Ҳужжат кучини йўқотган " " 10.05.2022

Республика ҳудудлари ва тармоқлари экспорт
салоҳиятини ривожлантириш масалалари бўйича доимий
фаолият юритувчи республика комиссиясининг

қарори

(Кўчирма)

Маҳсулотларни экспорт қилишда автомобиль, ҳаво ва темир йўл транспортида ташиш харажатларини Ўзбекистон Республикаси Давлат бюджети маблағлари ҳисобидан қисман компенсация қилишга субсидиялар тақдим этиш тартиби тўғрисидаги низомни тасдиқлаш ҳақида

[Ўзбекистон Республикаси Адлия вазирлиги томонидан 2020 йил 30 июнда рўйхатдан ўтказилди, рўйхат рақами 3257]

LexUZ шарҳи

Мазкур қарор Ўзбекистон Республикаси адлия вазирининг 2022 йил 10 майдаги 11-мҳ-сонли «Айрим идоравий норматив-ҳуқуқий ҳужжатларни Идоравий норматив-ҳуқуқий ҳужжатларнинг давлат реестридан чиқариш тўғрисида»ги буйруғига (рўйхат рақами 3366, 10.05.2022 й.) асосан давлат реестридан чиқарилган.

Кун тартибидаги масала муҳокама қилинди ва муҳокама якунларига асосан, Ўзбекистон Республикаси Президентининг «Экспорт фаолиятини янада қўллаб-қувватлаш чора-тадбирлари тўғрисида» 2020 йил 7 майдаги ПҚ-4707-сон қарорида берилган топшириқлар ижросини ўз вақтида ва самарали бажарилишини таъминлаш мақсадида Республика комиссияси қарор қилди:

1. Маҳсулотларни экспорт қилишда автомобиль, ҳаво ва темир йўл транспортида ташиш харажатларини Ўзбекистон Республикаси Давлат бюджети маблағлари ҳисобидан қисман компенсация қилишга субсидиялар тақдим этиш тартиби тўғрисидаги низом иловада мувофиқ тасдиқлансин.

Ўзбекистон Республикаси Бош вазирининг ўринбосари ― инвестициялар ва ташқи савдо вазири, Республика комиссияси раиси С. УМУРЗАКОВ

Тошкент ш.,

2020 йил 25 май,

24/1-1111-сон

Республика ҳудудлари ва тармоқлари экспорт салоҳиятини ривожлантириш масалалари бўйича доимий фаолият юритувчи республика комиссиясининг 2020 йил 25 майдаги 24/1-1111-сон қарорига ИЛОВА

НИЗОМ

1-боб. Умумий қоидалар

1. Ушбу Низом Ўзбекистон Республикаси Президентининг 2019 йил 24 майдаги ПҚ-4337-сон «Экспорт фаолиятини молиялаштириш ва суғурта ҳимояси механизмларини кенгайтириш чора-тадбирлари тўғрисида»ги ва 2020 йил 7 майдаги ПҚ-4707-сон «Экспорт фаолиятини янада қўллаб-қувватлаш чора-тадбирлари тўғрисида»ги қарорларига мувофиқ экспорт қилувчи маҳаллий тадбиркорлик субъектларига (уларнинг ваколатли вакилларига) маҳсулотларни экспорт қилишда автомобиль, темир йўл ва ҳаво транспортида ташиш бўйича транспорт харажатларининг 50 фоизигача қисмини Инвестициялар ва ташқи савдо вазирлиги ҳузуридаги Экспортни рағбатлантириш агентлиги томонидан Ўзбекистон Республикаси Давлат бюджетидан ажратиладиган субсидиялар ҳисобидан компенсация қилиб бериш тартибини белгилайди.

2. Мазкур Низомда қуйидаги асосий тушунчалардан фойдаланилади:

ваколатли орган ― Ўзбекистон Республикаси Инвестициялар ва ташқи савдо вазирлиги ҳузуридаги Экспортни рағбатлантириш агентлиги;

воситачилик шартномаси ― бир тараф (воситачи) иккинчи тараф (комитент)нинг топшириғи бўйича ўз номидан, бироқ комитент ҳисобидан экспорт шартномалари тузиш орқали комитент маҳсулотларини маълум бир ҳақ эвазига экспорт қилиш бўйича тузилган шартнома;

компенсация ― маҳсулотларни экспорт қилишда транспорт харажатларининг 50 фоизгача қисмини қоплаб бериш учун ушбу Низомда белгиланган тартибда ҳисобланган, ваколатли орган томонидан экспорт қилувчига Ўзбекистон Республикаси Давлат бюджетидан ажратиладиган субсидиялар ҳисобидан тўлаб бериладиган маблағ;

маҳсулотлар ― Ўзбекистон Республикаси Президентининг 2020 йил 7 майдаги ПҚ-4707-сон қарори билан тасдиқланган Экспорт қилишда автомобиль, темир йўл ва ҳаво транспортида ташиш харажатларининг бир қисми компенсация қилинадиган маҳсулотлар рўйхатида кўрсатилган маҳсулотлар. Бунда, мазкур рўйхатга Республика ҳудудлари ва тармоқлари экспорт салоҳиятини ривожлантириш масалалари бўйича доимий фаолият юритувчи республика комиссияси қарорлари билан ўзгартириш ва қўшимчалар киритиб борилиши мумкин;

маҳсулотларнинг келиб чиқиш сертификати ― маҳсулотлар Ўзбекистон Республикасида ишлаб чиқарилганлигини тасдиқловчи ҳужжат;

субсидия ― маҳсулотларни экспорт қилишда транспорт харажатларининг 50 фоизигача қисмини экспорт қилувчига компенсация қилиб бериш учун Ўзбекистон Республикаси Давлат бюджетидан ваколатли органга ажратиладиган маблағ.

