Hujjat kuchini yo‘qotgan " " 18.02.2025

Oʻzbekiston Respublikasi Prezidentining

Qarori

Termiz agrotexnologiyalar va innovatsion rivojlanish institutini tashkil etish chora-tadbirlari toʻgʻrisida

LexUZ sharhi

Mazkur qaror Oʻzbekistan Respublikasi Prezidentining 2025-yil 14-fevraldagi PF-22-sonli “Tomorqa yer egalari va dehqon xoʻjaliklari faoliyatida zamonaviy tashkiliy tizimni joriy qilish va moliyaviy qoʻllab-quvvatlashning qoʻshimcha chora-tadbirlari toʻgʻrisida”gi Farmoniga asosan oʻz kuchini yoʻqotgan.

Surxondaryo viloyatining tuproq-iqlim sharoitida qishloq xoʻjaligi ekinlaridan, jumladan mevali va yongʻoq mevali, sabzavot, poliz, don-dukkakli ekinlardan yuqori hosil olish, ularning kasallik va zararkunandalariga qarshi kurashish, ilgʻor, intensiv agrotexnologiyalarni joriy qilish, qishloq xoʻjaligi mahsulotlarini saqlash, qayta ishlash, sugʻoriladigan yerlarning meliorativ holatini yanada yaxshilash uchun zamonaviy bilim va koʻnikmalarga ega oliy maʼlumotli mutaxassis kadrlarga boʻlgan ehtiyojni qondirish maqsadida:

1. Qishloq xoʻjaligi vazirligi, Oliy va oʻrta maxsus taʼlim vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi hamda Surxondaryo viloyati hokimligining Toshkent davlat agrar universitetining Termiz filiali negizida Termiz agrotexnologiyalar va innovatsion rivojlanish institutini (keyingi oʻrinlarda — Institut) tashkil etish toʻgʻrisidagi taklifiga rozilik berilsin.

Institutning asosiy vazifalari etib quyidagilar belgilansin:

tuproq-iqlim sharoitidan kelib chiqib hududlarni ixtisoslashtirish, eksportbop va daromadbop qishloq xoʻjaligi ekinlarini yetishtirishni tashkil etish, qishloq xoʻjaligida innovatsion resurstejamkor texnologiyalarni hamda raqamlashtirilgan agrotexnologiyalarni joriy qilish boʻyicha zamonaviy bilimlarga ega boʻlgan kadrlar tayyorlash;

oʻquv mashgʻulotlari, malakaviy amaliyotlarni oʻtashda talabalarni innovatsion va yangicha fikrlashga yoʻnaltiradigan yangi oʻqitish texnologiyalari hamda ularning mustaqil izlanishini taʼminlovchi mexanizmlarni keng joriy etish;

Surxondaryo viloyatining tuproq-iqlim sharoitida qishloq xoʻjaligi ekinlarini, jumladan mevali va yongʻoq mevali, sabzavot, poliz, don-dukkakli, subtropik va tropik ekinlarni parvarishlashning bio-, nano- va resurstejamkor hamda intensiv texnologiyalarini ishlab chiqish;

Institut yer maydonlarida ichki va tashqi bozor ehtiyojlaridan kelib chiqqan holda, qishloq xoʻjaligi ekinlarining serhosil, shoʻr va qurgʻoqchilikka, kasallik hamda zararkunandalarga chidamli, mahsulot sifati yuqori boʻlgan nav va duragaylari seleksiyasi hamda urugʻchiligini yoʻlga qoʻyish;

ilmiy xodimlarning ilgʻor innovatsion texnologiyalarni yaratish boʻyicha tashabbuskorligini qoʻllab-quvvatlash, ularning novatorlik gʻoyalarini ishlab chiqarishga joriy etishga koʻmaklashish;

klasterlar, kooperatsiyalar, fermer, dehqon xoʻjaliklari va tomorqa yer egalari uchun koʻrgazmali dala maydonlarini tashkil etish hamda tavsiyalar ishlab chiqish;

rivojlangan xorijiy ilmiy-tadqiqot va taʼlim muassasalarida professor-oʻqituvchilar, ilmiy xodimlar va magistrlarning malakasini oshirish.

2. Belgilansinki, Institutda 2021/2022 oʻquv yilidan boshlab:

bakalavriat taʼlim yoʻnalishlarida taʼlimning kredit-modul tizimi bosqichma-bosqich joriy etiladi. Bunda, talabalar uchun haftaning shanba kuni mustaqil oʻzlashtirish kuni deb belgilanadi;

xorijiy oliy taʼlim muassasalari bilan hamkorlikda tashkil etiladigan qoʻshma taʼlim dasturlarining oʻquv rejalari va fan dasturlari xorijiy hamkorlar bilan kelishilgan holda mustaqil tasdiqlanadi.

Institutning faoliyati Qishloq xoʻjaligi vazirligi tomonidan muvofiqlashtiriladi.

3. Qishloq xoʻjaligi vazirligi:

2022-yil yakuniga qadar Institutda Jahon banki mablagʻlari hisobidan talabalar, magistrlar va ilmiy izlanuvchilar hamda yosh professor-oʻqituvchilarning ilmiy ishlanmalari asosida loyihalarning startaplarini yaratish va amaliyotga tatbiq etish bilan shugʻullanuvchi IT-inkubator ilmiy innovatsion markazini tashkil etsin;

Institutga tegishli yer maydonlarida xalqaro grant mablagʻlari hisobidan anor, xurmo, limon, qora olxoʻri, uzum va boshqa meva-sabzavotlarning yuqori hosilli, yiliga 2-3 marotaba hosil olishga imkon beradigan navlarini yaratish boʻyicha koʻrgazmali dala maydonlarini barpo etsin;

anor, xurmo, limon, qora olxoʻri va uzum yetishtirishning yangi samarador agrotexnologiyalarini yaratish boʻyicha bajariladigan yillik maqsadli ilmiy loyihalarni shakllantirib, ilmiy faoliyatga oid davlat dasturlari doirasida moliyalashtirish uchun Innovatsion rivojlanish vazirligiga taqdim qilsin. Bunda, Innovatsion rivojlanish vazirligi tegishli ilmiy-texnik kengashlarning asoslantirilgan xulosalari asosida belgilangan tartibda grant mablagʻlarini ajratish choralarini koʻrsin;

manfaatdor vazirlik va idoralar bilan kelishgan holda kelgusi yillar uchun moʻljallangan ijtimoiy va ishlab chiqarish infratuzilmasini rivojlantirish dasturlari doirasida Institut hududida bino va inshootlarni qurish, rekonstruksiya qilish hamda kapital taʼmirlash ishlarini oliy taʼlim sohasiga ajratilgan limitlar doirasida amalga oshirish yuzasidan Iqtisodiy taraqqiyot va kambagʻallikni qisqartirish vazirligiga takliflar kiritsin.

