Oʻzbekiston Respublikasi Prezidentining
Qarori
Elektromobillar ishlab chiqarishni tashkil etishni davlat tomonidan qoʻllab-quvvatlash chora-tadbirlari toʻgʻrisida
“Yashil” texnologiyalarni barcha sohalarga faol joriy etish, elektromobillar va ularning butlovchi qismlarini ishlab chiqarishni qoʻllab-quvvatlash orqali havoga chiqariladigan zararli gazlar hajmini qisqartirish maqsadida:
1. Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi hamda Innovatsion rivojlanish vazirligining respublika hududida elektr energiyasi manbalarida harakatlanuvchi transport vositalari (TIF TN kodi 8703 80) (keyingi oʻrinlarda — elektromobillar) hamda ichki yonuv dvigateli va tashqi elektr manbai orqali zaryadlanuvchi elektr motori yordamida harakatlanuvchi transport vositalarini (TIF TN kodlari 8703 60, 8703 70) (keyingi oʻrinlarda — gibrid avtomobillar) sanoat usulida ishlab chiqarishni davlat tomonidan qoʻllab-quvvatlash tizimini joriy etish toʻgʻrisidagi taklifi maʼqullansin.
2. Elektromobillar va gibrid avtomobillarni sanoat usulida ishlab chiqarishni qoʻllab-quvvatlashning quyidagi choralari qoʻllanilsin:
a) 2030-yil 1-yanvarga qadar:
respublikada ishlab chiqarilgan elektromobillar va gibrid avtomobillar utilizatsiya yigʻimidan;
belgilangan tartibda shakllantiriladigan roʻyxatlar boʻyicha xorijdan olib kelinadigan elektromobillarning va gibrid avtomobillarning butlovchi qismlari (mashinokomplekt), xom ashyo va materiallar, uskunalar va texnologik jihozlarni, shu jumladan servis xizmati koʻrsatish uchun ehtiyot qismlarni bojxona bojidan ozod etish;
b) elektromobillar va gibrid avtomobillarni toʻliq siklda ishlab chiqarish jarayonlari oʻzlashtirilgunga qadar, biroq loyiha amalga oshirilishi boshlangan vaqtdan 24 oydan koʻp boʻlmagan vaqt mobaynida ishlab chiqaruvchilarga elektromobillarni va gibrid avtomobillarni bojxona boji va utilizatsiya yigʻimi toʻlamasdan, yaratiladigan ishlab chiqarish quvvatlarining 50 foizigacha, ammo yiliga 10 mingdan koʻp boʻlmagan miqdorda, yirik uzelli ishlab chiqarish uchun mashinokomplekt (SKD) yoki tayyor avtomobil (CBU) holatida olib kirishga ruxsat berish;
v) respublikada ishlab chiqarilgan va ichki bozorda sotilgan, elektromobil va gibrid avtomobillarni sotib olish uchun jismoniy shaxslarga milliy valyutada ajratiladigan bazaviy hisoblash miqdorining 1 200 baravaridan oshmaydigan kreditlar boʻyicha foiz stavkasining Markaziy bank asosiy stavkasidan oshadigan, lekin 10 foiz punktidan koʻp boʻlmagan qismini qoplash uchun kredit muddatining dastlabki 36 oyi davomida Davlat budjeti mablagʻlari hisobidan kompensatsiya toʻlash.
3. Mazkur qarorning 2-bandida nazarda tutilgan davlat tomonidan qoʻllab-quvvatlash choralari elektromobillar va gibrid avtomobillarni quyidagi talablar asosida sanoat usulida ishlab chiqarishni yoʻlga qoʻyadigan barcha investorlar va tadbirkorlik subyektlariga nisbatan teng tatbiq etilishi belgilab qoʻyilsin:
birinchi bosqichda, loyiha amalga oshirilishi boshlangan vaqtdan boshlab 24 oy mobaynida toʻliq ishlab chiqarish jarayonini oʻzlashtirish, jumladan avtomobil kuzovini payvandlash ishlarining kamida 50 foizini, boʻyash va yigʻish, shuningdek, avtomobillarni sinash jarayonlarini oʻzlashtirish;
ikkinchi bosqichda, loyiha amalga oshirilishi boshlangan vaqtdan boshlab 36 oy mobaynida butlovchi qismlarni, shu jumladan oynalar, oʻrindiqlar, ichki va tashqi plastik qismlar, eshik qoplamalari, priborlar paneli, old va orqa bamperlar ishlab chiqarishni oʻzlashtirish, shuningdek, mahalliy korxonalar bilan kooperatsiya asosida mahalliylashtirish.
