Ўзбекистон Республикаси Вазирлар Маҳкамасининг
қарори
Тошкент давлат юридик университетида кадрлар тайёрлаш тизимини янада такомиллаштириш чора-тадбирлари тўғрисида
Ўзбекистон Республикаси Президентининг «Юридик кадрлар тайёрлаш тизимини янада такомиллаштириш чора-тадбирлари тўғрисида» 2013 йил 28 июндаги ПҚ-1990-сон ва «Тошкент давлат юридик университетида кадрлар тайёрлаш тизимини тубдан такомиллаштириш ва самарадорлигини ошириш чора-тадбирлари тўғрисида» 2017 йил 28 апрелдаги ПҚ-2932-сон қарорларига мувофиқ, шунингдек Тошкент давлат юридик университетида модул тизимига асосланган ўқув жараёнини янада такомиллаштириш мақсадида Вазирлар Маҳкамаси қарор қилади:
1. Тошкент давлат юридик университети бакалавриатига хорижий фуқароларни қабул қилиш тартиби тўғрисида низом 1-иловага мувофиқ тасдиқлансин.
Олдинги таҳрирга қаранг.
11. Қуйидагилар:
Ўзбекистон Республикаси Президентининг «Иқтидорли ёшларни саралаб олиш тизими ва академик лицейлар фаолиятини такомиллаштириш чора-тадбирлари тўғрисида» 2020 йил 3 декабрдаги ПҚ-4910-сон қарорига мувофиқ академик лицейларга иқтидорли ёшларни тест синовлари асосида саралаб олиш учун тест синовлари икки бўлимлардан ташкил топганлиги ҳамда I бўлим — танланган йўналишга мос 2 та фан бўйича тест синовларидан иборат бўлиши белгиланганлиги;
Ўзбекистон Республикаси Президентининг «Ўзбекистон Республикасида юридик таълим ва фанни тубдан такомиллаштириш бўйича қўшимча чора-тадбирлар тўғрисида» 2020 йил 29 апрелдаги ПФ-5987-сон Фармонига мувофиқ Тошкент давлат юридик университети (кейинги ўринларда — ТДЮУ) ҳузуридаги академик лицейнинг (кейинги ўринларда — академик лицей) барча фанлар бўйича юқори натижаларга эга битирувчилари ТДЮУга кириш тест синовларисиз, якка тартибда суҳбат ўтказиш орқали, тўлов-контракт асосида, қабул параметрларидан ташқари кириш ҳуқуқига эгалиги маълумот учун қабул қилинсин.
12. Белгилансинки:
Академик лицейда I бўлим — танланган йўналиши бўйича тест синовлари топшириладиган мос фанлар ТДЮУ томонидан белгиланади;
академик лицейда камида уч йил ишлаган, базавий олий юридик маълумотга эга педагог ва раҳбар ходимларга ТДЮУ магистратура мутахассислигига тест синовларисиз, тўлов-контракт асосида, қабул параметрларидан ташқари кириш ҳуқуқи берилади. Бунда ушбу ходимларга ўқишни тугатгандан сўнг тақсимот бўйича адлия органлари ва муассасаларида, биринчи навбатда, академик лицейда камида уч йил узлуксиз ишлаш мажбурияти юкланади;
академик лицейга ходимлар адлия органлари ва муассасалари учун белгиланган тартибда ишга қабул қилинади;
Олдинги таҳрирга қаранг.
академик лицей ўқувчиларининг билимларини баҳолаш, якуний давлат аттестациясини ўтказиш, шунингдек, академик лицейнинг барча фанлар бўйича юқори натижаларга эга битирувчилари ТДЮУга кириш тест синовларисиз, якка тартибда суҳбат ўтказиш орқали, тўлов-контракт асосида, қабул параметрларидан ташқари ўқишга қабул қилиш Ўзбекистон Республикаси Адлия вазирлиги томонидан белгиланган тартибда амалга оширилади. Бунда, якка тартибдаги суҳбатдан муваффақиятли ўтган абитуриентларни ўқишга қабул қилиш адлия вазирининг буйруғи билан амалга оширилади.