4. Quyidagilar:

Termiz agrotexnologiyalar va innovatsion rivojlanish instituti faoliyatini tashkil etish boʻyicha chora-tadbirlar dasturi 1-ilovaga muvofiq;

Fan, taʼlim va ishlab chiqarishning uzviy integratsiyasini taʼminlash maqsadida Termiz agrotexnologiyalar va innovatsion rivojlanish institutidagi bakalavriat taʼlim yoʻnalishlari hamda magistratura mutaxassisliklariga biriktirilayotgan ilmiy-tadqiqot institutlari, tashkilotlar va yirik xoʻjalik subyektlari roʻyxati 2-ilovaga muvofiq;

Termiz agrotexnologiyalar va innovatsion rivojlanish institutining bakalavriat taʼlim yoʻnalishlari va magistratura mutaxassisliklariga amaliyot oʻtash uchun biriktirilayotgan ilmiy-tadqiqot institutlari, tashkilotlar va yirik xoʻjalik subyektlari roʻyxati 3-ilovaga muvofiq tasdiqlansin.

5. Belgilansinki:

Institut Toshkent davlat agrar universiteti Termiz filialining barcha huquq va majburiyatlari boʻyicha huquqiy vorisi hisoblanadi;

Institutga qabul parametrlari belgilangan tartibda har yili tasdiqlanadigan respublika oliy taʼlim muassasalariga oʻqishga qabul qilishning davlat buyurtmasi parametrlaridan kelib chiqqan holda aniqlanadi.

6. Qishloq xoʻjaligi vazirligi Oliy va oʻrta maxsus taʼlim vazirligi bilan birgalikda:

davlat taʼlim standartlari, malaka talablari, oʻquv rejalari va fan dasturlarini resurs tejovchi texnologiyalar, rivojlangan xorijiy mamlakatlarning ilgʻor tajribalari hamda talablaridan kelib chiqib qayta ishlab chiqsin hamda oʻquv jarayoniga joriy etsin;

hududning kadrlarga boʻlgan ehtiyojini eʼtiborga olib, Institutda bakalavriat taʼlim yoʻnalishlari boʻyicha kechki (smenali) taʼlimni tashkil etish, 2022-yildan boshlab ilmiy salohiyatni oshirish uchun oliy taʼlimdan keyingi taʼlim (doktorantura)ga qishloq xoʻjaligi ixtisosliklari boʻyicha qabulni tashkil etish boʻyicha Vazirlar Mahkamasiga taklif kiritsin.

7. Institut faoliyatini moliyalashtirish manbalari etib quyidagilar belgilansin:

Oʻzbekiston Respublikasi Davlat budjeti mablagʻlari;

toʻlov-kontrakt asosida oʻqitishdan tushadigan mablagʻlar;

xoʻjalik faoliyatidan va shartnoma asosida xizmatlar koʻrsatishdan tushadigan tushumlar;

xalqaro moliya institutlari va xorijiy tashkilotlarning grantlari;

jismoniy va yuridik shaxslarning homiylik xayriyalari;

qonunchilik hujjatlari bilan taqiqlanmagan boshqa manbalar.

8. Belgilab qoʻyilsinki, Institutni budjet mablagʻlari hisobidan saqlash xarajatlari 2021-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Qishloq xoʻjaligi vazirligiga ajratilgan mablagʻlar doirasida amalga oshiriladi, 2022-yildan boshlab esa Oʻzbekiston Respublikasi Davlat budjeti parametrlarida nazarda tutiladi.

9. Qishloq xoʻjaligi vazirligi, Oliy va oʻrta maxsus taʼlim vazirligi va Surxondaryo viloyati hokimligi xalqaro moliya institutlarining mablagʻlari hisobidan:

Institutning “Anorchilik” yoʻnalishidagi professor-oʻqituvchilarini va tahsil olayotgan yosh olimlarini anor yetishtirish tajribasini oʻrganish uchun ilgʻor xorijiy davlatlarga malaka oshirish kurslariga va stajirovkalarga yuborilishini;

xorijiy davlatlarning yetakchi oliy taʼlim muassasalari bilan hamkorlikda tashkil etiladigan qoʻshma taʼlim dasturlarining oʻquv rejalarini xorijiy ekspertlar ishtirokida belgilangan tartibda ishlab chiqilishini;

Institutning professor-oʻqituvchilarini, ilmiy va texnik-muhandis xodimlarini har yili Oʻzbekiston hamda xorijiy davlatlarning yetakchi oliy taʼlim muassasalarida, ilmiy-tadqiqot markazlarida, agroklasterlarda, kooperatsiyalarda va yirik ishlab chiqarish tashkilotlarida stajirovka oʻtashi boʻyicha dasturlar ishlab chiqilishini va uning amalga oshirilishini;

ikki oy muddatda Institutning tuzilmasi va ustavi tasdiqlanishini hamda belgilangan tartibda davlat roʻyxatidan oʻtkazilishini;

Institutga tanlov asosida, shu jumladan respublika oliy taʼlim muassasalarida faoliyat yuritayotgan amaliy tajribaga ega boʻlgan yuqori malakali professor-oʻqituvchilar jalb etilishini;

Institutning axborot-resurs markazi mahalliy hamda xorijiy oʻquv va badiiy adabiyotlar bilan toʻldirilishini taʼminlasin.

10. Respublika oliy taʼlim tizimidagi mavqeyi, ilmiy salohiyati, uzoq yillar davomida shakllangan anʼanalarini inobatga olgan holda Toshkent davlat agrar universiteti zimmasiga quyidagi yoʻnalishlarda Institutga koʻmak berib borish yuklatilsin:

salohiyatli kadrlarni jalb etgan holda taʼlim va ilmiy faoliyatni tashkil etish, taʼlim, tarbiya, ilmiy va oʻquv jarayonlarini samarali boshqarish;

taʼlim jarayoniga zamonaviy axborot-kommunikatsiya texnologiyalarini joriy etish, darslik, oʻquv qoʻllanmalari, oʻquv-uslubiy materiallar va axborot resurslari bilan taʼminlash;

professor-oʻqituvchilarning malakasini oshirish va iqtidorli yoshlar seleksiyasini amalga oshirish, ilmiy-tadqiqot ishlari uchun qoʻshimcha sharoitlar yaratish va “ustoz-shogird” tizimi asosida ilmiy maktablarni rivojlantirish.

11. Surxondaryo viloyati hokimligi:

Institutga xorijdan va respublikaning boshqa hududlaridan ishga taklif etilgan mutaxassislarni turar joy bilan taʼminlash maqsadida Termiz shahrida qurilayotgan arzon uy-joylardan imtiyozli shartlar asosida ehtiyojdan kelib chiqqan holda xonadonlar ajratilishini; Qishloq xoʻjaligi vazirligi, Oliy va oʻrta maxsus taʼlim vazirligi bilan birgalikda 2021-yil yakuniga qadar talabalar kontingenti oshib borishini hisobga olib, 2022/2023 oʻquv yilidan Institutga yaqin boʻlgan hududdan qoʻshimcha bino ajratish boʻyicha Vazirlar Mahkamasiga taklif kiritilishini taʼminlasin.

