Ўзбекистон Республикаси Вазирлар Маҳкамасининг
қарори
«Давлат ҳокимияти ва бошқаруви органлари фаолиятининг очиқлиги тўғрисида»ги Ўзбекистон Республикаси Қонуни қоидаларини амалга оширишга йўналтирилган комплекс чора-тадбирлар кўриш тўғрисида
«Давлат ҳокимияти ва бошқаруви органлари фаолиятининг очиқлиги тўғрисида»ги Ўзбекистон Республикаси Қонуни ва Ўзбекистон Республикаси Президентининг «Ўзбекистон Республикаси Конституциясига тузатишларни амалга ошириш бўйича қонун ижодкорлиги ишлари дастури тўғрисида» 2014 йил 25 июндаги Ф-4305-сон фармойиши ижроcини таъминлаш мақсадида Вазирлар Маҳкамаси қарор қилади:
1. «Давлат ҳокимияти ва бошқаруви органлари фаолиятининг очиқлиги тўғрисида»ги Ўзбекистон Республикаси Қонуни қоидаларини амалга ошириш бўйича комплекс чора-тадбирлар (кейинги ўринларда Комплекс чора-тадбирлар деб аталади) 1-иловага мувофиқ тасдиқлансин.
2. Қуйидагилар Комплекс чора-тадбирларни амалга оширишни молиялаштиришнинг асосий манбалари этиб белгилансин:
Ўзбекистон Республикаси Давлат бюджети, шунингдек вазирликлар, давлат қўмиталари ва идораларнинг бюджетдан ташқари фондлари маблағлари;
Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фондининг давлат грантлари ва ижтимоий буюртмалар шаклида белгиланган тартибда ажратиладиган маблағлари;
Олдинги таҳрирга қаранг.
халқаро молия институтларининг беғараз техник кўмаги (грантлари) маблағлари, имтиёзли кредитлари ва қонунчиликда тақиқланмаган бошқа манбалар.
(2-банднинг тўртинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
3. Фуқаролик жамияти шаклланишини мониторинг қилиш мустақил институти, Ўзбекистон нодавлат нотижорат ташкилотлари миллий ассоциацияси, Ўзбекистон мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди, Ўзбекистон электрон оммавий ахборот воситалари миллий ассоциацияси, бошқа нодавлат нотижорат ташкилотлари, оммавий ахборот воситалари ва давлат муассасаларининг Давлат ҳокимияти ва бошқаруви органлари фаолиятининг очиқлигини таъминлаш фаолиятини мувофиқлаштириш ва мониторингини олиб бориш бўйича жамоатчилик кенгашини 2-иловага мувофиқ таркибда ташкил этиш тўғрисидаги таклифига розилик берилсин, қуйидагилар унинг фаолиятининг асосий вазифалари ва устувор йўналишлари этиб белгилансин:
давлат ҳокимияти ва бошқаруви органлари фаолиятининг очиқлигини ошириш, улар фаолияти устидан жамоатчилик назорати механизмларини ривожлантириш жараёнларига, шунингдек давлат бошқарувининг сифатидан фуқароларнинг қониқиши ўсишига кўмаклашиш;
давлат ҳокимияти ва бошқаруви органларининг фаолияти тўғрисида жамоатчиликни хабардор қилишнинг самарали, амалий механизмларини белгилаш, давлат органлари томонидан қабул қилинаётган қарорлардан ва энг аввало фуқароларнинг ҳуқуқлари, эркинликлари ва қонуний манфаатларига дахлдор бўлган қарорлардан аҳоли, жамоат бирлашмалари кенг фойдаланишини таъминлашга ҳар томонлама кўмаклашиш;
фуқаролик жамияти институтларини, оммавий ахборот воситаларини давлат ҳокимияти ва бошқаруви органлари фаолияти, мамлакатда амалга оширилаётган ислоҳотлар сиёсати, сиёсий плюрализм принципларини, мамлакатда ва унинг ташқарисида юз бераётган воқеалар тўғрисида фикрлар хилма-хиллигини ҳисобга олган ҳолда давлатнинг ички ва ташқи сиёсати очиқ-ошкоралигини таъминлашга қаратилган чора-тадбирларни амалга оширишда иштирок этишга кенг жалб этиш;