транспорт-экспедиторлик компанияси ― экспорт қилувчининг маҳсулотларини автомобиль, темир йўл ёки ҳаво транспорти орқали экспорт қилишда транспорт-экспедиторлик хизматлари кўрсатувчи хўжалик субъекти;

транспорт компанияси ― экспорт қилувчининг маҳсулотларини автомобиль, темир йўл ёки ҳаво транспортида экспортга ташиш хизматларини кўрсатувчи хўжалик субъекти;

транспорт харажати ― экспорт қилувчи томонидан маҳсулотларни автомобиль, темир йўл ва ҳаво транспортида (аралаш ёки алоҳида транспортда) экспортга ташиш билан боғлиқ хизматлар учун тегишли шартнома (инвойс)ларга мувофиқ транспорт компанияси ва (ёки) транспорт-экспедиторлик компаниясига тўланган маблағ ёки экспорт қилувчининг ўз балансидаги автомобиль транспортида маҳсулотларни экспортга етказиб бериш бўйича амалга оширган молиявий харажати, бундан денгиз транспортида ташиш харажатлари мустасно;

экспорт қилувчи ― Ўзбекистон Республикасида давлат рўйхатига олинган, маҳсулотларни хорижий мамлакатлардаги харидорларга экспорт шартномалари (инвойс)га мувофиқ сотувчи, шунингдек, экспорт ва (ёки) воситачилик шартномаларига биноан юк жўнатувчи тадбиркорлик субъекти, шу жумладан, унинг ваколатли вакили;

2-боб. Компенсация тақдим этиш учун асосий шартлар

3. Ваколатли орган томонидан экспорт қилувчига компенсация тақдим этилиши учун:

экспорт қилувчи Ўзбекистон Республикасида давлат рўйхатига олинган;

маҳсулотлар Ўзбекистон Республикасида ишлаб чиқарилган;

Ўзбекистон Республикаси билан чегарадош бўлмаган (Афғонистон Ислом Республикасидан ташқари) давлатларга экспорт қилинган маҳсулотлар, бундан тухум ҳамда парранда гўшти ва маҳсулотлари (ТИФ ТН коди 0407210000, 0207) мустасно;

маҳсулотлар белгиланган тартибда экспорт режимига жойлаштирилган;

экспорт шартномаси (воситачилик шартномаси, инвойс)да Инкотермс шартлари асосида маҳсулотларни етказиб бериш бўйича транспорт ҳаражатлари экспорт қилувчи зиммасига юкланган ва ушбу харажатлар учун тўловлар экспорт қилувчи томонидан амалга оширилган бўлиши керак.

3-боб. Компенсация қилиб бериш учун талаб этиладиган ҳужжатлар ва уларни кўриб чиқиш тартиби

4. Ваколатли орган томонидан транспорт харажатларининг 50 фоизгача қисмига компенсация қилиб бериш бўйича экспорт қилувчиларнинг аризаларини кўриб чиқиш мазкур Низомнинг 1-иловасида келтирилган схемага мувофиқ амалга оширилади.

5. Транспорт харажатлари бўйича компенсация олиш учун экспорт қилувчи томонидан ваколатли органга мазкур Низомнинг 2-иловасида келтирилган шаклда ариза берилади. Бунда аризага қуйидаги ҳужжатлар илова қилиниши лозим:

экспорт шартномаси (инвойс) ва (ёки) воситачилик шартномаси нусхаси;

божхона юк декларацияси нусхаси;

маҳсулотларни экспорт қилиш юкхатлари нусхаси;

маҳсулотларнинг келиб чиқиш сертификати нусхаси;

экспорт қилувчи билан транспорт компанияси ва (ёки) транспорт-экспедиторлик компанияси ўртасида тузилган маҳсулотларни автомобиль, темир йўл ва (ёки) ҳаво транспортида ташиш билан боғлиқ хизматлар кўрсатиш бўйича шартнома ва у бўйича амалга оширилган тўловларни тасдиқловчи ҳужжатлар нусхаси. Экспорт қилувчи маҳсулотларни ўз балансидаги автомобиль транспортида экспортга ташиганда транспорт харажатларини тасдиқловчи ҳисоб-китоблар тегишли ҳужжатлар нусхалари билан тақдим этилади;

маҳсулотлар автомобиль ва (ёки) темир йўл транспортида ташилганда маҳсулотлар экспортга ортилган жойдан экспорт шартномасида кўрсатилган етказиб бериш жойигача бўлган автомобиль йўли ва (ёки) темир йўл масофаси тўғрисидаги маълумотлар.

6. Экспорт қилувчидан ушбу Низомнинг 5-бандида кўрсатилган ҳужжатлардан бошқа ҳужжатларни талаб қилиш тақиқланади.

7. Экспорт қилувчи томонидан компенсация олиш учун ариза ва тегишли ҳужжатлар ваколатли органга бевосита, почта алоқаси воситалари орқали ёки электрон шаклда, шу жумладан, Ташқи иқтисодий маълумотлар портали орқали тақдим этилади.

Бунда, экспорт қилувчилар 2020 йилнинг 1 апрелидан бошлаб автомобиль, темир йўл ва ҳаво транспортида экспорт қилган маҳсулотлари бўйича амалга оширган транспорт харажатларининг 50 фоизигача қисмига компенсация олиш учун ваколатли органга аризалар тақдим этишга ҳақли.

Аризада экспорт қилувчининг электрон манзили кўрсатилганлиги унинг аризаси бўйича қабул қилинган қарор ҳақида ахборот тизими орқали электрон шаклда хабарнома олишга бўлган розилиги ҳисобланади.

8. Компенсация олиш учун ариза ваколатли органга экспорт қилувчи томонидан бевосита тақдим этилаётганда ушбу Низомнинг 5-бандида кўрсатилган ҳужжатлар тўлиқ бўлмаган ҳолатларда ариза кўриб чиқиш учун қабул қилинмайди.

9. Компенсация олиш учун ариза ваколатли органга экспорт қилувчи томонидан почта алоқаси воситалари орқали ёки электрон шаклда, шу жумладан, Ташқи иқтисодий маълумотлар портали орқали тақдим этилганда, ушбу Низомнинг 5-бандида қайд этилган ҳужжатлар тўлиқ тақдим этилмаган бўлса, ваколатли орган уч иш куни мобайнида экспорт қилувчига ҳужжатларни тегишли жавоб хати билан ёзма ёки электрон шаклда қайтаради.

10. Ушбу Низомнинг 5-бандида қайд этилган ҳужжатлар тўлиқ тақдим этилган аризалар ваколатли орган томонидан етти иш куни давомида кўриб чиқилади.

11. Ваколатли орган экспорт қилувчи ва у томонидан тақдим этилган ҳужжатларни ушбу Низомнинг 3-бандидаги шартларга мувофиқлиги нуқтаи назаридан ўрганиб чиқади.

