Ўзбекистон Республикаси Вазирлар Маҳкамасининг
қарори
Атоқли адиблар ва мутафаккирларимиз ижодий меросини ёшлар ўртасида тарғиб қилиш ҳамда Адиблар хиёбонидан самарали фойдаланиш чора-тадбирлари тўғрисида
Ёшлар, шу жумладан талабалар ва ўқувчилар ўртасида атоқли адиблар ва мутафаккирларимиз ижодий меросини кенг тарғиб қилиш, уларнинг адабиётга қизиқишларини янада ошириш, рағбатлантириш, шунингдек, Тошкент шаҳрида барпо этилган Адиблар хиёбонидан самарали фойдаланиш мақсадида Вазирлар Маҳкамаси қарор қилади:
1. Ўзбекистон Республикаси Олий ва ўрта махсус таълим вазирлиги, Маданият вазирлиги, Ёшлар ишлари агентлиги, Ўзбекистон Фанлар академияси, Ўзбекистон Бадиий академияси, Ўзбекистон Ёзувчилар уюшмаси, Республика Маънавият ва маърифат маркази ҳамда Тошкент шаҳар ҳокимлиги томонидан ишлаб чиқилган:
Тошкент шаҳридаги Адиблар хиёбонидан самарали фойдаланиш ва таълим муассасаларида адиблар ижодини ўрганиш бўйича чора-тадбирлар режаси (кейинги ўринларда — чора-тадбирлар режаси) 1-иловага мувофиқ;
Адиблар хиёбонида ҳайкаллари ўрнатилган атоқли ёзувчи ва шоирларнинг ҳаёти ва ижодини чуқур ўрганиш ҳамда тарғиб қилиш бўйича олий таълим муассасаларини бириктириш рўйхати 2-иловага мувофиқ;
атоқли адиблар номидаги махсус стипендияларни ва кўкрак нишонларини жорий қилиш асослари, тартиби, ушбу стипендиялар ва кўкрак нишонлари билан тақдирлаш мезонлари, стипендияларни тўлаш муддатлари ва миқдорини, кўкрак нишонларининг тавсифини назарда тутувчи Атоқли адиблар номидаги махсус стипендиялар ва кўкрак нишонлари тўғрисидаги намунавий низом 3-иловага мувофиқ тасдиқлансин.
2. Ўзбекистон Республикаси Олий ва ўрта махсус таълим вазирлиги тизимида олий таълим муассасалари бўлган вазирлик ва идоралар билан биргаликда ушбу қарорнинг 2-иловасида назарда тутилган олий таълим муассасаларида:
бир ой муддатда бириктирилган атоқли адибларнинг ҳаёти ва ижодини чуқур ўрганиш ҳамда тарғиб қилиш бўйича ўқув-маърифий тадбирларни амалга оширувчи ижодий гуруҳлар фаолиятини йўлга қўйсин;
2020/2021 ўқув йилидан бошлаб, илмий-адабий маслаҳатчи лавозимини жорий этсин;
2020/2021 ўқув йилидан бошлаб, олий таълим муассасаларида уларга бириктирилган атоқли адиблар номидаги махсус стипендиялар ва кўкрак нишонларини жорий қилишни таъминласин;
2021/2022 ўқув йилидан бошлаб, атоқли ёзувчи ва шоирларнинг ҳаёти ва ижодини чуқур ўрганиш ҳамда тарғиб қилишга бошқа олий таълим муассасаларини ҳам жалб қилиш чораларини кўрсин.
3. Олий таълим муассасасининг илмий-адабий маслаҳатчиси:
олий таълим муассасасига бириктирилган атоқли адибнинг ҳаёти ва ижодини чуқур ўрганиш ҳамда тарғиб қилиш билан шуғулланиши;
Ўзбекистон Ёзувчилар уюшмасининг тавсияси билан жалб этилиши ҳамда олий таълим муассасасида жамоатчилик асосида фаолият юритиши;
олий таълим муассасаларининг бюджетдан ташқари маблағлари ҳисобидан рағбатлантирилиши мумкинлиги;
олий таълим муассасалари ўзларига бириктирилган атоқли адибларнинг ҳаёти ва ижодини чуқур ўрганиш ҳамда тарғиб қилиш бўйича ўқитувчи ва талабалардан ташкил топган ижодий гуруҳлар фаолиятини мувофиқлаштириши белгилаб қўйилсин.
4. Белгилансинки:
атоқли адиблар номидаги махсус стипендиялар миқдори Ўзбекистон Республикаси Вазирлар Маҳкамасининг 2020 йил 31 январдаги 59-сон қарори билан тасдиқланган Олий таълим муассасалари талабалари учун стипендияларнинг белгиланган миқдорларининг 2-бандига мувофиқ ҳисобланади;
чора-тадбирлар режасида белгиланган вазифаларни амалга ошириш билан боғлиқ харажатлар олий таълим муассасаларининг бюджетдан ташқари маблағлари ҳисобидан қопланади.
5. Тошкент шаҳар ҳокимлиги Тошкент тарихи музейининг фонди мунтазам равишда шаҳар тарихига оид археологик, нумизматик ва этнографик топилмалар, шунингдек, турли экспонатлар билан доимий янгиланиб ва тўлдириб борилишини ҳамда ушбу мақсадлар учун маҳаллий бюджетдан маблағ ажратилишини таъминласин.
6. Ўзбекистон Республикаси Туризмни ривожлантириш давлат қўмитаси 2021 йил 1 январдан бошлаб, Адиблар хиёбони ҳамда Тошкент тарихи музейини туристик йўналишларга киритиш чораларини кўрсин.
7. Ўзбекистон Республикаси Олий ва ўрта махсус таълим вазирлиги Маданият вазирлиги ҳамда Туризмни ривожлантириш давлат қўмитаси билан биргаликда тизимидаги таълим муассасаларида 2020/2021 ўқув йилидан бошлаб мамлакатимиздаги мавжуд музейларнинг йўналишларини ҳисобга олган ҳолда гидлар (гид-таржимонлар) тайёрлашни ташкил этсин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев ҳамда Ўзбекистон Республикаси олий ва ўрта махсус таълим вазири И.У. Маджидов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 24 август,
502-сон
Вазирлар Маҳкамасининг 2020 йил 24 августдаги 502-сон қарорига
1-ИЛОВА
Тошкент шаҳридаги Адиблар хиёбонидан самарали фойдаланиш ва таълим муассасаларида адиблар ижодини ўрганиш бўйича
ЧОРА-ТАДБИРЛАР РЕЖАСИ
Олдинги таҳрирга қаранг.

