|
Ҳужжат кучини йўқотган " " 10.05.2022
|
Ўзбекистон Республикаси Вазирлар Маҳкамаси ҳузуридаги Давлат тест маркази директорининг
буйруғи
Чет тиллар ўқитувчиларининг базавий лавозим маошларига ойлик устама белгилаш учун тест синовларини ўтказиш тартиби тўғрисидаги низомни тасдиқлаш ҳақида
[Ўзбекистон Республикаси Адлия вазирлиги томонидан 2013 йил 31 октябрда рўйхатдан ўтказилди, рўйхат рақами 2520]
LexUZ шарҳиМазкур буйруқ Ўзбекистон Республикаси адлия вазирининг 2022 йил 10 майдаги 11-мҳ-сонли «Айрим идоравий норматив-ҳуқуқий ҳужжатларни Идоравий норматив-ҳуқуқий ҳужжатларнинг давлат реестридан чиқариш тўғрисида»ги буйруғига (рўйхат рақами 3366, 10.05.2022 й.) асосан давлат реестридан чиқарилган.
Вазирлар Маҳкамасининг 1994 йил 29 сентябрдаги 490-сонли қарори билан тасдиқланган Таълим муассасаларининг қўшимча тўловлар белгиланган педагог ходимлари лавозимлари рўйхати, мазкур тўловларнинг турлари ва миқдорларининг 3-бандига асосан буюраман:
1. Чет тиллар ўқитувчиларининг базавий лавозим маошларига ойлик устама белгилаш учун тест синовларини ўтказиш тартиби тўғрисидаги низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан кучга киради.
Директор Б. ИСМАИЛОВ
Тошкент ш.,
2013 йил 10 октябрь,
01-339-сон
Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2013 йил 10 октябрдаги 01-339-сонли буйруғига
ИЛОВА
ИЛОВА
Чет тиллар ўқитувчиларининг базавий лавозим маошларига ойлик устама белгилаш учун тест синовларини ўтказиш тартиби тўғрисидаги
НИЗОМ
Мазкур Низом Ўзбекистон Республикаси Президентининг 2012 йил 10 декабрдаги ПҚ–1875-сонли «Чет тилларни ўрганиш тизимини янада такомиллаштириш чора-тадбирлари тўғрисида»ги қарори ҳамда Вазирлар Маҳкамасининг 1994 йил 29 сентябрдаги 490-сонли қарори билан тасдиқланган Таълим муассасаларининг қўшимча тўловлар белгиланган педагог ходимлари лавозимлари рўйхати, мазкур тўловларнинг турлари ва миқдорларига мувофиқ, таълим муассасаларининг чет тиллар, хорижий филология, чет тили ва таржима йўналишларининг касбий ва махсус фанлари профессор-ўқитувчилари ва ўқитувчиларининг (бундан буён матнда ўқитувчилар деб юритилади) базавий лавозим маошларига ойлик устама белгилаш учун тест синовларини (бундан буён матнда тест синовлари деб юритилади) ўтказиш тартибини белгилайди.
I боб. Умумий қоидалар
1. Тест синовлари ўқитувчиларнинг чет тилидан малака ва уни билиш даражасини аниқлаш мақсадида Ўзбекистон Республикаси Вазирлар Маҳкамаси ҳузуридаги Давлат тест маркази (бундан буён матнда Давлат тест маркази деб юритилади) томонидан ўтказилади.
Тест синовларида иштирок этиш ихтиёрий бўлиб, ўқитувчининг истагига кўра амалга оширилади.
Давлат тест маркази томонидан бериладиган Чет тилини билиш даражаси тўғрисидаги малака сертификати бўйича С1 даражасига, IELTS (International English Language Testing System) сертификати бўйича 7,0 балл ва ундан юқори баллга, TOEFL (Test of English as a Foreign Language) (IBT) сертификати бўйича 95 балл ва ундан юқори баллга, Давлат тест маркази ва Британия Кенгаши томонидан ўтказиладиган «APTIS for teachers» тестларидан С даражасига, Test DaF (Test Deutsch als Fremdsprache für ausländische Studienbewerber), GOETНE-ZERTIFIKAT, DALF (Diplôme approfondi de langue française), DELE (Diplomas de Español como Lengua Extranjera) сертификатлари бўйича С1 даражасига эга бўлган ўқитувчилар мазкур ҳужжатларнинг амал қилиш муддати давомида тест синовидан ўтишлари талаб этилмайди.
