Ўзбекистон Республикаси Вазирлар Маҳкамасининг
қарори
СПИРТ, АЛКОГОЛЛИ МАҲСУЛОТЛАР ВА ТАМАКИ МАҲСУЛОТЛАРИ ИШЛАБ ЧИҚАРИШ ВА СОТИШНИ ДАВЛАТ ТОМОНИДАН ТАРТИБГА СОЛИШНИ ТАКОМИЛЛАШТИРИШ ЧОРА-ТАДБИРЛАРИ ТЎҒРИСИДА
[Кўчирма]
Спирт, алкоголли маҳсулотлар ва тамаки маҳсулотлари ғайриқонуний ишлаб чиқарилиши, улар контрабандаси ва айланиши ҳолларига барҳам бериш, бюджетга даромадлар тушумининг тўлиқлигини таъминлаш, шунингдек хўжалик юритувчи субъектлар ўртасидаги ўзаро ҳисоб-китобларни тартибга солиш мақсадида Вазирлар Маҳкамаси қарор қилади:
1. Бош вазир Ў.Т. Султонов ва Бош вазирнинг ўринбосари Б.М. Олимжонов томонидан «Ўзмевасабзавотузумсаноат-холдинг» холдинг компанияси ҳамда спирт ва вино-ароқ маҳсулотлари ишлаб чиқарувчи корхоналар фаолияти устидан суст раҳбарлик қилинаётганлиги қайд этилсин.
Спирт ва вино-ароқ маҳсулотлари ишлаб чиқарувчи корхоналарнинг раҳбарлари, раҳбарларнинг ўринбосарлари, бош мутахассислар лавозимларини махсус маълумотга ва тегишли тайёргарликка эга бўлмаган шахслар эгаллаб туриши йўл қўйиб бўлмайдиган ҳол деб ҳисоблансин.
Қонун ҳужжатларини бузиш, спирт ва вино-ароқ маҳсулотларини ғайриқонуний ишлаб чиқариш ва сотиш ҳоллари давом этмоқда.
Олдинги таҳрирга қаранг.
(2-банд Ўзбекистон Республикаси Вазирлар Маҳкамасининг 2022 йил 5 августдаги 431-сонли қарорига асосан ўз кучини йўқотган — Қонунчилик маълумотлари миллий базаси, 06.08.2022 й., 09/22/431/0716-сон)
3. Спирт ва вино-ароқ маҳсулотлари ишлаб чиқарувчи хўжалик бирлашмалари ва корхоналарнинг раҳбарлари, раҳбарларнинг ўринбосарлари, бош мутахассислари (муҳандислар ва технологлар), бош бухгалтерларини аттестациядан ўтказиш бўйича 1-иловага* мувофиқ таркибда махсус идоралараро комиссия тузилсин.
* 1-илова берилмайди.
Комиссия бир ой муддатда ходимларнинг кўрсатиб ўтилган тоифаларини талабчанлик билан аттестациядан ўтказсин ҳамда уларнинг сафларини касбига яроқсиз шахслардан ва жиноятчи унсурлардан шафқатсиз тозаласин.
5. Ўзбекистон Республикаси Давлат солиқ қўмитаси, Давлат божхона қўмитаси Ички ишлар вазирлиги билан биргаликда спирт, алкоголли маҳсулотлар ва тамаки маҳсулотлари ғайриқонуний ишлаб чиқарилиши, келтирилиши ва сотилиши ҳолларини аниқлаш ва уларга барҳам бериш бўйича режали ва мунтазам иш олиб борилишини таъминласинлар.
Олдинги таҳрирга қаранг.
(6-банд Ўзбекистон Республикаси Вазирлар Маҳкамасининг 2025 йил 29 январдаги 45-сонли қарорига асосан ўз кучини йўқотган — Қонунчилик маълумотлари миллий базаси, 30.01.2025 й., 09/25/45/0084-сон)
7. Белгилансинки:
Олдинги таҳрирга қаранг.
техник спирт ишлаб чиқарувчи корхоналар томонидан фақат юридик шахсларга сотилади;
(7-банднинг иккинчи хатбошиси Ўзбекистон Республикаси Вазирлар Маҳкамасининг 2012 йил 1 ноябрдаги 313-сонли қарори таҳририда — ЎР ҚҲТ, 2012 й., 44-сон, 507-модда)
Олдинги таҳрирга қаранг.
