8-сон 01.07.2026. Тупроқнинг санитария-гигиеник ҳолатини баҳолаш ҳамда тупроқдаги экзоген зарарли моддаларнинг рухсат этилган максимал ва тахминий концентрацияларига доир санитария қоидалари, нормалари ва гигиена нормативларини (0112-26-сон СанҚваН) тасдиқлаш тўғрисида

Ҳужжат ҳали кучга кирган эмас

Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг

Қарори

Тупроқнинг санитария-гигиеник ҳолатини баҳолаш ҳамда тупроқдаги экзоген зарарли моддаларнинг рухсат этилган максимал ва тахминий концентрацияларига доир санитария қоидалари, нормалари ва гигиена нормативларини (0112-26-сон СанҚваН) тасдиқлаш тўғрисида

[Ўзбекистон Республикаси Адлия вазирлиги томонидан 2026 йил 21 июлда ҳисобга олинди, ҳисоб рақами 409]

Ўзбекистон Республикасининг «Аҳолининг санитария-эпидемиологик осойишталиги тўғрисида»ги Қонуни ва Ўзбекистон Республикаси Президентининг 2020 йил 25 июлдаги ПФ-6035-сон «Коронавирус пандемиясини юмшатиш, аҳолининг санитария-эпидемиологик осойишталиги ва саломатлигини сақлаш тизимини тубдан такомиллаштириш чора-тадбирлари тўғрисида»ги Фармонига мувофиқ Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси қарор қилади:

1. Тупроқнинг санитария-гигиеник ҳолатини баҳолаш ҳамда тупроқдаги экзоген зарарли моддаларнинг рухсат этилган максимал ва тахминий концентрацияларига доир санитария қоидалари, нормалари ва гигиена нормативлари (0112-26-сон СанҚваН) 1-иловага мувофиқ тасдиқлансин.

2. Айрим санитария қоидалари, нормалари ва гигиена нормативлари 2-иловага мувофиқ ўз кучини йўқотган деб топилсин.

3. Мазкур қарор Ўзбекистон Республикаси Қишлоқ хўжалиги вазирлиги, Сув хўжалиги вазирлиги, Мактабгача ва мактаб таълими вазирлиги ҳамда Экология ва иқлим ўзгариши миллий қўмитаси билан келишилган.

4. Мазкур қарор расмий эълон қилинган кундан эътиборан уч ой ўтгач кучга киради.

Раис Б. ЮСУПАЛИЕВ

Тошкент ш.,

2026 йил 1 июль,

8-сон

Келишилди:

Қишлоқ хўжалиги вазири И. АБДУРАХМОНОВ

2026 йил 30 июнь

Экология ва иқлим ўзгариши миллий қўмитаси раиси ўринбосари И. ҚУТБИДДИНОВ

2026 йил 25 июнь

Мактабгача ва мактаб таълими вазири Э. КАРИМОВА

2026 йил 19 май

Сув хўжалиги вазири Ш. ХАМРАЕВ

2026 йил 16 май

Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг 2026 йил 1 июлдаги 8-сон қарорига
1-ИЛОВА

(0112-26-сон СанҚваН)

Мазкур санитария қоидалари, нормалари ва гигиена нормативлари (бундан буён матнда санитария қоидалари деб юритилади) тупроқнинг санитария-гигиеник ҳолатини баҳолаш, шунингдек тупроқдаги экзоген зарарли моддаларнинг рухсат этилган максимал ва тахминий концентрацияларини белгилашга доир санитария-гигиена талабларини белгилайди.

1-боб. Умумий қоидалар

1. Мазкур санитария қоидаларида қуйидаги тушунчалардан фойдаланилади:

тупроқ — ер юзасининг табиий ёки антропоген омиллар таъсири натижасида шаклланадиган, ўсимликларнинг яшаши учун зарур унумдорлик хусусиятларига эга бир нечта қатламдан иборат бўлган устки қисми;

тупроқнинг ифлосланиши — тупроқнинг сифатини ёмонлаштирадиган ҳамда атроф-муҳитга салбий таъсир кўрсатадиган зарарли кимёвий ва радиоактив моддаларнинг, нефтнинг, нефт маҳсулотларининг ҳамда микроорганизмларнинг тупроққа тушиши ва тўпланиши;

тупроқдаги экзоген зарарли моддалар — табиий фон миқдоридан ортиқ миқдорда ёки тупроқ учун хос бўлмаган ҳолда саноат, қишлоқ хўжалиги, транспорт, маиший ва бошқа антропоген манбалардан тупроққа тушадиган ҳамда инсон саломатлигига, ўсимлик ва ҳайвонот дунёсига ёки атроф-муҳитга зарарли таъсир кўрсатиши мумкин бўлган кимёвий моддалар.

2-боб. Тупроқнинг санитария-гигиеник ҳолатини баҳолашга қўйиладиган талаблар

1-§. Аҳоли пунктлари ҳудудлари тупроғининг ифлосланиш даражасини баҳолашга қўйиладиган санитария-гигиена талаблари

2. Аҳоли пунктлари ҳудудлари тупроғининг ифлосланиш билан боғлиқ хавфини баҳолашда қуйидагилар инобатга олинади:

ифлосланган аҳоли пунктлари ҳудудлари тупроғида юқумли ва паразитар касалликлар қўзғатувчиларининг мавжудлиги ҳамда уларнинг аҳоли саломатлигига хавф туғдириш эҳтимоли;

аҳоли пунктлари ҳудудлари тупроғидаги зарарли моддаларнинг улар билан бевосита алоқа қилиш, тупроқ заррачаларининг оғиз орқали ёки тупроқ чангининг нафас олиш йўллари орқали инсон организмига тушиш эҳтимоли;

ифлосланган аҳоли пунктлари ҳудудлари тупроғидан чанг, буғ ва газлар ажралиши натижасида атмосфера ҳавосининг ерга яқин қатламлари иккиламчи ифлосланиши эҳтимоли;

ифлослантирувчи моддаларнинг атмосфера ҳавосидан аҳоли пунктлари ҳудудлари тупроғининг юзасига тушиши ва тупроқда тўпланиш даражаси.

3. Аҳоли пунктлари ҳудудлари тупроғининг санитария-гигиеник ҳолатини баҳолашда унинг кимёвий ифлосланиш даражаси ва эпидемик хавф кўрсаткичлари ҳисобга олинади.

