатлар билан тажриба алмашиш ва ўрганиш мақсадида халқаро алмашинув ва малака ошириш дастурини ишлаб чиқиш ва амалга ошириш.	2023 йил март
6.	4-компонент: Лойиҳа бошқарувини қўллаб-қувватлаш.	1. Лойиҳани амалга ошириш гуруҳини ташкил этиш, лойиҳа доирасидаги харажатлар сметасини ва лойиҳани амалга ошириш гуруҳининг штат жадвалини тасдиқлаш.	2022 йил май	Давлат солиқ қўмитаси (Ш. Кудбиев), Молия вазирлиги (Т. Ишметов)
		2. Лойиҳани амалга ошириш гуруҳининг Ўзбекистон Республикаси тижорат банкида ҳамда Жаҳон банки тизимида алоҳида банк ҳисоб рақамларини очиш.	2022 йил май
		3. Лойиҳани амалга ошириш гуруҳининг харажатлар сметасини ҳар йили Молия вазирлиги билан келишиш.	Ҳар йили январь ойида
		4. Лойиҳани амалга ошириш доирасида, заруратга қараб, хорижий малакали консультантларни жалб этиш.	Лойиҳани амалга ошириш даврида
		5. Ҳар йил якуни билан лойиҳа молиявий ҳисоботини ташқи мустақил аудитдан ўтказиш.	Ҳар йили 15 июнга қадар
7.	Жаҳон банки томонидан ажратилган қарзни қайтариш ва қарз бўйича фоизларни тўлаш.	Ўзбекистон Республикаси республика бюджети маблағлари ҳисобидан ажратиладиган қарзни қайтариш, шунингдек, қарз бўйича фоиз, хизмат кўрсатиш ва мажбуриятлар учун воситачилик ҳақи бўйича харажатларни тўлаб бериш.	Қарзни қайтариш даврида	Молия вазирлиги (Т. Ишметов), Давлат солиқ қўмитаси (Ш. Кудбиев)
8.	Жаҳон банки кредитининг ўз вақтида ўзлаштирилишини ва ундан мақсадли фойдаланилишини таъминлаш.	Кредит линиясини бошқариш, Жаҳон банки кредитининг ўз вақтида ўзлаштирилиши ва ундан мақсадли фойдаланилишини таъминлаш, шунингдек, сублойиҳаларни амалга ошириш бўйича ҳисобот ва мониторинг юритиш.	Доимий равишда	Давлат солиқ қўмитаси (Ш. Кудбиев)
8.		Лойиҳаларнинг ўз вақтида ва самарали амалга оширилиши устидан мониторинг натижалари юзасидан Инвестициялар ва ташқи савдо вазирлигига ҳисобот киритиб бориш ҳамда расмий веб-сайтда мунтазам эълон қилиб бориш.	Ҳар чоракда	Давлат солиқ қўмитаси (Ш. Кудбиев)
II. Солиқ маъмуриятчилигига ахборот технологияларини жорий этиш даражасини ошириш
9.	Қўшилган қиймат солиғини ундиришда йўқотишларни бартараф этиш.	Қўшилган қиймат солиғини ундириш жараёнларини тўлиқ автоматлаштириш орқали ушбу солиқнинг ундирув даражасини босқичма-босқич 75 фоизгача етказиш. Бунда:	Лойиҳани амалга ошириш даврида	Давлат солиқ қўмитаси (Ш. Кудбиев), Молия вазирлиги (Т. Ишметов)
		1. Қўшилган қиймат солиғи занжирини дастурий маҳсулот ёрдамида таҳлил қилган ҳолда асоссиз ҳисобга олинган ёки қоплаб бериш сўралган солиқ суммаларини аниқлаш ва уларнинг ундирилишини таъминлаш.	Доимий равишда
		2. Самарасиз солиқ имтиёзларини бекор қилиш бўйича таклифлар ишлаб чиқиш.	2022 йил март
		3. Электрон ҳисобварақ-фактуралар айланмасида маҳсулотларнинг идентификация кодлари тўлиқ ва тўғри кўрсатилишини таъминлаш орқали солиқ базасини кенгайтириш.	Доимий равишда
		4. Айрим товарларни маркировкалаш тизимини кенгайтириш йўли билан товарларнинг якуний истеъмолчигача бўлган ҳаракатланиш занжирини тўлиқ назоратга олиш.	2022 йил май
10.	Солиқларни ҳисоблаш ва тўлашни автоматлаштириш даражасини 90 фоизга етказиш.	1. «Солиқчи-кўмакчи» тамойили асосида юридик шахслардан олинадиган ер солиғи, юридик шахсларнинг мол-мулкига солинадиган солиқ ҳамда сув ресурсларидан фойдаланганлик учун солиқлар бўйича тадбиркорлар томонидан тақдим этиладиган ҳисоботларни солиқ органларида жорий этилган ахборот тизимлари орқали шакллантириб бериш имкониятини яратиш.	2022 йил декабрь	Давлат солиқ қўмитаси (Ш. Кудбиев), Молия вазирлиги (Т. Ишметов), Ахборот технологиялари ва коммуникацияларини ривожлантириш вазирлиги (Ш. Шерматов)
