ПҚ-2706-сон 29.12.2016. «Шўртан газ-кимё комплексининг метан тозалаш базасида синтетик суюқ ёқилғи ишлаб чиқариш» инвестиция лойиҳасини амалга оширишга доир қўшимча чора-тадбирлари тўғрисида

Норасмий таржима

Ўзбекистон Республикаси Президентининг

Қарори

«Шўртан газ-кимё комплексининг тозаланган метан негизида суюқ синтетик ёқилғи ишлаб чиқариш» инвестиция лойиҳасини амалга оширишга доир қўшимча чора-тадбирлар тўғрисида

Шўртан газ-кимё комплексининг тозаланган метан негизида суюқ синтетик ёқилғи ишлаб чиқариш бўйича заводнинг қурилишини тезлаштириш ҳисобига табиий газни чуқур қайта ишлаш қувватларини янада кенгайтириш, углеводород хом ашёси импортини қисқартириш, нефть-газ тармоғининг экспорт салоҳиятини ошириш мақсадида:

1. Ўзбекистон Республикаси Президентининг 2009 йил 15 октябрдаги «Шўртан газ-кимё комплексининг тозаланган метан негизида суюқ синтетик ёқилғи ишлаб чиқариш» лойиҳасини амалга ошириш чора-тадбирлари тўғрисида»ги ПҚ-1206-сон ҳамда 2011 йил 19 сентябрдаги «Шўртан газ-кимё комплексининг тозаланган метан негизида суюқ синтетик ёқилғи ишлаб чиқариш» лойиҳасини амалга оширишни давом эттириш чора-тадбирлари тўғрисида»ги ПҚ-1618-сон қарорлари ижросини таъминлаш доирасида:

Ўзбекистон Республикаси Ҳукумати номидан Ташқи иқтисодий алоқалар, инвестициялар ва савдо вазирлиги, «Ўзбекнефтгаз» МХК, «Uzbekistan GTL» МЧЖ, «Sasol Synfuels International Netherlands Cooperatief U.A.» (Нидерландия) ва «Petronas International CorporationLtd.» (Малайзия) компаниялари ўртасида 2011 йил 19 сентябрда «Шўртан газ-кимё комплексининг тозаланган метан негизида суюқ синтетик ёқилғи ишлаб чиқариш» лойиҳаси (кейинги ўринларда — инвестиция лойиҳаси)ни амалга ошириш бўйича инвестиция шартномаси (кейинги ўринларда — Инвестиция шартномаси) имзоланганлиги;

«Uzbekistan GTL» МЧЖ ва «Sasol Technology (Pty) Ltd.» (ЖАР) компанияси ўртасида суюқ синтетик ёқилғи ишлаб чиқариш учун SASOL SPD^тмтомонидан лицензияланган технологиялар тақдим этилиши, суюқ синтетик ёқилғи ишлаб чиқаришни лойиҳалаштириш ва қуриш, лицензияланган ускуналарни тайёрлаш жараёнида муҳандислик хизматларини кўрсатиш, шунингдек, қўлланиладиган технологияларнинг унумдорлигига кафолат бериш бўйича битимлар имзоланганлиги;

тендер савдолари натижаларига кўра «Uzbekistan GTL» МЧЖ билан «Hyundai Engineering Co. Ltd.», «Hyundai Engineering and Construction Co., Ltd.» (Корея) ва «Enter Engineering Pte. Ltd.» (Сингапур) компанияларидан ташкил топган консорциум ўртасида суюқ синтетик ёқилғи ишлаб чиқариш бўйича заводни «тайёр ҳолда топшириш» шарти билан қуриш тўғрисида 2 634 млн АҚШ доллари миқдорида шартнома (кейинги ўринларда — «тайёр ҳолда топшириш» шартномаси) имзоланганлиги;

Қашқадарё вилоятида суюқ синтетик ёқилғи ишлаб чиқариш бўйича завод қурилиши учун майдон тайёрланганлиги, «тайёр ҳолда топшириш» шартномаси доирасида батафсил лойиҳани ишлаб чиқиш ва асосий ускуналарни тайёрлаш ишлари олиб борилаётганлиги;