4. Iqtisodiy taraqqiyot va kambagʻallikni qisqartirish vazirligi hamda Moliya vazirligi bir oy muddatda elektromobillar va gibrid avtomobillar xarid qilish uchun olingan kreditlar boʻyicha foiz stavkasining bir qismini qoplash boʻyicha kompensatsiya toʻlash tartibini Vazirlar Mahkamasiga kiritsin.
5. Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi elektromobillar va gibrid avtomobillar, ularning butlovchi qismlarini ishlab chiqarishni tashkil qilish va ularga servis xizmatini koʻrsatish uchun zarur texnologik asbob-uskunalarni Oʻzbekiston Respublikasi hududiga import qilishda bojxona boji va qoʻshilgan qiymat soligʻidan ozod etiladigan, oʻxshashi respublikada ishlab chiqarilmaydigan texnologik asbob-uskunalar roʻyxatiga kiritib borsin.
6. Investitsiyalar va tashqi savdo vazirligi hamda Iqtisodiy taraqqiyot va kambagʻallikni qisqartirish vazirligiga elektromobillar va gibrid avtomobillarni sanoat usulida ishlab chiqarishni yoʻlga qoʻyish istagini bildirgan investorlar bilan mazkur qarorning 3-bandida nazarda tutilgan talablarni inobatga olgan holda investitsiya shartnomalarini tuzish vakolati berilsin.
Bunda, mazkur qarorning 2-bandi “a” va “b” kichik bandlarida nazarda tutilgan imtiyozlar Investitsiyalar va tashqi savdo vazirligi bilan investitsiya shartnomalarini tuzgan investorlarga, shuningdek, ular tomonidan yirik uzelli ishlab chiqarish uchun mashinokomplekt (SKD) yoki tayyor avtomobil (CBU) holatida olib kirilgan elektromobil va gibrid avtomobillarga nisbatan tatbiq etilishi belgilab qoʻyilsin.
7. Investitsiyalar va tashqi savdo vazirligi hamda Iqtisodiy taraqqiyot va kambagʻallikni qisqartirish vazirligi elektromobillar va gibrid avtomobillarni sanoat usulida ishlab chiqarish boʻyicha mazkur qarorning 3-bandida belgilangan talablarning bajarilganligini xalqaro auditorlik va konsalting kompaniyalarini jalb qilgan holda har bir bosqich yakunlangandan soʻng ikki oy muddatda auditdan oʻtkazib borishni taʼminlasin.
Belgilansinki, sanoat usulida yigʻish talablari belgilangan muddatlarda bajarilmagan taqdirda mazkur qarorning 2-bandi “a” va “b” kichik bandlarida nazarda tutilgan imtiyozlar boʻyicha hisoblangan mablagʻlar Davlat budjetiga toʻliq qaytariladi.
Oldingi tahrirga qarang.
8. Davlat boshqaruvi va mahalliy davlat hokimiyati organlari, ustav kapitalida davlat ulushi 50 foiz va undan ortiq boʻlgan korxonalar tomonidan avtotransport vositalarini biriktirish meʼyorlari doirasida elektromobillar va gibrid avtomobillarni 1-ilovaga muvofiq xarid qilishga ruxsat beriladi.
Bunda, mazkur xaridlar davlat boshqaruvi va mahalliy davlat hokimiyati organlari tomonidan sotib olinadigan avtotransport vositasining eng yuqori narxi boʻyicha oʻrnatilgan cheklovlar hamda ularning yangisiga almashtirish davri talabiga muvofiq amalga oshirilishi shart.
(8-band Oʻzbekiston Respublikasi Prezidentining 2023-yil 29-dekabrdagi PQ-422-sonli qarori tahririda — Qonunchilik maʼlumotlari milliy bazasi, 29.12.2023-y., 07/23/422/0994-son — 2024-yil 1-yanvardan kuchga kiradi)
9. Elektromobillar va gibrid avtomobillarda yoʻlovchilarni tashish xizmatlarini koʻrsatuvchi jismoniy va yuridik shaxslar 2030-yil 1-yanvarga qadar litsenziya varaqalari berilganligi uchun davlat bojini toʻlashdan ozod etilsin.
10. Oʻzbekiston texnik jihatdan tartibga solish agentligi Iqtisodiy taraqqiyot va kambagʻallikni qisqartirish vazirligi, Transport vazirligi, Energetika vazirligi, “Oʻzavtosanoat” AJ va sohada faoliyat koʻrsatayotgan tadbirkorlik subyektlari bilan birgalikda ikki oy muddatda:
elektromobillar va gibrid avtomobillar, shuningdek, ularning butlovchi qismlarini ishlab chiqarish hamda ularni ekspluatatsiya qilish boʻyicha xalqaro standartlarni joriy etish;
