Oʻzbekiston Respublikasi Prezidentining

qarori

Maktabgacha va maktab taʼlimi tashkilotlari xodimlarini uzluksiz kasbiy rivojlantirish tizimini takomillashtirish boʻyicha qoʻshimcha chora-tadbirlar toʻgʻrisida

Maktabgacha va maktab taʼlimi tashkilotlari rahbar, pedagog va mutaxassis kadrlarini uzluksiz kasbiy rivojlantirish tizimi samaradorligini taʼminlash, ularning kasbiy bilim, koʻnikma va mahoratini muntazam oshirib borish, Prezident maktablarida toʻplangan ilgʻor tajribalarni umumiy oʻrta taʼlim muassasalariga keng tatbiq etish maqsadida:

1. Maktabgacha va maktab taʼlimi vazirligining:

Avloniy nomidagi pedagoglarni kasbiy rivojlantirish va yangi metodikalarga oʻrgatish milliy-tadqiqot instituti negizida A. Avloniy nomidagi pedagogik mahorat milliy institutini (keyingi oʻrinlarda — Institut) hamda Qoraqalpogʻiston Respublikasi va viloyatlardagi pedagoglarni yangi metodikalarga oʻrgatish milliy markazlari negizida Qoraqalpogʻiston Respublikasi va viloyatlar pedagogik mahorat markazlarini (keyingi oʻrinlarda — Hududiy markazlar) tashkil etish;

Toshkent shahar pedagoglarni yangi metodikalarga oʻrgatish milliy markazi hamda Nizomiy nomidagi Toshkent davlat pedagogika universiteti tasarrufidagi Respublika pedagogik taʼlim resurs markazi faoliyatini ularni Institutga qoʻshish orqali tugatish;

maktabgacha va maktab taʼlimi tizimidagi taʼlim tashkilotlarining xalqaro tadqiqotlarda munosib ishtirokini taʼminlash uchun Institut tuzilmasida uning umumiy shtat birliklari doirasida yuridik shaxs maqomiga ega boʻlmagan Xalqaro tadqiqotlar markazini tashkil etish toʻgʻrisidagi takliflari maʼqullansin.

2. Quyidagilar:

A. Avloniy nomidagi pedagogik mahorat milliy institutining asosiy vazifalari 1-ilovaga muvofiq;

Maktabgacha va maktab taʼlimi tashkilotlari rahbar, pedagog va mutaxassis kadrlarini uzluksiz kasbiy rivojlantirish tizimini takomillashtirish boʻyicha chora-tadbirlar dasturi 2-ilovaga muvofiq;

2030-yilgacha maktabgacha va maktab taʼlimi tashkilotlari rahbar, pedagog va mutaxassis kadrlarini uzluksiz kasbiy rivojlantirish boʻyicha erishiladigan maqsadli koʻrsatkichlar 3-ilovaga muvofiq tasdiqlansin.

3. Belgilansinki, 2024/2025 oʻquv yilidan boshlab maktabgacha va maktab taʼlimi tashkilotlari rahbar, pedagog va mutaxassis kadrlarini (keyingi oʻrinlarda — xodimlar) qayta tayyorlash va malakasini oshirishning yaxlit tizimi joriy qilinadi. Bunda:

Maktabgacha taʼlim tashkilotlari direktor va mutaxassislarini qayta tayyorlash va ularning malakasini oshirish instituti (keyingi oʻrinlarda — Maktabgacha taʼlim instituti) Maktabgacha va maktab taʼlimi vazirligi boʻysunuviga oʻtkaziladi;

Hududiy markazlarning maktabgacha taʼlim tashkilotlari xodimlarini qayta tayyorlash va ularning malakasini oshirish faoliyati Maktabgacha taʼlim instituti tomonidan muvofiqlashtiriladi;

maktabgacha va maktab taʼlimi tashkilotlari xodimlarini qayta tayyorlash va ularning malakasini oshirish boʻyicha mavjud quvvatlarni kengaytirish uchun 4-ilovadagi 11 ta pedagogika kolleji bino va inshootlari, tegishli mol-mulki bilan birga Hududiy markazlar tasarrufiga oʻtkaziladi;

Hududiy markazlar tasarrufiga oʻtkaziladigan pedagogika kollejlari faoliyati ularda taʼlim olayotgan oʻquvchilar oʻqishini tamomlashi muddatlariga mos ravishda bosqichma-bosqich tugatiladi va ularning bino va inshootlaridan maktabgacha va maktab taʼlimi tashkilotlari xodimlarini qayta tayyorlash va ularning malakasini oshirish maqsadlarida foydalaniladi;

maktabgacha taʼlim tashkilotlarining pedagog va mutaxassis kadrlarini uzluksiz kasbiy rivojlantirish boʻyicha “Virtual kasbiy rivojlantirish” elektron dasturi joriy etiladi.

4. 2025-yil 1-yanvardan boshlab maktabgacha va maktab taʼlimi tashkilotlari xodimlarini kasbiy rivojlantirishning quyidagi tartibi joriy etilsinki, unga muvofiq:

a) maktabgacha va maktab taʼlimi tashkilotlari xodimlarini kasbiy ehtiyojlari va malaka toifasidan kelib chiqib tabaqalashgan taʼlim dasturlari asosida uzluksiz kasbiy rivojlantirishning vertikal tizimi (vazirlik — malaka oshirish muassasasi — taʼlim tashkiloti) yoʻlga qoʻyiladi;

b) maktabgacha va maktab taʼlimi tashkilotlarining xodimlari uchun besh yilda bir marotaba ishdan ajralgan holda oʻtkaziladigan malaka oshirish kurslari joriy qilinadi. Bunda:

rahbar kadrlar uchun malaka oshirish kurslari menejerlik oʻquv kurslari uchun joriy etilgan tartib asosida, pedagog va mutaxassis kadrlar uchun — variativ (ixtiyoriy tanlov) va invariant (majburiy) modullardan iborat boʻlgan hamda ularda zamonaviy kompetensiyalarni shakllantirishga yoʻnaltirilgan taʼlim dasturlari boʻyicha tashkil etiladi;

malaka oshirish kurslarida taʼlim olayotgan tinglovchilar bilimini baholash jarayonlarining pedagog kadrlarga malaka toifasini berish va ularni kasbiy sertifikatlash tizimlari bilan uzviyligi taʼminlanadi;

malaka oshirish kurslari oraligʻida xodimlarning oʻzaro tajriba almashish va oʻzini oʻzi mustaqil rivojlantirishga asoslangan uzluksiz kasbiy rivojlantirish shakllari tashkil etiladi;

v) malaka oshirish tizimi natijalarini baholashning yangi tartibi joriy etiladi va uning doirasida maktabgacha va maktab taʼlimi tashkilotlari xodimlarining faoliyat samaradorligini oshirishga alohida eʼtibor qaratiladi;

g) Prezident maktablarida oʻquvchilarni oʻqitish, kasb-hunarga yoʻnaltirish, ularda tanqidiy fikrlash, axborotni izlash va tahlil qilish koʻnikmalarini shakllantirish, olingan bilimlarni amaliyotda qoʻllash boʻyicha toʻplangan ilgʻor tajribalar uzluksiz kasbiy rivojlantirish tizimi orqali umumiy oʻrta taʼlim muassasalariga keng tatbiq etiladi.

5. Belgilab qoʻyilsinki, 2025-yil 1-yanvardan boshlab pedagog va mutaxassis kadrlar kasbiy rivojlanishining uzluksizligini taʼminlash maqsadida barcha umumiy oʻrta taʼlim muassasalarida malaka oshirishning “Kasbiy rivojlanish soati”, tayanch umumiy oʻrta taʼlim muassasalarida esa, shuningdek, “Kasbiy rivojlanish kuni” kabi shakllari bosqichma-bosqich joriy etiladi. Bunda:

“Kasbiy rivojlanish soati” va “Kasbiy rivojlanish kuni” tadbirlarini tashkil etish uchun har bir tuman (shahar)da yuqori malakali oʻqituvchilar orasidan fanlar kesimida mentor-oʻqituvchilar tarkibi shakllantiriladi;

“Kasbiy rivojlanish soati” doirasida fan metodika birlashmalari va mentor-oʻqituvchilar tomonidan oʻqituvchilarning darslari tahlil qilinadi, ularga metodik yordam koʻrsatiladi, kasbiy rivojlanishi boʻyicha tavsiyalar beriladi;

“Kasbiy rivojlanish kuni” doirasida har bitta fan boʻyicha tayanch umumiy oʻrta taʼlim muassasalari tanlanadi va ushbu muassasalarda oʻqituvchilar uchun kasbiy rivojlantirish boʻyicha oʻquv mashgʻulotlari oʻtkaziladi;

Institut va Hududiy markazlarda mentor-oʻqituvchilar uchun alohida tayyorlov kurslari tashkil etiladi;

mentor-oʻqituvchi sifatida faoliyat yuritayotgan fan oʻqituvchilariga asosiy ish joyi boʻlgan umumiy oʻrta taʼlim muassasasi direktor jamgʻarmasi hisobidan lavozim maoshining 20 foizi miqdorida qoʻshimcha har oylik ustama haq toʻlanadi.

Maktabgacha va maktab taʼlimi vazirligi (X. Umarova) ikki oy muddatda “Kasbiy rivojlanish soati” va “Kasbiy rivojlanish kuni” tadbirlarini oʻtkazish tartibini tasdiqlasin.