(1-банднинг учинчи хатбошиси Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2019 йил 16 декабрдаги 01-695-сон буйруғи (рўйхат рақами 2520-3, 30.12.2019 й.) таҳририда — Қонун ҳужжатлари маълумотлари миллий базаси, 30.12.2019 й., 10/19/2520-3/4252-сон)
2. Тест синовларини ўтказиш бўйича харажатлар Давлат тест марказининг харажатлар сметасида назарда тутилган Ўзбекистон Республикасининг Давлат бюджети маблағлари ҳисобидан молиялаштирилади.
II боб. Тест синовлари топшириқларининг тузилиши
3. Тест синовлари топшириқлари Давлат тест маркази томонидан давлат таълим стандартлари асосида ишлаб чиқилади.
4. Тест синовлари топшириқлари қуйидаги бўлимлардан иборат бўлади:
тинглаб тушуниш бўлими — ўқитувчининг оғзаки нутқни тушуниш, эшиттирилган матннинг асосий мазмуни ва сўралган махсус маълумотларни англаб олиш даражасини аниқлашга йўналтирилади, 30 та саволдан иборат бўлади, бажариш ва белгилаш учун 35 дақиқа вақт берилади;
ўқиш бўлими — ўқитувчининг ярим-аутентик ва аутентик матнларнинг асосий мазмунини ҳамда сўралган махсус маълумотларни англаб олиш даражасини аниқлашга йўналтирилади, 30 та саволдан иборат бўлади, бажариш ва белгилаш учун 60 дақиқа вақт берилади;
(4-банднинг учинчи хатбошиси Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғи (рўйхат рақами 2520-1, 28.01.2015 й.) таҳририда — ЎР ҚҲТ, 2015 й., 4-сон, 48-модда)
лексик ва грамматик компетенциялар бўлими — ўқитувчининг тегишли грамматик тузилмалар ва сўзларни фарқлаш ҳамда уларни тўғри қўллай олиш даражасини аниқлашга йўналтирилади, 30 та саволдан иборат бўлади, бажариш ва белгилаш учун 40 дақиқа вақт берилади;
Олдинги таҳрирга қаранг.
(4-банднинг бешинчи хатбошиси Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғига (рўйхат рақами 2520-1, 28.01.2015 й.) асосан чиқарилган — ЎР ҚҲТ, 2015 й., 4-сон, 48-модда)
ёзиш бўлими — ўқитувчининг грамматик тузилмалар ва сўзларни тўғри ишлатган ҳолда берилган мавзулар бўйича яхлит матнлар ёза олиш даражасини аниқлашга йўналтирилади, камида 150 та ва 250 та сўздан иборат жавоблар талаб қилинадиган 2 та мавзудан иборат бўлади, бажариш учун 60 дақиқа вақт берилади;
(4-банднинг бешинчи хатбошиси Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғи (рўйхат рақами 2520-1, 28.01.2015 й.) таҳририда — ЎР ҚҲТ, 2015 й., 4-сон, 48-модда)
гапириш бўлими — ўқитувчининг грамматик тузилмалар ва сўзларни тўғри ишлатган ҳолда саволларга жавоб бериш, берилган мавзу бўйича ўз фикрини билдириш ва асослай олиш даражасини аниқлашга йўналтирилади ҳамда ўзи ҳақидаги саволларга жавоб бериши, берилган муаммоли вазиятларни изоҳлаши ва уларга нисбатан ўз муносабатини билдиришини назарда тутувчи 3 та саволдан иборат бўлади, бажариш учун 15 дақиқа вақт берилади.
III боб. Тест синовларини ўтказиш
5. Ўқитувчилар тест синовларида иштирок этиш учун мазкур Низомнинг 1-иловасига мувофиқ шаклдаги ариза билан Давлат тест марказига мурожаат қилади.
6. Аризалар бевосита, почта алоқаси ёки Давлат тест марказининг интернетдаги расмий сайти орқали ҳар йили апрель ва ноябрь ойларида қабул қилинади.