Yevropa, AQSH, Xitoy va eng ilgʻor ilmiy-sinov laboratoriyalariga ega boʻlgan boshqa davlatlarning sertifikatlashtirish organlari tomonidan elektromobillar, gibrid avtomobillar, elektr quvvatlantirish stansiyalari va ularning butlovchi qismlari boʻyicha berilgan muvofiqlik sertifikatlarini toʻgʻridan-toʻgʻri tan olishni nazarda tutuvchi qaror loyihasini Vazirlar Mahkamasiga kiritsin.
11. Iqtisodiy taraqqiyot va kambagʻallikni qisqartirish vazirligi manfaatdor idora va tashkilotlar bilan birgalikda 2023-yil 1-martga qadar mis sanoati klasterlarini rivojlantirish, mis xom ashyosidan yuqori qoʻshilgan qiymatli mahsulotlarni ishlab chiqarishni yoʻlga qoʻyish orqali elektromobillar va gibrid avtomobillar uchun butlovchi qismlar, elektr quvvatlantirish stansiyalarining zamonaviy turlarini hamda ularning butlovchi qismlarini ishlab chiqarish dasturini tasdiqlash uchun Vazirlar Mahkamasiga kiritsin.
12. “Oʻzavtosanoat” AJ:
2023-yil 31-yanvarga qadar Iqtisodiy taraqqiyot va kambagʻallikni qisqartirish vazirligi hamda Innovatsion rivojlanish vazirligi bilan birgalikda Toshkent shahridagi Turin politexnika universiteti qoshida Elektromobillar va ularning infratuzilmasi boʻyicha ilmiy tadqiqot laboratoriyasini (keyingi oʻrinlarda — Laboratoriya) tashkil etsin;
Oldingi tahrirga qarang.
2023-yilda Oliy taʼlim, fan va innovatsiyalar vazirligi, Energetika vazirligi bilan birgalikda Turin politexnika universiteti, Islom Karimov nomidagi Toshkent davlat texnika universiteti va Toshkent kimyo-texnologiya institutining kamida 100 nafar professor-oʻqituvchilari, shuningdek, sohada faoliyat koʻrsatayotgan boshqa mutaxassislarning rivojlangan davlatlarda malaka oshirishlarini taʼminlasin.
(12-bandning uchinchi xatboshisi Oʻzbekiston Respublikasi Prezidentining 2023-yil 3-iyuldagi PF-107-sonli Farmoni tahririda — Qonunchilik maʼlumotlari milliy bazasi, 04.07.2023-y., 06/23/107/0441-son)
13. Belgilab qoʻyilsinki:
Laboratoriya shtat birliklari Toshkent shahridagi Turin politexnika universitetining professor-oʻqituvchilari va doktorantura izlanuvchilari hisobidan shakllantiriladi;
avtomobilsozlik va elektrotexnika sohasida tadqiqotlar olib borish uchun masʼul davlat ilmiy-tadqiqot muassasalari Laboratoriyadan begʻaraz foydalanadi;
Laboratoriya faoliyati uchun chetdan olib kelinadigan kitoblar, dasturiy taʼminot mahsulotlari, zamonaviy axborot-kommunikatsiya vositalari, laboratoriya uskunalari, boshqa turdagi anjomlar belgilangan tartibda shakllantiriladigan roʻyxatlar boʻyicha bojxona bojidan ozod etiladi.
 LexUZ sharhi
Qarang: Vazirlar Mahkamasining 2021-yil 4-iyundagi 352-son qarori bilan tasiqlangan Oʻzbekiston Respublikasi hududiga import qilishda bojxona boji va qoʻshilgan qiymat soligʻidan ozod etiladigan, oʻxshashi respublikada ishlab chiqarilmaydigan texnologik asbob-uskunalar roʻyxati.
14. Respublikada elektromobillar va gibrid avtomobillarni sanoat usulida ishlab chiqarishni yoʻlga qoʻyish hamda ulardan foydalanishni ommalashtirish boʻyicha “yoʻl xaritasi” 2-ilovaga muvofiq tasdiqlansin.
15. Iqtisodiy taraqqiyot va kambagʻallikni qisqartirish vazirligi uch oy muddatda manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
16. Mazkur qaror ijrosini samarali tashkil qilishga masʼul va shaxsiy javobgar etib Bosh vazir maslahatchisi B.F. Islamov belgilansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2022-yil 19-dekabr,
PQ-443-son
Oʻzbekiston Respublikasi Prezidentining 2022-yil 19-dekabrdagi PQ-443-son qaroriga
1-ILOVA
2023 — 2025-yillarda davlat boshqaruvi va mahalliy davlat hokimiyati organlari, ustav kapitalida davlat ulushi 50 foiz va undan ortiq boʻlgan korxonalar tomonidan xarid qilinadigan elektromobillar va gibrid avtomobillar boʻyicha
MAQSADLI KOʻRSATKICHLAR
Oldingi tahrirga qarang.