6. Belgilansinki, 2024-yil 1-iyuldan boshlab maktabgacha va maktab taʼlimi tashkilotlari xodimlarining xorijda malaka oshirish kurslarida oʻqiganligi yoki stajirovkadan oʻtganligi haqidagi hujjatlari (diplom, sertifikat, guvohnoma va boshqalar) milliy uzluksiz kasbiy rivojlantirish tizimida malaka oshirganlik toʻgʻrisidagi hujjat sifatida tan olinadi.

Bunda xorijdagi malaka oshirish kurslari va stajirovkalarga qoʻyiladigan talablar Maktabgacha va maktab taʼlimi vazirligi tomonidan tasdiqlanadi.

7. Maktabgacha va maktab taʼlimi vazirligi (X. Umarova) 2025-yil 1-yanvarga qadar Institut va Hududiy markazlarga kamida bir nafardan nufuzli xorijiy oliy taʼlim tashkilotlarini bitirgan chet ellik mutaxassislarni, shuningdek, ushbu muassasalarning metodik xizmat koʻrsatish boʻlimlari metodisti lavozimiga yuqori malakali va tajribali kadrlarni jalb qilsin.

Belgilansinki:

Institut va Hududiy markazlarning metodik xizmat koʻrsatish boʻlimlari metodistlarining bazaviy tarif stavkasi miqdori oliy taʼlim muassasasi ilmiy daraja yoki ilmiy unvonga ega boʻlgan katta oʻqituvchisining bazaviy tarif stavkasiga tenglashtiriladi;

Institut va Hududiy markazlarning mazkur qarorga muvofiq jalb qilinadigan chet ellik mutaxassislariga Prezident maktablarining xorijiy mutaxassislariga nisbatan joriy etilgan mehnatga haq toʻlash shartlari tatbiq etiladi;

Institut va Hududiy markazlarga chet ellik mutaxassislarni jalb qilish va ularning mehnatiga haq toʻlash bilan bogʻliq xarajatlarni Iqtidorli yoshlarni qoʻllab-quvvatlash jamgʻarmasi hamda Maktabgacha va maktab taʼlimi vaziri jamgʻarmasi mablagʻlari hisobidan qoplashga ruxsat etiladi.

8. Institut va Hududiy markazlarga oʻquv mashgʻulotlarini olib borish uchun bakalavr darajasiga ega boʻlgan, kasbiy faoliyatida yuqori natijalarga erishgan hamda tegishli xalqaro yoki milliy sertifikatlarni qoʻlga kiritgan mutaxassislarni ishga qabul qilishga ruxsat etilsin. Bunda:

Institut va Hududiy markazlarning bakalavr darajasiga ega boʻlgan mutaxassislariga nisbatan oliy taʼlim muassasalarining ilmiy unvonga yoki ilmiy darajaga ega boʻlmagan assistent oʻqituvchilari uchun belgilangan lavozim maoshi qoʻllanadi;

bakalavr darajasiga ega boʻlgan mutaxassislarga qoʻyiladigan talablar Maktabgacha va maktab taʼlimi vazirligi tomonidan belgilanadi.

9. 2024 — 2027-yillarda Qoraqalpogʻiston Respublikasi va viloyatlar pedagogik mahorat markazlarining moddiy-texnika bazasini bosqichma-bosqich mustahkamlash boʻyicha asosiy parametrlar 5-ilovaga muvofiq tasdiqlansin.

10. Belgilab qoʻyilsinki:

Hududiy markazlarda amalga oshiriladigan qurilish-taʼmirlash ishlari boʻyicha loyiha-smeta hujjatlarini ishlab chiqish uchun talab etiladigan mablagʻlar Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturida (keyingi oʻrinlarda — Dastur) loyiha-qidiruv ishlari uchun koʻzda tutilgan mablagʻlar hisobidan ajratiladi;

2024-yilda Hududiy markazlarda qurilish-taʼmirlash ishlarini amalga oshirish uchun talab etiladigan 50 milliard soʻm miqdoridagi mablagʻlar Dastur doirasida ajratiladi, 2025-yildan boshlab esa, Dasturni shakllantirishda belgilangan tartibda inobatga olinadi;

Hududiy markazlarda amalga oshiriladigan qurilish-taʼmirlash ishlari boʻyicha buyurtmachi etib — Qurilish va uy-joy kommunal xoʻjaligi vazirligi huzuridagi “Infratuzilmani rivojlantirish” injiniring kompaniyasi, jihozlash ishlari boʻyicha — Maktabgacha va maktab taʼlimi vazirligi huzuridagi “Taʼminot va logistika xizmati” davlat unitar korxonasi belgilanadi.

11. Maktabgacha va maktab taʼlimi vazirligi tizimidagi sogʻlomlashtirish oromgohlari 6-ilovaga muvofiq Maktabgacha va maktab taʼlimi vazirligi tizimi xodimlari, ilgʻor pedagoglar hamda iqtidorli oʻquvchilar uchun moʻljallangan dam olish maskanlari sifatida qayta tashkil etilsin.

Maktabgacha va maktab taʼlimi vazirligi (X. Umarova) Adliya vazirligi (A. Tashkulov) hamda Kadastr agentligi (F. Pulatov) bilan birgalikda ikki oy muddatda ushbu dam olish maskanlari ustavlarini roʻyxatdan oʻtkazish hamda tegishli kadastr hujjatlarini rasmiylashtirish choralarini koʻrsin.

12. Belgilansinki, mazkur qaror ijrosini taʼminlash bilan bogʻliq xarajatlarni moliyalashtirish 2024-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Maktabgacha va maktab taʼlimi vazirligiga ajratilgan mablagʻlar doirasida amalga oshiriladi, 2025-yildan boshlab esa Davlat budjeti parametrlarida nazarda tutiladi.

13. Oʻzbekiston Respublikasi Prezidentining ayrim qarorlariga 7-ilovaga muvofiq oʻzgartirish va qoʻshimchalar kiritilsin.

14. Maktabgacha va maktab taʼlimi vazirligi (X. Umarova) uch oy muddatda:

maktabgacha va maktab taʼlimi tashkilotlari xodimlarini uzluksiz kasbiy rivojlantirishni tashkil etishga oid Hukumat qarori loyihasini ishlab chiqsin va belgilangan tartibda Vazirlar Mahkamasiga kiritsin;

Institut va Hududiy markazlarga professional, malakali va zamonaviy talablarga javob beradigan maʼmuriy-boshqaruv va pedagog xodimlar, shu jumladan, xorijiy mutaxassislarni tanlov asosida qabul qilish tartibini joriy etsin;

manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

15. Mazkur qarorning ijrosini samarali tashkil qilishga masʼul va shaxsiy javobgar etib maktabgacha va maktab taʼlimi vaziri X.U. Umarova belgilansin.

Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abduraxmonov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 21-iyun,

PQ-231-son

Oʻzbekiston Respublikasi Prezidentining 2024-yil 21-iyundagi PQ-231-son qaroriga
1-ILOVA

A. Avloniy nomidagi pedagogik mahorat milliy institutining asosiy vazifalari

1) Prezident maktablarida oʻquvchilarni oʻqitish, kasb-hunarga yoʻnaltirish, ularda tanqidiy fikrlash, axborotni izlash va tahlil qilish koʻnikmalarini shakllantirish, olingan bilimlarni amaliyotda qoʻllash boʻyicha toʻplangan ilgʻor tajribalarni uzluksiz kasbiy rivojlantirish tizimi orqali umumiy oʻrta taʼlim muassasalariga keng tatbiq etish;

2) rahbar, pedagog va mutaxassis kadrlarni uzluksiz kasbiy rivojlantirish tizimi samaradorligini taʼminlash, ularning kasbiy bilim, koʻnikma va mahoratini muntazam oshirib borish, malaka oshirish va qayta tayyorlashning anʼanaviy, muqobil, dual va mustaqil shakllarini amaliyotga keng joriy etish;

3) malaka oshirish va qayta tayyorlash kurslarining oʻquv reja va dasturlarini ishlab chiqish hamda ularni zamon talablari va xorijiy ilgʻor tajribalar asosida takomillashtirib borish;

4) kelajak maktabi, uning rahbari va oʻqituvchisining modelini yaratish asosida umumiy oʻrta taʼlim muassasalari xodimlarining kasbiy standartlarini ishlab chiqish va doimiy tarzda rivojlantirib borish, oʻquv-metodik faoliyatning taʼlim jarayoni bilan aloqalarini mustahkamlash;

5) davlat va nodavlat taʼlim tashkilotlari uchun uzluksiz kasbiy rivojlantirish kurslarining namunaviy oʻquv reja va dasturlarini ishlab chiqish va doimiy yangilab borish;

6) umumiy oʻrta taʼlim sohasidagi ilgʻor xorijiy tajribalarni oʻrganish va mamlakatimizda joriy etish boʻyicha tavsiyalar ishlab chiqish, xorijiy yetakchi taʼlim tashkilotlari bilan xalqaro aloqalarni rivojlantirish;

7) umumiy oʻrta taʼlimning dolzarb muammolari yuzasidan turli dastur va loyihalarni amalga oshirish, ilmiy-uslubiy konferensiya va seminarlar tashkil etish;

8) doktorantura yoʻnalishlari va magistratura mutaxassisliklari boʻyicha yuqori malakali kadrlarni tayyorlash, ilmiy xodimlarning kasbiy bilim darajasini doimiy oshirib borish;

9) “Uzluksiz kasbiy taʼlim” maxsus elektron platformasini yuritish va uning faoliyatini takomillashtirib borish.

