Oʻzbekiston Respublikasi Prezidentining
Qarori
Farmatsevtika tarmogʻini yanada rivojlantirish va investitsiya loyihalarini amalga oshirishni jadallashtirish boʻyicha qoʻshimcha chora-tadbirlar toʻgʻrisida
Farmatsevtika sohasida yuqori talabga ega boʻlgan mahsulotlarni oʻzlashtirish, yangi investitsiya loyihalarini moliyalashtirishni qoʻllab-quvvatlash, sohaga toʻgʻridan-toʻgʻri xorijiy investitsiyalarni jalb qilish, farmatsevtika mahsulotlarini ishlab chiqarish hajmlarini oshirish, aholini sifatli, samarali va arzon farmatsevtika mahsulotlari bilan taʼminlash, mahalliy korxonalarga umumeʼtirof etilgan amaliyotlar va standartlarni keng tatbiq etish maqsadida:
1. Quyidagilar:
2024-2025-yillarda farmatsevtika tarmogʻini rivojlantirish va investitsiya loyihalarini amalga oshirishni jadallashtirish boʻyicha “yoʻl xaritasi” 1-ilovaga muvofiq;
farmatsevtika sohasida amalga oshiriladigan investitsiya loyihalarining yigʻma parametrlari 2-ilovaga muvofiq;
“Tashkent Pharma Park” innovatsion ilmiy-ishlab chiqarish farmatsevtika klasteri faoliyatini jadallashtirish boʻyicha chora-tadbirlar rejasi 3-ilovaga muvofiq tasdiqlansin.
 LexUZ sharhi
Qarang: Vazirlar Mahkamasining 2022-yil 17-maydagi 263-sonli ““Tashkent Pharma Park” innovatsion ilmiy-ishlab chiqarish farmatsevtika klasterida farmatsevtika texnik universiteti faoliyatini tashkil etish toʻgʻrisida”gi qarori.
2. Belgilansinki:
a) Sogʻliqni saqlash vazirligi (A. Xudayarov), Farmatsevtika tarmogʻini rivojlantirish agentligi (A. Azizov), Investitsiyalar, sanoat va savdo vazirligi (L. Kudratov), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari farmatsevtika korxonalari faoliyatini samarali tashkil etish, ularni har tomonlama qoʻllab-quvvatlash hamda hududlarda investitsiya loyihalarini amalga oshirishda shaxsan javobgar boʻladi;
b) korxonalar va investitsiya loyihalari bilan ishlash quyidagi yondashuv asosida tashkil etiladi:
hududlarda amalga oshiriladigan investitsiya loyihalarini oʻz vaqtida ishga tushirish ishlarini loyihabay kesimida tashkil etish;
har bir loyiha va korxonalarni joyiga chiqqan holda oʻrganib, mavjud muammolarni tezkor bartaraf etishda tashabbuskorlarga koʻmaklashish;
sohada yaratilayotgan keng imkoniyatlarni tadbirkorlar orasida targʻib qilish;
farmatsevtika tarmogʻida yangi investitsiya loyihalarini shakllantirish;
kam quvvatda ishlayotgan korxonalarning mavjud quvvatlaridan samarali foydalanish hamda raqobatbardoshligini oshirishda tarmoq korxonalariga koʻmaklashish va ularni qoʻllab-quvvatlash.
 LexUZ sharhi
Qarang: Oʻzbekiston Respublikasi Prezidentining 2022-yil 21-yanvardagi PF-55-sonli “2022 — 2026-yillarda respublikaning farmatsevtika tarmogʻini jadal rivojlantirishga oid qoʻshimcha chora-tadbirlar toʻgʻrisida”gi Farmoni.
Farmatsevtika sanoatini rivojlantirish boʻyicha komissiya (J. Xodjayev) korxonalar faoliyati va loyihalarni amalga oshirish holatini muntazam ravishda tahlil qilib, mavjud muammoli masalalarni hal etish choralarini koʻrsin va komissiya yigʻilishlarida muhokama qilib borsin.
3. Investitsiyalar, sanoat va savdo vazirligi, Oliy taʼlim, fan va innovatsiyalar vazirligi, Farmatsevtika tarmogʻini rivojlantirish agentligining:
“Biotexnologiyalar klasteri”ni Farmatsevtika tarmogʻini rivojlantirish agentligining “Tashkent Pharma Park” innovatsion ilmiy-ishlab chiqarish farmatsevtika klasteri (keyingi oʻrinlarda — Klaster) hududida tashkil etish;