12. Ваколатли орган экспорт қилувчи ва у томонидан тақдим этилган ҳужжатларни ахборот тизимлари, шу жумладан, Ташқи савдо операцияларининг ягона электрон ахборот тизими орқали ва тегишли органларнинг Интернет жаҳон ахборот тармоғидаги маълумотлар базалари ёрдамида ҳамда сўровномалар юбориб, жавоблар олиш орқали ўрганиб чиқиши мумкин.

13. Экспорт қилувчи аризаси бўйича компенсация бериш юзасидан қарор (хулоса) ваколатли орган томонидан қабул қилинади. Бунда экспорт қилувчининг аризасини кўриб чиқиш учун тўлов ундирилмайди.

4-боб. Компенсация беришни рад этишнинг асослари

14. Экспорт қилувчига компенсация беришни рад этиш учун қуйидагилар асос бўлади:

экспорт қилувчи ва у томонидан тақдим этилган ҳужжатларнинг ушбу Низомнинг 3-бандида белгиланган шартларга ёки уларнинг бирига номувофиқлиги;

экспорт қилувчи томонидан тақдим этилган ҳужжатларда ушбу Низомда белгиланган тартибда ўрганишлар натижасида ишончсиз ва нотўғри маълумотлар мавжудлиги ёки маълумотларни бузиб кўрсатиш ҳолатлари аниқланган тақдирда.

15. Ушбу Низомнинг 14-бандида назарда тутилмаган асосларга кўра экспорт қилувчига компенсация беришнинг рад этилишига йўл қўйилмайди.

16. Экспорт қилувчи компенсация берилишини рад этиш тўғрисида қарор (хулоса) олганда рад этиш асосларини бартараф этган ҳолда компенсация олиш учун ваколатли органга ариза билан қайта мурожаат қилишга ҳақли.

17. Экспорт қилувчи компенсация берилишини рад этиш тўғрисидаги қарордан (хулосадан) норози бўлган тақдирда, шунингдек, ваколатли органнинг мансабдор шахслари ҳаракати (ҳаракатсизлиги) устидан белгиланган тартибда юқори турувчи ташкилотга ёки судга шикоят қилиш ҳуқуқига эга.

5-боб. Компенсация миқдорини аниқлаш ва тўловни амалга ошириш тартиби

18. Компенсация миқдори мазкур Низомнинг 3 — 5-иловаларида келтирилган субсидияларнинг қатъий белгиланган миқдорлари жадвалига мувофиқ маҳсулот тури, ҳажми ва экспорт йўналишидан келиб чиқиб ҳисобланади.

Мазкур Низомнинг 3 — 5-иловаларига мувофиқ ҳисобланган компенсация миқдори экспорт қилувчи амалга оширган ҳақиқий транспорт харажатларининг 50 фоизидан ошиб кетган ҳолатларда компенсация миқдори экспорт қилувчи транспорт харажатларининг 50 фоизига тенг бўлади.

Бироқ, юқоридаги тартибда ҳисобланган компенсация миқдори маҳсулотлар экспорт қийматининг (транспорт харажатисиз):

автомобиль транспортида ташишда 5 фоизидан;

темир йўл транспортида ташишда 7 фоизидан;

ҳаво транспортида ташишда ТИФ ТН коди 07,08, 0904 ва 1202 билан бошланувчи мева-сабзавот маҳсулотларига 12 фоизидан, бошқа маҳсулотларга 6 фоизидан ортиб кетган ҳолатларда компенсация миқдори маҳсулот экспорт қийматига (транспорт харажатисиз) нисбатан ушбу белгиланган фоизлардан келиб чиқиб ҳисобланади.

Мисол учун: Узум маҳсулоти ҳажми 18500 кг, экспорт қиймати ― 157 250 000 сўм (8500сўм/кг), импорт қилувчи давлат ― Россия Федерацияси, транспорт харажати ― 25 000 000 сўм унинг 50 фоизи 12 500 000 сўм, қатъий белгиланган субсидия миқдори 480 сўм/кг Компенсация миқдори: қатъий белгиланган субсидия миқдори бўйича ― 18500*480 = 8 880 000 сўм, маҳсулот экспорт қийматига нисбатан (5 фоизи) ― 7 862 500 сўм. Демак, тўлаб бериладиган компенсация миқдори 7 862 500 сўмга тенг.

19. Чет эл валютасида тўлов амалга оширилган транспорт харажатлари учун компенсация миллий валютада амалга оширилади. Чет эл валютасида тўлов амалга оширилган транспорт харажатининг миллий валютадаги қиймати экспорт қилувчи томонидан транспорт харажатлари учун тўлов амалга оширилган кундаги Ўзбекистон Республикаси Марказий банки томонидан белгиланган тегишли валюта курсига асосан ҳисобланади.

20. Экспорт қилувчилар транспорт харажатларининг 50 фоизигача қисмини компенсация қилиш ваколатли орган томонидан, унинг буюртманомаларига мувофиқ 2020 йилда Ўзбекистон Республикаси Молия вазирлиги ҳузуридаги Инқирозга қарши курашиш жамғармаси маблағлари ҳисобидан, 2021 йилдан бошлаб Ўзбекистон Республикаси Давлат бюджети параметрларида кўзда тутилган субсидия маблағлари доирасида амалга оширилади.

21. Ваколатли орган ҳар ҳафта якуни бўйича кейинги ҳафтанинг биринчи иш кунида экспорт қилувчилар томонидан тақдим этилган аризаларни кўриб чиқиш якунларига мувофиқ экспорт қилувчиларга компенсациялар бериш учун Ўзбекистон Республикаси Давлат бюджети маблағларидан субсидиялар ажратиш юзасидан Ўзбекистон Республикаси Молия вазирлигига буюртманома тақдим этади.

22. Ўзбекистон Республикаси Молия вазирлиги ваколатли орган томонидан тақдим этилган буюртманомани олган кундан бошлаб уч иш куни мобайнида буюртманомада кўрсатилган субсидия маблағларини ваколатли органнинг махсус шахсий ғазна ҳисобварағига ўтказиб беради.

Бунда, молия йили якуни бўйича ушбу шахсий ғазна ҳисобварағида фойдаланилмай қолган бюджет маблағлари Ўзбекистон Республикаси Давлат бюджетига қайтарилади.