Oʻzbekiston Respublikasi Prezidentining 2024-yil 21-iyundagi PQ-231-son qaroriga
2-ILOVA

Maktabgacha va maktab taʼlimi tashkilotlari rahbar, pedagog va mutaxassis kadrlarini uzluksiz kasbiy rivojlantirish tizimini takomillashtirish boʻyicha

chora-tadbirlar dasturi

Oldingi tahrirga qarang.

T/r	Chora-tadbirlar	Amalga oshirish mexanizmi	Bajarish muddati	Moliyalashtirish manbai	Ijro uchun masʼullar
I. Meʼyoriy-huquqiy, tashkiliy va oʻquv-metodik bazani takomillashtirish
1.	Maktabgacha va maktab taʼlimi tashkilotlari rahbar, pedagog va mutaxassis kadrlarini uzluksiz kasbiy rivojlantirishni tashkil etish tartibini ishlab chiqish.	1. “Maktabgacha va maktab taʼlimi tashkilotlari rahbar, pedagog va mutaxassis kadrlarini uzluksiz kasbiy rivojlantirishni tashkil etish tartibi toʻgʻrisida”gi Vazirlar Mahkamasi qarori loyihasini ishlab chiqish. Bunda quyidagilarni inobatga olish: malaka oshirish kurslarini tabaqalashtirilgan oʻquv reja va dasturlari asosida tashkil etish; malaka oshirish kurslarining oʻquv dasturlarini pedagog kadrlarning kasbiy, shaxsiy va jamoaviy kompetensiyalarini rivojlantirishga yoʻnaltirish; malaka oshirish kurslarining taʼlim mazmuniga xalqaro baholash dasturlari (PISA, TIMSS, PIRLS) boʻyicha modullarni kiritish; malaka oshirish kurslari natijadorligini aniqlashga qaratilgan baholash tizimini joriy etish; malaka oshirish tizimining malaka toifalarini berish va kasbiy sertifikatlash tizimlari bilan uzviyligini taʼminlash; malaka oshirish kurslarida oʻquv mashgʻulotlarini oʻtkazganlik uchun mehnatga soatbay haq toʻlash shartlarini qayta koʻrib chiqish.	2024-yil oktabr	-	Maktabgacha va maktab taʼlimi vazirligi (X. Umarova), Adliya vazirligi (A. Tashkulov), “Taʼlim sohasidagi loyihalar markazi” loyiha ofisi (A. Xudaykulov), Taʼlimni rivojlantirish respublika ilmiy-metodik markazi (Yu. Risyukova)
2.	Umumiy oʻrta taʼlim muassasalari oʻqituvchilarining “Kasbiy rivojlanish soati” va “Kasbiy rivojlanish kuni”ni tashkil etish.	1. Umumiy oʻrta taʼlim muassasalarida “Kasbiy rivojlanish soati” va “Kasbiy rivojlanish kuni” tadbirlarini tashkil etish tartibni ishlab chiqish. 2. Tayanch umumiy oʻrta taʼlim muassasalari roʻyxatini shakllantirish. 3. Pedagoglarni kasbiy rivojlantirishning namunaviy dasturini tasdiqlash.	2024-yil dekabr	-	Maktabgacha va maktab taʼlimi vazirligi (X. Umarova), Taʼlimni rivojlantirish respublika ilmiy-metodik markazi (Yu. Risyukova)
3.	Maktabgacha taʼlim tashkilotlari pedagog kadrlari uchun uzluksiz kasbiy rivojlanish tizimini tashkil etish.	1. Maktabgacha taʼlim tashkilotlarida uzluksiz kasbiy rivojlanish tizimini joriy etish tartibini ishlab chiqish. 2. Maktabgacha taʼlim tashkilotlari pedagog kadrlari uchun uzluksiz kasbiy rivojlanish tizimini joriy etish boʻyicha buyruqni tasdiqlash. 3. Pedagoglarni uzluksiz kasbiy rivojlantirishning namunaviy dasturini ishlab chiqish.	2025-yil yanvar	-	Maktabgacha va maktab taʼlimi vazirligi (X. Umarova), Maktabgacha taʼlim agentligi (A. Shin)
4.	Pedagog kadrlarni qayta tayyorlash va ularning malakasini oshirish kurslari oʻquv reja va dasturlarini ilgʻor xorijiy tajribalar asosida takomillashtirish.	1. Pedagog kadrlarni qayta tayyorlash va ularning malakasini oshirish sohasidagi xorijiy tajribalarni oʻrganish.	2024-yil noyabr	-	Maktabgacha va maktab taʼlimi vazirligi (X. Umarova), “Taʼlim sohasidagi loyihalar markazi” loyiha ofisi (A. Xudaykulov), Taʼlimni rivojlantirish respublika ilmiy-metodik markazi (Yu. Risyukova)
4.		2. Pedagog kadrlarga kasbiy, jamoaviy, individual kompetensiyalar va xalqaro baholash dasturlariga (PISA, TIMSS, PIRLS) asoslangan zamonaviy metodikalarni oʻqitishga qaratilgan variativ va invariant oʻquv dasturlarni joriy etish.	2024-yil dekabr	-
5.	Pedagogik mahorat va xalqaro baholash ilmiy-amaliy markazi faoliyatini yanada takomillashtirish.	1. Pedagogik mahorat va xalqaro baholash ilmiy-amaliy markaziga maktabgacha va maktab taʼlimi tizimi pedagog kadrlariga malaka toifalarni berish jarayonlarini tashkil etish, test savollarini ishlab chiqish, bu borada xalqaro ekspertlar bilan shartnomalar tuzish, mahalliy ekspertlar uchun seminar va treninglar tashkil etish va boshqa tegishli ishlarni amalga oshirish boʻyicha qoʻshimcha vazifalar belgilash.	Doimiy	-	Maktabgacha va maktab taʼlimi vazirligi (X. Umarova), Iqtisodiyot va moliya vazirligi (I. Norqulov)
		2. Pedagogik mahorat va xalqaro baholash ilmiy-amaliy markazining umumiy boshqaruv xodimlarining cheklangan sonini A. Avloniy nomidagi pedagogik mahorat milliy instituti hamda Qoraqalpogʻiston Respublikasi va viloyatlar pedagogik mahorat markazlari metodik xizmat koʻrsatish boʻlimlari metodistlarining shtat birliklari sonini maqbullashtirish hisobiga 36 nafardan 64 nafargacha yetkazish.	2024-yil iyul
		3. Pedagog kadrlarni navbatdan tashqari attestatsiyadan oʻtkazish boʻyicha davlat xizmatini koʻrsatganligi uchun undiriladigan yigʻimlardan Maktabgacha va maktab vazirligiga oʻtkaziladigan qismning 50 foizini Pedagogik mahorat va xalqaro baholash ilmiy-amaliy markaziga yoʻnaltirish.	2024-yil 1-avgustdan boshlab
6.	A. Avloniy nomidagi pedagogik mahorat milliy instituti hamda Qoraqalpogʻiston Respublikasi va viloyatlar pedagogik mahorat markazlarining, Maktabgacha taʼlim tashkilotlari direktor va mutaxassislarini qayta tayyorlash va ularning malakasini oshirish institutining tuzilmasini tasdiqlash.	1. Institut va hududiy markazlar, Maktabgacha taʼlim tashkilotlari direktor va mutaxassislarini qayta tayyorlash va ularning malakasini oshirish institutining tuzilmasini tasdiqlash hamda lavozimlar boʻyicha shtatlar sonini belgilash toʻgʻrisidagi buyruqni qabul qilish. Bunda: jami xodimlarning umumiy (texnik, xizmat koʻrsatuvchi va oʻquv-yordamchi xodimlar hamda professor-oʻqituvchilardan tashqari) cheklangan sonini 738 nafar etib belgilash, shundan maʼmuriy-boshqaruv va ilmiy xodimlar uchun 458 nafar, metodik xizmat koʻrsatish va boshqa boʻlim metodistlari uchun 280 nafar shtat birliklarini nazarda tutish; texnik, xizmat koʻrsatuvchi va oʻquv-yordamchi xodimlarni oliy taʼlim muassasalari uchun belgilangan namunaviy shtatlar va meʼyorlar asosida kiritish; boshqaruv xodimlar tarkibida bosh mutaxassis va yetakchi mutaxassis lavozimlarini ham kiritish.	2024-yil avgust	-	Maktabgacha va maktab taʼlimi vazirligi (X. Umarova)
II. Kadrlar salohiyatini oshirish
7.	A. Avloniy nomidagi pedagogik mahorat milliy instituti va hududiy pedagogik mahorat markazlari rahbar va pedagog kadrlarini xorijiy oliy taʼlim tashkilotlarga maqsadli ravishda malaka oshirishga yuborish.	1. Malaka oshirishga yuboriladigan xorijiy taʼlim muassasalari bilan kelishuvga erishish.	Har yili 1-iyunga qadar	Budjetdan tashqari mablagʻlar	Maktabgacha va maktab taʼlimi vazirligi (X. Umarova)
		2. Xorijiy taʼlim tashkilotlarining talabidan kelib chiqib, maqsadli ravishda malaka oshirishga yuborish uchun rahbar va pedagog kadrlarni saralash tartibini ishlab chiqish va tasdiqlash.	2024-yil sentabr
		3. Tasdiqlangan tartib asosida saralash jarayonlarini oʻtkazish.	Har yili oktabr oyida
		4. Saralab olingan rahbar va pedagog kadrlarni maqsadli malaka oshirish kurslariga yuborish.	Reja-jadval asosida
8.	Qoraqalpogʻiston Respublikasi va viloyatlar pedagogik mahorat markazlari rahbar va professor-oʻqituvchilarining malakasini oshirish tizimini yoʻlga qoʻyish.	1. A. Avloniy nomidagi pedagogik mahorat milliy institutida ilgʻor xorijiy tashkilotlardan trenerlarni jalb qilgan holda malaka oshirish kurslarini tashkil etish.	2025-yil yanvar	Budjetdan tashqari mablagʻlar	Maktabgacha va maktab taʼlimi vazirligi (X. Umarova)
8.		2. Pedagogik mahorat markazlari rahbar va professor-oʻqituvchilarining malakasini oshirish reja-jadvalini tuzish.	2025-yil mart	Budjetdan tashqari mablagʻlar	Maktabgacha va maktab taʼlimi vazirligi (X. Umarova)
9.	Maktabgacha va maktab taʼlimi tizimi xodimlarini qayta tayyorlash va ularning malakasini oshirish tashkilotlari maʼmuriy-boshqaruv va pedagog kadrlarining sifat tarkibini yaxshilash.	A. Avloniy nomidagi pedagogik mahorat milliy instituti, Qoraqalpogʻiston Respublikasi va viloyatlar pedagogik mahorat markazlarining maʼmuriy-boshqaruv va pedagog xodimlari tarkibini qayta koʻrib chiqish va ularni malakali kadrlar bilan toʻldirish.	2024-yil dekabr	-	Maktabgacha va maktab taʼlimi vazirligi (X. Umarova), Kambagʻallikni qisqartirish va bandlik vazirligi (B. Musayev)