(6-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғи (рўйхат рақами 2520-1, 28.01.2015 й.) таҳририда — ЎР ҚҲТ, 2015 й., 4-сон, 48-модда)
7. Ўқитувчи унинг аризаси Давлат тест маркази томонидан қабул қилинган кундан бошлаб икки ой ичида тест синовидан ўтказилади.
8. Тест синовлари Қорақалпоғистон Республикаси, вилоятлар ва Тошкент шаҳрида ариза билан мурожаат қилган ўқитувчиларнинг сонини ҳисобга олган ҳолда Давлат тест маркази директори томонидан тасдиқланадиган жадвал асосида ўтказилади.
9. Тест синовлари ўтказиладиган сана, вақт, жой ва унда иштирок этадиган ўқитувчилар рўйхати тест синовлари ўтказилишидан камида бир ҳафта олдин Давлат тест марказининг интернетдаги расмий сайтида эълон қилинади.
10. Тест синовлари Ўзбекистон Республикаси Олий ва ўрта махсус таълим вазирлиги ва Халқ таълими вазирлиги томонидан ажратилган, тест синовлари ўтказиш учун тайёрланган ва зарур техник воситалар билан таъминланган биноларда ўтказилади. Тест синовлари унда иштирок этадиган ўқитувчилар сонини ҳисобга олган ҳолда Давлат тест марказида ҳам ўтказилиши мумкин.
11. Тест синовлари ўтказиладиган куни Давлат тест марказининг тегишли рухсатномасига эга бўлмаган шахсларнинг тест синовлари ўтказиладиган биноларга кириши тақиқланади.
12. Тест синовларини ўтказишда таълим тизимидан мутахассислар Давлат тест маркази вакили, аудитория раҳбари ва кузатувчиси сифатида жалб этилади.
(12-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғи (рўйхат рақами 2520-1, 28.01.2015 й.) таҳририда — ЎР ҚҲТ, 2015 й., 4-сон, 48-модда)
13. Тест синовлари ўтказиладиган гуруҳлар Давлат тест маркази томонидан 30 кишидан кўп бўлмаган таркибда қуръа ташлаш йўли билан шакллантирилади. Ўқитувчилар тест синовлари ўтказиладиган бино ва хоналарга паспорт асосида киритилади. Ўқитувчилар тест синови вақтида бир кишидан ўтиради.
14. Тест синовларига кечикиб келган ўқитувчилар тест синовларига киритилмайди ва қайдномада «келмади» деб қайд этилади. Тест синовларига узрли сабабларга кўра (касаллиги, хизмат сафарида бўлганлиги ва ҳ.к.) келмаган ўқитувчилар узрли сабаб юз берганлигини тасдиқловчи ҳужжатни узрли сабаб бартараф этилган кундан бошлаб бир ой муддат ичида тақдим этган тақдирда, тест синовларини топшириш учун тўлов ундирилмаган ҳолда тест синовлари босқичларида қатнашиш учун қайта мурожаат қилишлари мумкин.
(14-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 9 июлдаги 01-193-сонли буйруғи (рўйхат рақами 2520-2, 15.07.2015 й.) таҳририда — ЎР ҚҲТ, 2015 й., 28-сон, 379-модда)
15. Тест синовлари қоғозда ёки махсус дастурий таъминот ёрдамида компьютерда ўтказилади.
16. Тест синовлари икки босқичда ташкил этилади. 1-босқичда ўқитувчининг тинглаб тушуниш, ўқиш, лексик ва грамматик компетенциялар, ёзиш бўйича билим ва кўникмалари, 2-босқичда гапириш кўникмаси баҳоланади.
(16-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғи (рўйхат рақами 2520-1, 28.01.2015 й.) таҳририда — ЎР ҚҲТ, 2015 й., 4-сон, 48-модда)
17. Ўқитувчи тест синови ўтказиладиган бинога қўлланмалар, луғат, жадвал, шпаргалка, компьютер, уяли телефон ва бошқа телекоммуникация воситаларини олиб кирган бўлса, тест синови вақтида тест материалларини бошқаларга узатса, уларга ёрдам берса, ўзаро гаплашса ёки саволлар китоби варақаларини йиртса, тест синовларини ўтказиш тартибини бузган ҳисобланади ва мазкур Низомнинг 2-иловасига мувофиқ шаклда далолатнома расмийлаштирилган ҳолда тест синовидан четлаштирилади.