4. Аҳоли пунктлари ҳудудлари тупроғининг кимёвий ифлосланиши асосида тупроқ микробиоценози, биологик фаоллиги ва патоген организмларнинг яшовчанлигига таъсири баҳоланиши лозим.

5. Аҳоли пунктлари ҳудудлари тупроғининг санитария-эпидемиологик ҳолати ва эпидемик хавф даражаси патоген ҳамда санитария-кўрсаткич микроорганизмлар, шу жумладан патоген энтеробактериялар ва энтеровируслар, шунингдек геогельминт тухумлари ва личинкаларининг мавжудлиги, миқдори ҳамда яшовчанлиги бўйича баҳоланади.

6. Аҳоли пунктлари ҳудудлари тупроғининг санитария-гигиеник ҳолатини баҳолаш мазкур санитария қоидаларининг 1-иловасига мувофиқ амалга оширилади.

7. Ердан фойдаланиш турига кўра тупроқнинг санитария-гигиеник кўрсаткичларини қўллаш мазкур санитария қоидаларининг 2-иловасига мувофиқ амалга оширилади.

8. Аҳоли пунктлари ҳудудлари тупроғининг микробиологик, вирусологик ва паразитологик ифлосланиш кўрсаткичлари ҳамда уларни баҳолаш мазкур санитария қоидаларининг 3-иловасига мувофиқ амалга оширилади.

9. Аҳоли пунктлари ҳудудлари тупроғи ифлосланишининг инсон саломатлигига таъсирини баҳолашда болаларнинг тупроқ билан бевосита алоқаси, ифлосланган қўл ва буюмларни оғизга олиб бориши, тупроқ заррачаларини тасодифан ютиши, геофагия ҳолатлари ҳамда тупроқ чангини нафас орқали қабул қилиши эҳтимоли инобатга олинади.

10. Аҳоли пунктлари ҳудудлари, шу жумладан болалар ўйин майдончаларининг тупроғи қўрғошин ва бошқа зарарли моддалар билан ифлосланишига йўл қўйилмайди.

11. Атмосфера ҳавосининг иккиламчи ифлосланиш хавфини баҳолашда аҳоли пунктлари ҳудудлари тупроғидаги оғир металлар ва бошқа зарарли моддаларнинг миқдори, уларнинг физик-кимёвий, чанг ҳосил қилиш хусусиятлари, тупроқ юзасининг ҳолати ҳисобга олинади.

12. Аҳоли пунктлари ҳудудларининг тупроғидаги қўрғошин миқдори 250 мг/кг ва ундан юқори бўлганда, мис миқдори эса 1500 мг/кг ва ундан юқори бўлганда атмосфера ҳавосида уларнинг рухсат этилган концентрациясидан ошиб кетишига йўл қўйилмаслиги лозим.

13. Аҳоли пунктлари ҳудудларининг тупроғида учрайдиган зарарли кимёвий моддаларнинг хавфлилик даражаси ва таснифи мазкур санитария қоидаларининг 4-иловасига мувофиқ аниқланади.

14. Аҳоли пунктлари ҳудудлари тупроғининг зарарли кимёвий моддалар билан ифлосланиш хавфи ушбу моддаларнинг ер усти ва ер ости сувларига, атмосфера ҳавосига, озиқ-овқат маҳсулотларига, инсон саломатлигига ҳамда тупроқнинг биологик фаоллигига таъсирини ҳисобга олган ҳолда баҳоланади.

2-§. Қишлоқ хўжалигига мўлжалланган ерлар тупроғининг санитария-гигиеник ҳолатини баҳолашга қўйиладиган талаблар

15. Қишлоқ хўжалигига мўлжалланган ерлар тупроғининг кимёвий моддалар билан ифлосланиш хавфи ушбу моддаларнинг рухсат этилган максимал ва тахминий концентрациялари қийматлари, шунингдек тупроқдан ўсимликка ўтиш (транслокацион) хусусиятларини ҳисобга олган ҳолда баҳоланади.

16. Қишлоқ хўжалигига мўлжалланган ерлар тупроғидаги зарарли моддаларнинг қишлоқ хўжалиги экинларига ва улардан олинадиган озиқ-овқат маҳсулотларига ўтишига йўл қўйилмайди.

17. Қишлоқ хўжалигига мўлжалланган ерлар тупроғининг кимёвий ифлосланиш даражасини баҳолаш ва ундан фойдаланиш ушбу санитария қоидаларининг 5-иловасига мувофиқ амалга оширилади.

18. Қишлоқ хўжалигига мўлжалланган ерлар тупроғининг кимёвий ифлосланиш даражаси ундаги зарарли моддаларнинг ҳақиқий миқдорини уларнинг рухсат этилган максимал ёки тахминий концентрациялари билан солиштириш асосида аниқланади.

19. Қишлоқ хўжалигига мўлжалланган ерлар тупроғи ифлосланишининг салбий таъсирини камайтириш мақсадида агротехник, мелиоратив ва санитария-гигиеник чора-тадбирлар амалга оширилади.

20. Қишлоқ хўжалигига мўлжалланган ерлар тупроғининг санитария-гигиеник ҳолати ва ифлосланиш даражаси лаборатория текширувлари, дала кузатувлари ҳамда гигиеник тадқиқотлар натижалари асосида комплекс баҳоланади.

21. Қишлоқ хўжалигига мўлжалланган ерлар тупроғининг ифлосланиш даражасини баҳолашда ундан фойдаланиш тури, етиштириладиган экинлар, суғориш шароити, ифлосланиш манбаи ҳамда зарарли моддаларнинг инсон саломатлигига таъсир қилиш эҳтимоли ҳисобга олинади.

22. Қишлоқ хўжалигига мўлжалланган ерлар тупроғининг санитария-гигиеник ҳолатини баҳолашда қуйидагилар инобатга олинади:

ифлослантирувчи кимёвий моддалар ва бирикмаларнинг тури ҳамда тупроқдаги миқдори;

токсикологик ва физик-кимёвий хусусиятлари;

гранулометрик таркиби, кислоталилик даражаси, органик моддалар миқдори ва зарарли моддаларнинг ҳаракатчанлиги ҳамда биоўзлаштирилувчанлигига таъсири;

ифлослантирувчи моддаларнинг тупроқ қатламлари, ер усти ва ер ости сувлари, атмосфера ҳавоси, ўсимликлар ҳамда озиқ-овқат занжирига ўтиш хусусиятлари.