10.	A. Avloniy nomidagi pedagogik mahorat milliy instituti hamda Qoraqalpogʻiston Respublikasi va viloyatlar pedagogik mahorat markazlarida oʻquv mashgʻulotlarini olib borish uchun bakalavr darajasiga ega boʻlgan, kasbiy faoliyatida yuqori natijalarga erishgan hamda tegishli xalqaro va milliy sertifikatlarni qoʻlga kiritgan mutaxassislarga qoʻyiladigan talablarni tasdiqlash.	1. Institut va Hududiy markazlarda oʻquv mashgʻulotlarini olib borish uchun jalb etiladigan bakalavr darajasidagi mutaxassislarga qoʻyiladigan talablarni va ularni muayyan muddatga ishga qabul qilish tartibini ishlab chiqish.	2024-yil noyabr	-	Maktabgacha va maktab taʼlimi vazirligi (X. Umarova), Kambagʻallikni qisqartirish va bandlik vazirligi (B. Musayev), Adliya vazirligi (A. Tashkulov)
10.		2. Ishlab chiqilgan tartibni manfaatdor vazirliklar va idoralar bilan kelishgan holda tasdiqlash.	2024-yil dekabr	-
11.	Maktabgacha va maktab taʼlimi tashkilotlari xodimlarining xorijda malaka oshirish kurslarida oʻqiganligi yoki stajirovkadan oʻtganligi haqidagi hujjatlarini (diplom, sertifikat, guvohnoma va boshqalar) malaka oshirganlik toʻgʻrisidagi hujjat sifatida tan olish tizimini joriy qilish.	1. Xorijiy taʼlim tashkilotlarining muqobil malaka oshirish shakli sifatida tan olinadigan malaka oshirish kurslari va stajirovkalari roʻyxatini shakllantirish va tasdiqlash.	2024-yil iyul	-	Maktabgacha va maktab taʼlimi vazirligi (X. Umarova)
11.		2. Roʻyxatni yangilab borish.	Har yili 1-sentabrga qadar	-	Maktabgacha va maktab taʼlimi vazirligi (X. Umarova)
III. Axborot-kommunikatsiya texnologiyalari infratuzilmasini rivojlantirish
12.	Maktabgacha va maktab taʼlimi vazirligining “Uzluksiz kasbiy taʼlim” maxsus elektron platformasini takomillashtirish.	1. “Uzluksiz kasbiy taʼlim” maxsus elektron platformasini Elektron hukumatning yagona identifikatsiya tizimiga integratsiya qilish. 2. “Uzluksiz kasbiy taʼlim” maxsus elektron platformasiga malaka oshirishning barcha taʼlim dasturlarini masofadan oʻrganish imkoniyatlarini beradigan qoʻshimcha funksiya kiritish. 3. Malaka oshirishga oid kontentlar yaratish va “Uzluksiz kasbiy taʼlim” maxsus elektron platformasiga joylashtirish.	2024-yil dekabr	Davlat budjeti va budjetdan tashqari mablagʻlar doirasida	Maktabgacha va maktab taʼlimi vazirligi (X. Umarova)
13.	Maktabgacha taʼlim tashkilotlarining pedagog va mutaxassis kadrlarini uzluksiz kasbiy rivojlantirish boʻyicha “Virtual kasbiy rivojlantirish” elektron dasturi joriy etish.	1. “Virtual kasbiy rivojlantirish” elektron dasturi ishlab chiqish. 2. “Virtual kasbiy rivojlantirish” elektron dasturini Elektron hukumatning yagona identifikatsiya tizimiga integratsiya qilish. 3. “Virtual kasbiy rivojlantirish” elektron dasturiga malaka oshirishning barcha taʼlim dasturlarini masofadan oʻrganish imkoniyatlarini beradigan funksiya kiritish. 4. Malaka oshirishga oid kontentlar yaratish va “Virtual kasbiy rivojlantirish” elektron dasturiga joylashtirish.	2024-yil dekabr	Davlat budjeti va budjetdan tashqari mablagʻlar doirasida	Maktabgacha va maktab taʼlimi vazirligi (X. Umarova), Maktabgacha taʼlim agentligi (A. Shin)
IV. Ilmiy tadqiqot ishlarini takomillashtirish
14.	Pedagog kadrlarni kasbiy rivojlantirish sohasida mavjud ilmiy muammolarni samarali tahlil qilish choralarini koʻrish.	1. Pedagog kadrlarni kasbiy rivojlantirish sohasidagi ilmiy muammolarni aniqlash boʻyicha yetuk olimlardan iborat ishchi guruhni shakllantirish.	2024-yil oktabr	Ilmiy faoliyatga oid dasturlarni amalga oshirish uchun Oliy taʼlim, fan va innovatsiyalar vazirligi tomonidan oʻtkaziladigan tanlovlar natijalari boʻyicha ajratiladigan grantlar	Maktabgacha va maktab taʼlimi vazirligi (X. Umarova), Oliy taʼlim, fan va innovatsiyalar vazirligi (K. Sharipov)
		2. Ishchi guruh tomonidan pyedagog kadrlarni kasbiy rivojlantirishning ilmiy muammolari va ularning yechimi boʻyicha tadqiqot mavzulari roʻyxatini shakllantirish.	2024-yil dekabr
		3. Tadqiqot mavzulari boʻyicha ilmiy izlanishlar olib borish.	Talab asosida belgilangan muddatlarda
15.	Institut huzurida “Taʼlimda menejment”, “Pedagogika nazariyasi. Pedagogik taʼlimotlar tarixi”, “Taʼlim va tarbiya nazariyasi va metodikasi” ixtisosliklari boʻyicha tashkil etilgan ilmiy kengashlar faoliyatini takomillashtirish.	1. Ilmiy kengashlar tarkibini qayta koʻrib chiqish.	2024-yil sentabr	-	Maktabgacha va maktab taʼlimi vazirligi (X. Umarova), Oliy attestatsiya komissiyasi (A. Yusupov)
		2. Ilmiy kengashlarning yangi tarkibini Oliy attestatsiya komissiyasida tasdiqlash.	2024-yil sentabr
		3. Ilmiy kengashlar faoliyatini samarali tashkil etish.	Doimiy
16.	Abdulla Avloniy nomidagi pedagogik mahorat milliy institutining 90 yilligini keng nishonlash ishlarini tashkil etish.	1. A. Avloniy nomidagi pedagogik mahorat milliy institutining 90 yilligiga bagʻishlangan xalqaro ilmiy-amaliy konferensiya tashkil etish.	2024-yil noyabr	A. Avloniy nomidagi pedagogik mahorat milliy institutining budjetdan tashqari mablagʻlari	Maktabgacha va maktab taʼlimi vazirligi (X. Umarova)
16.		2. A. Avloniy nomidagi pedagogik mahorat milliy institutining tarixi va bugungi kundagi faoliyatiga bagʻishlangan risola nashr etish.	2024-yil dekabr		Maktabgacha va maktab taʼlimi vazirligi (X. Umarova)
V. Moddiy-texnik bazani mustahkamlash
17.	Qoraqalpogʻiston Respublikasi va viloyatlar pedagogik mahorat markazlari moddiy-texnik bazasini mustahkamlash.	1. Qoraqalpogʻiston Respublikasi va viloyatlar pedagogik mahorat markazlarida qurilish-taʼmirlash ishlarini amalga oshirish boʻyicha texnik talablarni ishlab chiqish.	2024-yil sentabr	Davlat budjeti va budjetdan tashqari mablagʻlar doirasida	Maktabgacha va maktab taʼlimi vazirligi (X. Umarova), Qoraqalpogʻiston Respublikasi Vazirlar Kengashi, viloyatlar hokimliklari
		2. Qoraqalpogʻiston Respublikasi va viloyatlar pyedagogik mahorat markazlarining oʻquv auditoriyalarini zarur mebel jihozlari, axborot-kommunikatsiya texnikalari va STEAM laboratoriyalari bilan taʼminlash meʼyorlarini ishlab chiqish.	2024-yil oktabr
		3. Qoraqalpogʻiston Respublikasi va viloyatlar pyedagogik mahorat markazlarini zarur mebel jihozlari, axborot-kommunikatsiya texnikalari va STEAM laboratoriyalari bilan jihozlash.	2025-yil 1-yanvardan boshlab
18.	Qoraqalpogʻiston Respublikasi va viloyatlar pedagogik mahorat markazlarida situatsion oʻquv xona va virtual laboratoriyalarni tashkil etish.	1. Situatsion oʻquv xona va virtual laboratoriyalarni jihozlash meʼyorlarini ishlab chiqish va tasdiqlash.	2024-yil avgust	Davlat budjeti va budjetdan tashqari mablagʻlar doirasida	Maktabgacha va maktab taʼlimi vazirligi (X. Umarova)
18.		2. Situatsion oʻquv xona va virtual laboratoriyalarni tashkil etish.	2025-yil 1-yanvardan boshlab	Davlat budjeti va budjetdan tashqari mablagʻlar doirasida	Maktabgacha va maktab taʼlimi vazirligi (X. Umarova)
19.	Maktabgacha va maktab taʼlimi vazirligi tizimi xodimlari, jumladan, pedagog kadrlar hamda iqtidorli oʻquvchilar uchun dam olish maskanlari faoliyatini tashkil etish.	Maktabgacha va maktab taʼlimi vazirligi tizimi xodimlari, jumladan, pedagog kadrlar hamda iqtidorli oʻquvchilar uchun dam olish maskanlari faoliyatini tashkil etish yuzasidan normativ-huquqiy hujjat loyihasini ishlab chiqish. Bunda normativ-huquqiy hujjat loyihasida: dam olish maskanlariga dam oluvchilarni qabul qilish tartibini; dam olish maskanlarining namunaviy shtatlar jadvalini ishlab chiqish va tasdiqlashni nazarda tutish.	2024-yil dekabr	-	Maktabgacha va maktab taʼlimi vazirligi (X. Umarova), Adliya vazirligi (A.Tashkulov), Iqtisodiyot va moliya vazirligi (I. Norqulov)
20.	Maktabgacha va maktab taʼlimi tashkilotlari direktori lavozimiga nomzodlar uchun tashkil etilgan oʻquv kurslariga tajribali va amaliyotchi mutaxassislarni professor-oʻqituvchi sifatida jalb etish.	Professor-oʻqituvchilar mehnatiga haq toʻlash uchun nazarda tutilgan mablagʻlar doirasida oʻquv mashgʻulotlarini oʻtkazishga tajribali va amaliyotchi mutaxassislarni zaruratga qarab toʻliq mehnatga soatbay haq toʻlash shartlari asosida jalb etish.	2024-yil 1-iyuldan boshlab	Davlat budjeti va budjetdan tashqari mablagʻlar doirasida	Maktabgacha va maktab taʼlimi vazirligi (X. Umarova)
21.	Maktabgacha taʼlim tashkilotlari direktorlari hamda direktor lavozimiga nomzodlarning bilim va koʻnikmalarini baholash hamda baholash natijasi boʻyicha ularga menejerlik sertifikatini berish tartibini ishlab chiqish.	Maktabgacha taʼlim tashkilotlari direktorlari hamda direktor lavozimiga nomzodlarning bilim va koʻnikmalarini baholash hamda baholash natijasi boʻyicha ularga menejerlik sertifikatini berish tartibini nazarda tutuvchi Vazirlar Mahkamasining qarori loyihasini ishlab chiqish. Bunda ushbu sertifikatga ega boʻlgan maktabgacha taʼlim tashkilotlari direktorlariga har oylik 30 foiz miqdorida ustama haq toʻlashni nazarda tutish.	2024-yil sentabr	-	Maktabgacha va maktab taʼlimi vazirligi (X. Umarova), Iqtisodiyot va moliya vazirligi (I. Norqulov), Adliya vazirligi (A. Tashkulov)

