Ўзбекистон Республикаси Президентининг

Қарори

Суд-экспертлик фаолиятини янада такомиллаштириш чора-тадбирлари тўғрисида

Ўзбекистон Республикасида суд-экспертлик фаолиятини жадал ривожлантириш, нодавлат ташкилотлар томонидан суд-экспертлик фаолиятини амалга оширишнинг ҳуқуқий асосларини шакллантириш мақсадида, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларга мувофиқ:

1. Ўзбекистон Республикаси Адлия вазирлигининг нодавлат суд-экспертиза ташкилотларини ташкил этишга рухсат бериш ва уларга 1-иловадаги рўйхатга мувофиқ суд экспертизаларининг айрим турларини ўтказиш ҳуқуқини бериш ҳақидаги таклифи маъқуллансин.

2. Белгилаб қўйилсинки:

нодавлат суд-экспертиза ташкилотларининг суд экспертлари қайта тайёрлаш ва малака ошириш курсларини пуллик асосда 2-иловага мувофиқ давлат муассасаларида ўтайдилар;

суд экспертизаси соҳасида қайта тайёрлаш ва малака ошириш курсларини тамомлаган шахсларга уларнинг касбий лаёқатини ва суд экспертларига тегишли ихтисослик бўйича қўйиладиган малака талабларига мувофиқлигини тасдиқловчи суд эксперти сертификати берилади;

Олдинги таҳрирга қаранг.

суд-экспертиза соҳасида кадрларни тайёрлаш олий таълим муассасаларида дуал таълим принципига мувофиқ бакалавриат ёки магистратура босқичларида таълим олаётган даврда шартнома асосида тегишли экспертиза турлари бўйича камида олти ойлик экспертлар тайёрлаш курсларида амалга оширилиши мумкин;

(2-банд Ўзбекистон Республикаси Президентининг 2021 йил 5 июлдаги ПФ-6256-сонли Фармонига асосан тўртинчи хатбоши билан тўлдирилган — Қонунчилик маълумотлари миллий базаси, 06.07.2021 й., 06/21/6256/0636-сон)

суд эксперти сертификатини олган шахслар ҳақидаги маълумотлар Ўзбекистон Республикаси Адлия вазирлигининг расмий веб-сайтида жойлаштириладиган Ягона реестрга киритилади;

нодавлат суд-экспертиза ташкилотларининг суд эксперти томонидан қонунчиликда белгиланган тартибда суд эксперти сертификатини олмасдан туриб суд экспертизаси ўтказилишига йўл қўйилмайди;

LexUZ шарҳи

Қаранг: Вазирлар Маҳкамасининг 2020 йил 24 мартдаги 180-сон қарори билан тасдиқланган Нодавлат суд-экспертиза ташкилотлари суд экспертларини қайта тайёрлаш, малакаси ва ҳуқуқий билимини ошириш тартиби тўғрисидаги низомнинг 6-боби.

нодавлат суд-экспертиза ташкилотлари суд экспертизасини ўтказишда давлат суд-экспертиза муассасалари каби функцияларни амалга оширади, улар каби ҳуқуққа эга бўлади, мажбуриятларни бажаради ва жавобгар ҳисобланади;

суд экспертизасини тайинлаган орган (шахс) нодавлат суд-экспертиза ташкилоти томонидан ўтказилган суд экспертизаси хулосасига қўшилмаган тақдирда, такрорий суд экспертизаси фақат давлат суд-экспертиза муассасалари томонидан амалга оширилади;

Ўзбекистон Республикаси Адлия вазирлиги томонидан унинг расмий веб-сайтида белгиланган тартибда жойлаштириладиган нодавлат суд-экспертиза ташкилотлари рейтинги юритилади.

3. 2019-2020 йилларда суд-экспертлик фаолиятини янада такомиллаштириш бўйича «Йўл харитаси» 3-иловага мувофиқ тасдиқлансин.

4. Ўзбекистон Республикаси адлия вазирига:

Ўзбекистон Республикаси Адлия вазирлиги ҳузуридаги Х. Сулаймонова номидаги Республика суд экспертизаси маркази (кейинги ўринларда — Марказ) ва Ўзбекистон Республикаси Адлия вазирлиги томонидан пуллик хизматлар кўрсатишдан келиб тушадиган ва бошқа бюджетдан ташқари маблағлар ҳисобидан Марказнинг янги бўлинмаларини ташкил этиш ва қўшимча штатлар бирлигини жорий қилиш;

Марказ томонидан бажариладиган ишлар, кўрсатиладиган хизматлар бўйича тарифлар, нархлар ва қийматларни мустақил равишда белгилаш ҳуқуқи берилсин.

Олдинги таҳрирга қаранг.