3-§. Саноат чиқиндилари таркибидаги зарарли кимёвий моддаларнинг тупроқдаги хавфлилик даражасини баҳолашга қўйиладиган санитария-гигиена талаблари

23. Саноат чиқиндилари таркибидаги зарарли кимёвий моддаларнинг тупроқ ва инсон саломатлиги учун хавфлилик даражасини баҳолашда уларнинг хавфлилик синфи ҳисобга олинади.

24. Саноат чиқиндилари таркибидаги зарарли кимёвий моддалар тупроқдаги хавфлилик даражасига кўра қуйидаги синфларга ажратилади:

1-синф — ўта хавфли зарарли кимёвий моддалар;

2-синф — юқори хавфли зарарли кимёвий моддалар;

3-синф — ўртача хавфли зарарли кимёвий моддалар;

4-синф — кам хавфли зарарли кимёвий моддалар.

25. Саноат чиқиндилари таркибидаги зарарли кимёвий моддаларнинг тупроқдаги хавфлилик синфи тўғрисидаги маълумотлар мавжуд бўлмаганда, уларнинг хавфлилик даражаси хавфлилик индекси асосида аниқланади.

26. Саноат чиқиндилари таркибидаги зарарли кимёвий моддаларнинг тупроқдаги хавфлилик индекси уларнинг тупроқдаги рухсат этилган максимал концентрацияси, ЛД₅₀ кўрсаткичи ёки ишчи ҳудуд ҳавосидаги хавфлилик синфи асосида ҳисобланади.

27. Саноат чиқиндилари таркибидаги зарарли кимёвий моддаларнинг тупроқдаги рухсат этилган максимал концентрацияси белгиланган бўлса, уларнинг хавфлилик индекси қуйидаги формула асосида ҳисобланади:

бу ерда:

РЕМК_и — тупроқдаги зарарли кимёвий модданинг РЕМК (мг/кг);

С_и — тупроқдаги зарарли кимёвий модданинг сувда эрувчанлигини акс эттирувчи коэффициент (мг/л);

и — саноат чиқиндиси таркибидаги зарарли кимёвий модданинг тартиб рақами.

28. Саноат чиқиндисининг умумий хавфлилик кўрсаткичи унинг таркибидаги зарарли кимёвий моддаларнинг индивидуал хавфлилик коэффициентлари асосида аниқланади.

29. Саноат чиқиндиси таркибидаги зарарли кимёвий моддаларнинг тупроқ учун умумий заҳарлилик индекси (КΣ) қуйидаги формула асосида аниқланади:

бу ерда, н — танлаб олинган етакчи моддалар сони.

30. Саноат чиқиндиси таркибидаги зарарли кимёвий моддаларнинг тупроқдаги рухсат этилган максимал концентрацияси бўйича хавфлилик синфи мазкур санитария қоидаларининг 6-иловасига мувофиқ аниқланади.

31. Саноат чиқиндиси таркибидаги зарарли кимёвий модданинг тупроқдаги рухсат этилган максимал концентрацияси белгиланмаган бўлса, унинг хавфлилик синфи LD50 кўрсаткичи асосида қуйидаги формула бўйича аниқланади:

бу ерда:

С_{и —}тупроқдаги зарарли кимёвий модданинг сувда эрувчанлик коэффициенти (мг/л);

Ф — тупроқдаги зарарли кимёвий модданинг учувчанлик коэффициенти (ўлчовсиз, 0 — 1 оралиғидаги коэффициент);

и — тупроқдаги зарарли кимёвий модданинг тартиб рақами.

32. Хавфлилик синфи ЛД₅₀ кўрсаткичи асосида аниқланганда, саноат чиқиндиси таркибида аниқланган ҳар бир зарарли кимёвий модда учун индивидуал хавфлилик коэффициенти ҳисобланади.

33. Ишчи ҳудуд ҳавосидаги хавфлилик кўрсаткичлари мавжуд бўлмаганда, унинг хавфлилик коэффициенти ЛД₅₀ кўрсаткичи асосида аниқланади.

Зарарли кимёвий модданинг тупроқдаги хавфлилик синфи мазкур санитария қоидаларининг 7-иловаси асосида аниқланади.

34. Саноат чиқиндиси таркибида зарарли кимёвий моддалар комбинацияси мавжуд бўлганда уларнинг умумий хавфлилик даражаси мазкур санитария қоидаларининг 8-иловасига мувофиқ аниқланадиган хавфлилик синфи асосида баҳоланади.

35. Саноат чиқиндиси таркибида зарарли кимёвий моддалар комбинацияси мавжуд бўлганда хавфлилик индексини ҳисоблашда қуйидагилар инобатга олинади:

зарарли кимёвий модданинг атом массаси;

зарарли кимёвий модданинг молекуляр массаси;

зарарли кимёвий модданинг сувда эрувчанлиги;

зарарли кимёвий модданинг тупроқдаги рухсат этилган максимал концентрацияси.

Бунда саноат чиқиндиси таркибидаги зарарли кимёвий модданинг тупроқдаги хавфлилик индекси қуйидаги формула асосида ҳисобланади:

бу ерда:

А — тупроқдаги зарарли кимёвий моддаларнинг атом оғирлиги;

М — тупроқдаги зарарли кимёвий моддаларнинг молекуляр массаси;

С — кимёвий бирикманинг сувда эрувчанлиги (мг/л);

а — ҳисобланаётган кимёвий модданинг олти хил озиқ-овқат маҳсулотидаги (гўшт, балиқ, сут, нон, сабзавотлар, мевалар) РЕМК қийматларининг ўртача арифметик қиймати;

РЕМК — тупроқдаги зарарли кимёвий модданинг рухсат этилган максимал концентрацияси.

36. Саноат чиқиндиси таркибидаги зарарли кимёвий моддаларнинг ишчи ҳудуд ҳавосидаги хавфлилик синфи ҳамда ЛД₅₀ кўрсаткичи бўйича таснифи мазкур санитария қоидаларининг 9-иловасига мувофиқ аниқланади.

4-§. Тупроқнинг паразитологик ҳолатини баҳолашга қўйиладиган санитария-гигиена талаблари

37. Тупроқнинг экстенсив паразитологик ифлосланиш кўрсаткичи паразитар касалликлар қўзғатувчилари намуналари сонининг текширилган намуналар умумий сонига нисбатини фоизларда ифодалаш орқали қуйидаги формула бўйича аниқланади:

бу ерда:

А — тупроқнинг экстенсив ифлосланиш кўрсаткичи (%);

Б — тупроқда паразитар касаллик қўзғатувчилари аниқланган намуналар сони;

С — тупроқда текширилган намуналарнинг умумий сони.