(2-ilova Oʻzbekiston Respublikasi Prezidentining 2025-yil 28-apreldagi PF-73-sonli Farmoni tahririda — Qonunchilik maʼlumotlari milliy bazasi, 29.04.2025-y., 06/25/73/0389-son)

Oʻzbekiston Respublikasi Prezidentining 2024-yil 21-iyundagi PQ-231-son qaroriga
3-ILOVA

2030-yilgacha maktabgacha va maktab taʼlimi tashkilotlari rahbar, pedagog va mutaxassis kadrlarini uzluksiz kasbiy rivojlantirish boʻyicha erishiladigan

maqsadli koʻrsatkichlar

T/r	Koʻrsatkich nomi	Oʻlchov birligi	Yillar kesimida						Masʼul ijrochilar
T/r	Koʻrsatkich nomi	Oʻlchov birligi	2025-y.	2026-y.	2027-y.	2028-y.	2029-y.	2030-y.	Masʼul ijrochilar
I. Maktabgacha taʼlim tashkilotlari rahbar, pedagog va mutaxassis kadrlari salohiyatini oshirish
1.	Maktabgacha taʼlim tashkilotlarida oliy maʼlumotga ega boʻlgan pedagog kadrlar salmogʻi	foizda (jami pedagog kadrlar soniga nisbatan)	35	36	37	38	39	40	Maktabgacha va maktab taʼlimi vazirligi (X. Umarova)
2.	Malaka oshirish kurslariga har yili jalb etiladigan davlat va nodavlat maktabgacha taʼlim tashkilotlari rahbar va pedagog kadrlari ulushi	foizda (jami pedagog kadrlar soniga nisbatan)	20	20	20	20	20	20	Maktabgacha va maktab taʼlimi vazirligi (X. Umarova)
3.	Maktabgacha taʼlim tizimining boshqaruv kadrlari zaxirasiga olingan mutaxassislarni menejerlik kursiga jalb etish salmogʻi	foizda (jami zaxiradagi kadrlar soniga nisbatan)	10	20	30	50	75	100	Maktabgacha va maktab taʼlimi vazirligi (X. Umarova)
4.	Maktabgacha taʼlim tashkilotlari rahbar va pedagog kadrlari uchun qisqa muddatli oʻquv kurslari, mahorat darslari va trening mashgʻulotlari oʻtkazish uchun jalb etiladigan xorijiy mutaxassislar soni	nafar	10	14	16	16	16	16	Maktabgacha va maktab taʼlimi vazirligi (X. Umarova)
5.	Menejerlik kurslarida malakasi oshirilgan va menejerlik sertifikatlariga ega boʻlgan maktabgacha taʼlim tashkilotlari direktorlari soni	nafar	500	1 000	1 500	2 000	3 000	4 000	Maktabgacha va maktab taʼlimi vazirligi (X. Umarova)
II. Umumiy oʻrta taʼlim maktablarining rahbar, pedagog va mutaxassis kadrlari salohiyatini oshirish
6.	Menejerlik kurslarida malakasi oshirilgan va menejerlik sertifikatiga ega boʻlgan umumiy oʻrta taʼlim muassasalari direktorlari soni	foizda (jami direktorlar soniga nisbatan)	20	20	20	20	20	20	Maktabgacha va maktab taʼlimi vazirligi (X. Umarova)
7.	Jahonning yetakchi oliy taʼlim tashkilotlari va maktablariga stajirovkaga yuboriladigan umumiy oʻrta taʼlim muassasalari direktorlari soni	nafar	25	25	25	25	25	25	Maktabgacha va maktab taʼlimi vazirligi (X. Umarova)
8.	Uzluksiz kasbiy rivojlantirishning muqobil shakllari orqali malakasi oshiriladigan umumiy oʻrta taʼlim muassasalari pedagog xodimlarining ulushi	foizda (jami pedagog kadrlar soniga nisbatan)	2	2	3	3	4	5	Maktabgacha va maktab taʼlimi vazirligi (X. Umarova)
III. Pedagogik mahorat markazlarini yuqori malakali rahbar, pedagog va mutaxassis xodimlar bilan taʼminlash
9.	Pedagogik mahorat markazlarining Davlat boshqaruv akademiyasida maqsadli malaka oshirish kurslariga yuboriladigan rahbar xodimlari soni	nafar	5	10	15	20	24	26	Maktabgacha va maktab taʼlimi vazirligi (X. Umarova)
10.	Pedagogik mahorat markazlariga jalb etiladigan xorijiy mutaxassislar soni	nafar	14	28	42	–	–	–	Maktabgacha va maktab taʼlimi vazirligi (X. Umarova)
11.	Pedagogik mahorat markazlarining uzluksiz kasbiy rivojlantirishning muqobil shakllari asosida malakasi oshiriladigan metodistlari salmogʻi	foizda (jami metodistlar soniga nisbatan)	30	35	40	45	50	60	Maktabgacha va maktab taʼlimi vazirligi (X. Umarova)

Oʻzbekiston Respublikasi Prezidentining 2024-yil 21-iyundagi PQ-231-son qaroriga
4-ILOVA