очиқликни таъминлашнинг самарали тизимларини шакллантиришда, фуқароларнинг ахборотни эркин олишга бўлган конституциявий ҳуқуқини амалга оширишда давлат ҳокимияти ва бошқаруви органларига методик, маслаҳат ёрдами бериш, ушбу соҳада зарур стандартлар ва ҳужжатлар лойиҳаларини ишлаб чиқиш;
давлат ҳокимияти ва бошқаруви органлари фаолияти очиқлиги мониторингини олиб бориш ва уни баҳолаш тизимини ишлаб чиқиш ва жорий этиш, давлат ҳокимияти ва бошқаруви органлари фаолиятининг очиқлигини таъминлаш соҳасидаги ишларнинг ҳолати тўғрисида жамоатчиликни кенг хабардор қилиш.
4. Жамоатчилик кенгаши давлат ҳокимияти ва бошқаруви органлари фаолиятининг очиқлигини таъминлаш давлат тизимини шакллантиришга кўмаклашиш, давлат ҳокимияти ва бошқаруви органлари фаолиятининг очиқлигини баҳолаш мониторингини жорий этиш ва уни тизимли олиб бориш мақсадларида ташкил этилган мувофиқлаштирувчи, маслаҳат органи ҳисобланиши маълумот учун қабул қилинсин.
5. Жамоатчилик кенгашига:
Давлат ҳокимияти ва бошқаруви органлари фаолиятининг очиқлигини таъминлаш фаолиятини мувофиқлаштириш ва мониторингини олиб бориш бўйича жамоатчилик кенгаши тўғрисидаги Низомни бир ой муддатда тасдиқлаш;
Давлат ҳокимияти ва бошқаруви органлари фаолиятининг очиқлигини таъминлаш регламентини, шунингдек давлат ҳокимияти ва бошқаруви органлари фаолиятининг очиқлиги мониторингини олиб бориш ва уни баҳолаш методикасини икки ой муддатда ишлаб чиқиш ва тасдиқлаш;
«Электрон ҳукумат» тизимини ривожлантириш маркази, миллий оммавий ахборот воситалари, республиканинг ахборот соҳасида фаолиятни амалга оширувчи нодавлат нотижорат ташкилотлари билан биргаликда 2016 йил 1 январдан бошлаб давлат ҳокимияти ва бошқаруви органлари фаолиятининг очиқлиги мониторингини олиб бориш ва уни баҳолаш тизимини жорий этиш;
Ўзбекистон Республикаси Вазирлар Маҳкамасига бир йилда камида икки марта давлат ҳокимияти ва бошқаруви органлари фаолиятининг очиқлигини таъминлашнинг ҳолати тўғрисидаги таҳлилий маълумотлар, шунингдек ушбу фаолиятни ташкил этиш ва унинг самарадорлигини оширишни янада такомиллаштиришга доир аниқ таклифлар тақдим этиш тавсия қилинсин.
6. Белгилансинки, вазирликлар, давлат қўмиталари ва идоралар, Қорақалпоғистон Республикаси Вазирлар Кенгаши, вилоятлар, шаҳарлар ва туманлар ҳокимликларининг раҳбарлари Комплекс чора-тадбирларда назарда тутилган тадбирлар ўз вақтида ва сифатли амалга оширилиши учун шахсан жавоб берадилар.
Олдинги таҳрирга қаранг.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Н. Арипов зиммасига юклансин.
(7-банд Ўзбекистон Республикаси Вазирлар Маҳкамасининг 2016 йил 20 октябрдаги 352-сонли қарори таҳририда — ЎР ҚҲТ, 2016 й., 42-сон, 490-модда)
Ўзбекистон Республикасининг Бош вазири Ш. МИРЗИЁЕВ
Тошкент ш.,
2015 йил 6 ноябрь,
320-сон
Вазирлар Маҳкамасининг 2015 йил 6 ноябрдаги 320-сон қарорига
1-ИЛОВА
«Давлат ҳокимияти ва бошқаруви органлари фаолиятининг очиқлиги тўғрисида»ги Ўзбекистон Республикаси Қонуни қоидаларини амалга ошириш бўйича
КОМПЛЕКС ЧОРА-ТАДБИРЛАР

