Ҳужжат кучини йўқотган " " 21.10.2025

Норасмий таржима

Ўзбекистон Республикаси Вазирлар Маҳкамасининг

қарори

Фавқулодда вазиятларни прогноз қилиш ва олдини олиш давлат дастурини тасдиқлаш тўғрисида

LexUZ шарҳи

Мазкур қарор Ўзбекистон Республикаси Президентининг 2025 йил 20 октябрдаги ПҚ-310-сонли «Фавқулодда вазиятлар органлари фаолиятини янада такомиллаштиришга доир ташкилий чора-тадбирлар тўғрисида»ги қарорига асосан ўз кучини йўқотган.

Фавқулодда вазиятларнинг олдини олиш ва оқибатларини бартараф этиш соҳасида олиб борилаётган ишлар самарадорлигини ошириш мақсадида:

1. Фавқулодда вазиятларни прогноз қилиш ва уларнинг олдини олиш давлат дастури (кейинги ўринларда — Давлат дастури деб аталади) 1-иловага мувофиқ тасдиқлансин;

2. Қуйидаги устувор вазифаларни ҳал этиш Давлат дастурининг асосий мақсадлари этиб белгилансин:

юзага келиши мумкин бўлган фавқулодда вазиятларни прогноз қилиш;

авариялар, ҳалокатлар ва табиий офатларни ўз вақтида олдини олиш ва оқибатларини юмшатиш;

аҳолини талаб даражасида муҳофаза қилинишини таъминлаш ҳамда иқтисодиётнинг хавфли ишлаб чиқариш объектлари барқарорлигини ошириш;

фавқулодда вазиятлар хавфини камайтириш, аҳоли хавфсизлигини ошириш ҳамда тоифаланган объектларни табиий ва техноген хусусиятли таҳдидлардан муҳофаза қилиш соҳасида бошқарувни мувофиқлаштиришнинг илмий-услубий асосларини такомиллаштириш ва механизмларини ривожлантириш;

аҳолини ахборот билан таъминлаш ва хабардор қилишнинг комплекс тизимини яратиш, замонавий ахборот-телекоммуникация технологиялари ҳамда оммавий ахборот техник воситаларини қўллаш негизида ҳаёт фаолияти хавфсизлигининг илмий-услубий асосларини амалга ошириш;

тоифаланган объектларда фавқулодда вазиятлар хавфини прогноз қилиш ва уларнинг зарур даражада ҳимояланганлигини таъминлаш бўйича комплекс чора-тадбирларнинг асосий элементларини ишлаб чиқиш;

хавфли ҳодисаларни мониторинг қилиш тизимини ривожлантириш ва такомиллаштириш;

фавқулодда вазиятларда бошқарув ҳамда тезкор ҳаракат қилиш усулларини такомиллаштириш;

фавқулодда вазиятларнинг олдини олиш ва уларни бартараф этиш соҳасида аҳоли ва раҳбарлар таркибини тайёрлаш тизимини такомиллаштириш;

фавқулодда вазиятлар хавфини камайтириш муаммоларини ҳал этишда ташкилий-техник, молиявий, моддий ва ахборот ресурсларини жамлаш.

3. Вазирликлар ва идоралар, хўжалик бирлашмалари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, мулкчилик шаклларидан қатъи назар, корхоналар, муассасалар ва ташкилотлар раҳбарлари қуйидагиларни таъминласин:

Давлат дастурининг 1-иловасида назарда тутилган мақсадли дастурларни ишлаб чиқиш;

мақсадли дастурлар бажарилишини назорат қилиш ва доимий мониторинг олиб бориш;

Давлат дастурининг 2-иловасида келтирилган мақсадли дастурларда назарда тутилган асосий тадбирларни белгиланган муддатларда амалга ошириш.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Н.М. Ханов зиммасига юклансин.

Ўзбекистон Республикасининг Бош вазири Ш. МИРЗИЁЕВ

Тошкент ш.,

2007 йил 3 апрель,

71-сон

Вазирлар Маҳкамасининг 2007 йил 3 апрелдаги 71-сон қарорига
1-ИЛОВА

Фавқулодда вазиятларни прогноз қилиш ва уларнинг олдини олиш бўйича

давлат дастури

I. Умумий қоидалар

Сўнгги ўн йил давомида Ўзбекистон Республикасида аҳоли ва ҳудудларни фавқулодда вазиятлардан муҳофаза қилиш Ўзбекистон Республикаси Президенти И.А. Каримов ташаббуси билан ташкил этилган Фавқулодда вазиятларнинг олдини олиш ва ҳаракат қилиш давлат тизими (ФВДТ) куч ва воситалари билан амалга оширилмоқда.

Шахс, жамият ва давлатнинг ҳаётий муҳим манфаатларини таъминлаш соҳасидаги давлат сиёсатини амалга ошириш учун давлат ҳокимияти органларининг, корхоналар ва ташкилотларнинг, шунингдек фуқароларнинг ўзини ўзи бошқариш органларининг фуқаро муҳофазаси соҳасидаги фаолиятини тартибга солувчи қонунчилик базаси амал қилмоқда. «Аҳолини ва ҳудудларни табиий ҳамда техноген хусусиятли фавқулодда вазиятлардан муҳофаза қилиш тўғрисида»ги ҳамда «Фуқаро муҳофазаси тўғрисида»ги Ўзбекистон Республикаси қонунлари ҳамда Ўзбекистон Республикаси Вазирлар Маҳкамасининг бир қатор қарорлари қабул қилинди.

Фуқаро муҳофазаси тузилмаларининг куч ва воситаларини мустаҳкамлаш, бошқарув органларини тайёрлаш ва аҳолини ўқитиш борасидаги амалга оширилган ишлар сўнгги йилларда фавқулодда вазиятлар юз берганда қурбонлар сонини камайтириш имконини берди. Бироқ, авариялар, ҳалокатлар ва табиий офатларга қарши курашиш учун ҳокимликлар, вазирлик ва идоралар томонидан сезиларли саъй-ҳаракатлар ва молиявий харажатларга қарамай, уларнинг таъсиридан моддий йўқотишлар камаймаяпти. Бу кўп жиҳатдан, қоида тариқасида, рўй берган фавқулодда вазиятларни бартараф этиш бўйича ишлар олиб борилганлиги билан боғлиқ.

Жаҳон тажрибаси шуни кўрсатадики, табиий ва техноген хавфларни юзага келишининг ўз вақтида олдини олиш ва салбий таъсирини камайтириш бўйича чора-тадбирларни устувор амалга ошириш фавқулодда вазиятлар оқибатларини бартараф этишга нисбатан анча тежамли ва самарали ҳисобланади.

