|
Hujjat kuchini yo‘qotgan " " 07.12.2019
|
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining MAXSUS AVARIYA-TIKLASh BOShQARMASI FAOLIYATINI TAShKIL ETISh TOʻGʻRISIDA
(qaror nomi Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
[Koʻchirma]
LexUZ sharhiMazkur qaror Oʻzbekiston Respublikasi Vazirlar Mahkamasining 2019-yil 6-dekabrdagi 973-sonli “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Oʻsmirlarni harbiy-vatanparvarlik ruhida tarbiyalash hamda Oʻzbekiston Respublikasi Qurolli Kuchlari va davlat xizmati uchun kadrlar zaxirasini tayyorlash tizimini takomillashtirishga oid qoʻshimcha chora-tadbirlar toʻgʻrisida” 2019-yil 28-iyundagi PQ-4375-son qarori)” qaroriga asosan oʻz kuchini yoʻqotgan.
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining doimiy tayyor turuvchi avariya-tiklash boʻlinmalarini tabiiy va texnogen tusdagi favquloddagi vaziyatlarni bartaraf etish boʻyicha ishlarni amalga oshirish chogʻida boshqarishni hamda ularning professional tayyorgarligini yaxshilash maqsadida Vazirlar Mahkamasi qaror qiladi:
(muqaddima Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
1. 15361-harbiy qism (Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining 24-alohida aloqa brigadasi) Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Maxsus axborot-tiklash boshqarmasi etib qayta tashkil qilinsin.
(1-bandning birinchi xatboshisi Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
Qayta tashkil qilish 15361-harbiy qismni taʼminlash uchun budjet smetasida nazarda tutilgan pul mablagʻlarini koʻpaytirmasdan amalga oshirilsin.
2. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Maxsus avariya-tiklash boshqarmasi toʻgʻrisidagi nizom 1-ilovaga hamda uning tashkiliy tuzilmasi tasdiqlansin.
(2-band Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
3. Belgilab qoʻyilsinki, Maxsus avariya-tiklash boshqarmasi xarajatlarini mablagʻ bilan taʼminlash Oʻzbekiston Respublikasi budjet mablagʻlari hisobiga amalga oshiriladi.
Oʻzbekiston Respublikasi Iqtisodiyot vazirligi hamda Moliya vazirligi har yili qurilishlar investitsiya dasturida Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Maxsus avariya-tiklash boshqarmasiga asosiy fondlarni rekonstruksiya qilish va rivojlantirish uchun kapital qoʻyilmalar hamda moliyaviy mablagʻlar ajratilishini nazarda tutsinlar.
(3-bandning ikkinchi xatboshisi Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
4. Maxsus avariya-tiklash boshqarmasining harbiy xizmatchilari, xodimlari va mutaxassislari xizmatni oʻtash masalalari, mehnatga haq toʻlash, pensiya taʼminoti, tibbiy va maishiy xizmat koʻrsatish shart-sharoitlari boʻyicha, shu jumladan ularning oila aʼzolari, Oʻzbekiston Respublikasi Favqulodda vaziyatlar vazirligi harbiy xizmatchilari, xodimlari va mutaxassislarining tegishli toifalariga tenglashtirilsin.
5. Belgilansinki:
Maxsus avariya-tiklash boshqarmasining kontrakt boʻyicha harbiy xizmatchilarini butlash, lavozimga tayinlash, ularga harbiy unvonlar berish, ularni zaxiraga (isteʼfoga) boʻshatish, pensiya bilan taʼminlash boshqarma boshligʻining takdimnomasiga binoan Oʻzbekiston Respublikasi Favqulodda vaziyatlar vazirligi tomonidan amalga oshiriladi;
(5-bandning ikkinchi xatboshisi Oʻzbekiston Respublikasi Vazirlar Mahkamasining 2017-yil 22-avgustdagi 660-sonli qarori tahririda — OʻR QHT, 2017-y., 34-son, 896-modda)
Maxsus avariya-tiklash boshqarmasini muddatli xizmat harbiy xizmatchilari bilan butlash belgilangan tartibda, boshqarma boshligʻining buyurtmanomasiga binoan Oʻzbekiston Respublikasi Mudofaa vazirligi orqali amalga oshiriladi.
(6-bandning birinchi xatboshi Oʻzbekiston Respublikasi Vazirlar Mahkamasining 2004-yil 7-maydagi 215-sonli qarori bilan chiqarilgan— OʻR QHT, 2004-y., 19-son, 220-modda)
Oldingi tahrirga qarang.