18. Тест синовлари жараёни видеотасвирга олинади. Видеотасвир тест синовлари жараёни бўйича эътирозлар бўлганда фойдаланиш учун Давлат тест марказида бир йил давомида сақланади.
(18-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғи (рўйхат рақами 2520-1, 28.01.2015 й.) таҳририда — ЎР ҚҲТ, 2015 й., 4-сон, 48-модда)
19. Ўқитувчиларнинг ёзиш бўлимидаги топшириқлар бўйича жавобларини текшириш ва гапириш бўлими бўйича синов ўтказиш учун Давлат тест маркази директорининг буйруғи билан таълим тизимидаги малакали мутахассислардан иборат таркибда имтиҳон комиссияси тузилади. Имтиҳон комиссияси аъзолари комиссия ишига шартнома асосида жалб этилади. Имтиҳон комиссияси йиғилишлари баённома билан расмийлаштирилади.
20. Тинглаб тушуниш, ўқиш, лексик ва грамматик компетенциялар бўлимларидан ихтиёрий бири бўйича белгиланган максимал баллнинг 50 фоизидан кам балл тўплаган ўқитувчининг ёзма иши текширилмайди, ёзма иши текширилмаган ёки ёзиш бўлими бўйича белгиланган максимал баллнинг 60 фоизидан кам балл тўплаган ўқитувчи тест синовининг 2-босқичига қўйилмайди.
(20-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2019 йил 16 декабрдаги 01-695-сон буйруғи (рўйхат рақами 2520-3, 30.12.2019 й.) таҳририда — Қонун ҳужжатлари маълумотлари миллий базаси, 30.12.2019 й., 10/19/2520-3/4252-сон)
21. Тест синовининг 1-босқичи натижалари тест синови ўтказилган кундан сўнг икки ҳафта ичида эълон қилинади.
22. Тест синовининг 2-босқичи унинг 1-босқичи натижалари эълон қилинган кундан бошлаб бир ҳафтадан кейин, бироқ икки ҳафтадан кечиктирмасдан ўтказилади. Гапириш бўлими бўйича белгиланган максимал балнинг камида 50 фоизини тўплаган ўқитувчи мазкур босқичдан муваффақиятли ўтган ҳисобланади.
23. Тест синовлари натижалари ҳар бир бўлим бўйича алоҳида ва умумий балл кўринишида қайдномада акс эттирилади. Ҳар бир бўлим учун максимал балл 30 бални ташкил қилади.
Гапириш бўлими бўйича тест синовлари ўтказилган кундан бошлаб ўн кун ичида барча бўлимлар бўйича тест синови натижалари Давлат тест марказининг расмий сайтида эълон қилинади.
(23-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғига (рўйхат рақами 2520-1, 28.01.2015 й.) асосан хатбоши билан тўлдирилган — ЎР ҚҲТ, 2015 й., 4-сон, 48-модда)
24. Тест синовидан муваффақиятли ўтган ўқитувчиларга мазкур Низомнинг 3-иловасига мувофиқ шаклда махсус рақамланган бланкада расмийлаштириладиган Чет тилидан малака ва уни билиш даражаси бўйича тест синовидан ўтганлик ҳақида маълумотнома берилади. Маълумотномалар тест синови натижаси эълон қилинган кундан бошлаб ўн кун ичида Давлат тест маркази томонидан таълимни бошқариш бўйича махсус ваколат берилган давлат органларига ёки ўқитувчининг ўзига берилади.
(24-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғи (рўйхат рақами 2520-1, 28.01.2015 й.) таҳририда — ЎР ҚҲТ, 2015 й., 4-сон, 48-модда)
25. Чет тилидан малака ва уни билиш даражаси бўйича тест синовидан ўтганлик ҳақида маълумотноманинг ҳақиқийлиги унда кўрсатилган ўқитувчининг махсус коди ёрдамида Давлат тест марказининг расмий сайти орқали текширилиши мумкин.