T/r

Vazirlik, idora va xoʻjalik birlashmalari

2023 — 2025-yillarda

shu jumladan:

soni

(birlik)

summasi

(mln soʻm)

2023-yil

2024-yil

2025-yil

soni

(birlik)

summasi

(mln soʻm)

soni

(birlik)

summasi

(mln soʻm)

soni

(birlik)

summasi

(mln soʻm)

Jami

3 863

1 316 976

806

269 026

1 281

454 591

1 776

593 359

Vazirlik va idoralar

2 765

937 450

579

189 574

894

308 771

1 292

439 105

Mahalliy davlat boshqaruv organlari

276

108 148

61

23 638

86

33 800

129

50 710

Ustav kapitalida davlat ulushi 50 foiz va undan ortiq boʻlgan korxonalar

822

271 378

166

55 814

301

112 020

355

103 544

I. Vazirlik va idoralar

1.

Oʻzbekiston Respublikasi Bosh prokuraturasi

42

16 800

6

2 400

20

8 000

16

6 400

2.

Xalq taʼlimi vazirligi

260

80 000

10

3 500

30

10 500

220

66 000

3.

Maktabgacha taʼlim vazirligi

22

10 450

2

950

10

4 750

10

4 750

4.

Oliy va oʻrta maxsus taʼlim vazirligi

20

6 300

10

3 300

10

3 000

5.

Sogʻliqni saqlash vazirligi

22

8 800

12

4 800

10

4 000

6.

Madaniyat vazirligi

30

15 319

6

3 295

14

7 014

10

5 010

7.

Innovatsion rivojlanish vazirligi

36

11 250

16

4 800

10

3 250

10

3 200

8.

Qishloq xoʻjaligi vazirligi

26

13 000

3

1 500

15

7 500

8

4 000

9.

Suv xoʻjaligi vazirligi

395

119 841

105

31 314

140

40 527

150

48 000

10.

Energetika vazirligi

17

6 800

1

400

6

2 400

10

4 000

11.

Sportni rivojlantirish vazirligi

14

7 700

3

1 650

6

3 300

5

2 750

12.

Bandlik va mehnat munosabatlari vazirligi

14

5 600

6

2 400

8

3 200

13.

Tashqi ishlar vazirligi

12

4 800

1

400

5

2 000

6

2 400

14.

Qurilish vazirligi

21

10 310

3

1 100

10

4 450

8

4 760

15.

Investitsiyalar va tashqi savdo vazirligi

37

17 900

2

900

10

4 500

25

12 500

16.

Axborot texnologiyalari va kommunikatsiyalarini rivojlantirish vazirligi

33

13 192

13

5 210

15

6 232

5

1 750

17.

Adliya vazirligi

75

28 050

10

4 000

65

24 050

18.

Iqtisodiy taraqqiyot va kambagʻallikni qisqartirish vazirligi

19

7 600

1

400

8

3 200

10

4 000

19.

Moliya vazirligi

20

6 600

10

3 300

10

3 300

20.

Favqulodda vaziyatlar vazirligi

122

65 146

20

10 700

42

22 600

60

31 846

21.

Ichki ishlar vazirligi

1 154

346 200

324

97 200

380

114 000

450

135 000

22.

Uy-joy kommunal xizmat koʻrsatish vazirligi

31

9 900

1

400

5

2 000

25

7 500

23.

Veterinariya va chorvachilikni rivojlantirish davlat qoʻmitasi

10

4 600

1

550

5

2 250

4

1 800

24.

