O‘zbekiston Respublikasi Markaziy saylov komissiyasining
Qaror
O‘zbekiston Respublikasining referendumiga tayyorgarlik ko‘rish va uni o‘tkazishni moliyalashtirish hamda mablag‘lardan foydalanish tartibi to‘g‘risidagi yo‘riqnomani tasdiqlash haqida
“O‘zbekiston Respublikasining referendumi to‘g‘risida”gi Qonunning 18, 42-moddalari hamda O‘zbekiston Respublikasi Saylov kodeksining 16-moddasiga muvofiq, O‘zbekiston Respublikasi Markaziy saylov komissiyasi qaror qiladi:
1. O‘zbekiston Respublikasining referendumiga tayyorgarlik ko‘rish va uni o‘tkazishni moliyalashtirish hamda mablag‘lardan foydalanish tartibi to‘g‘risidagi yo‘riqnoma ilovaga muvofiq tasdiqlansin.
2. Mazkur qaror O‘zbekiston Respublikasi Markaziy saylov komissiyasining rasmiy veb-saytida e’lon qilinsin.
3. Mazkur qarorning ijrosini nazorat qilish O‘zbekiston Respublikasi Markaziy saylov komissiyasi raisining o‘rinbosari B. Kuchkarov va Markaziy saylov komissiyasi a’zosi A. Ibodullayev zimmasiga yuklansin.
Rais Z. NIZAMXODJAYEV
Toshkent sh.,
2022-yil 30-avgust,
1186-son
O‘zbekiston Respublikasi Markaziy saylov komissiyasining 2022-yil 30-avgustdagi 1186-son qaroriga
ILOVA
O‘zbekiston Respublikasining referendumiga tayyorgarlik ko‘rish va uni o‘tkazishni moliyalashtirish hamda mablag‘lardan foydalanish tartibi to‘g‘risidagi
YO‘RIQNOMA
1-bob. Umumiy qoidalar
1. Mazkur Yo‘riqnoma O‘zbekiston Respublikasining Budjet kodeksi va “O‘zbekiston Respublikasining referendumi to‘g‘risida”gi Qonunga muvofiq ishlab chiqilgan bo‘lib, O‘zbekiston Respublikasining referendumiga (bundan buyon matnda referendum deb yuritiladi) tayyorgarlik ko‘rish va uni o‘tkazish bilan bog‘liq xarajatlarni moliyalashtirish hamda ulardan foydalanish tartibini belgilaydi.
2. Mazkur Yo‘riqnoma O‘zbekiston Respublikasi Markaziy saylov komissiyasi (bundan buyon matnda MSK deb yuritiladi), referendum o‘tkazuvchi okrug va uchastka komissiyalari, davlat hokimiyati va boshqaruvi organlari uchun majburiydir.
3. Referendumga tayyorgarlik ko‘rish va uni o‘tkazish bilan bog‘liq barcha xarajatlarni moliyalashtirish O‘zbekiston Respublikasi Davlat budjeti (bundan buyon matnda Davlat budjeti deb yuritiladi) mablag‘lari hisobidan amalga oshiriladi.
4. Chet davlatlarning, ularning jismoniy va yuridik shaxslari hamda xalqaro tashkilotlarning mablag‘lari hisobidan referendumni moliyalashtirish, shuningdek fuqarolar tashabbuskor guruhlarini moddiy jihatdan boshqacha tarzda qo‘llab-quvvatlash taqiqlanadi.
5. Mazkur Yo‘riqnomaning 4-bandida ko‘rsatilgan mablag‘lar yoki moddiy yordam kelib tushgan taqdirda ular kelib tushgan kundan boshlab bir oy muddat ichida xayriya subyektiga qaytarilishi, qaytarish imkoniyati bo‘lmagan taqdirda esa, belgilangan tartibda Davlat budjeti daromadiga o‘tkazilishi lozim.
6. O‘zbekiston Respublikasining jamoat birlashmalari, korxonalari, muassasalari, tashkilotlari va fuqarolari o‘z mablag‘larini ixtiyoriy ravishda referendum o‘tkazish uchun berishlari mumkin. Bu mablag‘larni MSK referendumga tayyorgarlik ko‘rish va uni o‘tkazish vaqtida foydalanish uchun qabul qilib oladi.
2-bob. Referendumga tayyorgarlik ko‘rish va uni o‘tkazish xarajatlarini rejalashtirish
7. Referendumga tayyorgarlik ko‘rish va uni o‘tkazish bilan bog‘liq xarajatlarni moliyalashtirish tasdiqlangan xarajatlar smetalariga muvofiq amalga oshiriladi.
8. Referendum o‘tkazuvchi okrug komissiyalari xarajatlar smetasi MSK tomonidan Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda tuman (shahar)lar kesimida referendum o‘tkazuvchi uchastka komissiyalari bo‘yicha prognoz yoyilmasi ilova qilingan holda tuziladi. Bunda moliyaviy hujjatlarga birinchi imzo huquqi referendum o‘tkazuvchi okrug komissiyasining raisiga, ikkinchi imzo huquqi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bosh buxgalteriga tegishli bo‘ladi.