12. Qishloq xoʻjaligi vazirligi va Surxondaryo viloyati hokimligining:

Institutga Toshkent davlat agrar universiteti Termiz filialining Surxondaryo viloyati, Termiz tumani, Yangiobod qishloq fuqarolar yigʻini, Limonzor qishlogʻi hududida joylashgan bino va inshootlarini tegishli hududi bilan birgalikda operativ boshqaruv huquqi asosida berish, uning oʻquv va laboratoriya jihozlari, transport vositalari, qishloq xoʻjaligi texnikalari, kompyuter texnikalari, oʻquv adabiyotlari hamda boshqa mol-mulkini topshirish;

Toshkent davlat agrar universiteti Termiz filialining barcha talabalarini Institutning mos taʼlim yoʻnalishlari va mutaxassisliklariga oʻtkazish hamda 2021/2022 oʻquv yilidan boshlab bitiruvchi kurs talabalariga belgilangan tartibda Institut diplomini berish toʻgʻrisidagi takliflariga rozilik berilsin.

13. Oʻzbekiston Respublikasi Vazirlar Mahkamasining 2017-yil 10-iyuldagi “Toshkent davlat agrar universiteti Termiz filiali faoliyatini tashkil etish chora-tadbirlari toʻgʻrisida”gi 479-son qarori oʻz kuchini yoʻqotgan deb hisoblansin.

14. Qishloq xoʻjaligi vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

15. Mazkur qarorning ijrosini tashkil qilishga masʼul va shaxsiy javobgar etib qishloq xoʻjaligi vaziri J.A. Xodjayev, Surxondaryo viloyati hokimi T.A. Bobolov belgilansin.

Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari Sh.M. Gʻaniyev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 28-oktabr,

PQ-5269-son

Oʻzbekiston Respublikasi Prezidentining 2021-yil 28-oktabrdagi PQ-5269-son qaroriga
1-ILOVA

Termiz agrotexnologiyalar va innovatsion rivojlanish instituti faoliyatini tashkil etish boʻyicha

