Hujjat kuchini yo‘qotgan " " 24.06.2024
Oʻzbekiston Respublikasi Qurilish va uy-joy kommunal xoʻjaligi vazirining
Buyrugʻi
SHNQ 2.07.01-03 “Shaharsozlik. Shahar va qishloq aholi punktlari hududlarini rivojlantirish va qurilishini rejalashtirish” shaharsozlik normalari va qoidalariga oʻzgartirish va qoʻshimchalar kiritish toʻgʻrisida
[Oʻzbekiston Respublikasi Adliya vazirligi tomonidan 2023-yil 20-iyunda hisobga olindi, hisob raqami 175]
 LexUZ sharhi
Mazkur buyruq Oʻzbekiston Respublikasi qurilish va uy-joy kommunal xoʻjaligi vazirining 2024-yil 20-maydagi 01/2-20-sonli “SHNQ 2.07.01-23 “Aholi punktlarining hududlarini rivojlantirish va qurishni shaharsozlik jihatidan rejalashtirish” shaharsozlik normalari va qoidalarini tasdiqlash toʻgʻrisida”gi buyrugʻiga (hisob raqami 261, 24.06.2024-y.) asosan oʻz kuchini yoʻqotgan.
Oʻzbekiston Respublikasining Shaharsozlik kodeksiga muvofiq buyuraman:
1. SHNQ 2.07.01-03 “Shaharsozlik. Shahar va qishloq aholi punktlari hududlarini rivojlantirish va qurilishini rejalashtirish” shaharsozlik normalari va qoidalariga ilovaga muvofiq oʻzgartirish va qoʻshimchalar kiritilsin.
2. Mazkur buyruq Oʻzbekiston Respublikasi Favqulodda vaziyatlar vazirligi va Transport vazirligi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Vazir B. ZAKIROV
Toshkent sh.,
2023-yil 12-iyun,
153-son
Kelishildi:
Favqulodda vaziyatlar vaziri A. KULDASHEV
2023-yil 9-iyun
Oʻzbekiston Respublikasi qurilish va uy-joy kommunal xoʻjaligi vazirining 2023-yil 12-iyundagi 153-son buyrugʻiga
ILOVA
SHNQ 2.07.01-03 “Shaharsozlik. Shahar va qishloq aholi punktlari hududlarini rivojlantirish va qurilishini rejalashtirish” shaharsozlik normalari va qoidalariga kiritilayotgan oʻzgartirish va qoʻshimchalar
1. 20.4-bandda:
quyidagi tahrirdagi toʻqqizinchi va oʻninchi xatboshilar bilan toʻldirilsin:
“Shahar hududida quriladigan turar joy binosining umumiy maydoni (yer ustidagi barcha qavatlar maydonlarining toʻplami) ushbu turar joy binosini qurish uchun ajratilgan yer uchastkasi maydonining uch barobaridan oshmasligi lozim.
Turar joy binosi umumiy maydonining yer uchastkasi maydoniga nisbati (UMN) va turar joy binosi qurilish maydonining yer uchastkasi maydoniga nisbati (QMN) koʻrsatkichlari shahar bosh rejasida belgilanadi.”;
toʻqqizinchi xatboshi tegishli ravishda oʻn birinchi xatboshi deb hisoblansin.
2. 21.1-bandda:
quyidagi tahrirdagi ikkinchi — toʻrtinchi xatboshilar bilan toʻldirilsin:
“Uch va undan yuqori koʻp qavatli turar-joy binolari va barcha yotoq oʻrinlari mavjud boʻlgan binolar orasidagi masofalar mazkur shaharsozlik normalari va qoidalarining 17-ilovasida keltirilgan oʻlchamlardan kam boʻlmasligi lozim.
Maʼmuriy binolarda mazkur shaharsozlik normalari va qoidalarining 17-ilovasida belgilangan masofalar 6 metrdan kam boʻlmagan holda ikki barobargacha qisqartirilishi mumkin.
Ikkita bino orasidagi masofani hisoblash uchun yoʻnalish koeffitsiyenti (ky) mazkur shaharsozlik normalari va qoidalarining 18-ilovasiga muvofiq hisoblanishi lozim.”;
ikkinchi — oʻn toʻrtinchi xatboshilar tegishli ravishda beshinchi — oʻn yettinchi xatboshilar deb hisoblansin;
beshinchi — oʻn uchinchi xatboshilar chiqarib tashlansin;
oʻn toʻrtinchi — oʻn yettinchi xatboshilar tegishli ravishda beshinchi — sakkizinchi xatboshilar deb hisoblansin.
3. 183-band quyidagi tahrirda bayon etilsin:
“Turar joy, jamoat va dam olish maskanlarida avtoturargohlarni hisoblashning normalari mazkur shaharsozlik normalari va qoidalarining 19-ilovasiga muvofiq belgilanishi kerak.”.
4. Mazkur oʻzgartirish va qoʻshimchalarning 1 — 3-ilovalariga muvofiq tahrirda 17 — 19-ilovalar bilan toʻldirilsin.
SHNQ 2.07.01-03 “Shaharsozlik. Shahar va qishloq aholi punktlari hududlarini rivojlantirish va qurilishini rejalashtirish” shaharsozlik normalari va qoidalariga kiritilayotgan oʻzgartirish va qoʻshimchalarga
1-ILOVA
“SHNQ 2.07.01-03 “Shaharsozlik. Shahar va qishloq aholi punktlari hududlarini rivojlantirish va qurilishini rejalashtirish” shaharsozlik normalari va qoidalariga
17-ILOVA
Uch va undan yuqori koʻp qavatli turar-joy binolari va barcha yotoq oʻrinlari mavjud boʻlgan binolar orasidagi masofalar normalari