9. MSK referendumga tayyorgarlik ko‘rish va uni o‘tkazishga doir xarajatlarning jamlanma smetasini tasdiqlaydi va uni ro‘yxatdan o‘tkazish uchun O‘zbekiston Respublikasi Moliya vazirligiga (bundan buyon matnda Moliya vazirligi deb yuritiladi) taqdim etadi.
10. Moliya vazirligi referendumga tayyorgarlik ko‘rish va uni o‘tkazishga doir xarajatlarning jamlanma smetasini o‘n kunlik muddat ichida ro‘yxatdan o‘tkazadi.
3-bob. Referendumga tayyorgarlik ko‘rish va uni o‘tkazish xarajatlarini amalga oshirish
1-§. Referendum o‘tkazuvchi komissiyalar faoliyatini moliyalashtirish
11. MSKning xarajatlari uning shaxsiy g‘azna hisobvarag‘idan amalga oshiriladi.
12. Referendum o‘tkazuvchi okrug komissiyalarining xarajatlari bo‘yicha to‘lovlar tegishli referendum o‘tkazuvchi okrug komissiyasi raisi va Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining bosh buxgalterlari tomonidan ularga xizmat ko‘rsatuvchi hududiy g‘aznachilik bo‘linmalariga taqdim etiladigan to‘lov topshiriqnomalari asosida amalga oshiriladi.
Bunda referendum o‘tkazuvchi okrug komissiyasi tomonidan tegishli hududiy g‘aznachilik bo‘linmasiga birinchi imzo (komissiya raisining) va ikkinchi imzo (tegishincha Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bosh buxgalterlarining) namunalari hamda komissiya shaxsiy tarkibi bo‘yicha qaror nusxasi taqdim etiladi.
13. Referendum o‘tkazuvchi okrug va uchastka komissiyalari faoliyatini moliyalashtirish tegishincha Qoraqalpog‘iston Respublikasi Vazirlar Kengashi, viloyatlar va Toshkent shahar hokimligining maxsus ochilgan shaxsiy g‘azna hisob varaqlari orqali amalga oshiriladi.
2-§. Referendumga tayyorgarlik ko‘rish va uni o‘tkazish bo‘yicha davlat xaridlarini amalga oshirish
14. Referendumga tayyorgarlik ko‘rish va uni o‘tkazish uchun zarur bo‘ladigan tovarlar (ishlar, xizmatlar)ning davlat xaridlari amaldagi qonunchilikka muvofiq amalga oshiriladi.
15. Referendumga tayyorgarlik ko‘rish va uni o‘tkazish uchun ajratilgan mablag‘lar hisobidan referendum o‘tkazuvchi komissiyalar tomonidan tuziladigan shartnomalar ular tegishli g‘aznachilik bo‘linmalaridan majburiy ro‘yxatdan o‘tkazilganidan keyin kuchga kiradi.
16. Referendum o‘tkazuvchi komissiyalar tomonidan tuzilgan shartnomalarni ro‘yxatdan o‘tkazish va xarajatlarni amalga oshirish budjet qonunchiligida belgilangan tartibda amalga oshiriladi.
3-§. Referendumga tayyorgarlik ko‘rish va uni o‘tkazish davrida referendum o‘tkazuvchi okrug va uchastka komissiyalari a’zolari mehnatiga haq to‘lash
17. Referendum o‘tkazuvchi okrug va uchastka komissiyalarining qaroriga binoan komissiyaning raisi, rais o‘rinbosari, kotibi yoki boshqa a’zolaridan biri referendumga tayyorgarlik ko‘rish va uni o‘tkazish davrida ishlab chiqarish yoki xizmat vazifalarini bajarishdan o‘rtacha oylik ish haqi saqlangan holda ozod qilinishi mumkin.
18. Referendum o‘tkazuvchi okrug va uchastka komissiyalarining raisi, rais o‘rinbosari, kotibi va boshqa a’zolariga (transport, ovqatlanish va boshqa xarajatlarning o‘rnini qoplash uchun) referendumga tayyorgarlik ko‘rish va uni o‘tkazish uchun ajratilgan budjet mablag‘lari hisobidan bir martalik kompensatsiya to‘lab beriladi. Bunda to‘lovlar:
referendum o‘tkazuvchi okrug komissiyasi raisiga mehnatga haq to‘lashning eng kam miqdorining 2 baravarida;
referendum o‘tkazuvchi okrug komissiyasi raisi o‘rinbosari va kotibiga mehnatga haq to‘lashning eng kam miqdorining 1,5 baravarida;
referendum o‘tkazuvchi okrug komissiyasining boshqa a’zolariga mehnatga haq to‘lashning eng kam miqdorining 1 baravarida;