Ekologiya va atrof-muhitni muhofaza qilish davlat qoʻmitasi

102

35 700

17

5 950

45

15 750

40

14 000

25.

Sanoat xavfsizligi davlat qoʻmitasi

6

2 340

1

500

1

400

4

1 440

26.

Davlat bojxona qoʻmitasi

67

26 147

17

6 634

25

9 756

25

9 756

27.

Oʻrmon xoʻjaligi davlat qoʻmitasi

17

5 440

1

320

6

1 920

10

3 200

28.

Geologiya va mineral resurslar davlat qoʻmitasi

30

10 310

12

4 402

11

3 718

7

2 190

29.

Raqobatni rivojlantirish va isteʼmolchilar huquqlarini himoya qilish qoʻmitasi

24

7 445

2

810

2

810

20

5 825

30.

Davlat statistikasi qoʻmitasi

24

8 400

4

1 400

20

7 000

31.

Davlat aktivlarini boshqarish agentligi

18

8 600

2

1 100

6

3 000

10

4 500

32.

Oʻzbekiston Milliy axborot agentligi

5

1 790

1

354

2

708

2

728

33.

“Oʻzarxiv” agentligi

15

4 500

5

1 500

4

1 200

6

1 800

34.

Oʻsimliklar karantini va himoyasi agentligi

15

6 420

2

985

5

2 235

8

3 200

35.

Yoshlar ishlari agentligi

10

4 200

1

350

4

1 600

5

2 250

II. Mahalliy davlat boshqaruv organlari

36.

Qoraqalpogʻiston Respublikasi Vazirlar Kengashi

39

15 600

9

3 600

18

7 200

12

4 800

37.

Andijon viloyati hokimligi

22

8 800

4

1 600

8

3 200

10

4 000

38.

Buxoro viloyati hokimligi

12

3 900

2

900

2

600

8

2 400

39.

Jizzax viloyati hokimligi

15

6 000

3

1 200

4

1 600

8

3 200

40.

Qashqadaryo viloyati hokimligi

19

7 600

4

1 600

5

2 000

10

4 000

41.

Navoiy viloyati hokimligi

14

5 600

2

800

4

1 600

8

3 200

42.

Namangan viloyati hokimligi

17

6 800

4

1 600

5

2 000

8

3 200

43.

Samarqand viloyati hokimligi

19

7 600

4

1 600

5

2 000

10

4 000

44.

Sirdaryo viloyati hokimligi

13

5 200

2

800

5

2 000

6

2 400

45.

Surxondaryo viloyati hokimligi

27

10 368

9

3 168

8

3 200

10

4 000

46.

Toshkent viloyati hokimligi

20

8 000

3

1 200

5

2 000

12

4 800

47.

Fargʻona viloyati hokimligi

16

6 280

3

1 170

4

1 600

9

3 510

48.

Xorazm viloyati hokimligi

24

8 800

8

2 800

8

2 800

8

3 200

49.

Toshkent shahri hokimligi

19

7 600

4

1 600

5

2 000

10

4 000

III. Ustav kapitalida davlat ulushi 50 foiz va undan ortiq boʻlgan korxonalar

50.

“Olmaliq KMK” AJ

70

26 000

20

8 000

30

12 000

20

6 000

51.

“Navoiy KMK” AJ

63

21 900

3

900

40

14 000

20

7 000

52.

“Oʻzavtosanoat” AJ

270

80 640

60

20 160

90

30 240

120

30 240

53.

“Issiqlik elektr stansiyalari” AJ

52

15 288

12

4 704

15

5 880

25

4 704

54.

“Uzbekistan airports” AJ

13

4 400

5

2 000

8

2 400

55.

“Uzbekistan airways” AJ

11

4 250

1

550

4

1 600

6

2 100

56.

“Oʻzkimyosanoat” AJ

24

9 490

4

2 240

5

2 000

15

5 250

57.

“Hududiy elektr tarmoqlari” AJ

15

5 550

1

450

4

1 600

10

3 500

58.

“Oʻzbekiston Milliy elektr tarmoqlari” AJ

22

6 600

4

1 200

6

2 400

12

3 000

59.

“Oʻzbekneftgaz” AJ

41

15 840

1

340

30

12 000

10

3 500

60.

“Oʻzbekgidroenergo” AJ

23

5 200

2

800

6

2 400

15

2 000

61.