умумий қиймати 3 733 млн АҚШ долларига тенг инвестиция лойиҳасининг техник-иқтисодий асоси ишлаб чиқилганлиги ва белгиланган тартибда экспертизадан ўтказилганлиги;

«Sasol Synfuеls International Netherlands Coоperatief U.A.» (Нидерландия) ва «Petronas International CorporationLtd.» (Малайзия) компаниялари инвестиция лойиҳасини бекор қилиш ва ундан чиқиш тўғрисида Инвестиция шартномаси иштирокчиларини хабардор қилганлиги;

«Sasol Synfuels International Netherlands Cooperatief U.A.» (Нидерландия) ва «Petronas International Corporation Ltd.» (Малайзия) компанияларининг «Uzbekistan GTL» МЧЖ устав жамғармасидаги тегишли равишда 34,86 фоиз ва 9,23 фоиз миқдоридаги улушлари «Ўзбекнефтгаз» МХК томонидан сотиб олинганлиги маълумот учун қабул қилинсин.

2. Ўзбекистон Республикаси Ташқи иқтисодий алоқалар, инвестициялар ва савдо вазирлиги Инвестиция шартномасининг хорижий иштирокчиларига унинг амал қилиши белгиланган тартибда тугатилганлиги тўғрисида билдиришнома юборсин.

3. Қуйидагилар инвестиция лойиҳасини молиялаштириш манбалари этиб белгилансин:

Олдинги таҳрирга қаранг.

а) Ўзбекистон Республикасининг давлат кафолати билан «Ўзбекнефтгаз» АЖ ва «Uzbekistan GTL» МЧЖ томонидан жалб қилинадиган хорижий банклар, экспорт-кредит агентликлари ва бошқа молия институтларининг 2 300 млн АҚШ доллари миқдоридаги кредитлари;

LexUZ шарҳи

Норасмий таржима. 3-банднинг «а» кичик банди Ўзбекистон Республикаси Президентининг 2019 йил 17 апрелдаги ПҚ-4293-сонли қарори таҳририда. Рус тилидаги асосий матнга қаранг.

Олдинги таҳрирга қаранг.

б) «Ўзбекнефтгаз» АЖнинг қуйидагилар ҳисобидан шакллантириладиган 1 312 млн АҚШ доллари миқдоридаги улуши:

LexUZ шарҳи

Норасмий таржима. 3-банд «б» кичик бандининг биринчи хатбошиси Ўзбекистон Республикаси Президентининг 2019 йил 17 апрелдаги ПҚ-4293-сонли қарори таҳририда. Рус тилидаги асосий матнга қаранг.

«Ўзбекнефтгаз» МХКнинг 120 млн АҚШ доллари эквиваленти миқдоридаги ўз маблағлари ва «Uzbekistan GTL» МЧЖнинг 302 млн АҚШ доллари миқдорида шакллантирилган устав жамғармаси;

Ўзбекистон Республикаси Тикланиш ва тараққиёт жамғармасининг «Асака» АТБ орқали қайта молиялаштириладиган, 14 йил муддатга, шу жумладан 4 йиллик имтиёзли давр билан, қайта молиялаштирувчи банкнинг йиллик 0,25 фоиз миқдоридаги маржасини ҳисобга олган ҳолда йиллик 2,25 фоизлик фоиз ставкасида бериладиган 740 млн АҚШ доллари миқдоридаги кредити;

Олдинги таҳрирга қаранг.

тижорат банкларининг, шу жумладан хорижий банкларнинг 150 млн АҚШ доллари миқдоридаги синдикатлаштирилган кредитлари.

LexUZ шарҳи

Норасмий таржима. 3-банд «б» кичик бандининг тўртинчи хатбошиси Ўзбекистон Республикаси Президентининг 2019 йил 17 апрелдаги ПҚ-4293-сонли қарори таҳририда. Рус тилидаги асосий матнга қаранг.