Pedagogik mahorat markazlari balansiga oʻtkaziladigan pedagogika kollejlarining

ROʻYXATI

T/r	Hudud nomi	Kollej nomi	Pedagogik mahorat markazlari
1.	Qoraqalpogʻiston Respublikasi	Toʻrtkoʻl pedagogika kolleji	Qoraqalpogʻiston Respublikasi pedagogik mahorat markazi
2.	Andijon viloyati	Asaka pedagogika kolleji	Andijon viloyati pedagogik mahorat markazi
3.	Jizzax viloyati	Zomin pedagogika kolleji	Jizzax viloyati pedagogik mahorat markazi
4.	Qashqadaryo viloyati	Shahrisabz pedagogika kolleji	Qashqadaryo viloyati pedagogik mahorat markazi
5.	Namangan viloyati	Namangan pedagogika kolleji	Namangan viloyati pedagogik mahorat markazi
6.	Samarqand viloyati	Toyloq pedagogika kolleji	Samarqand viloyati pedagogik mahorat markazi
7.	Sirdaryo viloyati	Yangiyer pedagogika kolleji	Sirdaryo viloyati pedagogik mahorat markazi
8.	Surxondaryo viloyati	Angor pedagogika kolleji	Surxondaryo viloyati pedagogik mahorat markazi
9.	Fargʻona viloyati	Margʻilon pedagogika kolleji	Fargʻona viloyati pedagogik mahorat markazi
10.	Xorazm viloyati	Xiva pedagogika kolleji	Xorazm viloyati pedagogik mahorat markazi
11.	Toshkent viloyati	Oʻrta Chirchiq pedagogika kolleji	Toshkent viloyati pedagogik mahorat markazi

Oʻzbekiston Respublikasi Prezidentining 2024-yil 21-iyundagi PQ-231-son qaroriga
5-ILOVA

2024 — 2027-yillarda Qoraqalpogʻiston Respublikasi va viloyatlar pedagogik mahorat markazlari moddiy-texnika bazasini bosqichma-bosqich mustahkamlash boʻyicha

asosiy parametrlar

T/r	Muassasalar nomi	Yangi bino qurish va mavjud binoni rekonstruksiya qilish						Mavjud binoni mukammal taʼmirlash		Jihozlash ishlarining dastlabki hisobiy qiymati (mlrd soʻm)	Moliyalashtirish manbasi
		jami quvvati (oʻrin)	*shu jumladan:*				dastlabki hisobiy qiymati (mlrd soʻm)	jami quvvati (oʻrin)	dastlabki hisobiy qiymati (mlrd soʻm)		Ijtimoiy va ishlab chiqarish infratuzilmasini rivojlantirish dasturi doirasida	Budjet mablagʻlari doirasida
		jami quvvati (oʻrin)	oʻquv binosi qurish	oshxona qurish	yotoqxona qurish	mavjud binolarni rekonstruksiya qilish	dastlabki hisobiy qiymati (mlrd soʻm)	jami quvvati (oʻrin)	dastlabki hisobiy qiymati (mlrd soʻm)			Budjet mablagʻlari doirasida
2024-yil		650	650	250	200	0	40,0	1 275	4,0	11,0	50,0	5,0
1.	Toshkent viloyati pedagogik mahorat markazi	650	650	100	200		35,0			6,0	41,0
2.	Qashqadaryo viloyati pedagogik mahorat markazi			150			5,0			2,5	5,0	2,5
3.	Surxondaryo viloyati pedagogik mahorat markazi							1 275	4,0	2,5	4,0	2,5
2025-yil		875	650	100	150	225	37,0	950	4,1	9,0	48,6	1,5
4.	Qoraqalpogʻiston Respublikasi pedagogik mahorat markazi							950	4,1	1,5	4,1	1,5
5.	Andijon viloyati pedagogik mahorat markazi	425	200			225	15,0			4,0	19,0
6.	Navoiy viloyati pedagogik mahorat markazi	450	450	100	150		22,0			3,5	25,5
2026-yil		450	0	0	0	450	15	2 290	17,5	6,7	35,5	3,7
7.	Buxoro viloyati pedagogik mahorat markazi							720	15,0	2,0	15,0	2,0
8.	Xorazm viloyati pedagogik mahorat markazi	450				450	15,0			3,0	18,0
9.	Samarqand viloyati pedagogik mahorat markazi							1 570	2,5	1,7	2,5	1,7
2027-yil		950	950	200	300	0	55	845	8	10,8	72,0	1,8
10.	Namangan viloyati pedagogik mahorat markazi	650	650	100	200		35,0			6,0	41,0
11.	Sirdaryo viloyati pedagogik mahorat markazi	300	300	100	100		20,0			3,0	23,0
12.	Fargʻona viloyati pedagogik mahorat markazi							845	8,0	1,8	8,0	1,8
Respublika boʻyicha		2 925	2250	550	650	675	147,0	5 360	33,6	37,5	206,1	12,0

Izoh: yangi binolarni qurish va jihozlash uchun zarur boʻladigan mablagʻlarga har yili ishlab chiqiladigan loyiha-smeta hujjatlari va haqiqiy talablar asosida hisob-kitob qilish orqali aniqlik kiritiladi.

Oʻzbekiston Respublikasi Prezidentining 2024-yil 21-iyundagi PQ-231-son qaroriga
6-ILOVA

Maktabgacha va maktab taʼlimi vazirligi tizimi xodimlari, ilgʻor pedagoglar hamda iqtidorli oʻquvchilar uchun moʻljallangan dam olish maskanlari sifatida qayta tashkil etilayotgan sogʻlomlashtirish oromgohlari

ROʻYXATI

T/r	Amaldagi nomi	Hudud nomi	Manzili	Yer maydoni (ga)	Tashkil etilayotgan shakli
T/r	Amaldagi nomi	Hudud nomi	Manzili	Yer maydoni (ga)	Tashkilot nomi	Tasarruf etuvchi tashkilot nomi	Moliyalashtirish manbai
1.	Respublika Mehribonlik uyi	Toshkent viloyati	Boʻstonliq tumani, “Qizilsuv” MFY	12 ga	Respublika dam olish maskani	Maktabgacha va maktab taʼlimi vazirligi	Respublika budjeti
2.	“Lochin”	Jizzax viloyati	Zomin tumani, “Bogʻishamol” MFY	2,7 ga	Jizzax viloyati dam olish maskani	Jizzax viloyati maktabgacha va maktab taʼlimi boshqarmasi	Mahalliy budjet
3.	“Gagarin”	Qashqadaryo viloyati	Qamashi tumani, Yakka archa qishlogʻi	5,9 ga	Qashqadaryo viloyati dam olish maskani	Qashqadaryo viloyati maktabgacha va maktab taʼlimi boshqarmasi	Mahalliy budjet
4.	“Qaldirgʻoch”	Samarqand viloyati	Jomboy tumani, Oqtepa qishlogʻi	4 ga	Samarqand viloyati 1-son dam olish maskani	Samarqand viloyati maktabgacha va maktab taʼlimi boshqarmasi	Mahalliy budjet
5.	“Xumor”	Samarqand viloyati	Paxtachi tumani, Xumor qoʻrgʻoni	1,8 ga	Samarqand viloyati 2-son dam olish maskani	Samarqand viloyati maktabgacha va maktab taʼlimi boshqarmasi	Mahalliy budjet
6.	“Yoshlik”	Samarqand viloyati	Oqdaryo tumani, “Uchtepa” MFY	0,18 ga	Samarqand viloyati 3-son dam olish maskani	Samarqand viloyati maktabgacha va maktab taʼlimi boshqarmasi	Mahalliy budjet
7.	“Qoʻqon nafosat”	Fargʻona viloyati	Fargʻona viloyati, Qoʻqon shahri, Furqat koʻchasi 147-uy	1,1 ga	Fargʻona viloyati dam olish maskani	Fargʻona viloyati maktabgacha va maktab taʼlimi boshqarmasi	Mahalliy budjet

Oʻzbekiston Respublikasi Prezidentining 2024-yil 21-iyundagi PQ-231-son qaroriga
7-ILOVA

Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2020-yil 6-noyabrdagi “Taʼlim-tarbiya tizimini yanada takomillashtirishga oid qoʻshimcha chora-tadbirlar toʻgʻrisida”gi PQ-4884-son qarorining 6-bandi birinchi xatboshi quyidagi tahrirda bayon etilsin:

“Belgilansinki, Institut Maktabgacha taʼlim tashkilotlari direktor va mutaxassislarni qayta tayyorlash va ularning malakasini oshirish instituti, Qoraqalpogʻiston Respublikasi va viloyatlar Pedagogik mahorat markazlari (keyingi oʻrinlarda — hududiy markazlar) uchun bosh taʼlim muassasasi hisoblanadi hamda ularning oʻquv, metodik va ilmiy faoliyatiga rahbarlik qiladi”.