Т/р

Тадбир номи

Амалга ошириш механизми

Муддати

Молиявий манба

Масъуллар

1.

Адиблардан бирининг илмий-ижодий фаолиятини ўрганувчи тадқиқотчилар, адабиёт ва санъат йўналишидаги фаол талабалар фаолиятини рағбатлантириш мақсадида олий таълим муассасаси ректори томонидан бериладиган муайян адиблар номидаги кўкрак нишонини жорий қилиб, бир марталик пул мукофоти билан тақдирлашни йўлга қўйиш.

1. Намунавий низом асосида ҳар бир олий таълим муассасасида кўкрак нишони ва уни бериш тўғрисидаги низомни тасдиқлаш.

2021 йил
I чорак

Олий таълим муассасаларининг бюджетдан ташқари маблағлари, қонунчилик ҳужжатларида тақиқланмаган маблағлар

Олий ва ўрта махсус таълим вазирлиги, Республика Олий таълим кенгаши,
тизимида олий таълим муассасаси бўлган вазирлик ва идоралар,
Ёшлар ишлари агентлиги, Республика Маънавият
ва маърифат маркази

2. Адабиёт ва санъат йўналишидаги тадқиқотчилар ҳамда фаол талабаларни муайян адиблар номидаги кўкрак нишони билан тақдирлаб бориш.

ҳар ўқув йили якунида

2.

Ўзбекистон Республикаси Президентининг «Ўзбекистоннинг ўқувчи ёшларини рағбатлантириш чоралари тўғрисида» 1993 йил 5 февралдаги ПФ-555-сон Фармони 9-бандига мувофиқ энг илғор илмий ходим, ўқитувчи, ўқувчи ваталабаларни моддий ҳамда маънавий рағбатлантириб бориш мақсадида ҳар бир олий таълим муассасасининг бюджетдан ташқари маблағлари ҳисобидан талабалар учун ректор томонидан бир семестр давомида бериладиган муайян адиблар номидаги махсус стипендияни жорий қилиш.

1. Намунавий низом асосида ҳар бир олий таълим муассасасида муайян адиблар номидаги махсус стипендияни жорий қилиш ва уни бериш тўғрисидаги низомни тасдиқлаш.

2021 йил
I чорак

Олий таълим муассасаларининг бюджетдан ташқари маблағлари

Олий ва ўрта махсус таълим вазирлиги, Республика Олий таълим кенгаши,
тизимида олий таълим муассасаси бўлган вазирлик ва идоралар,
Ёшлар ишлари агентлиги,
Республика Маънавият ва маърифат маркази

2. Ушбу йўналишдаги фаол талабаларни махсус стипендия билан тақдирлаб бориш.

ҳар ўқув йили якунида

3.

Миллий бадиий адабиётга доир ўқув манбалари, мумтоз ва замонавий асарларнинг электрон нусхалари, ёзувчи ва шоирларнинг маҳорат сабоқларини ўзида жамлаган, Адиблар хиёбонида ҳайкали ўрнатилган ҳар бир ижодкорнинг ҳаёти ва бой меросини кенг тарғиб қилишга мўлжалланган ўзбек, инглиз ва рус тилларидаги «Адиблар хиёбони» интернет порталини яратиш.

1. «Адиблар хиёбони» интернет порталининг концепцияси ва техник топшириқларини ишлаб чиқиш.

2020 йил
август

Адиблар хиёбонига бириктирилган олий таълим муассасаларининг бюджетдан ташқари маблағлари

Олий ва ўрта махсус таълим вазирлиги,

Ахборот технологиялари ва коммуникацияларини ривожлантириш вазирлиги,

Ёзувчилар уюшмаси, Ўзбекистон Миллий кутубхонаси

2. Ўзбек, инглиз ва рус тилларидаги «Адиблар хиёбони» интернет порталини яратиш.

2020 йил сентябрь

3. «Адиблар хиёбони» интернет порталини адиблар билан боғлиқ бўлган ахборот ва маълумотлар билан бойитиб, янгилаб бориш.

доимий

4.

Адиблар хиёбонида 5 та муҳим ташаббусга бағишланган «Адабиёт ҳафталиги» доирасида «Эркин, ёш авлодлар сенга зўр қанот!» шиори остида республика талабалар фестивалини, унинг доирасида китоб ярмаркаси ва фестивалини ташкил этиш.

1. Фестиваль концепцияси ва дастурини ишлаб чиқиш ҳамда тасдиқлаш.

2020 йил
декабрь

Олий таълим муассасаларининг бюджетдан ташқари маблағлари, ҳомийлар маблағлари,

Олий таълим муассасаларини ривожлантириш фонди

Олий ва ўрта махсус таълим вазирлиги, Ёзувчилар уюшмаси, Ёшлар ишлари агентлиги,

«Ўзбеккино» Миллий агентлиги,

Бадиий академия,

Республика Олий таълим кенгаши,

Ички ишлар вазирлиги, Соғлиқни сақлаш вазирлиги,

Ахборот ва оммавий коммуникациялар агентлиги

2. Фестивални талабалар ўртасида кенг тарғиб қилиб, унинг қуйи босқичларини ўтказиш.

ҳар йили
I чорак

3. Фестивалнинг республика босқичини ўтказиш.

ҳар йили
II чорак

4. Китоб ярмаркаси ва фестивали, «Адабиёт ва бадиий ижод» мавзусида фотокўргазма, либослар кўргазмаси, амалий ижод намуналари кўргазмаси, Ахборот-коммуникация технологиялари кўргазмаси ва бошқа турли кўргазмалар ташкил этиш.