Маълумотнома барча турдаги таълим муассасалари учун бир хил кучга эга.
(25-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғи (рўйхат рақами 2520-1, 28.01.2015 й.) таҳририда — ЎР ҚҲТ, 2015 й., 4-сон, 48-модда)
26. Тест синовлари натижаларидан норози бўлган ўқитувчилар тегишли босқичлар бўйича натижалар эълон қилинган кундан бошлаб беш иш куни ичида мазкур Низомнинг 4-иловасига мувофиқ шаклда апелляция шикояти бериш ҳуқуқига эга.
Апелляция шикоятини ёзиш учун ўқитувчига тест материаллари (саволлар китобининг асли, жавоблар варақасининг нусхаси, ўқитувчи томонидан белгиланган нотўғри жавоблар рўйхати, ёзма ишнинг нусхаси, гапириш бўлими бўйича берилган саволлар) берилади. Апелляция шикоятида ўқитувчи аниқ асосланган эътирозларини кўрсатиши лозим.
Тест синовларини ташкил қилиш ва ўтказиш бўйича мазкур Низомда белгиланган тартибни бузиш ҳолатлари юзасидан апелляция шикояти тест синовининг тегишли босқичи ўтказилган куни берилиши лозим.
(26-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғига (рўйхат рақами 2520-1, 28.01.2015 й.) асосан хатбошилар билан тўлдирилган — ЎР ҚҲТ, 2015 й., 4-сон, 48-модда)
27. Апелляция шикоятини кўриб чиқиш учун Давлат тест маркази директорининг буйруғи билан 5 — 7 кишидан иборат таркибда Апелляция комиссияси ташкил этилади. Апелляция комиссиясига Давлат тест маркази, тегишлилигига кўра таълимни бошқариш органлари ва муассасалари ҳамда бошқа ташкилотлардан мутахассислар жалб этилади.
28. Апелляция шикояти Апелляция комиссияси томонидан икки ҳафта ичида кўриб чиқилади ва қуйидаги қарорлардан бири қабул қилинади:
тест синовлари натижаларини нотўғри деб топиш ва уларни қайта ҳисоблаш тўғрисида;
тест синовларини ўтказиш тартиби бузилган деб топиш, тест синовлари натижаларини бекор қилиш ва ўқитувчига тест синовининг тегишли бўлимини қайта топшириш учун рухсат бериш тўғрисида;
тест синовларини ўтказиш тартиби бузилмаган деб топиш ва тест синовлари натижаларини ўз кучида қолдириш тўғрисида.
29. Апелляция шикоятига Апелляция комиссиясининг қарори асосида ёзма равишда жавоб берилади. Бунда Апелляция комиссиясининг қарорига мувофиқ тинглаб тушуниш, ўқиш, лексик ва грамматик компетенциялар бўлимлари бўйича белгиланган максимал балнинг 40 фоизи ва ундан ортиқ балл тўплаган деб топилган ўқитувчининг ёзма ишини текшириш ва гапириш бўлими бўйича тест синовлари ўтказиш ёки тегишли бўлимлар бўйича тест синовларини қайта ўтказиш уч кун ичида амалга оширилади.
(29-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғи (рўйхат рақами 2520-1, 28.01.2015 й.) таҳририда — ЎР ҚҲТ, 2015 й., 4-сон, 48-модда)
IV боб. Ўқитувчиларнинг базавий лавозим маошларига ойлик устамалар белгилаш
30. Тест синовларининг тинглаб тушуниш, ўқиш, лексик ва грамматик компетенциялар бўлимларининг ҳар биридан белгиланган максимал баллнинг камида 50 фоизини, гапириш ва ёзиш бўлимларининг ҳар биридан белгиланган максимал баллнинг камида 60 фоизини тўплаган ўқитувчилар тест синовларидан муваффақиятли ўтган деб ҳисобланади.