23. Ваколатли орган махсус ғазна ҳисобварағига тушган субсидия маблағларини икки иш куни мобайнида ваколатли орган томонидан компенсация берилиши белгиланган тегишли экспорт қилувчиларнинг тижорат банкларидаги ҳисоб рақамларига ўтказиб беради.

24. Маҳсулотлар консигнация шартномалари асосида экспортга чиқарилганда мазкур Низомга мувофиқ экспорт қилувчига тақдим этилган компенсация тўловлари Ўзбекистон Республикаси Давлат бюджетидан қарздорлик сифатида эътироф этилади агар:

маҳсулотлар учун тўловлар шартнома ва қонунчиликда белгиланган муддатларда экспорт қилувчига келиб тушмаса;

маҳсулотлар сотилмасдан Ўзбекистон Республикасига қайтариб келинса.

Бунда, экспорт қилувчи шундай ҳолат юз бергандан бошлаб бир ой муддатда тегишли компенсация тўловларини ваколатли органга қайтариши талаб этилади. Ушбу муддатда қайтарилмаган компенсация тўлови қонунчиликда ўрнатилган тартибда ундурувга қаратилади.

25. Компенсация берилган экспорт қилувчиларнинг реестри ваколатли орган томонидан ушбу Низомнинг 6-иловасига мувофиқ шаклда юритилади.

6-боб. Якуний қоидалар

26. Ваколатли орган томонидан экспорт қилувчига маҳсулотларни экспорт қилишдаги транспорт харажатларини компенсация қилиш учун субсидия маблағлари ажратилишини назорат қилиш Ўзбекистон Республикаси Молия вазирлигининг Давлат молиявий назорати департаменти томонидан амалга оширилади.

27. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

(27-банд Ўзбекистон Республикаси адлия вазирининг 2021 йил 28 июлдаги 16-мҳ-сонли буйруғи (рўйхат рақами 3313, 28.07.2021 й.) таҳририда — Қонунчилик маълумотлари миллий базаси, 28.07.2021 й., 10/21/3313/0724-сон)

Маҳсулотни экспорт қилишда ташиш харажатларини Ўзбекистон Республикаси Давлат бюджети маблағлари ҳисобидан компенсация қилиш тартиби тўғрисидаги низомга
1-ИЛОВА

Ўзбекистон Республикаси Инвестициялар ва ташқи савдо вазирлиги ҳузуридаги Экспортни рағбатлантириш агентлиги томонидан экспорт қилувчининг аризаларини кўриб чиқиш

СХЕМАСИ

Маҳсулотни экспорт қилишда ташиш харажатларини Ўзбекистон Республикаси Давлат бюджети маблағлари ҳисобидан компенсация қилиш тартиби тўғрисидаги низомга
2-ИЛОВА

‎	‎	‎	‎	‎	‎	‎‎‎Ўзбекистон Республикаси Инвестициялар ва ташқи савдо вазирлиги ҳузуридаги Экспортни рағбатлантириш агентлигига ‎_______________________ дан
‎	‎	‎	‎	‎	‎	(экспорт қилувчининг номи)
‎	‎	‎	‎	‎‎‎Ариза ‎		‎	‎	‎	‎
‎‎_________________________ томонидан ________________ автомобиль/темир йўл/ҳаво
‎‎(экспорт қилувчининг номи)			‎	‎	‎(мамлакат номи)		‎	‎	‎
‎‎транспортида экспорт қилинган, умумий қиймати АҚШ долларига тенг, ТИФ ТН коди ______________ бўлган __________________ маҳсулот(лар)ини экспорт қилиш учун
‎	‎	‎	(маҳсулотнинг номи)		‎	‎	‎	‎	‎
‎‎сарфланган _________________ cўм миқдоридаги транспорти харажатининг 50 фоизигача қисмини Ўзбекистон Республикаси Давлат бюджети ҳисобидан компенсация қилиш масаласини кўриб чиқишингизни ва тегишли компенсация тўловини ______________________________________ тижорат банкининг __________________
‎	‎‎(банк номи)			‎	‎	‎	‎‎(ҳудуднинг номи)
‎‎филиалидаги _______________ ҳисоб рақамга ўтказиб беришингизни сўрайман.
‎‎ ‎Аризага қуйидаги ҳужжатлар илова қилинмоқда:
‎‎1. Экспорт шартномаси (инвойс) ва (ёки) воситачилик шартномаси нусхаси. ‎2. Божхона юк декларацияси нусхаси. ‎3. Транспорт компанияси ва (ёки) транспорт-экспедиторлик компанияси билан тузилган шартнома ва у бўйича амалга оширилган тўловларни тасдиқловчи ҳужжатлар нусхаси. Экспорт қилувчи маҳсулотларни ўз балансидаги автомобиль транспортида экспортга ташиганда транспорт харажатларини тасдиқловчи ҳисоб-китоблар тегишли ҳужжатлар нусхалари билан тақдим этилади. ‎4. Маҳсулотлар автомобиль ва (ёки) темир йўл транспортида ташилганда маҳсулотлар экспортга ортилган жойдан экспорт шартномасида кўрсатилган етказиб бериш жойигача бўлган автомобиль йўли ва (ёки) темир йўл масофаси тўғрисидаги маълумотлар; ‎5. Маҳсулотларни экспортга ташиш юкхатлари нусхаси. ‎6. Маҳсулотларнинг келиб чиқиш сертификати нусхаси. ‎
‎‎_____________ раҳбари			‎	‎	‎‎__________________				‎
‎‎(экспорт қилувчи)		‎	‎	‎	‎	‎‎(Ф.И.О.)		‎	‎
‎‎Боғланиш учун телефон: +998 (___)__________‎
‎	‎	‎	‎	‎	‎	‎	‎	‎	‎

Маҳсулотни экспорт қилишда ташиш харажатларини Ўзбекистон Республикаси Давлат бюджети маблағлари ҳисобидан компенсация қилиш тартиби тўғрисидаги низомга
3-ИЛОВА

Маҳсулотларни экспортга ташиш харажатларининг бир қисмини компенсация қилишга тақдим этиладиган субсидияларнинг қатъий миқдорлари
(автомобиль транспортида ташилганда)