(12-банднинг бешинчи хатбошиси Ўзбекистон Республикаси Вазирлар Маҳкамасининг 2021 йил 22 ноябрдаги 705-сонли қарори таҳририда — Қонунчилик маълумотлари миллий базаси, 23.11.2021 й., 09/21/705/1082-сон)
2. Ўзбекистон Республикаси Ҳукуматининг айрим қарорларига 2-иловага мувофиқ ўзгартиш ва қўшимчалар киритилсин.
3. Ўзбекистон Республикаси Адлия вазирлиги вазирлик ва идоралар билан биргаликда бир ой муддатда улар томонидан қабул қилинган идоравий норматив-ҳуқуқий ҳужжатларни бир ой ичида мазкур қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси адлия вазири М.М. Икрамов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 2 июнь,
347-сон
Вазирлар Маҳкамасининг 2017 йил 2 июндаги 347-сон қарорига
1-ИЛОВА
Тошкент давлат юридик университети бакалавриатига хорижий фуқароларни қабул қилиш тартиби тўғрисида
НИЗОМ
1-боб. Умумий қоидалар
1. Мазкур Низом Ўзбекистон Республикасининг «Таълим тўғрисида»ги Қонуни ва Ўзбекистон Республикаси Президентининг «Тошкент давлат юридик университетида кадрлар тайёрлаш тизимини тубдан такомиллаштириш ва самарадорлигини ошириш чора-тадбирлари тўғрисида» 2017 йил 28 апрелдаги ПҚ-2932-сон қарорига мувофиқ хорижий давлатлар фуқаролари бўлган жисмоний шахслар, шунингдек хорижий давлат ҳудудида доимий равишда истиқомат қиладиган фуқаролиги бўлмаган шахслар (кейинги ўринларда хорижий фуқаролар деб юритилади)ни Тошкент давлат юридик университети (кейинги ўринда ТДЮУ деб аталади) бакалавриатига қабул қилиш тартибини белгилайди.
2. Хорижий фуқароларни қабул қилиш ТДЮУ бакалавриатига қабул квоталаридан ташқари Ўзбекистон Республикаси таълим муассасаларига ўқишга қабул қилиш Давлат комиссияси (кейинги ўринда Давлат комиссияси деб аталади) томонидан белгиланадиган жойларга мувофиқ амалга оширилади.
Олдинги таҳрирга қаранг.
Талабалар ўқиши қонунчиликда хорижий фуқаролар учун назарда тутилган тўлов-контракт асосида амалга оширилади.
(2-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
Ўзбекистон Республикасида яшаш гувоҳномасига ёки «IT-visa» ёхуд инвестиция визасига эга бўлган хорижий фуқаролар ҳамда уларнинг оила аъзолари (турмуш ўртоғи, ота-онаси ва фарзандлари) Ўзбекистон Республикаси фуқаролари учун назарда тутилган шартларда ўқишга киришга ва таълим олишга ҳақлидир.
(2-банднинг учинчи хатбошиси Ўзбекистон Республикаси Вазирлар Маҳкамасининг 2022 йил 15 апрелдаги 191-сонли қарори таҳририда — Қонунчилик маълумотлари миллий базаси, 15.04.2022 й., 09/22/191/0315-сон)
3. ТДЮУ бакалавриатига хорижий фуқароларни қабул қилиш тест синовларисиз, ТДЮУда ўтказиладиган суҳбат натижаларига кўра ва рейтинг тизимига мувофиқ тўпланган балларни ҳисобга олган ҳолда амалга оширилади.
4. ТДЮУ бакалавриатида ўқиш учун ҳужжатларни топширган хорижий фуқаролар, уларнинг дунёқараши, касбий лаёқати ва мотивацияси, умумий интеллектуал ва маънавий-ахлоқий даражасини аниқлаш нуқтаи назаридан суҳбатдан ўтказилади.