10.		2. Солиқ органлари томонидан солиқ ҳисоботи шакллантириладиган солиқлар рўйхатини кенгайтириш бўйича таклифлар ишлаб чиқиш.	2023 йил март
11.	Солиқ органлари томонидан кўрсатилаётган электрон хизматлар сонини ошириш орқали тадбиркорлик субъектларини электрон хизматлар билан тўлиқ қамраб олиш.	1. Солиқ кодекси ҳамда солиқ солиш соҳасидаги қонунчилик ҳужжатларини ўрганган ҳолда солиқ тўловчилар ва солиқ органлари ўртасида юзага келадиган алоқаларни аниқлаб, уларни тўлиқ электронлаштириш бўйича қўшимча жорий этиладиган электрон хизматлар рўйхатини шакллантириш.	2022 йил июль	Давлат солиқ қўмитаси (Ш. Кудбиев), Молия вазирлиги (Т. Ишметов), Ахборот технологиялари ва коммуникацияларини ривожлантириш вазирлиги (Ш. Шерматов)
		2. Жорий этиладиган электрон хизматлар бўйича дастурий маҳсулотлар ишлаб чиқиш.	2022 йил ноябрь
		3. Янги электрон хизматлар бўйича ишлаб чиқилган дастурий маҳсулотларни синовдан ўтказиш ва амалиётга жорий этиш.	2023 йил январь
12.	Солиқ ва молия органларининг тадбиркорлик субъектлари йириклашишини рағбатлантиришда фаол кўмаклашишини таъминлаш.	1. Солиқ ва молия органларининг тадбиркорлик субъектлари йириклашишини рағбатлантиришда фаол кўмаклашишига қаратилган норматив-ҳуқуқий ҳужжат лойиҳасини ишлаб чиқиш ва Вазирлар Маҳкамасига киритиш. Бунда: солиқ ва молия идоралари томонидан ҳудудларда корхоналарни йириклаштиришга кўмаклашиш жараёнларини жадаллаштириш ва тадбиркорлик субъектларига кўмак бериш тизимини яратиш; маҳсулотлар таннархини камайтириш, жумладан асоссиз ишлатилаётган энергия ресурсларини қисқартириш, самарасиз фойдаланилаётган ер ва мол-мулкларни аниқлаш; солиқ ва молия идоралари ходимлари иштирокида ҳудудлардаги корхоналар учун қўшимча даромад топиш имкониятларни кўрсатиб беришга қаратилган микротрансформацияга кўмаклашиш дастури ва таҳлил қилиш услубиётларини ишлаб чиқиш; жаҳон бозоридаги кескин тебранишлар натижасида корхоналарда юзага келиши мумкин бўлган хавфларнинг олдини олиш (корхоналар иқтисодий ҳолатини баҳолаш); замонавий кадрларни тайёрлашда солиқ маъмуриятчилиги бўйича хорижий давлатларнинг ижобий тажрибаларини ўрганиш ва тажриба алмашиш тизимини кенгайтириш назарда тутилади.	2022 йил апрель	Давлат солиқ қўмитаси (Ш. Кудбиев), Молия вазирлиги (Т. Ишметов), Иқтисодий тараққиёт ва камбағалликни қисқартириш вазирлиги (И. Норқулов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
14.	Солиқ тизимидаги маълумотлар асосида макроиқтисодий ўзгаришлар, яширин иқтисодиёт, инфляция ва бошқа йўналишлардаги тадқиқотларни амалга ошириш тизимини такомиллаштириш.	1. Иқтисодий тадқиқотлар ва ислоҳотлар маркази, Прогнозлаштириш ва макроиқтисодий тадқиқотлар институти ва Давлат солиқ қўмитаси марказ ва институтга макроиқтисодий ўзгаришлар, яширин иқтисодиёт, инфляция ва бошқа йўналишлардаги тадқиқотларни амалга ошириши учун солиқ тизимидаги маълумотлар бўйича ўзаро ахборот алмашинуви тизимини жорий этиш.	2022 йил апрель	Иқтисодий тадқиқотлар ва ислоҳотлар маркази (О. Хакимов), Прогнозлаштириш ва макроиқтисодий тадқиқотлар институти (У. Абидхаджаев), Давлат солиқ қўмитаси (Ш. Кудбиев)
14.		2. Солиқ соҳасидаги муаммоларни мониторинг қилиш ва халқаро тажриба асосида солиқ маъмурчилиги методологиясини такомиллаштириб бориш бўйича Давлат солиқ қўмитаси ҳузурида Илмий-таҳлилий марказ ташкил этиш.	2022 йил июль