CHORA-TADBIRLAR DASTURI

T/r	Chora-tadbirlar nomi	Amalga oshirish muddati	Moliyalashtirish manbalari	Masʼullar
I. Termiz agrotexnologiyalar va innovatsion rivojlanish instituti faoliyatini tashkil etish
1.	Termiz agrotexnologiyalar va innovatsion rivojlanish institutining (keyingi oʻrinlarda — Institut deb yuritiladi) ustavi va tashkiliy tuzilmasini belgilangan tartibda tasdiqlash hamda davlat roʻyxatidan oʻtkazish.	Ikki oy muddatda	-	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
2.	Institutda rahbarlik faoliyatini (prorektorlar, boʻlim boshliqlari, fakultet dekanlari) olib borish uchun nomzodlar roʻyxatini shakllantirish.	Bir hafta muddatda	-	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
3.	Institutning 2021-yilga moʻljallangan xarajatlar smetasini, shtat jadvalini ishlab chiqish hamda oʻrnatilgan tartibda tasdiqlash.	Ikki oy muddatda	2021-yilda Qishloq xoʻjaligi vazirligiga ajratilgan budjet mablagʻlari doirasida	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
4.	Institut boshqaruv va taʼlim jarayonlarini 2025-yilgacha bosqichma-bosqich toʻliq raqamlashtirish boʻyicha dastur ishlab chiqish.	2022-yil may	Institutning budjetdan tashqari mablagʻlari, xalqaro moliya institutlari va xorijiy tashkilotlarning grantlari	Qishloq xoʻjaligi vazirligi, Axborot texnologiyalari va kommunikatsiyalarini rivojlantirish vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
II. Institutda 2021/2022 oʻquv yilini samarali tashkil etish
5.	Rivojlangan xorijiy mamlakatlarning ilgʻor tajribalari hamda kadrlar isteʼmolchilarining talablari, soha boʻyicha zamonaviy ishlab chiqarish jarayonlari, yuqori unumli va resurs tejaydigan texnologiyalar oʻz aksini topgan davlat taʼlim standartlari, malaka talablari, oʻquv rejalari va fan dasturlarini qayta ishlab chiqish, oʻrnatilgan tartibda tasdiqlash.	Ikki oy muddatda	-	Qishloq xoʻjaligi vazirligi, Oliy va oʻrta maxsus taʼlim vazirligi, Termiz agrotexnologiyalar va innovatsion rivojlanish instituti
6.	Talabalarning mustaqil taʼlim olishlari uchun masofaviy elektron taʼlim platformasini tashkil etish hamda elektron axborot resurs manbalari (taqdimotlar, tarqatma materiallar, maʼruza matnlari, video va audio darslar) bilan boyitib borish.	Doimiy	Institutning budjetdan tashqari mablagʻlari, grant mablagʻlari va texnik koʻmaklar doirasida	Qishloq xoʻjaligi vazirligi, Oliy va oʻrta maxsus taʼlim vazirligi, Termiz agrotexnologiyalar va innovatsion rivojlanish instituti
7.	Institutning talabalari uchun oʻquv va ishlab chiqarish amaliyotlari bazasini yaratish maqsadida Institut mutaxassis kadrlarining isteʼmolchilari hisoblangan hududiy tashkilotlar, agroklasterlar, kooperatsiyalar, xoʻjalik birlashmalari bilan ishga joylashtirish va amaliyotlarni tashkil etish boʻyicha hamkorlik shartnomalarini tuzish hamda talabalarning amaliyotlarini zamonaviy texnoparklarga va ilgʻor tajribaga ega korxona va tashkilotlarda tashkil etish.	Oʻquv jarayoni jadvali asosida	-	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
8.	Institutning Axborot-resurs markazini oʻquv, ilmiy va badiiy adabiyotlar bilan taʼminlash choralarini koʻrish hamda yetishmayotgan oʻquv adabiyotlarini, shuningdek, hududning tuproq-iqlim sharoitini inobatga olgan holda yangi avlod darsliklari va oʻquv qoʻllanmalarini yaratish rejasini ishlab chiqish.	2022-yil yanvar	-	Qishloq xoʻjaligi vazirligi, Oliy va oʻrta maxsus taʼlim vazirligi, Toshkent davlat agrar universiteti, Termiz agrotexnologiyalar va innovatsion rivojlanish instituti
9.	Qishloq xoʻjaligi sohasi rivojlangan xorijiy davlatlarning xalqaro reytingda yetakchi oliy taʼlim va ilmiy-tadqiqot muassasalari roʻyxatini aniqlash hamda ular bilan hamkorlik aloqalarini oʻrnatish.	Doimiy	-	Qishloq xoʻjaligi vazirligi, Toshkent davlat agrar universiteti, Termiz agrotexnologiyalar va innovatsion rivojlanish instituti
10.	Institut professor-oʻqituvchilarining ilmiy-tadqiqot ishlari va amaliy mashgʻulotlar olib borishlari, talabalarning malakaviy amaliyotlarini oʻtashlari uchun zarur shart-sharoitlarni yaratish maqsadida soha korxonalarida oʻquv-amaliyot markazlarini (mutaxassislik kafedralari filiallarini) tashkil etish hamda faoliyatini takomillashtirish.	2022-yil davomida va doimiy	-	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
III. Institutning taʼlim xizmatini koʻrsatish faoliyatini tizimli tashkil etish hamda moddiy-texnika bazasini mustahkamlash boʻyicha amalga oshiriladigan ishlar
Oʻquv jarayoni boʻyicha
11.	Qishloq xoʻjaligi oziq-ovqat mahsulotlarini qayta ishlash, bozorlarda raqobatbardosh boʻlgan oziq-ovqat mahsulotlari turlarini ishlab chiqarish hamda aholini sifatli va xavfsiz oziq-ovqat mahsulotlari bilan taʼminlash uchun yuqori malakali kadrlar tayyorlashni yoʻlga qoʻyish.	2022/2023 oʻquv yilidan boshlab	-	Qishloq xoʻjaligi vazirligi, Oliy va oʻrta maxsus taʼlim vazirligi, Iqtisodiy taraqqiyot va kambagʻallikni qisqartirish vazirligi, Termiz agrotexnologiyalar va innovatsion rivojlanish instituti
12.	Tor ixtisosliklar boʻyicha xorijiy davlatlarning nufuzli oliy taʼlim muassasalari va ilmiy markazlariga institutning professor-oʻqituvchilarini malaka oshirish hamda stajirovka oʻtash uchun yuborish, shuningdek, qishloq xoʻjaligining dolzarb yoʻnalishlari boʻyicha vebinarlar tashkil etish.	2022 — 2025-yillar davomida kelishuv asosida	Institutning budjetdan tashqari mablagʻlari	Qishloq xoʻjaligi vazirligi, Toshkent davlat agrar universiteti, Termiz agrotexnologiyalar va innovatsion rivojlanish instituti
13.	Professor-oʻqituvchilar, yosh tadqiqotchilar, talabalar uchun ilgʻor badiiy, ilmiy va oʻquv adabiyotlar elektron kataloglari hamda jahon taʼlim resurslaridan foydalanish imkoniyatlarini kengaytirish. Bunda: xorijiy (RF, Koreya Respublikasi, Yaponiya, Germaniya, Xitoy va ushbu sohada yetakchi boshqa mamlakatlar) ilgʻor tajribalarni oʻrganish asosida Institutning Axborot-resurs markazi foydalanuvchilari uchun kompleks elektron xizmatlar koʻrsatuvchi zamonaviy avtomatlashtirilgan axborot tizimini yaratish; veb va “bulutli” texnologiyalar asosida kutubxonaning raqamli resurslarini elektron katalogini yaratish; RFID texnologiyasi asosida kutubxona fondini roʻyxatga olish, hisobga qoʻyish, tarqatish va himoyalash tizimini yaratish; kitoblarni hisobga qoʻyish, tarqatish va qaytarish uchun avtomatlashtirilgan elektron kiosklarni joriy etish; kitoblarni tezkor raqamlashtirish texnologiyasini joriy etish; xorijiy kutubxona resurslaridan erkin foydalanish sharoitlarini yaratish; elektron va qogʻoz shaklidagi xalqaro ilmiy va oʻquv nashrlariga obuna boʻlishni tashkil qilish.	2022 — 2024-yillar	Institutning mazkur maqsadlar uchun nazarda tutilgan budjet va budjetdan tashqari mablagʻlari, xalqaro moliya institutlari va xorijiy tashkilotlarning grantlari	Qishloq xoʻjaligi vazirligi, Iqtisodiy taraqqiyot va kambagʻallikni qisqartirish vazirligi, Termiz agrotexnologiyalar va innovatsion rivojlanish instituti
