Ўзбекистон Республикаси Вазирлар Маҳкамасининг
қарори
Ўзбекистон Республикасида сувда дам олиш ва пляж туризмини ривожлантириш чора-тадбирлари тўғрисида
Жиззах ва Навоий вилоятларининг туризм салоҳиятини янада ривожлантириш, шу жумладан сувда дам олиш ва пляж туризмини ташкил этиш, меҳмонхона мажмуалари, маданий-соғломлаштириш, савдо-кўнгилочар ва бошқа инфратузилма объектларини барпо этиш, шунингдек, маҳаллий ва хорижий сайёҳлар оқимини ошириш мақсадида Вазирлар Маҳкамаси қарор қилади:
Олдинги таҳрирга қаранг.
1. Ўзбекистон Республикаси Туризм ва маданий мерос вазирлиги, Давлат солиқ қўмитаси, Экология ва атроф-муҳитни муҳофаза қилиш давлат қўмитаси, Жиззах ва Навоий вилоятлари ҳокимлигининг Айдар-Арнасой кўллар тизими ҳамда Тўдакўл кўлида рекреацион кўллар ҳудудини ташкил этиш таклифига розилик берилсин.
(1-банд Ўзбекистон Республикаси Вазирлар Маҳкамасининг 2022 йил 20 майдаги 278-сонли қарори таҳририда — Қонунчилик маълумотлари миллий базаси, 21.05.2022 й., 09/22/278/0439-сон)
2. Қуйидагилар:
Айдар-Арнасой кўллар тизими ва Тўдакўл кўли рекреацион кўллар ҳудудида (кейинги ўринларда — рекреацион кўллар ҳудуди) 2021 — 2025 йилларда туризмни ривожлантириш концепцияси 1-иловага мувофиқ;
Айдар-Арнасой кўллар тизими ва Тўдакўл кўли рекреацион кўллар ҳудудида туризм хизматларини ривожлантириш дастури 2-иловага мувофиқ тасдиқлансин.
Олдинги таҳрирга қаранг.
3. Ўзбекистон Республикаси Туризм ва маданий мерос вазирлиги, Жиззах ва Навоий вилоятлари ҳокимликлари:
(3-банднинг биринчи хатбошиси Ўзбекистон Республикаси Вазирлар Маҳкамасининг 2022 йил 20 майдаги 278-сонли қарори таҳририда — Қонунчилик маълумотлари миллий базаси, 21.05.2022 й., 09/22/278/0439-сон)
уч ой муддатда рекреацион кўллар ҳудудининг чегараларини белгиласин ва тасдиқлаш учун Вазирлар Маҳкамасига тақдим этсин;
2021 йил 1 декабрга қадар лойиҳа институтларини жалб этган ҳолда рекреацион кўллар ҳудудининг батафсил режалаштириш лойиҳасини ишлаб чиқсин ва Вазирлар Маҳкамаси билан келишган ҳолда белгиланган тартибда тасдиқласин;
Инвестициялар ва ташқи савдо вазирлиги, Молия вазирлиги, Иқтисодий тараққиёт ва камбағалликни қисқартириш вазирлиги билан биргаликда батафсил режалаштириш лойиҳаси ишлаб чиқилгандан сўнг икки ой муддатда рекреацион кўллар ҳудуди ва уларнинг атрофида йўл-транспорт ҳамда муҳандислик-коммуникация инфратузилмасини ривожлантириш манзилли дастурини ишлаб чиқсин ва 2022 — 2024 йилларда инвестиция дастурига босқичма-босқич киритилишини таъминласин.
4. Белгилансинки:
Олдинги таҳрирга қаранг.
рекреацион кўллар ҳудудига кирувчи ер участкаларини тадбиркорларга бериш, уларда қурилиш ва барпо этиш лойиҳаларини амалга ошириш Туризм ва маданий мерос вазирлиги билан мажбурий тартибда келишилади;
(4-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 20 майдаги 278-сонли қарори таҳририда — Қонунчилик маълумотлари миллий базаси, 21.05.2022 й., 09/22/278/0439-сон)
рекреацион кўллар ҳудудига кириш нуқтасида тегишлигича Навоий ва Жиззах вилоятлари маҳаллий бюджет маблағлари ҳисобидан ахборот маркази ва замонавий автотураргоҳ ташкил этилади.
5. Қуйидагилар рекреацион кўллар ҳудудида устувор равишда амалга ошириладиган йўналишлар этиб белгилансин:
замонавий туризм инфратузилмаси объектларини (пляж ва сувда дам олиш туризми, кўллар қирғоғи бўйлаб сайр қилиш йўлаклари, меҳмонхона мажмуалари, соғломлаштириш, савдо-кўнгилочар ва туристик аҳамиятдаги бошқа объектлар) барпо этиш ҳамда туристларга хизмат кўрсатиш учун зарур шарт-шароитларни яратиш;
ҳудуднинг экологик муҳити имкониятларини ҳисобга олган ҳолда, туризмнинг алоҳида турлари, шу жумладан замонавий пляж, фаол ва сафари туризм ҳамда сув спорти турларини ташкил этиш;
ҳудудда ноёб табиий объектлар ва мажмуаларни, ўсимликлар ва ҳайвонларнинг генетик фондини сақлаш, шунингдек, фаолиятнинг атроф-муҳитга салбий таъсирини олдини олиш ва минималлаштириш бўйича чора-тадбирларни амалга ошириш;
ҳудуднинг транспорт логистикасини ривожлантириш, ҳудудда транспорт ҳаракатининг янги (автобус, микроавтобус, фуникулёр ва бошқалар) йўналишлари ҳамда йўловчи транспортининг ҳаракатини ташкил этиш;
туристлар хавфсизлигини ҳудудни видеокузатув тизимлар билан жиҳозлаш, огоҳлантириш тизимларини ташкил этиш ва фавқулодда ҳолатларда тез ёрдам бериш тизимини жорий этиш;
ҳудудда энергиянинг муқобил ва қайта тикланувчи манбаларини қўллаган ҳолда янги замонавий энергия тежовчи тизимлар ва технологияларни жорий қилиш.
6. Жиззах ва Навоий вилоятлари ҳокимликлари:
Ўзбекистон Республикаси Экология ва атроф-муҳитни муҳофаза қилиш давлат қўмитаси билан биргаликда рекреацион кўллар ҳудудида ҳосил бўладиган маиший чиқиндиларни олиб чиқиш билан боғлиқ ишларни тизимли равишда ташкил этсин;
бир ой муддатда рекреацион кўллар ҳудудида ноқонуний барпо этилган бино ва иншоотларни ҳамда ноқонуний фаолият кўрсатиб келаётган субъектларни аниқлаш ва қонун ҳужжатларида белгиланган тартибда тегишли чораларни кўрсин.
7. Ўзбекистон Республикаси Фавқулодда вазиятлар вазирлиги, Жиззах ва Навоий вилоятлари ҳокимликлари ташриф буюрувчиларнинг хавфсизлигини таъминлаш мақсадида рекреацион кўллар ҳудудида қутқарув бригадасини ва унинг фаолиятини ташкил этсин.
8. Ўзбекистон Республикаси Уй-жой коммунал хизмат кўрсатиш вазирлиги «Ўзсувтаъминот» АЖ билан биргаликда уч ой муддатда рекреацион кўллар ҳудудида ҳосил бўладиган маиший оқоваларни олиб чиқиш ва зарарсизлантириш учун унга энг яқин бўлган маиший оқоваларни тозалаш иншоотларига олиб бориш ёки оқова сув тозалаш иншоотларини қуриш юзасидан Вазирлар Маҳкамасига таклиф киритсин.
9. Ўзбекистон Республикаси Ахборот технологиялари ва коммуникацияларини ривожлантириш вазирлиги Ички ишлар вазирлиги ҳамда бошқа манфаатдор вазирлик ва идоралар билан биргаликда уч ой муддатда рекреацион кўллар ҳудудида интеллектуал транспорт, геомаълумот тизими ва бошқа шу кабиларни назарда тутувчи хавфсиз туризмни таъминлаш концепциясини жорий этиш бўйича таклифлар киритсин.
Олдинги таҳрирга қаранг.
10. Ўзбекистон Республикаси Туризм ва маданий мерос вазирлиги манфаатдор вазирлик ва идоралар билан биргалик пляжлар ҳудудида ҳаво шарларида экскурсияларни ташкил қилиш, жойлаштириш воситаси сифатида тунаб қолиш учун жиҳозланган ер усти транспорти («караванинг») хизматлари, «Балиқчилик» мактаби ҳамда «Зорбинг-марказ» аттракционини ташкил қилиш бўйича лойиҳа таклифини ишлаб чиқсин ва Вазирлар Маҳкамасига тақдим этсин.
(10-банд Ўзбекистон Республикаси Вазирлар Маҳкамасининг 2022 йил 20 майдаги 278-сонли қарори таҳририда — Қонунчилик маълумотлари миллий базаси, 21.05.2022 й., 09/22/278/0439-сон)
11. Ўзбекистон Республикаси Жиззах ва Навоий вилоятлари ҳокимликлари ҳамда мутасадди вазирликлар ва идоралар билан биргаликда:
қарор билан белгиланган вазифалар ижросининг доимий назоратини ташкил этиш, ижроси юзасидан мавжуд муаммоларни аниқлаш ва уларни бартараф этиш юзасидан таклифлар ишлаб чиқиш;
ҳар чорак якуни билан кейинги ойнинг 5 санасига қадар белгиланган вазифаларнинг ижроси юзасидан Вазирлар Маҳкамасига ахборот тақдим этиб бориш чораларини кўрсин.
12. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Туризм ва спорт вазири А. Абдухакимов, Навоий вилояти ҳокими Қ. Турсунов ва Жиззах вилояти ҳокими Э. Салиев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2021 йил 14 июнь,
368-сон