Т/р	Маҳсулот номи	Маҳсулот ТИФ ТН коди	Афғонис-тон	Россия Федера-цияси* (3500 км гача бўлган ҳудуд-ларига)	Бела-русь, Укра-ина, Молдова	Кавказ давлат-лари (Озарбай-жон, Арманис-тон, Грузия)	Осиё қитъаси		Европа қитъаси	Америка қитъаси	Африка қитъаси	Бошқалар (Авс-тралия ва орол давлат-лари)
Т/р	Маҳсулот номи	Маҳсулот ТИФ ТН коди	Афғонис-тон		Бела-русь, Укра-ина, Молдова		Яқин Шарқ ва бошқа Осиё давлат-лари	Осиё- Тинч океани давлат-лари	Европа қитъаси	Америка қитъаси	Африка қитъаси	Бошқалар (Авс-тралия ва орол давлат-лари)
I.	Озиқ-овқат маҳсулотлари
I.1.	Бошқариладиган температура талаб этиладиган озиқ-овқат маҳсулотлари
1.	Тухум, парранда гўшти ва маҳсулотлари	0407210000, 0207	260	480	700	540	540	1300	760	540	540	1300
2.	Помидорлар	0702000001 — 0702000009	260	480	700	540	540	1300	760	540	540	1300
3.	Саримсоқ	0703200000	260	480	700	540	540	1300	760	540	540	1300
4.	Гулкарам	0704100000	260	480	700	540	540	1300	760	540	540	1300
5.	Салатлар (латук, айсберг, радичо, оаклиф, лолло-росса ва бошқалар]	0705	260	480	700	540	540	1300	760	540	540	1300
6.	Бодринглар	0707000501 — 0707000509	260	480	700	540	540	1300	760	540	540	1300
7.	Кўкатлар	0709400000, 0709700000, 0709991000, 0709999000	260	480	700	540	540	1300	760	540	540	1300
8.	Ширин қалампир ҳўл ёки музлатилган	0709601000, 0710805100	260	480	700	540	540	1300	760	540	540	1300
9.	Аччиқ қалампир	0709609900	260	480	700	540	540	1300	760	540	540	1300
10.	Музлатилган сабзавотлар	0710809500	260	480	700	540	540	1300	760	540	540	1300
11.	Лимон	0805501000	260	480	700	540	540	1300	760	540	540	1300
12.	Узум	0806101000, 0806109000	260	480	700	540	540	1300	760	540	540	1300
13.	Тарвуз	0807110000	260	480	700	540	540	1300	760	540	540	1300
14.	Қовун	0807190000	260	480	700	540	540	1300	760	540	540	1300
15.	Олма	0808108001-0808108004	260	480	700	540	540	1300	760	540	540	1300
16.	Нок	0808309000	260	480	700	540	540	1300	760	540	540	1300
17.	Ўрик	0809100000	260	480	700	540	540	1300	760	540	540	1300
18.	Гилос	0809290000	260	480	700	540	540	1300	760	540	540	1300
19.	Нектарин	0809301000	260	480	700	540	540	1300	760	540	540	1300
20.	Шафтоли	0809309000	260	480	700	540	540	1300	760	540	540	1300
21.	Олхўри	0809400500	260	480	700	540	540	1300	760	540	540	1300
22.	Олча	0809210000	260	480	700	540	540	1300	760	540	540	1300
23.	Хурмо	0810700000	260	480	700	540	540	1300	760	540	540	1300
24.	Анор	0810907500	260	480	700	540	540	1300	760	540	540	1300
25.	Музлатилган ёки консерваланган мевалар	0811, 0811907500, 0811908000, 0811909500, 0812902500	260	480	700	540	540	1300	760	540	540	1300
I.2.	Бошқариладиган температурада талаб этилмайдиган озиқ-овқат маҳсулотлари
26.	Ковул	0711907000	225	360	450	495	495	1240	740	495	495	1240
27.	Қуритилган сабзавотлар	0712909000	225	360	450	495	495	1240	740	495	495	1240
28.	Ёнғоқ	0802310000, 0802320000	225	360	450	495	495	1240	740	495	495	1240
29.	Бодом	0802111000, 0802119000, 0802121000, 0802129000	225	360	450	495	495	1240	740	495	495	1240
30.	Майиз	0806203000, 0806209000	225	360	450	495	495	1240	740	495	495	1240
31.	Қуритилган мевалар	0813100000, 0813200000, 0813300000, 0813401000, 0813403000, 0813409500, 0813501500, 0813501900, 0813509100, 0813509900	225	360	450	495	495	1240	740	495	495	1240
32.	Қуритилган, майдаланган ва янчилган қалампир	0904110000, 0904120000, 0904211000, 0904219000, 0904220000	225	360	450	495	495	1240	740	495	495	1240
33.	Ерёнғоқ	1202, 1202410000, 1202420000	225	360	450	495	495	1240	740	495	495	1240
	Саноат маҳсулотлари
34.	Табиий узум винолари	2204101100, 2204219700, 2204219800, 2204299501, 2204299508, 2204299601, 2204299701, 2204299708, 2204299709, 2204299801, 2204299809, 2204309800	225	360	450	495	495	1240	740	495	495	1240
35.	Коньяк дистилляти	2208208900	225	360	450	495	495	1240	740	495	495	1240
36.	Таркибида антибиотиклар бўлган пенициллинлар, дори воситалари	3004100001, 3004100006, 3004200001, 3004200002	225	360	450	495	495	1240	740	495	495	1240
37.	Гулқоғозлар ва шунга ўхшаш девор қопламалари	4814200000	225	360	450	495	495	1240	740	495	495	1240
38.	Газлама	5208 — 5212	225	360	450	495	495	1240	740	495	495	1240
39.	Тўқима гиламлар	5702429000	225	360	450	495	495	1240	740	495	495	1240
40.	Линолеум	5904100000	225	360	450	495	495	1240	740	495	495	1240
41.	Трикотаж мато	60	225	360	450	495	495	1240	740	495	495	1240
42.	Тикув-трикотаж маҳсулотлари	61 — 63	225	540	675	742	742	1860	1110	742	742	1860
43.	Сув ўтказмайдиган пойабзал	6401921000, 6401929000, 6401990000	225	360	450	495	495	1240	740	495	495	1240
44.	Пойабзал	6403200000, 6403400000, 6403911600, 6403999100, 6403999600, 6404199000, 6404209000, 6405100000, 6405209100, 6405209900, 6405901000	225	360	450	495	495	1240	740	495	495	1240
45.	Шлак пахта, минерал пахта ва бошқалар	6806100008, 6806209000, 6806900000	225	360	450	495	495	1240	740	495	495	1240
46.	Тош ётқизиш учун плиталар	6907219001, 6907229003, 6907229009, 6907239003	225	360	450	495	495	1240	740	495	495	1240
47.	Керамикадан ясалган пардозлаш буюмлари	6907409003, 6907409009	225	360	450	495	495	1240	740	495	495	1240
48.	Ошхона идишлари ва бошқалар	6912001000, 6912002100, 6912002300, 6912002500, 6912002900, 6912005000, 6912008100, 6912008900, 6912009000	225	360	450	495	495	1240	740	495	495	1240
49.	Шиша тола	7019199009, 7019310000, 7019390009, 7019510000, 7019590000, 7019900009	225	360	450	495	495	1240	740	495	495	1240
50.	Шиша идишлар	7010901000, 7010904100, 7010904300, 7010904500, 7010905300, 7010907100, 7010907900	225	360	450	495	495	1240	740	495	495	1240
51.	Қалпоқлар ёки вентиляцияли шкафлар	8414600000	225	360	450	495	495	1240	740	495	495	1240
52.	Кир ювиш машиналари	8450120000	225	360	450	495	495	1240	740	495	495	1240
53.	Аккумуляторлар	8507102003	225	360	450	495	495	1240	740	495	495	1240
54.	Трансформаторлар	8504210000, 8504221000, 8504229000, 8504230000, 8504312900, 8504318009, 8504330000, 8504340000, 8504403009, 8504405500, 8504408200, 8504408800, 8504409000, 8504509500, 8504901800, 8504909900	225	360	450	495	495	1240	740	495	495	1240
55.	Чанг ютгичлар	8508190001	225	360	450	495	495	1240	740	495	495	1240
56.	Тақсимлагичлар, ўт олдириш ғалтаклари	8511400008	225	360	450	495	495	1240	740	495	495	1240
57.	Электр ускуналар	8511500009	225	360	450	495	495	1240	740	495	495	1240
58.	Электр ёритиш ва сигнализация ускуналари	8512200001, 8512200009	225	360	450	495	495	1240	740	495	495	1240
59.	Печлар ва камералар	8514900000	225	360	450	495	495	1240	740	495	495	1240
60.	Электр сув иситгичлар, микротўлқинли печлар, печлар, электр плиталар ва ҳ.к.	8516108000, 8516500000, 8516601010, 8516601090, 8516607000, 8516609000	225	360	450	495	495	1240	740	495	495	1240
61.	Овозни қабул қилиш ва узатиш учун аппаратура, телевизион алоқани қабул қилиш учун аппаратура	8517620009, 8528722001	225	360	450	495	495	1240	740	495	495	1240
62.	Коммутация учун электр аппаратура	8535900000	225	360	450	495	495	1240	740	495	495	1240
63.	Пультлар, панеллар, консоллар ва бошқалар	8537109900, 8537209100	225	360	450	495	495	1240	740	495	495	1240
64.	Диодлар	8541100009	225	360	450	495	495	1240	740	495	495	1240
65.	Ўралган ва изоляцияланган симлар, ўт олдириш свечалари учун симлар тўплами, электр ўтказгичлар	8544111000, 8544300008, 8544499101, 8544499109, 8544499309, 8544499500, 8544609009	225	360	450	495	495	1240	740	495	495	1240
66.	Ўтириш учун мебель	9401610000, 9401690000, 9401903000	225	360	450	495	495	1240	740	495	495	1240
67.	Ўйинчоқлар	9503001000, 9503003500, 9503007000, 9503009500	225	360	450	495	495	1240	740	495	495	1240
68.	Гигиена воситалари	9619008101	225	360	450	495	495	1240	740	495	495	1240

