ПҚ-694-сон 14.09.2007. Ўзбекистон Республикаси қуролли кучлари ҳарбий хизматчиларини уй-жой билан таъминлаш тартиби тўғрисидаги Низомни тасдиқлаш ҳақида

Норасмий таржима

Ўзбекистон Республикаси Президентининг

Қарори

Ўзбекистон Республикаси қуролли кучлари ҳарбий хизматчиларини уй-жой билан таъминлаш тартиби тўғрисидаги Низомни тасдиқлаш ҳақида

Ҳарбий хизматчиларни коммунал-маиший шароитларга эга бўлган, замонавий талаблар ва стандартларга жавоб берадиган қулай уй-жой билан таъминлашга доир норматив-ҳуқуқий базани такомиллаштириш, шунингдек, ҳарбий хизматчиларни ижтимоий ҳимоя қилишнинг самарали тизимини яратиш, Ўзбекистон Республикаси Қуролли Кучларида ҳарбий хизматнинг нуфузини ошириш мақсадида:

1. Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги ва Миллий хавфсизлик хизмати томонидан тақдим этилган ҳамда Молия вазирлиги ва Адлия вазирлиги билан келишилган Ўзбекистон Республикаси Қуролли Кучлари ҳарбий хизматчиларини уй-жой билан таъминлаш тартиби тўғрисидаги низом иловага мувофиқ тасдиқлансин.

2. Белгилансинки, мазкур Низом Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардияси ва Давлат хавфсизлик хизмати, шунингдек, ҳарбий хизматчиларни уй-жой билан таъминлаш масалаларни ҳал этишга тўғридан-тўғри ва бевосита алоқадор бўлган бошқа вазирлик ва идоралар, маҳаллий давлат ҳокимияти органлари томонидан бажарилиши мажбурийдир.

3. Ҳарбий хизматчиларни уй-жой билан таъминлаш билан боғлиқ бўлган ва мазкур Низомда назарда тутилмаган масалалар суд тартибида кўриб чиқилиши ҳамда амалдаги қонунчилик ҳужжатларига мувофиқ ҳал этилиши лозим.

4. Ўзбекистон Республикаси Молия вазирлиги (Р. Азимов), Иқтисодиёт вазирлиги (Б. Ходжаев), Марказий банки (Ф. Муллажонов) Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий хавфсизлик хизмати ва бошқа манфаатдор вазирлик ва идоралар билан биргаликда 2007 йил 1 декабргача Ўзбекистон Республикаси Қуролли Кучларининг ҳарбий хизматчиларига узоқ муддатли ипотека кредитларидан фойдаланган ҳолда квартиралар сотиб олиш ва якка тартибдаги уй-жойлар қуриш учун ер участкалари ажратиш тартиби тўғрисидаги низом лойиҳасини ишлаб чиқсин ва уни тасдиқлаш учун Ўзбекистон Республикаси Вазирлар Маҳкамасига киритсин.

LexUZ шарҳи

5. Мазкур қарорнинг ижросини назорат қилиш Ўзбекистон Республикасининг Бош вазири Ш. Мирзиёев ва Ўзбекистон Республикаси Президенти ҳузуридаги Миллий хавфсизлик кенгаши котиби М. Атаев зиммасига юклансин.

Ўзбекистон Республикаси Президенти И. КАРИМОВ

Тошкент ш.,

2007 йил 14 сентябрь,

ПҚ-694-сон

Ўзбекистон Республикаси Президентининг 2007 йил 14 сентябрдаги ПҚ-694-сон қарорига
ИЛОВА

Ўзбекистон Республикаси Қуролли Кучлари ҳарбий хизматчиларини уй-жой билан таъминлаш тартиби тўғрисидаги низом

I. Умумий қоидалар

1. Мазкур Низом Ўзбекистон Республикаси Уй-жой кодекси, Ўзбекистон Республикаси Президентининг 2005 йил 30 июндаги «Ўзбекистон Республикаси Қуролли кучларининг ҳарбий хизматчиларини ижтимоий муҳофаза қилишни таъминлаш борасидаги қўшимча чора-тадбирлар тўғрисида»ги ПҚ-112-сон қарорига мувофиқ, ҳарбий хизматчиларни уй-жой билан таъминлашнинг ҳуқуқий асосларини, уларнинг уй-жой олишга ёки яшаш шароитларини яхшилашга муҳтожлигини эътироф этиш асосларини, квартираларнинг ҳисобини юритиш ва тақдим этиш тартибини белгилайди.

2. Мазкур Низомда қуйидаги тушунчалардан фойдаланилади:

«ҳарбий хизматчилар» — контракт бўйича ҳарбий хизмат ўтаётган оддий аскарлар, сержантлар ва офицерлар таркибидаги шахслар (контракт бўйича ҳарбий хизматни ўташ давридан бошқа пайтда олий ҳарбий таълим муассасаларига ўқишга кирган курсантлардан ташқари);

«квартира» — бир ёки бир нечта яшаш хоналаридан, шунингдек, ошхона, кириш жойи, ҳожатхона, ванна ёки душ хонасидан иборат бўлган, яшаш учун мўлжалланган турар-жой биноси. Квартиранинг бир кишига тўғри келадиган умумий майдони қонунчилик ҳужжатлари билан белгиланган яшаш майдонининг ижтимоий нормасидан кам бўлмаслиги керак. Бир хонали квартиранинг яшаш майдони камида 16 м²; икки хонали квартираники — камида 30 м²; уч хонали квартираники — камида 41 м²; тўрт хонали квартираники — камида 53 м² ни ташкил этиши лозим;

«хизмат квартираси» — муниципал ва идоравий уй-жой фонди уйларида жойлашган, ҳарбий хизматчилар ва уларнинг оила аъзолари истиқомат қилиши учун мўлжалланган квартира. Белгиланган тартибда хизмат квартираси тоифасига киритилган квартиралар тегишли вазирлик ва идораларга бириктирилади. Хизмат квартираларини бўлиб олиш, алмаштириш ва хусусийлаштириш мумкин эмас (қонунчилик ҳужжатларида белгиланган ҳоллардан ташқари). Ҳарбий хизматчилар ҳарбий хизмат тўғрисидаги контракт якунлангач, хизмат квартирасини бўшатиши лозим. Ёпиқ ҳарбий шаҳарчаларда жойлашган хизмат квартиралари ҳам ҳарбий хизматчилар бошқа хизмат жойига ўтказилганда бўшатилиши лозим;

«ётоқхона ва оилавий ётоқхона*» — махсус қурилган ёки қайта жиҳозланган, ҳарбий хизматчилар ва уларнинг оила аъзолари вақтинча яшаши учун мўлжалланган яшаш уйи;

* Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги ва Миллий хавфсизлик хизмати балансидаги оилавий ётоқхоналар 2007 — 2015 йилларда реконструкция қилиниб, квартира шаклига ўтказилади;

«идоравий уй-жой фонди» — вазирлик ва идораларнинг тўлиқ хўжалик юритувида ёки оператив бошқарувида бўлган уй-жой фонди. Уй-жой фонди бирлиги деганда уй-жой тўғрисидаги қонунчиликка мувофиқ барча санитар қурилиш нормалари ва қоидаларига жавоб берадиган квартира тушунилади. Ёпиқ ҳарбий шаҳарчаларда жойлашган квартиралар ҳам идоравий уй-жой фондига киради;

«муниципал уй-жой фонди» — маҳаллий давлат ҳокимияти органлари тасарруфида бўлган, маҳаллий бюджетга солиқлар, йиғимлар ва бошқа тўловлар ҳисобидан, шунингдек, қонун ҳужжатларида назарда тутилган асослар бўйича бошқа тушумлар ҳисобидан яратилган уй-жой фонди.

3. Шартнома бўйича ҳарбий хизматни ўташ даврида уй-жой олишга ёки яшаш шароитини яхшилашга муҳтож бўлган ҳарбий хизматчилар, шунингдек, ушбу шахсларнинг оила аъзоларига янги хизмат жойига келган кундан бошлаб уч ойдан кечиктирмай қоидага кўра, вазирлик ва идораларда яратиладиган уй-жой фондлари, шунингдек, тегишли вазирлик ва идораларга бириктирилган муниципал фонд квартиралари ҳисобидан қўшимча яшаш майдонига бўлган ҳуқуқни ҳисобга олган ҳолда уй-жойнинг белгиланган ижтимоий меъёрлари доирасида хизмат квартираси тақдим этилади.

Олдинги таҳрирга қаранг.

Уй-жой майдонининг ижтимоий нормасини аниқлашда ҳарбий хизматчининг оиласи таркибига эри (хотини), болалари ҳамда унинг қарамоғидаги шахслар киритилади. Бунда, қуйидаги тоифадаги қарамоқдаги шахслар ҳисобга олинади:

меҳнатга яроқсиз, шу жумладан I ва II гуруҳ ногиронлиги бўлган ота-оналар;

I ва II гуруҳ ногиронлиги бўлган ака-ука ва опа-сингиллар;

фарзандликка олинган шахслар;

оилага тарбияга олинган болалар (патронат);

васийликдаги ёки ҳомийликдаги шахслар.

(3-банд Ўзбекистон Республикаси Президентининг 2022 йил 25 августдаги ПҚ-362-сонли қарорига асосан иккинчи — еттинчи хатбошилар илан тўлдирилган — Қонунчилик маълумотлари миллий базаси, 25.08.2022 й., 07/22/362/0779-сон)

Ўзбекистон Республикаси Қуролли Кучларининг уй-жой фондини кенгайтириш ва ҳарбий хизматчиларни уй-жой билан таъминлаш турар-жой бинолари қуриш ва оилавий ётоқхоналарни квартираларга реконструкция қилиш, шунингдек, жисмоний ва юридик шахслардан белгиланган тартибда уй-жой сотиб олиш ҳисобига амалга оширилади.

Ҳарбий хизматчини хизмат квартираси ёки ётоқхонадан турар жой майдони билан таъминлашнинг имкони бўлмаса, ҳарбий қисм, хизмат жойидаги муассаса (кейинги ўринларда — ҳарбий қисм деб юритилади) унга квартира ижарага олганлик (ижарада турганлик) учун ҳар ойлик пул компенсациясини қонун ҳужжатларида белгиланган тартибда ва миқдорда тўлайди.

LexUZ шарҳи

Олдинги таҳрирга қаранг.

4. Уй-жойга муҳтож бўлган қуйидаги тоифадаги ҳарбий хизматчиларга ҳамда уларнинг оила аъзоларига уй-жой қонунчилигида назарда тутилган меъёрлар ҳамда тартибга кўра тегишли вазирлик ва идоралар томонидан квартиралар мулк қилиб берилади:

LexUZ шарҳи

Қаранг: Ўзбекистон Республикаси Уй-жой кодексиннг II бўлими.

а) ҳарбий хизматнинг умумий давомийлиги йигирма йил ва ундан ортиқ бўлган ҳарбий хизматчилар. Бунда, уларнинг олий таълим муассасаларидаги ўқиш муддатлари ҳамда давлат органлари ва бошқа ташкилотлардаги олдинги иш жойлари бўйича меҳнат стажи ҳақиқий ҳарбий хизмат муддатига қўшиб ҳисобланади.

б) ўн ва ундан ортиқ календарь йил хизмат қилган ва қуйидагиларга кўра ҳарбий хизматдан бўшатилиши лозим бўлган (бўшатилган) ҳарбий хизматчилар:

ҳарбий хизматда бўлишнинг белгиланган ёш чегарасига етганида;

штатларнинг қисқартирилиши ёки бошқа ташкилий-штат тадбирлари муносабати билан;

в) хизмат муддатидан қатъи назар ҳарбий хизмат мажбуриятларини бажариш вақтида орттирилган касаллик ёки майиблик (яраланиш, жароҳат олиш) туфайли соғлиғининг ҳолатига кўра ҳарбий хизматдан бўшатилган ҳарбий хизматчилар;

г) хизмат муддатидан қатъи назар ҳалок бўлган (вафот этган) ҳарбий хизматчиларнинг оиласи:

Ушбу банднинг «а», «б», «в» ва «г» кичик бандларида кўрсатиб ўтилган шахслар, шунингдек, хизмат квартираларида яшаётган ҳақиқий ҳарбий хизматни ўтаётган (резервга, истеъфога бўшатилган) контракт бўйича ҳарбий хизматчилар ҳарбий хизматининг умумий давомийлиги ўн ва ундан ортиқ календарь йилига етганда ўзлари эгаллаб турган хизмат квартираларини бепул мулк қилиб олиш ҳуқуқига эгадирлар, ёпиқ ҳарбий шаҳарчалардаги хизмат квартиралари бундан мустасно. Ёпиқ ҳарбий шаҳарчалар ҳудудида яшовчи ҳарбий хизматчиларга ёпиқ ҳарбий шаҳарчалар доирасидан ташқарида квартиралар мулк қилиб берилади.

Ушбу бандда кўрсатилмаган ҳарбий хизматчилар ҳарбий хизматдан бўшатилганда қонунчиликда белгиланган тартибда хизмат квартираларини бўшатадилар.