фестиваль доирасида

5.

Адиблар хиёбонида ҳайкаллари ўрнатилган атоқли адибларнинг номи билан аталадиган жойлардаги кўча, маҳалла ёки бошқа ижтимоий объектларда яшаётган, фаолият олиб бораётган ёшлар иштирокида «Адибимиз — фахримиз» шиори остидаёшлар фестивали ва китоб ярмаркасини ташкил этиш.

1. Фестивалнинг концепцияси, намунавий дастурини ишлаб чиқиш
ва тасдиқлаш.

2021 йил
март

Ижрочилар ҳамда ҳомийлар маблағлари

Маҳалла ва оилани қўллаб-қувватлаш вазирлиги,

Ёзувчилар уюшмаси, Бадиий академия, «Ўзбеккино» Миллий агентлиги,

Халқ таълими вазирлиги, Ахборот ва оммавий коммуникациялар агентлиги

2. Фестивални талабалар ўртасида кенг тарғиб қилиб, унинг қуйи босқичларини ўтказиш.

ҳар йили
II чорак

3. Фестивалнинг республика босқичини ўтказиш.

ҳар йили
II чорак

4. Китоб ярмаркаси ва фестивалини ўтказиш.

фестивал доирасида

6.

Олий ўқув юртлари талабалари ўртасида Адиблар хиёбонида ҳайкаллари ўрнатилган атоқли адибларнинг ҳаёти ва ижодига бағишланган эсселар, иншолар танловлари, викториналар ҳамда уларнинг асарлари асосида саҳналаштирилган драма асарлари кўригини ўтказиш ҳамда ғолибларни моддий ва маънавий рағбатлантириш тизимини йўлга қўйиш.

1. Талабалари ўртасида Адиблар хиёбонида ҳайкаллари ўрнатилган атоқли адибларнинг ҳаёти ва ижодига бағишланган эсселар, иншолар танловлари, викториналар, уларнинг асарлари асосида саҳналаштирилган драма асарлари танловини ўтказиш тартибини ишлаб чиқиш ва тасдиқлаш.

2021 йил
апрель

Ижрочилар ҳамда ҳомийлар маблағлари

Олий ва ўрта махсус таълим вазирлиги,

Ёзувчилар уюшмаси, тизимида олий таълим муассасаси бўлган вазирлик ва идоралар,
Ёшлар ишлари агентлиги

2. Ушбу танловларни талабалар ўртасида кенг тарғиб қилиб, унинг қуйи босқичларини ўтказиш.

ҳар йили
II чорак

3. Танловларнинг республика босқичини ўтказиш.

2021 йил
июнь

7.

Адиблар ҳаёти ва ижодига бағишлаб янги чоп этилган бадиий адабиётнинг тақдимотини ташкил этиб бориш.

1. Тадбирларни ўтказиш бўйича дастур ишлаб чиқиш.

2020 йил сентябрь

-

Ёзувчилар уюшмаси,

Ёшлар ишлари агентлиги, Халқ таълими вазирлиги,

бириктирилган олий таълим муассасалари

2. Тадбирларни ўтказиш режасини ишлаб чиқиш ва тасдиқлаш.

2020 йил
октябрь

3. Тадбирларни ўтказиб бориш ҳамда фаол ёшларни моддий ва маънавий рағбатлантириш.

ҳар йили
II чорак

8.

«Яшнагай то абад илму фан, ижод» мавзусида Адиблар хиёбонида ҳайкаллари ўрнатилган адибларга бағишланган публицистик ва илмий мақолалар танловини ташкил этиб бориш.

1. Адиблар хиёбонидаги адибларга бағишланган публицистик, илмий мақолалар танлови низоми, режа, дастурини ишлаб чиқиш ва тасдиқлаш.

2020 йил ноябрь-декабрь

Ижрочилар
ҳамда ҳомийлар маблағлари

Ёшлар ишлари агентлиги,

Журналистлар ижодий уюшмаси,

бириктирилган олий таълим муассасалари

2. Танловнинг Тошкент шаҳар ва Республика босқичларини Адиблар хиёбонида ташкил этиб бориш.

ҳар йили
II чорак

9.

«Адиблар билан танишув» деб номланган адиблар ҳаёти ва ижоди ҳақидаги бадиий, ҳужжатли фильмларнинг илк намойишини Адиблар хиёбонида ташкил этиш.

1. Адиблар ҳаёти ва ижоди ҳақидаги бадиий ва ҳужжатли фильмларнинг илк намойишини Адиблар хиёбонида ташкил этиш тартиби ва режасини тасдиқлаш.

2020 йил
октябрь

Ижрочилар ҳамда ҳомийлар маблағлари

«Ўзбеккино» Миллий агентлиги,

Ёшлар ишлари агентлиги, Ёзувчилар уюшмаси, бириктирилган олий таълим муассасалари

2. Бадиий ва ҳужжатли фильмлар намойишини Адиблар хиёбонида ташкил этиш.

ҳар йили
II чорак

10.

«Шуҳратинг порласин токи бор жаҳон» шиори остида таълим муассасаларидаги адабиёт, маънавият, одоб-ахлоқ ва тарбия билан боғлиқ бўлган маҳорат дарсларни ташкил этиш.

1. Ўтказиладиган тадбирлар
ва дарслар рўйхатини шакллантириш.

2020 йил сентябрь

-

Халқ таълими вазирлиги,

Олий ва ўрта махсус таълим вазирлиги,

Ёзувчилар уюшмаси, тизимида таълим муассасалари бўлган вазирлик ва идоралар

2. Ўтказиладиган тадбирлар режасини ишлаб чиқиш ва тасдиқлаш.

2020 йил

октябрь

3. Адиблар хиёбонида ўтказиладиган адабиёт, маънавият ва тарбия билан боғлиқ бўлган маҳорат дарсларини ОАВда ёритиб бориш.

доимий

4. Адибларнинг асарлари асосида к?т??хонлик танловларини ташкил этиш.

ҳар йили
II чорак

11.