referendum o‘tkazuvchi uchastka komissiyasi raisiga mehnatga haq to‘lashning eng kam miqdorining 1,2 baravarida;
referendum o‘tkazuvchi uchastka komissiyasi raisi o‘rinbosari va kotibiga mehnatga haq to‘lashning eng kam miqdorining 1 baravarida;
referendum o‘tkazuvchi uchastka komissiyalarining boshqa a’zolariga mehnatga haq to‘lashning eng kam miqdorining 0,7 baravarida amalga oshiriladi.
19. Ushbu to‘lovlar imzo huquqiga ega referendum o‘tkazuvchi okrug komissiyasi raislari va Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bosh buxgalterlari tomonidan tasdiqlangan mazkur Yo‘riqnomaning 1-ilovasida keltirilgan shakldagi ro‘yxat bo‘yicha to‘lanadi.
20. Kompensatsiya to‘lovlarini amalga oshirish referendumga uch kun qolguniga qadar to‘liq ta’minlanadi.
21. Referendum o‘tkazuvchi okrug va uchastka komissiyalari raislari tomonidan komissiya a’zolariga kompensatsiya to‘lanishi bilan bog‘liq asoslovchi va tasdiqlovchi hujjatlar (komissiya qarori, pasport nusxasi, STIR, JBPX, bank plastik karta ma’lumotlari, telefon raqami va hokazo) tegishli hokimlik buxgalteriyasiga taqdim etiladi.
22. Referendum o‘tkazuvchi okrug komissiyasi a’zolariga to‘lanadigan kompensatsiyalar tegishlicha Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari buxgalteriyalari tomonidan okrug komissiyasi raisiga ishonchnoma asosida hisobdorlik sharti bilan beriladi va komissiya a’zolariga to‘lov qaydnomalari asosida tarqatiladi yoki ularning arizasiga ko‘ra bank plastik kartochkalariga o‘tkazib beriladi.
Referendum o‘tkazuvchi uchastka komissiyasi a’zolariga to‘lanadigan kompensatsiyalar tegishlicha Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari buxgalteriyalari tomonidan tuman, shahar hokimliklari buxgalterlarini jalb qilgan holda uchastka komissiyasi raisiga ishonchnoma asosida hisobdorlik sharti bilan beriladi va komissiya a’zolariga to‘lov qaydnomalari asosida tarqatiladi yoki ularning arizasiga ko‘ra bank plastik kartochkalariga o‘tkazib beriladi.
23. Referendumga tayyorgarlik ko‘rish va uni o‘tkazish bo‘yicha ishlarni bajarish (buxgalteriya hisobi va hisobotini yuritish, komissiya a’zolari va a’zolikka nomzodlarni o‘qitish, matbuot markazlari faoliyatini yo‘lga qo‘yish, tarjimonlik qilish va h.k.) uchun referendum o‘tkazuvchi komissiyalarga mutaxassis va ekspertlar jalb qilinishi mumkin.
Bunda ularning mehnatiga haq to‘lash referendum o‘tkazuvchi komissiya raisi bilan amaldagi normativ-huquqiy hujjatlarga muvofiq jalb qilingan mutaxassis va ekspertlar o‘rtasida tuziladigan fuqarolik-huquqiy tusdagi shartnomalar asosida xarajatlar smetasida belgilangan mablag‘lar doirasida amalga oshiriladi.
4-bob. Referendum o‘tkazish jarayonidagi moddiy qimmatliklar hisobi
24. MSK tomonidan yetkazilgan tovar-moddiy qimmatliklar tegishli tuman yoki shahar hokimligi balansiga qabul qilish-topshirish dalolatnomalari bo‘yicha haq to‘lamaslik sharti bilan qabul qilinadi.
25. Tuman yoki shahar hokimligi qabul qilingan tovar-moddiy qimmatliklarga inventar raqam beradi va ularning saqlanishi uchun moddiy javobgar shaxsni belgilaydi.
26. Moddiy javobgar shaxs mazkur Yo‘riqomaning 2-ilovasiga muvofiq shakldagi taqsimot bo‘yicha qabul qilish-topshirish dalolatnomalari asosida tovar-moddiy qimmatliklarni tegishli hududda tuzilgan uchastka komissiyasi raisiga topshiradi.
27. Referendum natijalari e’lon qilingandan so‘ng uchastka komissiyasining raisi tuman yoki shaharda tovar-moddiy qimmatliklar uchun moddiy javobgar shaxsga mazkur Yo‘riqnomaning 3-ilovasida keltirilgan shakldagi taqsimot bo‘yicha qabul qilish-topshirish dalolatnomalari asosida tovar-moddiy qimmatliklarni topshiradi.