“Oʻzmetkombinat” AJ

25

10 000

5

2 000

10

4 000

10

4 000

62.

“Oʻzsanoatqurilishbank” ATB

18

7 000

2

600

4

1 600

12

4 800

63.

“Oʻzbekiston temir yoʻllari” AJ

23

9 121

2

721

6

2 400

15

6 000

64.

“Hududgaztaʼminot” AJ

19

7 400

2

600

5

2 000

12

4 800

65.

Oʻzbekiston Milliy teleradiokompaniyasi

113

35 949

47

12 549

36

14 400

30

9 000

66.

“Oʻztransgaz” AJ

20

6 750

5

1 500

15

5 250

Izoh:
*avtotransport vositasining narxidan kelib chiqib, maqsadli koʻrsatkichlarning summasi oʻzgarishi mumkin;
**maqsadli koʻrsatkichlarda nazarda tutilgan elektromobillar va gibrid avtomobillar davlat boshqaruvi va mahalliy davlat hokimiyati organlarining budjetdan tashqari jamgʻarmalari hisobidan xarid qilinishi mumkin;
***davlat budjetidan avtotransport vositalarini sotib olish uchun ajratiladigan mablagʻlar miqdori va korxonalarning moliyaviy holatidan kelib chiqib, sotib olinadigan avtotransport vositalari soni Vazirlar Mahkamasi tomonidan oʻzgartirilishi mumkin.
(1-ilova Oʻzbekiston Respublikasi Prezidentining 2023-yil 6-iyuldagi PF-108-sonli Farmoni tahririda — Qonunchilik maʼlumotlari milliy bazasi, 07.07.2023-y., 06/23/108/0460-son)
Oʻzbekiston Respublikasi Prezidentining 2022-yil 19-dekabrdagi PQ-443-son qaroriga
2-ILOVA
Respublikada elektromobillar va gibrid avtomobillarni sanoat usulida ishlab chiqarishni yoʻlga qoʻyish hamda ulardan foydalanishni ommalashtirish boʻyicha
“YOʻL XARITASI”

T/r

Chora-tadbirlar nomi

Amalga oshirish mexanizmi

Ijro muddati

Ijro uchun masʼullar

I. Elektromobillar va gibrid avtomobillarni sanoat usulida ishlab chiqarishni yoʻlga qoʻyish hamda ularning butlovchi qismlarini ishlab chiqarishni mahalliylashtirish

1.

Oʻzbekiston Respublikasida elektromobillarni ishlab chiqarishni tashkil etish.

1. Xalqaro standartlarga mos keluvchi, energiya samaradorligi va ekologik tavsiflari yuqori elektromobillarni ishlab chiqarishni tashkil etish uchun xorijiy kompaniyalar bilan muzokaralar olib borish va hamkor kompaniyani tanlash.

2023-yil 1-mart

“Oʻzavtosanoat” AJ

(Sh. Umurzakov),

Iqtisodiy taraqqiyot vazirligi

(I. Norqulov),

Investitsiyalar va tashqi savdo vazirligi

(N. Xolmurodov)

2. Elektromobillar va ularning butlovchi qismlarini ularning texnik tasnifidan kelib chiqib ishlab chiqarish konsepsiyasini tayyorlash.

2023-yil 1-iyun

3. Elektromobillar va gibrid avtomobillarni mahalliy iqlim va yoʻl sharoitida sinovdan oʻtkazish hamda ularning sinovli sotuvini yoʻlga qoʻyish.

2024-yil 1-yanvar

4. Elektromobillar va gibrid avtomobillar texnik parametrlari, shu jumladan oʻrnatilgan mobil qurilmalar va interfeys tilining mahalliy sharoitga mosligini taʼminlash.

2023-yil 1-dekabr

5. Elektromobillarning ishlatilgan litiy-ion akkumulyatorlarini tiklash va qaytadan ishlatish boʻyicha texnologik jarayonni ishlab chiqish.

2024-yil 1-yanvar

2.

Elektromobillar butlovchi qismlarini ishlab chiqarishni tashkil etish.

1. Elektromobillarning, jumladan, ichki va tashqi plastik qismlar, oʻrindiqlar, oynalar kabi butlovchi qismlarini ishlab chiqarishni tashkil etish.

2. Elektromobillar akkumulyator batareyalarining istiqbolli turlarini aniqlash va ularni mahalliy ishlab chiqarishini yoʻlga qoʻyish.