(5-банд Ўзбекистон Республикаси Президентининг 2021 йил 5 июлдаги ПФ-6256-сонли Фармонига асосан ўз кучини йўқотган — Қонунчилик маълумотлари миллий базаси, 06.07.2021 й., 06/21/6256/0636-сон)

6. Белгилаб қўйилсинки:

Марказ ходимларининг Ягона тариф сеткаси бўйича меҳнатга ҳақ тўлашнинг тасдиқланган разрядларига кўра лавозим маошини белгилашда тариф коэффициентлари бир ярим баробар миқдорда қўлланилади;

ушбу бандда назарда тутилган тадбирлар билан боғлиқ сарф-харажатлар Ўзбекистон Республикаси Адлия вазирлиги ва Марказнинг бюджетдан ташқари маблағлари ҳисобидан амалга оширилади.

Олдинги таҳрирга қаранг.

Марказга кўрсатилган пуллик хизматлардан Бюджет ташкилотларини ривожлантириш жамғармасига тушадиган маблағларнинг 70 фоизигача бўлган қисмини Марказ ходимларини ижтимоий ҳимоя қилиш ва моддий рағбатлантириш тадбирлари учун йўналтиришга рухсат берилсин.

(6-банднинг тўртинчи хатбошиси Ўзбекистон Республикаси Президентининг 2025 йил 8 сентябрдаги ПҚ-270-сонли қарори таҳририда — Қонунчилик маълумотлари миллий базаси, 08.09.2025 й., 07/25/270/0810-сон)

7. Илмий тадқиқотлар натижаларини суд-экспертлик фаолиятига татбиқ этиш, суд экспертизаларини ўтказиш услубиётини такомиллаштириш, давлат суд-экспертиза муассасаларининг кадрлар салоҳиятини мустаҳкамлаш суд-экспертлик фаолиятини ривожлантиришнинг устувор йўналиши этиб белгилансин.

Ўзбекистон Республикаси Фанлар Академиясининг илмий-тадқиқот муассасалари ва олий таълим муассасалари Марказнинг тегишли бўлим ва лабораторияларига 4-иловага мувофиқ бириктирилсин.

Ўзбекистон Республикаси Фанлар Академияси, Олий ва ўрта махсус таълим вазирлиги Марказга малакали мутахассислар орасидан суд экспертларини танлаб олишда кўмаклашсин.

8. Тошкент шаҳар ҳокими Ўзбекистон Республикаси Адлия вазирлиги билан биргаликда 2019 йил 1 мартга қадар Марказнинг ихтисослаштирилган янги биноси белгиланган тартибда фойдаланишга қабул қилинишини таъминласин.

9. Терговга қадар текширув, суриштирув ва дастлабки терговни амалга оширувчи органлар ходимлари суд экспертининг мустақиллиги тамойилларига сўзсиз риоя қилишлари ҳамда суд экспертларининг профессионал фаолиятига ҳар қандай кўринишларда, шу жумладан ортиқча бюрократик сансалорлик ҳолатларини юзага келтириш ва асоссиз чақирувлар орқали таъсир кўрсатишга йўл қўймаслик ҳақида қатъий огоҳлантирилсин.

10. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти маслаҳатчисининг биринчи ўринбосари Б.М. Мавлонов ва Ўзбекистон Республикаси адлия вазири Р.К. Давлетов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2019 йил 17 январь,

ПҚ-4125-сон

Ўзбекистон Республикаси Президентининг 2019 йил 17 январдаги ПҚ-4125-сон қарорига
1-ИЛОВА

Нодавлат суд-экспертиза ташкилотлари томонидан ўтказилишига рухсат берилган суд экспертизалари турларининг

РЎЙХАТИ

Олдинги таҳрирга қаранг.