(6-band Oʻzbekiston Respublikasi Vazirlar Mahkamasining 2017-yil 22-avgustdagi 660-sonli qaroriga asosan oʻz kuchini yoʻqotgan — OʻR QHT, 2017-y., 34-son, 896-modda)
7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I.H. Joʻrabekov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1998-yil 1-iyul,
274-son
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining maxsus avariya-tiklash boshqarmasi toʻgʻrisida
NIZOM
(1-ilova nomi Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
I. Umumiy qoidalar
1. Maxsus avariya-tiklash boshqarmasi (15361-harbiy qism), keyingi oʻrinlarda “Boshqarma” deb ataladi, Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining tarkibiy boʻlinmasi hisoblanadi
(1-band Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
2. Boshqarma oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisining boshqa qarorlariga Oʻzbekiston Respublikasi Prezidentining farmonlariga, Oʻzbekiston Respublikasi Vazirlar Mahkamasining qarorlari va farmoyishlariga, Qurolli Kuchlarning umumqoʻshin ustavlariga, Favqulotda vaziyatlar vazirligi hamda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining buyruqlari va direktivalariga, shuningdek mazkur Nizomga amal qiladi.
(2-band Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
3. Boshqarmaning shaxsiy tarkibi quyidagilardan iborat boʻladi:
a) kontrakt boʻyicha oddiy askar, serjant va zobitlar tarkibida haqiqiy harbiy xizmatni oʻtayotgan harbiy xizmatchilar;
b) haqiqiy harbiy muddatli xizmatga chaqirilgan harbiy xizmatchilar;
v) Qurolli Kuchlar ishchilari va xizmatchilari.
(3-band Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
4. Favqulodda vaziyatlar vaqtida maxsus vazifalarni bajarish va ularning oqibatlarini bartaraf etish uchun jalb etilgan Boshqarma kuchlari va vositalariga Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan kelishgan holda Oʻzbekiston Respublikasi Favqulodda vaziyatlar vazirligi bevosita rahbarlik qiladi.
(4-band Oʻzbekiston Respublikasi Vazirlar Mahkamasining 2017-yil 22-avgustdagi 660-sonli qarori tahririda — OʻR QHT, 2017-y., 34-son, 896-modda)
5. Boshqarma harbiy xizmatchilari harbiy xizmatda boʻladilar. Ular shu jumladan ularning oilalari belgilangan taʼminot, huquqlar va imtiyozlarning barcha turlaridan Oʻzbekiston Respublikasi Favqulotda vaziyatlar vazirligi normalari boʻyicha foydalanadilar.
6. Boshqarmaning kontrakt boʻyicha harbiy xizmatchilari Oʻzbekiston Respublikasi Favqulodda vaziyatlar vazirligining kontrakt boʻyicha harbiy xizmatchilari uchun qabul qilingan kiyim-kechak, emblema va farqlanish belgilariga ega boʻladi.
(6-band Oʻzbekiston Respublikasi Vazirlar Mahkamasining 2017-yil 22-avgustdagi 660-sonli qarori tahririda — OʻR QHT, 2017-y., 34-son, 896-modda)
Boshqarmaning muddatli harbiy xizmatchilari Oʻzbekiston Respublikasi Mudofaa vazirligining muddatli harbiy xizmatchilari uchun belgilangan normalarga muvofiq kiyim-kechak bilan taʼminlanadi.
7. Boshqarma oʻz faoliyatini Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining boshqa boʻlimlari (boʻlinmalari) va boshqarmalari, shuningdek Milliy gvardiya, Favqulotda vaziyatlar vazirligi, Mudofaa vazirligi, Davlat xavfsizlik xizmati, Oʻzbekiston Respublikasi Prezidenti Davlat xavfsizlik xizmati, Ichki ishlar vazirligi boshqa boʻlinmalari va xizmatlari bilan oʻzaro xamkorlikda amalga oshiradi.
(7-band Oʻzbekiston Respublikasi Vazirlar Mahkamasining 2018-yil 15-dekabrdagi 1021-sonli qarori tahririda — Qonun hujjatlari maʼlumotlari milliy bazasi, 17.12.2018-y., 09/18/1021/2335-son)
8. Boshqarmaning operativ, maxsus va boshqa transport vositalari davlat avtomobil nazorati organlarida roʻyxatdan oʻtkazilishi kerak va belgilangan tartibda tasdiqlangan tanish belgilari, maxsus signallar va aloqa vositalari bilan jihozlanadi.