Вазирлар Маҳкамасининг 2021 йил 14 июндаги 368-сон қарорига

1-ИЛОВА

Айдар-Арнасой кўллар тизими ва Тўдакўл кўли рекреацион кўллар ҳудудида 2021 — 2025 йилларда туризмни ривожлантириш

КОНЦЕПЦИЯСИ
Айдар-Арнасой кўллар тизими ҳамда Тўдакўл кўлида (кейинги ўринларда — рекреацион кўллар ҳудуди) туризмни ривожлантириш концепцияси мақсади Жиззах ва Навоий вилоятларининг туристик салоҳиятини ривожлантириш, ҳудудлар иқтисодиётида туризмнинг ўрни ва ҳиссасини ошириш, туристик хизматларни диверсификация қилиш ва сифатини яхшилаш, туризм инфратузилмаси ва транспорт логистикасини такомиллаштириш, муҳандислик-коммуникация тармоқларини яхшилаш, шунингдек, янги туристик йўналишларни шакллантириш, аҳолининг дам олиши учун шарт-шароитларни яратиш, туризм хизматлари кўрсатиш соҳасида янги иш ўринларини яратиш орқали аҳоли бандлигини таъминлаш ҳисобланади.
Айни пайтда Арнасой, Зафаробод ва Фориш туманлари ҳудудида 45 та замонавий меҳмонхона ҳамда 150 та меҳмон уйларини ташкил этиш режалаштирилган. Сайёҳларнинг ҳудудда узоқроқ муддат қолишини таъминлаш мақсадида миллий урф-одат ва анъаналар, тўй-маросимлар, кўнгилочар тадбирлар намойиш этиш, табиатга, шунингдек, маданий-тарихий масканларга саёҳатлар уюштириш режалаштирилган.
Шу билан бирга, ҳудуднинг туризм салоҳияти ва бой табиий ресурсларини инобатга олган ҳолда, жойлаштириш воситалари, санаторийлар ва дам олиш масканлари етарли даражада ривожланмаганлиги, туристларга кўрсатиладиган хизматлар сифатининг пастлиги ва сонининг чегараланганлиги сабабли юқоридаги кўрсаткичлар қониқарсиз ҳисобланади.
Концепция рекреацион кўллар ҳудудини ривожлантиришнинг устувор йўналишлари, вазифалари, ўрта ва узоқ муддатли истиқболдаги ривожланиш босқичларини белгилаб беради ҳамда қуйидаги устувор йўналишларни амалга оширишни назарда тутади:
I-боб. Рекреацион кўллар ҳудудини ташкил этиш ва ривожлантиришнинг асосий чора-тадбирларини амалга ошириш механизмлари
1. Туристларга хизмат кўрсатиш учун зарур шарт-шароитларга эга замонавий туризм инфратузилмаси объектлари, шунингдек, махсус, функционал ва мавсумий дам олиш мажмуасини яратиш
1.1. Рекреацион кўллар ҳудудида замонавий меҳмонхоналар, жумладан апарт-меҳмонхоналар, апарт-уйлар, бутик-меҳмонхоналар ва бошқаларни ўз ичига олган жойлаштириш воситалари мажмуасини яратиш.
1.2. Пляж ва спорт туризмини ривожлантириш, тиббий, шунингдек, экстремал (парапланлар ва дельтапланлар) туризм билан боғлиқ хизматлар кўрсатиш учун етарли туризм инфратузилма объектларини яратиш, замонавий дор йўлларини қуриш.
1.3. Сувда дам олиш хизматлари (сув чанғиси, акваскипер, FlyBoard ва бошқа) ҳамда маданий-кўнгилочар марказлар (кинотеатрлар, караоке-барлар, боулинг, кўнгилочар марказлар ва бошқалар) фаолиятини ташкил этиш.
1.4. Рекреацион кўллар ҳудудида замонавий савдо ва хизмат кўрсатиш объектларини ташкил қилиш.
1.5. Рекреацион кўллар ҳудудида Wi-Fi зоналарини кенгайтириш ва барқарор фаолият кўрсатувчи стационар ва уяли алоқа фаолиятини таъминлаш, туристик инфратузилма объектларида, шу жумладан меҳмонхоналар, мотель, кемпинглар ва дам олиш, шунингдек, умумий овқатланиш ва бошқа жойларда банк карталаридан тўловларни қабул қилиш учун тадбиркорлик субъектларини тўлов терминаллари билан тўлиқ таъминлаш ҳамда заруриятга кўра банк хизматларига бўлган талабдан келиб чиққан ҳолда банкоматларни ўрнатиш.
1.6. Рекреацион кўллар ҳудудида тадбиркорлик ва ишбилармонлик тадбирларини (MICE tourism) ўтказишга мўлжалланган конгресс–холл, рекреация ва дам олиш масканлари, инвесторларни жалб қилишга қаратилган «Investor show room», шунингдек, туристларга хизмат кўрсатишга мўлжалланган ахборот марказларини («Visitor center») ташкил қилиш.
1.7. Спорт-соғломлаштириш ҳамда бошқа туризм объектлари, замонавий муҳандислик инфратузилмалари, шунингдек, ижтимоий соҳа объектларини қуриш.
2. Транспорт воситаларининг эркин ҳаракатини таъминлаш, ҳудудда янги турдаги транспорт ҳаракатини жорий этиш, тегишли транспорт инфратузилмасини ривожлантириш
2.1. Рекреацион кўллар ва унга олиб борувчи республика ва маҳаллий даражадаги йўлларини қуриш ва таъмирлаш.
2.2. Туристларга қулай шароит яратиш мақсадида Жиззах ш. — Арнасой — Тошкент ш. ҳамда Жиззах ш. — Арнасой — Самарқанд ш. йўналиши бўйича темир йўл орқали йўловчи ташиш тизимини йўлга қўйиш.
2.3. Хусусий транспорт воситаси билан ташриф буюрувчи туристлар учун рекреацион кўллар ҳудудида автомобилни қолдириш ва жамоат транспорти тармоғидан фойдаланиш имкониятини яратиш мақсадида ҳудудга киришда махсус автотураргоҳларни ташкил этиш.
2.4. Барча йўналишларни қамраб олувчи жамоат транспортининг ички тармоғини ривожлантириш ва рекреацион кўллар ҳудудига олиб борувчи турли хилдаги транспорт воситаларининг узлуксиз ҳаракатини ташкил этиш.
2.5. Жамоат транспорти учун алоҳида йўлакларни ташкил етиш, барча ижтимоий гуруҳлар талабларига жавоб берадиган замонавий транспорт инфратузилмасини шакллантириш.
2.6. Пиёда сайрларни амалга ошириш учун шароитлар, рекреацион кўллар ҳудуди бўйлаб алоҳида тротуарлар, шунингдек, велосипед йўлаклари ва велотураргоҳлар яратиш, велосипед ижараси тармоғини ташкил этиш.
2.7. Табақалаштирилган тарифлар бўйича (шахсий транспорт воситалари учун юқори ставкалар, жамоат транспорти ва электромобил воситалари учун бепул) пуллик автотураргоҳларни яратиш.
2.8. Электромобиллар, электробуслар ва транспорт воситаларининг гибрид турларидан фойдаланган ҳолда алоҳида транспорт тармоғини шакллантириш, бундай транспорт воситаларига хизмат кўрсатиш учун тегишли инфратузилма объектларини ташкил этиш.
3. Туризм хизматларини ташкил этишда туристларнинг ҳаёти ва саломатлиги хавфсизлигини таъминлаш
3.1. Кўрсатиладиган туризм хизматлари сифати ва хавфсизлигини таъминлашга қаратилган чора-тадбирларни белгилаш.
3.2. Туристларнинг ҳуқуқлари ва қонуний манфаатларига риоя этилишини таъминлаш.
3.3. Якка ва уюшган туристларнинг оммавий жамланадиган ва мураккаб табиий тўсиқларга эга жойларда ҳамда сув ҳудудида профилактик чора-тадбирларни ташкил этиш, оғир аҳволда қолган шахсларга зарур ёрдам кўрсатишга ва туристларнинг хавфсизлигини таъминлашга қаратилган туристик назорат ва қутқарув хизматлари тизимини яратиш.
3.4. Туристлар учун фавқулодда вазиятларда ҳаракатланиш тартиби, шунингдек, қутқарув хизматлари, ҳуқуқни муҳофаза қилиш, шошилинч тиббий ёрдам ва «тезкор алоқа линияси» телефон рақамлари ҳақида батафсил маълумот берувчи ахборот-коммуникация технологиялари имкониятларидан самарали фойдаланиш, рекреацион кўллар ҳудудининг Call-сenter хизматини ишга тушириш.