Ўқитувчининг Давлат тест маркази томонидан бериладиган Чет тилини билиш даражаси тўғрисидаги малака сертификати бўйича С1 даражасига, IELTS (International English Language Testing System) сертификати бўйича 7,0 балл ва ундан юқори баллга, TOEFL (Test of English as a Foreign Language) (IBT) сертификати бўйича 95 балл ва ундан юқори баллга, Давлат тест маркази ва Британия Кенгаши томонидан ўтказиладиган «APTIS for teachers» тестларидан С даражасига, Test DaF (Test Deutsch als Fremdsprache für ausländische Studienbewerber), GOETНE-ZERTIFIKAT, DALF (Diplôme approfondi de langue française), DELE (Diplomas de Español como Lengua Extranjera) сертификатлари бўйича С1 даражасига эга эканлигини тасдиқловчи ҳужжати Чет тилидан малака ва уни билиш даражаси бўйича тест синовидан ўтганлик ҳақида маълумотнома ўрнида қабул қилинади.
(30-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2019 йил 16 декабрдаги 01-695-сон буйруғи (рўйхат рақами 2520-3, 30.12.2019 й.) таҳририда — Қонун ҳужжатлари маълумотлари миллий базаси, 30.12.2019 й., 10/19/2520-3/4252-сон)
31. Тест синовларидан муваффақиятли ўтган ўқитувчиларнинг базавий лавозим маошларига ойлик устамалар Вазирлар Маҳкамасининг 1994 йил 29 сентябрдаги 490-сонли қарори билан тасдиқланган Таълим муассасаларининг қўшимча тўловлар белгиланган педагог ходимлари лавозимлари рўйхати, мазкур тўловларнинг турлари ва миқдорлари асосида белгиланади.
32. Тест синовларининг ижобий натижаси 3 йил муддатга амал қилади. 3 йилдан сўнг ўқитувчи устама олиш ҳуқуқини берувчи тест синовларидан қайтадан муваффақиятли ўтиши лозим.
33. Тест синовларидан муваффақиятли ўтмаган ёки тестда иштирок этиш учун ариза бериб, тест синовида узрсиз сабабларга кўра қатнашмаган ёхуд тест синовига кечикиб келган ёки тест синовидан четлаштирилган ўқитувчи тест синовларини навбатдан ташқари қайта топшириши мумкин. Бунда тест синовларини қайта топшириш учун ўқитувчи томонидан қонунчилик ҳужжатларида белгиланган базавий ҳисоблаш миқдорининг 20 фоизи миқдорида тўлов тўланади.
(33-банднинг биринчи хатбошиси Ўзбекистон Республикаси адлия вазирининг 2021 йил 28 июлдаги 16-мҳ-сонли буйруғи (рўйхат рақами 3313, 28.07.2021 й.) таҳририда — Қонунчилик маълумотлари миллий базаси, 28.07.2021 й., 10/21/3313/0724-сон)
Ҳар уч йилда топшириладиган навбатдаги тест синовлари учун ўқитувчилардан тўлов ундирилмайди.
34. Тест синовларини қайта топшириш учун тўланган маблағлар Давлат тест марказининг Бюджет ташкилотини ривожлантириш жамғармаси маблағлари бўйича бюджетдан ташқари шахсий ғазна ҳисобварағига туширилади ва биринчи навбатда тест синовларини ўтказиш билан боғлиқ харажатларни қоплаш учун йўналтирилади.
(34-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 9 июлдаги 01-193-сонли буйруғи (рўйхат рақами 2520-2, 15.07.2015 й.) таҳририда — ЎР ҚҲТ, 2015 й., 28-сон, 379-модда)
35. Ўқитувчининг тест синовларидан муваффақиятли ўта олмаслиги у билан тузилган меҳнат шартномасини иш берувчининг ташаббуси билан бекор қилиш ёки бошқа интизомий жазо чораси қўллаш учун асос бўлмайди.
(35-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғи (рўйхат рақами 2520-1, 28.01.2015 й.) таҳририда — ЎР ҚҲТ, 2015 й., 4-сон, 48-модда)
Ўзбекистон Республикаси Вазирлар Маҳкамасининг 2015 йил 25 мартдаги 67-сон «Умумтаълим муассасаларининг чет тиллар ўқитувчилари малакасини ва касб маҳоратини оширишга доир қўшимча чора-тадбирлар тўғрисида»ги қарорининг 3-бандига мувофиқ, лавозим маошига ойлик устама олиш ҳуқуқини берувчи тест синовидан календарь йил мобайнида қаторасига икки марта ўтмаган умумтаълим муассасаларининг чет тиллар ўқитувчилари келгуси ўқув йилидан бошлаб ўз маблағлари ҳисобидан малака ошириш курсларидан ўтмагунларига қадар чет тили бўйича ўқитувчилик фаолиятига қўйилмайдилар.