4. Қуйидагилар:

«Шўртан газ-кимё комплексининг тозаланган метан негизида суюқ синтетик ёқилғи ишлаб чиқариш» инвестиция лойиҳасининг техник-иқтисодий асоси асосий техник-иқтисодий параметрлари билан бирга ва 2020 йил II чоракда объектни фойдаланишга топширишни назарда тутган ҳолда 1-иловага мувофиқ;

«Шўртан газ-кимё комплексининг тозаланган метан негизида суюқ синтетик ёқилғи ишлаб чиқариш» инвестиция лойиҳаси бўйича Ўзбекистон Республикаси Тикланиш ва тараққиёт жамғармасининг кредитини сўндириш прогноз графиги 2-иловага мувофиқ тасдиқлансин.

5. «Ўзбекнефтгаз» МХК:

2017 йил 1 мартга қадар «тайёр ҳолда топшириш» шартномаси нархини халқаро тан олинган маслаҳатчиларни энг яхши таклифларни танлаб олиш асосида жалб қилган ҳолда мустақил экспертизадан ўтказсин;

Ўзбекистон Республикаси Ташқи иқтисодий алоқалар, инвестициялар ва савдо вазирлиги билан биргаликда 2017 йил 1 апрелга қадар хорижий банклар билан бирга инвестиция лойиҳасини ҳамкорликда молиялаштириш мақсадида 2 400 млн АҚШ доллари миқдоридаги узоқ муддатли кредитлар жалб қилиш масаласини кўриб чиқсин.

6. Ўзбекистон Республикаси молия вазирига инвестиция лойиҳаси доирасида жалб этилаётган хорижий кредитлар бўйича хорижий банклар, экспорт-кредит агентликлари ва бошқа молия институтлари олдида «Ўзбекнефтгаз» АЖ ва «Uzbekistan GTL» МЧЖ мажбуриятлари юзасидан ҳамда «Асака» АТБ олдида Ўзбекистон Республикаси Тикланиш ва тараққиёт жамғармасининг қайта молиялаштириладиган кредити бўйича белгиланган тартибда Ўзбекистон Республикасининг давлат кафолатларини бериш ваколати берилсин.

7. Ўзбекистон Республикаси Адлия вазирлиги Ўзбекистон Республикасининг давлат кафолатлари бўйича белгиланган тартибда юридик хулоса берсин.

8. Инвестиция лойиҳасини амалга ошириш доирасида, истисно тариқасида, «Ўзбекнефтгаз» МХК, «Uzbekistan GTL» МЧЖнинг хорижий ва маҳаллий пудратчиларига 2018 йил 1 июлга қадар қурилиш-монтаж ишларини лойиҳа-смета ҳужжатларини ишлаб чиқиш билан бирга амалга оширишга рухсат берилсин.

9. Белгилансинки, «Шўртан газ-кимё комплексининг тозаланган метан негизида суюқ синтетик ёқилғи ишлаб чиқариш» инвестиция лойиҳасини амалга ошириш жараёнида:

Ўзбекистон Республикаси Президентининг 2009 йил 15 октябрдаги «Шўртан газ-кимё комплексининг тозаланган метан негизида суюқ синтетик ёқилғи ишлаб чиқариш» лойиҳасини амалга ошириш чора-тадбирлари тўғрисида»ги ПҚ-1206-сон ҳамда 2011йил 19 сентябрдаги «Шўртан газ-кимё комплексининг тозаланган метан негизида суюқ синтетик ёқилғи ишлаб чиқариш» лойиҳасини амалга оширишни давом эттириш чора-тадбирлари тўғрисида»ги ПҚ-1618-сон қарорларида белгиланган солиқ, божхона имтиёзлари ва преференциялар сақлаб қолинади;

«Ўзбекнефтгаз» АЖ томонидан тасдиқланадиган «Uzbekistan GTL» МЧЖ буюртманомалари асосида олиб кириладиган асбоб-ускуналар ва материаллар божхона тўловларидан (божхона расмийлаштируви учун йиғимлардан ташқари) озод этилади;