3.5. Туристларни потенциал хавф-хатарлар ҳақида тўлиқ ва аниқ ахборот билан таъминлаш мақсадида огоҳлантиришнинг самарали тизимини яратиш, жумладан, туризм инфратузилма объектларида доимий видеокузатув тизимини жорий этиш.
3.6. Рекреацион кўллар ҳудудида лойиҳа бўйича режалаштирилаётган туристик объектлар барпо этилиб, зарур инфратузилма яратилганидан сўнг, ташриф буюрадиган туристлар оқимидан келиб чиққан ҳолда ушбу ҳудудда ички ишлар органларининг хавфсиз туризмни таъминлаш бўлинмасини ташкил этиш.
3.7. Рекреацион кўллар ҳудудида фавқулодда вазиятлар хавфи ёки содир бўлганлиги ҳақида хабар бериш ва маълумот (ахборот) етказишнинг автоматлаштирилган тизимини жорий этиш чора-тадбирларини амалга ошириш.
3.8. Пляж зоналарида дам олувчиларнинг хавфсизлигини таъминлаш мақсадида, пляж акваториясини белгилаш, кичик ҳажмли кемалар турадиган базаларни (иншоотлар) причал ва пирслар (кемалар боғлаб қўйиладиган махсус жойлар)ни қуриш уларни белгиланган тартибда жиҳозлаш, шунингдек, қутқарув постларини ташкил этиш уларнинг жавобгарлик зоналарини белгилаш, тиббий ёрдам масканларини жойлаштириш чора-тадбирларини амалга ошириш.
4. Янги замонавий энергия тежовчи тизим ва технологияларни жорий этиш орқали ноёб экологик тизимни сақлаб қолиш
4.1. Тунги вақтларда ёритиш тизимларини такомиллаштириш, кўчаларни ёритишнинг автоматлаштирилган бошқариш тизимидан фойдаланиш, шунингдек, бошқа замонавий усул ва технологияларни кенг жорий этиш чораларини кўриш.
4.2. Кўчалар ва пиёда йўллари орасида яшил майдонларни яратиш, пиёдалар йўллари бўйлаб манзарали дарахтлар ва гуллар экиш.
4.3. Маиший чиқиндиларнинг ҳосил бўлишини минималлаштириш, замонавий технологияларни жорий этиш орқали иккиламчи моддий ресурсларини ва қаттиқ маиший чиқиндиларни алоҳида йиғиш ва қайта ишлаш тизимини яратиш.
4.4. Энергия тежамкорлигини таъминлаш учун энергия самарадор технологиялардан фойдаланиш, жумладан, бино ва иншоотларда энергия тежамкор ёритиш ва иситиш асбобларини қўллаш ҳамда электр энергиясида ишловчи ўзиюрар ускуналардан фойдаланиш.
4.5. Муқобил ва қайта тикланадиган энергия манбаларидан кенгроқ фойдаланиш учун хорижий инвестицияларни жалб қилиш ва инвесторнинг харажатларини қисман ва тўлиқ компенсация қилиш учун мавжуд механизмлардан фойдаланиш.
5. Замонавий ахборот-коммуникация технологияларини жорий этиш, ҳудуднинг туризм салоҳиятини тарғиб қилиш
5.1. Реал вақт режимида туризм хизматлари кўрсатиш имкониятини берувчи рекреацион кўллар ҳудудининг расмий веб-сайтини яратиш.
5.2. Рекреацион кўллар ҳудуди ҳақидаги маълумотларни «Википедия» сайтида мунтазам жойлаштириб бориш, туристик порталлар (uzbekistan.travel ва бошқа соҳавий сайтлар) ҳамда оммабоп ижтимоий тармоқларда ўз саҳифаларини яратиш.
5.3. Рекреацион кўллар ҳудудининг тўлиқ географик жойлашувини унинг туризм объектлари ҳақидаги маълумотлари билан бирга «Google Maps»га жойлаштириш.
5.4. QR-кодлар тизимини туризм йўналишлари бўйлаб жойлаштириш, жойлаштириш воситалари, жамоат транспорти ҳамда маданий-кўнгилочар ва спорт тадбирлари чипталарини онлайн банд қилиш ва сотиб олиш тизимларини жорий этиш.
5.5. Рекреацион кўллар ҳудудининг туризм салоҳияти ва мавжуд туризм хизматларини халқаро ва республика миқёсида фаол тарғиб қилиш стратегиясини ишлаб чиқиш.
5.6. Рекреацион кўллар ҳудудида маҳаллий ва халқаро миқёсдаги маданий-кўнгилочар, спорт тадбирлари, йирик форум, конференция ва бошқа MICE тадбирларни ўтказиш имкониятларини тарғиб қилиш ҳамда мунтазам ташкил этилишини таъминлаш мақсадида алоҳида тарғибот механизмини жорий этиш.
5.7. Ҳудуднинг туризм имкониятларидан ва кўрсатиладиган хизматлардан келиб чиқиб, рекреацион кўллар ҳудудининг тегишли туристлар гуруҳлари ўртасида тарғиб қилиш бўйича маркетинг стратегияси (таргетлаштирилган маркетинг)ни олиб бориш.
6. Туризм соҳасида малакали мутахассисларни тайёрлаш, қайта тайёрлаш ва малакасини оширишни ташкил этиш
6.1. Туризм ва хизмат кўрсатиш соҳасида фаолият кўрсатувчи юқори малакали кадрларни мунтазам тайёрлаш, қайта тайёрлаш ва малакасини ошириш, уларнинг малакасини мустақил баҳолаб бориш тизимини яратиш.
6.2. Рекреацион кўллар ҳудудида фаолият кўрсатувчи персоналнинг тегишли ўқув масканлари ва таълим муассасаларида амалиёт ўташини ташкил этиш.
6.3. Туризм ва хизмат кўрсатиш соҳасида самарали кўникма ва билимларга эга бўлган юқори малакали мутахассисларни тайёрлаш мақсадида тегишли йўналишлар бўйича ўқув дастурларини такомиллаштириш.
6.4. Туризм ва хизмат кўрсатиш соҳасида кема ҳайдовчиларини тайёрлаш, қайта тайёрлаш ва уларнинг малакасини оширишни ташкил этиш.
II-боб. Кутилаётган натижалар
Рекреацион кўллар ҳудудини ривожлантириш концепциясини амалга ошириш натижасида қуйидагиларга эришилиши кутилмоқда:
Жиззах ва Навоий вилоятларининг бой туризм салоҳиятидан самарали фойдаланишга эришиш, янги туризм маҳсулотларини яратиш ва фаол тарғиб қилиш.
Ҳудудда туризм соҳасини ривожлантириш учун таянч нуқтаси бўлиб хизмат қила оладиган халқаро даражадаги рақобатбардош туризм ва дам олиш мажмуаларини яратиш, туризм соҳасида тадбиркорликнинг ривожланиши, шу асосда туризм хизматлари кўрсатиш соҳасида янги иш ўринларини яратиш ҳамда аҳоли бандлиги ва фаровонлигини ошириш.
Ҳар бири 5 йиллик даврни ўз ичига олган 3 босқичда қуйидаги натижаларга эришилади:
Биринчи босқичда, жами 204 ўринли 6 та жойлаштириш воситаси ташкил этилиши режалаштирилган. Шунингдек, ҳудудда экотуристик объектлар, овчилик ва сувда дам олиш ҳудудлари ташкил этилади. Бундан ташқари ҳудудда кемпинглар мажмуаси, ўтов лагерлари, сендвич панел ва бошқа турдаги енгил конструкциялардан жойлаштириш воситалари барпо этилади;
Иккинчи босқичда, Айдаркўл атрофидаги 33 минг гектар ҳудудда янги туристик ҳудудлар, жойлаштириш воситаси, соғломлаштириш масканлари, спорт тадбирлари ўтказиладиган майдонлар барпо этилади;
Учинчи босқичда, 300 ўринли жойлаштириш воситалари ва спорт тадбирлари ўтказиладиган майдонлар ташкил этилади, 1 200 ўринга мўлжалланган автотурургоҳ ҳамда савдо ҳудуди барпо этилади.
Рекреацион кўллар ҳудудига биринчи босқичнинг сўнггида йиллик 10 000 нафар турист ташриф буюриши ҳамда 2040 йилда йиллик туристлар сони 30 000 кишига етиши кутилмоқда.
Рекреацион кўллар ҳудуди ва унга олиб борувчи 271 км йўлларни таъмирлаш ва қуриш ишлари амалга оширилади.
Жиззах ва Навоий вилоятларига ташриф буюрувчи маҳаллий ва хорижий туристлар сонининг йиллик ўсиши туфайли кўрсатиладиган туризм хизматлари ҳажмининг ўсиши ва 2025 йилгача вилоятда жами туризм хизматлари экспортини 600 минг АҚШ долларига етказишга ёрдам беради.