(35-банд Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 9 июлдаги 01-193-сонли буйруғига (рўйхат рақами 2520-2, 15.07.2015 й.) асосан хатбоши билан тўлдирилган — ЎР ҚҲТ, 2015 й., 28-сон, 379-модда)
V боб. Якуний қоида
36. Мазкур Низом Ўзбекистон Республикаси Олий ва ўрта махсус таълим вазирлиги, Халқ таълими вазирлиги, Ўрта махсус, касб-ҳунар таълим маркази, Молия вазирлиги, Иқтисодиёт вазирлиги ҳамда Меҳнат ва аҳолини ижтимоий муҳофаза қилиш вазирлиги билан келишилган.
Олий ва ўрта махсус таълим вазири Б. ХОДИЕВ
2013 йил 10 октябрь
Халқ таълими вазири У. ИНОЯТОВ
2013 йил 10 октябрь
Ўрта махсус, касб-ҳунар таълим маркази директори У. САЛИМОВ
2013 йил 10 октябрь
Молия вазири Р. АЗИМОВ
2013 йил 10 октябрь
Иқтисодиёт вазири Г. САИДОВА
2013 йил 10 октябрь
Меҳнат ва аҳолини ижтимоий муҳофаза қилиш вазири А. ХАИТОВ
2013 йил 10 октябрь
Чет тиллар ўқитувчиларининг базавий лавозим маошларига ойлик устама белгилаш учун тест синовларини ўтказиш тартиби тўғрисидаги низомга
1-ИЛОВА
1-ИЛОВА
Чет тиллар ўқитувчиларининг базавий лавозим маошларига ойлик устама белгилаш учун тест синовларини ўтказиш тартиби тўғрисидаги низомга
2-ИЛОВА
2-ИЛОВА
|
Тест синовидан четлаштириш тўғрисида | |||||||||||
| | | | | | | | | | | | |
|
__________________________ |
20__ йил «____» ____________ | ||||||||||
|
(тест ўтказиладиган жой) |
| | |
(кун) |
(ой) | ||||||
| | | | | | | | | | | | |
|
Бино: ___________ |
Қават: ________ |
Хона: _________ |
Гуруҳ: _________ | ||||||||
| | | | | | | | | | | | |
| | | | | | | | | | | | |
|
Биз қуйида имзо чекувчилар шуни тасдиқлаймизки, ______________________________ | |||||||||||
|
(ўқитувчининг фамилияси, исми, отасининг исми) | |||||||||||
| | | | | | | | | | | | |
| махсус коди _______________ жавоблар варақаси рақами ________________________ | |||||||||||
| _______________________________________________________________ | |||||||||||
|
(бузилган тест синови қоидаси) | |||||||||||
| ________________________________________________________________ сабабли, | |||||||||||
| _______________ да тест синовидан четлаштирилди. | |||||||||||
|
(соат, дақиқа) |
| | | | | | | | | ||
| | | | | | | | | | | | |
| | | | | | | | | | | | |
| 1. Аудитория раҳбари: _____________________________________ |
_________ | ||||||||||
| | | |
(фамилияси, исми, отасининг исми) |
(имзо) | |||||||
| 2. Аудитория кузатувчиси: _________________________________ |
_________ | ||||||||||
| | | |
(фамилияси, исми, отасининг исми) |
(имзо) | |||||||
| 3. Давлат тест маркази вакили: ______________________________ |
_________ | ||||||||||
| | | |
(фамилияси, исми, отасининг исми) |
(имзо) | |||||||
Чет тиллар ўқитувчиларининг базавий лавозим маошларига ойлик устама белгилаш учун тест синовларини ўтказиш тартиби тўғрисидаги низомга
3-ИЛОВА
3-ИЛОВА
|
ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИ ҲУЗУРИДАГИ | |||||||||||
| | | | | | | | | | | | |
|
Чет тилидан малака ва уни билиш даражаси бўйича тест синовидан ўтганлик ҳақида | |||||||||||
| | | | | | | | | | | | |
|
Маълумотнома |
|
Чет |
| ||||||||
|
Ўқитувчининг |
| ||||||||||
|
Фамилияси |
| ||||||||||
|
Исми |
| ||||||||||
|
Отасининг исми |
| ||||||||||