3. Elektr dvigatellar ishlab chiqarish boʻyicha yangi texnologiyalarni oʻrganish va oʻzlashtirish.

4. Elektromobillar butlovchi qismlari uchun zarur bazaviy xom ashyo va materiallarning, jumladan, litiy, grafit, mis va polimer kabi materiallarning sanoat talablari asosida ishlab chiqarilishini oʻzlashtirish.

2024-2025-yillar

“Oʻzavtosanoat” AJ

(Sh. Umurzakov),

Iqtisodiy taraqqiyot vazirligi

(I. Norqulov),

Davlat geologiya qoʻmitasi

(Sh. Aliyev)

3.

Elektromobillarni quvvatlantirish stansiyalarini ishlab chiqarish hamda ularga servis xizmati koʻrsatish uchun tadbirkorlik subyektlarini jalb qilish.

1. Elektromobillar quvvatlantirish stansiyalari va ularning butlovchi qismlarini ishlab chiqarishni yoʻlga qoʻyish.

2023-2024-yillar

“Oʻzeltexsanoat” uyushmasi

(M. Yunusov),

“Oʻzavtosanoat” AJ

(Sh. Umurzakov)

Iqtisodiy taraqqiyot vazirligi

(I. Norqulov)

2. Quvvatlantirish stansiyalaridan foydalanishni qulaylashtirish maqsadida yagona onlayn platforma yaratish.

2023-yil may

4.

Elektromobillar va elektr quvvatlantirish stansiyalari ishlab chiqarishni mahalliylashtirish.

Mis sanoati klasterlarini rivojlantirish, mis xom ashyosidan yuqori qoʻshilgan qiymatli mahsulotlar ishlab chiqarishni yoʻlga qoʻyish orqali elektromobillar va gibrid avtomobillar uchun butlovchi qismlar, bazaviy materiallar, elektr quvvatlantirish stansiyalarining zamonaviy turlarini hamda ularning butlovchi qismlarini ishlab chiqarish dasturini tasdiqlash uchun Vazirlar Mahkamasiga kiritish.

2023-yil 1-aprel

Iqtisodiy taraqqiyot vazirligi

(I. Norqulov),

“Oʻzavtosanoat” AJ

(Sh. Umurzakov),

“Oʻzeltexsanoat” uyushmasi

(M. Yunusov)

5.

Elektromobillar ishlab chiqarish standartlarini belgilash va ularning muvofiqligini baholash tizimini takomillashtirish.

Quyidagilarni nazarda tutuvchi qaror loyihasini Vazirlar Mahkamasiga kiritish:

elektromobillar va gibrid avtomobillar, shuningdek, ularning butlovchi qismlarini ishlab chiqarish hamda ularni ekspluatatsiya qilish boʻyicha xalqaro standartlarni joriy etish;

Yevropa, AQSH, Xitoy va eng ilgʻor ilmiy-sinov laboratoriyalarga ega boʻlgan boshqa davlatlarning sertifikatlashtirish organlari tomonidan elektromobillar, gibrid avtomobillar, elektr quvvatlantirish stansiyalari va ularning butlovchi qismlari boʻyicha berilgan muvofiqlik sertifikatlarini toʻgʻridan-toʻgʻri tan olish.

2023-yil 20-yanvar

Oʻzbekiston texnik jihatdan tartibga solish agentligi

(D. Sattarov),

Iqtisodiy taraqqiyot vazirligi

(I. Norqulov),

“Oʻzavtosanoat” AJ

(Sh. Umurzakov),

Transport vazirligi

(I. Maxkamov),

Energetika vazirligi,

(A. Axmedxodjayev)

II. Elektromobillar va gibrid avtomobillar sohasidagi normativ-huquqiy bazani yanada takomillashtirish

6.

Elektromobillar, gibrid avtomobillar, ularning butlovchi qismlarini ishlab chiqarishni tashkil qilish va ularga servis xizmati koʻrsatish uchun zarur texnologik asbob-uskunalarni Oʻzbekiston Respublikasi hududiga import qilishda bojxona boji va qoʻshilgan qiymat soligʻidan ozod etiladigan, oʻxshashi respublikada ishlab chiqarilmaydigan texnologik asbob-uskunalar roʻyxatiga kiritib borish.

Normativ-huquqiy hujjat loyihasi

Doimiy

Investitsiyalar va tashqi savdo vazirligi

(N. Xolmurodov),

Iqtisodiy taraqqiyot vazirligi

(I. Norqulov),

“Oʻzavtosanoat” AJ

(Sh. Umurzakov)

7.