38. Тупроқнинг интенсив ифлосланиш кўрсаткичи 100 г ёки 1 кг тупроқда аниқланган паразитар касалликлар қўзғатувчиларининг тухумлари, личинкалари, цисталари ва ооцисталари сони асосида аниқланади.

39. Ҳудуд тоифалари бўйича тупроқнинг микробиологик, паразитологик ва энтомологик ифлосланиши мазкур санитария қоидаларининг 10-иловасига мувофиқ баҳоланади.

5-§. Тупроқнинг энтомологик ҳолатини баҳолашга қўйиладиган санитария-гигиена талаблари

40. Тупроқнинг энтомологик ҳолатини баҳолашда синантроп пашшалар личинкалари ва ғумбакларининг ривожланиши ҳамда кўпайиши учун қулай шароит яратадиган чириётган органик моддалар ва маиший чиқиндиларнинг тўпланишига йўл қўйилмаслиги лозим.

41. Тупроқнинг энтомологик ҳолати 20х20 см майдонда синантроп пашшаларнинг преимагинал шакллари, личинкалари ва ғумбакларининг мавжудлиги ёки мавжуд эмаслиги бўйича баҳоланиши керак.

42. Аҳоли пунктлари ҳудудлари, шу жумладан болалар ўйин майдончалари тупроғида синантроп пашшаларнинг личинкалари ёки ғумбаклари аниқланганда, тупроқнинг санитария-энтомологик ҳолати қониқарсиз деб баҳоланади.

43. Тупроқдаги суюқ ва хавфли маиший чиқиндиларни тўплаш, сақлаш, ташиш ҳамда улар билан боғлиқ бошқа ишларни амалга оширишда Ўзбекистон Республикаси Вазирлар Маҳкамасининг 2018 йил 2 октябрдаги 787-сон қарори билан тасдиқланган Санитария жиҳатидан тозалаш инфратузилмаси объектларини жойлаштириш ва улардан фойдаланиш ҳамда маиший чиқиндилар билан боғлиқ ишларни амалга ошириш қоидаларининг талабларига риоя этилиши керак.

6-§. Тупроқнинг биологик фаоллигини баҳолашга қўйиладиган санитария-гигиена талаблари

44. Тупроқнинг биологик фаоллигини баҳолашда микроорганизмларнинг умумий сони ва асосий гуруҳлари, микробиологик биомасса, тупроқ респирацияси, азот ва углерод бирикмаларининг трансформация жараёнлари, ферментлар фаоллиги, оксидланиш-қайтарилиш потенциали ҳамда тупроқнинг кислоталилик даражаси ҳисобга олинади.

45. Тупроқнинг биологик фаоллигини дастлабки баҳолашда тупроқ респирацияси, микробиологик биомасса, ферментлар фаоллиги, аммонификация ва нитрификация жараёнларини тавсифловчи интеграл кўрсаткичлардан фойдаланилади.

46. Тупроқнинг биологик фаоллигини даврий баҳолаш бир хил намуна олиш шароитлари ва лаборатория усулларидан фойдаланган ҳолда дастлабки, фон ёки назорат кўрсаткичлари билан солиштириш асосида амалга оширилади.

47. Тупроқнинг микробиологик кўрсаткичлари фон ёки назорат кўрсаткичларига нисбатан 50 фоиздан, биокимёвий кўрсаткичлари эса 25 фоиздан ортиқ ўзгармаганда тупроқ биологик фаоллик кўрсаткичлари бўйича ифлосланмаган деб баҳоланади.

3-боб. Тупроқдан намуна олиш ва уни текширишга қўйиладиган санитария-гигиена талаблари

48. Тупроқдан намуна олиш ҳудуди ифлосланиш манбасининг жойлашуви ва хусусиятлари, ҳудуддаги шамол йўналиши, рельеф, ифлослантирувчи моддаларнинг тарқалиш хусусияти ҳамда тахминий таъсир зонасини ҳисобга олган ҳолда белгиланади.

49. Намуна олиш нуқталари шамол йўналиши бўйлаб ифлосланиш манбасидан турли масофаларда (одатда 100 м дан 5000 м гача) бўлган оралиқда жойлаштирилади.

Бунда тўлиқ масофалар занжири (одатда 100 — 5000 м) фақат йирик саноат ифлосланиш манбалари учун қўлланилади. Кичик, маҳаллий ёки кам қувватли ифлосланиш манбалари учун намуна олиш масофалари манбанинг қуввати, ифлослантирувчи моддаларнинг тарқалиш хусусияти ва тахминий таъсир радиусини ҳисобга олган ҳолда қисқартирилишига йўл қўйилади.

50. Тупроқдан намуна олиш майдончалари ифлосланиш манбасидан турли масофаларда, шунингдек нисбатан ифлосланмаган ҳудудларда назорат нуқталари сифатида жойлаштирилиши лозим.

51. Магистрал автомобиль йўлларининг тупроқ ҳолатига таъсирини баҳолаш мақсадида тупроқ намуналари асфальт қопламаси четидан 0 — 10 м, 10 — 50 м ва 50 — 100 м масофаларда жойлаштирилган намуна олиш нуқталаридан олинади.

Намуна олиш нуқталари йўл бўйлаб 200 — 500 м узунликдаги трансект доирасида жойлаштирилади. Бунда ҳудуднинг рельефи, шамол йўналиши, ер усти ва ер ости сувлари оқимининг йўналиши, ўсимлик қоплами ҳамда ердан фойдаланиш хусусиятлари ҳисобга олинади.

52. Тупроқ текшириладиган ҳудудларда ҳар 15 гектаргача бўлган майдон учун камида битта намуна олиш участкаси ташкил этилади. Намуна олиш участкаси ҳудуднинг рельефи, тупроқ қоплами, ердан фойдаланиш тури ҳамда ифлосланиш манбаларининг жойлашувини ҳисобга олган ҳолда танланади.

Ҳар бир намуна олиш участкасида 5х5 м ўлчамдаги майдон доирасидан «конверт» ёки диагонал усулда намуна олинади.