Т/р	Экспертиза турлари
1.	Суд-хатшунослик экспертизаси
2.	Ҳужжатларнинг суд-техникавий экспертизаси
3.	Суд-санъатшунослик экспертизаси
4.	Суд-портрет экспертизаси
5.	Суд-трасологик экспертизаси
6.	Толали материаллар ва улардан тайёрланган маҳсулотларнинг суд экспертизаси
7.	Полимер материаллар ва улардан тайёрланган маҳсулотларнинг суд экспертизаси
8.	Лок-бўёқ материаллари ва қопламаларининг суд экспертизаси
9.	Суд-тупроқшунослик экспертизаси
10.	Нефть маҳсулотлари ва ёқилғи-мойлаш материалларининг суд экспертизаси
11.	Табиий минераллар суд экспертизаси
12.	Шиша буюмлари ва силикатли қурилиш материалларининг суд экспертизаси
13.	Металл буюмлари ва қотишмаларининг суд экспертизаси
14.	Дори воситаларининг суд экспертизаси
15.	Табиати номаълум моддаларнинг суд экспертизаси
16.	Таркибида спирт бўлган суюқликлар ва уларнинг излари суд экспертизаси
17.	Махсус маркерлар (кўрсаткичлар) суд экспертизаси
18.	Озиқ-овқат маҳсулотларининг суд экспертизаси
19.	Суд-биологик экспертизаси
20.	Суд-ботаник экспертизаси
21.	Суд-зоологик экспертизаси
22.	Суд-орнитология экспертизаси
23.	Суд-ихтиологик экспертизаси
24.	Одам ДНКси суд-биологик экспертизаси
25.	Суд-транспорт-трасология экспертизаси
26.	Суд-транспорт-баҳолаш экспертизаси
27.	Суд-солиқ экспертизаси
28.	Суд-бухгалтерия экспертизаси
29.	Суд-молия-кредит экспертизаси
30.	Меҳнат иқтисодиёти суд экспертизаси
31.	Суд-режали-иқтисодиёт экспертизаси
32.	Суд-иқтисодий-статистик экспертизаси
33.	Ташқи савдо фаолиятининг суд-иқтисодий экспертизаси
34.	Суд-қурилиш-техникавий экспертизаси
35.	Суд-ер экспертизаси
36.	Суд-товаршунослик экспертизаси
37.	Суд-фонография экспертизаси
38.	Видеоматериалларнинг суд экспертизаси
39.	Суд-экологик экспертизаси
40.	Суд-сиёсатшунослик-лингвистик экспертизаси
41.	Суд-филологик экспертизаси
42.	Суд-компьютер-техникавий экспертизаси
43.	Суд-психологик экспертизаси
44.	Суд-электротехникавий экспертизаси
45.	Озиқ-овқат маҳсулотларини баҳолаш экспертизаси
46.	Банк соҳасида бой берилган фойдани аниқлаш экспертизаси
47.	Радиотехника экспертизаси
48.	Интеллектуал мулк соҳасида суд иқтисодий экспертизаси
49.	Транспорт воситаларининг техник ҳолатини аниқлаш экспертизаси
50.	Йўл-транспорт ҳодисаси механизмини математик усуллар билан аниқлаш экспертизаси
51.	Аудиовизуал ва дастурий маҳсулотларнинг суд товаршунослик экспертизаси
52.	Микрозаррачалар экспертизаси
53.	Видеотехника экспертизаси
54.	Фототехника экспертизаси
55.	Суд психологик-филиологик экспертизаси

Изоҳ: нодавлат суд-экспертиза ташкилотлари мазкур Рўйхат билан тасдиқланган суд экспертизалари турлари бўйича комиссиявий ва комплекс суд экспертизаларни ўтказишга ҳақли.

(1-илова Ўзбекистон Республикаси Президентининг 2025 йил 8 сентябрдаги ПҚ-270-сонли қарори таҳририда — Қонунчилик маълумотлари миллий базаси, 08.09.2025 й., 07/25/270/0810-сон)

Ўзбекистон Республикаси Президентининг 2019 йил 17 январдаги ПҚ-4125-сон қарорига
2-ИЛОВА

Нодавлат суд-экспертиза ташкилотларининг суд экспертлари учун қайта тайёрлаш ва малака ошириш курслари ташкил этиладиган давлат муассасаларининг

РЎЙХАТИ

Олдинги таҳрирга қаранг.