(4-банд Ўзбекистон Республикаси Президентининг 2022 йил 25 августдаги ПҚ-362-сонли қарори таҳририда — Қонунчилик маълумотлари миллий базаси, 25.08.2022 й., 07/22/362/0779-сон)

5. Ҳарбий хизматни ўташ муддатидан қатъи назар ҳарбий хизматчилар, шунингдек, ушбу Низомнинг 4-бандида кўрсатилган ҳарбий хизматдан бўшатилган фуқаролар қуйидаги ҳолларда квартира олишга ёки яшаш шароитларини яхшилашга муҳтож деб топилади:

ҳарбий хизматчининг ҳарбий хизматни ўташ жойида уй-жойи йўқлиги, ишдан бўшатилгандан кейин эса танланган доимий яшаш жойида уй-жойининг йўқлиги;

умумий майдони бир нафар оила аъзосига тўғри келадиган уй-жой майдонининг қонун ҳужжатларида белгиланган ижтимоий меъёридан паст бўлган квартиранинг мавжудлиги. Квартиранинг умумий майдонини ҳисоблашда ҳарбий хизматчининг қўшимча яшаш майдонига бўлган ҳуқуқи ҳисобга олинади;

белгиланган санитария-техник талабларга жавоб бермайдиган квартиранинг мавжудлиги;

айрим сурункали касалликлардан азият чекаётган аъзолари бўлган бошқа оилалар ҳам истиқомат қилаётган ва улар билан биргаликда яшаш имконияти бўлмаган квартираларда; қариндош бўлмаган икки ва ундан кўп оила истиқомат қиладиган, алоҳида ажратилмаган ёнма-ён изоляцияланмаган хоналарда; бошқа яшаш майдони бўлмаган тақдирда ижарага олганлик (ижарада турганлик) шартларида яшаса;

қонун ҳужжатларига мувофиқ уларни шундай деб тан олиш учун бошқа асосларнинг мавжуд бўлиши.

Бунда, ота-оналарига мулк ҳуқуқи асосида тегишли бўлган умумий майдони қонун ҳужжатларида белгиланган яшаш майдонининг ижтимоий меъёрларига тўғри келадиган квартираларда яшовчи ҳарбий хизматчилар квартира олишга муҳтож эмас ҳисобланадилар.

LexUZ шарҳи

Ўзбекистон Республикаси қурилиш ва уй-жой коммунал хўжалиги вазирининг 2024 йил 14 августдаги 01/2-57-сон «ШНҚ 2.08.01-24 «Турар жой объектларини лойиҳалаш» шаҳарсозлик нормалари ва қоидаларини тасдиқлаш тўғрисида»ги буйруғи.

6. Тегишли вазирлик ва идораларнинг ёпиқ ҳарбий шаҳарчаларидан хизмат квартиралари бериш ушбу Низомда белгиланган тартибда амалга оширилади.

Ёпиқ ҳарбий шаҳарчаларга ҳарбий хизматчилар ва уларнинг оила аъзолари яшаши учун мўлжалланган вазирликлар ва идораларнинг ихчам жойлашган ва ҳудудий жиҳатдан ажратилган уй-жойлари ҳамда ижтимоий, маданий ва маиший инфратузилма объектларининг мажмуалари киради.

Ёпиқ ҳарбий шаҳарчалар ҳудудида жойлашган квартиралар хизмат квартиралари тоифасига киради.

Ёпиқ ҳарбий шаҳарчалар ҳудуди тўсилган ва кириш назоратига эга бўлиши керак.

Ижтимоий, маданий ва маиший инфратузилмага эга турар-жой объектларини ёпиқ ҳарбий шаҳарчалар тоифасига киритиш ва ушбу шаҳарчалар ҳудудида ички тартиб-қоидаларини белгилаш тегишли вазирлик ва идоралар томонидан идоравий норматив-ҳуқуқий ҳужжатларга мувофиқ амалга оширилади.

7. Квартира билан таъминланадиган ҳарбий хизматчиларнинг улар ҳарбий хизматга киришгунга қадар эгаллаб турган уй-жойга бўлган ҳуқуқи сақланиб қолади. Улар ҳарбий хизматга киришгунга қадар яшаш жойида яшаш шароитларини яхшилашга муҳтож бўлган шахслар рўйхатидан чиқарилиши мумкин эмас. Ҳарбий хизматни ўташ даврида ҳарбий хизматчилар қонун ҳужжатларида белгиланган нормалар, навбат ва имтиёзларни ҳисобга олган ҳолда уй-жой шароитларини яхшилаш ҳуқуқига эга.

LexUZ шарҳи

Қаранг: Вазирлар Маҳкамасининг 2017 йил 11 августдаги 619-сон қарори билан тасдиқланган Ўзбекистон Республикаси Қуролли Кучларининг ҳарбий хизматчиларига турар жой сотиб олиш (қуриш) учун узоқ муддатли имтиёзли ипотека кредитлари бериш тартиби тўғрисидаги низом, Вазирлар Маҳкамасининг 2024 йил 11 мартдаги 124-сон қарори билан тасдиқланган Давлат уй-жой фондидан фойдаланиш ва уни тасарруф этиш тартиби тўғрисидаги низом.

II. Квартира олишга ёки уй-жой шароитларини яхшилашга муҳтож ҳарбий хизматчилар, шунингдек, ҳарбий хизматдан бўшатилган фуқароларни ҳисобга олиш

8. Қонун ҳужжатларига мувофиқ квартира олиш ёки яшаш шароитини яхшилаш ҳуқуқига эга бўлган ҳарбий хизматчилар, шунингдек, ҳарбий хизматдан бўшатилган фуқароларни ҳамда ушбу шахсларнинг оила аъзоларини ҳисобга олиш, шунингдек, квартиралар олиш навбатини белгилаш, шу жумладан ҳарбий хизматдан бўшатилгандан кейин танланган доимий яшаш жойида уй-жойларни тақсимлаш ошкоралик ва коллегиаллик тамойиллари асосида амалга оширилади.

LexUZ шарҳи

Уй-жойларнинг ҳисобини юритиш ва уларнинг тақсимланиши устидан назоратни ташкил этиш тегишли вазирлик ва идоралар раҳбарлари зиммасига юклатилади.

9. Квартирага ёки уй-жой шароитини яхшилашга муҳтож ҳарбий хизматчиларни ҳисобга қўйиш ҳарбий қисмлар командирлари ҳамда тегишли вазирлик ва идораларнинг квартиралардан фойдаланиш органлари томонидан квартирага ёки уй-жой шароитини яхшилашга муҳтож бўлганларнинг рўйхатлари бўйича амалга оширилади.