Т/р

Чора-тадбирлар

Бажариш муддатлари, масъул бажарувчилар

1.

Давлат ҳокимияти ва бошқаруви органлари фаолияти очиқлигини таъминлаш бўйича регламентини ишлаб чиқиш ва тасдиқлаш учун Жамоатчилик кенгашига киритиш.

2015 йил 1 декабрь

«Электрон ҳукумат» маркази, Оммавий коммуникациялар соҳасида мониторинг маркази, Ўзбекистон матбуот ва ахборот агентлиги, Фуқаролик жамияти шаклланишини мониторинг қилиш мустақил институти, Ўзбекистон Нодавлат нотижорат ташкилотлари миллий ассоциацяси, Ўзбекистон журналистлари ижодий уюшмаси, Миллий телерадиокомпания, Ўзбекистон мустақил босма оммавий ахборот воситаларини ва ахборот агентликларини қўллаб-қувватлаш ва ривожлантириш жамоат фонди, Электрон оммавий ахборот воситалари миллий ассоциацияси

2.

Давлат ҳокимияти ва бошқаруви органлари фаолияти очиқлиги мониторингини олиб бориш ва уни баҳолаш методикасини ишлаб чиқиш ва тасдиқлаш учун Жамоатчилик кенгашига киритиш.

Давлат ҳокимияти ва бошқаруви органлари очиқлиги мониторингини олиб бориш ва уни баҳолашни ташкил этиш ва мунтазамлилик асосида амалга ошириш, натижалари тўғрисида жамоатчиликни, Вазирлар Маҳкамасини, Ўзбекистон Республикаси Олий Мажлисининг Қонунчилик палатасини хабардор қилиш.

2015 йил 1 декабрь

«Электрон ҳукумат» маркази, Оммавий коммуникациялар соҳасида мониторинг маркази, Ўзбекистон матбуот ва ахборот агентлиги, Фуқаролик жамияти шаклланишини мониторинг қилиш мустақил институти, Ўзбекистон Нодавлат нотижорат ташкилотлари миллий ассоциацяси, Ўзбекистон журналистлари ижодий уюшмаси, Миллий телерадиокомпания, Ўзбекистон мустақил босма оммавий ахборот воситаларини ва ахборот агентликларини қўллаб-қувватлаш ва ривожлантириш жамоат фонди, Электрон оммавий ахборот воситалари миллий ассоциацияси

3.

Норматив-ҳуқуқий ҳужжатларни хатловдан ўтказиш натижалари бўйича қонун ҳужжатларига «Давлат ҳокимияти ва бошқаруви органлари фаолиятининг очиқлиги тўғрисида»ги Ўзбекистон Республикаси Қонунидан келиб чиқувчи ўзгартириш ва қўшимчалар тўғрисида Вазирлар Маҳкамасига таклифлар киритиш.

2015 йил 20 декабрь

Ўзбекистон матбуот ва ахборот агентлиги, Ахборот технологиялари ва коммуникацияларини ривожлантириш вазирлиги, Адлия вазирлиги, «Ўзархив» агентлиги, Алишер Навоий номидаги Ўзбекистон Миллий кутубхонаси, ЎзА, Миллий телерадиокомпания, давлат ҳокимияти ва бошқаруви органлари

4.