Вазирлар Маҳкамасининг 2021 йил 14 июндаги 368-сон қарорига

2-ИЛОВА
Айдар-Арнасой кўллар тизими ҳамда Тўдакўл кўлида туризм хизматларини ривожлантириш
ДАСТУРИ
Олдинги таҳрирга қаранг.

Т/р

Чора-тадбирлар номи

Амалга ошириш механизми

Бажариш муддати

Молиялаштириш манбаи

Бажариш учун масъуллар

I. Айдар-Арнасой кўллар тизимини ривожлантириш

1.

Айдар-Арнасой кўллар тизими (кейинги ўринларда — кўллар) ҳудудининг туристик харитасини яратиш.

1. Ягона туристик харитани ишлаб чиқиш.

2021 йил 1 декабрь

Туризм соҳасини қўллаб-қувватлаш жамғармаси

Давлат солиқ қўмитаси ҳузуридаги Кадастр агентлиги, Туризм ва спорт вазирлиги, Жиззах вилояти ҳокимлиги, Айдар-Арнасой кўллар тизими дирекцияси

2. Туристик харитани электрон шаклини мутасадди идораларнинг расмий веб-сайтларида жойлаштириш.

2021 йил 20 декабрь

2.

Кўллар ҳудудида сувда дам олиш турлари ва пляж туризмини ривожлантириш.

1. Кўллар ҳудудида туризм инфратузилмаларини ташкил этиш истагида бўлган ташаббускор тадбиркорни аниқлаш.

2021 йил ноябрь

Ташаббускор маблағлари ҳисобидан

Жиззах вилояти ҳокимлиги, Туризм ва спорт вазирлиги, Айдар-Арнасой кўллар тизими дирекцияси

2. Кўллар ҳудудида муносиб ер майдонини аниқлаш.

2022 йил январь

3.

Кўллар тизимига йўловчиларни ташиш учун темир йўлларни ётқизиш бўйича дастлабки ҳисоб-китобларга эга таклиф тайёрлаш.

1. «Айдар-Арнасой кўллар тизимига» кирувчи энг яқин темир йўл станцияларини аниқлаш.

2021 йил июль

-

«Ўзбекистон темир йўллари» АЖ, Жиззах вилояти ҳокимлиги, Туризм ва спорт вазирлиги

2. Темир йўлни ётқизиш бўйича дастлабки ҳисоб-китобларга эга таклиф ишлаб чиқиш ва Вазирлар Маҳкамасига киритиш.

2021 йил август

4.

Кўллар ҳудудига доимий автобус қатновларини йўлга қўйиш.

1. Тошкент — Арнасой йўналиши бўйича автобус қатновини йўлга қўйиш юзасидан таклиф ишлаб чиқиш.

2021 йил июль

Ташаббускор маблағлари ҳисобидан

Жиззах вилояти ҳокимлиги, Транспорт вазирлиги, Туризм ва спорт вазирлиги

2. Автобус қатновини белгиловчи қатнов жадвалини ишлаб чиқиш.

2021 йил август

5.

«E-IJRO АUKSION» электрон савдо тизими орқали тадбиркорлик субъектлари томонидан харид қилинган ер майдонларида барпо этилган туристик масканлар инфратузилмасини яхшилаш.

1. Ер майдонига туташ сувли қирғоғидан кўлнинг ички қисми йўналиши бўйича ҳудудни тадбиркорга бириктириш.

2021 йил ноябрь

Маҳаллий бюджет маблағлари ҳисобидан

Жиззах вилояти ҳокимлиги, Айдар-Арнасой кўллар тизими дирекцияси, Туризм ва спорт вазирлиги

2. Бириктирилган сувли майдонда тоза пляж ҳудудини ташкил этиш.

2021 йил декабрь

6.

Кўллар тизими Тузкон кўли қирғоғининг 97 ва 98-сонли контурлари бўйлаб велосипед, квадрацикл, от ва туяда сайр қилиш ҳудудларини ташкил қилиш.

1. 10 километр масофада 3 метр энликдаги велойўлакларни барпо этиш.

2. Велойўлаклар бўйлаб электр чироқларини ўрнатиш.

3. Миллий ва бошқа таомларни тайёрловчи кўчма ва тез пишар ошхоналарни ташкил этиш.

4. Айдар-Арнасой кўллар тизимини тарғиб қилувчи сувинир ва ҳунармандчилик буюмлар савдосини йўлга қўйиш.

5. Ҳудудда саёҳат маршрутлари мавжуд ўсимлик ва ҳайвонот дунёсини ифодаловчи пешлавҳаларни ўрнатиш (ўзбек, рус, инглиз ва бошқа тилларда).

6. Ҳудудда дам олиш ўриндиқлари ва чиқинди қути идишларини барпо этиш.

7. Велосипед, квадрацикл, от ва туяларда сайир қилиш учун улар ижарасини ташкил этиш.

2023 йил март

Ижрочи ва тадбиркорлик субъектлари маблағлари ҳисобидан

Жиззах вилояти ҳокимлиги, Туризм ва спорт вазирлиги, Давлат солиқ қўмитаси

7.

Кўллар тизимининг туристик салоҳиятини кўрсатувчи тарғибот материалларини хорижий мамлакатларда ўтказиладиган туристик ва бошқа тадбирларда тақдимотлар ўтказиш.

1. Хорижий мамлакатлар учун кўллар тизимининг туристик салоҳиятини кўрсатувчи тарғибот материалларини тайёрлаш.

2. Хорижий мамлакатларда ўтадиган кўргазмаларда кўллар тизимининг туристик салоҳиятини тарғиб қилиш.

Доимий

Ижрочи маблағлари ҳисобидан

Туризм ва спорт вазирлиги, Жиззах вилояти ҳокимлиги

8.

Кўллар тизими ҳудудида 97 ва 98-сонли контурларда сувда сайр қилиш ва чўмилиш ҳудудларини барпо этиш.

1. Чўмилиш ҳудуди чегарасини белгилаш ва хавфсизлик чораларини кўриш.

2. Сувда сузиш қурилмаларини барпо этиш.

3. Чўмилиш анжомларининг ижарасини ташкил этиш.

4. Чўмилиш ҳудуди қирғоғига соябонлар ўрнатиш.

5. Яхна ичимликлар, музқаймоқлар ва бошқа хизмат турларини ташкил этиш.

2023 апрель

Ташаббускорлар маблағлари ҳисобидан

Жиззах вилояти ҳокимлиги, Фавқулодда вазиятлар вазирлиги, Туризм ?а спорт вазирлиги

9.

Автотранспортлар учун автотураргоҳларни ташкил этиш.

1. Автотранспорт воситалари учун камида 0,2 га майдонда автотураргоҳларни ташкил этиш.

2. Автотураргоҳ атрофида ободонлаштириш ва кўкаламзорлаштириш ишларни ташкил этиш.

2022 йил октябрь

Ташаббускорлар маблағлари ҳисобидан

Жиззах вилояти ҳокимлиги, Туризм ва спорт вазирлиги, Давлат солиқ қўмитаси

10.

Кўллар тизими ҳудудида тозалаш, санитария, ободонлаштириш ва кўкаламзорлаштириш ишларини олиб бориш.

1. Ҳар ойнинг охирги шанбасида санитар тозалаш тадбирларини ташкил этиш.

Доимий

Ижрочи маблағлари ҳисобидан

Жиззах вилояти ҳокимлиги, «Айдар-Арнасой кўллар тизими» МЧЖ, Экология ва атроф-муҳитни муҳофаза қилиш давлат қўмитаси, Ўрмон хўжалиги давлат қўмитаси

2. Ҳудуд атрофида иқлимга мослашувчи дарахт ва бошқа ўсимлик турларини экиш.

2022 йил март

11.

Кўллар тизими ҳудудида инфратузилма билан боғлиқ ташкилий тадбирларни ишлаб чиқиш ва амалга ошириш.

1. Фориш тумани «Учқулоч» МФЙдан Айдаркўл кўлигача бўлган 10 км масофада электр таъминотининг қўшимча линияларини барпо этиш.

2. Арнасой тумани «Наврўз» МФЙда 1 дона қўшимча трансформатор подстанциясини ўрнатиш.

3. Кўллар тизими ҳудудидан танланган 97 ва 98-сонли контур ҳудудларига тоза ичимлик сув қувирини олиб бориш.