9. Boshqarma yuridik shaxs hisoblanadi, Oʻzbekiston Respublikasi Davlat gerbi tasvirlangan, oʻz nomi Oʻzbekiston Respublikasining davlat tilida yozilgan muhrga ega boʻladi.
II. Boshqarmaning asosiy vazifalari
10. Quyidagilar Boshqarmaning asosiy vazifalari hisoblanadi:
a) tinch davrda:
axborot-kommunikatsiya texnologiyalarini rivojlantirish, modernizatsiya qilish, texnik va texnologik qayta jihozlash sohasida davlat siyosatini amalga oshirish maqsadida Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining tarkibiy boʻlinmalari bilan hamkorlikda Oʻzbekiston Respublikasi aloqa obyektlari va telekommunikatsiya tarmoqlarida avariya-tiklash hamda qurilish-montaj ishlarini bajarish;
safarbarlik zaxirasining moddiy vositalarini va favqulodda vaziyatlarda avariya-tiklash ishlarini bajarish uchun ularning zaxirasini toʻplash hamda va sifatli saqlash;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Maxsus avariya-tiklash boshqarmasini safarbarlikka jalb etish rejasini ishlab chiqish, tayyorlash va amalga oshirish;
Boshqarmani belgilangan vazifalarni bajarishga doimiy jangovar tayyorgarlik darajasida saqlash;
mobil aloqa vositalarini va Oʻzbekiston Respublikasi fuqaro muhofazasi boshligʻining mobil boshqaruv punktini belgilangan maqsadda qoʻllashga doimiy tayyor holda saqlash va ularning texnik taʼminotini modernizatsiya qilish;
Axborot texnologiyalari va kommunikatsiyalarini rivojlantirish vazirligi tuzilmasi obyektlarini harbiylashtirilgan holda qoʻriqlash;
Boshqarma harbiy xizmatchilari va xizmatchilarini oʻquv markazi bazasida oʻqitish, qayta tayyorlash va ularning malakasini oshirishni tashkil qilish va keyinchalik muddatli harbiy xizmatchilarni Oʻzbekiston Respublikasi Mudofaa vazirligining mudofaa ishlari boshqarmalari va boʻlimlari orqali maxsus tuzilmalarga biriktirish;
Boshqarma shaxsiy tarkibini Oʻzbekiston Respublikasining Prezidenti va xalqiga, harbiy qasamyod va harbiy burchga sadoqat, Vatan tarixi va anʼanalarini chuqur hurmat qilish, Oʻzbekiston Respublikasi Konstitutsiyasi va qonunlari qoidalarini soʻzsiz bajarish, komandirlarga (boshliqlarga) ongli ravishda boʻysunish ruhida tarbiyalashga qaratilgan tizimli ishlarni tashkil etish;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan kelishgan holda jangovar tayyorgarlik, alohida muhim va toifalarga ajratilgan aloqa obyektlarini qoʻriqlash, idoralararo oʻquv-mashgʻulotlarda tezkor aloqani taʼminlash va boshqa maxsus vazifalarni bajarish masalalarida Oʻzbekiston Respublikasi Milliy gvardiya, Favqulodda vaziyatlar vazirligi, Mudofaa vazirligi, Ichki ishlar vazirligi, Davlat xavfsizlik xizmati, Oʻzbekiston Respublikasi Prezidenti Davlat xavfsizlik xizmati bilan hamkorlik qilish.
(10-bandning “a” kichik bandi oʻninchi xatboshisi Oʻzbekiston Respublikasi Vazirlar Mahkamasining 2018-yil 15-dekabrdagi 1021-sonli qarori tahririda — Qonun hujjatlari maʼlumotlari milliy bazasi, 17.12.2018-y., 09/18/1021/2335-son)
III. Boshqarmaning shaxsiy tarkibini butlash va xizmatni oʻtash
11. Boshqarmani kontrakt boʻyicha harbiy xizmatchilar bilan butlash Oʻzbekiston Respublikasi Favqulodda vaziyatlar vazirligi orqali amalga oshiriladi.
(11-band Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
12. Boshqarma boshligʻi va uning oʻrinbosarlari, Oʻzbekiston Respublikasi Axborot texnologiyalari va kommunikatsiyalarini rivojlantirish vaziri va Favqulodda vaziyatlar vazirining qoʻshma buyrugʻi bilan lavozimga tayinlanadi.