Қуйидаги идоравий норматив-ҳуқуқий ҳужжатларни ишлаб чиқиш ва белгиланган тартибда тасдиқлаш:

Давлат ҳокимияти ва бошқаруви органлари фаолияти тўғрисидаги ахборотни ахборот-кутубхона ва архив муассасаларига тақдим этиш тартиби тўғрисидаги Низом;

Давлат ҳокимияти ва бошқаруви органлари томонидан ахборот-кутубхона ва архив муассасаларига тақдим этилган ҳужжатлар билан ишлаш тартиби тўғрисидаги Йўриқнома;

Ахборотдан фойдаланувчиларнинг давлат ҳокимияти ва бошқаруви органларининг очиқ коллегиал мажлисларида иштирок этиши тартиби тўғрисидаги Намунавий низом;

Давлат ҳокимияти ва бошқаруви органлари фаолияти тўғрисидаги ахборотни олиш учун сўровларни қабул қилиш, рўйхатдан ўтказиш ва қайта ишлаш тартиби тўғрисидаги йўриқнома.

2015 йил 25 ноябрь

«Ўзархив»агентлиги, Алишер Навоий номидаги Ўзбекистон Миллий кутубхонаси

2015 йил 25 ноябрь

«Ўзархив»агентлиги, Алишер Навоий номидаги Ўзбекистон Миллий кутубхонаси

2015 йил 25 ноябрь

Ахборот технологиялари ва коммуникацияларини ривожлантириш вазирлиги, Ўзбекистон матбуот ва ахборот агентлиги, Адлия вазирлиги, Ўзбекистон Нодавлат нотижорат ташкилотлари миллий ассоциацяси, Фуқаролик жамияти шаклланишини мониторинг қилиш мустақил институти

2015 йил 25 ноябрь

Ўзбекистон матбуот ва ахборот агентлиги, Адлия вазирлиги, Ахборот технологиялари ва коммуникацияларини ривожлантириш вазирлиги

5.

«Давлат ҳокимияти ва бошқаруви органлари фаолиятининг очиқлиги тўғрисида»ги Қонунни амалга ошириш бўйича қабул қилинган норматив-ҳуқуқий ҳужжатларга мувофиқ идоравий ҳужжатларни тасдиқлаш, жумладан:

Қонуннинг 5-моддаси биринчи ва иккинчи қисмларига мувофиқ давлат ҳокимияти ва бошқаруви органлари фаолияти тўғрисидаги маълумотлар рўйхатини;

давлат ҳокимияти ва бошқаруви органлари фаолияти тўғрисидаги ахборот тақдим этилиши учун масъул бўлган мансабдор шахсларнинг рўйхатини тасдиқлаш.

2015 йил 25 ноябрь

давлат ҳокимияти ва бошқаруви органлари

Доимо

давлат ҳокимияти ва бошқаруви органлари

6.

Давлат ҳокимияти ва бошқаруви органлари фаолияти тўғрисидаги маълумотлар, энг аввало, ижтимоий аҳамиятга эга маълумотлар рўйхатини тасдиқлаш ва мунтазам равишда янгилаш, уларни расмий веб-сайтларда мажбурий жойлаштириш.

Доимо

давлат ҳокимияти ва бошқаруви органлари

7.

Ахборот хизматларининг фаолиятини такомиллаштириш, уларнинг моддий-техника базасини яхшилаш ва уларни юқори малакали кадрлар билан таъминлаш бўйича тегишли чоралар кўриш.

2015 йил 25 ноябрь

давлат ҳокимияти ва бошқаруви органлари, Ўзбекистон матбуот ва ахборот агентлиги

8.

Идоравий архивлар фаолиятини такомиллаштириш, архивариусларнинг малакасини ошириш ва архив фондлари сақланиши шарт-шароитларини яхшилаш бўйича тегишли чоралар кўриш.

2015 йил 25 ноябрь

давлат ҳокимияти ва бошқаруви органлари, «Ўзархив»агентлиги

9.

Бюджет ташкилотлари фаолиятининг очиқлигини таъминлаш, ахборот хизматлари (матбуот хизматлари) томонидан ахборот-тушунтириш, тарғибот ишлари олиб борилиши, оммавий ахборот воситалари билан мустаҳкам ўзаро ҳамкорликни таъминлаш, жамоатчилик билан алоқаларни ташкил этиш билан боғлиқ тадбирларнинг бюджет ташкилотлари томонидан амалга оширилишини молиялаштириш тартибини ишлаб чиқиш ва тушунтириш.