14.	Qishloq xoʻjaligi sohasida kadrlar tayyorlash boʻyicha milliy va xalqaro imijni shakllantirish maqsadida mutaxassislik fanlarini xorijiy tillarda oʻqitishni keng joriy etish.	2022-yildan boshlab doimiy	Institutning budjetdan tashqari mablagʻlari	Qishloq xoʻjaligi vazirligi, Termiz agrotexnologiyalar va innovatsion rivojlanish instituti
Ilmiy-tadqiqot ishlari boʻyicha
15.	Institutning ilmiy salohiyatini yilma-yil oshirib borish maqsadida oliy taʼlimdan keyingi taʼlim institutini tizimli tashkil etish uchun qishloq xoʻjaligi ixtisosliklari boʻyicha tayanch doktoranturada kadrlarni maqsadli tayyorlashni yoʻlga qoʻyish hamda xorijiy oliy taʼlim muassasalariga maqsadli doktoranturaga oʻqishga yuborish.	2022 — 2025-yillar	Davlat budjeti mablagʻlari	Qishloq xoʻjaligi vazirligi, Innovatsion rivojlanish vazirligi, “El-yurt umidi” jamgʻarmasi, Surxondaryo viloyati hokimligi, Termiz agrotexnologiyalar va innovatsion rivojlanish instituti
16.	Har yili qishloq xoʻjaligi sohasidagi oliy taʼlim muassasalari magistraturasining iqtidorli bitiruvchilarini tanlash va pedagogik faoliyatga faol jalb qilish.	Doimiy	-	Qishloq xoʻjaligi vazirligi, Oliy va oʻrta maxsus taʼlim vazirligi, Termiz agrotexnologiyalar va innovatsion rivojlanish instituti
17.	Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazining agrar tarmoq ilmiy-tadqiqot institutlari va Fanlar akademiyasining ilmiy tashkilotlari bilan birga qoʻshma ilmiy-tadqiqot loyihalarini amalga oshirish.	Doimiy	Ilmiy-tadqiqot ishlariga davlat buyurtmasi doirasida hamda Innovatsion rivojlanish vazirligi tomonidan oʻtkaziladigan tanlovlar asosida Oʻzbekiston Respublikasi Davlat budjetidan ajratiladigan mablagʻlar doirasida	Qishloq xoʻjaligi vazirligi, Fanlar Akademiyasi, Surxondaryo viloyati hokimligi, Termiz agrotexnologiyalar va innovatsion rivojlanish instituti
18.	Professor-oʻqituvchilar, ilmiy-tadqiqotchilar va talabalarning innovatsion texnologiyalarni yaratish hamda joriy etish borasidagi tashabbuskorligini va moddiy manfaatdorligini oshirish maqsadida davlat-xususiy sheriklik shartlari asosida “Kichik innovatsion korxonalar” tashkil etish.	2022-yildan boshlab doimiy	Tashabbuskorlarning mablagʻlari hisobidan	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
19.	Hududning tuproq-iqlim sharoitini hamda qishloq xoʻjaligi mahsulotlarini yetishtirish turlarini inobatga olgan holda subtropik (anor, xurmo, zaytun, chilonjiyda), sitrus (limon, mandarin, kivi, ananas) hamda sabzavot-poliz ekinlarini yetishtirish muammolari yechimiga qaratilgan ilmiy loyihalar tanlovini eʼlon qilish.	2022-yildan boshlab doimiy	Ilmiy-tadqiqot ishlariga davlat buyurtmasi doirasida hamda Innovatsion rivojlanish vazirligi tomonidan oʻtkaziladigan tanlovlar asosida Oʻzbekiston Respublikasi Davlat budjetidan ajratiladigan mablagʻlar doirasida	Innovatsion rivojlanish vazirligi, Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
20.	Institut professor-oʻqituvchilari, ilmiy-texnik va muhandis xodimlarini har yili Oʻzbekiston hamda xorijiy davlatlarning yetakchi taʼlim muassasalarida, ilmiy-tadqiqot markazlarida, agroklasterlarda, kooperatsiyalarda, yirik ishlab chiqarish korxonalarida stajirovka oʻtashi boʻyicha dasturlar tayyorlash va amalga oshirish.	2022-yildan boshlab doimiy	-	Qishloq xoʻjaligi vazirligi, Innovatsion rivojlanish vazirligi, “El-yurt umidi” jamgʻarmasi, Surxondaryo viloyati hokimligi, Termiz agrotexnologiyalar va innovatsion rivojlanish instituti
21.	“Xirsh” indeksi (h-indeks) yuqori boʻlgan olimlar, professor-oʻqituvchi va tadqiqotchilarning ragʻbatlantirish tizimini joriy qilish. Bunda: ustamalar miqdorini “Xirsh” indeksi (h-indeks): 5 dan 9 gacha boʻlsa 20 foiz; 10 va undan yuqori boʻlsa 30 foiz etib belgilash.	2022-yildan boshlab doimiy	Institutning budjetdan tashqari mablagʻlari, mahalliy hokimliklarning mablagʻlari	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
22.	Institut huzurida davlat muassasasi shaklida “Meva (subtropik va sitrus) va sabzavot ekinlari seleksiyasi, urugʻchiligi va yetishtirish agrotexnologiyalari” oʻquv-ilmiy markazini tashkil etish.	2022-yil avgust	Davlat budjet mablagʻlari, mahalliy hokimliklarning mablagʻlari, Institutning budjetdan tashqari mablagʻlari	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
Yoshlar bilan ishlash va maʼnaviy-maʼrifiy ishlar boʻyicha
23.	Oʻzbekiston Respublikasi Prezidenti tomonidan ilgari surilgan 5 tashabbusni amaliyotga keng joriy etish. Bunda: birinchi tashabbus — talaba yoshlarni musiqa va sanʼatga jalb qilish, ularda estetik did va kasbiy etikani tarbiyalash maqsadida tanlovlar, koʻrgazmalar, sanʼat va madaniyat maskanlarida ochiq darslar oʻtkazish, teatr va muzeylarga tashriflarni uyushtirish, “Yosh havaskorlar” ashula va raqs ansamblini tuzish. ikkinchi tashabbus — sport majmualarida toʻgaraklar faoliyatini samarali tashkil etish, yangi sport toʻgaraklari ochish, “Salomatlik sari mustahkam qadam” aksiyasi va sport turlari boʻyicha oliy taʼlim muassasalariaro uch bosqichli chempionatlarni oʻtkazish. uchinchi tashabbus — talaba yoshlarda Internet jahon axborot tarmogʻidan toʻgʻri foydalanish madaniyatini rivojlantirish maqsadida ularning qiziqishlari boʻyicha klublar, kompyuter texnologiyalari, loyiha va dasturlash boʻyicha kompyuter dasturlari, internet savodxonligi toʻgaraklari, onlayn-viktorinalar, IT-olimpiadalar tashkil etish. toʻrtinchi tashabbus — talaba yoshlarni badiiy adabiyotga qiziqtirish, ularda vatanparvarlik, Vatan taqdiriga daxldorlik, fidoyilik hissini tarbiyalash maqsadida “Bir talabaga — bir kitob” aksiyasi, “Eng faol kitobxon” tanlovi, “Yosh adabiyotchilar” klublarini, talabalarning sheʼrlari, ilmiy maqolalari va sheʼriy toʻplamlarini chop etish, OAVda yoritish.	2022-yildan boshlab doimiy	Institutning budjetdan tashqari mablagʻlari, homiylik mablagʻlari	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