28. Qabul qilingan tovar-moddiy qimmatliklar va moddiy javobgar shaxslar ro‘yxatlari tuman va shaharlar kesimida jamlanib, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan mazkur Yo‘riqnomaning 4-ilovasida keltirilgan shaklda referendum natijalari e’lon qilingandan keyin o‘ttiz kundan kechikmasdan MSKga taqdim qilinadi.
29. Tuman va shahar hokimliklari jihozlarni (davlat bayrog‘i, davlat gerbi, ovoz berish qutilari, yashirin ovoz berish kabinalari, ichki va tashqi flagshtoklar) bir joyda jamlagan holda yaroqli holatda saqlash uchun omborxonalar bilan ta’minlashga mas’uldirlar.
30. Olis va borish qiyin bo‘lgan yerlardagi referendum uchastkalarida foydalanilgan jihozlar tuman (shahar) hokimliklari tomonidan belgilangan joylarda (omborxonalarda) jamlagan holda moddiy javobgar shaxsning nazorati ostida yaroqli holatda saqlanishi mumkin.
5-bob. Hisobga olish va hisobdorlik
31. Referendumga tayyorgarlik ko‘rish va uni o‘tkazish uchun ajratilgan mablag‘lar kelib tushishini hisobga olish budjet tasnifining tegishli kodlariga muvofiq amalga oshiriladi.
32. MSK hamda referendum o‘tkazuvchi okrug va uchastka komissiyalari referendumga tayyorgarlik ko‘rish va uni o‘tkazish uchun ajratilgan mablag‘larning budjet hisobi “O‘zASBO” dasturiy ta’minotida belgilangan tartibda yuritadi.
33. Referendumga tayyorgarlik ko‘rish va uni o‘tkazish uchun ajratilgan mablag‘larning ishlatilmagan qismi referendum o‘tkazuvchi okrug komissiyalari tomonidan referendum natijalari e’lon qilingandan keyin o‘n besh kunlik muddatda MSKning shaxsiy g‘azna hisobvarag‘iga qaytariladi. Ushbu mablag‘lar jamlanib uch bank ish kuni mobaynida Davlat budjetiga qaytariladi.
34. Referendum natijalari e’lon qilingandan keyin moliyalashtirilgan va foydalanilgan mablag‘lar harakati bo‘yicha hisobotlar:
a) Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan — Qoraqalpog‘iston Respublikasi Moliya vazirligiga, viloyatlar va Toshkent shahrining tegishli moliya bosh boshqarmalari va MSKga yigirma kundan kechiktirmasdan mazkur Yo‘riqnomaning 5-ilovasiga;
b) Qoraqalpog‘iston Respublikasi Moliya vazirligi, viloyatlar va Toshkent shahar moliya bosh boshqarmalari tomonidan — O‘zbekiston Respublikasi Moliya vazirligiga yigirma besh kundan kechiktirmasdan mazkur Yo‘riqnomaning 5 va 6-ilovalariga;
v) MSK tomonidan — Moliya vazirligiga bir oydan kechiktirmasdan mazkur Yo‘riqnomaning 5-ilovasiga muvofiq shakldagi hisobot ma’lumotlari jamlangan holda taqdim qilinadi.
35. Referendum o‘tkazuvchi okrug komissiyasi raislari, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari mablag‘lardan maqsadli foydalanish va ular yuzasidan o‘z vaqtida hisobot taqdim qilish uchun mas’uldir.
6-bob. Yakuniy qoidalar
36. Referendumga tayyorgarlik ko‘rish va uni o‘tkazish bo‘yicha Davlat budjetidan ajratilgan mablag‘larning maqsadli va qonuniy sarflanishi bo‘yicha MSK bosh buxgalteri, tegishlicha referendum o‘tkazuvchi okrug va uchastka komissiyalari raislari, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining mas’ul mansabdor shaxslari javobgar hisoblanadi.
37. Moliya vazirligi huzuridagi Davlat moliyaviy nazorati inspeksiyasi va uning hududiy boshqarmalari referendumga tayyorgarlik ko‘rish va uni o‘tkazish uchun O‘zbekiston Respublikasi respublika budjetidan ajratilgan mablag‘lardan maqsadli foydalanish ustidan nazoratni amalga oshiradi.
38. Mazkur Yo‘riqnoma O‘zbekiston Respublikasi Moliya vazirligi bilan kelishilgan.
O‘zbekiston Respublikasining referendumiga tayyorgarlik ko‘rish va uni o‘tkazishni moliyalashtirish hamda mablag‘lardan foydalanish tartibi to‘g‘risidagi yo‘riqnomaga
 1-ILOVA
Referendum o‘tkazuvchi okrug va uchastka komissiyasi a’zolariga kompensatsiya to‘lovlari bo‘yicha
MA’LUMOTNOMA