Адиблар ҳақида хотиралар жамланган китоб тайёрлаш
ва нашр этиш.

1. Адиблар ҳақида хотиралар жамланган нашрларни тайёрлаш бўйича ишчи гуруҳ шакллантириш.

2020 йил сентябрь

Ижрочилар
ҳамда ҳомийлар маблағлари

Бириктирилган олий таълим муассасалари, Фанлар академияси, Ёзувчилар уюшмаси

2. Адиблар ҳақида хотиралар жамланган мавжуд нашрларни ўрганиш.

2021 йил
I чорак

3. Жамланган нашрларни тайёрлаш ва чоп қилиш.

2021 йил
II чорак

12.

Ижтимоий тармоқларда ҳар бир адиб ҳаёти ва ижодига бағишланган махсус саҳифалар яратиш, уларни мазмунли контент билан тўлдириш.

1. Ижтимоий тармоқларда ҳар бир адиб ҳаёти ва ижодига бағишланган махсус саҳифалар яратиш.

2020 йил
октябрь

-

Ёзувчилар уюшмаси,

Фанлар академияси,

Олий ва ўрта махсус таълим вазирлиги ҳузуридаги Маънавият ва маърифат маркази,

Ёшлар ишлари агентлиги, Ўзбекистон Миллий кутубхонаси,

бириктирилган олий таълим муассасалари

2. Саҳифаларни мазмунли контент билан тўлдириш бўйича масъулларни белгилаш.

2020 йил
ноябрь

3. Махсус саҳифаларни мазмунли контент билан тўлдириб бориш ва муаллифларни рағбатлантириш.

2020 — 2022 йиллар

4. Ҳар бир адиб ҳаёти ва ижодига оид мультимедиа дастурлари, видеороликлар тайёрлаш ва тарқатиш.

5. «Ватанпарвар шоир» мавзусида радио ва онлайн викторина ўтказиш ҳамда маълумотларни ижтимоий тармоқларга жойлаштириш.

2020 — 2022 йиллар

13.

Нофилологик олий таълим муассасалари учун «Ўзбек тилини соҳада қўлланилиши» фан дастурига «Ўзбек адабиёти», «Навоийшунослик» мавзуларини киритиш ва тегишли ўқув адабиётларини яратиш.

1. Нофилологик олий таълим муассасалари учун фан дастурига тегишли мавзуларни киритиш.

2. Нофилологик олий таълим муассасалари учун «Ўзбек адабиёти», «Навоийшунослик» фанлари бўйича ўқув қўлланма яратиш.

2020/2021 ўқув йилидан

Олий ва ўрта махсус таълим вазирлиги,Фанлар академияси, Ёзувчилар уюшмаси,

Олий таълим муассасалари

14.

Атоқли шоир Бердақ ҳаёти ваижодини ўрганиш ҳамда тарғиб қилиш бўйича Тошкент педиатрия тиббиёт институти мисолида ташкил этиш ҳамда ижобий натижалари ҳисобга олинган ҳолда, бу тажрибани бошқа олий ўқув юртларида жорий этиш.

1. Тошкент педиатрия тиббиёт институтида атоқли шоир Бердақ ҳаёти ва ижодини ўрганиш ҳамда тарғиб қилиш бўйича ўқитувчи ва талабалардан ташкил топган ижодий гуруҳ тузиш.

2020 йил сентябрь

Ижрочилар ҳамда ҳомийлар маблағлари

Соғлиқни сақлаш вазирлиги,
Олий ва ўрта махсус таълим вазирлиги,

Тошкент педиатрия тиббиёт институти

2. Тошкент педиатрия тиббиёт институтида, Бердақ яшаб ижод қилган ҳу??д?? ?тказиладиган тадбирлар режасини ишлаб чиқиб, тасдиқлаш.

2020 йил
октябрь

3. Бердақ ижодига бағишланган туркум маданий-маърифий тадбирлар ўтказиш ҳамда ижодий гуруҳнинг Қорақалпоғистон Республикасига бориши, Бердақ ҳаёти ва ижодини тарғиб қилишни ташкил этиш.

2020/2021 ўқув йилидан

мунтазам

4. Ўтказиладиган тадбирларни ОАВда ёритиб бориш.

тадбирлар давомида

5. Тошкент педиатрия тиббиёт институтининг ижобий тажрибасини адиблар бириктирилган бошқа олий ўқув юртларида оммалаштириш.

2021/2022 ўқув йилидан

15.

Адиблар яшаб ижод қилган ҳудуд ва қадамжоларга илмий-маърифий экспедициялар ташкил этиш ҳамда улар билан боғлиқ мавзуларда конференциялар ўтказиб бориш.

1. Конференцияларни ташкил этиш бўйича Ишчи гуруҳ ташкил этиш.

2020 йил сентябрь

Ижрочилар
ҳамда ҳомийлар маблағлари

Фанлар академияси,

Ёзувчилар уюшмаси,

Республика Маънавият ва маърифат маркази,

Ёшлар ишлари агентлиги, тизимида олий таълим муассасаси бўлган вазирлик ва идоралар,

Ўзбекистон Миллий телерадиокомпанияси,

бириктирилган олий таълим муассасалари

2. Конференцияларни Вазирлар Маҳкамасининг йиллик конференциялар режасига киритиш.

ҳар йили
январь

3. Адиблар туғилиб ўсган, ижод қилган масканларга экскурсияларини ташкил этиш.

режа асосида, конференция давомида

4. Конференцияларда профессор-ўқитувчилар, тадқиқотчилар ва талабаларнинг фаол иштирокини таъминлаш ҳамда мақолалар тўпламларини чоп этиш.

конференция даврида

5. Конференция материаллари асосида хулосавий таклифлар тайёрлаш.

конференциядан сўнг

16.

Адиблар хиёбонида ҳайкали ўрнатилган ёзувчи ва шоирларнинг уй музейлари, уларнинг номларида ташкил этилган ижод мактабларини олий таълим муассасалари томонидан оталиққа олиш, уларнинг энг илғор илмий ходим, ўқитувчи ва ўқувчиларини моддий ҳамда маънавий рағбатлантириб бориш.