Klasterga tutash hududdan qoʻshimcha 60 gektar yer maydonini ajratish hisobiga Klaster hududini kengaytirish toʻgʻrisidagi takliflariga rozilik berilsin.
Toshkent viloyati hokimligi (Z. Mirzayev) Farmatsevtika tarmogʻini rivojlantirish agentligi (A. Azizov) bilan birgalikda:
ikki oy muddatda Klaster hududini kengaytirish uchun mazkur bandda koʻrsatilgan yer uchastkalarining yer fondi toifasini oʻzgartirish boʻyicha asoslantirilgan takliflarni Qishloq xoʻjaligiga moʻljallangan va oʻrmon fondi yerlarining yer fondi toifalarini oʻzgartirish masalalarini koʻrib chiqish boʻyicha Hukumat komissiyasiga kiritsin;
yer fondi toifasi oʻzgartirilganidan keyin tegishli yer uchastkasini “Tashkent Pharma Park” innovatsion ilmiy-ishlab chiqarish farmatsevtika klasterini rivojlantirish direksiyasi” davlat muassasasiga doimiy foydalanish huquqi bilan ajratsin.
Investitsiyalar, sanoat va savdo vazirligi, Iqtisodiyot va moliya vazirligi “Biotexnologiyalar klasteri” loyihasini moliyalashtirish uchun xalqaro moliya institutlari va xorijiy hukumat moliya tashkilotlarining imtiyozli kreditlarini jalb qilish boʻyicha zarur chora-tadbirlarni amalga oshirsin.
Oliy taʼlim, fan va innovatsiyalar vazirligi Farmatsevtika tarmogʻini rivojlantirish agentligi bilan birgalikda “Biotexnologiyalar klasteri”da biofarmatsevtik yuqori texnologiyali dori preparatlarini yaratish hamda mahalliy biotexnologik mahsulotlarni ishlab chiqarish choralarini koʻrsin.
4. Mahalliy farmatsevtika mahsulotlarini ishlab chiqaruvchilarni yanada qoʻllab-quvvatlash maqsadida shunday tartib oʻrnatilsinki, unga muvofiq:
har yili 1-dekabrga qadar Sogʻliqni saqlash vazirligi tibbiyot muassasalarining ehtiyojlaridan kelib chiqib, kelgusi yil uchun farmatsevtika mahsulotlariga boʻlgan talab va ehtiyojni shakllantiradi va internet saytida joylashtiradi;
Oldingi tahrirga qarang.
2025-yil 1-apreldan dori vositalari va tibbiy buyumlar xaridlari Sogʻliqni saqlash vazirligi hamda Iqtisodiyot va moliya vazirligi tomonidan tasdiqlangan tartibga muvofiq lotlarga boʻlgan holda amalga oshiriladi;
(4-bandning uchinchi xatboshisi Oʻzbekiston Respublikasi Prezidentining 2024-yil 29-noyabrdagi PQ-408-sonli qarori tahririda — Qonunchilik maʼlumotlari milliy bazasi, 05.12.2024-y., 07/24/408/1005-son. Kuchga kirish sanasi — 2025-yil 1-aprel)
2025-yil 1-yanvardan bosqichma-bosqich barcha tibbiyot muassasalari tomonidan markazlashmagan tartibda xarid qilinadigan farmatsevtika mahsulotlari xaridi markazlashtirilgan tartibga oʻtkaziladi.
Sogʻliqni saqlash vazirligi (A. Xudayarov) uch oy muddatda markazlashtirilgan tartibda xarid qilinadigan farmatsevtika mahsulotlari roʻyxatini ishlab chiqib, tasdiqlasin.
5. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Sogʻliqni saqlash vazirligi (A. Xudayarov) bilan birgalikda 2024-yil yakuniga qadar mahalliy budjet mablagʻlari hisobidan hududiy tibbiyot tashkilotlarining omborlarini “Zarur saqlash amaliyoti — (GSP)” talablari asosida tashkil etsin va termolabil dori vositalarini yetkazib berish uchun maxsus yuk tashuvchi avtotransport vositalari bilan taʼminlasin.