Ушбу вазифаларни амалга ошириш мақсадида Ўзбекистон Республикаси Фавқулодда вазиятлар вазирлиги томонидан манфаатдор вазирликлар ва идоралар, шунингдек, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда Фавқулодда вазиятларни прогноз қилиш ва уларнинг олдини олиш бўйича Давлат дастури (кейинги ўринларда Давлат дастури деб аталади) ишлаб чиқилди.

Концепция ва Давлат дастурини ишлаб чиқиш бўйича эксперт гуруҳининг иш режасига мувофиқ бир қатор вазирлик, идора ва ташкилотлар мутахассислари томонидан ишлаб чиқилган мақсадли дастурлар материаллари Давлат дастури асосини ташкил этади.

II. Давлат дастурининг долзарблиги

Ўзбекистон Республикаси ҳудудида табиий ва техноген хусусиятли фавқулодда вазиятлар (кейинги ўринларда фавқулодда вазиятлар деб юритилади) хавфи юқорилиги, уларнинг сони ва оқибатлари кўламининг ўсиш тенденцияси сақланиб қолмоқда, бу эса аҳоли ва ҳудудларни фавқулодда вазиятлардан муҳофаза қилиш муаммосининг янги ечимларини излашга, келгусидаги таҳдид ва хавф-хатарларни олдиндан кўра билишга, уларни прогноз қилиш ва олдини олиш усулларини ривожлантиришга мажбур қилмоқда.

Шу муносабат билан сўнгги пайтларда аҳоли ва ҳудудларни фавқулодда вазиятлардан муҳофаза қилиш масалаларига жиддий эътибор қаратилмоқда. Фавқулодда вазиятларнинг олдини олиш ва уларда ҳаракат қилиш давлат тизимини яратишнинг дастлабки босқичи якунланди. Бу босқичда, асосан, авария, ҳалокат ва табиий офатлардан жабр кўрган аҳолини қутқариш масалалари ҳал этилди. Бироқ, ФВДТнинг ҳозирги ҳолати ва унинг қуйи тизимларининг ривожланиш даражаси шундайки, улар аҳоли ва ҳудудларни фавқулодда вазиятлардан муҳофаза қилиш муаммосининг комплекс ечимини ҳали тўлиқ таъминлай олмайди.

Фавқулодда вазиятларнинг олдини олиш ва ҳаракат қилиш давлат тизимини ривожлантиришнинг навбатдаги босқичининг асосий вазифаси фавқулодда вазиятларнинг олдини олиш ва юзага келиши хавфини имкон қадар камайтиришга, шунингдек, одамлар соғлиғини сақлашга, моддий йўқотишларни ва атроф табиий муҳитга етказилган зарар миқдорини камайтиришга қаратилган комплекс чора-тадбирларни олдиндан амалга оширишдан иборат.

Ушбу босқичдаги давлат сиёсатининг мақсади, Давлат дастурига мувофиқ, аҳоли ва ҳудудларни фавқулодда вазиятлардан муҳофаза қилишнинг кафолатланган даражасини таъминлаш, мамлакатимиздаги фан ва технологиялар ютуқларини, шунингдек, ушбу соҳадаги жаҳон тажрибасини ҳисобга олган ҳолда республикада авариялар, ҳалокатлар ва табиий офатлар хавфини камайтириш ҳамда уларнинг оқибатларини юмшатиш ҳисобланади.

Муаммо идоралараро ва минтақалараро хусусиятга эга бўлиб, давлат даражасида комплекс ёндашувни, давлат ҳокимияти органлари, фуқароларнинг ўзини ўзи бошқариш органлари, корхоналар, муассасалар, ташкилотларнинг ҳамда улар раҳбарларининг фавқулодда вазиятларнинг олдини олиш бўйича тадбирларни ўз вақтида амалга ошириш, улар юзага келган тақдирда эса, фавқулодда вазиятлар оқибатларини уюшқоқлик билан бартараф этиш учун масъулиятини оширишни талаб қилади.

Фавқулодда вазиятларнинг олдини олиш ва уларнинг оқибатларини камайтириш соҳасидаги давлат сиёсатининг асосий қоидаларини амалда рўёбга чиқаришнинг энг мақбул механизми қатор мақсадли дастурлар бўйича чора-тадбирларни амалга ошириш ҳисобланади.

III. Давлат дастури доирасида бажариладиган мақсадли дастурлар ва асосий тадбирлар

Давлат дастурини амалга ошириш табиий ва техноген хусусиятдаги энг йирик миқёсдаги фавқулодда вазиятлар таҳдид солаётган аҳоли ва объектларни муҳофаза қилишни таъминлаш бўйича чора-тадбирларни бажаришни назарда тутади.

Давлат дастури доирасида 1-иловага мувофиқ ўн битта мақсадли дастурларни бажариш назарда тутилмоқда.

ФВДТ доирасида мувофиқлаштириладиган Давлат дастурларининг амалга оширилиши фавқулодда вазиятлар хавфини камайтириш соҳасида ягона мақсадли бошқарув тизимига ўтишни таъминлайди.

Барча турдаги ва уларнинг салбий оқибатлари кўламидаги фавқулодда вазиятлар хавфини камайтириш Давлат дастурига 2-иловада назарда тутилган мақсадли дастурларни бажариш бўйича асосий тадбирларни амалга ошириш орқали таъминланади.

IV. Давлат дастурини ресурслар билан таъминлаш

Аҳолини ва ҳудудларни фавқулодда вазиятлардан муҳофаза қилиш, тармоқлар ва объектларнинг барқарор фаолият кўрсатишини таъминлаш давлат дастури доирасидаги мақсадли дастурларни молиялаштириш ҳар бир даражада вазирликлар, идоралар ва ташкилотларга ажратиладиган тегишли бюджетлар (республика ва маҳаллий бюджетлар), маблағлари ва бюджетдан ташқари маблағлар ҳисобидан амалга оширилади.

Кўрсатиб ўтилган маблағлар етарли бўлмаган тақдирда ФВДТнинг функционал ва ҳудудий қуйи тизимлари ташкилотларига Ҳукумат томонидан Ўзбекистон Республикаси Вазирлар Маҳкамасининг захира жамғармасидан маблағлар ажратилиши мумкин.

V. Кутилаётган натижалар

Давлат дастурини амалга ошириш доирасида хавфли табиий-техноген жараёнлар мониторингини ва фавқулодда вазиятларни прогноз қилиш, хавфли жараёнларни қамраб олиш даражаси 70 фоизгача ва камида 0,75 — 0,80 ишончлилик билан амалга ошириш назарда тутилмоқда.