(12-band Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
13. Boshqarmaning tarkibiy boʻlinmalarida mansabdor shaxslar boshqarma boshligʻi tomonidan tayinlanadi, kontrakt boʻyicha harbiy xizmatchilarga harbiy unvonlar qonunchilikda belgilangan tartibda beriladi.
(13-band Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
14. Kontrakt boʻyicha harbiy xizmatchilarni qabul qilish, tayinlash va boʻshatish Favqulodda vaziyatlar vazirligi bilan kelishgan holda amalga oshiriladi.
15. Kontrakt boʻyicha harbiy xizmatchilarning Boshqarma ichida bir lavozimdan boshqasiga oʻtishi Boshqarma boshligʻining buyrugʻi bilan amalga oshiriladi.
Oldingi tahrirga qarang.
(16-band Oʻzbekiston Respublikasi Vazirlar Mahkamasining 2015-yil 27-iyundagi 171-sonli qaroriga asosan oʻz kuchini yoʻqotgan — OʻR QHT, 2015-y., 26-son, 338-modda)
17. Boshqarmani muddatli harbiy xizmatchilar bilan butlash Boshqarma boshligʻining buyurtmanomasi boʻyicha belgilangan tartibda Oʻzbekiston Respublikasi Mudofaa vazirligi orqali amalga oshiriladi.
IV. Moliyaviy taʼminoti
18. Boshqarma sarf-xarajatlari Oʻzbekiston Respublikasi budjeti mablagʻlari hisobiga mablagʻ bilan taʼminlanadi.
19. Boshqarmaning obyektlarni qoʻriqlovchi idoraviy qoʻriqlash boʻlinmalarining taʼminoti bilan bogʻliq xarajatlar Oʻzbekiston Respublikasi Davlat budjeti mablagʻlari hisobidan, Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tizimining nodavlat mulk obyektlarini qoʻriqlash Boshqarma bilan tuzilgan shartnomalarga muvofiq ushbu obyektlar mablagʻlari hisobidan moliyalashtiriladi.
(19-band Oʻzbekiston Respublikasi Vazirlar Mahkamasining 2017-yil 22-avgustdagi 660-sonli qarori tahririda — OʻR QHT, 2017-y., 34-son, 896-modda)
20. Xarajatlarning yillik budjet smetasini Oʻzbekiston Respublikasi Axborot texnologiyalari va kommunikatsiyalarini rivojlantirish vaziri tasdiqlaydi.
(20-band Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
21. Boshqarmani mablagʻ bilan taʼminlash har oyda bir yilga tasdiqlangan smetaning oʻn ikkidan bir qismi doirasida amalga oshiriladi.
22. Safarbarlik zaxirasiga gʻamlanadigan moddiy boyliklarga va favqulodda vaziyatlar davridagi zaxiraga haq toʻlash belgilangan tartibda Oʻzbekiston Respublikasi Vazirlar Mahkamasi huzuridagi Davlat zaxiralarini boshqarish qoʻmitasi tomonidan amalga oshiriladi.
(22-band Oʻzbekiston Respublikasi Vazirlar Mahkamasining 2013-yil 23-avgustdagi 233-sonli qarori tahririda — OʻR QHT, 2013-y., 34-son, 458-modda)
23. Boshqarmaning moliya-xoʻjalik faoliyati Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Oʻzbekiston Respublikasi Moliya vazirligi tomonidan nazorat qilinadi.
(23-band Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
V. Moddiy-maishiy taʼminoti
24. Boshqarma oʻz fondlarida joylashtiriladi.
25. Kontrakt boʻyicha harbiy xizmatchilar qonun hujjatlarida belgilangan tartibda uy-joy bilan taʼminlanadi.
(25-band Oʻzbekiston Respublikasi Vazirlar Mahkamasining 2017-yil 22-avgustdagi 660-sonli qarori tahririda — OʻR QHT, 2017-y., 34-son, 896-modda)
26. Boshqarma taʼminotning barcha turlari bilan tabellar va taʼminot normalariga muvofiq toʻgʻridan toʻgʻri shartnomalar tuzilishi yoʻli bilan vazirliklar va idoralarning taʼminotchi organlariga haq toʻlash hisobiga taʼminlanadi.
27. Boshqarmaga yonilgʻi-moylash materiallariga fondlar motoresurslarning normalari va belgilangan limitlariga muvofiq hisoblangan ehtiyojiga koʻra Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi orqali ajratiladi.
(27-band Oʻzbekiston Respublikasi Vazirlar Mahkamasining 2015-yil 27-iyundagi 171-sonli qarori tahririda — OʻR QHT, 2015-y., 26-son, 338-modda)