4. Электр жиҳозларини асоссиз ишлатишни камайтириш ва қайта тикланадиган электрэнергия манбаларини қўллаш чораларини кўриш.

2023 йил сентябрь

Ижрочи маблағлари ҳисобидан

Энергетика вазирлиги, Экология ва атроф-муҳитни муҳофаза қилиш давлат қўмитаси, Жиззах вилояти ҳокимлиги

12.

Халқаро ва республика даражадаги маданий-кўнгилочар ва оммавий спорт тадбирларини ўтказиш.

1. Ҳаваскорлик балиқ овлаш спорт тадбирларини ўтказиш.

Лойиҳа ишга тушгандан сўнг

Ижрочи маблағлари ҳисобидан

Туризм ва спорт вазирлиги, Жиззах вилояти ҳокимлиги, «Айдар-Арнасой кўллар тизими» МЧЖ

2. Байдаркада сузиш мусобақаларини ўтказиш.

Доимий

13.

Кўллар тизими ҳудудида ҳаво шарларида экскурсияларни ташкил қилиш, жойлаштириш воситаси сифатида тунаб қолиш учун жиҳозланган ер усти транспорти («караванинг») хизматлари, «Балиқчилик» мактаби ҳамда «Зорбинг-марказ» аттракционини ташкил қилиш бўйича лойиҳа таклифини ишлаб чиқиш.

1. Таклифлар ишлаб чиқиш ва Вазирлар Маҳкамасига киритиш.

2021 йил сентябрь

Ижрочи ва тадбиркорлик субъектлари маблағлари ҳисобидан

Туризм ва спорт вазирлиги, Жиззах вилояти ҳокимлиги, вазирлик ва идоралар

2. Таклифлар асосида белгиланган туристик-кўнгилочар объектларни ташкил қилиш чораларини кўриш.

2022 йил август

14.

Мактаб ўқувчилари ва талабалар учун ёзги таътил даврида экотуризм маршрутларини ишлаб чиқиш ва саёҳатлар ташкил қилиш.

Ташкилий тадбирларни ишлаб чиқиш ва амалга ошириш.

2022 йил сентябрдан бошлаб доимий

Ижрочи маблағлари ҳисобидан

Туризм ва спорт вазирлиги, Жиззах вилояти ҳокимлиги

15.

Кўллар тизимининг туристик салоҳиятини тарғиб қилиш бўйича реклама маҳсулотлари (буклет, брошюра, видео) тайёрланишини, туристик ташкилотлар ва ОАВ вакиллари учун инфотурлар ташкил этилишини таъминлаш.

1. Кўллар тизимининг жозибадорлиги тўғрисида реклама ва видеороликлар тайёрлаш.

2022 йил август

Ижрочи маблағлари ҳисобидан

Туризм ва спорт вазирлиги, Жиззах вилояти ҳокимлиги

2. Туризм соҳасини ривожлантиришга қаратилган тарғибот материаллари (буклет, брошюра ва бошқалар)ни тайёрлаш.

3. Туризм соҳаси субъектлари ва ОАВ вакиллари учун инфотурлар ташкил этиш.

2022 йил сентябрь

16.

Кўллар тизимида балиқ ва балиқ маҳсулотларини етиштириш, ихтисослаштирилган балиқчилик кластерларини ташкил этиш, туризмни ривожлантириш бўйича инвестиция лойиҳа таклифларини ишлаб чиқиш.

1. Балиқ ва балиқ маҳсулотларини етиштирувчи инвесторлар билан учрашувлар ташкил этиш.

2022 йил март

Ижрочи маблағлари ҳисобидан

Туризм ва спорт вазирлиги, Жиззах вилояти ҳокимлиги, Айдар-Арнасой кўллар дирекцияси

2. Кўллар тизимида туризмни ривожлантириш бўйича инвестиция лойиҳа таклифларини ишлаб чиқиш.

2022 йил апрель

17.

Кўллар тизимининг туризм салоҳиятидан келиб чиқиб, турпакетлар ишлаб чиқиш.

1. Ҳудуднинг туризм салоҳиятини инобатга олган ҳолда, турпакетлар (маълум вақтга мўлжалланган ва тоифаланган нархларда) яратиш.

2. Турпакетларни интернет тармоқлари ҳамда саёҳат ташкил қилувчи корхоналарга тақдим қилиш.

2022 йил сентябрь

Ижрочи маблағлари ҳисобидан

Туризм ва спорт вазирлиги, Жиззах вилояти ҳокимлиги

18.

Ташриф буюрувчилар вақтини самарали ў?казиш ва маҳаллий аҳоли даромадини ошириш учун турли хизматларни ташкил қилиш.

1. Маҳаллий аҳолини тадбиркорликка жалб қилган ҳолда овқатланиш, кўнгилочар, сувенир маҳсулотларини ишлаб чиқишга жалб қилиш.

2. Велопрокат, отда сайр қилиш, балиқ овлаш каби хизматларни ташкил қилиш.

3. Маҳаллий аҳоли ва туризм соҳасидаги тадбиркорлик субъектлари вакиллари учун хизмат сифатини ошириш бўйича тарғибот тадбирларини ташкил қилиш.

2022 йил сентябрь

Ижрочи ва тадбиркорлик субъектлари маблағлари ҳисобидан

Жиззах вилояти ҳокимлиги, Туризм ва спорт вазирлиги

19.

Кўллар тизими атрофидаги маҳаллаларда оилавий меҳмон уйларини ташкил этиш.

1. Маҳаллаларда тарғибот ишларини амалга ошириш.

2. Ташаббускорлар мурожаатини ўз вақтида кўриб чиқиш ва амалий ишларда кўмаклашиш.

2022 йил июль

-

Туризм ва спорт вазирлиги, Жиззах вилояти ҳокимлиги

20.

Кўллар тизими ҳудудида туризм объектлари тўғрисида ўзбек, рус ва инглиз тилларида маълумот берувчи ахборот кўрсаткичларини ташкил қилиш.

1. Ахборот кўрсаткичларини умумий кўринишини (дизайн) тайёрлаш.

2022 йил сентябрь

Ижрочи ва тадбиркорлик субъектлари маблағлари ҳисобидан

Туризм ва спорт вазирлиги, Жиззах вилояти ҳокимлиги, тадбиркорлик субъектлари

2. Тадбиркорлик субъектларини жалб қилган ҳолда туризм объектлари ва туристларга кўрсатиладиган хизматлар тўғрисида маълумот берувчи ахборот кўрсаткичларини ўрнатиш.

2023 йил март

21.

Айдаркўл сув ҳавзаси қирғоқлари атрофида пляж ҳудудларини ташкил қилиш мақсадида камида 50 га бўш ер майдонларини қонунчиликда белгиланган тартибда ажратиш чораларини кўриш.

1. Айдаркўл сув ҳавзаси атрофидаги бўш турган ер майдонларини хатловдан ўтказиш.

2. Айдаркўл сув ҳавзаси атрофидаги бўш турган камида 50 га ер майдонида ҳар томонлама қулай бўлган ҳудуддан ажратиш чораларини кўриш.

2021 — 2023 йиллар

Ташаббускорлар маблағлари

Кадастр агентлиги, Жиззах вилояти ҳокимлиги, Навоий вилояти ҳокимлиги, «Айдар-Арнасой кўллар тизими» МЧЖ

22.

Тадбиркорлик субъектларига қулайликлар яратиш мақсадида, Айдаркўл сув ҳавзасида ташкил этилиши мумкин бўлган инвестицион лойиҳаларнинг лойиҳа паспорти ва смета харажатларини ишлаб чиқиш.

1. «Айдаркўл» сув ҳавзасига ташкил этиладиган инвестицион лойиҳалар рўйхатини шакллантириш.

2. Шакллантирилган рўйхатга асосан лойиҳа паспорти, эскизлари ҳамда смета ҳужжатларини ишлаб чиқиш.

2021 йил август

Туризм соҳасини қўллаб-қувватлаш жамғармаси

Туризм ва спорт вазирлиги, Навоий вилояти ҳокимлиги

23.

Айдаркўл сув ҳавзасидаги бўш ер майдонлари ҳамда тадбиркорлик субъектларига бериладиган имтиёзлар ҳақида доимий равишда ижтимоий тармоқлар ва ОАВлар орқали кенг ёритиб бориш.

1. «Айдаркўл» сув ҳавзасидаги бўш ер-майдонлари рўйхатини шакллантириш.

2021 йил август

Туризм соҳасини қўллаб-қувватлаш жамғармаси

Туризм ва спорт вазирлиги, Навоий вилояти ҳокимлиги

2. Сув ҳавзаларида ҳамда енгил конструкция (кемпинг, ўтовли лагерлар, коптинер)лар билан ташкил этиладиган объектлар учун бериладиган субсидия ва грантлар ҳақида доимий равишда ОАВларида ёритиб бориш.