* Изоҳ: Экспортга юк ортилган жойдан 3500 км дан ортиқ масофадаги Россия Федерацияси ҳудудларига экспорт амалга оширилганда қатъий белгиланган субсидия миқдори кейинги ҳар 500 км гача бўлган масофага рефрижераторли автомобилда ташилганда 70 сўм/кг ҳамда бошқа автомобилларда ташилганда 50 сўм/кг миқдорга ошириб ҳисобланади. Бунда, йўл масофасини ҳисоблашда 50 км гача бўлган четлашишга йўл қўйилиши мумкин. Мисол учун, 550 км гача бўлган масофа 500 км масофа сифатида ҳисобга олинади.

Маҳсулотни экспорт қилишда ташиш харажатларини Ўзбекистон Республикаси Давлат бюджети маблағлари ҳисобидан компенсация қилиш тартиби тўғрисидаги низомга
4-ИЛОВА

Маҳсулотларни экспортга ташиш харажатларининг бир қисмини компенсация қилишга тақдим этиладиган субсидияларнинг қатъий миқдорлари
(темир йўл транспортида ташилганда)

												сўм/кг
Т/р	Маҳсулот номи	Маҳсулот ТИФ ТН коди	Афғонис- тон	Россия Федера- цияси	Беларусь, Укараина, Молдова	Кавказ давлатлари (Озарбай- жон, Арманис- тон, Грузия)	Осиё қитъаси		Европа қитъаси	Америка қитъаси	Африка қитъаси	Бошқалар (Австралия ва орол давлатлар)
Т/р	Маҳсулот номи	Маҳсулот ТИФ ТН коди	Афғонис- тон	Россия Федера- цияси	Беларусь, Укараина, Молдова		Яқин Шарқ ва бошқа Осиё давлатлари	Осиё-Тинч океани давлатлари	Европа қитъаси	Америка қитъаси	Африка қитъаси	Бошқалар (Австралия ва орол давлатлар)
I.	Озиқ-овқат маҳсулотлари
I.1.	Бошқариладиган температура талаб этиладиган озиқ-овқат маҳсулотлари
1.	Тухум, парранда гўшти ва маҳсулотлари	0407210000, 0207	115	439	706	360	233	1,000	946	781	772	1,128
2.	Помидорлар	0702000001 — 0702000009	115	439	706	360	233	1,000	946	781	772	1,128
3.	Саримсоқ	0703200000	115	439	706	360	233	1,000	946	781	772	1,128
4.	Гулкарам	0704100000	115	439	706	360	233	1,000	946	781	772	1,128
5.	Салатлар (латук, айсберг, радичо, оаклиф, лолло-росса ва бошқалар)	0705	115	439	706	360	233	1,000	946	781	772	1,128
6.	Бодринглар	0707000501 — 0707000509	115	439	706	360	233	1,000	946	781	772	1,128
7.	Кўкатлар	0709400000, 0709700000, 0709991000, 0709999000	115	439	706	360	233	1,000	946	781	772	1,128
8.	Ширин қалампир ҳўл ёки музлатилган	0709601000, 0710805100	115	439	706	360	233	1,000	946	781	772	1,128
9.	Аччиқ қалампир	0709609900	115	439	706	360	233	1,000	946	781	772	1,128
10.	Музлатилган сабзавотлар	0710809500	115	439	706	360	233	1,000	946	781	772	1,128
11.	Лимон	0805501000	115	439	706	360	233	1,000	946	781	772	1,128
12.	Узум	0806101000, 0806109000	115	439	706	360	233	1,000	946	781	772	1,128
13.	Тарвуз	0807110000	115	439	706	360	233	1,000	946	781	772	1,128
14.	Қовун	0807190000	115	439	706	360	233	1,000	946	781	772	1,128
15.	Олма	0808108001 — 0808108004	115	439	706	360	233	1,000	946	781	772	1,128
16.	Нок	0808309000	115	439	706	360	233	1,000	946	781	772	1,128
17.	Ўрик	0809100000	115	439	706	360	233	1,000	946	781	772	1,128
18.	Гилос	0809290000	115	439	706	360	233	1,000	946	781	772	1,128
19.	Нектарин	0809301000	115	439	706	360	233	1,000	946	781	772	1,128
20.	Шафтоли	0809309000	115	439	706	360	233	1,000	946	781	772	1,128
21.	Олхўри	0809400500	115	439	706	360	233	1,000	946	781	772	1,128
22.	Олча	0809210000	115	439	706	360	233	1,000	946	781	772	1,128
23.	Хурмо	0810700000	115	439	706	360	233	1,000	946	781	772	1,128
24.	Анор	0810907500	115	439	706	360	233	1,000	946	781	772	1,128
25.	Музлатилган ёки консерваланган мевалар	0811, 0811907500, 0811908000, 0811909500, 0812902500	115	439	706	360	233	1,000	946	781	772	1,128
I.2.	Бошқариладиган температурада талаб этилмайдиган озиқ-овқат маҳсулотлари
26.	Ковул	0711907000	112	563	599	347	219	1,465	1,104	1,104	880	1,643
27.	Қуритилган сабзавотлар	0712909000	118	649	707	422	269	1,465	1,104	1,104	880	1,643
28.	Ёнғоқ	0802310000, 0802320000	109	581	635	372	231	1,465	1,085	1,077	861	1,569
29.	Бодом	0802111000, 0802119000, 0802121000, 0802129000	109	581	635	372	231	1,465	1,085	1,077	861	1,569
30.	Майиз	0806203000, 0806209000	109	581	635	372	231	1,465	1,085	1,077	861	1,569
31.	Қуритилган мевалар	0813100000, 0813200000, 0813300000, 0813401000, 0813403000, 0813409500, 0813501500, 0813501900, 0813509100, 0813509900	109	594	635	372	231	1,465	1,085	1,077	861	1,569
32.	Қуритилган, майдаланган ва янчилган қалампир	0904110000, 0904120000, 0904211000, 0904219000, 0904220000	120	594	647	380	241	1,465	1,104	1,104	880	1,643
33.	Ерёнғоқ	1202, 1202410000, 1202420000	64	581	635	372	231	1,465	1,085	1,077	861	1,569
	Саноат маҳсулотлари