Т/р	Муассасалар	Экспертиза турлари
1.	Ўзбекистон Республикаси Адлия вазирлиги ҳузуридаги Х. Сулаймонова номидаги Республика суд экспертизаси маркази, Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институти	Толали материаллар ва улардан тайёрланган маҳсулотларнинг суд экспертизаси
		Полимер материаллар ва улардан тайёрланган маҳсулотларнинг суд экспертизаси
		Лок-бўёқ материаллари ва қопламаларининг суд экспертизаси
		Суд-тупроқшунослик экспертизаси
		Нефть маҳсулотлари ва ёқилғи-мойлаш материалларининг суд экспертизаси
		Табиий минераллар суд экспертизаси
		Шиша буюмлари ва силикатли қурилиш материалларининг суд экспертизаси
		Металл буюмлари ва қотишмаларининг суд экспертизаси
		Дори воситаларининг суд экспертизаси
		Табиати номаълум моддаларнинг суд экспертизаси
		Таркибида спирт бўлган суюқликлар ва улар изларининг суд экспертизаси
		Махсус маркерлар (кўрсаткичлар) суд экспертизаси
		Озиқ-овқат маҳсулотларининг суд экспертизаси
		Суд-биологик экспертизаси
		Одам ДНКси суд-биологик экспертизаси
		Суд-транспорт-трасология экспертизаси
		Суд-транспорт-баҳолаш экспертизаси
		Суд-иқтисодий экспертизаси
		Суд-бухгалтерия экспертизаси
		Суд-молия-кредит экспертизаси
		Меҳнат иқтисодиёти суд экспертизаси
		Суд-режали-иқтисодиёт экспертизаси
		Суд-иқтисодий-статистик экспертизаси
		Ташқи савдо фаолиятининг суд-иқтисодий экспертизаси
		Суд-қурилиш-техникавий экспертизаси
		Суд-ер экспертизаси
		Суд-товаршунослик экспертизаси
		Суд-фонография экспертизаси
		Видеоматериалларнинг суд экспертизаси
		Суд-экологик экспертизаси
		Суд-сиёсатшунослик-лингвистик экспертизаси
		Суд-филологик экспертизаси
		Суд-компьютер-техникавий экспертизаси
		Суд-психологик экспертизаси
		Суд-электротехникавий экспертизаси
		Озиқ-овқат маҳсулотларини баҳолаш экспертизаси
		Банк соҳасида бой берилган фойдани аниқлаш экспертизаси
		Радиотехника экспертизаси
		Интеллектуал мулк соҳасида суд иқтисодий экспертизаси
		Транспорт воситаларининг техник ҳолатини аниқлаш экспертизаси
		Йўл-транспорт ҳодисаси механизмини математик усуллар билан аниқлаш экспертизаси
		Аудиовизуал ва дастурий маҳсулотларнинг суд товаршунослик экспертизаси
		Микрозаррачалар экспертизаси
		Видеотехника экспертизаси
		Фототехника экспертизаси
		Суд психологик-филиологик экспертизаси
2.	Ўзбекистон Республикаси Адлия вазирлиги ҳузуридаги Х. Сулаймонова номидаги Республика суд экспертизаси маркази, Ўзбекистон Республикаси Ички ишлар вазирлиги Академияси	Суд-хатшунослик экспертизаси
		Ҳужжатларнинг суд-техникавий экспертизаси
		Суд-трасологик экспертизаси
3.	Ўзбекистон Республикаси Ички ишлар вазирлиги Академияси	Суд-портрет экспертизаси
4.	Фанлар Академияси Ботаника институти	Суд-ботаник экспертизаси
5.	Фанлар Академияси Зоология институти	Суд-зоологик экспертизаси
		Суд-орнитология экспертизаси
		Суд-ихтиологик экспертизаси
6.	Ўзбекистон Бадиий академияси	Суд-санъатшунослик экспертизаси

(2-илова Ўзбекистон Республикаси Президентининг 2025 йил 8 сентябрдаги ПҚ-270-сонли қарори таҳририда — Қонунчилик маълумотлари миллий базаси, 08.09.2025 й., 07/25/270/0810-сон)

Ўзбекистон Республикаси Президентининг 2019 йил 17 январдаги ПҚ-4125-сон қарорига
3-ИЛОВА

2019-2020 йилларда суд-экспертлик фаолиятини янада такомиллаштириш бўйича

«ЙЎЛ ХАРИТАСИ»