5. ТДЮУ бакалавриатига хорижий фуқароларни қабул қилишни ташкил этиш мазкур Низомга иловага мувофиқ схема бўйича амалга оширилади.
2-боб. Ҳужжатларни қабул қилиш
6. ТДЮУ бакалавриатига хорижий фуқароларни қабул қилишни ташкил этиш тегишли ўқув йили учун тузилган ТДЮУ қабул комиссияси (кейинги ўринда қабул комиссияси деб юритилади) томонидан амалга оширилади.
Олдинги таҳрирга қаранг.
Хорижий фуқароларни қабул қилиш тўғрисидаги аризалар Адлия вазирлиги билан келишган ҳолда ТДЮУ томонидан белгиланган муддатларда қабул қилинади.
(6-банднинг иккинчи хатбошиси Ўзбекистон Республикаси Вазирлар Маҳкамасининг 2021 йил 22 ноябрдаги 705-сонли қарори таҳририда — Қонунчилик маълумотлари миллий базаси, 23.11.2021 й., 09/21/705/1082-сон)
7. ТДЮУ бакалавриатига қабул қилиш учун ҳужжатлар Интернет жаҳон ахборот тармоғи орқали топширилади.
Хорижий фуқаролар аниқ вақт режимида электрон шаклдаги қабул қилиш тўғрисидаги аризани тўлдириб, унда: таълим йўналиши, таълим тили ва шакли; хорижий фуқаро томонидан олий таълим муассасасини тугатганлиги ёки унда олий маълумоти мавжуд эмаслиги; хорижий фуқаро суҳбат ўтказиш қоидалари билан танишганлиги хусусида белги кўрсатилади.
8. Қабул қилиш тўғрисидаги электрон аризага қуйидагилар электрон шаклда илова қилинади:
хорижий фуқаронинг паспорти ёки унинг ўрнини босувчи ҳужжат;
белгиланган тартибда легализация қилинган ёки апостиль қўйилган хорижий давлатнинг ваколатли органлари томонидан берилган, ўрганилган фанлар ва улар бўйича имтиҳонларда олинган баҳолар (баллар) кўрсатилган таълим ҳақидаги ҳужжат;
 LexUZ шарҳи
Қаранг: Вазирлар Маҳкамасининг 2021 йил 3 декабрдаги 732-сонли «Расмий ҳужжатларга апостиль қўйиш тартибини янада такомиллаштириш чора-тадбирлари тўғрисида»ги қарори.
Олдинги таҳрирга қаранг.
(8-банднинг тўртинчи хатбошиси Ўзбекистон Республикаси Вазирлар Маҳкамасининг 2021 йил 22 ноябрдаги 705-сонли қарорига асосан чиқарилган — Қонунчилик маълумотлари миллий базаси, 23.11.2021 й., 09/21/705/1082-сон)
Аризага илова қилинаётган ҳар бир ҳужжат ҳақиқийлиги сақланишини таъминловчи (ҳар бир дюймга 200 нуқтадан кам бўлмаган) алоҳида файл кўринишида бўлиши керак. Ҳар бир файл ўлчами 10 Мбдан ошмаслиги лозим.
Аризани ҳужжатлар «PDF» (portable document format) форматида сканер қилинган нусхалари кўринишида илова қилинган ҳолда жўнатишга йўл қўйилади.
Қабул қилиш тўғрисидаги аризанинг шакли Ўзбекистон Республикаси Адлия вазирлиги томонидан Олий ва ўрта махсус таълим вазирлиги ва ТДЮУ билан келишилган ҳолда тасдиқланади.
9. Мазкур Низомнинг 7 ва 8-бандларида назарда тутилган талабларга мувофиқ барча ҳужжатлар тақдим этилган тақдирда, 72 соат ичида ноёб рақам бериш орқали ариза рўйхатга олинади ва хорижий фуқарога белгиланган муддатда ҳужжатларнинг асл нусхаларини тақдим этиш ҳақида хабар берилади.