Уй-жойга муҳтож бўлган ҳарбий хизматчиларнинг ҳисобини юритиш ёки уларнинг яшаш шароитларини яхшилаш, ҳарбий хизматчилар ва уларнинг оилалари учун уй-жой майдонининг ижтимоий меъёрини аниқлаш, шунингдек, квартиралар ва уларнинг ўзгаришини ҳисобга олиш учун, ҳарбий хизматчиларга уй-жой аттестати берилади (ушбу Низомнинг 1-иловаси), бу ҳарбий хизматчининг уй-жой билан таъминланиш ҳуқуқини тасдиқловчи ҳужжат ҳисобланади. Уй-жой аттестатлари асосида ҳарбий хизматчиларнинг уй-жой олиш ёки уй-жой шароитларини яхшилашга навбати белгиланади.

Уй-жой аттестати икки нусхада:

олий ҳарбий таълим муассасалари томонидан — битирувчилар учун, олий ҳарбий таълим муассасасини тамомлагандан кейин;

ҳарбий қисмлар томонидан — ҳарбий хизматни ўташ учун шартнома тузган ҳарбий хизматчилар учун расмийлаштирилади.

Ҳарбий хизматчилар ҳарбий хизматни ўташнинг янги жойига келгач, зарур маълумотларни киритиш ва сақлаш учун уй-жой аттестатини ҳарбий қисмнинг квартирадан фойдаланиш хизматига тақдим этадилар. Ҳарбий хизматчи янги ҳарбий хизмат жойига кетганда, унга уй-жой аттестати имзо қўйдириб берилади. Уй-жой аттестатининг иккинчи нусхаси ҳарбий хизматчининг шахсий ҳужжатлар йиғма жилдига тикиб қўйилади.

10. Уй-жойга ёки уй-жой шароитларини яхшилашга муҳтож ҳарбий хизматчиларни ҳисобга олиш, вазирликлар ва идоралар бўйича квартираларни тақсимлашни ташкил этиш учун вазирлик ва идораларнинг марказий аппаратларида, гарнизон, бўлинмалар ва қисмларда уй-жой комиссиялари тузилади. Уй-жой комиссиялари фаолияти тартиби тегишли вазирлик ва идоралар томонидан белгиланади.

11. Ҳарбий хизматчилар уларнинг аризалари ва ҳарбий қисмлар уй-жой комиссияларининг қарорлари асосида уй-жойга ёки уй-жой шароитларини яхшилашга муҳтожлар рўйхатига киритилади.

Ҳарбий қисм уй-жой комиссиясининг қарори баённома билан расмийлаштирилади ҳамда ҳарбий қисм командирининг буйруғи билан тасдиқланади ва эълон қилинади.

Ҳарбий қисмга бириктириладиган квартираларни ҳарбий хизматчилар ўртасида тақсимлаш ҳарбий қисмнинг уй-жой комиссияси томонидан уларни квартирага ёки уй-жой шароитларини яхшилашга муҳтожлар сифатида ҳисобга олинган ва квартирага ёки уй-жой шароитларини яхшилашга муҳтожлар рўйхатига киритилган вақтдан келиб чиқиб, навбат тартибида қонун ҳужжатларида белгиланган меъёрлар ва имтиёзларни ҳисобга олган ҳолда амалга оширилади. Ҳарбий хизматчиларнинг қонун ҳужжатлари билан белгиланган алоҳида тоифалари навбатдан ташқари квартиралар билан таъминланиш ёки уй-жой шароитлари яхшиланиши ҳуқуқига эга.

LexUZ шарҳи

12. Квартира олишга ёки уй-жой шароитини яхшилашга муҳтожлар рўйхатида турган, белгиланган тартибда янги ҳарбий хизмат жойига юборилган ҳарбий хизматчилар, улар янги ҳарбий хизмат жойида ҳисобга олинган пайтдан бошлаб ҳамда аввалги хизмат жойи бўйича ушбу рўйхатларга киритилганлигига кўра янги ҳарбий хизмат жойи бўйича муҳтожлар рўйхатига киритилади.

13. Қуйидаги ҳолларда ҳарбий хизматчилар ҳарбий хизматни ўташ жойи бўйича квартира олишга ёки уй-жой шароитини яхшилашга муҳтожлар ҳисобидан чиқарилади:

қонун ҳужжатларида белгиланган тартибда уй-жой майдонининг ижтимоий меъёрларига мувофиқ уй-жой билан таъминланганда;

LexUZ шарҳи

ота-онасига мулк ҳуқуқи асосида тегишли бўлган квартираларда яшаганда;

янги ҳарбий хизмат ўташ жойига кетганида;

ҳарбий хизматдан бўшатилганида (ушбу Низомнинг 4-бандида кўрсатилган шахслардан ташқари);

квартира билан таъминланиш ҳуқуқини берувчи бошқа асослар йўқ бўлганида.

Ҳисобда турадиган ҳарбий хизматчилар ҳамда ҳарбий хизматни ўтаган фуқароларнинг боқувчисини йўқотган оилалари белгиланган меъёрлар асосида уй-жой тақдим этилмасдан ҳисобдан чиқарилиши мумкин эмас.

14. Ҳарбий хизматдан бўшатилган квартира олишга ёки уй-жой шароитини яхшилашга муҳтож ҳарбий хизматчилар ва фуқароларни ҳисобга олиш тартиби тегишли вазирлик ва идоралар томонидан белгиланади.

Олдинги таҳрирга қаранг.

15. Қуйидагилар тегишли вазирлик ва идораларнинг квартиралардан фойдаланиш органлари томонидан уй-жой майдони олиш ёки яшаш шароитларини яхшилашга муҳтож бўлганлар рўйхатига киритилади:

а) ҳақиқий ҳарбий хизматга кирган контракт бўйича ҳарбий хизматчилар тегишлича марказий тураржой комиссияси, ҳарбий қисмларнинг ёки муассасаларнинг тураржой комиссияларига билдирги топширган кундан бошлаб;

ҳарбий хизматда бўлишнинг белгиланган ёш чегарасига етганида;

штатларнинг қисқартирилиши ёки бошқа ташкилий-штат тадбирлари муносабати билан;

г) хизмат муддатидан қатъи назар ҳалок бўлган (вафот этган) ҳарбий хизматчиларнинг оиласи;

д) ҳарбий хизматнинг умумий давомийлиги йигирма йил ва ундан ортиқ бўлган ҳарбий хизматчилар.

(15-банд Ўзбекистон Республикаси Президентининг 2022 йил 25 августдаги ПҚ-362-сонли қарори таҳририда — Қонунчилик маълумотлари миллий базаси, 25.08.2022 й., 07/22/362/0779-сон)

III. Тегишли вазирлик ёки идорага бириктирилган хизмат квартираларини ҳисобга қўйиш

16. Қуйидаги квартиралар ҳисобга қўйилади:

уй-жой қурилиши, оилавий ётоқхоналарни реконструкция қилиш натижасида ҳамда вазирликлар ва идоралар томонидан сотиб олиниши ҳисобидан келадиган;

маҳаллий давлат ҳокимияти органларининг муниципал уй-жой фондидан олинадиган;

вазирлик ва идораларнинг нотурар жой биноларини қайта жиҳозлаш натижасида олинган.