Т/р‎	Тадбирлар номи	Амалга ошириш шакли	Ижро муддати	Масъул ижрочилар
I. Суд-экспертиза хизматлари фаолиятининг норматив-ҳуқуқий базасини такомиллаштириш
1.	Қуйидагиларни назарда тутувчи «Суд экспертизаси тўғрисида»ги Қонунга ўзгартиш ва қўшимчалар киритиш тўғрисида»ги Қонун лойиҳасини ишлаб чиқиш: нодавлат суд-экспертиза ташкилотлари томонидан суд экспертизалари ва тадқиқотларини ўтказиш; аффилланган шахс (мулкдор, таъсисчи, кузатув кенгаши, ижро органи аъзоси, кредитор, суғурталовчи, мулкий манфаатдор шахс ва бошқалар) бўлган нодавлат суд-экспертиза ташкилотлари, шунингдек, нодавлат суд-экспертиза ташкилотларининг қонунда белгиланган тартибда суд эксперти сертификатини олмаган суд эксперти томонидан суд экспертизалари ўтказилишини тақиқлаш.	қонун лойиҳаси	2019 йил май	Адлия вазирлиги, Олий суд, Бош прокуратура, ИИВ, ДХХ, Адвокатлар палатаси
2.	Ўзбекистон Республикасининг «Гувоҳлар, жабрланувчилар, экспертлар, мутахассислар, таржимонлар ва холисларнинг қилган харажатларини тўлаш тартиби ва миқдорлари тўғрисида»ги Қонуни ўз кучини йўқотганлиги тўғрисидаги қонун лойиҳасини ишлаб чиқиш ва ушбу тартибни Вазирлар Маҳкамасининг қарори билан тасдиқлаш.	норматив-ҳуқуқий ҳужжатлар	2019 йил июнь	Адлия вазирлиги, Олий суд, Бош прокуратура, ИИВ, ДХХ, Адвокатлар палатаси
3.	Қуйидагилар тўғрисидаги низомлар лойиҳаларини ишлаб чиқиш: ихтисослаштирилган нодавлат суд-экспертиза ташкилотлари фаолиятини ташкил этиш тартиби; суд экспертларини қайта тайёрлаш тартиби; тегишли ихтисослик бўйича суд эксперти сифатида касбий лаёқатни тасдиқловчи сертификат олган шахсларнинг Ягона реестрини юритиш тартиби.	Вазирлар Маҳкамасининг қарори	2019 йил июль	Адлия вазирлиги, Олий суд, Бош прокуратура, ИИВ, ДХХ, Адвокатлар палатаси, Молия вазирлиги
4.	Ўзбекистон Республикаси Адлия вазирлиги ҳузуридаги Х. Сулаймонова номидаги Республика суд экспертизаси марказининг (кейинги ўринларда — РСЭМ) ходимлар умумий чекланган сони 177 нафарни, шу жумладан бошқарув ходимларининг сони 49 нафарни ташкил этган янгиланган тузилмасини тасдиқлаш.	Вазирлар Маҳкамасининг қарори	2019 йил февраль	Вазирлар Маҳкамаси, Адлия вазирлиги
5.	Қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида таклифларни киритиш.	норматив-ҳуқуқий ҳужжатлар лойиҳалари	2019 йил май	Адлия вазирлиги, РСЭМ
II. Суд-экспертлик амалиётига янги инновацион ишланмаларни жорий этиш, суд экспертизаларининг турларини кенгайтириш, уларнинг сифати ва ишончлилигини ошириш
6.	РСЭМ лабораторияларини «Тадқиқот ва калибровка лабораторияларининг ваколатлилига қўйиладиган умумий талаблар» ISO/IEC 17025 халқаро стандартига мувофиқ аккредитация қилиш.	чора-тадбирлар дастури	дастур асосида 2019-2020 йиллар	Адлия вазирлиги, «Ўзстандарт» агентлиги
7.	Марказда қуйидаги янги экспертиза тадқиқотлари турларини жорий қилиш: суд-психологик экспертизаси; суд-электротехника экспертизаси; озиқ-овқат маҳсулотларининг суд экспертизаси.	чора-тадбирлар дастури	дастур асосида 2019-2020 йиллар	РСЭМ, Фанлар Академияси
8.	Терговга қадар текширув, суриштирув ва дастлабки тергов органлари ҳамда суд ходимлари учун суд экспертизаларини ўтказишга зарур бўлган тадқиқот объектларини йиғиш, сақлаш ва тақдим этиш усуллари тўғрисида ҳудудий семинарларни ўтказиш.	чора-тадбирлар дастури	дастур асосида 2019-2020 йиллар	Адлия вазирлиги, Олий суд, Бош прокуратура, ИИВ, ДХХ, Адвокатлар палатаси