2021 йил сентябрдан бошлаб доимий

24.

Айдаркўл сув ҳавзасида инвестицион лойиҳаларни амалга ошириш мақсадида хорижий ва маҳаллий тадбиркорларни жалб қилиш.

1. Хорижий давлатлар элчихоналарига кўллар тизимида ташкил этилиши режалаштирилган инвестицион лойиҳаларни тақдим этган ҳолда хорижий инвесторларни жалб қилиш.

2. Маҳаллий тадбиркорларни жалб қилиш чораларини кўриш.

2022 йил ноябрь

Ташаббускорлар маблағлари ҳисобидан

Инвестиция ва ташқи савдо вазирлиги, Навоий вилояти ҳокимлиги, Туризм ва спорт вазирлиги

25.

Айдаркўл сув ҳавзаси қирғоғи атрофида кўллар тизими учун танланган бўш ер майдонида электр энергияси, истеъмол гази ҳамда ичимлик суви каби манбаларини ташкил этиш чораларини кўриш.

1. Махсус лойиҳа институти билан биргаликда ўрганиш ўтказиш ва лойиҳа-смета ҳужжатларини ишлаб чиқиш.

2022 йил январь

Ижрочи маблағлари ҳисобидан

Энергетика вазирлиги, Уй-жой коммунал хизмат кўрсатиш вазирлиги, Навоий вилояти ҳокимлиги, Сув хўжалик вазирлиги

2. Электр тармоқлари учун таянч устунларини ўрнатиш.

2022 йил сентябрь

3. Электр тармоқларини таъмирлаш.

4. Мавжуд трансфарматорларни таъмирлаш ва яроқсиз ҳолга келиб қолганларини алмаштириш.

5. Электр жиҳозларини асоссиз ишлатишни камайтириш ва қайта тикланадиган электр энергия манбаларини қўллаш чораларини кўриш.

6. Марказлашган ичимлик суви нуқтасини ташкил этиш.

7. Тадбиркорлик субъектларига суюлтирилган газ етказиб берилишини таъминлаш.

2023 йил июнь

26.

Айдаркўл сув ҳавзасига ҳамда соҳил бўйи дам олиш масканларига олиб борувчи автомобиль йўлларини таъмирлаш, йўл кўрсаткич белгиларини ўрнатиш чораларини кўриш.

1. 4R-57 Конимех-Айдаркўл автомобил йўлининг 121 қисмидан Айдаркўл ҳудудига олиб борувчи 10 км йўлини таъмирлаш чораларини кўриш.

2. Нурота ва Конимех туманларидан Айдаркўл сув ҳавзасига олиб борувчи ички автомобиль йўлларини таъмирлаш, шағал тўкиш ва асфальт ётқизиш.

3. Нурота ва Конимех туманларидан Айдаркўл сув ҳавзасигача бўлган автомобиль йўлларда туристик йўл кўрсаткич белгиларини ўрнатиш.

2023 йил август

Ижрочи маблағлари ҳисобидан

Навоий вилояти ҳокимлиги, Автомобиль йўллари қўмитаси, Молия вазирлиги

27.

Айдаркўл сув ҳавзаси қирғоқлари атрофида дам олиш ҳамда пляж туризмини ташкил қилиш ва уни қисқа муддатларда ривожлантириш чораларини кўриш.

1. Айдаркўл сув ҳавзаси қирғоқларида пляж туризмини ривожлантириш.

2. Айдаркўл сув ҳавзаси қирғоқларида пляж туризмини ривожлантириш мақсадида хориждан сув транспорт воситалари (картер, сув скутер ва бошқалар)ни олиб келган тадбиркорлик субъектларига солиқ имтиёзларини жорий этиш бўйича таклифлар ишлаб чиқиш.

2023 йил июнь

Ижрочи маблағлари ҳисобидан

Туризм ва спорт вазирлиги, Давлат солиқ қўмитаси, Молия вазирлиги, Навоий вилояти ҳокимлиги

28.

Хорижий ҳамда маҳаллий сайёҳларнинг Айдаркўл сув ҳавзаси ҳудудига ташриф сонини ошириш ҳамда уларга бир қанча қулайлик яратиш мақсадида Айдар-Арнасой сув ҳавзасининг Навоий вилояти қисмидан Жиззах вилояти қисмига қадар бўлган масофада кемада сайр қилиш хизматини ташкил этиш ҳамда Айдаркўл сув ҳавзаси қирғоқларида янги технологияларга асосланган турли ҳилдаги сув транспортлари учун мини портлар ташкил қилиш.

1. Айдар-Арнасой кўллар тизимида сув маршрут рейсларини ташкил етиш мақсадида, Навоий вилоятидан Жиззах вилоятигача бўлган масофада сув сатҳини аниқлаш.

2. Айдаркўл сув ҳавзасида сув транспортларидан иборат мини портлар ташкил қилиш.

3. Мазкур сув транспортларини Республика ҳудудига олиб кириш юзасидан жорий қилинган имтиёзлардан кенг фойдаланиш юзасидан тадбиркорлик субъектларига тушунтириш ишларини олиб бориш.

2023 йил июнь

Ижрочи маблағлари ҳисобидан

Транспорт вазирлиги, Навоий вилояти ҳокимлиги, Жиззах вилояти ҳокимлиги, Фавқулодда вазиятлар вазирлиги, Туризм ва спорт вазирлиги, тадбиркорлик субъектлари

29.

Айдаркўл сув ҳавзасига ташриф буюрган хорижий ва маҳаллий сайёҳларни узоқ муддат қолишларини таъминлаш ҳамда бўш вақтларини мазмунли ўтказиш мақсадида кечки маданий-кўнгилочар тадбирларни ташкил этиш.

1. Айдаркўл сув ҳавзасида фаолият олиб бораётган тадбиркорлик субъектлари билан ҳамкорликда кечки маданий-кўнгилочар тадбирларни ўтказиш.

2. Ҳаваскорлик балиқ овлаш спорт тадбирларини ўтказиш.

3. Сув спорт мусобақаларини ўтказиш.

2022 йил июль

Ижрочи маблағлари ҳисобидан

Навоий вилояти ҳокимлиги, Туризм ва спорт вазирлиги, тадбиркорлик субъектлари

30.

Айдаркўл сув ҳавзаси атрофида санитария-гигиена шохобчаларини ташкил этиш ва мавжудларининг ҳолатини яхшилаш.

1. Санитария-гигиена шохобчасини жойлаштириш нуқталари рўйхатини шакллантириш.

2021 йил декабрь

Ижрочи ва тадбиркорлик субъектлари маблағлари ҳисобидан

Навоий вилояти ҳокимлиги, тадбиркорлик субъектлари

2. Санитария-гигиена шохобчасини қуриш истагини билдирган тадбиркорлик субъектларига бўш ер майдонларини ажратиш.

2022 йил март

3. Санитария-гигиена шохобчасини замонавий талабларга мувофиқ ташкил этилишини таъминлаш.

2023 йил апрель

31.

Айдаркўл сув ҳавзаси атрофида мавжуд ҳамда ташкил этилаётган дам олиш масканларининг «Туристик харитаси»ни ишлаб чиқиш.

1. Айдаркўл сув ҳавзаси ҳудудидаги объектлар рўйхатини шакллантириш.

2. Туристик харитага тегишли маълумотлар базасини киритиш.

3. Харитани яратиш учун намунавий дизайн лойиҳасини ишлаб чиқиш ва тайёрлаш чораларини кўриш.

4. Туристик харитани электрон шаклини мутасадди идораларнинг расмий веб-сайтларига жойлаштириш.

2022 йил май

Туризм соҳасини кўллаб-қувватлаш жамғармаси маблағлари ҳисобидан

Кадастр агентлиги, Туризм ва спорт вазирлиги, Навоий вилояти ҳокимлиги

32.

Айдаркўл сув ҳавзаси атрофида туризм инфратузилмасини ривожлантириш мақсадида чиқинди ташлаш қутилари сонини кўпайтириш ишларини амалга ошириш.

Айдаркўл сув ҳавзаси атрофидаги дам олиш масканларида унинг умумий сиғимини инобатга олган ҳолда чиқинди қутилар сонини белгилаш ва ўрнатишни ташкил қилиш.

2022 йил март

Ижрочи маблағлари ҳисобидан

Айдар-Арнасой кўллар тизими дирекцияси, Навоий вилояти ҳокимлиги, «Тоза ҳудуд» давлат унитар корхонаси

33.

Айдаркўл сув ҳавзаси атрофида интернет сифатини яхшилаш ҳамда Wi-Fi нуқталарини кўпайтириш чораларини кўриш.

Сув ҳавзаси атрофидаги дам олиш масканларида ҳамда қирғоқ бўйи соҳилларида Wi-Fi нуқталарини кўпайтириш ҳамда тезлигини ошириш.