T/r

F.I.O

Komissiyadagi lavozimi

Kompensatsiya to‘lovi miqdori

Xodimning shaxsiy ma’lumotlari

Pasport raqami, seriyasi

STIR

JBPX

Telefon raqami











Rahbar





F.I.O



Bosh hisobchi



F.I.O

O‘zbekiston Respublikasining referendumiga tayyorgarlik ko‘rish va uni o‘tkazishni moliyalashtirish hamda mablag‘lardan foydalanish tartibi to‘g‘risidagi yo‘riqnomaga
2-ILOVA

DALOLATNOMA

20__ yil “____” ____________________

___________________________________ (QR, viloyatlar va Toshkent shahar) __________________________ (tuman va shahar) hokimligining balansida mavjud bo‘lgan quyidagi jihozlar va boshqa tovar-moddiy qimmatliklari hokimlikning moddiy javobgar shaxsi _______________________________________ (F.I.O.) tomonidan O‘zbekiston Respublikasining referendumida foydalanish uchun _________ — referendum o‘tkazuvchi uchastka komissiyasi raisi ___________________________________________________ (F.I.O.) ningmoddiy javobgarligiga topshiradi:

T/r

Tovar-moddiy qimmatliklar nomi

O‘lchov birligi

Soni

Ishlab chiqarilgan yili

Izohlar

1.

O‘zbekiston Davlat bayrog‘i (ichki)

dona

2.

O‘zbekiston Davlat bayrog‘i (tashqi)

dona

3.

O‘zbekiston Davlat gerbi

dona

4.

Ovoz berish qutisi (katta)

dona

5.

Ovoz berish qutisi (kichik)

dona

6.

Ovoz berish qutisi (ko‘chma)

dona

7.

Yashirin ovoz berish kabinasi

(2-xonalik)

dona

8.

Yashirin ovoz berish kabinasi

(3-xonalik)

dona

9.

Yashirin ovoz berish kabinasi

(4-xonalik))

dona

10.

Flagshtok (ichki)

dona

11.

Flagshtok (tashqi)

dona

12.

Ko‘chma kabinasi

dona

13.

Muhr (dumaloq rezinali)

dona

Izoh: Qoraqalpog‘iston Respublikasi hududida to‘ldiriladigan dalolatnomaga Qoraqalpog‘iston Respublikasining Davlat bayrog‘i hamda Qoraqalpog‘iston Davlat gerbi kiritiladi.