«Uzbekistan GTL» МЧЖ харидлар, лойиҳалаштириш, муҳандислик ишлари, қурилиш, фойдаланиш, техник хизмат кўрсатиш, соғлиқни сақлаш, хавфсизлик техникаси ва атроф муҳитни муҳофаза қилиш бўйича халқаро нормалар ва стандартларни кўллашга ҳақли;

«Sasol Synfuels International Netherlands Cooperatief U.A.» ва «Petronas International Corporation Ltd.» компаниялари иштирокчилик улушининг олди-сотдиси шартномалари доирасида «Uzbekistan GTL» МЧЖнинг устав жамғармасидаги иштирокчилик улушини «Ўзбекнефтгаз» АЖ фойдасига топшириш муносабати билан олинган даромадлар бўйича тўлов манбаидан ундириладиган юридик шахсларнинг фойда солиғини тўлашдан озод қилинади.

10. Ўзбекистон Республикаси Ички ишлар вазирлиги ва «Ўзбекнефтгаз» МХКнинг:

инвестиция лойиҳасини амалга оширишда иштирок этиш учун ташриф буюрадиган хорижий мутахассисларга кўп марталик визаларни тезкор тарзда узайтириш, вақтинчалик пропискани расмийлаштириш ва муддатини узайтириш мақсадида Қашқадарё вилояти Ички ишлар бошқармасининг кириш-чиқиш ва фуқароликни расмийлаштириш бўлими учун Қарши шаҳри аэропортида «Ўзбекнефтгаз» МХК ўз маблағлари ҳисобидан жиҳозланган алоҳида хона ташкил қилиш;

инвестиция лойиҳасини амалга оширишда иштирок этадиган хорижий компаниялар ходимлари учун кўп марталик визаларни, вақтинчалик пропискани узайтириш ва вақтинчалик яшаш жойи бўйича вақтинчалик пропискани узайтириш бўйича «Ўзбекнефтгаз» АЖ томонидан тасдиқланадиган «Uzbekistan GTL» МЧЖ буюртманомаларини расмийлаштириш;

таклиф қилаётган тараф томонидан хорижий мутахассиснинг Ўзбекистон Республикаси ҳудудида жойлашган жойи тўғрисида Тошкент шаҳар Ички ишлар бош бошқармасининг Кириш-чиқиш ва фуқароликни расмийлаштириш бошқармасини, шунингдек, Қорақалпоғистон Республикаси Ички ишлар вазирлиги ва вилоятлар Ички ишлар бошқармаларининг кириш-чиқиш ва фуқароликни расмийлаштириш бўлимларини олдиндан ёзма равишда хабардор қилган ҳолда, инвестиция лойиҳасини амалга оширишда иштирок этадиган хорижий компанияларнинг маъмурий-техник ходимларига,уларнинг вақтинчалик яшаш жойида рўйхатга олинганлиги тўғрисида белгиланган намунадаги тегишли махсус белги бўлган тақдирда, хизмат юзасидан Ўзбекистон Республикаси ҳудуди бўйича 15 кунгача муддатга яшаш жойини ўзгартиришга рухсат бериш тартибини жорий этиш тўғрисидаги таклифларига розилик берилсин.

10¹. «Ўзбекнефтгаз» АЖ бошқаруви раиси А.С. Султонов ва «Uzbekistan GTL» МЧЖ бош директори Ф.Р. Абдурасулов зиммасига инвестиция лойиҳасининг ўз вақтида ва сифатли амалга оширилиши юзасидан шахсий жавобгарлик юклатилсин.

11. «Ўзбекнефтгаз» МХК манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.