34.	Табиий узум винолари	2204101100, 2204219700, 2204219800, 2204299501, 2204299508, 2204299601, 2204299701, 2204299708, 2204299709, 2204299801, 2204299809, 2204309800	198	739	753	461	664	1,635	1,269	1,315	1,086	1,834
35.	Коньяк дистилляти	2208208900	105	470	492	280	664	1,635	1,269	1,315	1,086	1,834
36.	Таркибида антибиотиклар бўлган пенициллинлар, дори воситалари	3004100001,3004100006, 3004200001,3004200002	133	545	619	387	664	1,635	1,269	1,315	1,086	1,834
37.	Гулқоғозлар ва шунга ўхшаш девор қопламалари	4814200000	116	694	685	430	664	1,635	1,269	1,315	1,086	1,834
38.	Газлама	5208 ― 5212	133	562	691	299	664	1,635	1,269	1,315	1,086	1,834
39.	Тўқима гиламлар	5702429000	130	751	795	365	664	1,635	1,269	1,316	1,086	1,834
40.	Линолеум	5904100000	92	555	534	245	664	1,568	1,251	1,287	1,038	1,759
41.	Трикотаж мато	60	118	764	889	374	653	1,635	1,269	1,315	1,058	1,834
42.	Тикув-трикотаж маҳсулотлари	61 ― 63	214	1,249	1,379	589	664	1,635	1,269	1,315	1,086	1,834
43.	Сув ўтказмайдиган пойабзал	6401921000, 6401929000, 6401990000	214	1,356	1,353	589	664	1,635	1,269	1,315	1,086	1,834
44.	Пойабзал	6403200000, 6403400000, 6403911600, 6403999100, 6403999600, 6404199000, 6404209000, 6405100000, 6405209100, 6405209900, 6405901000	214	1,356	1,353	589	664	1,635	1,269	1,315	1,086	1,834
45.	Шлак пахта, минерал пахта ва бошқалар	6806100008, 6806209000, 6806900000	185	1,355	853	542	636	1,568	1,251	1,287	1,038	1,759
46.	Тош ётқизиш учун плиталар	6907219001, 6907229003, 6907229009, 6907239003	85	425	350	219	646	1,568	1,251	1,287	1,066	1,759
47.	Керамикадан ясалган пардозлаш буюмлари	6907409003, 6907409009	85	425	350	219	646	1,568	1,251	1,287	1,066	1,759
48.	Ошхона идишлари ва бошқалар	6912001000, 6912002100, 6912002300, 6912002500, 6912002900, 6912005000, 6912008100, 6912008900, 6912009000	149	858	982	425	664	1,635	1,269	1,287	1,086	1,834
49.	Шиша тола	7019199009, 7019310000, 7019390009, 7019510000, 7019590000, 7019900009	146	1,355	1,353	589	636	1,568	1,251	1,287	1,038	1,759
50.	Шиша идишлар	7010901000, 7010904100, 7010904300, 7010904500, 7010905300, 7010907100, 7010907900	146	1,355	1,353	589	636	1,568	1,269	1,287	1,086	1,759
51.	Қалпоқлар ёки вентиляцияли шкафлар	8414600000	132	1,109	1,082	414	538	1,583	1,251	1,287	1,066	1,759
52.	Кир ювиш машиналари	8450120000	149	1,109	1,227	425	556	1,650	1,269	1,287	1,086	1,834
53.	Аккумуляторлар	8507102003	85	609	586	212	528	1,583	1,251	1,287	1,038	1,759
54.	Трансформаторлар	8504210000, 8504221000, 8504229000, 8504230000, 8504312900, 8504318009, 8504330000, 8504340000, 8504403009, 8504405500, 8504408200, 8504408800, 8504409000, 8504509500, 8504901800, 8504909900	118	1,053	1,049	365	528	1,583	1,251	1,287	1,038	1,759
55.	Чанг ютгичлар	8508190001	133	995	948	373	545	1,650	1,269	1,315	1,058	1,834
56.	Тақс�млагичлар, ўт олдириш ғалтаклари	8511400008	118	1,053	1,049	365	528	1,583	1,251	1,287	1,038	1,759
57.	Электр ускуналар	8511500009	118	1,053	1,049	365	466	1,583	1,251	1,287	1,038	1,759
58.	Электр ёритиш ва сигнализация ускуналари	8512200001, 8512200009	118	1,053	1,049	365	545	1,650	1,251	1,287	1,038	1,834
59.	Печлар ва камералар	8514900000	118	1,053	1,049	365	528	1,583	1,251	1,287	1,038	1,759
60.	Электр сув иситгичлар, микротўлқинли печлар, печлар, электр плиталар ва ҳ.к.	8516108000, 8516500000, 8516601010, 8516601090, 8516607000, 8516609000	118	1,053	1,049	365	556	1,650	1,251	1,287	1,038	1,834
61.	Овозни қабул қилиш ва узатиш учун аппаратура, телевизион алоқани қабул қилиш учун аппаратура	8517620009, 8528722001	150	1,277	1,316	444	545	1,583	1,251	1,287	1,058	1,759
62.	Коммутация учун электр аппаратура	8535900000	98	1,053	1,049	365	528	1,583	1,251	1,287	1,058	1,759
63.	Пультлар, панеллар, консоллар ва бошқалар	8537109900, 8537209100	103	995	1,094	373	545	1,650	1,251	1,287	1,058	1,834
64.	Диодлар	8541100009	199	1,609	1,644	562	545	1,650	1,269	1,315	1,058	1,834
65.	Ўралган ва изоляцияланган симлар, ўт олдириш свечалари учун симлар тўплами, электр ўтказгичлар	8544111000, 8544300008, 8544499101, 8544499109, 8544499309, 8544499500, 8544609009	88	979	980	377	538	1,583	1,251	1,287	1,058	1,759
66.	Ўтириш учун мебель	9401610000, 9401690000, 9401903000	199	1,462	1,665	589	556	1,650	1,252	1,315	1,086	1,834
67.	Ўйинчоқлар	9503001000, 9503003500, 9503007000, 9503009500	199	1,459	1,546	589	556	1,650	1,269	1,315	1,086	1,834
68.	Гигиена воситалари	9619008101	170	1,554	1,408	542	528	1,583	1,251	1,287	1,038	1,759