23.	beshinchi tashabbus — talaba qizlarning ijtimoiy faolligini oshirish maqsadida “Biznes ledi” maktabi (biznes reja tuzishga oʻrgatish), “Tadbirkor talaba” klubi, “Oila maktabi” treninglari, tikuvchilik, milliy hunarmandchilik kurslarini va ijodiy toʻgaraklarni yoʻlga qoʻyish.	2022-yildan boshlab doimiy	Xalqaro moliya institutlari va xorijiy tashkilotlarning grantlari, Institutning budjetdan tashqari mablagʻlari
24.	Institutda tahsil olayotgan iqtidorli talabalarning nomzodini Oʻzbekiston Prezidenti va nomdor stipendiyalarga tavsiya etish, respublika va xalqaro tanlovlarda ishtirok etishini taʼminlash hamda ragʻbatlantirib borish.	2022-yildan boshlab doimiy	-	Qishloq xoʻjaligi vazirligi, Oliy va oʻrta maxsus taʼlim vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
25.	Institut joylashgan hududda yashovchi “Temir daftar”, “Yoshlar daftari” hamda “Ayollar daftari”ga kirgan oilalarning farzandlari hamda uyushmagan yoshlar uchun qishloq xoʻjaligi boʻyicha oʻquv kurslarini tashkil etish.	Doimiy	Institutning budjetdan tashqari mablagʻlari	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
26.	Institutning moddiy-texnik bazasidan foydalangan holda yaqin hududlardagi uyushmagan yoshlarnisport toʻgaraklariga, ingliz tili, nemis tilini oʻqitish kurslariga, kompyuter savodxonligi toʻgaraklariga jalb etish.	2022-yildan boshlab doimiy	Institutning budjetdan tashqari mablagʻlari	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
Xalqaro hamkorlik boʻyicha
27.	Xorijiy hamkorlar bilan birgalikda kadrlar tayyorlash boʻyicha qoʻshma taʼlim dasturlarini (double degree) amalga oshirish, taʼlim jarayoniga xorijiy mutaxassislarni jalb qilish hamda xalqaro ilmiy-tadqiqot ishlarini olib borishni tashkil etish.	2022/2023 oʻquv yilidan boshlab doimiy	Xalqaro moliya institutlari va xorijiy tashkilotlarning grantlari	Qishloq xoʻjaligi vazirligi, Oliy va oʻrta maxsus taʼlim vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
28.	Istiqbolli bitiruvchilarni respublika va xorijiy davlatlarning yetakchi oliy taʼlim va ilmiy muassasalariga magistratura va doktoranturaga (jumladan, “El-yurt umidi” jamgʻarmasining ochiq stipendiya tanlovlari orqali) muntazam yuborish orqali Institutning ilmiy-pedagogik salohiyatini oshirib borish.	2022 — 2025-yillar	“El-yurt umidi” jamgʻarmasi	Qishloq xoʻjaligi vazirligi, “El-yurt umidi” jamgʻarmasi, Surxondaryo viloyati hokimligi, Tashqi ishlar vazirligi, Termiz agrotexnologiyalar va innovatsion rivojlanish instituti
29.	Talabalarning ishlab chiqarish amaliyotlarini AQSh, Germaniya, Janubiy Koreya, Xitoy, Rossiya, Yaponiya kabi rivojlangan davlatlarning oliy taʼlim tashkilotlari va ilmiy-tadqiqot markazlari va ishlab chiqarish korxonalarida oʻtkazilishini taʼminlash.	Belgilangan muddatlarda	Xalqaro moliya institutlari va xorijiy tashkilotlarning grantlari	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
30.	Xalqaro eʼtirof etilgan tashkilotlar reytingining birinchi 1 000 ta oʻrindagi oliy taʼlim muassasalari professor-oʻqituvchilarining Institutdagi ulushini oshirish.	Doimiy	Institutning budjetdan tashqari mablagʻlari, xalqaro moliya institutlari va xorijiy tashkilotlarning grantlari	Qishloq xoʻjaligi vazirligi, Oliy va oʻrta maxsus taʼlim vazirligi, Tashqi ishlar vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
31.	Anorchilik yoʻnalishi boʻyicha professor-oʻqituvchilar va iqtidorli talabalarni ilgʻor xorijiy davlatlarga malaka oshirish va stajirovkaga yuborish.	2022/2023 oʻquv yilidan boshlab doimiy kelishuv asosida	Institutning budjetdan tashqari mablagʻlari, xalqaro moliya institutlari va xorijiy tashkilotlarning grantlari	Qishloq xoʻjaligi vazirligi, Tashqi ishlar vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
	Moddiy-texnik taʼminot boʻyicha
32.	Veterinariya diagnostika oʻquv laboratoriyasi hamda Axborot-maslahat markazi (Extension center) hududida qishloq xoʻjaligi hayvonlarini koʻpaytirish va tajribalar olib borish maqsadida maxsus bino (vivariy) qurish ishlarini 2023-yilgi investitsiya dasturiga kiritish choralarini koʻrish.	2022-yil iyun	Davlat budjeti mablagʻlari, xalqaro moliya institutlari va xorijiy tashkilotlarning grantlari	Qishloq xoʻjaligi vazirligi, Iqtisodiy taraqqiyot va kambagʻallikni qisqartirish vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
33.	Institut hududida 400 oʻrinli majlislar zali hamda 200 oʻrinli talabalar oshxonasini qurish boʻyicha loyiha-smeta hujjatlarini ishlab chiqish hamda 2023-yilgi investitsiya dasturiga kiritish.	2022-yil iyun	Davlat budjeti mablagʻlari, xalqaro moliya institutlari va xorijiy tashkilotlarning grantlari	Qishloq xoʻjaligi vazirligi, Iqtisodiy taraqqiyot va kambagʻallikni qisqartirish vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
34.	Axborot-maslahat markazi hududida sitrus va subtropik ekinlar (limon, anor, xurmo, kivi, zaytun) koʻchatlarini yetishtiruvchi issiqxona tashkil etish.	2022-2023-yillar	Xalqaro moliya institutlari va xorijiy tashkilotlarning grantlari	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
35.	Axborot-maslahat markazi (Extension center) hududida qishloq xoʻjaligi ekinlarini doimiy suv bilan taʼminlash boʻyicha vertikal sugʻorish qudugʻini burgʻulash, ishga tushirish va suv tejovchi texnologiyalarni joriy etish hamda dala atrofini toʻsiq (sim-toʻr) bilan oʻrash.	2022-2023-yillar	Davlat budjeti mablagʻlari, mahalliy hokimliklarning mablagʻlari, Institutning budjetdan tashqari mablagʻlari	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
36.	Chorvachilik, baliqchilik mahsulotlari, meva-sabzavot, moyli ekinlar, dorivor oʻsimliklarni qayta ishlash, qadoqlash boʻyicha zamonaviy mini sexlarni tashkil etish.	2022 — 2025-yillar	Institutning budjetdan tashqari mablagʻlari, xalqaro moliya institutlari va xorijiy tashkilotlarning grantlari	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti
37.	Xorijiy va mahalliy ishlab chiqarish korxonalari tomonidan ishlab chiqilgan mahsulot, ishlanmalar, jihozlarni sinovdan oʻtkazish va targʻib qilish uchun “Koʻrgazmali auditoriyalar”ni tashkil etish.	2022 — 2025-yillar	Institutning budjetdan tashqari mablagʻlari, xalqaro moliya institutlari va xorijiy tashkilotlarning grantlari	Qishloq xoʻjaligi vazirligi, Surxondaryo viloyati hokimligi, Termiz agrotexnologiyalar va innovatsion rivojlanish instituti