Қабул комиссияси томонидан ҳужжатларни қабул қилиш вақти этиб аризага ноёб рақам бериш пайти ҳисобланади.
10. Тақдим қилинган ҳужжатлар мазкур Низомнинг 7 ва 8-бандларида назарда тутилган талабларга мувофиқ бўлмаган тақдирда, 72 соат ичида аризада кўрсатилган электрон почта манзил бўйича хорижий фуқарога тегишли хабарнома юборилади. Бунда хорижий фуқарога кўрсатиб ўтилган камчиликларни тузатиш ва ҳужжатларни қабул қилишнинг белгиланган муддати тугагунга қадар уларни такроран тақдим этиш имкони берилади.
Ҳужжатларни қабул қилишнинг белгиланган муддати тугагандан сўнг уларга ўзгартиш ва қўшимчалар киритиш қатъиян ман қилинади.
11. Рўйхатга олинган қабул қилиш тўғрисидаги аризалар сони ҳар куни ТДЮУ сайтида жойлаштирилади.
12. Хорижий фуқаролар ҳужжатларнинг асл нусхаларини суҳбат ўтказилишидан 3 кун олдин тақдим этади.
Бунда чоп этилган ва имзоланган ариза хорижий фуқаро томонидан тақдим этилади, бу ҳужжатларда кўрсатилган маълумотлар ҳақиқийлигини тасдиқлайди.
Ҳужжатларнинг сохта ёки қалбакилиги аниқланган тақдирда, хорижий фуқаро суҳбатдан (талаба ТДЮУ талабалари сафидан) четлаштирилади ҳамда ҳужжатлар эса ўрнатилган тартибда ҳуқуқни муҳофаза қилувчи органларга юборилади.
3-боб. Суҳбат ўтказиш
13. Хорижий фуқароларни қабул қилиш жойларининг сони ҳақидаги маълумот ТДЮУ веб-сайтида, қоида тариқасида, ҳужжатларни қабул қилиш муддатидан бир ой олдин жойлаштирилади.
14. ТДЮУ бакалавриатига қабул қилиниши учун хорижий фуқаролар ТДЮУда таълим бериладиган тилларни билиши керак. Таълим бериладиган тилларни билмайдиган хорижий фуқаролар Ўзбекистон Республикаси Олий ва ўрта махсус таълим вазирлиги томонидан белгиланадиган тегишли муассасаларда ўқийди ва тил ўрганиш бўйича тайёргарликни муваффақиятли тугатиш натижаларига кўра, белгиланган намунадаги гувоҳнома (сертификат) ва ўқишга йўлланма берилади.
Олдинги таҳрирга қаранг.
15. Суҳбат Адлия вазирлиги билан келишган ҳолда ТДЮУ томонидан белгиланган муддатларда ўтказилади.
Суҳбат ўтказиш муддатлари тўғрисида маълумот ТДЮУ томонидан унинг расмий веб-сайтида суҳбат ўтказилишидан камида 1 ой олдин эълон қилинади.
Хорижий фуқаролар билан суҳбат бевосита ёки заруратга кўра масофавий (онлайн) тарзда амалга оширилади.
(15-банд Ўзбекистон Республикаси Вазирлар Маҳкамасининг 2021 йил 22 ноябрдаги 705-сонли қарори таҳририда — Қонунчилик маълумотлари миллий базаси, 23.11.2021 й., 09/21/705/1082-сон)
16. Суҳбат ўтказилишига қадар маслаҳатлар ташкил этилади, маслаҳатлар жадвали қабул комиссияси томонидан ишлаб чиқилади ва ТДЮУ ректори томонидан тасдиқланади.
17. Суҳбат ўтказиш жадваллари ТДЮУ ректори томонидан тасдиқланади ва ТДЮУ веб-сайтида, қоида тариқасида, суҳбат бошланишидан бир ой олдин жойлаштирилади.