6. Investitsiyalar, sanoat va savdo vazirligi (L. Kudratov) Toshkent viloyati hokimligi (Z. Mirzayev), Jizzax viloyati hokimligi (E. Saliyev), Namangan viloyati hokimligi (Sh. Abdurazakov) va Andijon viloyati hokimligi (Sh. Abduraxmanov) bilan birgalikda ikki oy muddatda hududlarda tashkil etilgan farmatsevtika sohasiga ixtisoslashgan maxsus iqtisodiy zonalardagi yer maydonlarini xatlovdan oʻtkazsin va yangi loyihalarni joylashtirish mumkin boʻlgan yer maydonlarini aniqlasin.
Farmatsevtika tarmogʻini rivojlantirish agentligi (A. Azizov) xatlov natijasida aniqlangan boʻsh yer maydonlariga import oʻrnini bosuvchi farmatsevtika mahsulotlarini ishlab chiqarishga moʻljallangan yangi investitsiya loyihalarini qonunchilikda oʻrnatilgan tartibda joylashtirish choralarini koʻrsin hamda natijalari yuzasidan har chorak yakuni boʻyicha Vazirlar Mahkamasiga tahliliy maʼlumotlarni kiritib borsin.
Oldingi tahrirga qarang.
7. Belgilansinki, farmatsevtika yoʻnalishidagi investitsiya loyihalarini moliyaviy qoʻllab-quvvatlash maqsadida:
xorijiy ilgʻor texnologiyalarni jalb qilishga yoʻnaltirilgan innovatsion dori vositalari va tibbiy jihozlarni ishlab chiqarishga moʻljallangan loyihalarni moliyalashtirish uchun tijorat banklari tomonidan 10 yil muddatga 4 yillik imtiyozli davr bilan yillik 5 foiz stavkada Tiklanish va taraqqiyot jamgʻarmasidan 80 million AQSH dollari miqdoridagi kredit liniyasi 2024 — 2028-yillarda jalb qilinsin. Bunda mazkur mablagʻlar tijorat banklari tomonidan asbob-uskunalar sotib olish uchun kredit va lizing mexanizmlarini qoʻllagan holda 10 yilgacha muddatga, shundan 4 yillik imtiyozli davr bilan yillik 7 foiz stavkada;
xomashyolarni sotib olish maqsadida aylanma mablagʻlarni moliyalashtirish uchun xorijiy valyutada 7 foiz va milliy valyutada yillik 14 foiz stavkada 3 yilgacha muddatga ajratiladi.
Bunda:
bitta farmatsevtika ishlab chiqarish korxonaga xomashyo sotib olish uchun oʻtgan yilda ishlab chiqarilgan mahsulotlar qiymatidan 20 foiz miqdorida kredit rasmiylashtiriladi;
asbob-uskunalar va xomashyo xarid qilinishi koʻzda tutilganda, import kontraktlari “Loyihalar va import kontraktlarini kompleks ekspertizadan oʻtkazish markazi” DUK ekspertizasidan oʻtkaziladi;
mablagʻlar tijorat banklari tomonidan Farmatsevtika tarmogʻini rivojlantirish agentligi Ilmiy-texnik kengashining ijobiy xulosasiga koʻra ajratiladi;
kredit liniyasi mablagʻlarining tijorat banklari kesimidagi taqsimoti Markaziy bank tomonidan tasdiqlanadi.
(7-band Oʻzbekiston Respublikasi Prezidentining 2026-yil 5-martdagi PF-35-sonli Farmoni tahririda — Qonunchilik maʼlumotlari milliy bazasi, 07.03.2026-y., 06/26/35/0205-son)
8. “Asakabank” AJ (Q. Tulaganov)ga kredit liniyalarini boshqa tijorat banklariga farmatsevtika yoʻnalishidagi investitsiya loyihalarini moliyalashtirish maqsadida qayta moliyalashtirishga ruxsat berilsin.
Bunda, loyihalarning texnik-iqtisodiy asoslari (biznes-rejalari) Farmatsevtika tarmogʻini rivojlantirish agentligining Ilmiy-texnik kengashi tomonidan koʻrib chiqiladi.
9. Oʻzbekiston Respublikasi Prezidentining ayrim qarorlariga 4-ilovaga muvofiq oʻzgartirishlar va qoʻshimcha kiritilsin.
10. Sogʻliqni saqlash vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qaror ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Xodjayev hamda Farmatsevtika tarmogʻini rivojlantirish agentligi direktori A.A. Azizov belgilansin.
Qaror ijrosiga masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 10-yanvar,
PQ-14-son