53. Ҳар бир намуна олиш участкасидан тенг ҳажмда олинган 5 — 10 та нуқтавий намуна бирлаштирилиб, битта аралаш (композит) тупроқ намунаси ҳосил қилинади.

Ҳудуддаги ифлосланишнинг нотекис тақсимланганлиги аниқланганда ёки ўрганиш ўтказилганда нуқтавий намуналар сони 20 тагача оширилишига йўл қўйилади.

54. Тупроқ намуналарини олиш чуқурлиги тадқиқот мақсади ва ердан фойдаланиш турига кўра белгиланади.

55. Аҳоли пунктлари ҳудудларида ва болалар ўйин майдончаларида юзаки таъсирни баҳолаш учун намуналар 0 — 10 см чуқурликдаги қатламдан олинади, қишлоқ хўжалигига мўлжалланган ерларда эса намуналар ҳайдалма қатлам чуқурлигида (0 — 25 см) олинади.

56. Микробиологик ва паразитологик текширувлар учун тупроқ намуналари стерил идишларга олиниши лозим.

57. Тупроқнинг учувчан моддалар билан ифлосланишини аниқлаш учун олинган намуналар герметик ёпиладиган махсус идишларга жойлаштирилиши керак.

58. Оғир металлар, гранулометрик таркиб, пҲ, гумус, макро ва микроэлементлар миқдорини аниқлаш ҳамда радиологик текширувлар ўтказиш учун олинган тупроқ намуналари тоза полиэтилен пакетларга жойлаштирилиши, тамғаланиши, рўйхатга олиниши ва рақамланиши лозим.

59. Намуналарни сақлаш муддати, ҳарорати ва консервация қилиш тартиби бажариладиган физик-кимёвий, микробиологик, токсикологик ҳамда бошқа лаборатория текширувларининг хусусиятларига мувофиқ белгиланади.

Намуналарни сақлаш ва ташиш жараёнида уларнинг таркиби, хоссалари ҳамда аниқланадиган кўрсаткичлари ўзгаришига йўл қўйилмайди.

60. Ҳар бир таҳлил қилинадиган тупроқ намунасидан захира намуна ажратилиши, бунда захира намунанинг миқдори, сақлаш шароити ва муддати таҳлил тури ҳамда синов усули талабларига мувофиқ белгиланиши керак.

61. Тупроқни текшириш биринчи навбатда, мактабгача ва умумий ўрта таълим ташкилотлари, тиббиёт ташкилотлари, турар жой ва рекреация ҳудудлари, ичимлик суви таъминоти манбалари ҳамда уларнинг санитария муҳофазаси зоналарида, шунингдек қишлоқ хўжалигига мўлжалланган ерларда ўтказилиши лозим.

Тупроқни текшириш йилига икки марта баҳор ва куз фаслларида ўтказилади.

62. Тупроқнинг санитария-бактериологик ҳолати патоген ва санитария-кўрсаткич микроорганизмларнинг мавжудлиги ҳамда миқдори бўйича баҳоланади.

Бунда ушбу баҳолаш аниқланадиган микроорганизмларнинг тури ҳамда қўлланиладиган синов усулларига мувофиқ белгиланади.

63. Тупроқдаги колифаглар миқдори вирусли фекал ифлосланиш индикатори сифатида баҳоланади.

Тупроқнинг энтеровируслар билан ифлосланганлиги уларни бевосита аниқлаш усуллари натижалари асосида баҳоланади.

4-боб. Тупроқдаги экзоген зарарли моддаларнинг рухсат этилган максимал ва тахминий рухсат этилган концентрацияларига қўйиладиган санитария-гигиена талаблари

64. Тупроқдаги экзоген кимёвий моддаларнинг рухсат этилган максимал концентрациялари (РЕМК) ва тахминий концентрациялари (ТРЕК) мазкур санитария қоидаларининг 11-иловасига мувофиқ белгиланади.

65. Пестицидларнинг тупроқдаги тахминий рухсат этилган концентрациялари (ТРЕК) мазкур санитария қоидаларининг 12-иловасига мувофиқ белгиланади.

Аҳоли пунктлари ҳудудлари тупроғининг санитария-гигиеник ҳолатини баҳолаш кўрсаткичлари

Т/р	Кўрсаткич номи	Ўлчов бирликлари
Санитария-кимёвий кўрсаткичлар:
1.	Оқсил азотининг умумий органик азотга нисбати (санитария рақами)	нисбий бирлик
2.	Аммоний азоти	мг/кг тупроқ
3.	Нитрат азоти	мг/кг тупроқ
4.	Хлоридлар	мг/кг тупроқ
5.	пҲ	-
6.	Пестицидлар (қолдиқ миқдорлари)*	мг/кг тупроқ
7.	Оғир металлар**	мг/кг тупроқ
8.	Нефт углеводородлари	мг/кг тупроқ
9.	Учувчан феноллар	мг/кг тупроқ
10.	Олтингугуртли бирикмалар**	мг/кг тупроқ
11.	Канцероген моддалар**	мг/кг
12.	Радионуклидларнинг солиштирма фаоллиги**	Бк/кг тупроқ
13.	Макрокимёвий ўғитлар*	мг/кг тупроқ
14.	Микрокимёвий ўғитлар*	мг/кг тупроқ
Санитария-бактериологик кўрсаткичлар:
15.	Термофил бактериялар	индекс
16.	Ичак таёқчаси гуруҳи бактериялари	титр, г
17.	Клостридиум перфрингенс	титр, г
18.	Патоген микроорганизмлар (шу жумладан салмонелла)	аниқланмаслиги керак (г намунада)
Санитария-гельминтологик кўрсаткичлар:
19.	Гельминт тухумлари ва личинкалари (ҳаётий қобилиятли)	дона/кг тупроқ
Санитария-энтомологик кўрсаткичлар:
20.	Синантроп пашшаларнинг личинка ва ғумбаклари (ҳаётий қобилиятли)	дона/кг тупроқ

Изоҳлар:

* кўрсаткичлар рўйхати муайян ҳудудда қўлланиладиган қишлоқ хўжалигини кимёлаштириш воситаларининг кимёвий таркибидан келиб чиқиб белгиланади;