Topshiruvchi tomon:

tuman yoki shahar hokimligining tashkiliy-kadrlar guruhi rahbari:

___________

(imzo)

_____________________________

(F.I.O)




tuman yoki shahar hokimligining moddiy javobgar shaxsi:

___________

(imzo)

_____________________________

(F.I.O)




Qabul qiluvchi tomon:

_______ — referendum o‘tkazuvchi uchastka komissiyasi raisi:

___________

(imzo)

_____________________________

(F.I.O)

O‘zbekiston Respublikasining referendumiga tayyorgarlik ko‘rish va uni o‘tkazishni moliyalashtirish hamda mablag‘lardan foydalanish tartibi to‘g‘risidagi yo‘riqnomaga
3-ILOVA

DALOLATNOMA

20____ yil “______” _______________________

________________________________________ (QR, viloyatlar va Toshkent shahar) _______________________________ (tuman va shahar) __________ — referendum o‘tkazuvchi uchastka komissiyasi raisi ___________________________________________________ (F.I.O.) referendumda foydalanish uchun qabul qilgan jihozlar va boshqa tovar-moddiy qimmatliklarni hokimlikning moddiy javobgar shaxsi ________________________________ (F.I.O.) gaqayta topshiradi:

T/r

Tovar-moddiy qimmatliklar nomi

O‘lchov birligi

Soni

Ishlab chiqarilgan yili

Izohlar

1.

O‘zbekiston Davlat bayrog‘i (ichki)

dona

2.

O‘zbekiston Davlat bayrog‘i (tashqi)

dona

3.

O‘zbekiston Davlat gerbi

dona

4.

Ovoz berish qutisi (katta)

dona

5.

Ovoz berish qutisi (kichik)

dona

6.

Ovoz berish qutisi (ko‘chma)

dona

7.

Yashirin ovoz berish kabinasi

(2-xonalik)

dona

8.

Yashirin ovoz berish kabinasi

(3-xonalik)

dona

9.

Yashirin ovoz berish kabinasi

(4-xonalik))

dona

10.

Flagshtok (ichki)

dona

11.

Flagshtok (tashqi)

dona

12.

Ko‘chma kabinasi

dona

13.

Muhr (dumaloq rezinali)

dona

Izoh: Qoraqalpog‘iston Respublikasi hududida to‘ldiriladigan dalolatnomaga Qoraqalpog‘iston Respublikasining Davlat bayrog‘i hamda Qoraqalpog‘iston Davlat gerbi kiritiladi.



Topshiruvchi tomon:

_______ — referendum o‘tkazuvchi uchastka komissiyasi raisi:

________________

(imzo)

____________________________________

(F.I.O)



tuman yoki shahar hokimligining tashkiliy-kadrlar guruhi rahbari:

________________

(imzo)

_____________________________________

(F.I.O)




Qabul qiluvchi tomon:

tuman yoki shahar hokimligining moddiy javobgar shaxsi:

________________

(imzo)

____________________________________

(F.I.O)

O‘zbekiston Respublikasining referendumiga tayyorgarlik ko‘rish va uni o‘tkazishni moliyalashtirish hamda mablag‘lardan foydalanish tartibi to‘g‘risidagi yo‘riqnomaga
4-ILOVA

‎‎_____________________________________ viloyatida saqlanayotgan jihozlari to‘g‘risida
‎MA’LUMOTNOMA

‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

T/r‎‏‎

Tuman nomi*‎

O‘zbekiston Respublikasi Davlat gerbi‎‏‎

O‘zbekiston Respublikasi Davlat bayrog‘i‎‏

Yashirin ovoz berish kabinalari‎‎

Ovoz berish qutilari

Flagshtok

2 xonali‎‏

3 xonali‎‏

4 xonali‎‏

ko‘chma kabina‎‏

statsionar quti‎‎

ko‘chma quti‎‏

ichki

tashqi‎‏

katta
‎100 sm‎

kichik
‎60 sm‎

katta
‎80 sm (2021-y.)‎

1.‎

‎

‎

‎

‎

‎

‎

‎

‎

‎

‎

‎

‎

 ‎

2.‎

‎

‎

‎

‎

‎

‎

‎

‎

‎

‎

‎

‎

‎

3.‎

‎

‎

‎

‎

‎

‎

‎

‎

‎

‎

‎

‎

‎

4.‎

 ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

‎‎jami:

 ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎‎*Tumanlarda jihozlarni saqlash joylari, balansda saqlovchi va mas’ul shaxslar to‘g‘risidagi ma’lumot ilova qilinadi.
‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎
‎

viloyat hokimi‎

__________________________
‎(imzo)‎

‎‎____________________________________________
‎ (F.I.O)