Oʻzbekiston Respublikasi Prezidentining 2024-yil 10-yanvardagi PQ-14-son qaroriga

1-ILOVA

2024-2025-yillarda farmatsevtika tarmogʻini rivojlantirish va investitsiya loyihalarini amalga oshirishni jadallashtirish boʻyicha
“YOʻL XARITASI”
Oldingi tahrirga qarang.

T/r

Amalga oshiriladigan chora-tadbirlar

Amalga oshirish mexanizmi

Bajarish muddati

Masʼullar

1.

Farmatsevtika erkin iqtisodiy zonalari faoliyatini takomillashtirish.

1. Loyihalarning oʻz vaqtida ishga tushishi, loyihalarni amalga oshirish jarayonida yuzaga keladigan muammolarni bartaraf etish maqsadida har bir loyihaga masʼul biriktirish.

2024-yil mart

Investitsiyalar, sanoat va savdo vazirligi

(L. Kudratov),

Farmatsevtika tarmogʻini rivojlantirish agentligi

(A. Azizov),

Farmatsevtika erkin iqtisodiy zonalari direksiyalari

2. “Parkent-farm”, “Boʻstonliq-farm”, “Andijon-farm”, “Kosonsoy-farm” va “Zomin-farm” EIZlarida amalga oshirilayotgan loyihalarni xatlovdan oʻtkazish.

2024-yil aprel

3. Farmatsevtika erkin iqtisodiy zonalari faoliyatini takomillashtirish va ulardan samarali foydalanish boʻyicha takliflarni Vazirlar Mahkamasiga kiritish.

2024-yil may

2.

“Boʻstonliq-farm” va “Zomin-farm” EIZlarining infratuzilmasini yaxshilash.

1. “Boʻstonliq-farm” va “Zomin-farm” EIZlarining infratuzilma bilan bogʻliq muammolarini bartaraf etish.

2024-yil sentabr

Investitsiyalar, sanoat va savdo vazirligi

(L. Kudratov),

Iqtisodiyot va moliya vazirligi

(I. Norqulov),

Jizzax va Toshkent viloyatlari hokimliklari,

Farmatsevtika tarmogʻini rivojlantirish agentligi

(A. Azizov)

2. “Boʻstonliq-farm” va “Zomin-farm” EIZlariga yangi investitsiya loyihalarini joylashtirish boʻyicha loyiha takliflarini ishlab chiqish.

2024-yil iyun

3. “Boʻstonliq-farm” va “Zomin-farm” EIZlarida investitsiya loyihalarini amalga oshirish.

2024-2025-yillar

3.

Hududlarda farmatsevtika sohasini rivojlantirish uchun xalqaro konsultant va mutaxassislarni jalb etish.

1. Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlariga hududda farmatsevtika sohasini rivojlantirish boʻyicha xalqaro maslahatchi va mutaxassislarni biriktirish.

2024-yil mart

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari,

Farmatsevtika tarmogʻini rivojlantirish agentligi

(A. Azizov)

2. Hududning ixtisoslashuvidan kelib chiqib farmatsevtika sohasini rivojlantirish chora-tadbirlarini belgilash.

2024-yil may

3. Investorlarni jalb etgan holda investitsiya loyihalarini amalga oshirish.

2024-2025-yillar

4.

Hududlarda farmatsevtika sohasini rivojlantirish va mahalliy ishlab chiqaruvchilarni qoʻllab-quvvatlash.

1. Farmatsevtika korxonalarining joriy faoliyatini oʻrganish hamda investitsiya loyihalarini amalga oshirishda joylarda yuzaga keladigan muammoli masalalarni bartaraf etib borish.

Doimiy

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari

2. Belgilangan investitsiya loyihalarining oʻz muddatida ishga tushishini taʼminlash.

2024-2025-yillar

5.

Oʻzbekistonga yirik xorijiy kompaniyalarni jalb etish.

1. Farmatsevtika sohasida amalga oshirilayotgan istiqbolli loyihalarni toʻliq inventarizatsiyadan oʻtkazish.

2024-yil mart

Farmatsevtika tarmogʻini rivojlantirish agentligi

(A. Azizov),

Tashqi ishlar vazirligi

(B. Saidov),

Investitsiyalar, sanoat va savdo vazirligi

(L. Kudratov)

2. Nufuzli xalqaro kompaniyalarni Oʻzbekistonga jalb etish boʻyicha muzokaralar olib borish.

Reja asosida

3. Kafolatli xarid va transfer texnologiyalarini qoʻllagan holda yirik xorijiy kompaniyalarni jalb etish choralarini koʻrish.

2024-yil dekabr

6.

Farmatsevtika tarmogʻida biologik faol qoʻshimchalar ishlab chiqarishni rivojlantirish.