2022 йил июль

Маҳаллий бюджет маблағлари ҳисобидан

Ахборот технологиялари ва коммуникацияларини ривожлантириш вазирлиги, Навоий вилояти ҳокимлиги, Туризм ва спорт вазирлиги

34.

«Айдаркўл» сув ҳавзасининг туризм салоҳиятини ёритиб берувчи видеоролик, турли тиллардаги тарғибот ҳамда тарқатма материаллари (флаер, буклет ва ҳоказо)ни тайёрлаш.

«Айдаркўл» сув ҳавзасининг туризм салоҳияти ҳамда мазкур ҳудудда мавжуд дам олиш масканлари тўғрисида ведиоролик, турли тиллардаги тарғибот ҳамда тарқатма материаллари (флаер, буклет ва ҳоказо)ни тайёрлаш.

2022 йил декабрь

Туризм соҳасини кўллаб-қувватлаш жамғармаси маблағлари ҳисобидан

Туризм ва спорт вазирлиги, Навоий вилояти ҳокимлиги

35.

Юз бериши мумкин бўлган фавқулодда вазиятлардан огоҳлантириш тизимини қуриш, мавжудларини такомиллаштириш, шунингдек юз бериши мумкин бўлган ёнғинларни ўчириш учун сув гидрантлари ёки сув ҳовузларини қуриш ва уларни жиҳозлаш борасидаги вазифаларни белгилаш.

1. Ҳудудда жорий ҳолатни ўрганиш.

2. Ташкилий ишлар режасини, талаб этиладиган маблағлар ҳажмини ва амалга ошириш муддатларини аниқлаш.

2021 йил август

Ижрочи маблағлари ҳисобидан

Фавқулодда вазиятлар вазирлиги, Жиззах вилояти ҳокимлиги, Навоий вилояти ҳокимлиги

36.

«Айдаркўл» сув ҳавзаси бўйлаб «круиз» — сувда саёҳат турларини ташкил этиш.

1. Хорижий ва маҳаллий тажрибани ўрганган ҳолда круиз хизматларини ташкил этиш йўналишларини белгилаш;

2. Тадбиркорлик субъектларини жалб этган ҳолда кемаларда саёҳат ташкил этиш чораларини кўриш;

3. Ташкил этилган круизларнинг кенг тарғиботини амалга ошириш;

4. Маҳаллий ва хорижий оммавий ахборот воситаларининг таништирув саёҳатларини ташкил этиш.

2023 йил май

Ташаббускорлар маблағлари

Жиззах вилояти ҳокимлиги, Навоий вилояти ҳокимлиги, Туризм ва спорт вазирлиги, Транспорт вазирлиги, Ташқи ишлар вазирлиги

37.

«Абу Ваккос», «Темир Дарвоза», «Зомин» миллий табиат боғи, Нурота тоғ тизмалари, Хожи нуриддин мадрасаси, «Айдаркул» кўли манзилларини назарда тутувчи туризм маҳсулотларини ишлаб чиқиш.

1. Тадбиркорлик субъектлари билан янги туризм маҳсулотларини ишлаб чиқиш;

2. Ишлаб чиқилган маҳсулотларни туризм соҳаси субъектлари ўртасида кенг тарғиб қилиш;

3. Маршрут бўйлаб қўшимча хизматлар кўрсатилишини шакллантириш;

4. Янги маршрут бўйлаб умумий йўловчи ташувчи транспорт ҳаракатланишини йўлга қўйиш.

2022 йил май

-

Туризм ва спорт вазирлиги, Жиззах вилояти ҳокимлиги, Навоий вилояти ҳокимлиги, Транспорт вазирлиги

II. Тўдакўл кўли ҳудудини ривожлантириш

38.

«Тўдакўл» сув ҳавзаси қирғоқлари атрофида туризм инфратузилмасини ташкил қилиш учун камида 50 гектар бўш ер майдонини ажратиш.

Тўдакўл сув ҳавзаси атрофидаги ҳар томонлама қулай бўлган ҳудуддан камида 50 гектар бўш турган ер майдонини ажратиш чораларини кўриш.

2022 йил март

Ижрочи маблағлари ҳисобидан

Кадастр агентлиги, Навоий вилояти ҳокимлиги, Туризм ва спорт вазирлиги

39.

«Тўдакўл» сув ҳавзаси қирғоқлари атрофида бир неча йиллар аввал аҳолига ажратилган ер майдонларидан самарасиз фойдаланилаётганларини аниқлаш ҳамда мазкур ер майдонларини туман ҳокимлиги захира ер фондига қайтариш чораларини кўриш.

«Тўдакўл» сув ҳавзаси қирғоқлари атрофида қонуний ва ноқонуний фаолият юритиб келаётган ва бир неча йиллар аввал фуқарога ажратилган мазкур ер майдонларида ҳеч қандай туризм объекти қурилмаганларини рўйхатдан ўтказиб мазкур ер майдонларини туман ҳокимлиги захира ер фондига қайтариш ва уларни лотларга бўлиб «E-IJRO АUKSION» электрон тизими орқали туризм соҳасидаги тадбиркорларга ажратиш.

2022 йил май

Ижрочи маблағлари ҳисобидан

Навоий вилояти ҳокимлиги, Ўрмон хўжалиги давлат қўмитаси, Солиқ қўмитаси ҳузуридаги Кадастр агентлиги, Туризм ва спорт вазирлиги

40.

«Тўдакўл» сув ҳавзаси қирғоқлари атрофида туризм инфратузилмаси ташкил қилиниши режалаштирилган бўш ер майдонларини лотларга бўлиб «E-IJRO АUKSION» электрон тизими орқали тадбиркорларга ажратиш чораларини кўриш.

Ажратилган ер майдонини лотларга бўлиб қисқа муддатларда «E-IJRO АUKSION» тизими орқали тадбиркорларга ажратиш ва туристик инфраструктурани яратиш натижасида атрофдаги маҳаллий аҳолини иш билан таъминлаш ҳамда даромадини ошириш.

2022 йил декабрь

Ташаббускорлар маблағлари ҳисобидан

Навоий вилояти ҳокимлиги, Солиқ қўмитаси ҳузуридаги Кадастр агентлиги, Туризм ва спорт вазирлиги

41.

Тўдакўл сув ҳавзаси қирғоғи атрофида танланган бўш ер майдонида электр энергия, истеъмол гази ҳамда ичимлик суви каби манбаларини ташкил этиш чораларини кўриш.

1. Электр тармоқлари учун таянч устунларини ўрнатиш.

2. Электр тармоқларини таъмирлаш.

3. Мавжуд трансформаторларни таъмирлаш ва яроқсиз ҳолга келиб қолганларини алмаштириш.

4. Марказлашган ичимлик суви нуқтасини ташкил этиш.

5. Истеъмол гази учун марказий газ тақсимлаш пунктини ташкил этиш.

2023 йил апрель

Ижрочи маблағлари ҳисобидан

Энергетика вазирлиги, «Ҳудудий электр тармоқлари» АЖ, «Ҳудудгазтаъминот» АЖ, Уй-жой коммунал хизмат кўрсатиш вазирлиги, Навоий вилояти ҳокимлиги, Туризм ва спорт вазирлиги

42.

Навоий шаҳридан Тўдакўл сув ҳавзасига олиб борувчи 4Р-69 йўл қисмидаги узунлиги 85 км йўлнинг қопламаси ҳолатини тўлиқ яхшилаш чораларини кўриш.

1. Автомобиль йўлларини асфальт қилиш.

2. Ички кўчаларни текислаш ва шағал ётқизиш.

3. Йўл кўрсаткич белгиларини ўрнатиш.

4. Ёритгичлар учун таянч устунларини ўрнатиш.

2023 йил июль

Ижрочи маблағлари ҳисобидан

Автомобиль йўллари қўмитаси, Навоий вилоят ҳокимлиги

43.

Тўдакўл сув ҳавзаси қирғоқлари атрофини сайёҳлар ташрифи учун қулай масканга айлантириш юзасидан тадбиркорлик субъектларини кенг жалб қилган ҳолда қўшимча хизматлар (енгил конструкцияли дам олиш масканлари, умумий овқатланиш шохобчалари ва кўнгилочар масканлар, экстремал туризм хизматлари)ни ташкил этиш чораларини кўриш.

1. Тўдакўл сув ҳавзасида ташкил этиладиган лойиҳалар рўйхатини шакллантириш.

2022 йил май

Маҳаллий бюджет маблағлари ҳисобидан

Туризм ва спорт вазирлиги, Инвестиция ва ташқи савдо вазирлиги, Солиқ қўмитаси, Солиқ қўмитаси ҳузуридаги Қурилиш вазирлиги, Навоий вилояти ҳокимлиги

2. Лойиҳаларнинг смета ҳужжатлари ва проектларини ишлаб чиқиш.

2022 йил июль

3. Мазкур лойиҳаларни ташкил этиш мақсадида хорижий ва маҳаллий инвесторларни жалб қилиш.