‎ ‎ ‎ ‎ ‎ ‎ ‎ ‎ ‎
‎ ‎ M.O‘.‎ ‎ ‎ ‎ ‎ ‎ ‎ ‎ ‎ ‎ ‎ ‎
‎

viloyat hokimligining tashkiliy-kadrlar
‎guruhi rahbari‎

__________________________ ‎
‎(imzo)‎ ‎

‎‎____________________________________________
‎‎ (F.I.O)
‎

 ‎ ‎ ‎ ‎ ‎ ‎ ‎ ‎ ‎
O‘zbekiston Respublikasining referendumiga tayyorgarlik ko‘rish va uni o‘tkazishni moliyalashtirish hamda mablag‘lardan foydalanish tartibi to‘g‘risidagi yo‘riqnomaga
5-ILOVA

‎‎Xarajatlar smetasining ijrosi haqidagi
‎ HISOBOT
‎20_____ yil ____________________ holatiga

‎ ‎ ‎ ‎ ‎ ‎ ‎ ‎ ‎
‎‎Tashkilot _________________________________________________________________
‎Bo‘lim _________ kichik bo‘lim_________ bob _______
‎ Hisobot davri: yillik (1-yanvar), choraklik (1-aprel, 1-iyul, 1-oktabr)
‎Budjet turi ______________________________________________________________
‎O‘lchov birligi ____________________________________________________________
‎ ‎ ‎ ‎ ‎ ‎ ‎ ‎ ‎

Toifa‎

Modda va kichik modda‎

Element‎

Xarajatlar nomi‎

Qator kodi‎

Tasdiqlangan
‎ (aniqlangan) reja ‎

Hisobot davri uchun
‎moliyalashtirilgan‎

Kassa xarajati — jami‎

Haqiqiy xarajatlar — jami‎

A‎‎

B‎

1‎

2‎

3‎

4‎

5‎

‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎
‎ ‎ ‎ Xarajatlarning hammasi‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎
‎

Rahbar‎

_______________________
‎(imzo) ‎‎

 ‎ ‎

Bosh hisobchi‎

_______________________
‎ ‎(imzo) ‎‎ ‎‎

‎ ‎ ‎ ‎ ‎ ‎ ‎ ‎ ‎
‎ M.O‘.‎ ‎ ‎ ‎ ‎ ‎

‎‎_____ _________________ 20_____ yil‎

O‘zbekiston Respublikasining referendumiga tayyorgarlik ko‘rish va uni o‘tkazishni moliyalashtirish hamda mablag‘lardan foydalanish tartibi to‘g‘risidagi yo‘riqnomaga
6-ILOVA
_________________________ (Qoraqalpog‘iston Respublikasi, viloyat, Toshkent shahar, tuman, shahar, okrug) referendum o‘tkazuvchi okrug (uchastka) komissiyalari tomonidan davlat budjeti mablag‘lari hisobidan amalga oshirilgan xarajatlar bo‘yicha
HISOBOT

ming so‘mda

T/r

Tuman va shahar hokimliklari nomi

Aniqlangan smeta bo‘yicha xarajatlar

Moliyalashtirildi

Kassa xarajati

Haqiqiy xarajati

Budjetga qaytarilgan mablag‘

1-guruh

2-guruh

4-guruh

1-guruh

2-guruh

4-guruh

1-guruh

2-guruh

4-guruh

1-guruh

2-guruh

4-guruh

1-guruh

2-guruh

4-guruh

Ish haqi xarajatlari

shu jumladan, kompensatsiya

Ish haqiga ajratmalar

Boshqa xarajatlar

Ish haqi xarajatlari

shu jumladan, kompensatsiya

Ish haqiga ajratmalar

Boshqa xarajatlar

Ish haqi xarajatlari

shu jumladan, kompensatsiya

Ish haqiga ajratmalar

Boshqa xarajatlar

Ish haqi xarajatlari

shu jumladan, kompensatsiya

Ish haqiga ajratmalar

Boshqa xarajatlar

Ish haqi xarajatlari

shu jumladan, kompensatsiya

Ish haqiga ajratmalar

Boshqa xarajatlar

Hudud bo‘yicha jami

Mos ravishda Tuman va shaharlar kesimida yoyiladi





Moliya organlari rahbarlari (yoki referendum o‘tkazuvchi okrug komissiyasi raisi)

F.I.O

Bosh hisobchi

F.I.O

.