1. Оталиққа олинган мактаблар билан ҳамкорликда ишлаш бўйича «йўл харитаси»ни тасдиқлаш.

2020 йил
октябрь

Ижрочилар

ҳамда ҳомийлар маблағлари

Бириктирилган олий таълим муассасалари,

Президент, ижод ва ихтисослаштирилган мактабларни ривожлантириш агентлиги,

Олий ва ўрта махсус таълим вазирлиги,

Республика Олий таълим кенгаши

2. Ёзувчи ва шоирларнинг номларида ташкил этилган ижод мактабларида «йўл харитаси» асосида тадбирларнинг амалга оширилишини таъминлаш.

«Йўл харитаси» асосида

17.

Талабалар қалбида адабиётга, она тилимизга меҳр, ҳурмат ва эътибор ҳиссини юксалтириш мақсадида олий ўқув юрти ҳаваскорлик жамоалари томонидан уларга бириктирилган атоқли адибларнинг ҳаёти, фаолияти ва асарлари асосида спектакллар саҳналаштириш

1. Атоқли адибларнинг ҳаёти, фаолияти ва асарлари асосида спектакллар саҳналаштириш учун сценарийлар тузиш.

2021 йил
январь-февраль

Ижрочилар

ҳамда ҳомийлар маблағлари

«Ўзбеккино» Миллий агентлиги,
Маданият вазирлиги, Ёзувчилар уюшмаси,
бириктирилган олий таълим муассасалари

2. Сценарийлар асосида спектакллар саҳналаштириш.

2021 йил
март — май

3. Спектакллар намойишини ташкил этиш.

2020/2021 ўқув йили давомида

18.

Олий, ўрта махсус ва касб-ҳунар таълим муассасаларида Адиблар хиёбонининг аҳамияти ва ўзбек адабиёти намояндаларига бағишланган махсус курс ташкил этиш.

1. Олий, ўрта махсус ва касб-ҳунар таълим муассасаларида Адиблар хиёбонининг аҳамияти, ўзбек адабиёти намояндаларига бағишланган махсус курс ташкил этиш бўйича ишчи гуруҳни шакллантириш.

2020 йил
октябрь

–

Олий ва ўрта махсус таълим вазирлиги,

тизимида таълим муассасалари бўлган вазирлик ва идоралар,

Республика Олий таълим кенгаши

2. Таълим муассасалари учун махсус курс дастурини тайёрлаш.

2020 йил
ноябрь

3. Таълим муассасаларида асосий фанларга қўшимча равишда ўтиладиган, 6 соатдан иборат махсус курс жорий қилиш.

2020 йил декабрь

4. Бириктирилган адибнинг ҳаёти ва ижодини чуқур ўрганиш бўйича ўқув-маърифий тадбир ташкил этиш ва телеканалларда эфирга бериб бориш.

2020/2021 ўқув йили давомида

19.

Адиблар хиёбони ҳақида ҳужжатли фильм ҳамда у ерда ҳайкали ўрнатилган ёзувчи ва шоирлар ҳақида алоҳида режа бўйича бадиий
ва ҳужжатли фильмлар яратиб, уларнинг кенг намойиш этилишини таъминлаш.

1. Адиблар хиёбони, ёзувчи ва шоирлар ҳақидаги фильмларни яратиш бўйича ижодий гуруҳлар тузиш.

2020 йил
август

Ижрочилар
ҳамда ҳомийлар маблағлари

«Ўзбеккино» Миллий агентлиги,

Ёзувчилар уюшмаси,

бириктирилган олий таълим муассасалари

2. Фильмларнинг сценарийларини ишлаб чиқиш ва бадиий кенгаш кўригидан ўтказиш.

2020 йил
ноябрь

3. Фильмларни яратиш бўйича режа ва лойиҳа тайёрлаш.

2020 йил
декабрь

4. Фильмларни фестиваллар, ОАВ, интернет саҳифалари ва ижтимоий тармоқларда намойиш қилиш.

2021 йил давомида
режа асосида

20.

Ўзбекистон халқ шоири Муҳаммад Юсуфнинг ҳаёти ва ижодини олий таълим муассасаларида ўрганиш бўйича Ўзбекистон давлат санъат
ва маданият институтида намунали ўқув-маърифий тадбирларни ташкил этиш.

1. Муҳаммад Юсуфнинг ҳаёти
ва ижодини ўрганиш бўйича Ўзбекистон давлат санъат ва маданият институтида ўқитувчи, талабаларидан иборат ижодий гуруҳни шакллантириш ҳамда намунали ўқув-маърифий тадбирлар режасини тасдиқлаш.

2020 йил сентябрь-октябрь

Ижрочилар ҳамда ҳомийлар маблағлари

Маданият вазирлиги,
Олий ва ўрта махсус таълим вазирлиги,

Тошкент педиатрия тиббиёт институти

3. Шоир ҳаёти ва ижоди ҳақидаги ўқув-маърифий тадбирларни ОАВда ёритиб бориш.

тадбирлар давомида

4. Мазкур ижобий тажрибани адиблар бириктирилган бошқа олий таълим муассасаларида оммалаштириш.

2021/2022 ўқув йилидан

21.

Таълим муассасаларида муайян адиблар тарихи ва ижодига бағишланган экспозицияни ташкил қилиш.

1. Муайян адиблар тарихи ваижодига бағишланган экспозиция хонасини тайёрлаш бўйича намунавий концепцияни ишлаб чиқиш.

2020 йил
октябрь

Олий таълим муассасаларининг бюджетдан ташқари маблағлари
ҳамда ҳомийлар маблағлари

Олий ва ўрта махсус таълим вазирлиги,

Ёзувчилар уюшмаси,

Адиблар хиёбонидаги тадбирларга бириктирилган олий таълим муассасалари

2. Доимий экспозиция хонасини зарур материаллар билан жиҳозлаш
ва хонанинг очилиш маросимини тантанали ташкил этиш.

2020 йил
декабрь

3. Экспозиция хонасининг 3D макетини яратиш ва хонада кўчма машғулотлар ташкил этиб бориш.