1. Biologik faol qoʻshimchalar bozorining joriy holatini tahlil qilish.

2024-yil mart

Farmatsevtika tarmogʻini rivojlantirish agentligi

(A. Azizov),

Sanitariya-epidemiologik osoyishtalik va jamoat salomatligi qoʻmitasi

(B. Yusupaliyev)

2. Xalqaro tajriba asosida biologik faol qoʻshimchalar ishlab chiqarishni rivojlantirishning asosiy maqsad va yoʻnalishlarini belgilash.

2024-yil may

3. Mahalliy korxonalarga xalqaro standartlarni joriy etish, yangi biologik faol qoʻshimchalar ishlab chiqarish va xorijiy bozorlarga kirib borishni qoʻllab-quvvatlash choralarini koʻrish.

2024-yil dekabr

7.

Tarmoqdagi mavjud korxonalar muammolarini oʻrganish va past quvvatda faoliyat koʻrsatayotgan farmatsevtika korxonalarini toʻliq quvvatga olib chiqish choralarini koʻrish.

1. Past quvvatda ishlayotgan korxonalarga “korxonabay” tamoyili asosida Farmatsevtika tarmogʻini rivojlantirish agentligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklaridan masʼullar biriktirish.

2024-yil mart

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari,

Farmatsevtika tarmogʻini rivojlantirish agentligi

(A. Azizov)

2. Korxonalar faoliyati uzluksizligini taʼminlash, ularni moliyaviy qoʻllab-quvvatlash maqsadida aylanma mablagʻlar jalb etish.

Korxona talabidan kelib chiqib

8.

Mahalliy farmatsevtika mahsulotlarini ishlab chiqarishni tashkil etish loyihalarini qoʻllab-quvvatlash.

1. Tiklanish va taraqqiyot jamgʻarmasidan tijorat banklariga farmatsevtika loyihalarni moliyalashtirish uchun 80 million AQSH dollari miqdoridagi kredit mablagʻlarini ajratish.

2024 — 2028-yillar

Tiklanish va taraqqiyot jamgʻarmasi

(Sh. Vafayev),

“Asakabank” AJ

(Q. Tulaganov),

Investitsiyalar, sanoat va savdo vazirligi

(L. Kudratov)

2. 2024-yil yakuniga qadar nufuzli xorijiy banklar va xalqaro moliya institutlaridan 500 million AQSH dollari miqdoridagi davlat kafolatisiz kredit liniyalarini jalb qilish.

2024-yil dekabr

3. Farmatsevtika yoʻnalishidagi investitsiya loyihalarini moliyalashtirish.

Reja asosida

9.

Farmatsevtika sohasini malakali mutaxassislar bilan taʼminlash.

1. Farmatsevtika texnik universitetida 2024-2025 oʻquv yilida taʼlim jarayonlarini boshlash.

2024-yil oktabr

Farmatsevtika tarmogʻini rivojlantirish agentligi

(A. Azizov),

Oliy taʼlim, fan va innovatsiyalar vazirligi

(Sh. Turdiqulova)

2. Har yili sohadagi 30 nafar mutaxassislarni xorijiy taʼlim muassasalarida, ilmiy-tadqiqot markazlarida va xorijiy korxonalarda malaka oshirishlarini tashkil etish.

2024-yil dekabr

10.

Farmatsevtika tarmogʻini rivojlantirish agentligi huzuridagi ilmiy-tadqiqot institutlari faoliyatini takomillashtirish.

Institutlar faoliyatini tahlil qilish va ularning faoliyatini takomillashtirish yuzasidan chora-tadbirlar belgilash.

2024-yil iyun

Farmatsevtika tarmogʻini rivojlantirish agentligi

(A. Azizov),

Oliy taʼlim, fan va innovatsiyalar vazirligi

(Sh. Turdiqulova)

11.

“Oʻzmedimpeks” davlat muassasasi moddiy-texnika bazasini yaxshilash.

1. Hududlarda “Oʻzmedimpeks” davlat muassasasi uchun zarur boʻladigan omborlarni “Zarur saqlash amaliyoti — (GSP)” talablari asosida tashkil etish.

2. Tibbiyot muassasalarining farmatsevtika mahsulotlari bilan uzluksiz taʼminotini yaxshilash maqsadida termolabil dori vositalarini yetkazib berish uchun 14 ta maxsus yuk tashuvchi avtotransport vositalarini xarid qilish.

2024-yil dekabr

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari,

Sogʻliqni saqlash vazirligi

(A. Xudayarov)

12.