Бу квартиралар тегишли вазирлик ва идораларнинг идоравий уй-жой фондини ташкил қилади.

17. Мазкур Низомнинг 16-бандида кўрсатилган квартиралар ҳарбий қисмлар ўртасида квартира олишга ёки уй-жой шароитларини яхшилашга муҳтож ҳарбий хизматчилар ва шахслар сонига мутаносиб равишда тақсимланади.

18. Барча квартиралар тегишли вазирлик ва идораларнинг квартиралардан фойдаланиш органларида белгиланган шаклдаги квартираларни ҳисобга олиш китобида ҳисобга олинади.

Муниципал уй-жой фондига тегишли бўлган, шунингдек, ҳарбий хизматчиларни уй-жой билан таъминлаш учун вазирлик ва идораларга бириктирилган хизмат квартиралари тегишли вазирлик ва идораларнинг квартиралардан фойдаланиш органлари томонидан квартиралар ҳисоб-китоб карточкаларида ҳисобга олинади. Квартираларни давлат ҳисобига олиш Ўзбекистон Республикаси Вазирлар Маҳкамасининг 2000 йил 20 январдаги 18-сон қарори билан тасдиқланган Ўзбекистон Республикасида уй-жой фондини давлат йўли билан ҳисобга олишнинг ягона тизими тўғрисидаги низомга мувофиқ амалга оширилади.

Вазирлик ва идоралар квартираларни ҳарбий қисмларга бириктиради ва ҳар йили улардан фойдаланиш ва ҳисобга олиш ҳолатини назорат қилади.

19. Квартиралар қуйидаги ҳолларда идоравий уй-жой фонди ҳисобидан чиқарилади:

қонун ҳужжатларида белгиланган тартибда ҳарбий хизматчининг мулкига бепул ўтказилганда;

ушбу Низомнинг 13-банди еттинчи хатбошисида кўрсатилган шахсларга квартиралар берилганда.

Квартирани ҳисобдан чиқариш учун ҳужжатларни расмийлаштириш маҳаллий ҳарбий бошқарув органларининг бошлиқларига юклатилади.

20. Вазирликлар ва идораларнинг тўлиқ хўжалик юритуви ёки оператив бошқарувида бўлган, шу жумладан тегишли ҳарбий-маъмурий ҳудудда жойлашган квартираларнинг, шунингдек, тегишли вазирлик ва идорага бириктирилган хизмат квартираларининг ҳисобини юритишнинг ички идоравий тартиби, квартираларнинг ҳисобини юритиш китоби ҳамда ҳисобга олиш карточкаларининг шакллари тегишли вазирлик ёки идора томонидан белгиланади.

IV. Ҳарбий хизматчиларга, шунингдек, ҳарбий хизматдан бўшатилган фуқароларга квартиралар бериш тартиби

21. Мазкур Низомга мувофиқ хизмат квартиралари бериладиган ҳарбий хизматчилар билан хизмат квартирасини ижарага олиш шартномаси тузилади. Ушбу шартномада томонларнинг ҳуқуқлари, мажбуриятлари ва жавобгарликлари, хизмат квартирасини бериш, сақлаш ва бўшатиш тартиби белгиланади.

Хизмат квартирасини ижарага олиш шартномасини бекор қилиш, ҳарбий хизматчилар ва уларнинг оила аъзоларини хизмат хонадонларидан чиқариш тартиби қонун ҳужжатлари билан тартибга солинади. Шартнома бекор қилинган тақдирда ҳарбий хизматчилар ва улар билан бирга яшовчи оила аъзолари уларга берилган хизмат квартирасини қонун ҳужжатларида ва шартномада белгиланган тартибда бўшатишлари шарт.

Ҳарбий хизматчиларнинг боқувчисини йўқотган оила аъзолари (эри, хотини, фарзандлари ва қарамоғида бўлган шахслар) уларга бошқа қулай квартира берилмасдан туриб, эгаллаб турган квартиралардан чиқариб юборилиши мумкин эмас. Улар ҳарбий хизматчи ҳалок бўлганидан (вафот этганидан) кейин қонун ҳужжатларига мувофиқ уй-жой шароитларини яхшилаш ҳуқуқини сақлаб қоладилар.

LexUZ шарҳи

Қаранг: Ўзбекистон Республикаси Президентининг 2019 йил 12 сентябрдаги ПҚ-4447-сон қарори билан тасдиқланган Ўзбекистон Республикаси фуқароларининг ҳарбий хизматни ўташ тартиби тўғрисидаги низомнинг 192-банди.

22. Вазирлик ёки идора томонидан қурилган, реконструкция қилинган ва сотиб олинган квартираларда қурилиш, реконструкция, сотиб олиш ишлари олиб борилган вазирлик ва идораларнинг ҳарбий хизматчилари жойлашадилар.

23. Ҳарбий хизматчилар хизматни бир вазирлик ёки идора тизимида ўташ учун бошқа жойга ўтказилганда уларга янги хизмат жойидан квартиралар олдинги хизмат жойи бўйича хизмат квартираси тегишли вазирлик ёки идорага топширилгандан кейингина берилади.

Бўшатилган хизмат хонадонларида, қоидага кўра, айнан ўша ҳарбий қисмнинг ҳарбий хизматчилари жойлаштирилади.

Ҳарбий қисмларда квартира олишга ёки уй-жой шароитларини яхшилашга муҳтож бўлган ҳарбий хизматчилар бўлмаган ҳолларда, хизмат квартираларида гарнизон ҳарбий қисмларининг ҳарбий хизматчилари сонига мутаносиб равишда шу гарнизонда жойлашган бошқа ҳарбий қисмларнинг квартиралар олиш ёки уй-жой шароитларини яхшилашга муҳтож бўлган ҳарбий хизматчилари жойлашадилар.

Олдинги таҳрирга қаранг.

24. Ҳарбий хизматчилар бошқа вазирлик ва идораларга хизмат ўташ учун ўтказилганда, тегишли вазирлик ва идоралар томонидан уларга ажратилган хизмат квартираси (ёпиқ ҳарбий шаҳарчалардаги хизмат квартиралари бундан мустасно) ҳарбий хизматчи ўтказилган вазирлик ва идора уй-жой фондига ўтказилади.

