O‘zbekiston Respublikasi Vazirlar Mahkamasining 1998-yil 22-avgustdagi 361-sonli, 2003-yil 19-apreldagi 189-sonli, 2004-yil 25-iyundagi 295-sonli qarorlariga muvofiq, shuningdek xo‘jalik jamiyatlarining ishonchli boshqaruvga beriladigan davlat ulushlaridan samarali foydalanish maqsadida O‘zbekiston Respublikasi Davlat mulkini boshqarish va tadbirkorlikni qo‘llab-quvvatlash Davlat qo‘mitasi qaror kiladi:

1. Davlat aksiyalar paket (ulushlari)ni ishonchli boshqaruvga berish bo‘yicha tanlovlar o‘tkazish qoidalari ilovaga* muvofiq tasdiqlansin.

2. O‘zbekiston Respublikasi Davlat mulki qo‘mitasining:

2001-yil 17-maydagi 01/06-4-sonli “Aksiyalar (paylar)ning davlat paketlarini ishonchli boshqaruvga topshirish bo‘yicha tanlovlarni o‘tkazish qoidalarini tasdiqlash to‘g‘risida”gi (2001-yil 25-may, ro‘yxat raqami 1034);

2002-yil 26-apreldagi IU-01/45-sonli “Aksiyalar (paylar)ning davlat paketlarini ishonchli boshqaruvga topshirish bo‘yicha tanlovlarni o‘tkazish qoidalariga o‘zgartirish va qo‘shimchalar kiritish to‘g‘risida”gi (2002-yil 26-aprel, ro‘yxat raqami 1034-1);

2003-yil 20-maydagi 01/06-01-2-sonli “Aksiyalar (paylar)ning davlat paketlarini ishonchli boshqaruvga topshirish bo‘yicha tanlovlarni o‘tkazish qoidalariga o‘zgartirish va qo‘shimchalar kiritish to‘g‘risida”gi (2003-yil 20-may, ro‘yxat raqami 1034-2) qarorlari o‘z kuchini yo‘qotgan deb hisoblansin.

3. Mazkur qaror O‘zbekiston Respublikasi.Adliya vazirligida davlat ro‘yxatiga olingan paytdan boshlab o‘n kun o‘tgach kuchga kiritiladi.