Oʻzbekiston Respublikasi Prezidentining “Ish haqi, pensiyalar va stipendiyalar miqdorlarini oshirish toʻgʻrisida” 1997-yil 6-maydagi PF-1755-son Farmonni bajarish yuzasidan hamda iqtisodiy islohotlarni chuqurlashtirish sharoitlarida ish haqining ragʻbatlantiruvchi ahamiyatini yanada kuchaytirish va ishlarning pirovard natijalari uchun masʼuliyatni oshirish maqsadida Vazirlar Mahkamasi qaror qiladi:

1. 1997-yil 1-iyuldan boshlab boshlangʻich (nulinchi) razryadning oyiga 750 soʻm miqdoridagi tarif stavkasi mehnatga haq toʻlash boʻyicha Yagona tarif setkasiga asos qilib olinsin va yangi tarif koeffitsiyentlari ilovaga muvofiq tasdiqlansin.

2. Oʻzbekiston Respublikasi Vazirlar Mahkamasining 1996-yil 23-iyuldagi 262-son qarori 1997-yil 1-iyuldan boshlab oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov zimmasiga yuklansin.