Хизмат квартираларини ўтказиш ва қабул қилиб олиш тегишли вазирликлар ва идоралар раҳбарларининг буйруғи билан расмийлаштирилади.

(24-банд Ўзбекистон Республикаси Президентининг 2022 йил 25 августдаги ПҚ-362-сонли қарори таҳририда — Қонунчилик маълумотлари миллий базаси, 25.08.2022 й., 07/22/362/0779-сон)

25. Ҳарбий хизматчилар ва уларнинг оила аъзолари квартиралар олишдан олдин ички ишлар органлари томонидан ҳарбий хизматни ўтаётган ҳарбий қисмларнинг манзиллари бўйича вақтинча рўйхатдан ўтказилади.

26. Ҳарбий хизматчиларнинг квартираларга жойлашиши қонун ҳужжатларида белгиланган тартибда берилган тегишли ордерлар бўйича амалга оширилади.

Ҳарбий хизматчилар ва уларнинг оила аъзолари томонидан квартираларга жойлашиш учун ордерлар олиш учун ҳужжатларни расмийлаштириш тартиби, шунингдек, ёпиқ ҳарбий шаҳарчалардаги хизмат хонадонларига жойлаштириш тартиби тегишли вазирлик ва идоралар томонидан белгиланади.

27. Квартирага ордер бериш қуйидаги ҳолларда тўхтатилиши мумкин:

сохта ҳужжатлар тақдим этилганда;

квартирани бериш тўғрисидаги қарорга таъсир қилиши мумкин бўлган бошқа ҳолатлар аниқланганда.

Квартирага ордер бериш уй-жой тўғрисидаги қонун ҳужжатларида белгиланган бошқа ҳолларда ҳам тўхтатилиши мумкин.

28. Ҳарбий хизматчиларнинг аризасига кўра, ажратиладиган уй-жой ўрнига ёки уй-жой шароитини яхшилаш мақсадида уларга якка тартибдаги уй-жой қуриш учун ер участкаларини ким ошди савдоси асосида сотиб олиш учун пул компенсацияси тўланиши мумкин. Ер участкасини ўзлаштириш даврида ҳарбий хизматчи ва унинг оила аъзолари хизмат квартирасини икки йилгача муддатга сақлаб қоладилар.

29. Уй-жойга ёки уй-жой шароитларини яхшилашга муҳтож бўлган ҳарбий хизматчиларга, шунингдек, ҳарбий хизматдан бўшатилган фуқароларга уларнинг аризаларига кўра, квартира сотиб олиш ёки якка тартибдаги уй-жой қуриш учун белгиланган тартибда узоқ муддатли ипотека кредитлари берилиши мумкин.

30. «Полковник» унвонидаги, унга тенг ёки ундан юқори унвондаги ҳарбий хизматни ўтаётган ёки белгиланган ёш чегарасига етганда, саломатлиги ҳолатига кўра (ҳарбий хизмат мажбуриятларини бажариш чоғида орттирган касаллик ёки олган жароҳати туфайли), штатларнинг қисқартирилиши ёки бошқа ташкилий-штат чора-тадбирлари туфайли ҳарбий хизматдан бўшатилган офицерлар, шунингдек, шартнома асосида хизмат қилаётган Ўзбекистон Республикаси фахрий унвонларига эга бўлган ҳарбий хизматчилар, илмий даража ёки илмий унвонга эга бўлган олий ҳарбий таълим муассасаларининг ўқитувчилари бўлган ҳарбий хизматчилар белгиланган яшаш майдони меъёридан ортиқ бўлган хона кўринишидаги ёки умумий майдони ўн саккиз квадрат метр ўлчамдаги қўшимча яшаш майдонини олиш ҳуқуқига эга.

31. Мудофаа ишлари бўйича бошқарма ва бўлимлар, ҳарбий алоқа мунтазам органлари, давлат таълим муассасалари ҳузуридаги ҳарбий тайёргарлик ўқув бўлинмалари, ҳарбий судлар ва прокуратуралар, ҳудудий квартиралардан фойдаланиш органлари, ҳарбий комендатуралар ва гарнизонларнинг бошқа ҳарбий қисмлари ҳарбий хизматчилари тегишли гарнизоннинг ҳарбий қисмларига квартиралар олишга ёки уй-жой шароитларини яхшилашга муҳтож бўлган гарнизон ҳарбий қисмлари ҳарбий хизматчилари сонига мутаносиб равишда ажратиладиган уй-жойларнинг умумий майдони ҳисобидан хизмат квартиралари билан таъминланади.

32. Вазирлик ва идораларнинг олий ҳарбий таълим муассасаларига тингловчи сифатида қабул қилинган офицерлар ўқиш даврида олдинги ҳарбий хизмат жойидаги хизмат квартираси сақланган ҳолда олий ҳарбий таълим муассасасига бириктирилган уй-жой фонди ҳисобидан, ётоқхоналардан турар жой билан таъминланади. Олий ҳарбий таълим муассасасида ўқиш даврида олдинги ҳарбий хизмат жойи бўйича хизмат квартираларини сақлаб қолган офицерлар тегишли вазирлик ва идораларнинг квартиралардан фойдаланиш органлари билан келишилган ҳолда уни банд қилиш ҳуқуқига эга.

33. Ўзбекистон Республикаси Мудофаа вазирлигининг саноат корхоналари, илмий-тадқиқот, конструкторлик ва бошқа ташкилотлардаги ҳарбий ваколатхоналари ҳарбий хизматчилари ушбу корхона ва ташкилотларнинг уй-жой фонди ҳисобидан квартиралар билан таъминланади, корхона ва ташкилотларда уй-жой фонди бўлмаган тақдирда вазирлик ҳисобидан квартиралар билан таъминланади.

34. Темир йўл, ҳаво ва сув транспортидаги ҳарбий алоқа мунтазам органлари ҳарбий хизматчилари ўзлари хизмат қилаётган вазирлик ва идоранинг уй-жой фонди ҳисобидан квартиралар билан таъминланади.

Ҳарбий бўлинмалар мавжуд бўлмаган ёки квартира билан таъминлаш имконияти бўлмаган аҳоли пунктларида ҳарбий хизматчиларга уй-жойни ижарага олганлик (ижарага берганлик) учун белгиланган тартибда ҳар ойлик пул компенсацияси тўланади.

Алоҳида муҳим объектларни қўриқлаш бўйича ҳарбий қисмларда хизматни ўтаётган ҳарбий хизматчилар қўриқланадиган корхоналар (ташкилотлар)нинг уй-жой фонди ҳисобидан квартиралар билан таъминланади, уларда хизмат квартирасини бериш имконияти бўлмаса, кўрсатиб ўтилган тоифадаги ҳарбий хизматчиларга квартираларни ижарага олганлик (ижарага берганлик) учун белгиланган тартибда пул компенсацияси тўланади.