18. Суҳбат ТДЮУ ректори буйруғи билан ташкил этиладиган махсус комиссия томонидан ўтказилади. Комиссия таркибига ТДЮУ ходимлари билан бир қаторда бошқа ташкилотлар вакиллари ҳам уларнинг раҳбарлари билан келишилган ҳолда киритилиши мумкин.
Суҳбат натижалари хорижий фуқарога балларни қўйишни (0 дан 100 гача) назарда тутадиган рейтинг тизими бўйича аниқланади ҳамда махсус комиссия мажлисининг ТДЮУ ректори томонидан тасдиқланадиган баёнида қайд этилади.
Суҳбат ўтказиш ва унинг натижаларини белгилаш тартиби Ўзбекистон Республикаси Адлия вазирлиги томонидан Олий ва ўрта махсус таълим вазирлиги ва ТДЮУ билан келишилган ҳолда белгиланади.
Олдинги таҳрирга қаранг.
Масофавий (онлайн) суҳбат коммуникация технологияларидан фойдаланган ҳолда реал вақт режимида амалга оширилади. Бунда, ушбу коммуникация технологиялари абитуриентнинг шахсини тасдиқлаш имконини берадиган техник талабларга жавоб бериши лозим.
Масофавий (онлайн) суҳбат натижаларини баҳолаш умумий тартибда амалга оширилади.
(18-банд Ўзбекистон Республикаси Вазирлар Маҳкамасининг 2021 йил 22 ноябрдаги 705-сонли қарорига асосан хатбошилар билан тўлдирилган — Қонунчилик маълумотлари миллий базаси, 23.11.2021 й., 09/21/705/1082-сон)
19. Хорижий фуқароларни қабул қилиш қуйидаги ҳолларда амалга оширилмайди:
жадвал бўйича суҳбатга келмаганда (0 балл қўйилади);
суҳбатда белгиланган максимал баллнинг 55 фоизи ва ундан кам балл тўплаганда.
20. ТДЮУ бакалавриатига хорижий фуқароларни қабул қилиш учун суҳбатни қайта ўтказиш тақиқланади.
21. Суҳбат натижалари шикоят қилиниши ва апелляция тартибида кўрилиши мумкин эмас.
Олдинги таҳрирга қаранг.
22. Суҳбат натижаларига кўра ТДЮУ бакалавриатига хорижий фуқароларни қабул қилиш ҳақида ТДЮУ ректори томонидан буйруқ қабул қилинади.
(22-банд Ўзбекистон Республикаси Вазирлар Маҳкамасининг 2021 йил 22 ноябрдаги 705-сонли қарори таҳририда — Қонунчилик маълумотлари миллий базаси, 23.11.2021 й., 09/21/705/1082-сон)
4-боб. Қабул қилишни расмийлаштириш, ўқиш учун тўлов
Олдинги таҳрирга қаранг.
23. ТДЮУ бакалавриатига хорижий фуқароларни қабул қилиш тўғрисидаги ТДЮУ ректорининг буйруғи, қоида тариқасида, 2 сентябрдан кечиктирмасдан қабул қилинади.
(23-банд Ўзбекистон Республикаси Вазирлар Маҳкамасининг 2021 йил 22 ноябрдаги 705-сонли қарори таҳририда — Қонунчилик маълумотлари миллий базаси, 23.11.2021 й., 09/21/705/1082-сон)
Олдинги таҳрирга қаранг.
24. ТДЮУ ректори томонидан хорижий фуқароларни қабул қилиш тўғрисида буйруқ қабул қилингандан кейин ТДЮУ билан жисмоний ёки юридик шахслар ўртасида белгиланган тартибда контрактлар тузилади.
(24-банд Ўзбекистон Республикаси Вазирлар Маҳкамасининг 2021 йил 22 ноябрдаги 705-сонли қарори таҳририда — Қонунчилик маълумотлари миллий базаси, 23.11.2021 й., 09/21/705/1082-сон)
Олдинги таҳрирга қаранг.