Давлат дастурини амалга ошириш натижалари чуқур таҳлил қилиниши, шунингдек, ҳар бир йўналиш бўйича аниқ миқдор ва сифат баҳолари берилиши лозим. Бунда амалга ошириш натижалари деганда қуйидагилар тушунилади:

фавқулодда вазиятлар хавфини камайтириш ва юзага келиши мумкин бўлган оқибатларни юмшатиш ёки уларни бартараф этиш;

аҳоли хавфсизлиги даражасини ҳамда ўта муҳим объектларнинг табиий ва техноген хусусиятдаги таҳдидлардан муҳофазаланганлигини ошириш;

фуқаро муҳофазаси тузилмалари куч ва воситаларининг фавқулодда вазиятлар оқибатларини бартараф этишга тайёрлиги.

Дастурдаги асосий чора-тадбирларни амалга ошириш қуйидагиларга имкон беради:

аҳоли ва ҳудудларни фавқулодда вазиятлардан муҳофаза қилиш муаммолари ва вазифаларини ҳал этиш учун махсус мўлжалланган ҳамда жалб этиладиган бошқарув органлари, куч ва воситаларнинг янада мақбул ва самарали ташкилий тузилмасини яратиш, шунингдек, уларнинг фаолиятини давлат томонидан янада самарали тартибга солинишини таъминлаш;

аҳоли хавфсизлиги ва ўта муҳим объектлар муҳофазаланганлигининг зарур даражасини таъминлаши;

фавқулодда вазиятлар оқибатларини бартараф этиш учун куч ва воситалар фаолияти, фавқулодда вазиятлар мониторинги ва прогнозлаштириш тизими, шунингдек, юзага келиши мумкин бўлган фавқулодда вазиятлар зоналаридаги вазиятни назорат қилиш самарадорлигини ошириш;

фавқулодда вазиятларни бартараф этиш кучлари ва воситаларини самарали бошқаришни таъминлаш;

фавқулодда вазиятлар хавфини камайтириш соҳасидаги фаолиятни амалга оширишда ахборот хавфсизлиги даражасини ошириш.

Умуман олганда, Давлат дастурини амалга ошириш натижасида фавқулодда вазиятлар хавфини сезиларли даражада камайтириш, аҳоли хавфсизлигини ҳамда тоифаланган объектларнинг табиий ва техноген хусусиятдаги таҳдидлардан муҳофазаланганлигини таъминлаш назарда тутилмоқда.

Фавқулодда вазиятларни прогноз қилиш ва уларнинг олдини олиш давлат дастурига
1-ИЛОВА

Фавқулодда вазиятларни прогноз қилиш ва уларнинг олдини олиш давлат дастурига мақсадли

дастурлар

Мақсадли дастур номи	Ишлаб чиқувчилар
Табиий хусусиятли фавқулодда вазиятларнинг олдини олиш бўйича
1. Зилзила оқибатларини камайтириш дастури	Фанлар академияси, «Давархитектқурилиш» қўмитаси, «Ергеодезкадастр» давлат қўмитаси, Фавқулодда вазиятлар вазирлиги
2. Тошқинлар, тошқинлар, сел ва қор кўчкиларининг ҳамда кўчки ҳодисаларининг олдини олиш дастури	Қишлоқ ва сув хўжалиги вазирлиги, «Давсувхўжаликназорат» инспекцияси, Ўзгидромет, Давлат геология қўмитаси, Фанлар академияси, Фавқулодда вазиятлар вазирлиги
3. Эпидемиялар, эпизоотиялар, эпифитотияларнинг олдини олиш дастури	Соғлиқни сақлаш вазирлиги, Қишлоқ ва сув хўжалиги вазирлиги, Фанлар академияси, ФВВ
Техноген хусусиятли фавқулодда вазиятларнинг олдини олиш бўйича
4. Кимёвий хавфли объектларда аварияларнинг олдини олиш дастури	«Ўзкимёсаноат» давлат-акциядорлик компанияси, Давлат табиатни муҳофаза қилиш қўмитаси, «Саноатконтехназорат» давлат инспекцияси, Фавқулодда вазиятлар вазирлиги
5. Ёнғин-портлашга хавфли объектларда аварияларнинг олдини олиш дастури	«Ўзбекнефтгаз» миллий холдинг компанияси, «Ўзкимёсаноат» давлат-акциядорлик компанияси, «Ўзбекенерго» давлат-акциядорлик компанияси, «Ўздонмаҳсулот» акциядорлик компанияси, Ички ишлар вазирлиги, «Ўздавнефтгазинспекция», «Саноатконтехназорат» давлат инспекцияси, Фавқулодда вазиятлар вазирлиги
6. Энергетика объектлари ва тармоқларида аварияларнинг олдини олиш дастури	«Ўзбекенерго» давлат-акциядорлик компанияси, «Саноатконтехназорат» давлат инспекцияси, ФВВ
7. Транспортда (автотранспорт, темир йўл, авиация, метрополитен) авария ва ҳалокатларнинг олдини олиш дастури	Ички ишлар вазирлиги, Ўзбекистон автомобиль ва дарё транспорти агентлиги, «Ўзбекистон темир йўллари» давлат-акциядорлик компанияси, «Ўзбекистон ҳаво йўллари» миллий авиакомпанияси, Тошкент метрополитени, Фавқулодда вазиятлар вазирлиги
8. Гидротехника иншоотларида аварияларнинг олдини олиш дастури	Қишлоқ ва сув хўжалиги вазирлиги, «Давсувхўжаликназорат» инспекцияси, ФВВ
Аҳолини фавқулодда вазиятлар тўғрисида хабардор қилиш бўйича
9. Фавқулодда вазиятлар хавфи ва содир бўлганда алоқа ва хабар беришнинг ҳудудий ва локал тизимларини яратиш дастури	Фавқулодда вазиятлар вазирлиги, Ўзбекистон алоқа ва ахборотлаштириш агентлиги, Қишлоқ ва сув хўжалиги вазирлиги, «Ўзкимёсаноат» давлат-акциядорлик компанияси, «Ўзбекенерго» давлат-акциядорлик компанияси, «Ўзбекнефтгаз» миллий холдинг компанияси, «Ўзкоммунхизмат» агентлиги, «Ўзбекистон темир йўллари» давлат-акциядорлик компанияси, «Ўзбекистон ҳаво йўллари» миллий авиакомпанияси, «Ўздонмаҳсулот» акциядорлик компанияси, Иқтисодиёт вазирлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
Фавқулодда вазиятларда ҳаракат қилиш бўйича
10. ФВВ қутқарувчиларини тайёрлаш ва уларнинг малакасини ошириш маркази ўқув объектларини замонавий авария-қутқарув техникаси, асбоб-ускуналари, анжомлари билан жиҳозлаш ва қуриш дастури	Фавқулодда вазиятлар вазирлиги, Иқтисодиёт вазирлиги, Молия вазирлиги
Аҳолини, раҳбар таркибини фавқулодда вазиятларда ҳаракат қилишга ўқитиш бўйича
11. Аҳолининг барча қатламларини ўқитиш бўйича мақсадли дастур	Халқ таълими вазирлиги, Олий ва ўрта махсус таълим вазирлиги, Соғлиқни сақлаш вазирлиги, Фавқулодда вазиятлар вазирлиги