9.	Ҳуқуқни муҳофаза қилувчи органлар, судьялар, адвокатлар учун суд экспертизаси хулосасининг холислиги, илмий асосланганлиги ва қонунийлигини баҳолаш бўйича мисолларни киритган ҳолда турли соҳалардаги суд экспертизалари хулосалари намуналари акс этган ўқув қўлланмаларини тайёрлаш.	ўқув қўлланма	2019 йил сентябрь	РСЭМ,ТДЮУ, ИИВ Академияси, Бош прокуратура Академияси, Адвокатлар палатаси
10.	Суд-экспертлик фаолиятининг энг долзарб муаммолари бўйича фундаментал, амалий ва инновацион тадқиқотлар, дастурлар ва лойиҳаларни, шу жумладан миллий, хорижий ва халқаро грантларни жалб қилган ҳолда амалга ошириш дастурини тасдиқлаш.	қўшма қарор	2019 йил июль	Адлия вазирлиги, Фанлар Академияси, Инновацион ривожланиш вазирлиги
11.	Суд-экспертлик фаолияти бўйича хорижий тажрибани ўрганиш учун зарур дастурий маҳсулотлар (маълумотлар базалари), хусусан «West Law», «Lexis Nexis» ва бошқа халқаро маълумот-ҳуқуқий тизимларини харид қилиш ва келгусида янгилаб бориш.	чора-тадбирлар дастури	дастур асосида 2019-2020 йиллар	Адлия вазирлиги
12.	Ахборот-ресурс маркази фондини ихтисослаштирилган ўқув, илмий ва бошқа адабиётлар билан янгилаш, шу жумладан суд экспертизаси соҳасидаги хорижий ахборот-таҳлилий даврий нашрларга мунтазам обуна бўлишни таъминлаш.	чора-тадбирлар дастури	дастур асосида 2019-2020 йиллар	Адлия вазирлиги
13.	РСЭМни «Электрон таълим» миллий тармоғи, Алишер Навоий номидаги Ўзбекистон Миллий кутубхонасининг электрон ахборот-кутубхона фонди ва етакчи хорижий ахборот-кутубхона ресурслари фондларига улаш.	чора-тадбирлар дастури	дастур асосида 2019-2020 йиллар	Адлия вазирилиги, Ахборот технологиялари вазирлиги, Олий ва ўрта-махсус таълим вазирлиги, Ўзбекистон Матбуот ва ахборот агентлиги, Ўзбекистон Миллий кутубхонаси
14.	Суд экспертларининг фаолиятини касбий лаёқатлилиги, иш стажи, ўтказилган суд экспертизаларининг сифати ва бошқа мезонлар асосида баҳолашнинг рейтинг тизимини жорий қилиш.	адлия вазирининг буйруғи	2019 йил июнь	Адлия вазирлиги
15.	Қуйидаги тадқиқотлар бўйича пуллик хизмат кўрсатишнинг янги турларини жорий этиш: Y-хромосома бўйича популяцион келиб чиқишни аниқлаш; одамнинг турли касалликларга генетик мойиллигини аниқлаш; турли озиқ-овқат маҳсулотларининг кимёвий таркибини аниқлаш.	чора-тадбирлар дастури	дастур асосида 2019-2020 йиллар	Адлия вазирлиги
16.	Давлат суд экспертиза муассасалари ва тегишли давлат органлари эксперт бўлинмалари томонидан ўтказиладиган бир хилдаги суд экспертизаларини аниқлаш ва уларни ўтказиш бўйича ягона идоралараро услубиётни тасдиқлаш.	методик кўрсатмалар	2019 йил апрель	Адлия вазирлиги, ИИВ, манфаатдор идоралар
III. РСЭМнинг моддий-техника базасини мустаҳкамлаш, суд-экспертлик фаолиятига ахборот-коммуникация технологияларини жорий қилиш
17.	РСЭМнинг янги ихтисослашган биноси қурилишини техник топшириқ ва лойиҳа-смета ҳужжатларига мувофиқ «тайёр ҳолда топшириш» шартларида, шу жумладан қуйидагиларни таъминлаган ҳолда якунлаш: электр таъминоти, газ таъминоти, алоқанинг ташқи тармоқлари ва бинонинг бошқа инфратузилмасини қуриш; туташ ҳудудларни (маҳаллий бюджет ҳисобидан) ободонлаштириш.	қабул қилиш далолатномаси	2019 йил март	Адлия вазирлиги, Тошкент шаҳар ҳокими аппарати
18.	РСЭМнинг юқори тезликдаги Интернет тармоғига уланишини таъминлаш.	чора-тадбирлар дастури	дастур асосида 2019-2020 йиллар	Ахборот технологиялари вазирлиги, Адлия вазирлиги