|
Иш жойи |
| ||||||||||
| | | | | | | | | | | | |
| Тест синови натижалари |
Тинглаб тушуниш | Ўқиш | Лексик ва грамматик компетенциялар | Ёзиш | Гапириш | ||||||
|
балл |
| | | | |||||||
|
% |
| | | | | ||||||
| | | | | | | | | | | | |
|
Берилган сана |
|
Амал қилиш |
| ||||||||
| | | | | | | | | | | | |
| Директор |
______________ |
| |
____________________ | |||||||
| | |
(имзо) |
| |
(Ф.И.О.) | ||||||
| | | М.Ў. | | | | | | | | | |
(3-илова Ўзбекистон Республикаси Вазирлар Маҳкамаси ҳузуридаги Давлат тест маркази директорининг 2015 йил 19 январдаги 01-15-сонли буйруғи (рўйхат рақами 2520-1, 28.01.2015 й.) таҳририда — ЎР ҚҲТ, 2015 й., 4-сон, 48-модда)
Чет тиллар ўқитувчиларининг базавий лавозим маошларига ойлик устама белгилаш учун тест синовларини ўтказиш тартиби тўғрисидаги низомга
4-ИЛОВА
4-ИЛОВА
| | | |
Ўзбекистон Республикаси Вазирлар Маҳкамаси ҳузуридаги Давлат тест марказининг Апелляция комиссияси раисига | ||
| | | |
(ўқитувчининг фамилияси, исми, отасининг исми) | ||
| | | | | | |
| | | | | | |
|
АПЕЛЛЯЦИЯ ШИКОЯТИ | |||||
| | | | | | |
| Ўқитувчининг махсус коди: ____________ Жавоблар варақаси рақами: _____________ | |||||
| | | | | | |
| Тест топширилган чет тили: ______________________________ | | ||||
| | | | | | |
| Менинг қуйидаги эътирозларимни кўриб чиқишингизни сўрайман: | |||||
| _______________________________________________________________ | |||||
| _______________________________________________________________ | |||||
| _______________________________________________________________ | |||||
| _______________________________________________________________ | |||||
| _______________________________________________________________ | |||||
| _______________________________________________________________ | |||||
| _______________________________________________________________ | |||||
| _______________________________________________________________ | |||||
| _______________________________________________________________ | |||||
| _________________________________ | |||||
| | | | | | |
| Ўқитувчининг имзоси: _________________ | Тўлдирилган сана: ____________________ | ||||
| | | | | | |
| | | |
Аризанинг қайд рақами: |
| |
| | | | | | |
| ------------------------------------------------------ (қирқиш чизиғи) ------------------------------------------------ | |||||
| | | | | | |
|
ХАБАРНОМА | |||||
| | | | | | |
| Ўқитувчининг фамилияси, исми, отасининг исми ________________________________ | |||||
| | | | | | |
| Махсус коди _____________ | |||||
| | | | | | |
| Ўқитувчининг имзоси ___________________ Тўлдирилган сана ____________________ | |||||
| Апелляция шикоятини қабул қилган ходимнинг фамилияси, исми, отасининг исми | |||||
| _______________________________________________________________ | |||||
| | | | | | |
|
Имзо __________________ |
Қабул қилинган сана __________________ | ||||
(Ўзбекистон Республикаси қонун ҳужжатлари тўплами, 2013 й., 44-сон, 582-модда; 2015 й., 4-сон, 48-модда, 28-сон, 379-модда; Қонун ҳужжатлари маълумотлари миллий базаси, 30.12.2019 й., 10/19/2520-3/4252-сон; Қонунчилик маълумотлари миллий базаси, 28.07.2021 й., 10/21/3313/0724-сон)