25. Белгиланган намунадаги контракт бланкалари қабул комиссияси томонидан ТДЮУ ректори буйруғи қабул қилинган кундан бошлаб берилади ва ТДЮУ ректори ва бош бухгалтер томонидан имзоланган ҳолда (юридик шахслар учун 3 нусхада, жисмоний шахслар учун 2 нусхада) расмийлаштирилади.
(25-банд Ўзбекистон Республикаси Вазирлар Маҳкамасининг 2021 йил 22 ноябрдаги 705-сонли қарори таҳририда — Қонунчилик маълумотлари миллий базаси, 23.11.2021 й., 09/21/705/1082-сон)
Олдинги таҳрирга қаранг.
26. Хорижий фуқаролар ўқиш учун тўловни ҳар йили контракт шартларида кўрсатилган муддатларда амалга оширади.
27. ТДЮУ ректорининг ўқишга қабул қилиш тўғрисидаги буйруғи қабул қилинганидан бошлаб хорижий фуқароларга дарсларга қатнашишга рухсат этилади.
(26 ва 27-бандлар Ўзбекистон Республикаси Вазирлар Маҳкамасининг 2021 йил 22 ноябрдаги 705-сонли қарори таҳририда — Қонунчилик маълумотлари миллий базаси, 23.11.2021 й., 09/21/705/1082-сон)
28. ТДЮУ бакалавриатига қабул қилинган хорижий фуқароларга стипендия тўланмайди.
5-боб. Якунловчи қоидалар
Олдинги таҳрирга қаранг.
29. ТДЮУ бакалавриатига қабул қилинган хорижий фуқароларни ўқишга қабул қилиш тўғрисидаги буйруқ ва суҳбат натижаларидан тегишли кўчирмалар уларнинг шахсий ҳужжатлар йиғма жилдларига тикиб қўйилади.
(29-банд Ўзбекистон Республикаси Вазирлар Маҳкамасининг 2021 йил 22 ноябрдаги 705-сонли қарори таҳририда — Қонунчилик маълумотлари миллий базаси, 23.11.2021 й., 09/21/705/1082-сон)
ТДЮУ бакалавриатига қабул қилинмаган хорижий фуқароларнинг суҳбат натижалари 6 ой давомида сақланади ва кейинчалик белгиланган тартибда йўқ қилинади.
Олдинги таҳрирга қаранг.
30. Мазкур Низом талаблари бузилишида айбдор бўлган шахслар қонунчиликда белгиланган тартибда жавоб беради.
(30-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Тошкент давлат юридик университети бакалавриатига хорижий фуқароларни қабул қилиш тартиби тўғрисида низомга
ИЛОВА
Тошкент давлат юридик университети бакалавриатига хорижий фуқароларни қабул қилишни ташкил этиш
СХЕМАСИ
Вазирлар Маҳкамасининг 2017 йил 2 июндаги 347-сон қарорига
2-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиш ва қўшимчалар
Олдинги таҳрирга қаранг.
(1-банд Ўзбекистон Республикаси Вазирлар Маҳкамасининг 2021 йил 12 августдаги 511-сонли қарорига асосан ўз кучини йўқотган — Қонунчилик маълумотлари миллий базаси, 13.08.2021 й., 09/21/511/0793-сон)
2. Ўзбекистон Республикаси Вазирлар Маҳкамасининг «Олий таълим муассасаларига педагог ходимларни танлов асосида ишга қабул қилиш тартиби тўғрисидаги низомни тасдиқлаш ҳақида» 2006 йил 10 февралдаги 20-сон қарорининг иловасида (Ўзбекистон Республикаси қонун ҳужжатлари тўплами, 2006 й., 6-7-сон, 36-мод.):
а) 10-банд қуйидаги мазмундаги иккинчи хатбоши билан тўлдирилсин:
«Тошкент давлат юридик университетига педагог ходимлар адлия органлари ва муассасалари учун белгиланадиган тартибда ўтказиладиган танлов асосида қабул қилинади»;
б) II бўлим қуйидаги мазмундаги 111-банд билан тўлдирилсин:
«111. Тошкент давлат юридик университетида ўқитувчи ва катта ўқитувчи лавозимларига олий маълумотга эга бўлган шахс (қоида тариқасида, магистр, дипломли мутахассис), шунингдек илмий даража (шу жумладан, хорижий мамлакатларнинг фалсафа доктори (Ph.D) даражасига ёки унга тенглаштирилган бошқа илмий даражаларига) ва илмий унвонга эга бўлган ҳамда бундай даража ва унвонга эга бўлмаган, бироқ ўқитувчилик, илмий-тадқиқот ва амалий иш тажрибасига эга бўлган шахслар қабул қилиниши мумкин».
