Ўзбекистон Республикаси Президентининг 2011 йил 30 декабрдаги ПҚ–1672-сон «Оммавий ахборот воситаларини янада ривожлантириш учун қўшимча солиқ имтиёзлари ва афзалликлар бериш тўғрисида»ги ва 2012 йил 26 апрелдаги ПҚ–1745-сон «Ўзбекистон Республикаси Президентининг айрим қарорларига ўзгартириш ва қўшимчалар киритиш тўғрисида»ги қарорлари ижросини таъминлаш мақсадида буюраман:

1. Ўзбекистон матбуот ва ахборот агентлиги бош директорининг 2010 йил 26 августдаги 7-ю/б-сонли буйруғи (рўйхат рақами 2139, 2010 йил 4 сентябрь) (Ўзбекистон Республикаси қонун ҳужжатлари тўплами, 2010 йил, 35-36-сон, 309-модда) билан тасдиқланган Ноширлик ва матбаа корхоналари томонидан Ўзбекистон Ёзувчилар уюшмаси ҳузуридаги «Ижод» фондига ажратмалар тўлаш тартиби тўғрисидаги низомга иловага мувофиқ ўзгартиришлар киритилсин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

1. Муқаддима, 1 ва 5-бандлардаги «2» рақами «1» рақами билан алмаштирилсин.

2. 6-банддаги «Мактаб таълими жамғармасига» сўзлари «Ўзбекистон Республикаси Молия вазирлиги ҳузуридаги бюджетдан ташқари Таълим ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига» сўзлари билан алмаштирилсин.

3. 1-иловада:

еттинчи хатбошидаги «200» рақами «100» рақами билан алмаштирилсин;

саккизинчи хатбошидаги «160» рақами «80» рақами билан алмаштирилсин;

тўққизинчи хатбошидаги «120» рақами «60» рақами билан алмаштирилсин;

ўнинчи ва ўн биринчи хатбошидаги «480» рақами «240» рақами билан алмаштирилсин;

4. 2-илова мазкур ўзгартиришларнинг иловасига мувофиқ таҳрирда баён этилсин.

5. Мазкур ўзгартиришлар Ўзбекистон Республикаси Молия вазирлиги, Давлат солиқ қўмитаси, Савдо-саноат палатаси ва Ўзбекистон Ёзувчилар уюшмаси ҳузуридаги «Ижод» фонди билан келишилган.