2020-2021 ўқув йилини иккинчи ярмидан

22.

Миллий гвардия ҳарбий-техник институтида энг намунали ҳарбий тайёргарликка эга, юксак маънавиятли ўқитувчилар ва талабаларни муносиб тақдирлаш мақсадида Заҳириддин Муҳаммад Бобур номидаги кўкрак нишони, махсус стипендия таъсис этиш ҳамда бу тажрибани бошқа олий ўқув юртларида ҳам жорий этиш.

1. Тасдиқланган намунавий низом асосида Заҳириддин Муҳаммад Бобур номидаги кўкрак нишони, махсус стипендия низомини ишлаб чиқиш
ва тасдиқлаш.

2021 йил
январь

Олий таълим муассасаларининг бюджетдан ташқари маблағлари
ҳамда ҳомийлар маблағлари

Миллий гвардия,
Олий ва ўрта махсус таълим вазирлиги

2. Танлов комиссиясини тузиш, тадбирлар режасини ишлаб чиқиб, тасдиқлаш ва уни амалга ошириш.

2020 йил
февраль

3. Институт ўқитувчи ва талабалари орасидан Заҳириддин Муҳаммад Бобур номидаги кўкрак нишони, махсус стипендияга муносибларни аниқлаш.

2020 йил
март-апрель

4. Заҳириддин Муҳаммад Бобур номидаги кўкрак нишони, махсус стипендия ғолибларини тақдирлаш.

2020 йил
март-апрель

5. Бошқа олий ўқув юртларига жорий этиш.

2021/2022 ўқув йилидан

(1-илова Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Вазирлар Маҳкамасининг 2020 йил 24 августдаги 502-сон қарорига
2-ИЛОВА
Адиблар хиёбонида ҳайкаллари ўрнатилган атоқли ёзувчи ва шоирларнинг ибратли ҳаёти ва ижодини чуқур ўрганиш ҳамда тарғиб қилиш бўйича олий таълим муассасаларини бириктириш
РЎЙХАТИ
Олдинги таҳрирга қаранг.

1.

Алишер Навоий ҳайкалига

—

Алишер Навоий номидаги Тошкент давлат ўзбек тили ва адабиёти университети

2.

Заҳириддин Муҳаммад Бобур ҳайкалига

—

Ўзбекистон Республикаси Жамоат хавфсизлиги университети

3.

Фурқат ҳайкалига

—

Тошкент архитектура-қурилиш институти

4.

Муҳаммад Ризо Огаҳий ҳайкалига

—

Тошкент давлат шарқшунослик университети

5.

Муқимий ҳайкалига

—

Тошкент давлат иқтисодиёт университети

6.

Бердақ ҳайкалига

—

Тошкент педиатрия тиббиёт институти

7.

Маҳмудхўжа Беҳбудий ҳайкалига

—

Ўзбекистон халқаро исломшунослик академияси

8.

Абдулла Авлоний ҳайкалига

—

Тошкент давлат педагогика университети

9.

Абдулҳамид Чўлпон ҳайкалига

—

Ички ишлар вазирлиги Академияси

10.

Абдулла Қодирий ҳайкалига

—

Тошкент давлат техника университети

11.

Ғафур Ғулом ҳайкалига

—

Тошкент давлат юридик университети

12.

Ҳамид Олимжон ҳайкалига

—

Ўзбекистон давлат консерваторияси

13.

Зулфия ҳайкалига

—

Тошкент тиббиёт академияси

14.

Ойбек ҳайкалига

—

Тошкент тўқимачилик ва енгил саноат институти

15.

Мақсуд Шайхзода ҳайкалига

—

Тошкент давлат транспорт университети

16.

Абдулла Қаҳҳор ҳайкалига

—

Тошкент молия институти

17.

Саид Аҳмад ва Саида Зуннунова ҳайкалига

—

Тошкент ахборот технологиялари университети

18.

Тўлепберген Каипбергенов ҳайкалига

—

Тошкент давлат аграр университети

19.

Ибройим Юсупов ҳайкалига

—

Тошкент кимё-технология институти

20.

Эркин Воҳидов ҳайкалига

—

Ўзбекистон Миллий университети

21.

Озод Шарафиддинов ҳайкалига

—

Ўзбекистон журналистика ва оммавий коммуникациялар университети

22.

Абдулла Орипов ҳайкалига

—

Тошкент ирригация ва қишлоқ хўжалигини механизациялаш муҳандислари институти

23.

Александр Файнберг ҳайкалига

—

Тошкент давлат жаҳон тиллари университети

24.