Oʻzbekiston Respublikasi Prezidentining 2021-yil 28-oktabrdagi PQ-5269-son qaroriga
2-ILOVA

ROʻYXATI

T/r	Taʼlim yoʻnalishlari va mutaxassisliklar	Biriktirilayotgan tashkilotlar
Bakalavriat taʼlim yoʻnalishlari
1.	Agronomiya (dehqonchilik mahsulotlari turlari boʻyicha)	Paxta seleksiyasi, urugʻchiligi va yetishtirish agrotexnologiyalari ilmiy-tadqiqot institutining Surxondaryo ilmiy-tajriba stansiyasi, Oʻsimliklar genetik resurslari ilmiy-tadqiqot institutining Surxondaryo ilmiy-tajriba stansiyasi
2.	Qishloq xoʻjaligi ekinlari seleksiyasi va urugʻchiligi
3.	Agrokimyo va agrotuproqshunoslik
4.	Oʻsimliklarni himoya qilish (ekin turlari boʻyicha)	Surxondaryo viloyati oʻsimliklar karantini va himoyasi boshqarmasi, “Agro ximoya xizmati oʼsimliklar klinikasi” MChJ, “Tomorqa xizmati agro-invest” MChJ
5.	Oʻsimliklar va qishloq xoʻjaligi mahsulotlari karantini	Surxondaryo viloyati oʻsimliklar karantini va himoyasi boshqarmasi
6.	Sabzavotchilik, polizchilik va kartoshkachilik	Sabzavot, poliz ekinlari va kartoshkachilik ilmiy-tadqiqot institutining Surxondaryo ilmiy-tajriba stansiyasi
7.	Issiqxona xoʻjaligini tashkil etish va yuritish
8.	Mevachilik va uzumchilik	Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot institutining Surxondaryo ilmiy-tajriba stansiyasi va Bandixon tajriba xoʻjaligi
9.	Agronomiya (anorchilik)
10.	Qishloq xoʻjaligi mahsulotlarini saqlash va dastlabki ishlash texnologiyasi (mahsulot turlari boʻyicha)
11.	Ipakchilik va tutchilik	Surxondaryo viloyati “Agro pilla” MChJ
12.	Qishloq xoʻjaligini mexanizatsiyalashtirish	“Oʻzagrolizing” AJning Surxondaryo viloyat filiali
13.	Buxgalteriya hisobi va audit (qishloq xoʻjaligida)	Surxondaryo viloyati hokimligi, viloyat qishloq xoʻjaligi boshqarmasi
14.	Agrobiznes va investitsion faoliyat
15.	Oʻrmonchilik	Surxondaryo viloyati oʻrmon xoʻjaligi boshqarmasi (Surxondaryo, Bobotogʻ, Boysun, Uzun, Qiziriq va Hisor davlat oʻrmon xoʻjaliklari)
16.	Dorivor oʻsimliklarni yetishtirish va qayta ishlash texnologiyasi
17.	Manzarali bogʻdorchilik
18.	Zooinjeneriya (turlari boʻyicha)	Surxondaryo viloyati veterinariya va chorvachilikni rivojlantirish boshqarmasi
19.	Veterinariya meditsinasi (faoliyat turlari boʻyicha)
Magistratura mutaxassisliklari
1.	Agronomiya	Paxta seleksiyasi, urugʻchiligi va yetishtirish agrotexnologiyalari ilmiy-tadqiqot institutining Surxondaryo ilmiy-tajriba stansiyasi
2.	Seleksiya va urugʻchilik (ekinlar guruhlari boʻyicha)
3.	Agrokimyo
4.	Oʻsimlikshunoslik (ekinlar guruhlari boʻyicha)	Oʻsimliklar genetik resurslari ilmiy-tadqiqot institutining Surxondaryo ilmiy-tajriba stansiyasi
5.	Sabzavotchilik va polizchilik	Sabzavot, poliz ekinlari va kartoshkachilik ilmiy-tadqiqot institutining Surxondaryo ilmiy-tajriba stansiyasi, Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot institutining Surxondaryo ilmiy-tajriba stansiyasi va Bandixon tajriba xoʻjaligi
6.	Oʻsimliklar himoyasida monitoring va bashorat	Surxondaryo viloyati oʻsimliklar karantini va himoyasi boshqarmasi, “Agro ximoya xizmati oʼsimliklar klinikasi” MChJ, “Tomorqa xizmati agro-invest” MChJ
7.	Dorivor oʻsimliklarni yetishtirish texnologiyasi	Surxondaryo viloyati oʻrmon xoʻjaligi boshqarmasi (Surxondaryo, Bobotogʻ, Boysun, Uzun, Qiziriq va Hisor davlat oʻrmon xoʻjaliklari)
8.	Iqtisodiyot (qishloq xoʻjaligida)	Surxondaryo viloyati hokimligi, viloyat qishloq xoʻjaligi boshqarmasi