2015 йил 1 декабрь

Молия вазирлиги, Ўзбекистон матбуот ва ахборот агентлиги, Ўзбекистон мустақил босма оммавий ахборот воситаларини ва ахборот агентликларини қўллаб-қувватлаш ва ривожлантириш жамоат фонди, Ўзбекистон Нодавлат нотижорат ташкилотлари миллий ассоциацяси, «Электрон ҳукумат» маркази

10.

Қонун нормаларининг мақсадлари, мазмуни ва амалий аҳамиятини оммавий ахборот воситалари орқали кенг ёритиш учун республика ва минтақавий телерадиоканалларда телекўрсатувлар, радиоэшиттиришлар ташкил этиш, босма нашрларда мақолалар эълон қилиш.

Доимо

ЎзА, Миллий телерадиокомпания, Ўзбекистон матбуот ва ахборот агентлиги, Электрон оммавий ахборот воситалари миллий ассоциацияси, Фуқаролик жамияти шаклланишини мониторинг қилиш мустақил институти, Ўзбекистон мустақил босма оммавий ахборот воситаларини ва ахборот агентликларини қўллаб-қувватлаш ва ривожлантириш жамоат фонди, Адлия вазирлиги

11.

Давра суҳбатлари, семинарлар, тренинглар ва учрашувлар ўтказиш йўли билан қонун нормалари ва талабларини амалга ошириш бўйича аҳоли орасида, шу жумладан нодавлат нотижорат ташкилотлари ва тадбиркорлик фаолияти субъектлари орасида кенг тушунтириш ишлари олиб бориш.

Доимо

Ўзбекистон матбуот ва ахборот агентлиги, Ахборот технологиялари ва коммуникацияларини ривожлантириш вазирлиги, Савдо-саноат палатаси, Ўзбекистон Нодавлат нотижорат ташкилотлари миллий ассоциацяси, Фуқаролик жамияти шаклланишини мониторинг қилиш мустақил институти, Адлия вазирлиги, Электрон оммавий ахборот воситалари миллий ассоциацияси, Ўзбекистон мустақил босма оммавий ахборот воситаларини ва ахборот агентликларини қўллаб-қувватлаш ва ривожлантириш жамоат фонди

12.

Ахборот олишни таъминлаш ва оммавий ахборот воситалари фаолияти соҳасидаги норматив-ҳуқуқий ҳужжатлар тўпламини нашр этиш («Давлат ҳокимияти ва бошқаруви органлари фаолиятининг очиқлиги тўғрисида», «Оммавий ахборот воситалари тўғрисида», «Ахборот олиш кафолатлари ва эркинлиги тўғрисида», «Ахборот эркинлиги принциплари ва кафолатлари тўғрисида»ги қонунлар ва бошқалар).

2015 йил 25 ноябрь

Фуқаролик жамияти шаклланишини мониторинг қилиш мустақил институти, Ўзбекистон матбуот ва ахборот агентлиги, Ахборот технологиялари ва коммуникацияларини ривожлантириш вазирлиги, Адлия вазирлиги

13.

Давлат ҳокимияти ва бошқаруви органларининг ахборот хизматлари раҳбарлари учун семинарлар-тренинглар ташкил этиш.

Алоҳида жадвал бўйича

Ўзбекистон матбуот ва ахборот агентлиги, Ўзбекистон журналистлари ижодий уюшмаси, Миллий телерадиокомпания, Ўзбекистон мустақил босма оммавий ахборот воситаларини ва ахборот агентликларини қўллаб-қувватлаш ва ривожлантириш жамоат фонди, Электрон оммавий ахборот воситалари миллий ассоциацияси, «Электрон ҳукумат» маркази, давлат ҳокимияти ва бошқаруви органлари

Вазирлар Маҳкамасининг 2015 йил 6 ноябрдаги 320-сон қарорига
2-ИЛОВА
Олдинги таҳрирга қаранг.
Давлат ҳокимияти ва бошқаруви органлари фаолиятининг очиқлигини таъминлаш фаолиятини мувофиқлаштириш ва мониторинг олиб бориш бўйича жамоатчилик кенгаши
ТАРКИБИ
Олдинги таҳрирга қаранг.