Муҳаммад Юсуф ҳайкалига

—

Ўзбекистон давлат санъат ва маданият институти

(2-илова Ўзбекистон Республикаси Вазирлар Маҳкамасининг 2025 йил 5 сентябрдаги 565-сонли қарори таҳририда — Қонунчилик маълумотлари миллий базаси, 06.09.2025 й., 09/25/565/0807-сон)
Вазирлар Маҳкамасининг 2020 йил 24 августдаги 502-сон қарорига
3-ИЛОВА
Атоқли адиблар номидаги махсус стипендиялар ва кўкрак нишонлари тўғрисида
НАМУНАВИЙ НИЗОМ
1-боб. Умумий қоидалар
1. Мазкур Низом олий таълим муассасаларининг талабаларига адиблар номидаги махсус стипендиялар (кейинги ўринларда — махсус стипендия) тайинлаш ва тўлаш, шунингдек, адиблар номидаги кўкрак нишони (кейинги ўринларда — кўкрак нишони) билан тақдирлаш тартибини белгилайди.
2. Махсус стипендия ва кўкрак нишони тегишли адибга бириктирилган олий таълим муассасасида мазкур адиблар ҳаёти ва ижодини ўрганиш, фаолиятини ёритиш, илмий тадқиқ қилиш ҳамда тарғиб этиш йўналишида изланиш олиб бораётган, алоҳида фаоллик кўрсатган ўқитувчи ва талабаларни рағбатлантириш мақсадида таъсис этилади.
2-боб. Адиблар номидаги махсус стипендияларни тайинлаш тартиби ва мезонлари
3. Махсус стипендия квотаси олий таълим муассасаларидаги факультетлар сонидан келиб чиқиб, ҳар бир факультет бўйича биттадан алоҳида-алоҳида ажратилади.
4. Махсус стипендия қуйидаги мезонларга жавоб берадиган давлат олий таълим муассасалари кундузги таълим шаклида таҳсил олаётган бакалавриатининг 1 — 3-босқич ҳамда магистратурасининг 1-босқич талабаларига белгиланади:
махсус стипендия номига таъсис этилган адибнинг ҳаёти ва ижодини ўрганиш, фаолиятини ёритиш, илмий тадқиқ қилиш ва тарғиб этиш йўналишида изланиш олиб бориш;
адабиёт ва китобхонликни кенг тарғиб қилиш йўналишида алоҳида фаоллик кўрсатиш;
адабиёт ва китобхонликка доир конференцияларда (танловларда) қатнашиш;
нашр этилган ишларнинг (асарларнинг) мавжудлиги.
5. Махсус стипендия тайинланишида талабгорларнинг ушбу Намунавий низомнинг 4-бандида белгиланган мезонларга мувофиқ билим ва ижодий тайёргарлик даражасини синовдан ўтказиш мақсадида олий таълим муассасаси:
махсус стипендияга талабгорлар орасидан танлаб олиш учун таълим йўналишлари ва адабиёт соҳасидаги мутахассислардан иборат танлов комиссиясини (кейинги ўринларда — Танлов комиссияси) тузади ва унинг иш тартибини белгилайди;
адиблар ҳаёти ва ижоди бўйича тест синовлари (кейинги ўринларда — тест синови) саволларини тасдиқлайди.
6. Талабгорлар дастлабки кўриб чиқиш учун факультет илмий кенгашига ҳар йили 20 мартга қадар қуйидаги ҳужжатларни топширадилар:
синов дафтарчасидан кўчирма (ўзлаштириш кўрсаткичи);
кафедра тавсияномаси;
ижодий (илмий) иш, унинг аннотацияси ва тақриз (мавжуд бўлса);
мураббийнинг фикр-мулоҳазалари;
муайян адиб ҳаёти ва ижоди ҳамда фаолиятини (оммавий ахборот воситаларида, ижтимоий тармоқларда ва бошқа) тарғиботи бўйича материаллар;
муайян адиб ҳаёти ва ижодини, фаолиятини тадқиқ қилиш бўйича республика ва халқаро миқёсдаги журналларда чоп этилган якка муаллифликдаги илмий мақолалар, ўтказилган анжуманлардаги фаол иштирокини тасдиқловчи ҳужжат (асл нусхаси);
ўз соҳаси бўйича халқаро ёки республика даражасидаги кўргазма, биеннале, фестиваль, симпозиум, танлов ва бошқа нуфузли тадбирлардаги иштироки ва натижаларга эришганлиги (мавжуд бўлса) тўғрисида тасдиқловчи ҳужжат.
Барча ҳужжатлар икки нусхада, ҳар бир нусхаси алоҳида жилдга жойланган ҳолда тақдим қилинади. Ҳар бир жилд муқовасида тақдим қилаётган факультетнинг номи, талабгорнинг исми ва фамилияси, ишнинг номи кўрсатилган бўлади.
7. Факультет илмий кенгаши ҳар йили 31 мартга қадар талабгорлар томонидан тақдим этилган ҳужжатларни кўриб чиқиб, махсус стипендияга номзодларни тавсия этиш, номзодликка талабгорларнинг ўқишдаги ва ижодий (илмий) фаолиятидаги муваффақиятларини баҳолаш учун муҳокамага қўяди.
Муҳокамадан сўнг яширин овоз бериш йўли билан энг муносиб талабгорлар танлаб олинади. Бунда талабгор ва унинг иши учун овоз беришда иштирок этган кенгаш аъзоларининг учдан икки қисмидан ортиғи овоз берганда, номзод талабалар маъқулланган ҳисобланади ва уларнинг номзодини факультет илмий кенгаши Танлов комиссиясига киритиш мақсадида факультет деканатига тақдим этади.
Факультет деканати ҳар йили 10 апрелга қадар номзодларнинг ҳужжатларини Танлов комиссиясига тақдим этади.
8. Танлов комиссияси:
ҳар йили 20 апрелга қадар талабгорлар билан тест синови ҳамда суҳбат ўтказади;
ҳар йили 25 апрелга қадар номзодларнинг сўнгги танловини яширин овоз бериш йўли билан ташкил этади, бунда талабгор ва унинг иши учун овоз беришда иштирок этган комиссия аъзоларининг учдан икки қисми ёқлаб овоз берганда, ушбу номзодни махсус стипендия тайинлаш учун тавсия қилади;
ҳар йили 27 апрелга қадар махсус стипендия тайинлаш учун тавсия этиш тўғрисидаги қарорни олий таълим муассасаси илмий кенгашига тақдим этади.
9. Танлов комиссиясининг махсус стипендияни тайинлаш тўғрисидаги қарори асосида ҳар йили 30 апрелга қадар олий таълим муассасаси илмий кенгашининг қарори қабул қилинади.
Олий таълим муассасаси илмий кенгашининг махсус стипендияни тайинлаш тўғрисидаги қарори ректор буйруғи асосида кучга киради.