Oʻzbekiston Respublikasi Prezidentining 2021-yil 28-oktabrdagi PQ-5269-son qaroriga
3-ILOVA

Termiz agrotexnologiyalar va innovatsion rivojlanish institutining bakalavriat taʼlim yoʻnalishlari va magistratura mutaxassisliklarining amaliyot oʻtash uchun biriktirilayotgan ilmiy-tadqiqot institutlari, tashkilotlar va yirik xoʻjalik subyektlari

ROʻYXATI

T/r	Taʼlim yoʻnalishlari va mutaxassisliklar nomi	Amaliyot turlari (bakalavriat/magistratura) hamda amaliyotni oʻtkazish obyektlari va manzillari
T/r	Taʼlim yoʻnalishlari va mutaxassisliklar nomi	Oʻquv-tanishuv amaliyoti obyekti va manzili	Oʻquv amaliyoti obyekti va manzili	Ishlab chiqarish amaliyoti/ ilmiy amaliyot (stajirovka) obyekti va manzili
1.	Agrokimyo va agrotuproqshunoslik	Axborot-maslahat markazi (Extension center) (Termiz tumani, “Yangiobod” mahallasi)	1. Paxta seleksiyasi, urugʻchiligi va yetishtirish agrotexnologiyalari ilmiy tadqiqot instituti Surxondaryo viloyat filiali (Termiz tumani, “M. Eshtemirov” mahallasi)	Surxondaryo viloyati oʻsimliklar karantini va himoyasi boshqarmasi (Termiz shahri, Oytumor koʻchasi, 5-uy)
1.	Agrokimyo va agrotuproqshunoslik		2. Sabzavot, poliz ekinlari va kartoshkachilik ilmiy-tadqiqot instituti Surxondaryo ilmiy-tajriba stansiyasi (Termiz tumani, “Namuna” mahallasi)
2.	Agronomiya (dehqonchilik mahsulotlari turlari boʻyicha)	Axborot-maslahat markazi (Extension center) (Termiz tumani, “Yangiobod” mahallasi)	1. Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti Surxondaryo viloyat filiali (Termiz tumani, “M. Eshtemirov” mahallasi)	1. Surxondaryo viloyati qishloq xoʻjaligi boshqarmasi (Termiz shahri, Shukrona koʻchasi, 10-uy)
2.	Agronomiya (dehqonchilik mahsulotlari turlari boʻyicha)		2. Sabzavot, poliz ekinlari va kartoshkachilik ilmiy-tadqiqot institutining Surxondaryo ilmiy-tajriba stansiyasi (Termiz tumani, “Namuna” mahallasi)	2. Surxondaryo viloyati fermer, dehqon xoʻjaliklari va tomorqa yer egalari kengashi (Termiz shahri, Shukrona koʻchasi, 10-uy)
3.	Oʻsimliklarni himoya qilish (ekin turlari boʻyicha)	Axborot-maslahat markazi (Extension center) (Termiz tumani, “Yangiobod” mahallasi)	Oʻsimliklarni himoya qilish ilmiy-tadqiqot institutining Surxondaryo viloyati tayanch punkti (Termiz tumani, “M. Eshtemirov” mahallasi)	Surxondaryo viloyati oʻsimliklar karantini va himoyasi boshqarmasi (Termiz shahri, Oytumor koʻchasi, 5-uy)
4.	Qishloq xoʻjaligi ekinlari seleksiyasi va urugʻchiligi (ekin turlari boʻyicha)	Axborot-maslahat markazi (Extension center) (Termiz tumani, “Yangiobod” mahallasi)	1. Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti Surxondaryo viloyat filiali (Termiz tumani, “M. Eshtemirov” mahallasi)	“Urugʻchilikni rivojlantirish markazi” davlat korxonasining Surxondaryo viloyati boshqarmasi (Termiz shahri, A. Qahhor koʻchasi, 10-uy)
4.			2. Sabzavot, poliz ekinlari va kartoshkachilik ilmiy-tadqiqot institutining Surxondaryo ilmiy tajriba stansiyasi (Termiz tumani, “Namuna” mahallasi)
5.	Qishloq xoʻjaligi mahsulotlarini saqlash va dastlabki ishlash texnologiyasi (mahsulot turlari boʻyicha)	Axborot-maslahat markazi (Extension center) (Termiz tumani, “Yangiobod” mahallasi)	“Surxondaryodonmahsulotlari” AJ (Termiz shahri, Zernovaya koʻchasi, 1-uy)	“Surxondaryodonmahsulotlari” AJ (Termiz shahri, Zernovaya koʻchasi, 1-uy )
6.	Oʻrmonchilik	Axborot-maslahat markazi (Extension center) (Termiz tumani, “Yangiobod” mahallasi)	Surxondaryo viloyati oʻrmon xoʻjaligi boshqarmasi (Termiz shahri, Istiqbol koʻchasi, 64-uy)	Surxondaryo viloyati oʻrmon xoʻjaligi boshqarmasi (Termiz shahri, Istiqbol koʻchasi, 64-uy)
7.	Ipakchilik va tutchilik	Axborot-maslahat markazi (Extension center) (Termiz tumani, “Yangiobod” mahallasi)	Surxondaryo viloyati “Agro pilla” MChJ (Termiz shahri, Soatov koʻchasi, 4-uy)	Surxondaryo viloyati “Agro pilla” MChJ (Termiz shahri, Soatov koʻchasi, 4-uy)
8.	Mevachilik va uzumchilik	Axborot-maslahat markazi (Extension center) (Termiz tumani, “Yangiobod” mahallasi)	1. Surxondaryo viloyati qishloq xoʻjaligi boshqarmasi (Termiz shahri, Shukrona koʻchasi, 10-uy)	2. Surxondaryo viloyati fermer, dehqon xoʻjaliklari va tomorqa yer egalari kengashi (Termiz shahri, Shukrona koʻchasi, 10-uy)
8.	Mevachilik va uzumchilik		2. Akademik M. Mirzayev nomidagi bogʻdorchilik mevachilik, uzumchilik va vinochilik ilmiy-tadqiqot institutining Surxondaryo viloyati ilmiy-tajriba stansiyasi (Termiz tumani)	2. Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot institutining Surxondaryo viloyati ilmiy-tajriba stansiyasi (Termiz tumani)
9.	Dorivor oʻsimliklarni yetishtirish va qayta ishlash texnologiyasi	Axborot-maslahat markazi (Extension center) (Termiz tumani, “Yangiobod” mahallasi)	Surxondaryo viloyati oʻrmon xoʻjaligi boshqarmasi (Termiz shahri, Istiqbol koʻchasi, 64-uy)	Surxondaryo viloyati oʻrmon xoʻjaligi boshqarmasi (Termiz shahri, Istiqbol koʻchasi, 64-uy)
10.	Manzarali bogʻdorchilik va koʻkalamzorlashtirish	Axborot-maslahat markazi (Extension center) (Termiz tumani, “Yangiobod” mahallasi)	Surxondaryo viloyati oʻrmon xoʻjaligi boshqarmasi (Termiz shahri, Istiqbol koʻchasi, 64-uy)	Surxondaryo viloyati oʻrmon xoʻjaligi boshqarmasi (Termiz shahri, Istiqbol koʻchasi, 64-uy)
11.	Oʻsimliklar va qishloq xoʻjaligi mahsulotlari karantini	Axborot-maslahat markazi (Extension center) (Termiz tumani, “Yangiobod” mahallasi)	Surxondaryo viloyati oʻsimliklar karantini va himoyasi boshqarmasi (Termiz shahri, Oytumor koʻchasi, 5-uy	Surxondaryo viloyati oʻsimliklar karantini va himoyasi boshqarmasi (Termiz shahri, Oytumor koʻchasi, 5-uy
12.	Sabzavotchilik, polizchilik va kartoshkachilik	Axborot-maslahat markazi (Extension center) (Termiz tumani, “Yangiobod” mahallasi)	Sabzavot, poliz ekinlari va kartoshkachilik ilmiy-tadqiqot institutining Surxondaryo ilmiy-tajriba stansiyasi (Termiz tumani, “Namuna” mahallasi)	Surxondaryo viloyati fermer, dehqon xoʻjaliklari va tomorqa yer egalari kengashi (Termiz shahri, Shukrona koʻchasi, 10-uy)
13.	Agrobiznes va investitsion faoliyat	Axborot-maslahat markazi (Extension center) (Termiz tumani, “Yangiobod” mahallasi)	1. “Oʻzagrolizing” AJning Surxondaryo viloyat filiali (Termiz shahri, F. Xoʻjayev koʻchasi, 1A-uy)	Surxondaryo viloyati fermer, dehqon xoʻjaliklari va tomorqa yer egalari kengashi (Termiz shahri, Shukrona koʻchasi, 10-uy)
13.	Agrobiznes va investitsion faoliyat		2. “Golden Fresh” MChJ (Termiz tumani, “Qahramon” mahallasi)
14.	Buxgalteriya hisobi va audit (qishloq xoʻjaligida)	Axborot-maslahat markazi (Extension center) (Termiz tumani, “Yangiobod” mahallasi)	“Oʻzagrolizing” AJning Surxondaryo viloyat filiali (Termiz shahri, F. Xoʻjayev koʻchasi, 1A-uy)	Surxondaryo viloyati fermer, dehqon xoʻjaliklari va tomorqa yer egalari kengashi (Termiz shahri, Shukrona koʻchasi, 10-uy)
15.	Issiqxona xoʻjaligini tashkil etish va yuritish	Axborot-maslahat markazi (Extension center) (Termiz tumani, “Yangiobod” mahallasi)	“Golden Fresh” MChJ (Termiz tumani, “Qahramon” mahallasi)	“Golden Fresh” MChJ (Termiz tumani, “Qahramon” mahallasi)
16.	Qishloq xoʻjaligini mexanizatsiyalashtirish	Axborot-maslahat markazi (Extension center) (Termiz tumani, “Yangiobod” mahallasi)	“Oʻzagrolizing” AJning Surxondaryo viloyat filiali (Termiz shahri, F. Xoʻjayev koʻchasi, 1-A-uy)	“Oʻzagrolizing” AJning Surxondaryo viloyat filiali (Termiz shahri, F. Xoʻjayev koʻchasi, 1a-uy)
17.	Zootexniya (turlari boʻyicha)	Axborot-maslahat markazi (Extension center) (Termiz tumani, “Yangiobod” mahallasi)	Surxondaryo viloyati veterinariya va chorvachilikni rivojlantirish boshqarmasi (Termiz shahri, Q. Omonov koʻchasi, 2-uy)	Surxondaryo viloyati veterinariya va chorvachilikni rivojlantirish boshqarmasi (Termiz shahri, Q. Omonov koʻchasi, 2-uy)
18.	Veterinariya meditsinasi	Axborot-maslahat markazi (Extension center) (Termiz tumani, “Yangiobod” mahallasi)	Surxondaryo viloyati veterinariya va chorvachilikni rivojlantirish boshqarmasi (Termiz shahri, Q. Omonov koʻchasi, 2-uy)	Surxondaryo viloyati veterinariya va chorvachilikni rivojlantirish boshqarmasi (Termiz shahri, Q. Omonov koʻchasi, 2-uy)
19.	Agronomiya (anorchilik)	Axborot-maslahat markazi (Extension center) (Termiz tumani, “Yangiobod” mahallasi)	Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot institutining Surxondaryo viloyati ilmiy-tajriba stansiyasi va Bandixon tajriba xoʻjaligi (Termiz va B?ndixon tumanlari)	Akademik M. Mirzayev nomidagi bogʻdorchilik, uzumchilik va vinochilik ilmiy-tadqiqot institutining Surxondaryo viloyati ilmiy-tajriba stansiyasi va Bandixon tajriba xoʻjaligi (Termiz va Bandixon tumanlari)

(Qonunchilik maʼlumotlari milliy bazasi, 29.10.2021-y., 07/21/5269/1000-son)