Маҳсулотни экспорт қилишда ташиш харажатларини Ўзбекистон Республикаси Давлат бюджети маблағлари ҳисобидан компенсация қилиш тартиби тўғрисидаги низомга
5-ИЛОВА

Маҳсулотларни экспортга ташиш харажатларининг бир қисмини компенсация қилишга тақдим этиладиган субсидияларнинг қатъий миқдорлари*
(ҳаво транспортида ташилганда)

сўм/кг

Т/р

Маҳсулот номи

Москва

Новосибрск

Дубай

Пекин

Шанхай

Тяньцзинь

Сеул

Лондон

Бошқа давлатлар (шаҳарлар)

3000 км гача бўлган масофага

3000-4000 км масофага

4000-5000 км масофага

5000-6000 км масофага

6000 км.дан ортиқ масофага

7200

8100

9900

11700

13500

* Изоҳ: Қатъий белгиланган субсидия миқдори маҳсулотлар чартер рейслари ёки фақат юк ташиш учун ташкил этилган мунтазам рейслар орқали ташилганда амал қилади.

Маҳсулотни экспорт қилишда ташиш харажатларини Ўзбекистон Республикаси Давлат бюджети маблағлари ҳисобидан компенсация қилиш тартиби тўғрисидаги низомга
6-ИЛОВА

Транспорт харажатлари бўйича компенсация берилган экспорт қилувчиларнинг

реестри

Т/р

Экспорт қилувчи номи

Экспорт шартномаси (инвойс)нинг иденти-фикация рақами ва/ёки восита-чилик шартномаси рақами
ва санаси

Маҳсулот номи

Божхона юк деклара-цияси рақами ва санаси

Маҳсулот учун тўлов мавжуд-лиги

(бўнак тўлови, аккре-дитив, консиг-нация шартида)

Автомо-биль/ темир йўл транс-порти босиб ўтган жами йўл масофаси,
км

Экспортга юк ортиш жойи/ станцияси/ аэропорти номи (манзили, рақами ёки бошқа)

Экспортга ортилган юкнинг сўнгги етиб бориш жойи/ станцияси / аэропорти номи

Маҳсулот умумий экспорт қиймати (шартно-маси бўйича, транспорт харажатини айирган ҳолда), сўм

Экспорт қилинган маҳсулот ҳажми,

кг

Маҳсулот экспорт қиймати бўйича ҳисоб-ланган компен-сация миқдори,
сўм

Экспорт қилувчи транс-порт хара-жати, сўм

Қатъий белгиланган субсидия миқдори бўйича ҳисоб-ланган компен-сация миқдори,
сўм

Экспорт қилув-чига тақдим этилган компен-сация миқдори,
сўм

номи

ТИФ ТН коди

...

(Қонун ҳужжатлари маълумотлари миллий базаси, 30.06.2020 й., 10/20/3257/1056-сон; Қонунчилик маълумотлари миллий базаси, 28.07.2021 й., 10/21/3313/0724-сон)