V. Қуролли Кучлар уй-жой фондини кенгайтиришни молиявий таъминлаш

35. Уй-жойлар қурилиши ва оилавий ётоқхоналарни квартиралар кўринишида реконструкция қилишни молиялаштириш Ўзбекистон Республикасининг ҳар йили тасдиқланадиган Инвестиция дастурида назарда тутиладиган маблағлар доирасида Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардия, Электрон технологияларни ривожлантириш маркази, Давлат хавфсизлик хизмати ва Давлат хавфсизлик хизмати Чегара қўшинларига ҳар йили ажратиладиган капитал қўйилмалар лимитлари ҳисобидан белгиланган тартибда амалга оширилади.

36. Ҳарбий хизматчилар учун квартиралар, якка тартибдаги уй-жой қуриш учун ер участкалари сотиб олиш, уларнинг уй-жойларини таъмирлаш ва ободонлаштиришни молиялаштириш Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардияси, Электрон технологияларни ривожлантириш маркази, Давлат хавфсизлик хизмати ва Давлат хавфсизлик хизмати Чегара қўшинларига ҳар йили ажратиладиган бюджет ва бюджетдан ташқари маблағлар доирасида таъминланади.

VI. Маҳаллий давлат ҳокимияти органлари ва тегишли вазирлик ва идораларнинг квартирадан фойдаланиш органларининг ҳарбий хизматчиларни квартиралар билан таъминлаш бўйича мажбуриятлари ҳамда ваколатлари

37. Маҳаллий давлат ҳокимияти органларига вазирликлар ва идораларнинг буюртманомаларига мувофиқ ҳарбий хизматчилар ва уларнинг оила аъзоларини квартиралар билан таъминлашда қуйидаги мажбурият ва ваколатлар юклатилади:

ҳарбий хизматчиларга Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардияси, Электрон технологияларни ривожлантириш маркази ва Давлат хавфсизлик хизмати маблағлари ҳисобидан квартиралар олинишида, шунингдек, уй-жойлар, ҳарбий шаҳарчаларнинг ижтимоий, маданий-миший инфратузилмаларини сув, иссиқлик ва электр энергияси билан барқарор таъминлаган ҳолда уларни таъмирлашда кўмаклашиш;

ҳарбий хизматчилар учун сотиб олинган ва тўланган квартираларнинг хизмат квартиралари сирасига киритилиши, шунингдек, Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардияси, Электрон технологияларни ривожлантириш маркази ва Давлат хавфсизлик хизмати томонидан белгиланган тартибда берилган тегишли ҳужжатлар олинган кундан бошлаб уч кундан кечиктирмасдан ҳарбий хизматчиларнинг кўчиб кириши учун ордерлар берилишини таъминлаш;

вазирлик ёки идораларга муниципал уй-жой фонди уйларидан хизмат квартираларини бериш;

ариза асосида (ушбу Низомга 2-илова) квартираларни ҳарбий хизматчилар ва уларнинг оила аъзоларининг бепул асосда мулк қилиб бериш тўғрисида қарор қабул қилиш;

Олдинги таҳрирга қаранг.

ички ишлар органлари билан биргаликда ҳарбий хизматчилар ва уларнинг оила аъзолари мурожаат қилган кундан бошлаб уч кун муддатда белгиланган тартибда яшаш ёки турган жойи бўйича рўйхатдан ўтказилишини таъминлаш.

LexUZ шарҳи

Норасмий таржима. 37-банднинг олтинчи хатбошиси Ўзбекистон Республикаси Президентининг 2026 йил 9 июндаги ПФ-109-сонли Фармони таҳририда. Расмий матн учун рус тилига қаранг.

38. Тегишли вазирлик ва идораларнинг квартирадан фойдаланиш органларига ҳарбий хизматчиларни квартиралар билан таъминлашда уй-жой фондининг ҳисобини юритиш ва ундан фойдаланишнинг тўғрилигини текшириш мажбурияти юклатилади.

VII. Якуний қоида

39. Ушбу Низом қоидаларни бузишда айбдор бўлган шахслар қонунчилик ҳужжатларида белгиланган тартибда жавоб берадилар.

Ўзбекистон Республикаси Қуролли Кучлари ҳарбий хизматчиларини уй-жой билан таъминлаш тартиби тўғрисидаги низомга
1-ИЛОВА

Биринчи варақнинг олд томони

серия___№ 00000

УЙ-ЖОЙ АТТЕСТАТИ

Фамилияси	Исми	Отасининг исми

Шахсий рақам	Шахсни тасдиқловчи гувоҳнома рақами ва серияси

3. Оила аъзолари сони (ўзгаришлар тўғрисида маълумот)

Сана
Сони
Сана
Сони

Т/р	Уй-жойга муҳтож бўлган тоифа	Ҳисобга қўйиш санаси	Ҳисобдан чиқариш санаси	Ҳисобдан чиқариш учун асос
1.
2.
3.
4.
5.
6.
7.
8.
9.
10.
11.
12.
13.
14.
15.
16.
17.
18.
19.
20.
21.
22.

ҲАРБИЙ ҚИСМ КОМАНДИРИ

________________________________________

М.Ў.

(ҳарбий унвон, имзо, фамилия)

20____ йил «____»______________

5. Уй-жойи борлиги ҳақида маълумотлар (уй-жойни олганлик, топширганлик ҳақида, бепул мулкига ўтказилганлик тўғрисида, уй-жой қуриш (сотиб олиш) учун молиявий ёрдам олганлик ҳақида қайдлар)

Олганлик ҳақида қайд					Уй-жойни топширганлик ҳақида қайд (амалга оширилган уй-жой билан боғлиқ ҳаракатлар ҳақида), уй-жойни топширганлик ҳақида маълумотнома реквизитлари, ким томонидан ва қачон берилган	Ҳарбий қисм командири имзоси, сана, муҳр. КФО бошлиғи имзоси, сана, муҳр
уй-жой манзили	тоифаси	хоналар сони	майдони
уй-жой манзили	тоифаси	хоналар сони	умумий	яшаш

Иккинчи варақнинг олд томони

Уй-жойи борлиги ҳақида маълумотлар (уй-жойни олганлик, топширганлик ҳақида, бепул мулкига ўтказилганлик тўғрисида, уй-жой қуриш (сотиб олиш) молиявий ёрдам олганлик ҳақида қайдлар)

Олганлик ҳақида қайд					Уй-жойни топширганлик ҳақида қайд (амалга оширилган уй-жой билан боғлиқ ҳаракатлар ҳақида), уй-жойни топширганлик ҳақида маълумотнома реквизитлари, ким томонидан ва қачон берилган	Ҳарбий қисм командири имзоси, сана, муҳр. КФО бошлиғи имзоси, сана, муҳр
уй-жой манзили	тоифаси	хоналар сони	майдони
уй-жой манзили	тоифаси	хоналар сони	умумий	яшаш

Иккинчи варақнинг орқа томони

6. Аттестатга киритилган маълумотларни текширганлик ҳақида қайд (аттестатни тўлдиришда ва унга ўзгартиришлар киритишда бажарилади)

Т/р	Текшириш санаси	Ҳарбий қисм командири имзоси, муҳр. КФО бошлиғи имзоси, муҳр. Ҳарбий хизматчи имзоси
1.