15.	Солиқ тизимини коррупциядан ҳоли тизимга айлантириш дастурини тасдиқлаш.	Солиқ тизимини коррупциядан ҳоли тизимга айлантириш дастурини тасдиқлаш бўйича норматив-ҳуқуқий ҳужжат лойиҳасини Вазирлар Маҳкамасига киритиш. Бунда: солиқ органлари ходимлари учун асосий самарадорлик кўрсаткичларини жорий этиш; солиқ органларида комплаенс назорат тизимини такомиллаштириш ва ходимлар учун машғулотлар ташкил этиш; соҳадаги коррупцияга мойиллик билан боғлиқ муаммоларни ўрганиш ва уларни бартараф этиш, очиқликни таъминлаш бўйича амалга оширилаётган ишлар самарадорлигини баҳолаш юзасидан «Ўзини ўзи баҳолаш» тизимини жорий этиш бўйича таклифлар ишлаб чиқиш; коррупцияга қарши курашиш ишларининг самарадорлигини рейтинг баҳолашдан ўтказиш ҳамда баҳолаш натижалари асосида солиқ органларида коррупциянинг олдини олиш ва камчиликларни бартараф этиш, ушбу йўналишдаги фаолиятини яхшилашга қаратилган чора-тадбирлар дастурини ишлаб чиқиш; 2022 йил 1 июлдан бошлаб солиқ органлари ходимларининг даромадлари, активлари ва мажбуриятларини декларациялаш амалиётини жорий этиш; очиқлик ва шаффофликни ошириш, ходимларда жамоатчилик олдида ҳисобдорлик маданиятини янада юксалтириш тартиб-таомилларини назарда тутиш.	2022 йил апрель	Коррупцияга қарши курашиш агентлиги (А. Бурханов), Давлат солиқ қўмитаси (Ш. Кудбиев), Адлия вазирлиги (Р. Давлетов), Бош прокуратура (Н. Йўлдошев)
16.	Эркин бозор муносабатларининг жорий этилганлиги ҳамда тенг рақобат шароитини яратишни давом эттириш мақсадида ундирув қаратилмайдиган банк ҳисобварақлар рўйхатини қисқартириш.	Ундирув қаратилмайдиган банк ҳисобварақларнинг қисқартирилган рўйхатини тасдиқлашни назарда тутувчи қарор лойиҳасини Вазирлар Маҳкамасига киритиш.	2022 йил апрель	Молия вазирлиги (Т. Ишметов), Марказий банк (М. Нурмуратов), Давлат солиқ қўмитаси (Ш. Кудбиев), Иқтисодий тараққиёт ва камбағалликни қисқартириш вазирлиги (И. Норқулов)
III. Солиқ органлари ходимларининг малакасини ошириш
17.	Солиқ органлари фаолиятида жорий этилаётган янги ахборот-коммуникация технологиялари ва дастурий маҳсулотлар имкониятларини солиқ органларининг барча ходимларига ўргатиш ва уларнинг малакасини мунтазам равишда ошириб бориш.	Солиқ органлари ходимларининг IT-соҳасида билим даражасини янги босқичга кўтариш ҳамда уларнинг малакасини ошириш, шунингдек, уларга янгидан жорий этилган ахборот-коммуникация технологиялари ва дастурий маҳсулотлар имкониятларини ҳар томонлама ўргатиш. Бунда, солиқ органлари ходимларини ўқитишда «tax gap», «Текширувдан олдин назорат (автокамерал)», «E-имтиёз», «E-ижара» ва бошқа дастурий маҳсулотлар имкониятларига алоҳида эътибор қаратиш.	Графикка асосан	Давлат солиқ қўмитаси (Ш. Кудбиев), Молия вазирлиги (Т. Ишметов)
18.	Қўшилган қиймат солиғи занжиридаги узилишларни бартараф этиш ҳисобига тушумларни ошириш имкониятларини қуйи солиқ органлари ходимлари ва тадбиркорлик субъектларига тушунтириш.	Молия вазирлиги ва Давлат солиқ қўмитаси мутахассислари иштирокида махсус гуруҳлар тузиш ва уларни ҳудудларга чиқиш графигини тасдиқлаш. Бунда: 1. Махсус гуруҳлар томонидан ҳар бир ҳудуд бўйича қўшилган қиймат солиғи занжиридаги узилишлар кўрсаткичи юқори бўлган солиқ тўловчиларнинг соҳалар кесимида сегментланган рўйхатини шакллантириш. 2. Занжир иштирокчилари томонидан асоссиз чегирилган ва бюджетга тўланмаган суммаларни бюджетга тўлаш зарурлигини тадбиркорлик субъектларига тушунтириб бериш. 3. Контрагентларни танлашда яратилган техник имкониятлардан кенг фойдаланиш ва тадбиркорлик субъектларига хатоликларини тўғрилаш имкониятини бериш каби йўналишларда тушунтиришлар олиб бориш.	2022 йил апрель	Молия вазирлиги (Т. Ишметов), Давлат солиқ қўмитаси (Ш. Кудбиев), Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил (Д. Қосимов)