2. Oʻzbekiston Respublikasi Prezidentining 2021-yil 25-yanvardagi “Xalq taʼlimi sohasidagi ilmiy-tadqiqot faoliyatini qoʻllab quvvatlash hamda uzluksiz kasbiy rivojlantirish tizimini joriy qilish chora-tadbirlari toʻgʻrisida”gi PQ-4963-son qarorida:

a) nomlanishi va muqaddimadagi “Xalq taʼlimi” soʻzlari “Maktabgacha va maktab taʼlimi” soʻzlari bilan almashtirilsin;

b) 1-bandda:

“a” kichik bandning birinchi — uchinchi xatboshilaridagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

“b” kichik bandda:

birinchi xatboshi quyidagi tahrirda bayon etilsin:

“b) Maktabgacha va maktab taʼlimi vazirligi (X. Umarova) hamda Oliy taʼlim, fan va innovatsiyalar vazirligi (K. Sharipov) tomonidan”;

ikkinchi xatboshidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

“v” kichik bandda:

birinchi xatboshi quyidagi tahrirda bayon etilsin:

“v) Maktabgacha va maktab taʼlimi vazirligi (X. Umarova) tomonidan”;

ikkinchi va uchinchi xatboshilardagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

“g” kichik banddagi “Taʼlim sifatini nazorat qilish davlat inspeksiyasi (U. Tashkenbayev), Xalq taʼlimi vazirligi (Sh. Shermatov) hamda Oliy va oʻrta maxsus taʼlim vazirligi (A. Toshkulov)” soʻzlari “Maktabgacha va maktab taʼlimi vazirligi (X. Umarova) hamda Oliy, taʼlim, fan va innovatsiyalar vazirligi (K. Sharipov)” soʻzlari bilan almashtirilsin;

v) 3-banddagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

g) 4-bandda:

ikkinchi xatboshi quyidagi tahrirda bayon etilsin:

“Maktabgacha va maktab taʼlimi vazirligining A. Avloniy nomidagi pedagogik mahorat milliy instituti (keyingi oʻrinlarda — Institut), Qoraqalpogʻiston Respublikasi va viloyatlar Pedagogik mahorat markazlari, pedagog kadrlar tayyorlaydigan oliy taʼlim muassasalari hamda nodavlat taʼlim tashkilotlari tomonidan maktabgacha va maktab taʼlimi xodimlarining malakasini oshirish bilan bogʻliq xarajatlarni moliyalashtirish uchun zarur mablagʻlar Oʻzbekiston Respublikasi respublika budjetidan birinchi darajali budjet mablagʻlarini taqsimlovchi sifatida Maktabgacha va maktab taʼlimi vazirligiga ajratiladi”;

uchinchi xatboshidagi “Xalq taʼlimi vazirligi tomonidan xalq taʼlimi” soʻzlari “Maktabgacha va maktab taʼlimi vazirligi tomonidan maktabgacha va maktab taʼlimi” soʻzlari bilan almashtirilsin;

d) 6-bandda:

birinchi xatboshi quyidagi tahrirda bayon etilsin:

“6. Oliy taʼlim, fan va innovatsiyalar vazirligi (K. Sharipov) maktabgacha va maktab taʼlimi xodimlari malakasini oshirish kurslarini tashkil etgan oliy taʼlim muassasalariga”;

ikkinchi xatboshidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

toʻrtinchi xatboshidagi “Xalq taʼlimi vazirligi (Sh. Shermatov) Oliy va oʻrta maxsus taʼlim vazirligi (A. Toshkulov)” va “xalq taʼlimi” soʻzlari tegishincha “Maktabgacha va maktab taʼlimi vazirligi (X. Umarova) Oliy taʼlim, fan va innovatsiyalar vazirligi (K. Sharipov)” va “maktabgacha va maktab taʼlimi” soʻzlari bilan almashtirilsin;

e) 7-bandda:

birinchi xatboshidagi “Xalq taʼlimi vazirligi (Sh. Shermatov)” soʻzlari “Maktabgacha va maktab taʼlimi vazirligi (X. Umarova)” soʻzlari bilan almashtirilsin;

toʻrtinchi va beshinchi xatboshilardagi “Xalq taʼlimi vazirligining” soʻzlari “Maktabgacha va maktab taʼlimi vazirligining” soʻzlari bilan almashtirilsin;

j) 8-bandning ikkinchi — toʻrtinchi xatboshilaridagi “Xalq taʼlimi” soʻzlari “Maktabgacha va maktab taʼlimi” soʻzlari bilan almashtirilsin;

z) 9-bandning ikkinchi, toʻrtinchi, yettinchi va sakkizinchi xatboshilaridagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

i) 10-bandda:

uchinchi xatboshidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

toʻrtinchi xatboshi quyidagi tahrirda bayon etilsin:

“hududiy markazlarining rahbarlari va rahbar oʻrinbosarlari maktabgacha va maktab taʼlimi vaziri tomonidan lavozimga tayinlanadi va lavozimidan ozod etiladi”;

beshinchi xatboshi quyidagi tahrirda bayon etilsin:

“2024-yil 1-iyuldan boshlab Institut va hududiy markazlar rahbarlari va oʻrinbosarlariga — oliy taʼlim muassasasining tegishincha rektori va prorektorlari uchun, tarkibiy boʻlinmalar boshliqlariga — oliy taʼlim muassasasi fakultet dekani uchun, bosh mutaxassislariga — oliy taʼlim muassasasi katta oʻqituvchisi uchun, yetakchi mutaxassislariga — oliy taʼlim muassasasi assistent oʻqituvchisi uchun, professor-oʻqituvchilari, texnik, xizmat koʻrsatuvchi va oʻquv-yordamchi xodimlariga — oliy taʼlim muassasalarining tegishli lavozimlari uchun hamda ilmiy xodimlariga — Fanlar akademiyasi tizimidagi ilmiy-tadqiqot institutlarining ilmiy xodimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi. Bunda bir nafar oʻqituvchi hisobiga toʻgʻri keladigan tinglovchilar soni nisbatining cheklangan normativi 1:12 nisbatda belgilanadi”;

quyidagi mazmundagi oltinchi xatboshi bilan toʻldirilsin:

“moddiy ragʻbatlantirish maxsus fondlari mablagʻlari hisobidan Institut va hududiy markazlarning maʼmuriy-boshqaruv, metodist va pedagogik xodimlarini ragʻbatlantirish davlat boshqaruvi organlari uchun belgilangan shartlarda amalga oshiriladi. Bunda moddiy ragʻbatlantirish maxsus fondi mablagʻlari hisobidan hududiy markazlar xodimlarini ragʻbatlantirish Institut bilan kelishilgan holda amalga oshiriladi”;

k) 11-bandning oltinchi xatboshisidagi “Xalq taʼlimi vazirligi va Innovatsion rivojlanish vazirligi” soʻzlari “Maktabgacha va maktab taʼlimi vazirligi va Oliy taʼlim, fan va innovatsiyalar vazirligi” soʻzlari bilan almashtirilsin;

l) 12-bandda:

uchinchi xatboshidagi “Innovatsion rivojlanish vazirligi” soʻzlari “Oliy taʼlim, fan va innovatsiyalar vazirligi” soʻzlari bilan almashtirilsin;

toʻrtinchi xatboshidagi “Xalq taʼlimi” soʻzlari “Taʼlim” soʻzi bilan almashtirilsin;

m) 1-ilovada:

ilova hamda I — V boʻlimlar nomidagi tegishli kelishikdagi “Xalq taʼlimi” soʻzlari tegishli kelishikdagi “Maktabgacha va maktab taʼlimi” soʻzlari bilan almashtirilsin;

9-pozitsiyada:

“Chora-tadbirlar nomi” ustunidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

“Masʼul ijrochilar” ustunidagi “Xalq taʼlimi vazirligi (Shermatov), Taʼlim sifatini nazorat qilish davlat inspeksiyasi (Tashkenbayev)” soʻzlari “Maktabgacha va maktab taʼlimi vazirligi (Umarova)” soʻzlari bilan almashtirilsin;

12-pozitsiyada:

“Chora-tadbirlar nomi” ustunidagi “Xalq taʼlimi vazirligining A. Avloniy nomidagi Pedagoglarni kasbiy rivojlantirish va yangi metodikalarga oʻrgatish milliy-tadqiqot instituti” soʻzlari “Maktabgacha va maktab taʼlimi vazirligining A. Avloniy nomidagi pedagogik mahorat milliy instituti” soʻzlari bilan almashtirilsin;

“Masʼul ijrochilar” ustunidagi “Innovatsion rivojlanish vazirligi (Abduraxmonov), Xalq taʼlimi vazirligi (Shermatov)” soʻzlari “Oliy taʼlim, fan va innovatsiyalar vazirligi (Sharipov), Maktabgacha va maktab taʼlimi vazirligi (Umarova)” soʻzlari bilan almashtirilsin;

13-pozitsiyada:

“Chora-tadbirlar nomi” ustunidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

“Masʼul ijrochilar” ustunidagi “Xalq taʼlimi vazirligi (Shermatov), Innovatsion rivojlanish vazirligi (Abduraxmonov)” soʻzlari “Maktabgacha va maktab taʼlimi vazirligi (Umarova), Oliy taʼlim, fan va innovatsiyalar vazirligi (Sharipov)” soʻzlari bilan almashtirilsin;

14-pozitsiyaning “Masʼul ijrochilar” ustunidagi “Xalq taʼlimi vazirligi (Shermatov), Innovatsion rivojlanish vazirligi (Abduraxmonov)” soʻzlari “Maktabgacha va maktab taʼlimi vazirligi (Umarova), Oliy taʼlim, fan va innovatsiyalar vazirligi (Sharipov)” soʻzlari bilan almashtirilsin;

15-pozitsiyada:

“Chora-tadbirlar nomi” ustunidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

“Moliyalashtirish manbalari” ustunidagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

18-pozitsiyada:

“Moliyalashtirish manbalari” ustunidagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

19-pozitsiyaning “Masʼul ijrochilar” ustunidagi “Xalq taʼlimi vazirligi (Shermatov)” soʻzlari “Maktabgacha va maktab taʼlimi vazirligi (Umarova)” soʻzlari bilan almashtirilsin;