12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2016 йил 29 декабрь,

ПҚ-2706-сон

Ўзбекистон Республикаси Президентининг 2016 йил 29 декабрдаги ПҚ-2706-сон қарорига
1-ИЛОВА

«Шўртан газ-кимё комплексининг тозаланган метан негизида суюқ синтетик ёқилғи ишлаб чиқариш» инвестиция лойиҳаси техник-иқтисодий асосининг асосий техник-иқтисодий параметрлари

Т/р	Кўрсаткичнинг номланиши	Ўлчов бирлиги	Жами	шу жумладан*:
Т/р	Кўрсаткичнинг номланиши	Ўлчов бирлиги	Жами	ўз маблағлари	кредит
1.	Лойиҳанинг умумий қиймати	минг АҚШ доллари	3 732 842,4	1 332 892,4	2 400 000,0
	Капитал қўйилмалар суммаси, жами	минг АҚШ доллари	3 732 892,4	1 332 892,4	2 400 000,0
	шу жумладан:
	машина ва ускуналар	минг АҚШ доллари	1 910 595,3	694 348,5	1 216 246,8
	эркин айирбошланадиган валютада	минг АҚШ доллари	1 910 595,3	694 348,5	1 216 246,8
	миллий валютада	минг АҚШ доллари эквиваленти	-	-	-
	қурилиш-монтаж ишлари	минг АҚШ доллари	340 174,0	146 404,6	193 770,0
	эркин айирбошланадиган валютада	минг АҚШ доллари	340 174,0	146 404,0	193 770,0
	миллий валютада	минг АҚШ доллари эквиваленти	-	-	-
	инвестиция давридаги молиявий харажатлар	минг АҚШ доллари	235 141,3	-	235 141,3
2.	дастлабки айланма капитал	минг АҚШ доллари	104 127,6	-	104 127,6
	эркин айирбошланадиган валютада	минг АҚШ доллари	104 127,6		104 127,6
	миллий валютада	минг АҚШ доллари эквиваленти
	бошқа харажатлар:	минг АҚШ доллари	1 142 854,3	492 139,8	650 714,4
	ЕРС контракт	минг АҚШ доллари	383 230,7	127 469,1	255 761,6
	буюртмачи харажатлари (FEED 1)	минг АҚШ доллари	32 454,0	32 454,0
	буюртмачи харажатлари (FEED 2)	минг АҚШ доллари	210 497,6	210 497,6
	буюртмачинингэскалация қилиниши лозим бўлган харажатлари (иш ҳақи)	минг АҚШ доллари	57 711,9	18 663,6	39 048,4
	буюртмачининг эскалация қилиниши лозим бўлган харажатлари	минг АҚШ доллари	247 698,1	72 801,9	174 896,2
	буюртмачининг эскалация қилиниши лозим бўлмаган харажатлари	минг АҚШ доллари	79 562,0	30 253,7	49 308,3
	кўзда тутилмаган харажатлар учун захира	минг АҚШ доллари	131 700,0		131 700,0
3.	Корхона қуввати, шу жумладан	Табиий газни қайта ишлаш ҳажми — йиллик 3,6 млрд метр куб
	ишлаб чиқариладиган маҳсулотнинг йиллик ҳажми**	керосин — 311,0 минг тонна, дизель ёқилғиси — 743,5 минг тонна, нафта — 431,1 минг тонна, суюлтирилган газ — 20,9 минг тонна
	кўзда тутилаётган йиллик экспорт ҳажми	авиакеросин — 85 минг тонна, дизель ёқилғиси — 450 минг тонна, нафта — 210,5 минг тонна
4.	Кўзда тутилаётган бандлиги таъминланадиганлар сони	682 та одам
5.	Лойиҳа қопланишининг ҳисоб-китоб қилинган муддати (қурилиш бошланган вақтдан)	15 йил
6.	Инвестиция даврининг давомийлиги	42 ой

* Молиялаштириш манбалари ва ҳажмлари хорижий банклар билан кредит шартномаси тузилгандан сўнг аниқлаштирилиши мумкин. «Ўзбекнефтгаз» МХКнинг ўз маблағлари, шу жумладан Ўзбекистон Республикаси Тикланиш ва тараққиёт жамғармасининг 740,0 млн АҚШ доллари миқдоридаги кредити ҳисобига шакллантирилади.