Фавқулодда вазиятларни прогноз қилиш ва уларнинг олдини олиш давлат дастурига
2-ИЛОВА

Фавқулодда вазиятларни прогноз қилиш ва уларнинг олдини олиш давлат дастурининг мақсадли дастурларини бажариш бўйича

асосий тадбирлар

Т/р	Мақсадли дастурлар номи	Асосий тадбирлар ва ижрочилар	Бажариш муддатлари (йиллар бўйича), йил.	Молиялаштириш ҳажмлари (млн. сўм) / минг долл. АҚШ)	Молиялаштириш манбалари	Кутилаётган натижалар
I. Табиий хусусиятли фавқулодда вазиятларнинг олдини олиш бўйича
1.	Зилзила оқибатларини камайтириш дастури	1. Фанлар академияси: 1.1. Ўзбекистоннинг умумий сейсмик районлаштириш меъёрий харитасини якунлаш ва жорий этиш	2007 — 2011 2007 — 2008	1362,0 / 515,2	Фанлар академиясининг ажратиладиган бюджет маблағлари ва жалб этилган бюджетдан ташқари маблағлари доирасида	Иқтисодиёт объектлари қурилиши мумкин бўлган зоналарни янада асосланган тарзда районлаштириш
		1.2. Кучли сейсмик зоналарда жойлашган шаҳарларни сейсмик районлаштириш	2007 — 2011			Шаҳар доирасида уй-жой ва саноат объектларини қуришга илмий асосланган ёндашувни таъминлаш
		1.3. Зилзилаларни босқичма-босқич прогноз қилиш методикасини такомиллаштириш. Кучли зилзила даракчиларини масофадан туриб диагностика қилиш методикасини ишлаб чиқиш	2007 — 2011			Сейсмик характердаги эҳтимолий таҳдидлар тўғрисида аҳолини ўз вақтида хабардор қилиш мақсадида прогноз аниқлигини ошириш
		1.4. Станциялар тармоғини кенгайтириш ва қайта жиҳозлаш ҳамда мониторинг ахборот-таҳлил марказини ташкил этиш	2007 — 2011			Прогноз маълумотларининг ишончлилиги ва тўлиқлигини ошириш
		2. «Давархитектқурилиш»: 2.1. Биноларнинг конструктив хусусиятларини ва Ўзбекистон шаҳарларининг табиий-иқлим шароитларини ҳисобга олган ҳолда зилзилалардан зарарни камайтириш чора-тадбирларини ишлаб чиқиш	2007 — 2011	60,0 / -	Давархитектқурилишнинг ажратиладиган бюджет маблағлари ва жалб этилган бюджетдан ташқари маблағлари доирасида	Янги объектларни лойиҳалашда ишончлиликни ошириш ва зилзилабардошлик бўйича тавсияларни иқтисодий асослаш
		2.2. Бино ва иншоотларни антисейсмик кучайтиришнинг самарали усулларини ишлаб чиқиш	2007 — 2011	60,0 / -		Бинолар ва иншоотларнинг шикастланишининг йўл қўйиладиган хавфини аниқлаш
		3. »Давергеодезкадастр» қўмитаси: 3.1. GPS ва геодезик ўлчаш технологияларини такомиллаштириш	2007 — 2011	385,0 / -	Давергеодезкадастр қўмитасининг ажратиладиган бюджет маблағлари ва жалб этилган бюджетдан ташқари маблағлари доирасида	Ўтказиладиган ўлчовларнинг аниқлигини ошириш
		3.2. Геодинамик синов майдонларида режим ўлчовлари	2007 — 2011	385,0 / -		Ўтказиладиган тадқиқотларнинг аниқлигини ошириш мақсадида ўлчашларни ўтказиш
2.	Тошқинлар, тошқинлар, сел ва қор кўчкиларининг ҳамда кўчки ҳодисаларининг олдини олиш дастури	1. Қишлоқ ва сув хўжалиги вазирлиги: 1.1. Тошқин хавфи бўлган зоналарни ўрганиш	2007 — 2011 2007 — 2010	8246,0 / -	Ажратиладиган бюджет маблағлари ва Қишлоқ ва сув хўжалиги вазирлигининг жалб этилган бюджетдан ташқари маблағлари доирасида	Тошқин сувларини назорат қилиш ва хавфсиз ўтказиш бўйича чора-тадбирларни ишлаб чиқиш имконини беради
		1.2. Мавжуд сел ва тошқинга қарши иншоотларни текшириш	2007 — 2010			Реконструкция ва таъмирлаш ишлари бўйича чора-тадбирларни ишлаб чиқиш ҳамда сел ва тошқинга қарши ҳимоя ҳолатини назорат қилиш имконини беради
		1.3. Қирғоқни мустаҳкамлаш ва бошқа муҳофаза ишларини олиб бориш	2007 — 2011			Аҳоли ва ҳудудларни сел ва тошқин оқимларидан муҳофаза қилиш даражасини ошириш имконини беради
		2. Ўзгидромет: 2.1. Сел ва қор кўчкиси хавфи бўлган зоналарни ўрганиш	2007 — 2011	381,0 / -	Ўзгидрометнинг ажратиладиган бюджет маблағлари ва жалб этилган бюджетдан ташқари маблағлари доирасида	Аҳоли ва ҳудудларга сел ва қор кўчкиси хавфининг олдини олиш. Хавфли гидрометеорологик ҳодисалар тўғрисида ўз вақтида хабардор қилиш. Қор кўчкисига қарши ҳимоя ҳолатини назорат қилиш
		2.2. Баланд тоғли ўпирилиш хавфи бўлган кўллар зонасидаги вазиятни кузатиш	2007 — 2011	381,0 / -		Ўзбекистон ҳудудида ва чегарадош давлатларнинг трансчегаравий зоналарида қор қатлами, бир қатор ёрилиш хавфи бўлган кўллар ҳолати мониторингини таъминлаш
		3. Давлат геология қўмитаси: 3.1. Кўчки хавфи бўлган зоналарни ўрганиш	2007 — 2011	3914,0 / -	Давлат геология қўмитасининг бюджетдан ажратиладиган маблағлари ва жалб этилган бюджетдан ташқари маблағлари доирасида	Аҳолини кўчки хавфи тўғрисида ўз вақтида огоҳлантириш ва юзага келаётган вазият устидан назоратни таъминлаш
		3.2. Илмий-тадқиқот ишларини ўтказиш	2007 — 2011	3914,0 / -		Хавфли зоналарни аниқлаш мезонларини ишлаб чиқиш, хавф ва риск хариталарини тузиш