Tibbiy buyum va texnikalarni ishlab chiqaruvchi mahalliy korxonalarga ISO 13485 standarti talablarini joriy etish.

Tibbiy buyum va texnikalarni ishlab chiqaruvchi mahalliy korxonalarga ISO 13485 standarti talablarini joriy etish boʻyicha tashkiliy va amaliy chora-tadbirlarni amalga oshirish.

2025-yil mart

Oʻzbekiston texnik jihatdan tartibga solish agentligi

(D. Sattarov),

Farmatsevtika tarmogʻini rivojlantirish agentligi

(A. Azizov)

13.

Xalqaro maslahatchi kompaniyalarni jalb etgan holda farmatsevtika sohasini rivojlantirish istiqbollarini ishlab chiqish.

1. Xalqaro konsultativ kompaniyalarni jalb etish choralarini koʻrish.

2024-yil may

Farmatsevtika tarmogʻini rivojlantirish agentligi

(A. Azizov)

2. Jalb qilingan kompaniya bilan birgalikda farmatsevtika sohasini rivojlantirish boʻyicha “yoʻl xaritasi”ni ishlab chiqish va tasdiqlash.

Bunda mazkur “yoʻl xaritasida” quyidagilarni nazarda tutish:

mamlakatda ishlab chiqariladigan dori vositalari va tibbiy buyumlarning respublika umumiy isteʼmolidagi ulushini 2030-yilgacha 70 foizga yetkazish;

rekombinant texnologiyalarga asoslangan mahalliy biotexnologik mahsulotlardan vaksina va rekombinant oqsillar ishlab chiqarishni tashkil etish;

saraton va autoimmun kasalliklarini davolash uchun monoklonal antitanachalarga asoslangan yuqori texnologiyali dori preparatlarini yaratish.

2024-yil avgust

(1-ilova Oʻzbekiston Respublikasi Prezidentining 2026-yil 5-martdagi PF-35-sonli Farmoni tahririda — Qonunchilik maʼlumotlari milliy bazasi, 07.03.2026-y., 06/26/35/0205-son)

Oʻzbekiston Respublikasi Prezidentining 2024-yil 10-yanvardagi PQ-14-son qaroriga

2-ILOVA

Farmatsevtika sohasida amalga oshiriladigan investitsiya loyihalarining
YIGʻMA PARAMETRLARI

T/r

Hudud nomi

Umumiy qiymati

(mln doll.)

shundan, moliyalashtirish manbalari boʻyicha

Ish oʻrinlari

oʻz mablagʻlari

tijorat banklari kreditlari

kafolatlanmagan xorijiy kreditlar

toʻgʻridan-toʻgʻri xorijiy investitsiyalar

davlat kafolati ostidagi xorijiy kreditlar

Tiklanish va taraqqiyot jamgʻarmasi mablagʻlari

Jami:

1 911,0

648,9

277,9

121,0

642,6

188,7

32,0

13 516

1.

Qoraqalpogʻiston Respublikasi

35,5

18,5

5,0

4,5

7,5

0,0

0,0

270

2.

Andijon viloyati

77,5

39,4

22,5

15,6

0,0

0,0

0,0

610

3.

Buxoro viloyati

53,8

32,5

14,3

0,0

7,0

0,0

0,0

214

4.

Jizzax viloyati

110,2

25,5

28,7

6,0

50,0

0,0

0,0

910

5.

Qashqadaryo viloyati

37,3

17,3

10,0

3,0

7,0

0,0

0,0

312

6.

Navoiy viloyati

50,2

14,6

13,1

0,0

22,5

0,0

0,0

345

7.

Namangan viloyati

104,1

34,9

40,2

0,0

29,0

0,0

0,0

882

8.

Samarqand viloyati

138,8

56,4

12,0

15,4

55,0

0,0

0,0

684

9.

Sirdaryo viloyati

98,8

48,8

1,0

20,0

29,0

0,0

0,0

1 015

10.

Surxondaryo viloyati

56,2

19,5

6,0

9,2

21,5

0,0

0,0

530

11.

Toshkent viloyati

859,5

176,2

80,2

21,7

360,7

188,7

32,0

4 802

12.

Fargʻona viloyati

41,7

18,3

2,0

15,6

5,9

0,0

0,0

570

13.

Xorazm viloyati

57,8

10,6

9,7

10,0

27,5

0,0

0,0

710

14.