3. Ўзбекистон Республикаси Вазирлар Маҳкамасининг «Республика олий таълим муассасалари ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида» 2008 йил 1 августдаги 164-сон қарорида (Ўзбекистон Республикаси қонун ҳужжатлари тўплами, 2008 й., 31-32-сон, 302-модда):
а) 2-иловага изоҳнинг иккинчи хатбошисида «Бакалавриат даражасида факультет деканати назарда тутилмайдиган» сўзлари «Қонун ҳужжатларига мувофиқ ўқув жараёни модул тизимига асосланган» сўзлари билан алмаштирилсин;
б) 4-иловада:
7-банднинг иккинчи хатбошисида «Бакалавриат даражасида факультет деканати назарда тутилмайдиган» сўзлари «Қонун ҳужжатларига мувофиқ ўқув жараёни ўқитишнинг модул тизимига асосланган» сўзлари билан алмаштирилсин;
17-бандда:
қуйидаги мазмундаги учинчи хатбоши билан тўлдирилсин:
«Қонун ҳужжатларига мувофиқ ўқув жараёни ўқитишнинг модул тизимига асосланган олий таълим муассасаларида йиллик шахсий иш режаси фақат ўқув тусдаги тадбирларни, уларнинг соатлар миқдорини кўрсатган ҳолда, ўз ичига олади. Ушбу соатларнинг энг кам миқдори олий таълим муассасаси Кенгаши томонидан белгиланади»;
учинчи ва тўртинчи хатбошилар тегишли равишда тўртинчи ва бешинчи хатбошилар деб ҳисоблансин;
қуйидаги мазмундаги хатбоши билан тўлдирилсин:
«Мазкур банднинг тўртинчи ва бешинчи хатбошлари талаблари қонун ҳужжатларига мувофиқ ўқув жараёни ўқитишнинг модул тизимига асосланган олий таълим муассасаларига татбиқ этилмайди».
4. Ўзбекистон Республикаси Вазирлар Маҳкамасининг «Хорижий фуқароларни Ўзбекистон Республикаси таълим муассасаларига ўқишга қабул қилиш ва ўқитиш тартибини такомиллаштириш тўғрисида» 2008 йил 4 августдаги 169-сон қарорида (Ўзбекистон Республикаси ҚТ, 2008 й., 8-сон, 42-модда):
а) 1-банднинг тўртинчи хатбошига «агар» сўзидан кейин «қонун ҳужжатлари ёки» сўзлари қўшилсин;
б) иловада:
8-банддаги «агар» сўзидан кейин «қонун ҳужжатлари ёки» сўзлари қўшилсин;
12-бандда:
биринчи хатбошига қуйидаги мазмундаги жумла билан қўшилсин:
«Мустақил Давлатлар Ҳамдўстлиги мамлакатларидан келган хорижий фуқаролар олий таълим муассасалари бакалавриатига олий таълим муассасаси томонидан белгиланадиган тартибда ўтказиладиган суҳбат натижасида қабул қилинади»;
иккинчи хатбошига «тест синови» сўзларидан кейин «(суҳбат)» сўзи қўшилсин;
учинчи хатбошига «Тест синовлари» сўзларидан кейин «(суҳбат)» сўзи қўшилсин.
Олдинги таҳрирга қаранг.