** кўрсаткичлар рўйхати саноат корхоналари чиқиндиларининг таркиби ва хусусиятидан келиб чиқиб белгиланади.

Ердан фойдаланиш турига кўра санитария-гигиеник кўрсаткичларнинг қўлланилиши

Кўрсаткичлар номи	Ердан фойдаланиш турларига кўра кўрсаткичларнинг қўлланилиши
Кўрсаткичлар номи	Аҳоли пунктлари ерлари	Табиатни муҳофаза қилиш, соғломлаштириш ва рекреация мақсадларига мўлжалланган ерлар	Саноат, транспорт, алоқа, мудофаа ва бошқа мақсадларга мўлжалланган ерлар	Қишлоқ хўжалигига мўлжалланган ерлар	Ўрмон фонди ерлари	Сув фонди ерлари	Захира ерлар
Санитария рақами	±	±	-	-	-	-	-
Аммонийли азот	+	+	±	±	±	+	±
Нитратли азот	+	+	±	±	±	+	±
Хлоридлар	±	±	±	±	±	±	±
пҲ	±	±	±	±	±	±	±
Пестицидлар	+	+	±	+	+	±	±
Оғир металлар	+	+	+	+	±	+	±
Нефт ва нефт маҳсулотлари	+	+	+	±	-	+	±
Учувчан феноллар	+	+	+	±	-	+	±
Олтингугуртли бирикмалар	+	+	+	±	±	+	±
Канцероген моддалар	+	+	+	+	±	+	±
Радиоактив моддалар	+	+	+	+	±	+	±
Макрокимёвий ўғитлар	±	-	-	+	-	-	-
Микрокимёвий ўғитлар	±	-	-	+	+	-	-
Термофил бактериялар	±	±	±	±	-	±	-
Ичак таёқчаси гуруҳи бактериялари	+	+	+	+	±	+	±
Слостридиум перфрингенс	+	+	±	+	-	+	±
Гельминт тухум ва личинкалари	+	+	±	+	±	+	±
Синантроп пашшаларнинг личинка ва ғумбаклари	+	+	-	±	-	-	-

Изоҳлар:

«+» — кўрсаткични аниқлаш мажбурий;

«-» — кўрсаткични аниқлаш талаб этилмайди;

«±» — кўрсаткични аниқлаш фақат ифлосланишнинг аниқ манбаи мавжуд бўлганда мажбурий.

Тупроқнинг микробиологик, вирусологик ва паразитологик ифлосланиш кўрсаткичлари ҳамда уларни баҳолаш

Объектлар	Тупроқнинг ифлосланганлик даражаси	Ифлосланиш кўрсаткичлари
Объектлар	Тупроқнинг ифлосланганлик даражаси	Ичак таёқчалари (коли-индекс)	Энтерококклар (энтеро-индекс)	Патогенентеро-бактериялар	Энтеровируслар	Гельминтлар
Юқори хавф зоналари	тоза	1 — 9	1 — 9	-	-	-
Юқори хавф зоналари	ифлосланган	10 ва ундан юқори	10 ва ундан юқори	+	+	+
Санитария-муҳофаза зоналари	тоза	1 — 99	1 — 99	-	-	-
Санитария-муҳофаза зоналари	ифлосланган	100 ва ундан юқори	100 ва ундан юқори	+	+	+

Аҳоли пунктлари ҳудудлари тупроғида учрайдиган зарарли кимёвий моддаларнинг хавфлилик даражаси ва таснифи

Модданинг хавфлилик даражаси	Таснифи
I	маргимуш, кадмий, симоб, қўрғошин, селен, рух, фтор, бенз(а)пирен
II	бор, кобальт, никел, молибден, мис, сурма, хром
III	барий, ванадий, вольфрам, марганес, стронсий, ацетофенон

Қишлоқ хўжалигига мўлжалланган ерлар тупроғининг кимёвий ифлосланиш даражасини баҳолаш ва ундан фойдаланиш таснифи

Т/р	Тупроқнинг ифлосланиш даражаси	Баҳолаш мезонлари	Тупроқдан фойдаланиш бўйича талаблар
1.	Рухсат этиладиган	тупроқдаги зарарли кимёвий моддалар миқдори фон кўрсаткичидан юқори, бироқ уларнинг рухсат этилган максимал ёки тахминий концентрацияларидан ошмайди	белгиланган агротехник ва санитария талабларига риоя этилган ҳолда қишлоқ хўжалиги экинларини етиштириш учун фойдаланишга йўл қўйилади
2.	Ўртача хавфли	тупроқдаги зарарли кимёвий моддалар миқдори зарарлиликнинг учта чекловчи кўрсаткичи бўйича рухсат этилган максимал концентрациядан (РЕМК) ошган, бироқ транслокация кўрсаткичи бўйича рухсат этилган даражадан ошмаган	қишлоқ хўжалиги экинлари сифатини назорат қилиш шарти билан барча турдаги қишлоқ хўжалиги экинларини етиштириш учун фойдаланишга рухсат этилади
3.	Юқори хавфли	зарарли кимёвий моддаларнинг ўсимликка ўтиши ёки қишлоқ хўжалиги маҳсулотларида ортиқ тўпланиши аниқланади	техник экинлар учун фойдаланиш мумкин, қишлоқ хўжалиги экинлари учун фойдаланиш тўпловчи ўсимликларни ҳисобга олган ҳолда чекланган
4.	Ўта хавфли	зарарли кимёвий моддалар миқдори тупроқда барча зарарлилик кўрсаткичлари бўйича рухсат этилган максимал концентрациядан (РЕМК) ошган	фақат техник экинлар учун фойдаланиш мумкин

Саноат чиқиндиси таркибидаги зарарли кимёвий моддаларнинг тупроқдаги рухсат этилган максимал концентрацияси бўйича хавфлилик синфини аниқлаш

Умумий хавфлилик индекси (КΣ)	Хавфлилик даражаси	Хавфлилик синфи
2,0 дан кам	ўта хавфли	I
2,0 дан 16,0 гача	юқори хавфли	II
16,0 дан ортиқ, 30,0 гача	ўртача хавфли	III
30,0 дан ортиқ	кам хавфли	IV

Зарарли кимёвий модданинг тупроқдаги хавфлилик синфини аниқлаш

Умумий хавфлилик индекси (К)	Хавфлилик даражаси	Хавфлилик синфи
1,3 дан кам	ўта хавфли	I
1,3 дан 3,4 гача	юқори хавфли	II
3,4 дан ортиқ, 10,0 гача	ўртача хавфли	III
10,0 дан ортиқ	кам хавфли	IV

Саноат чиқиндиси таркибида зарарли кимёвий моддалар комбинацияси мавжуд бўлганда умумий хавфлилик даражасини аниқлаш