10. Махсус стипендияга сазовор бўлган талабаларга ҳар йили 20 майга қадар «Адиблар номидаги махсус стипендия совриндори» гувоҳномаси (кейинги ўринларда — гувоҳнома) берилади.
11. Махсус стипендия талабаларга ҳар йили, бир ўқув йили учун 1 сентябрдан бошлаб белгиланган миқдорга қатъий риоя қилинган ҳолда тайинланади.
Махсус стипендия миқдори Вазирлар Маҳкамасининг 2020 йил 31 январдаги 59-сон қарори 2-иловасининг 2-бандига мувофиқ белгиланади.
12. Талаба ўқишини бошқа олий таълим муассасасига кўчирганда ёки академик таътил олганда махсус стипендия тўланмайди. 4-босқич талабаларига махсус стипендия ўқиган даври учун тўланади.
3-боб. Адиблар номидаги кўкрак нишонлари билан тақдирлаш тартиби
13. Кўкрак нишони билан олий таълим муассасаларида маданият ва маърифат соҳасини ривожлантириш, адиблар ҳаёти ва ижодини чуқур ўрганиш ҳамда аҳоли ўртасида, шунингдек, дунё миқёсида кенг тарғиб қилиш борасида юқори натижаларга эришган олий таълим муассасаларининг ўқитувчи ва талабалари тақдирланади.
14. Кўкрак нишони билан ушбу Намунавий низомга мувофиқ олий таълим муассасаси ректори тақдирлайди.
15. Олий таълим муассасасида кўкрак нишони билан тақдирлаш учун номзодларни танлаш ва тайинлаш бўйича ишчи гуруҳ (кейинги ўринларда — ишчи гуруҳ) тузилади.
Ишчи гуруҳ таркибига адабиётшунос олим ва мутахассислар, шунингдек, фуқаролик жамияти институти вакиллари киритилади. Ишчи гуруҳ таркиби олий таълим муассасаси ректори томонидан тасдиқланади.
Ишчи гуруҳ Низомга мувофиқ кўкрак нишонига тавсия этилган номзодлар ҳужжатларининг холис ва адолатли кўриб чиқилиши учун масъул.
16. Кўкрак нишони квотаси олий таълим муассасаларидаги факультетлар сонидан келиб чиқиб, ҳар бир факультет бўйича биттадан ажратилади.
Олий таълим муассасаларининг таркибий бўлинмалари ва тегишлилиги бўйича деканатлари кўкрак нишони билан тақдирлаш бўйича таклифларни олий таълим муассасасининг Ёшлар билан ишлаш, маънавият ва маърифат бўлимига ҳар йили 1 апрелга қадар тақдим этади.
Ёшлар билан ишлаш, маънавият ва маърифат бўлими номзодлар бўйича таклифларни белгиланган тартибда кўриб чиқади ҳамда ҳар йили 20 апрелга қадар олий таълим муассасаси ишчи гуруҳига тақдим этади.
17. Кўкрак нишонига тавсия этилган номзодларни кўриб чиқиш бўйича ишчи гуруҳ йиғилишида номзодларнинг ҳужжатлари ўрганилиб, ҳар йили 1 майга қадар энг муносиб номзодлар тўғрисида якуний хулоса қабул қилинади ҳамда олий таълим муассасаси ректорига тақдим этилади.
Олий таълим муассасаси ректорининг кўкрак нишони билан тақдирлаш тўғрисидаги буйруғи ҳар йили 8 майга қадар чиқарилади.
18. Кўкрак нишони ва унинг гувоҳномаси ҳар йили 20 майга қадар олий таълим муассасаси ректори томонидан тантанали равишда топширилади.
19. Кўкрак нишони билан тақдирланган шахслар базавий ҳисоблаш миқдорининг уч баравари миқдорида бир марта тўланадиган пул мукофоти оладилар.
Бир марта тўланадиган пул мукофотлари олий таълим муассасасининг бюджетдан ташқари маблағлари ҳисобидан (ўқитишнинг базавий қиймати миқдоридан ошадиган қисмида тўлов-контракт асосида ўқишдан тушадиган тушумлар) ички имкониятлардан келиб чиқиб молиялаштирилади.
20. Бир шахс кўкрак нишони билан бир марта мукофотланади.
Кўкрак нишони давлат мукофотларидан кейин кўкракнинг чап томонига тақилади.
4-боб. Кўкрак нишонининг тавсифи
21. Кўкрак нишони 0,25 микрон қалинликда олтин рангли мис қотишмасидан тайёрланади ва диаметри 34 миллиметрли доира шаклида бўлади.
Кўкрак нишонининг марказида адиб қиёфаси акс эттирилади. Кўкрак нишонининг айланаси бўйлаб, юқори қисмида оқ эмаль фонида адибнинг тахаллуси ёки исми ёзилган бўлади. Айлананинг қуйи қисмида адиб қаламига мансуб ҳикматли сўз жойлаштирилиши мумкин. Ҳарфлар баландлиги — 2,2 миллиметр.
22. Кўкрак нишонининг орқа томонида Ўзбекистон Республикаси Давлат герби тасвирланади.
Кўкрак нишонининг қалинлиги — 3 миллиметр.
Ёзув ва тасвирлар — бўртма.
Кўкрак нишонининг олд ва орқа томонларининг четлари қабариқ доира билан ўралган бўлади.
Кўкрак нишони илмоқ ва ҳалқа ёрдамида беш қиррали қадағичга уланади.
Қадағичнинг орқа томонига кўкрак нишонини кийимга тақиб қўйиш учун тўғноғич кўринишидаги мослама ўрнатилади.
23. Ҳар бир кўкрак нишонининг тавсифи Олий ва ўрта махсус таълим вазирлиги билан келишилган ҳолда тегишли олий таълим муассасаси томонидан тасдиқланади.
5-боб. Якунловчи қоидалар
24. Кундалик дарсларни ўзлаштирмайдиган, ўқув интизомини ва одоб-ахлоқни бузган талабаларни ўқув йили мобайнида факультет кенгашининг тавсиясига биноан олий таълим муассасаси ректори буйруғи асосида махсус стипендиядан маҳрум қилиниши мумкин.
Олдинги таҳрирга қаранг.
25. Махсус стипендия ва кўкрак нишони билан тақдирлаш бўйича ариза ва шикоятлар қонунчилик ҳужжатларида белгиланган тартибда кўриб чиқилади.
(25-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

(Қонун ҳужжатлари маълумотлари миллий базаси, 25.08.2020 й., 09/20/502/1206-сон; Қонунчилик маълумотлари миллий базаси, 06.08.2021 й., 09/21/500/0767-сон; 05.04.2022 й., 09/22/153/0266-сон; 06.09.2025 й., 09/25/565/0807-сон)