Абдуллаев И.З.
(келишув бўйича)

—

Ўзбекистон Республикаси Олий Мажлиси Қонунчилик палатасининг Ахборот ва коммуникация технологиялари масалалари қўмитаси раиси, Жамоатчилик кенгаши раиси

О.М. Умаров

—

Ўзбекистон Республикаси Бош вазирининг маслаҳатчиси — IТ-технологиялар, телекоммуникациялар ва инновацион фаолиятни ривожлантириш масалалари департаменти бошлиғи, Жамоатчилик кенгаши раисининг ўринбосари

Файзуллаев А.Н.

—

Ўзбекистон Республикаси Ахборот технологиялари ва коммуникацияларини ривожлантириш вазирининг биринчи ўринбосари

Усманов А.А.

—

Ўзбекистон Республикаси Адлия вазирининг ўринбосари

лавозими бўйича

—

Ахборот ва оммавий коммуникациялар агентлигининг директори

Абдуллаев А.Х.

—

«Ўзархив» агентлигининг бош директори

Ходжаев А.А.

—

Алишер Навоий номидаги Ўзбекистон Миллий кутубхонаси — ахборот ресурс маркази директори

Хикматуллаев Н.Н.

—

Ўзбекистон Миллий телерадиокомпанияси раисининг биринчи ўринбосари

Суяров С.Л.

—

Ўзбекистон Миллий ахборот агентлиги (ЎзА) бош директорининг ўринбосари

Хабибуллаев Ш.Х.

—

Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги «Электрон ҳукумат» тизимини ривожлантириш маркази директори

Абдукаримов Г.О.

—

Фуқаролик жамияти шаклланишини мониторинг қилиш мустақил институти директори

Халимбеков И.Т.

—

Ўзбекистон журналистлари ижодий уюшмаси раиси

Абдуллаев А.А.

—

Ўзбекистон мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди директори

Абдухаликов Ф.Ф.

—

Ўзбекистон электрон оммавий ахборот воситалари миллий ассоциациясининг раиси

Каримов А.М.

—

Ўзбекистон Нодавлат нотижорат ташкилотлар миллий ассоциациясининг раиси

лавозими бўйича

—

Вазирлар Маҳкамасининг IТ-технологиялар, телекоммуникациялар ва инновацион фаолиятни ривожлантириш масалалари департаменти бош мутахассиси, Жамоатчилик кенгаши котиби

Изоҳ: Жамоатчилик кенгаши аъзолари бошқа ишга ўтган тақдирда унинг таркибига ушбу лавозимларга янгидан тайинланган шахслар ёхуд зиммасига тегишли функцияларни бажариш юкланган шахслар киритилади.
(2-илова Ўзбекистон Республикаси Вазирлар Маҳкамасининг 2020 йил 26 июндаги 411-сонли қарори таҳририда — Қонун ҳужжатлари маълумотлари миллий базаси, 27.06.2020 й., 09/20/411/1000-сон)

(Ўзбекистон Республикаси қонун ҳужжатлари тўплами, 2015 й., 45-сон, 575-модда; 2016 й., 42-сон, 490-модда; Қонун ҳужжатлари маълумотлари миллий базаси, 14.02.2018 й., 09/18/107/0697-сон, 25.08.2018 й., 09/18/680/1791-сон, 14.05.2019 й., 09/19/397/3123-сон, 04.06.2019 й., 09/19/457/3235-сон; 27.06.2020 й., 09/20/411/1000-сон; Қонунчилик маълумотлари миллий базаси, 05.04.2022 й., 09/22/153/0266-сон)