(3-илова Ўзбекистон Республикаси Президентининг 2022 йил 30 декабрдаги ПҚ-471-сонли қарори таҳририда — Қонунчилик маълумотлари миллий базаси, 01.01.2023 й., 07/23/471/0001-сон — 2023 йил 1 январдан кучга киради)

Ўзбекистон Республикаси Президентининг 2022 йил 24 мартдаги ПҚ-178-сон қарорига
4-ИЛОВА

Янги ахборот технологиялари ва дастурий маҳсулотлар имкониятларини барча даражадаги солиқ органлари ходимларига ўргатиш бўйича ўқув машғулотларини ўтказиш

ГРАФИГИ

Т/р	Масъуллар*	Ўқув машғулотларини ўтказиш жойи	Ўқув машғулотларини ўтказиш муддати
I. Ўқув машғулотларини ўтказишга жалб қилинадиган малакали мутахассисларни тайёрлаш
1.	Ш. Кудбиев Ш. Шерматов	Давлат солиқ қўмитаси (ҳудудлардан жами 60 нафар ходимлар жалб қилиниб, 2 та гуруҳга бўлинган ҳолда ўқитилади)	2022 йил 4 — 8 апрель
1.	Ш. Кудбиев Ш. Шерматов		2022 йил 11 — 15 апрель
II. Ҳудудий солиқ органлари ходимларини ўқитишни ташкил этиш
2.	1-гуруҳ М. Мирзаев О. Пекось	Йирик солиқ тўловчилар бўйича давлат солиқ инспекцияси	2022 йил 18 — 20 апрель
3.		Қорақалпоғистон Республикаси	2022 йил 21 — 23 апрель
4.		Хоразм вилояти	2022 йил 25 — 27 апрель
5.		Навоий вилояти	2022 йил 28 — 30 апрель
6.		Бухоро вилояти	2022 йил 2-3 май
7.	2-гуруҳ С. Эшматов Ж. Эгамбердиев	Андижон вилояти	2022 йил 18 — 20 апрель
8.		Фарғона вилояти	2022 йил 21 — 23 апрель
9.		Наманган вилояти	2022 йил 25 — 27 апрель
10.	3-гуруҳ Ж. Абдиев Ж. Махсудов	Сирдарё вилояти	2022 йил 18 — 20 апрель
11.		Жиззах вилояти	2022 йил 21 — 23 апрель
12.		Самарқанд вилояти	2022 йил 25 — 27 апрель
13.		Қашқадарё вилояти	2022 йил 28 — 30 апрель
14.		Сурхондарё вилояти	2022 йил 2-3 май
15.	4-гуруҳ А. Файзибаев Ж. Эгамбердиев	Тошкент вилояти	2022 йил 28 — 30 апрель
16.		Тошкент шаҳри	2022 йил 2-3 май
17.		Фискал институти	2022 йил 10 — 12 май

Изоҳ: Ўқув машғулотларини ўтказиш учун Давлат солиқ қўмитаси ҳамда Ахборот технологиялари ва коммуникацияларини ривожлантириш вазирлиги масъул ҳисобланади.

(Қонунчилик маълумотлари миллий базаси, 25.03.2022 й., 07/22/178/0236-сон; 01.01.2023 й., 07/23/471/0001-сон)