Toshkent shahri

189,7

136,5

33,2

0,0

20,0

0,0

0,0

1 662
* Farmatsevtika sanoatini rivojlantirish boʻyicha komissiya hamda Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi (J. Xodjayev)ga yigʻilish bayoni asosida mazkur ilovaga oʻzgartirish va qoʻshimchalar kiritish huquqi beriladi.

Oʻzbekiston Respublikasi Prezidentining 2024-yil 10-yanvardagi PQ-14-son qaroriga

3-ILOVA

“Tashkent Pharma Park” innovatsion ilmiy-ishlab chiqarish farmatsevtika klasteri faoliyatini jadallashtirish boʻyicha
CHORA-TADBIRLAR REJASI

T/r

Amalga oshiriladigan chora-tadbirlar

Bajarish muddati

Masʼullar

I bosqich

Klasterning sanoat obyektlarini va ilmiy-oʻquv qismi I fazasini qurish

(amalga oshirish muddati: 2024 — 2027-yillar)

1.

Farmatsevtika mahsulotlari xavfsizligi markazi va “Tashkent Pharma Park” innovatsion ilmiy-ishlab chiqarish farmatsevtika klasterini rivojlantirish direksiyasining maʼmuriy binosini qurib, foydalanishga topshirish.

2024-yil avgust

Farmatsevtika tarmogʻini rivojlantirish agentligi

(A. Azizov)

2.

Klasterning sanoat zonasini rivojlantirish uchun xorijiy investorlarni jalb qilish maqsadida “roud-shou” oʻtkazish.

Doimiy ravishda

(investitsiya paketlari shakllantirilgandan soʻng)

Farmatsevtika tarmogʻini rivojlantirish agentligi

(A. Azizov),

Investitsiyalar, sanoat va savdo vazirligi

(L. Kudratov)

Tashqi ishlar vazirligi

(B.Saidov)

3.

Farmatsevtika klasterining ilmiy-oʻquv qismini tashkil etish (I faza) boʻyicha Koreya maslahatchilari tomonidan loyihani amalga oshirish rejasini va loyiha-smeta hujjatlarini ishlab chiqish.

2024-yil noyabr

Farmatsevtika tarmogʻini rivojlantirish agentligi

(A. Azizov),

Investitsiyalar, sanoat va savdo vazirligi

(L. Kudratov)

4.

I fazani tashkil etish uchun bosh pudratchini tanlash.

2025-yil mart

Farmatsevtika tarmogʻini rivojlantirish agentligi

(A. Azizov),

Investitsiyalar, sanoat va savdo vazirligi

(L. Kudratov)

5.

I fazani amalga oshirish doirasida zarur jihozlar va inventarlar roʻyxatini aniqlash va ularni yetkazib berish tartib-taomillarini boshlash.

2025-yil aprel

Bojxona qoʻmitasi

(A. Mavlonov),

Farmatsevtika tarmogʻini rivojlantirish agentligi

(A. Azizov)

6.

Qurilish-montaj ishlarini boshlash (I faza).

2025-yil aprel

Farmatsevtika tarmogʻini rivojlantirish agentligi

(A. Azizov),

Investitsiyalar, sanoat va savdo vazirligi

(L. Kudratov)

7.

Montaj va ishga tushirish ishlari.

2027-yil iyul

Farmatsevtika tarmogʻini rivojlantirish agentligi

(A. Azizov)

8.

I fazani foydalanishga topshirish.

2027-yil noyabr

Farmatsevtika tarmogʻini rivojlantirish agentligi

(A. Azizov),

Investitsiyalar, sanoat va savdo vazirligi

(L. Kudratov)

II bosqich

Klasterning ilmiy-oʻquv qismi II faza obyektlarini qurish

(amalga oshirish muddati: 2024 — 2028-yillar)

9.

EDCF jamgʻarmasi bilan farmatsevtika klasterining ilmiy-oʻquv qismini tashkil etish (II faza) boʻyicha imtiyozli moliyalashtirish shartlarini kelishish va qarz shartnomasini imzolash.

2024-yil iyun

Farmatsevtika tarmogʻini rivojlantirish agentligi

(A. Azizov),

Iqtisodiyot va moliya vazirligi

(I. Norqulov),

Investitsiyalar, sanoat va savdo vazirligi

(L. Kudratov)

10.

II fazani amalga oshirish boʻyicha maslahatchilarni aniqlash uchun tender oʻtkazish.

2025-yil mart

Farmatsevtika tarmogʻini rivojlantirish agentligi

(A. Azizov),

Investitsiyalar, sanoat va savdo vazirligi

(L. Kudratov)

11.