2022 йил октябрь

4. Лойиҳаларни амалга оширишда тадбиркорлик субъектларига солиқ имтиёзларини жорий этиш.

2022 йил декабрь

44.

Тўдакўл сув ҳавзаси қирғоқларида янги технологияларга асосланган турли ҳилдаги сув транспортлари мавжуд мини порт ташкил қилиш.

Тўдакўл сув ҳавзасида сув транспортларидан иборат мини порт ташкил қилиш учун мазкур сув транспортларини Республика ҳудудига олиб кириш юзасидан жорий қилинган имтиёзлардан кенг фойдаланиш ҳамда тадбиркорларга мазкур имтиёз ҳақида тушунчалар бериш.

2023 йил июль

Маҳаллий бюджет маблағлари ҳисобидан

Туризм ва спорт вазирлиги, Навоий вилояти ҳокимлиги

45.

Хорижий ҳамда маҳаллий сайёҳларнинг Тўдакўл сув ҳавзаси ҳудудига ташриф сонини ошириш ҳамда уларга бир қанча қулайлик яратиш мақсадида мазкур ҳудудда темир йўл станцияларини ташкил этиш чораларини кўриш.

Қизилтепа туманининг темир йўл станциясидан Бухоро вилояти темир йўл станциясига қадар бўлган оралиқда Тўдакўл сув ҳавзаси атрофидан ўтувчи станция ташкил қилиш бўйича лойиҳаларнинг смета ҳужжатлари ва проектларини ишлаб чиқиш ҳамда уни қисқа фурсатларда амалга ошириш.

2023 йил март

Ижрочи маблағлари ҳисобидан

«Ўзбекистон темир йўллари» АЖ, Навоий вилояти ҳокимлиги

46.

Тўдакўл сув ҳавзаси қирғоқлари атрофида дам олиш ҳамда пляж туризмини ташкил қилиш ва уни қисқа муддатларда ривожлантириш чораларини кўриш.

1. Пляж туризмини ривожлантириш бўйича ижобий синовдан ўтган хорижий мамлакатлар тажрибасини ўрганиш.

2021 йил ноябрь

Ижрочи маблағлари ҳисобидан

Туризм ва спорт вазирлиги, Инвестиция ва ташқи савдо вазирлиги, Солиқ қўмитаси, Навоий вилояти ҳокимлиги

2. Тўдакўл сув ҳавзасининг ўзига хослигини инобатга олган ҳолда ҳамда хорижий тажрибадан келиб чиқиб, пляж туризмини ташкил қилиш ва уни қисқа муддатларда ривожлантириш бўйича Вазирлар Маҳкамасига таклифлар киритиш.

2022 йил февраль

47.

Тўдакўл сув ҳавзаси атрофидаги барча дам олиш масканларини инвентаризациядан ўтказиш ҳамда 10 га яқин самарасиз фаолият юритаётган катта ва кичик давлат объектларини хусусийлаштириш чораларини кўриш.

Тўдакўл сув ҳавзаси атрофидаги барча қонуний ва ноқонуний дам олиш масканларини инвентаризация қилиш ҳамда самарасиз ва фойдаланилмасдан келаётган 10 га яқин катта ва кичик давлат объектларини хусусийлаштириш чораларини кўриш.

2022 йил июль

Ижрочи маблағлари ҳисобидан

Давлат активларини бошқариш агентлиги, Навоий вилояти ҳокимлиги, Туризм ва спорт вазирлиги

48.

Тўдакўл сув ҳавзаси атрофида санитария-гигиена шохобчаларини ташкил этиш ва мавжудларининг ҳолатини яхшилаш.

Санитария-гигиена шохобчасини жойлаштириш нуқталари рўйхатини шакллантириш.

2022 йил октябрь

Ташаббускорлар маблағлари ҳисобидан

Туризм ва спорт вазирлиги, Соғлиқни сақлаш вазирлиги, Уй-жой коммунал хизмат кўрсатиш вазирлиги, Навоий вилояти ҳокимлиги

Санитария-гигиена шохобчасини қуриш истагини билдирган тадбиркорлик субъектларига бўш ер майдонларини ажратиш.

Санитария-гигиена шохобчасини замонавий талабларга мувофиқ ташкил этилишини таъминлаш.

2023 йил март

49.

Тўдакўл сув ҳавзаси атрофида «Туризм харитаси»ни ишлаб чиқиш.

Тўдакўл сув ҳавзаси атрофида тадбиркорлик субъектлари томонидан ташкил этиладиган дам олиш масканлари рўйхатини шакллантирган ҳолда хорижий ва маҳаллий туристларни ўзига жалб қилувчи инновацион технологияларга асосланган ягона «Туризм харитаси»ни жорий қилиш ҳамда бунинг натижасида сайёҳларга бир қатор қулайликлар яратиш.

2023 йил ноябрь

Ижрочи маблағлари ҳисобидан

Туризм ва спорт вазирлиги, Навоий вилояти ҳокимлиги

50.

Тўдакўл сув ҳавзаси атрофида ташкил этилаётган ижтимоий инфратузилмани ривожлантириш мақсадида чиқинди ташлаш қутилари ҳамда ўриндиқлар ўрнатиш, сонини кўпайтириш ва йўлакларини таъмирлаш ишларини амалга ошириш.

Тўдакўл сув ҳавзаси атрофидаги дам олиш масканларида унинг умумий сиғимини инобатга олган ҳолда ўриндиқлар ҳамда чиқинди қутилар сонини белгилаш ва ўрнатиш шунингдек велосипедда ҳаракатланиш осон бўлиши учун махсус йўлакларни ташкил қилиш.

2022 йил октябрь


2023 йил март

Ижрочи маблағлари ҳисобидан

Навоий вилояти ҳокимлиги, «Тоза ҳудуд» ДУК

51.

Тўдакўл сув ҳавзаси атрофида хорижий ва маҳаллий сайёҳлар учун ҳунармандчилик маҳсулотлари мавжуд бўлган сувенир дўконларини ташкил этиш.

Тўдакўл сув ҳавзаси атрофида ташкил қилинган дам олиш масканларида сайёҳлар гавжум бўладиган нуқталарида ҳунармандчилик маҳсулотлари мавжуд бўлган сувенир дўконларини ташкил этиш.

2023 йил апрель

Ижрочи ва ташаббускорлар маблағлари ҳисобидан

Навоий вилояти ҳокимлиги, Туризм ва спорт вазирлиги, «Ҳунарманд» уюшмаси

52.

Маҳаллий ва хорижий сайёҳларга қулайликлар яратиш мақсадида Тўдакўл сув ҳавзаси атрофида интернет сифатини яхшилаш ҳамда Wi-Fi нуқталарини кўпайтириш чораларини кўриш.

Тўдакўл сув ҳавзаси атрофида ташкил қилинган дам олиш масканларида сайёҳлар гавжум бўладиган нуқталарида ҳамда қирғоқ бўйи соҳилларида Wi-Fi нуқталарини кўпайтириш ҳамда тезлигини ошириш.

2022 йил июль

Ижрочи маблағлари ҳисобидан

Ахборот технологиялари ва коммуникацияларини ривожлантириш вазирлиги, Навоий вилояти ҳокимлиги

53.

Навоий шаҳридан Тўдакўл дам олиш ҳудудига олиб борувчи янги йўналишни ташкил қилиш ҳамда Навоий шаҳар автошоҳбе?атда мазкур йўналишда қатновчи автотранспорт воситалари учун бўш майдон ажратиш чораларини кўриш.

Навоий шаҳридан Тўдакўл дам олиш ҳудудига кунига икки марта қатнайдиган янги транспорт қатнови йўналишини ташкил қилиш ҳамда автошохбекатда мазкур йўналиш учун алоҳида ҳудуд ажратиш.

2022 йил ноябрь

Маҳаллий бюджет маблағлари ҳисобидан

Транспорт вазирлиги, Навоий вилояти ҳокимлиги

54.

Тўдакўл сув ҳавзаси атрофида велосипед йўлакларини ташкил қилиш, йўлаклар бўйлаб тунги кўча ёритиш тизимини ўрнатиш чораларини кўриш.

Велосипедда ҳаракатланиш учун махсус йўлакларни ташкил қилиш ҳамда ушбу йўлакларда тунги ёритгичларни ўрнатиш.

2022 йил ноябрь

Ижрочи маблағлари ҳисобидан

«Ҳудудий электр тармоқлари» АЖ, Навоий вилояти ҳокимлиги
(2-илова Ўзбекистон Республикаси Вазирлар Маҳкамасининг 2022 йил 25 июлдаги 404-сонли қарори таҳририда — Қонунчилик маълумотлари миллий базаси, 26.07.2022 й., 09/22/404/0674-сон)

(Қонунчилик маълумотлари миллий базаси, 15.06.2021 й., 09/21/368/0556-сон; 21.05.2022 й., 09/22/278/0439-сон, 26.07.2022 й., 09/22/404/0674-сон)