Elektromobillar va gibrid avtomobillar sotib olish uchun ajratilgan tijorat kreditlari boʻyicha foiz stavkasining bir qismini qoplash uchun kompensatsiya toʻlash tartibini tasdiqlash.

Normativ-huquqiy hujjat loyihasi

2023-yil 10-fevral

Iqtisodiy taraqqiyot vazirligi

(I. Norqulov),

Moliya vazirligi

(T. Ishmetov),

Markaziy bank

(M. Nurmuratov)

8.

Elektromobillar va gibrid avtomobillarda yoʻlovchilarni tashish xizmatlarini koʻrsatuvchi jismoniy va yuridik shaxslarni litsenziya varaqlari berilganligi uchun davlat bojini toʻlashdan ozod etish boʻyicha qonunchilik hujjatlariga oʻzgartirish va qoʻshimchalar kiritish.

Normativ-huquqiy hujjat loyihasi

2023-yil 31-yanvar

Transport vazirligi

(I. Maxkamov),

Moliya vazirligi

(T. Ishmetov)

III. Elektromobillar va gibrid avtomobillardan foydalanishning afzalliklari boʻyicha targʻibot ishlarini kuchaytirish, shuningdek, zamon talablariga javob beradigan yuqori malakali kadrlar tayyorlash

9.

Elektromobillar va ularning infratuzilmasi boʻyicha zamon talablariga javob beradigan yuqori malakali kadrlar tayyorlash, professor-oʻqituvchilar va mutaxassislar malakasini oshirish ishlarini amalga oshirish.

1. Toshkent shahridagi Turin politexnika universiteti qoshida Elektromobillar va ularning infratuzilmasi boʻyicha ilmiy tadqiqot laboratoriyasini tashkil etish.

2023-yil 31-yanvar

“Oʻzavtosanoat” AJ

(Sh. Umurzakov),

Iqtisodiy taraqqiyot vazirligi

(I. Norqulov),

Innovatsion rivojlanish vazirligi

(I. Abduraxmonov),

Oliy va oʻrta maxsus taʼlim vazirligi

(A. Toshkulov),

Energetika vazirligi

(A. Axmedxodjayev)

2. Avtomobilsozlik va elektrotexnika sohasida tadqiqotlar olib borish uchun masʼul davlat ilmiy-tadqiqot muassasalarining laboratoriyalaridan tekin foydalanishni tashkil etish.

Doimiy

3. Turin politexnika universiteti, I. Karimov nomidagi Toshkent davlat texnika universiteti va Toshkent kimyo-texnologiya institutining kamida 100 nafar professor-oʻqituvchilari, shuningdek sohada faoliyat koʻrsatayotgan boshqa mutaxassislarning rivojlangan davlatlarda malaka oshirishlarini taʼminlash.

2023-yil yakuniga qadar

10.

Gibrid avtomobillarni (8703 60, 8703 70 TIF TN kodli) alohida farqlovchi davlat raqami belgilari beriladigan elektromobillar roʻyxatiga kiritish

Normativ-huquqiy hujjat loyihasi

2023-yil 1-fevral

Ichki ishlar vazirligi

(P. Bobojonov)

11.

Mazkur qaror talablarini aholi, tadbirkorlik subyektlari va investorlarga tushuntirish boʻyicha chora-tadbirlarni tashkil etish.

1. Ushbu sohadagi maʼlumotlarni oʻzlarining rasmiy veb-saytlarga joylashtirish.

2. Elektromobillardan foydalanish va ularga servis xizmati koʻrsatish xarajatlari, shuningdek, uning atrof-muhitga zarari ichki yonuv dvigatelida harakatlanuvchi transport vositalariga nisbatan kamligi toʻgʻrisida koʻrsatuvlar, eshittirishlar va videoroliklar eʼlon qilib borish.

Media-rejaga muvofiq

Transport vazirligi

(I. Maxkamov),

Energetika vazirligi

(A. Axmedxadjayev),

Oʻzbekiston Milliy teleradiokompaniyasi

(A. Xadjayev),

Oʻzbekiston Milliy axborot agentligi

(A. Koʻchimov)

(Qonunchilik maʼlumotlari milliy bazasi, 19.12.2022-y., 07/22/443/1099-son; 04.07.2023-y., 06/23/107/0441-son; 07.07.2023-y., 06/23/108/0460-son; 29.12.2023-y., 07/23/422/0994-son)