20-pozitsiyada:

“Chora-tadbirlar nomi” ustunidagi “Xalq taʼlimi” soʻzlari “Maktabgacha va maktab taʼlimi” soʻzlari bilan almashtirilsin;

21-pozitsiyada:

“Chora-tadbirlar nomi” ustunidagi “Xalq taʼlimi” soʻzlari “Maktabgacha va maktab taʼlimi” soʻzlari bilan almashtirilsin;

“Masʼul ijrochilar” ustunidagi “Xalq taʼlimi vazirligi (Shermatov), Korrupsiyaga qarshi kurashish agentligi (Burxanov), Axborot texnologiyalari va kommunikatsiyalarini rivojlantirish vazirligi (Sodiqov)” soʻzlari “Maktabgacha va maktab taʼlimi vazirligi (Umarova), Korrupsiyaga qarshi kurashish agentligi (Burxanov), Raqamli texnologiyalar vazirligi (Shermatov)” soʻzlari bilan almashtirilsin;

22-pozitsiyaning “Masʼul ijrochilar” ustunidagi “Xalq taʼlimi vazirligi (Shermatov)” soʻzlari “Maktabgacha va maktab taʼlimi vazirligi (Umarova)” soʻzlari bilan almashtirilsin;

23-pozitsiyada:

“Chora-tadbirlar nomi” ustunidagi “Xalq taʼlimi” soʻzlari “Maktabgacha va maktab taʼlimi” soʻzlari bilan almashtirilsin;

n) 2-ilova 2025-yil 1-yanvardan oʻz kuchini yoʻqotgan deb hisoblansin;

o) 3-ilovada:

nomidagi “Xalq taʼlimi vazirligining A. Avloniy nomidagi Pedagoglarni kasbiy rivojlantirish va yangi metodikalarga oʻrgatish milliy-tadqiqot instituti” soʻzlari “A. Avloniy nomidagi pedagogik mahorat milliy instituti” soʻzlari bilan almashtirilsin;

4-pozitsiyada:

“Moliyalashtirish manbalari” ustunidagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

“Masʼul ijrochilar” ustunidagi “Xalq taʼlimi vazirligi (Shermatov), Innovatsion rivojlanish vazirligi (Abduraxmonov), Fanlar akademiyasi (Yuldashev), Oliy va oʻrta maxsus taʼlim vazirligi (Toshkulov)” soʻzlari “Maktabgacha va maktab taʼlimi vazirligi (Umarova), Oliy taʼlim, fan va innovatsiyalar vazirligi (Sharipov), Fanlar akademiyasi (Yuldashev)” soʻzlari bilan almashtirilsin;

7-pozitsiyada:

“Ustuvor masalalar” ustunidagi “Xalq taʼlimi” soʻzlari “Maktabgacha va maktab taʼlimi” soʻzlari bilan almashtirilsin;

“Masʼul ijrochilar” ustunidagi “Xalq taʼlimi vazirligi (Shermatov), Oliy va oʻrta maxsus taʼlim vazirligi (Toshkulov)” soʻzlari “Maktabgacha va maktab taʼlimi vazirligi (Umarova), Oliy taʼlim, fan va innovatsiyalar vazirligi (Sharipov)” soʻzlari bilan almashtirilsin;

8-pozitsiyada:

“Ustuvor masalalar” ustunidagi “Xalq taʼlimi vazirligiga” soʻzlari “Maktabgacha va maktab taʼlimi vazirligiga” soʻzlari bilan almashtirilsin;

“Masʼul ijrochilar” ustunidagi “Xalq taʼlimi vazirligi (Shermatov), Oliy va oʻrta maxsus taʼlim vazirligi (Toshkulov), Innovatsion rivojlanish vazirligi (Abduraxmonov)” soʻzlari “Maktabgacha va maktab taʼlimi vazirligi (Umarova), Oliy taʼlim, fan va innovatsiyalar vazirligi (Sharipov)” soʻzlari bilan almashtirilsin;

11-pozitsiyaning “Masʼul ijrochilar” ustunidagi “Xalq taʼlimi vazirligi (Shermatov), Innovatsion rivojlanish vazirligi (Abduraxmonov), Tashqi ishlar vazirligi (Komilov)” soʻzlari “Maktabgacha va maktab taʼlimi vazirligi (Umarova), Oliy taʼlim, fan va innovatsiyalar vazirligi (Sharipov), Tashqi ishlar vazirligi (Saidov)” soʻzlari bilan almashtirilsin;

13-pozitsiyada:

“Ustuvor masalalar” ustunining uchinchi xatboshisidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

14-pozitsiyada:

“Ustuvor masalalar” ustunidagi “xalq taʼlimi” soʻzlari “maktabgacha va maktab taʼlimi” soʻzlari bilan almashtirilsin;

“Masʼul ijrochilar” ustunidagi “Xalq taʼlimi vazirligi (Shermatov)” soʻzlari “Maktabgacha va maktab taʼlimi vazirligi (Umarova)” soʻzlari bilan almashtirilsin;

p) 5-ilovaning nomlanishidagi “Xalq taʼlimi vazirligining A. Avloniy nomidagi Pedagoglarni kasbiy rivojlantirish va yangi metodikalarga oʻrgatish milliy-tadqiqot instituti” soʻzlari “A. Avloniy nomidagi pedagogik mahorat milliy instituti” soʻzlari bilan almashtirilsin.

3. Oʻzbekiston Respublikasi Prezidentining 2021-yil 19-maydagi “Oʻzbekiston Respublikasida xorijiy tillarni oʻrganishni ommalashtirish faoliyatini sifat jihatidan yangi bosqichga olib chiqish chora-tadbirlari toʻgʻrisida”gi PQ-5117-son qarori 5-bandi “a” kichik bandining ikkinchi xatboshisi “davlat oliy taʼlim muassasalari oʻqituvchilarining xarajatlari esa oliy taʼlim muassasalarining” soʻzlaridan keyin “, kadrlarni qayta tayyorlash va ularning malakasini oshirish boʻyicha davlat taʼlim muassasalari oʻqituvchilarining xarajatlari — kadrlarni qayta tayyorlash va ularning malakasini oshirish boʻyicha davlat taʼlim muassasalarining” soʻzlari bilan toʻldirilsin.

4. Oʻzbekiston Respublikasi Prezidentining 2022-yil 21-iyundagi “Nizomiy nomidagi Toshkent davlat pedagogika universiteti faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-290-son qarorida:

a) 7-bandda “Xalq taʼlimi vazirligi huzuridagi A. Avloniy nomidagi pedagoglarni kasbiy rivojlantirish va yangi metodikalarga oʻrgatish milliy-tadqiqot instituti (keyingi oʻrinlarda — Milliy-tadqiqot instituti)” soʻzlari “Maktabgacha va maktab taʼlimi vazirligi huzuridagi A. Avloniy nomidagi pedagogik mahorat milliy instituti (keyingi oʻrinlarda — Institut)” soʻzlari bilan almashtirilsin;

b) 9-bandning birinchi, uchinchi, toʻrtinchi va oltinchi xatboshilaridagi tegishli kelishikdagi “Milliy-tadqiqot instituti” soʻzlari tegishli kelishikdagi “Institut” soʻzi bilan almashtirilsin;

v) 10-bandda:

birinchi xatboshidagi “Xalq taʼlimi vazirligi” soʻzlari “Maktabgacha va maktab taʼlimi vazirligi” soʻzlari bilan almashtirilsin;

toʻrtinchi xatboshidagi “Milliy-tadqiqot instituti” soʻzlari “Institut” soʻzi bilan, “Xalq taʼlimi xodimlarining” soʻzlari “Rahbar kadrlarning” soʻzlari bilan almashtirilsin;

“b” va “g” kichik bandlardagi “Milliy-tadqiqot institutining” soʻzlari “Institutning” soʻzi bilan almashtirilsin;

g) 11-bandning yettinchi xatboshisi quyidagi tahrirda bayon etilsin:

“A. Avloniy nomidagi pedagogik mahorat milliy instituti hamda Qoraqalpogʻiston Respublikasi va viloyatlar Pedagogik mahorat markazlari metodistlarining bazaviy tarif stavkasi miqdori oliy taʼlim muassasasi ilmiy daraja yoki ilmiy unvonga ega boʻlgan katta oʻqituvchisining bazaviy tarif stavkasi miqdoriga tenglashtiriladi”.

5. Oʻzbekiston Respublikasi Prezidentining 2022-yil 18-noyabrdagi “Bolalarning dam olishlarini tizimli tashkil etish va sogʻlomlashtirish ishlarini yanada takomillashtirishga doir qoʻshimcha chora-tadbirlar toʻgʻrisida”gi PQ-427-son qaroriga 2-ilovaning 22-pozitsiyasi chiqarib tashlansin.

6. Oʻzbekiston Respublikasi Prezidentining 2024-yil 19-fevraldagi PQ-75-son qarori bilan tasdiqlangan Davlat va jamiyat qurilishi, sud-huquq, iqtisodiyot va ijtimoiy sohalardagi qonunlarning havolaki normalarini amalga oshirish boʻyicha chora-tadbirlar rejasining 7-pozitsiyasi chiqarib tashlansin.

(Qonunchilik maʼlumotlari milliy bazasi, 25.06.2024-y., 07/24/231/0445-son; 29.04.2025-y., 06/25/73/0389-son)