спиртни масъулиятли сақлашга топшириш даромадни яширишга тенглаштирилади ҳамда ишлаб чиқарувчи корхоналар раҳбарлари ушбу тартиб бузилиши учун амалдаги қонунчиликка мувофиқ жавобгарликка тортилади;
(7-банднинг учинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
бартер битишувларида қатнашувчи хўжалик юритувчи субъектларнинг мансабдор шахслари вино-ароқ маҳсулотлари билан бартер операциялари ўтказганлиги учун қонунчиликда солиқ тўлашдан бош тортганлик учун назарда тутилган жавобгарликка тортиладилар;
(7-банднинг тўртинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
(7-банднинг бешинчи хатбоши Ўзбекистон Республикаси Вазирлар Маҳкамасининг 2006 йил 10 ноябрдаги 235-сонли қарори билан чиқариб ташланган — ЎР ҚҲТ, 2006 й., 46-47-сон, 458-модда)
8. Белгилаб қўйилсинки:
Олдинги таҳрирга қаранг.
сотиладиган тамаки маҳсулотлари учун олдиндан ҳақ тўлаш миқдори контракт тузилган маҳсулотнинг бутун ҳажми учун акциз солиғи суммасини ўз ичига олиши керак;
(8-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 23 августдаги 707-сонли қарори таҳририда — Қонун ҳужжатлари маълумотлари миллий базаси, 24.08.2019 й., 09/19/707/3626-сон)
Олдинги таҳрирга қаранг.
алкоголли маҳсулотлар ишлаб чиқарувчи корхоналар контракт тузилган маҳсулотнинг ҳақи тўланган ҳажмини ўз вақтида юклаб жўнатмаганлиги учун (маблағлар тушган кундан бошлаб 3 банк кунидан ортиқ) харидорга муддати кечиктирилган ҳар бир кун учун ўз вақтида юклаб жўнатилмаган маҳсулот қийматининг 3 фоизи миқдорида неустойка тўлайдилар.
(8-банднинг учинчи хатбошиси Ўзбекистон Республикаси Вазирлар Маҳкамасининг 2024 йил 11 сентябрдаги 562-сонли қарори таҳририда)
9. «Ўздавстандарт» маркази тизимида ходимларнинг умумий сони доирасида Давлат инспекцияси ташкил этилсин ва унга алкоголли маҳсулотлар сифатини назорат қилиш вазифаси юклансин.
«Ўздавстандарт» маркази «Ўзкимёсаноат» уюшмаси ва «Ўзмевасабзавотузумсаноат-холдинг» холдинг компанияси билан биргаликда Алкоголли маҳсулотлар сифатини назорат қилиш давлат инспекцияси низомини ва тузилмасини ўн кун муддатда тасдиқлаш учун Вазирлар Маҳкамасига киритсин.
10. Ўзбекистон Республикаси Прокуратураси:
Олдинги таҳрирга қаранг.
спирт, алкоголли маҳсулотлар ва тамаки маҳсулотлари ишлаб чиқариш ва уларнинг айланиши соҳасида ҳуқуқни бузишга йўл қўйган шахсларни ўз вақтида маъмурий ва жиноий жавобгарликка тортиш бўйича қонунчиликда белгиланган чора-тадбирларга оғишмай риоя қилиниши устидан прокурор назоратини кучайтирсин;
(10-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
спирт, алкоголли маҳсулотлар ва тамаки маҳсулотлари ишлаб чиқариш, келтириш ва сотишни ташкил этишда юзага келаётган аҳволни ярим йиллик якунлари ва умуман йил якунлари бўйича мунтазам равишда таҳлил қилиб борсин ва Вазирлар Маҳкамасига ахборот берсин.
11. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1999 йил 23 сентябрь,
444-сон

(Ўзбекистон Республикаси Ҳукуматининг қарорлари тўплами, 1999 й., 9-сон, 58-модда; Ўзбекистон Республикаси қонун ҳужжатлари тўплами, 2003 й., 1-2-сон, 9-модда; 2006 й., 12-13-сон, 105-модда; 2012 й., 44-сон, 507-модда; Қонун ҳужжатлари маълумотлари миллий базаси, 16.07.2018 й., 09/18/539/1519-сон; 24.08.2019 й., 09/19/707/3626-сон; Қонунчилик маълумотлари миллий базаси, 05.04.2022 й., 09/22/153/0266-сон; 06.08.2022 й., 09/22/431/0716-сон; 30.01.2025 й., 09/25/45/0084-сон)