2-bino balandligi N2

1-bino balandligi N1

Yoʻl tarafdagi hudud chegarasigacha boʻlgan masofa

Devorda derazalari bor bino tarzi

(binoning uzun tomoni)

Devorda derazalari bor bino yon tarzi

Devorda derazalari yoʻq bino yon tarzi

Qoʻshni taraf hudud chegarasigacha boʻlgan masofa

Yoʻl tarafdagi hudud chegarasigacha boʻlgan masofa

-

N2×0,25

N2×0,25

N2×0,25

-

Devorda derazalari bor bino tarzi

(binoning uzun tomoni)

N1×0,25

Nmax×ky

2×Nmax×0,3

2×Nmax×0,3

N1× ky/2

Devorda derazalari bor bino yon tarzi

N1×0,25

2×Nmax×0,3

(N1+N2)×0,3*

(N1+N2)×0,25*

N1×0,25*

Devorda derazalari yoʻq bino yon tarzi

N1×0,25

2×Nmax×0,3

(N1+N2)×0,25*

(N1+N2)×0,15*

N1×0,25*

Qoʻshni taraf hudud chegarasigacha boʻlgan masofa

-

N2×ky/2

N2×0,25*

N2×0,25*

-
Izoh:
N-loyihalashtirilgan binoning balandligi (yer sathidan eng yuqori qavatning yopmasigacha boʻlgan masofa);
yopiq ichki hovlisi bor turar joylarda binolarning ichki fasadlari orasidagi masofa Nmax×2,3 qiymatida qabul qilinadi;
mansardaning vertikal tashqi devori 1,5 metrgacha va tomning qiyaligi 60º gacha boʻlganda mansardaning balandligi binoning balandligiga kiritilmaydi;
mavjud mavzelarning va kichik dahalarning koʻp kvartirali turar joy binolari oraligʻida bolalar oʻyin maydonchalari, kattalar dam olish maydonchalari, vorkaut maydonchalari, kiyim-kechak quritish maydonchalari hamda avtomobillarning vaqtinchalik toʻxtash joylaridan tashqari boshqa obyektlarni loyihalashtirishga yoʻl qoʻyilmaydi;
* binoning yongʻinga bardoshliligi I yoki II-darajali boʻlgan binolar orasidagi masofalarni hisoblash uchun tatbiq etiladi (bunda hisoblangan qiymat 6 metrdan kam boʻlmasligi kerak), bino yongʻinga bardoshliligining boshqa darajalarida binolar orasidagi masofa mazkur shaharsozlik normalari va qoidalarining 1-ilovasiga muvofiq belgilanadi.”.
SHNQ 2.07.01-03 “Shaharsozlik. Shahar va qishloq aholi punktlari hududlarini rivojlantirish va qurilishini rejalashtirish” shaharsozlik normalari va qoidalariga kiritilayotgan oʻzgartirish va qoʻshimchalarga
2-ILOVA
“SHNQ 2.07.01-03 “Shaharsozlik. Shahar va qishloq aholi punktlari hududlarini rivojlantirish va qurilishini rejalashtirish” shaharsozlik normalari va qoidalariga
18-ILOVA
Ikkita bino orasidagi masofani hisoblash uchun yoʻnalish koeffitsiyenti (ky) diagrammasi*
*Izoh: mazkur koeffitsiyentlar binolarning uzun tomonlari bir biriga nisbatan parallel yoki 45°gacha burchak ostida joylashganda qoʻllaniladi”.
SHNQ 2.07.01-03 “Shaharsozlik. Shahar va qishloq aholi punktlari hududlarini rivojlantirish va qurilishini rejalashtirish” shaharsozlik normalari va qoidalariga kiritilayotgan oʻzgartirish va qoʻshimchalarga
3-ILOVA
“SHNQ 2.07.01-03 “Shaharsozlik. Shahar va qishloq aholi punktlari hududlarini rivojlantirish va qurilishini rejalashtirish” shaharsozlik normalari va qoidalariga
19-ILOVA
Turar joy, jamoat va dam olish maskanlarida avtoturargohlarni hisoblashning normalari