Хавфлилик индекси қиймати	Хавфлилик даражаси	Хавфлилик синфи
4,0 дан ортиқ	ўта хавфли	I
2,5 дан 4,0 гача	юқори хавфли	II
0,1 дан 2,5 гача	ўртача хавфли	III
0,1 дан кам	кам хавфли	IV

Саноат чиқиндиси таркибидаги зарарли кимёвий моддаларнинг ишчи ҳудуд ҳавосидаги хавфлилик синфи ҳамда LD₅₀ кўрсаткичи бўйича таснифи

Зарарли кимёвий модданинг ишчи ҳудуд ҳавосидаги хавфлилик синфи	Хавфлилик синфига мос шартли ЛД₅₀ қиймати, мг/кг
I	15 гача
II	15 дан 150 гача
III	150 дан 5000 гача
IV	5000 дан ортиқ

Ҳудуд тоифалари бўйича тупроқнинг микробиологик, паразитологик ва энтомологик ифлосланиш мезонлари

Аниқланадиган кўрсаткич	Юқори хавф зоналари (минтақалар)		Сув ҳавзаларини муҳофаза қилиш ҳудудлари		Санитария-муҳофаза ҳудудлари
Аниқланадиган кўрсаткич	тоза тупроқ	ифлосланган тупроқ	тоза тупроқ	ифлосланган тупроқ	тоза тупроқ	ифлосланган тупроқ
Ичак таёқчалари	1 — 9	10 ва ундан юқори	1 — 9	10 ва ундан юқори	1 — 99	100 ва ундан юқори
Энтеробактериялар	1 — 9	10 ва ундан юқори	1 — 9	10 ва ундан юқори	1 — 99	100 ва ундан юқори
Патоген энтеро-бактериялар	-	+	1 — 9	10 ва ундан юқори	-	+
Энтеровируслар	-	+	-	+	-	+
Гижжа тухумлари (дона/кг), аскарида, онкосфера, тениидлар	-	+	-	+	5 гача	5 дан ортиқ
Ичак патоген протозойларининг цисталари (экз/100 г)					5 гача	5 дан ортиқ
Пашша личинкалари (Л) ва ғумбаклари (К), экз. тупроқда 20 х 20 см майдондан	-	Л — 10 гача К — йўқлиги	-	Л — 10 гача К — йўқлиги	-	Л — 10 гача К — йўқлиги

Тупроқдаги экзоген кимёвий моддаларнинг рухсат этилган максимал концентрациялари (РЕМК) ва тахминий концентрациялари (ТРЕК)

Зарарлик кўрсаткичи бўйича модданинг номланиши	РЕМК (аммоний-ацетатли буфер эритмасида, пҲ=4,8), мг/кг	РЕМК (1 Н азот кислотаси эритмасида), мг/кг	ТРЕК (ялпи миқдор), мг/кг
Умумсанитария зарарлилик кўрсаткичлари
Бенз(а)пирен	-	0,02	0,02
Ванадий	-	150,0	150
Марганес + ванадий	-	1000,0	1000 + 150
Вольфрам	10,0	-	55
Келтан	-	1,0	1,0
Кобальт	5,0	-	50,0
Мис	3,0	13,2 дан 22,0 гача	55,0
Молибден	10,0	-	15,0
Никел	4,0	25,0	35,0
Кўмир флотацияси чиқиндилари (КФЧ)	-	3000,0	3000,0
Қўрғошин	6,0	10,0	32,0
Элементар олтингугурт	-	160,0	160,0
Сульфат кислотаси	-	160,0	160,0
Фосфатлар (П₂О₅)	-	27,2	27,2
Фурфурол	-	3,0	3,0
Хром (III)	6,0	-	100,0
Ҳаво орқали тарқалишни чекловчи зарарлилик кўрсаткичлари
Алфаметилстирол	-	0,5	0,5
Бензол	-	0,3	0,3
Изопропилбензол (кумол)	-	0,5	0,5
Водород сульфид	-	0,4	0,4
Стирол	-	0,1	0,1
Формалдегид	-	7,0	7,0
Сув орқали тарқалишни чекловчи зарарлилик кўрсаткичлари
Суюқ комплекс ўғитлар (СКЎ), умумий миқдори	-	80,0	120,0
Комплекс донадор ўғитлар (КДЎ), умумий миқдори	-	120,0	120,0
Марганес, умумий миқдори	-	1500,0	1500,0
Марганес, ҳаракатчан шакллари	60,0	-	60,0
Нитратлар	-	130,0	130,0
Калий хлорид	-	560,0	560,0
Ўсимликка ўтишни чекловчи зарарлилик кўрсаткичлари
Кислоталар (Крезоллар) (орто-, мета-, пара-)	-	0,3	0,3
Мишьяк (Ас)	-	2,0	2,0
Симоб (Ҳг), умумий миқдори	-	2,1	2,1
Қўрғошин + симоб	-	20,0 + 1,0	20,0 + 1,0
Сурма (Сб)	-	4,5	4,5
Толуол	-	0,3	0,3
Фтор	10,0	-	10,0
Рух (Зн)	23,0	85,0 дан 100,0 гача	100,0 дан 220,0 гача

Пестицидларнинг тупроқдаги тахминий рухсат этилган концентрациялари (ТРЕК)