19.	РСЭМ расмий веб-сайтини модернизация қилиш ва турли ижтимоий тармоқларда, шу жумладан «Facebook»да РСЭМнинг расмий саҳифасини очиш.	чора-тадбирлар дастури	дастур асосида 2019 йил	РСЭМ
20.	Суд-экспертиза муассасаларида қуйидагиларни назарда тутувчи автоматлаштирилган ахборот-қидирув тизимлари ва компьютер дастурлари, электрон маълумотлар базаларини жорий этиш: суд экспертларининг автоматлаштирилган иш ўринларини ташкил этиш; эксперт хулосаларини рўйхатга олиш ва буюртмачиларга юбориш, шунингдек, суд экспертларининг қўшимча материаллар тақдим этилишини сўраб киритган илтимосномаларини юбориш ва уларни тақдим қилиш муддатларини қисқартириш мақсадида идоралараро электрон ҳужжат айланиши тизимини жорий этиш; кўрилаётган иш натижасидан манфаатдор бўлган томонлардан бирининг ёки бошқа шахсларнинг фойдасига хулоса олиш учун суд экспертига таъсир кўрсатиш ҳолатлари, шунингдек, суд эксперти томонидан коррупция ҳолатларига йўл қўймаслик мақсадида тадқиқот объектларини шифрлаш (кодлаш) тизимини тўлиқ жорий этиш; суд экспертизаларини ўтказиш кетма-кетлиги, шунингдек, уларнинг муддатини тўхтатиш ва узайтиришни назорат қилиш имконияти.	чора-тадбирлар дастури	дастур асосида 2019-2020 йиллар	Адлия вазирлиги, ИИВ, Соғлиқни сақлаш вазирлиги, Олий суд, Бош прокуратура
21.	РСЭМни махсус мебель, суд экспертизалар ва криминалистик тадқиқотларни ўтказиш учун зарур замонавий ускуналар билан 2019-2020 йилларда ушбу мақсадлар учун ажратиладиган Ўзбекистон Республикаси Давлат бюджети маблағлари ҳисобидан таъминлаш.	чора-тадбирлар дастури	дастур асосида 2019-2020 йиллар	Адлия вазирлиги, Молия вазирлиги
IV. Ихтисослаштирилган нодавлат суд экспертиза ташкилотларини ривожлантириш
22.	Ихтисослаштирилган нодавлат суд экспертиза ташкилотларини ташкил этиш, шунингдек, РСЭМни ривожлантириш учун хусусий капитал, шу жумладан хорижий инвестицияларни жалб қилиш масаласини ишлаб чиқиш.	чора-тадбирлар дастури	дастур асосида 2019-2020 йиллар	Инвестициялар бўйича давлат қўмитаси, Инновацион ривожланиш вазирлиги, Адлия вазирлиги
23.	ОАВ ва ижтимоий тармоқлардаги чиқишлар орқали замонавий суд экспертизасининг имкониятлари тўғрисида кенг реклама ва тарғибот кампанияларини ўтказиш.	чора-тадбирлар дастури	доимий асосда	Адлия вазирлиги, ИИВ, Соғлиқни сақлаш вазирлиги, МТРК, ЭОАВМА
V. Суд-экспертлик фаолияти соҳасида халқаро ҳамкорликни ривожлантириш
24.	Бутунжаҳон суд экспертлари ассоциациясига (IAFS) аъзо бўлиш масаласини ишлаб чиқиш.	чора-тадбирлар дастури	дастур асосида 2019-2020 йиллар	Адлия вазирлиги, ИИВ, Соғлиқни сақлаш вазирлиги, Ташқи ишлар вазирлиги
25.	РСЭМнинг халқаро ҳамкорлигини ривожлантириш бўйича қуйидагиларни назарда тутувчи чора-тадбирлар дастурини амалга ошириш: етакчи суд-экспертиза, илмий-тадқиқот ташкилотлари ва бошқа ташкилотлар билан меморандумлар, ўзаро ҳамкорлик битимлари тузиш, қўшма дастурларни амалга ошириш; РСЭМ суд экспертларининг малакасини ошириш жараёнида етакчи хорижий мутахассисларнинг иштирокини таъминлаш мақсадида уларни жалб қилиш амалиётини жорий этиш; РСЭМ суд экспертларини хорижий мамлакатларнинг суд-экспертиза муассасаларида стажировка ўташлари, шунингдек, суд-экспертлик фаолиятининг долзарб масалалари бўйича халқаро илмий-амалий форумларда мунтазам иштирок этишларини ташкил қилиш.	чора-тадбирлар дастури	дастур асосида 2019-2020 йиллар	Адлия вазирлиги, Ташқи ишлар вазирлиги, Молия вазирлиги