Avtoturargohlar joylashadigan hududlar va obyektlar

Hisob birligi

Hisob birligiga mashina-joylari soni (kamida)

Toshkent shahri va Toshkent viloyatida joylashgan koʻp qavatli turar-joy binolari

1 ta xonadonga

1 ta

Boshqa viloyatlarda joylashgan koʻp qavatli turar-joy binolari

2 ta xonadonga

1 ta

Maktabgacha taʼlim tashkilotlari

25 ta oʻquvchiga

1 ta

Maktab

25 ta bolaga

1 ta

Oliy taʼlim tashkilotlari

4 ta talabaga

1 ta

Tibbiyot muassasalari:

shifoxonalar

5 ta koykaga

1 ta

poliklinikalar

5 ta qatnovchiga

1 ta

Maʼmuriy binolar

10 m2

1 ta

Umumiy ovqatlanish va marosimlar oʻtkazish binolari (toʻyxonalar)

4 ta oʻringa

1 ta

Maishiy va kommunal xizmat koʻrsatish obyektlari

10 m2

1 ta

Masjidlar

10 kishiga

1 ta

Sanoat va ishlab chiqarish korxonalari

20 ta xodimga

2 ta

Sigʻimi 500 kishidan ziyod boʻlgan sport bino va inshootlari

10 oʻringa

1 ta

Teatrlar, sirklar, kinoteatrlar, konsert zallari, muzeylar va koʻrgazma majmualari

5 ta oʻrindiq

1 ta

Madaniyat va istirohat bogʻlari

0,05 gektarga

1 ta

Savdo maydoni 200 m2 dan ziyod boʻlgan savdo markazlari

10 m2

(savdo maydoniga)

1 ta

Bozorlar

2 ta savdo rastasiga

1 ta

Mehmonxonalar

5 ta oʻringa

1 ta

Aeroport, vokzallar va avtostansiyalar

5 ta yoʻlovchiga

(tigʻiz paytida)

1 ta

Sanatoriylar va dam olish uylari

10 ta dam oluvchiga

1 ta

Qabristonlar

0,05 gektarga

1 ta

Izoh:
1. Avtoturargohlarda nogironligi boʻlgan shaxslar uchun mashina joylarining (oʻrinlarining) soni SHNQ 2.07.02-22 talablari asosida belgilanadi.
2. Mashina joylarini belgilangan normalarga yetkazgan holda loyihalashning imkoni boʻlmagan taqdirda, loyihalashtirilayotgan obyektdan 500 metrgacha uzoqlikda joylashgan hududdagi avtomobillarni saqlash joylaridan foydalanishga ruxsat etiladi.
3. Transport vositalarini doimiy, vaqtincha yoki mavsumiy saqlash (turishi) uchun moʻljallangan avtoturargohlar alohida yoki qoʻshib qurilgan, yerusti, yerosti yoki birlashgan bino, inshoot (bino yoki inshootning qismi) yoxud maxsus ochiq maydon shaklida mahalliy sharoitdan kelib chiqib tashkil etilishi mumkin.”.