(5-банд Ўзбекистон Республикаси Вазирлар Маҳкамасининг 2025 йил 13 сентябрдаги 578-сонли қарорига асосан ўз кучини йўқотган — Қонунчилик маълумотлари миллий базаси, 15.09.2025 й., 09/25/578/0826-сон)
6. Ўзбекистон Республикаси Вазирлар Маҳкамасининг «Олий таълим муассасалари педагог кадрларини қайта тайёрлаш ва уларнинг малакасини ошириш тизимини янада такомиллаштириш чора-тадбирлари тўғрисида» 2012 йил 26 сентябрдаги 278-сон қарорининг 1-иловасидаги (Ўзбекистон Республикаси қонун ҳужжатлари тўплами, 2012 й., 39-сон, 453-модда) «Педагог кадрларни қайта тайёрлаш ва уларнинг малакасини ошириш тармоқ марказлари» бўлими «Минтақавий ва тармоқ марказининг номи» устунининг 15-позицияси қуйидаги таҳрирда баён этилсин:
«Тошкент давлат юридик университети ҳузуридаги педагог кадрларни қайта тайёрлаш ва малакасини ошириш тармоқ маркази».
7. Ўзбекистон Республикаси Вазирлар Маҳкамасининг 2013 йил 23 декабрдаги «Тошкент ахборот технологиялари университети ва Тошкент давлат юридик университетларида ўқув юкламасининг ҳажмларини тасдиқлаш тўғрисида» 337-сон қарори 2-иловасининг рус тилидаги матнида (Ўзбекистон Республикаси қонун ҳужжатлари тўплами, 2013 й., 52-сон, 691-модда):
а) 1-бўлим қуйидаги таҳрирда баён этилсин:
«1. Бакалавриат
Максимальный объем аудиторных занятий при очной форме обучения должен быть установлен в объеме 30 часов в неделю.
При нормативном сроке обучения в 4 года продолжительность учебного процесса должна составлять 204 недели.
Общий объем учебного времени должен распределяться на:
теоретическое обучение — 40 — 55%;
аттестацию — 10 — 20%;
каникулы — 12 — 18%;
Самостоятельную подготовку — 6 — 14%;
квалификационную практику — 8 — 12%;
выпускную работу — 2 — 4%.
Объем времени теоретического обучения должен распределяться по блокам дисциплин следующим образом:
непрофильные дисциплины — 10 — 30%;
профильные дисциплины — 60 — 80%;
дополнительные дисциплины — 5 — 10%.
Общий объем каникулярного времени в учебный год устанавливается 5 — 14 недель»;
б) 2-бўлимда:
иккинчи хатбоши қуйидаги таҳрирда баён этилсин:
«Максимальный объем аудиторных занятий и научной деятельности при очной форме обучения должен быть установлен в объеме 30 часов в неделю»;
бешинчи хатбошидаги «25 — 30» рақамлари «20 — 25» рақамлари билан алмаштирилсин;
олтинчи хатбошидаги «4 — 7» рақамлари «8 — 12» рақамлари билан алмаштирилсин;
қуйидаги мазмундаги еттинчи хатбоши билан тўлдирилсин:
«самостоятельную подготовку — 6 — 10%»;
еттинчи — ўн олтинчи хатбошилар тегишли равишда саккизинчи — ўн еттинчи хатбошилар деб ҳисоблансин.

(Ўзбекистон Республикаси қонун ҳужжатлари тўплами, 2017 й., 23-сон, 472-модда; Қонун ҳужжатлари маълумотлари миллий базаси, 12.10.2019 й., 09/19/864/3902-сон; 08.04.2021 й., 09/21/189/0303-сон; Қонунчилик маълумотлари миллий базаси, 13.08.2021 й., 09/21/511/0793-сон, 23.11.2021 й., 09/21/705/1082-сон; 05.04.2022 й., 09/22/153/0266-сон, 15.04.2022 й., 09/22/191/0315-сон; 15.09.2025 й., 09/25/578/0826-сон)