Изоҳ.

1. Ҳуқуқий муносабатларнинг предмети ва тартибга солиш соҳасидан келиб чиқиб, тадбирларни амалга ошириш шакллари ўзгариши, ишлаб чиқиладиган норматив-ҳуқуқий актлар ва бошқа ҳужжатлар эса бирлаштирилиши мумкин.

2. Икки ва ундан кўп бандлар бирлаштирилганда, ижро муддати сифатида бирлашаётган бандлар учун кўрсатилган энг кечки муддат белгиланади.

Ўзбекистон Республикаси Президентининг 2019 йил 17 январдаги ПҚ-4125-сон қарорига
4-ИЛОВА

Ўзбекистон Республикаси Адлия вазирлиги ҳузуридаги Х. Сулаймонова номидаги Республика суд экспертизаси марказининг тегишли бўлим ва лабораторияларига бириктирилган Ўзбекистон Республикаси Фанлар Академияси илмий-тадқиқот муассасалари ва олий таълим муассасаларининг

РЎЙХАТИ

Олдинги таҳрирга қаранг.

Т/р	Муассасалар	Экспертизалар турлари	Марказнинг бўлим ва лабораториялари
1.	Тошкент тўқимачилик ва енгил саноат институти	Микрозарраларнинг суд экспертизаси	Материаллар, ашёлар ва буюмлар криминалистик экспертизаси лабораторияси
1.	Тошкент тўқимачилик ва енгил саноат институти	Толали материаллар ва улардан тайёрланган маҳсулотларнинг суд экспертизаси
2.	Тошкент давлат аграр университети	Суд-тупроқшунослик экспертизаси
3.	Ўзбекистон Фанлар академияси Полимерлар кимёси ва физикаси институти	Полимер материаллар ва улардан тайёрланган маҳсулотларнинг суд экспертизаси
4.	Тошкент кимё технологиялари институти	Лок-бўёқ материаллари ва қопламаларининг суд экспертизаси
		Нефть маҳсулотлари ва ёқилғи-мойлаш материалларининг суд экспертизаси
		Таркибида спирт бўлган суюқликлар ва улар изларининг суд экспертизаси
		Шиша буюмлари ва силикатли қурилиш материалларининг суд экспертизаси
		Металл буюмлари ва қотишмаларининг суд экспертизаси
5.	Тошкент фармацевтика институти	Дори воситаларининг суд экспертизаси
6.	Ўзбекистон Фанлар академияси Умумий ва ноорганик кимё институти	Табиати номаълум моддаларнинг суд экспертизаси
7.	М. Улуғбек номидаги Ўзбекистон Миллий университети	Заҳарли химикатлар ва оғир металлар тузларининг суд экспертизаси
		Табиий минераллар суд экспертизаси
		Махсус маркерлар (кўрсаткичлар) суд экспертизаси
		Суд-биологик экспертизаси
		Суд-экологик экспертизаси
8.	Ўзбекистон Фанлар академияси Микробиология институти	Озиқ-овқат маҳсулотларининг суд экспертизаси
9.	Ўзбекистон Фанлар академияси Геномика ва биоинформатика маркази	Одам ДНКси суд-биологик экспертизаси	Одам ДНКси суд-биологик экспертизаси лабораторияси
10.	Тошкент автомобиль йўлларини лойиҳалаш, қуриш ва эксплуатацияси институти	Суд-автотехникавий экспертизаси	Суд-автотехника экспертизаси лабораторияси
		Суд-йўл-транспорт экспертизаси
		Суд-транспорт-трасология экспертизаси
11.	Ўзбекистон Республикаси Корпоратив бошқарув илмий-таълим маркази	Суд-транспорт-баҳолаш экспертизаси
12.	Тошкент Давлат иқтисодиёт университети	Суд-иқтисодий экспертизаси	Суд-иқтисодий экспертизаси бўлими
		Суд-бухгалтерия экспертизаси
		Ташқи савдо фаолиятининг суд-иқтисодий экспертизаси
		Меҳнат иқтисодиёти суд экспертизаси
		Суд-режали-иқтисодиёт экспертизаси
		Суд-иқтисодий-статистик экспертизаси
13.	Банк-молия академияси	Суд-молия-кредит экспертизаси
14.	Тошкент архитектура-қурилиш институти	Суд-қурилиш-техникавий экспертизаси	Суд-қурилиш-техник экспертизаси бўлими
14.	Тошкент архитектура-қурилиш институти	Суд-ер экспертизаси	Суд-қурилиш-техник экспертизаси бўлими
15.	Фавқулодда вазиятлар вазирлиги Академияси	Суд-ёнғин-техник экспертизаси	Ёнғин-техникавий экспертизаси лабораторияси
16.	Тошкент давлат техника университети	Суд-электротехникавий экспертизаси	Ёнғин-техникавий экспертизаси лабораторияси
17.	Тошкент тўқимачилик ва енгил саноат институти	Суд-товаршунослик экспертизаси	Товаршунослик экспертизаси бўлими
18.	Муҳаммад ал-Хоразмий номидаги Тошкент ахборот технологиялари университети	Суд-фонография экспертизаси	Суд-фонография экспертизаси лабораторияси
18.		Видеоматериалларнинг суд экспертизаси	Суд-фонография экспертизаси лабораторияси
19.	М. Улуғбек номидаги Ўзбекистон Миллий университети	Суд-сиёсатшунослик-лингвистик экспертизаси	Нутқшунослик ва психологик экспертизаси бўлими
19.	М. Улуғбек номидаги Ўзбекистон Миллий университети	Суд-психологик экспертизаси
20.	Алишер Навоий номидаги Тошкент давлат ўзбек тили ва адабиёти университети	Суд-филологик экспертизаси
21.	Муҳаммад ал-Хоразмий номидаги Тошкент ахборот технологиялари университети	Суд-компьютер-техникавий экспертизаси	Компьютер-техникавий экспертизаси лабораторияси
22.	Ўзбекистон Республикаси Ички ишлар вазирлиги Академияси	Суд-хатшунослик экспертизаси	Ҳужжатлар криминалистик экспертизаси лабораторияси
22.	Ўзбекистон Республикаси Ички ишлар вазирлиги Академияси	Ҳужжатларнинг суд-техникавий экспертизаси	Ҳужжатлар криминалистик экспертизаси лабораторияси
23.	Ўзбекистон Республикаси Ички ишлар вазирлиги Академияси	Суд-трасологик экспертизаси	Суд-баллистика ва трасология экспертизаси лабораторияси
		Суд-дактилоскопик экспертизаси
		Суд-портрет экспертизаси

(4-илова Ўзбекистон Республикаси Президентининг 2021 йил 23 февралдаги ПФ-6176-сон Фармони таҳририда — Қонун ҳужжатлари маълумотлари миллий базаси, 24.02.2021 й., 06/21/6176/0156-сон)

(Қонун ҳужжатлари маълумотлари миллий базаси, 19.01.2019 й., 07/19/4125/2510-сон; 24.02.2021 й., 06/21/6176/0156-сон; Қонунчилик маълумотлари миллий базаси, 06.07.2021 й., 06/21/6256/0636-сон; 25.05.2024 й., 06/24/80/0364-сон; 08.09.2025 й., 07/25/270/0810-сон)