Т/р	Номланиши	Тупроқдаги тахминий рухсат этилган концентрация (мг/кг)
1.	Пирипроксифен (Пйрипрохйфен)	1,15
2.	Молинат (Молинате)	0,9
3.	Сипроконазол (Сйпросоназоле)	0,15
4.	Бупрофезин (Бупрофезин)	0,39
5.	Триадимефон (Триадимефон)	1,91
6.	Триадименол+феберидазол (Триадименол+фуберидазоле)	1,15
7.	Бентазон (Бентазоне)	1,15
8.	Дикамба (Дисамба)	0,25
9.	Аммоний глюфосинат (Глуфосинате-Аммониум)	0,1
10.	Фосалон (Пҳосалоне)	0,15
11.	Бета-тсифлутрин (Бета-сйфлутҳрин)	0,17
12.	Диметоат (Диметҳоате)	1,15
13.	Мис сульфат+кальций гидроксид (Соппер сульфате+лиме)	0,15
14.	Диклобутразол (Дислобутразол)	1,23
15.	Абамектин (Абаместион)	0,5
16.	Карбоксин+тирам (Сарбохин+тҳирам)	1,5
17.	Имидаклоприд (Имидаслоприд)	1,15
18.	Перметрин (Перметҳрин)	0,5
19.	Гептахлор (Ҳептачлор)	0,1
20.	Метамитрон (Метамитрон)	0,4
22.	Фенпропатрин (Фенпропатҳрин)	0,01
23.	ДДТ (ДДТ)	0,5
24.	Феназакин (Феназақуин)	0,2
25.	Басиллус тҳурингиэнсис вар. дендролимус (Басиллус тҳурингиэнсис вар. дендролимус)	6 • 10⁵микроб таначаси (м.т.)/кг
26.	Карбендазим (Сарбендазим)	0,1
27.	Дельтаметрин (Дельтаметҳрин)	1,15
28.	Диазинон (Диазинон)	1,15
29.	Дифеноконазол (Дифеносоназоле)	0,3
30.	Тидиазурон (Тҳидиазурон)	0,15
31.	Темир сульфат (Ферроус сульфате)	1,0
32.	Галоксифоп (Ҳалохйфоп)	0,15
33.	Метрибузин (Метрибузин)	0,65
34.	Кальций полисульфид (Салсиум полйсульфиде)	0,15
35.	Феноксикарб (Фенохйсарб)	0,3
36.	Хлормекват (Члормеқуат)	1,15
37.	Динокап (Диносап)	1,0
38.	Ламбда-сигалотрин (Ламбда-сйҳалотҳрин)	0,05
39.	Малатион (Малатҳион)	0,15
40.	Бета-сиперметрин (бета-сйперметҳринс)	0,02
41.	Флуометурон (Флуометҳурон)	0,03
42.	Мис гидроксиди (Соппер ҳйдрохиде)	0,15
43.	Тиодикарб (Тҳиодисарб)	0,5
44.	Тау-флувалинат (Тау-флувалинате)	0,62
45.	Мис сульфат (Соппер сулпҳате)	0,74
46.	Амитраз (Амитраз)	0,15
47.	Пенцикурон (Пенсйсурон)	1,15
48.	Сикоксидим (Сйслохйдим)	0,15
49.	Бромопропилат (Бромопропйлате)	0,05
50.	Трифлуралин (Трифлуралин)	0,1
51.	Пропаргит (Пропаргите)	1,9
52.	Асефат (Асепҳате)	0,5
53.	Бромоксинил (Бромохйнил)	0,1
54.	Диафентиурон (Диафентҳиурон)	0,2
55.	Пендиметалин (Пендиметҳалин)	1,15
56.	Мепикват хлорид (Мепиқуат члориде)	1,15
57.	Хлорпирифос (Члорпйрифос)	0,2
58.	Этефон (Этҳепҳон)	1,15
59.	Минерал мой (Минерал оил)	0,15
60.	Пропанил (Пропанил)	1,5
61.	Тебуконазол (Тебусоназоле)	1,15
62.	Оксадиксил (Охадихйл)	0,15
63.	Бентиокарб (Бентҳиосарб)	1,15
64.	Десметрин (Десметрйн)	0,1
65.	Олтингугурт (Сулпҳур)	0,15
66.	Амидосульфурон (Амидосульфурон)	1,15
67.	Эталфлуралин (Этҳалфлуралин)	0,15
68.	Эсфенвалерат (Эсфенвалерате)	1,0
69.	Фенитротион (Фенитротҳион)	1,0
70.	Бифентрин (Бифентҳрин)	0,15
71.	Квизалофоп-П-этил (Қуизалофоп-П-этҳйл)	0,1
72.	Гимексазол (Ҳймехазол)	1,15
73.	Тиабендазол (Тҳиабендазоле)	1,0
74.	Пропиконазол (Прописоназоле)	0,2
75.	Иоксинил (Иохйнил)	9,2
76.	Пенконазол (Пенсоназоле)	0,1
77.	Тиофанат-метил (Тҳиопҳанате-метҳйл)	0,5
78.	Этофенпрокс (Этофенпрох)	0,39
79.	Тричодерма спп. (Тричодерма спп.)	1-10⁶микроб таначаси (м.т.)/кг
80.	Квинклорак (Қуинслорас)	1,15
81.	Формалдегид (Формалдеҳйде)	0,15
82.	Беномил (Беномйл)	0,1
83.	Феноксапроп-П-этил (Фенохапроп-П-этҳйл)	0,05
84.	Диметипин (Диметҳипин)	0,15
85.	Магний хлорат (Магнесиум члорате)	1,0
86.	Кальций хлорат (Салсиум члорате)	0,15
87.	Хлоронеб (Члоронеб)	0,6
88.	Сиперметрин (Сйперметҳрин)	0,92
89.	Пропаквизафоп (Пропақуизафоп)	0,15

Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг 2026 йил 1 июлдаги 8-сон қарорига
2-ИЛОВА

Ўз кучини йўқотган деб топилаётган айрим санитария қоидалари, нормалари ва гигиена нормативлари

РЎЙХАТИ

1. Ўзбекистон Республикаси Бош давлат санитария врачи томонидан 2005 йил 10 январда тасдиқланган «Ўзбекистоннинг ўзига хос табиий-иқлим шароитларида аҳоли пунктлари тупроқ сифатига қўйиладиган гигиеник талаблар» 0183-05-сон СанҚваМ.

2. Ўзбекистон Республикаси Бош давлат санитария врачи томонидан 2005 йил 5 ноябрда тасдиқланган «Тупроқдаги экзоген зарарли моддаларнинг санитария бўйича рухсат этилган максимал концентрациялари (РЕМК) ва тахминий рухсат этилган концентрациялари (ТРЕК)» 0191-05-сон СанҚваМ.

3. Ўзбекистон Республикаси Бош давлат санитария врачи томонидан 2006 йил 7 июлда тасдиқланган «Ўзбекистоннинг ўзига хос шароитларида турли ердан фойдаланиш турлари тупроқларининг ифлосланиш даражасини гигиеник баҳолаш» 0212-06-сон СанҚваМ.

4. Ўзбекистон Республикаси Бош давлат санитария врачи томонидан 2009 йил 13 ноябрда тасдиқланган «Ўзбекистоннинг ўзига хос табиий-иқлим шароитларида аҳоли пунктлари тупроқ сифатига қўйиладиган гигиеник талаблар» 0272-09-сон СанҚваМ.