Maslahatchilar tomonidan II fazani amalga oshirish rejasini va loyiha-smeta hujjatlarini ishlab chiqish.

2025-yil noyabr

Farmatsevtika tarmogʻini rivojlantirish agentligi

(A. Azizov),

Investitsiyalar, sanoat va savdo vazirligi

(L. Kudratov)

12.

Loyiha boʻyicha bosh pudratchini tanlash (II faza).

2026-yil mart

Farmatsevtika tarmogʻini rivojlantirish agentligi

(A. Azizov),

Investitsiyalar, sanoat va savdo vazirligi

(L. Kudratov)

13.

Zarur jihozlar va inventarlar roʻyxatini aniqlash va ularni yetkazib berish tartib-taomillarini boshlash.

2026-yil aprel

Farmatsevtika tarmogʻini rivojlantirish agentligi

(A. Azizov),

Bojxona qoʻmitasi

(A. Mavlonov)

14.

Qurilish-montaj ishlarini boshlash (II faza).

2026-yil aprel

Farmatsevtika tarmogʻini rivojlantirish agentligi

(A. Azizov),

Investitsiyalar, sanoat va savdo vazirligi

(L. Kudratov)

15.

Montaj va ishga tushirish ishlari.

2028-yil mart

Farmatsevtika tarmogʻini rivojlantirish agentligi

(A. Azizov)

16.

Foydalanishga topshirish (II faza).

2028-yil aprel

Farmatsevtika tarmogʻini rivojlantirish agentligi

(A. Azizov),

Investitsiyalar, sanoat va savdo vazirligi

(L. Kudratov)

Oʻzbekiston Respublikasi Prezidentining 2024-yil 10-yanvardagi PQ-14-son qaroriga

4-ILOVA

Oʻzbekiston Respublikasi Prezidentining ayrim qarorlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2020-yil 28-yanvardagi “Tashkent Pharma Park” innovatsion ilmiy-ishlab chiqarish farmatsevtika klasterini tashkil etish toʻgʻrisida”gi PQ-4574-son qarorida:
a) 4-bandda:
toʻrtinchi xatboshi chiqarib tashlansin;
beshinchi xatboshi toʻrtinchi xatboshi deb hisoblansin;
b) 1-ilovaning 5-bobida:
birinchi xatboshidagi “136,0 million AQSH dollari” soʻzlari “188,7 million AQSH dollari” soʻzlari bilan almashtirilsin;
beshinchi xatboshi quyidagi tahrirda bayon etilsin:
“foiz stavkasi: I bosqich uchun — yillik 0,10 foiz, II bosqich uchun — yillik 0,05 foiz”;
v) 3-ilova oʻz kuchini yoʻqotgan deb hisoblansin.
2. Oʻzbekiston Respublikasi Prezidentining 2022-yil 28-dekabrdagi “Oʻzbekiston Respublikasining 2023 — 2025-yillarga moʻljallangan investitsiya dasturini amalga oshirish chora-tadbirlari toʻgʻrisida”gi PQ-459-son qaroriga 6-ilovaning 92-pozitsiyasi quyidagi tahrirda bayon etilsin:

“

92.

“Tashkent Pharma Park” innovatsion ilmiy-ishlab chiqarish farmatsevtika klasterini tashkil etish (1-bosqich)

2020 — 2026 yy.

EDCF jamgʻarmasi (Koreya)

83,7

83,7

1,4

1,4

1,4

”.
3. Oʻzbekiston Respublikasi Prezidentining 2023-yil 24-martdagi “Iqtisodiyotda davlat ishtirokini qisqartirishning qoʻshimcha chora-tadbirlari toʻgʻrisida”gi PQ-102-son qarorida:
a) 1-ilovaning 880-pozitsiyasi chiqarib tashlansin;
b) 2-ilova izoh qismining 4-bandi “7” kichik bandi quyidagi mazmundagi xatboshi bilan toʻldirilsin:
“Obyektni sotish “Tashkent Pharma Park” innovatsion ilmiy-ishlab chiqarish farmatsevtika klasteri maʼmuriy binosining qurilish ishlari toʻliq yakunlanganidan soʻng amalga oshiriladi”.
(Qonunchilik maʼlumotlari milliy bazasi, 11.01.2024-y., 07/24/14/0015-son; 05.12.2024-y., 07/24/408/1005-son; 29.01.2025-y., 06/25/13/0080-son; 07.03.2026-y., 06/26/35/0205-son)