		4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари: 4.1. Тошқин хавфи бўлган зоналарни текширишда иштирок этиш, зарур ҳимоя ишлари участкалари ва ҳажмларини аниқлаш	2007 — 2011	5906,0 / -	Қорақалпоғистон Республикаси Вазирлар Кенгашининг, ҳокимликларнинг ажратиладиган бюджет маблағлари ва жалб этилган бюджетдан ташқари маблағлар доирасида	Ҳақиқий таҳдидлар даражасини аниқлаш ва муҳофаза ишларини ўтказиш бўйича чора-тадбирларни ишлаб чиқиш
		4.2. Қирғоқни мустаҳкамлаш ва бошқа муҳофаза ишларини олиб бориш	2007 — 2011	5906,0 / -		Таҳдидлар хавфини камайтириш имконини беради ҳамда аҳоли ва ҳудудларни тошқин хавфидан муҳофазасини таъминлайди
3.	Эпидемиялар, эпизоотиялар, эпифитотияларнинг олдини олиш дастури	Соғлиқни сақлаш вазирлиги: I. Эпидемиялар 1.1. Табиий ўчоқли вирусли инфекциялар бўйича тадбирлар	2007 — 2011 2007 — 2011	32292,3 / -	Соғлиқни сақлаш вазирлигининг ажратиладиган бюджет маблағлари ва жалб этилган бюджетдан ташқари маблағлари доирасида	Касаллик ўчоқларини комплекс ўрганиш, касалликларни прогнозлаш ва олдини олиш
		1.2. Гриппга қарши кураш тадбирлари (шу жумладан парранда гриппига қарши)	2007 — 2011			Грипп пандемиясини ўрганиш ва касалликлар профилактикаси
		1.3. Ўткир ичак касалликлари ва вабога қарши кураш тадбирлари	2007 — 2011			Даволаш-профилактика тадбирлари ва сувнинг назорати
		1.4. Безгакка қарши кураш тадбирлари	2007 — 2011			Даволаш ва профилактика тадбирлари
		1.5. ОИВ/ОИТСга қарши курашиш бўйича тадбирлар	2007 — 2011			Қон текшируви, даволаш-профилактика муассасалари базасида тарғибот ва профилактика
		Қишлоқ ва сув хўжалиги вазирлиги: II. Эпизоотиялар 2.1. Республикада ветеринария осойишталигини таъминлаш тадбирлари	2007 — 2011	44321,0 / -	Ажратиладиган бюджет маблағлари ва Қишлоқ ва сув хўжалиги вазирлигининг жалб этилган бюджетдан ташқари маблағлари доирасида	Эпизоотияга қарши кураш ва профилактика тадбирларни ўз вақтида ўтказиш
		III. Эпифитотии 3.1. Республикада эпифитотик фаровонликни таъминлаш тадбирлари	2007 — 2011	44321,0 / -		Самарали мониторинг кузатув тармоғини яратиш
II. Техноген хусусиятли фавқулодда вазиятларнинг олдини олиш бўйича
4.	Кимёвий хавфли объектларда аварияларнинг олдини олиш дастури	«Ўзкимёсаноат» ДАК: 1. »Навоиязот» ОАЖ - 5 та тадбир	2007 — 2011	3359,0 / 4800,0	Ўз маблағлари ҳисобидан	Энергияни тежамкор технологияларни жорий этиш
		2. »Фарғонаазот» ОАЖ - 3 та тадбир	2007 — 2009			Ишлаб чиқаришни реконструкция қилиш
		3. »Электрокимёсаноат» ОАЖ - 7 та тадбир	2007 — 2009
		4. »Аммофос» ОАЖ - 4 та тадбир	2007 — 2009			Ишлаб чиқаришни реконструкция қилиш
		5. »Қўқон суперфосфат заводи» ОАЖ -4 та тадбир	2007 — 2009			Техник қайта жиҳозлаш
		6. »Самарқандкимё» ОАЖ - 4 та тадбир	2007 — 2009			Ишлаб чиқаришни реконструкция қилиш
5.	Ёнғин-портлашга хавфли объектларда аварияларнинг олдини олиш дастури	1. «Ўзбекнефтгаз» МХК: 1.1 «Ўзтрансгаз» АК Олимкент шаҳрида газни ер остида сақлаш станциясини қуриш	2007 — 2011 2007 — 2011	492496,2 / 3330000,9	Ўз маблағлари ҳисобидан	Максимал газ истеъмоли даврларида магистрал газ қувури агрегатларининг аварияларсиз ишлаши
		Бошқарув тизими ва технологик алоқани таъминлаш	2007 — 2011			Фавқулодда вазият хавфи юзага келганда ёки содир бўлганда алоқа тизими ва тармоқ бошқарув органларининг тезкор бошқарувини таъминлаш
		Узунлиги Л = 13 минг км бўлган магистраль газ қувурларини диагностика қилиш	2007 — 2011			Магистрал қувурларнинг ёрилиши билан боғлиқ фавқулодда вазиятларнинг олдини олиш
		Магистраль газ қувурларини кенгайтириш	2007 — 2011			Магистрал ва агрегатларни газ узатишда юкламасини камайтириш
		Газли - Нукус магистралининг 159 километрида «Саримай» компрессор станциясини қуриш	2007 — 2011			Магистралларда аввал ишлаган компрессор станцияларини ҳамда агрегатларга газ узатиш пайтида юкламасини камайтириш
		Бош иншоотлардаги КС-№ 1, 2, 3, 4 ўрнига Газли УМС газ ҳайдаш бўйича сиқиш компрессор станциясини (СКС) қуриш	2007 — 2011			Газни транспортировка қилиш цехи ишининг барқарорлигини ошириш, аварияларнинг олдини олиш, магистрал орқали шимолга узлуксиз газ етказиб беришни таъминлаш
		1.2. «Ўзгеобурғунефтгазқазибчиқариш» АК Нефть тайёрлаш участкаси билан «Сардоб» конида ДС қуриш	2007 — 2011			Амалдаги КСларни юкламасини камайтириш, авариялар ва қувурлар ёрилишининг профилактикаси
		«Кўкдумалоқ» газконденсат конини жиҳозлаш	2007 — 2011			Нефть ва газконденсат қазиб олишни кўпайтириш, Газконденсат конининг хавфсиз ишлашини таъминлаш
		1.3. »Ўзтрансгаз» АК ва «Ўзгеобурғунефтгазқазибчиқариш» АК (Қорақалпоғистон Республикаси Вазирлар Кенгаши, вилоятлар ҳокимликлари билан биргаликда) Магистраль газ қувурларининг муҳофаза зоналарида рухсатсиз қурилган иморатларни бузишни ташкил этиш	2007 — 2011			Аҳолини техноген хусусиятли фавқулодда вазиятлардан муҳофаза қилиш ва газ қувурларидан хавфсиз фойдаланишни таъминлаш