2.


3.


4.


5.


6.


7.


8.


9.


10.


11.


12.

Уй-жой аттестатига
ИЛОВА

серияси ___ № 00000

Фамилияси	Исми	Отасининг исми

Шахсий рақами	Шахсни тасдиқловчи ҳужжат рақами ва серияси

3. Ҳарбий хизмат бошланган сана: _________________________

4. Ҳарбий хизматдан бўшатилаётган ҳарбий хизматчини уй-жой олишга (яшаш шароитини яхшилашга) муҳтож сифатида ҳисобга олинганлиги бўйича маълумот

Ҳарбий қисм
Муҳтож бўлган шахснинг тоифаси
Режали бўшатилган сана
Ҳарбий қисм командири (бошлиғи) имзоси, сана, муҳр
Ҳисобдан чиқарилганлик ҳақида қайд
Ҳарбий қисм командири (бошлиғи) имзоси, сана, муҳр

Ҳарбий қисм
Муҳтож бўлган шахснинг тоифаси
Режали бўшатилган сана
Ҳарбий қисм командири (бошлиғи) имзоси, сана, муҳр
Ҳисобдан чиқарилганлик ҳақида қайд
Ҳарбий қисм командири (бошлиғи) имзоси, сана, муҳр

Ҳарбий қисм
Муҳтож бўлган шахснинг тоифаси
Режали бўшатилган сана
Ҳарбий қисм командири (бошлиғи) имзоси, сана, муҳр
Ҳисобдан чиқарилганлик ҳақида қайд
Ҳарбий қисм командири (бошлиғи) имзоси, сана, муҳр

Ўзбекистон Республикаси Қуролли Кучлари ҳарбий хизматчиларини уй-жой билан таъминлаш тартиби тўғрисидаги низомга
2-ИЛОВА

Маълумотноманинг орқа томони

Ўзбекистон Республикаси Қуролли Кучлари ҳарбий хизматчиларини уй-жой билан таъминлаш тартиби тўғрисидаги

НИЗОМДАН КЎЧИРМА

(Ўзбекистон Республикаси Президентининг 20___ йил «___» _____ ПҚ-____-сон қарори)

4. Ҳарбий хизматнинг умумий муддати 20 ва ундан ортиқ календарь йилига етган, ҳарбий хизматдан бўшатилган пайтда уй-жой билан таъминланмаган ҳарбий хизматчилар учун, шунингдек, ҳарбий хизматининг умумий муддати камида 10 календарь йили бўлган, ҳарбий хизматда бўлишнинг чегара ёшига етган, саломатлиги ҳолатига кўра (ҳарбий хизмат мажбуриятларини бажариш пайтида орттирилган касаллик ёки жароҳатлар билан боғлиқ), штатларнинг қисқартирилиши ёки бошқа ташкилий-штат чора-тадбирлари сабабли ишдан бўшатилиши лозим бўлган уй-жойга муҳтож бўлган ҳарбий хизматчилар, шунингдек, ушбу шахсларнинг оила аъзоларига уй-жой қонунчилигида назарда тутилган меъёрлар ҳамда тартибда тегишли вазирлик ва идоралар томонидан эгалик қилиш учун квартиралар тақдим этилади.

Агар ушбу шахслар хизмат квартираларида яшаётган бўлса, улар, ёпиқ ҳарбий шаҳарчалардаги хизмат хонадонларидан ташқари, ўзлари эгаллаб турган квартираларга бепул мулк қилиб олиш ҳуқуқига эга. Ёпиқ ҳарбий шаҳарчалар ҳудудида истиқомат қилувчи ҳарбий хизматчиларга ёпиқ ҳарбий шаҳарчалар ҳудудидан ташқарида квартиралар берилади.

Ушбу бандда кўрсатилмаган ҳарбий хизматчилар ҳарбий хизматдан бўшатилганда қонун ҳужжатларида белгиланган тартибда хизмат квартираларини бўшатадилар.

Маълумотноманинг олд томони

Ариза корешоги
Серияси АА № 000000
_________________________________________________________________________________
(квартиралардан фойдаланиш орган номи)
Ўзбекистон Республикаси Президентининг 20 __ й. «___» _______ даги ___-сон қарорига мувофиқ
_______________________ манзил бўйича жойлашган, яшаш майдони _____ квадрат метр, хоналар сони _____ ни ташкил этадиган квартирани ______________________________________________
‎	‎	‎	(вазирлик ва идора ҳарбий хизматчисининг ҳарбий унвони, фамилияси, исми, ота исми)
мулки сифатида беғараз асосда расмийлаштириб беришни сўрайди.
‎	‎	‎	‎	‎	‎	‎	‎	‎	‎
М.Ў.______________________________________________________________________________
(мансабдор шахснинг ҳарбий унвони, имзоси ва фамилияси)
_________________________________________________________________________________
(шаҳар/туман ҳокимининг имзоси ва фамилияси)
‎	‎	‎	‎	‎	‎	‎	‎	‎	‎
‎	‎	«___» _____________20 __ й.					‎	‎	‎

Серияси АА рўйхат рақами № 0000000000000
АРИЗА
________________________________________________________________________раҳбарияти
(вазирлик ва идоранинг квартиралардан фойдаланиш органи номи)
Ўзбекистон Республикаси Президентининг 20 __ й. «___» _______ даги ___-сон қарорига мувофиқ
_______________________ манзил бўйича жойлашган, яшаш майдони _____ квадрат метр, хоналар сони _____ ни ташкил этадиган квартирани ______________________________________________
(вазирлик ва идора ҳарбий хизматчисининг ҳарбий унвони, фамилияси, исми, ота исми)
мулки сифатида беғараз асосда расмийлаштириб беришни сўрайди.
М.Ў.______________________________________________________________________________
(лавозими)
_______________________			_______________________			_______________________			‎
(ҳарбий унвони)			(имзоси)			(фамилияси)			‎
‎	‎	‎	‎	‎	‎	‎	‎	‎	‎
‎	‎	«___» _____________20 __ й.					‎	‎	‎