** 160 минг тонна миқдоридаги керосин Бухоро нефтни қайта ишлаш заводида ишлаб чиқарилган JET маркали авиакеросин билан аралаштирилади, қолган 151 минг тоннадан дизель ёқилғиси ҳажмини ошириш учун фойдаланилади. Нафта автобензин ишлаб чиқариш учун Бухоро нефтни қайта ишлаш заводига жўнатилади.

Ўзбекистон Республикаси Президентининг 2016 йил 29 декабрдаги ПҚ-2706-сон қарорига
2-ИЛОВА

ПРОГНОЗ ГРАФИГИ

Кредит суммаси	—	740 000 минг АҚШ доллари;
Кредит муддати	—	14 йил, шу жумладан имтиёзли давр— 4 йил;
Фоиз ставкаси	—	йиллик 2,25 фоиз (шу жумладан банк маржаси — 0,25 фоиз);
Мажбуриятлар учун комиссия	—	йиллик 0,3 фоиз (шу жумладан банк маржаси — 0,2 фоиз);
Ташкиллаштириш учун комиссия	—	бир марталик 0,3 фоиз (шу жумладан банк маржаси — 0,2 фоиз).

				(*минг* *доллар)*
Тўлов даврлари	Кредитни ажратиш*	Тўлов суммаси		Комиссия		Тўланиши лозим бўлган умумий сумма*
Тўлов даврлари	Кредитни ажратиш*	асосий қарз	фоизлар*	ташкиллаш-тириш учун	мажбуриятлар учун*	Тўланиши лозим бўлган умумий сумма*
2016 йил II ярим йиллик	300 000,00		0,00	2 220,00	108,49	2 328,49
2017 йил I ярим йиллик	346 322,05		4 715,61		391,79	5 107,39
2017 йил II ярим йиллик	93 677,95		7 995,55		23,10	8 018,65
2018 йил I ярим йиллик			8 302,19		0,00	8 302,19
2018 йил II ярим йиллик			8 347,81		0,00	8 347,81
2019 йил I ярим йиллик			8 302,19		0,00	8 302,19
2019 йил II ярим йиллик	0,00		8 347,81		0,00	8 347,81
2020 йил I ярим йиллик	0,00		8 347,81		0,00	8 347,81
2020 йил II ярим йиллик		0,00	8 347,81			8 347,81
2021 йил I ярим йиллик		37 000,00	7 957,79			44 957,79
2021 йил II ярим йиллик		37 000,00	7 581,45			44 581,45
2022 йил I ярим йиллик		37 000,00	7 127,57			44 127,57
2022 йил II ярим йиллик		37 000,00	6 746,67			43 746,67
2023 йил I ярим йиллик		37 000,00	6 297,35			43 297,35
2023 йил II ярим йиллик		37 000,00	5 911,89			42 911,89
2024 йил I ярим йиллик		37 000,00	5 496,78			42 496,78
2024 йил II ярим йиллик		37 000,00	5 077,11			42 077,11
2025 йил I ярим йиллик		37 000,00	4 636,91			41 636,91
2025 йил II ярим йиллик		37 000,00	4 242,33			41 242,33
2026 йил I ярим йиллик		37 000,00	3 806,69			40 806,69
2026 йил II ярим йиллик		37 000,00	3 407,55			40 407,55
2027 йил I ярим йиллик		37 000,00	2 976,47			39 976,47
2027 йил II ярим йиллик		37 000,00	2 572,77			39 572,77
2028 йил I ярим йиллик		37 000,00	2 157,66			39 157,66
2028 йил II ярим йиллик		37 000,00	1 737,99			38 737,99
2029 йил I ярим йиллик		37 000,00	1 316,03			38 316,03
2029 йил II ярим йиллик		37 000,00	903,21			37 903,21
2030 йил I ярим йиллик		37 000,00	485,82			37 485,82
2030 йил II ярим йиллик		37 000,00	68,42			37 068,42
Жами	740 000,00	740 000,00	143 215,23	2 220,00	523,38	885 958,61

* Кредитнинг ҳақиқий суммаси ва ажратиш санасидан келиб чиққан ҳолда аниқлик киритилиши лозим.