		1.4. »Ўзнефтмаҳсулот» АК Фарғона НҚИЗнинг ёнғинга қарши сув қувури тизимини реконструкция қилиш	2007 — 2011			Автоматик ёнғин ўчириш тизимининг узлуксиз ишлаши ва ёнғинга қарши эҳтиёжларни сув билан таъминлаш
		Бухоро нефтни қайта ишлаш заводига олиб келувчи коллекторни қуриш	2007 — 2011			Ёнғинга қарши тадбирлар ва хўжалик-ичимлик суви таъминотига бўлган эҳтиёжни таъминлаш
		Локал хабарлаш тизимини яратиш (қуриш) мақсадида «Ангрен» ва «Поп» терминалларини лойиҳа олди текширувини ўтказиш	2007 — 2011			Терминал зоналарида жойлашган посёлкаларда (L=1,5-2км) яшовчи аҳолини фавқулодда вазият хавфи тўғрисида ўз вақтида хабардор қилиш.
		1.5. Шўртан газ-кимё мажмуаси Шўртан газ-кимё комплекси иншоотларини мукаммал таъмирлаш ва ёнғинга қарши сув қувурлари тизимини реконструкция қилиш	2007 — 2011			Объект ва автоматик ёнғинни ўчириш тизимининг барқарор ишлаши, шунингдек ёнғинга қарши эҳтиёжларни сув билан таъминлаш.
		2. »Ўзкимёсаноат» ДАК: 2.1. Мавжуд ишлаб чиқаришни реконструкция қилиш: «Электрокимёсаноат» ОАЖ, «Аммофос" ОАЖ, «Қўқон суперфосфат заводи» ОАЖ, «Самарқандкимё» ОАЖ	2007 — 2011	3359,0 / -	Ўз маблағлари ҳисобидан	Объектларнинг барқарорлигини ошириш ҳамда портлаш ва ёнғин хавфининг олдини олиш
		2.2.Энергия тежовчи технологияларни жорий этиш: «Навоиязот» ОАЖ, «Фарғонаазот» ОАЖ	2007 — 2009	3359,0 / -	Ўз маблағлари ҳисобидан	Ишлаб чиқариш самарадорлигини ошириш
		3. «Ўзбекенерго» ДАК: 3.1. ИЭС, ИЭМ, ГЭС энергия ускуналарини капитал ва ўрта таъмирлаш	2007 — 2011		Ўз маблағлари ҳисобидан	Энергия ускуналари ишининг ишончлилигини ошириш ҳамда портлаш ва ёнғин хавфининг олдини олиш
		3.2. Юқори вольтли линиялар тармоқларида капитал таъмирлаш ишларини бажариш	2007 — 2011			Истеъмолчиларнинг энергия таъминоти ишончлилигини ошириш
		3.3. Республика энергетика объектларини янада ривожлантириш	2007 — 2011			Энергия тизимининг барқарорлигини ошириш
		4. «Ўздонмаҳсулот» АК: 4.1. Асосий ускуналарни капитал таъмирлаш	2007 — 2011	1696,5 / -	Ўз маблағлари ҳисобидан	Портлаш ва ёнғин хавфининг олдини олиш
		4.2. Мавжуд ишлаб чиқаришни реконструкция қилиш	2007 — 2011			Юзага келиши мумкин бўлган фавқулодда вазиятлардан янада самарали ҳимоя қилиш ва объектларнинг барқарорлигини ошириш
		4.3. Элеваторларнинг юк кўтарувчи қурилиш конструкцияларини кучайтириш	2007 — 2011			Объектларнинг зилзилабардошлигини ошириш
6.	Энергетика объектлари ва тармоқларида аварияларнинг олдини олиш дастури	«Ўзбекэнерго»ДАК: 1. ИЭС, ИЭМ, ГЭС энергия ускуналарини капитал ва ўрта таъмирлаш	2007 — 2011 2007 — 2011	631242,8 / -	Ўз маблағлари ҳисобидан
		1.1. Қозон агрегатларини таъмирлаш - жами 102 та таъмирлаш	2007 — 2011			Қозон агрегатларининг ишончлилиги ва унумдорлигини ошириш
		1.2. Энергия блокларини таъмирлаш: 160 МВт-27 таъмирлаш: 200 МВт-7 таъмирлаш: 300 МВт-39 таъмирлаш: 800 МВт-2 таъмирлаш:				Энергоблокларнинг хизмат муддатини узайтириш, ишончлилиги ва унумдорлигини ошириш
		1.3. Турбоагрегатларни таъмирлаш - жами 23 та таъмирлаш	2007 — 2011			Ишончлилик, унумдорлик ва барқарорликни ошириш
		1.4. Гидроагрегатларни таъмирлаш - жами 84 та таъмирлаш	2007 — 2011			Ишончлилик, унумдорлик ва барқарорликни ошириш
		2. ВЛ6-500 кВ тармоқларида капитал таъмирлаш ишларини бажариш: 2.1. ВЛ-500 кВ-700 км 2.2. ВЛ-220 кВ-2550 км 2.3. ВЛ-110 кВ-6035 км 2.4. ВЛ-35 кВ-5350 км 2.5. ВЛ - 6-10 кВ -36285 км	2007 — 2011			Истеъмолчиларнинг энергия таъминоти ишончлилигини ошириш
		3. Объектларни реконструкция қилиш бўйича янги лойиҳа ишланмалари	2007			Объектларни реконструкция қилиш учун лойиҳа-смета ҳужжатлари
		3.1. 500 кВ ҲЛ — «Сўғдиёна» Сирдарё ИЭС-ПС қурилиши	2007			Энергия тизимининг барқарорлигини ошириш
		3.2. Тошкент ИЭСда газ-турбина қурилмасини қуриш	2008			Электр энергияси ишлаб чиқаришни кўпайтириш
		3.3. 500 кВ ҲЛ «Сўғдиёна» ИЭС - Талимаржон ИЭС қурилиши	2007 — 2011			Энергия тизимининг барқарорлигини ошириш
		4. Республика энергетика объектларини ривожлантириш	2007 — 2011			Узлуксиз энергия таъминотини таъминлаш
7.	Транспортда (автотранспорт, темир йўл, авиация, метрополитен) авария ва ҳалокатларнинг олдини олиш дастури	1. Ўзбекистон автомобиль ва дарё транспорти агентлиги: 1.1. Ҳайдовчилик таркибининг қатновдан олдинги тиббий кўрикдан ва автомобилларнинг техник кўрикдан ўтказилиши устидан мониторингни ташкил этиш, автотранспорт воситаларининг зарур ва хавфсиз ишлаш шароитларини таъминлаш, ҳайдовчилик таркибининг мажбурий тиббий қайта кўрикдан ўтиши, ҳайдовчиларнинг ўз вақтида стажировка ва йўриқномалар олиши, ҳайдовчилик таркибининг йўл қўйиладиган иш вақти давомийлигига риоя этиши ва бошқалар.	2007 — 2011 2007 — 2011		Ўз маблағлари ҳисобидан	Ҳаракат хавфсизлигини таъминлаш устидан назоратни ошириш
		1.2. Йўловчи ва юк ташиш билан шуғулланувчи автокорхоналарда ҳаракат хавфсизлигини таъминлаш бўйича талабларнинг бажарилишини назорат қилиш, шу жумладан: автотранспорт воситаларидан ва уларнинг асбоб-ускуналаридан фойдаланиш; ташувчиларнинг лицензия битими талаблари ва шартларини бажариши устидан назоратни кучайтириш. Бунда йўловчилар ташишга, шунингдек Вазирлар Маҳкамасининг «Автомобиль транспортида йўловчилар ва багаж ташиш қоидаларини ҳамда Ўзбекистон Республикасида автобусларда ташиш хавфсизлигини таъминлашга доир талабларни тасдиқлаш тўғрисида»ги 2003 йил 4 ноябрдаги 482-сон қарори талабларини бажаришга алоҳида эътибор қаратилсин			Ўз маблағлари ҳисобидан	Ташишлар хавфсизлигини ошириш ва назорат қилишни таъминлаш
		2. »Ўзбекистон темир йўллари» ДАТЙК: 2.1. Темир йўл транспорти объектларида авариялар ва ҳалокатларнинг олдини олиш мақсадида фойдаланиш хавфсизлигини таъминлашга, техник тайёрлигини текширишга, шунингдек, тўхтаб туриш жойида ҳам, йўлда ҳам бўлган темир йўл йўллари, локомотивлар, йўловчи ва юк вагонлари, цистерна-вагонлар ва контейнерларнинг юк ортиш-тушириш ишларини ўтказишда белгиланган стандартларга мувофиқлигига йўналтирилган комплекс профилактик рейдларни ташкил этиш ва мунтазам ўтказиб бориш;	2007 йилдан бошлаб ҳар йили	49152,0 /-	Ўз маблағлари ҳисобидан	Юзага келиши мумкин бўлган авария вазиятларининг олдини олиш
		2.2. Темир йўл транспортида (шу жумладан табиий тусдаги манбалар бўйича) фавқулодда вазиятлар, авариялар ва ҳалокатларнинг олдини олиш мақсадида темир йўлларнинг мавжуд тизимини техник жиҳатдан қўшимча жиҳозлаш ва мустаҳкамлаш тадбирларини ташкил этиш ва ўтказиш; алоқа тармоғи фидерларида рақамли ҳимояни ўрнатиш	2007 — 2011			Темир йўл хўжалиги объектларини техник қайта жиҳозлаш
		2.3. Юк ва йўловчилар ташишнинг технологик жараёни хавфсизлигини, темир йўл транспорти тизимларининг барқарор ишлашини таъминлаш мақсадида назорат ва видеокузатув тизимларини жорий этиш тадбирларини ташкил этиш ва ўтказиш, алоҳида тортиш подстанцияларининг асбоб-ускуналарини такомиллаштириш	2007 — 2011			Темир йўл транспорти хавфсизлигини ошириш
		3. »Ўзбекистон ҳаво йўллари» МАК: 3.1. Ҳаво кемаларининг учиши ва қўнишида авариялар (ҳалокатлар, бузилишлар) нинг олдини олиш мақсадида йўл қўйиладиган максимал юкламаларни ошириш учун айрим аэропортларнинг сунъий учиш-қўниш йўлакларини таъмирлаш (реконструкция қилиш) тадбирларини ўтказиш	2007 — 2011	45968,9 /-	Ўз маблағлари ҳисобидан	Аэродромда парвозлар хавфсизлигини таъминлаш
		3.2. Кундалик фаолиятда ва экстремал вазиятларда бошқарув ва алоқа тизими, парвозларни радиотехникавий таъминлаш ва ҳаво ҳаракатини бошқариш ишларининг барқарорлигини ошириш мақсадида зарур аэронавигация ускуналарини сотиб олиш ва монтаж қилиш	2007 — 2011			Бошқарув ва алоқа тизимининг барқарорлигини ошириш
		3.3. Ҳаво кемаларини таъмирлаш ва регламентли ишларни лозим даражада ўтказиш, «UAT» корхонасининг (243-сонли Авиатаъмирлаш корхонаси) барқарор ишлашини таъминлаш мақсадида мавжуд таъмирлаш базасини модернизация қилишни ташкил этиш ҳамда штат ва штатдан ташқари режимларда зарур меҳнат шароитларини яратиш	2007 — 2011			Амалдаги таъмирлаш базасини модернизация қилиш
		3.4. Қўриқлаш-режим, авиация ва ёнғин хавфсизлигини таъминлаш мақсадида зарур асбоб-ускуналар ва махсус техникаларни сотиб олиш	2007 — 2011			Ёнғин хавфсизлиги ва қўриқлашнинг ишончлилигини ошириш
		4. ИИВ: 4.1. Юк ва йўловчи ташиш поездлари ҳаракати хавфсизлигини таъминловчи алоқа, автоматика, сигнализация ва коммуникация воситаларининг ўғирланиши ва шикастланиши билан боғлиқ ҳолатларни аниқлаш мақсадида темир йўл транспорти объектларида жиноятлар профилактикаси бўйича қўшма гуруҳлар ташкил этиш	2007 — 2011		ИИВнинг ажратиладиган бюджет маблағлари ва жалб этилган бюджетдан ташқари маблағлари доирасида	«Ўзбекистон темир йўллари» давлат-акциядорлик компанияси билан биргаликда асбоб-ускуналар ва материаллар сақланишини таъминлаш
		4.2. ДАТЙК ходимлари, йўловчилар, мансабдор шахслар, «бегоналаштириш чизиғи» (темир йўл бўйлаб) деб аталувчи аҳоли пунктларида яшовчи фуқаролар ўртасида тушунтириш-профилактика ишларини доимий асосда ташкил этиш ва ўтказиш	2007 — 2011			Хавфсизликни таъминлаш мақсадида билимларни тарғиб қилиш
		5. Тошкент метрополитени: 5.1. Объектларда замонавий видеокузатув тизимларини ва қўриқлашнинг муҳандислик-техник воситаларини жорий этиш	2007 — 2011	8682,0 / -	Ўз маблағлари ҳисобидан	Объектларни фавқулодда вазиятлардан ҳимоя қилиш даражасини ошириш
		5.2. Техник жиҳозларни босқичма-босқич алмаштириш ва модернизация қилишнинг комплекс дастурини ишлаб чиқиш	2007 — 2011			Объектлар ишининг ишончлилигини ошириш ва уларни техник қайта жиҳозлаш
		5.3. Станциялар ва ер усти объектларига чиқиш имкониятига эга туннелларда икки томонлама мобил радиоалоқани лойиҳалаш ва жиҳозлаш	2007 — 2011			Фавқулодда вазиятлар хавфи юзага келганда ёки содир бўлганда тезкор бошқарувни таъминлаш.
8.	Фавқулодда вазиятлар вазирлиги қутқарувчиларини тайёрлаш ва уларнинг малакасини ошириш маркази ўқув объектларини замонавий авария-қутқарув техникаси, асбоб-ускуналари, анжомлари билан жиҳозлаш ва қуриш дастури	ФВВ: 1. Қутқарувчиларни тайёрлаш ва уларнинг малакасини ошириш марказини:	2007 — 2011	4980,5 / -	ФВВга ажратиладиган бюджет маблағлари ва жалб этилган бюджетдан ташқари маблағлар доирасида	Қутқарувчиларнинг техник жиҳозланишини ошириш
		1.1. Замонавий авария-қутқарув техникаси билан	2007 — 2011			Фавқулодда вазиятлар ҳудудида авария-қутқарув ишларини амалга оширишда қутқарувчиларнинг самарали ҳаракатлари
		1.2. Замонавий асбоб-ускуна ва анжомлар билан	2007 — 2011
		2. Қутқарувчиларни тайёрлаш ва уларнинг малакасини ошириш марказининг ўқув объектларини қуриш	2007 — 2011			Қутқарувчиларни тайёрлаш ва уларнинг малакасини ошириш учун ўқув-машқ базасини яратиш
V. Аҳолини, раҳбар таркибини фавқулодда вазиятларда ҳаракат қилишга ўқитиш бўйича
11.	Аҳолининг барча қатламларини ўқитиш бўйича мақсадли дастур	1. Халқ таълими вазирлиги: 1.1. Мактабгача таълим муассасалари ва умумтаълим мактаблари ўқувчилари учун «Ҳаёт фаолияти ва хавфсизлик асослари» ўқув дастурини яратиш ва жорий этиш	2007 — 2011 2007 — 2008	2341,0 /-	Халқ таълими вазирлигининг ажратиладиган бюджет маблағлари ва жалб этилган бюджетдан ташқари маблағлари доирасида	Эҳтимолий фавқулодда вазиятларда ҳаракат қилишни ўргатиш мақсадида интегратсиялашган дарслик яратиш
		1.2. Замонавий ахборот-коммуникация технологияларидан фойдаланган ҳолда методик қўлланмалар яратиш	2007 — 2011			Ўқувчиларни ўқитиш учун кўргазмали қўлланмалар (фильмлар) яратиш
		1.3. Ўқувчи ва тарбияланувчиларнинг зарур билим ва кўникмалар доирасини кенгайтириш, ҳаётий хавфли вазиятларда мустақил ҳаракат қилиш қобилиятини ривожлантириш	2007 — 2011			«Ҳаёт фаолияти ва хавфсизлик асослари» дастури бўйича танловлар, олимпиадалар ташкил этиш ва ўтказиш
		1.4. Ота-оналар билимини ошириш ҳамда таълим муассасалари раҳбарлари ва педагогларининг малакасини ошириш	2007 — 2011			Малака ошириш ва ўқитиш сифатини ошириш
		2. Олий ва ўрта махсус таълим вазирлиги: 2.1. Талабалар, коллежлар ва лицейлар учун «Ҳаёт фаолияти хавфсизлиги» ўқув дастурини яратиш ва жорий этиш	2007 — 2009	155,0 / -	Олий таълим вазирлигининг ажратиладиган бюджет маблағлари ва жалб этилган бюджетдан ташқари маблағлари доирасида	Олий ўқув юртлари, коллежлар ва лицейлар талабалари учун «Ҳаёт фаолияти хавфсизлиги» дарслигини тайёрлаш
		2.2. Коллежлар ва лицейлар раҳбарлари ҳамда ўқитувчиларини тайёрлаш ва уларнинг малакасини оширишнинг мақсадли тизими	2007 — 2011	155,0 / -		Малака ошириш ва ўқитиш сифатини ошириш
		3. Соғлиқни сақлаш вазирлиги: 3.1. Олий таълим муассасалари талабалари учун «Фуқаро муҳофазаси тиббий хизмати» курси бўйича дарслик яратиш	2007 — 2008	512,0 / -	Соғлиқни сақлаш вазирлигининг ажратиладиган бюджет маблағлари ва жалб этилган бюджетдан ташқари маблағлари доирасида	Олий таълим муассасалари талабалари учун «Фуқаро муҳофазаси тиббий хизмати» дарслигини тайёрлаш
		3.2. Ўқув ва кўргазмали қўлланмалар тайёрлаш, махсус синфларни расмийлаштириш	2007 — 2011			Фуқаро муҳофазаси соҳасида ўқитиш ва билимларни ўзлаштириш сифатини ошириш
		3.3. Тиббиёт коллежлари ўқувчилари учун «Фавқулодда вазиятлар тиббиёти» дарслигини яратиш	2007 — 2008			Тиббиёт коллежлари ўқувчилари учун «Фавқулодда вазиятлар тиббиёти» дарслигини тайёрлаш
		3.4. Тиббиёт олий ўқув юртлари ва коллежлари ўқитувчиларининг малакасини ошириш	2007 — 2011			Ўқувчи ва талабаларни ўқитиш сифатини ошириш
		4. ФВВ: 4.1. Вазирликлар, идоралар ва ташкилотлар (шу жумладан ҳокимликлар) раҳбарларини ўқитиш	2007 — 2011		ФВВга ажратиладиган бюджет маблағлари ва жалб этилган бюджетдан ташқари маблағлар доирасида	Фуқаро муҳофазаси масалалари бўйича махсус тайёргарлик, фуқаро муҳофазаси соҳасида қарорлар қабул қилиш
		4.2. Маҳалла қўмиталари раҳбарлари ва фаолларини ўқитиш ва қайта тайёрлаш	2007 — 2011			Маҳалла қўмиталари раҳбарлари ва фаолларининг фавқулодда вазиятларда ўзини ўзи ҳимоя қилиш ва ҳаракат қилиш бўйича билимларини тарғиб қилиш ва ўргатиш
		4.3. Ишлаб чиқариш ва хизмат кўрсатиш соҳаларида банд бўлмаган аҳолини тайёрлаш ва ўқитиш	2007 — 2011			Аҳолини фавқулодда вазиятларда ўзини ўзи ҳимоя қилиш ва ҳаракат қилишга ўргатиш

Жами:

1463461,8/

3335316,1

Вазирликлар ва идораларнинг ажратиладиган бюджет маблағлари ва жалб этилган бюджетдан ташқари маблағлари доирасида

шу жумладан:
224287,8 / 515,2
1239174,0 / 3334800,9

Вазирликлар ва идораларнинг ўз маблағлари