PQ-4863-сон 15.10.2020. Sarimsoqpiyoz hamda toʻqsonbosti usulida sabzavot mahsulotlarini yetishtirish va eksport qilishni koʻpaytirish chora-tadbirlari toʻgʻrisida

Oʻzbekiston Respublikasi Prezidentining

Qarori

Sarimsoqpiyoz hamda toʻqsonbosti usulida sabzavot mahsulotlarini yetishtirish va eksport qilishni koʻpaytirish chora-tadbirlari toʻgʻrisida

Ekin maydonlari va aholi tomorqalaridan oqilona foydalanish, eksportbop qishloq xoʻjaligi mahsulotlari, shu jumladan sarimsoqpiyoz yetishtirish va eksport qilish hajmlarini koʻpaytirish, kambagʻallikni qisqartirish va aholining moddiy manfaatdorligini oshirish borasidagi ishlarni tizimli davom ettirish maqsadida:

1. Quyidagilar:

Sarimsoqpiyoz va toʻqsonbosti usulida sabzavot mahsulotlarini yetishtiruvchilar va eksport qiluvchilar uyushmasi (keyingi oʻrinlarda — Uyushma) hamda uning masʼuliyati cheklangan jamiyat shaklidagi hududiy boʻlinmalari (keyingi oʻrinlarda — hududiy jamiyatlar) tashkil etilganligi;

hududiy jamiyatlar Uyushmaning muassislari hisoblanishi;

Uyushma faoliyatini moliyalashtirish manbalari aʼzolik badallari, Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi, ilmiy tadqiqotlarni olib borish uchun ajratilgan davlat grantlari hamda xalqaro moliya institutlari grantlari hisoblanishi;

Andijon viloyatining Buloqboshi tumanida Sarimsoqpiyoz yetishtiruvchilar va eksport qiluvchilar uyushmasi tashkil etilganligi, 400 gektar maydonda klaster usulida aholi xonadonlarini biriktirish orqali sarimsoqpiyoz yetishtirish yoʻlga qoʻyilganligi;

Uyushmaga mahsulot yetishtiruvchilarga agronomik tavsiyalar berishda, eng maqbul davlatlarga qulay vaqtlarda eksport qilishda koʻmaklashish, ularning malakasini oshirish vazifalari yuklatilganligi maʼlumot uchun qabul qilinsin.

2. Qoraqalpogʻiston Respublikasi Vazirlar Kengashi va viloyatlar hokimliklarining 2021-2022-yillar hosili uchun avgust piyozi, sarimsoqpiyoz va toʻqsonbosti usulida sabzavot mahsulotlarini turlari boʻyicha yetishtirish hajmi toʻgʻrisidagi takliflari 1 — 3-ilovalarga muvofiq maʼqullansin.

3. Belgilansinki:

Uyushmaga tashqi va ichki bozor talablaridan kelib chiqib, har yili 1-iyunga qadar avgust piyozi, sarimsoqpiyoz va toʻqsonbosti usulida sabzavot ekinlarini joylashtirish boʻyicha Qishloq xoʻjaligi vazirligiga takliflar kiritish huquqi beriladi;

avgust piyozi, sarimsoqpiyoz va toʻqsonbosti usulida sabzavot ekinlari Uyushma taklifiga muvofiq paxta va gʻalla maydonlaridan qisqartirilgan, foydalanishga kiritiladigan, zaxiradagi yerlar, shuningdek, takroriy ekin sifatida gʻalladan boʻshaydigan va boshqa yer maydonlariga joylashtiriladi;

avgust piyozi, sarimsoqpiyoz va toʻqsonbosti usulida sabzavot mahsulotlarini yetishtirish “Har bir oila — tadbirkor” dasturi doirasida ajratiladigan, Bandlikka koʻmaklashish davlat jamgʻarmasi, Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi, xalqaro moliya institutlari mablagʻlari hisobidan moliyalashtiriladi;

Uyushma Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda avgust piyozi, sarimsoqpiyoz va toʻqsonbosti usulida sabzavot ekinlarini klaster va kooperatsiya usulida yetishtirish boʻyicha xalqaro moliya institutlarining mablagʻlari hisobidan amalga oshiriladigan aniq loyihalarni tijorat banklariga taqdim etadi.

4. Qishloq xoʻjaligi vazirligi Oʻzbekiston fermer, dehqon xoʻjaliklari va tomorqa yer egalari kengashi, Bogʻdorchilik va issiqxona xoʻjaligini rivojlantirish agentligi bilan birgalikda sarimsoqpiyoz yetishtirish loyihasini amalga oshirish uchun 7 mlrd soʻm miqdoridagi mablagʻlar Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi hamda Bogʻdorchilik va issiqxona xoʻjaligini rivojlantirish jamgʻarmasidan Markaziy bank asosiy stavkasining 50 foizi miqdorida 1 yillik muddatga Buloqboshi tumani hokimligi va Uyushma kafilligi asosida teng ulushlarda ssuda sifatida ajratilishini taʼminlasin.

Qoraqalpogʻiston Respublikasi Vazirlar Kengashi, viloyatlar hokimliklari Buloqboshi tumanida joriy etilgan tajribani keng tatbiq etish choralarini koʻrsin.

5. Oʻzbekiston fermer, dehqon xoʻjaliklari va tomorqa yer egalari kengashi raisining dehqon xoʻjaliklari va tomorqa ekin maydonlaridan foydalanish masalalari boʻyicha oʻrinbosari (keyingi oʻrinlarda — Kengash raisining oʻrinbosari)ga:

Uyushma faoliyatini amalga oshirishga, qayta ishlash korxonalari, eksport qiluvchilar va mahsulot yetishtiruvchilarga har tomonlama koʻmaklashish;

avgust piyozi, sarimsoqpiyoz va toʻqsonbosti usulida sabzavot ekinlarini yetishtirish xarajatlarini moliyalashtirish uchun xalqaro moliya institutlarining imtiyozli resurslari va grantlarini, Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi mablagʻlarini jalb etish;

kooperatsiya (klaster) asosida ishlaydigan klaster va eksport qiluvchi tashkilotlar mahsulot yetishtiruvchilarga biriktirilishini taʼminlash;

mahsulot yetishtiruvchilarning bilim va koʻnikmalarini oshirish uchun har yili iyun-iyul oylarida oʻquv-seminarlarni tashkil qilish;

xorijiy davlatlar fitosanitariya talablaridan kelib chiqib, avgust piyozi, sarimsoqpiyoz va toʻqsonbosti usulida sabzavot ekinlarining eksportbop navlarini yetishtirish va eksport qilish borasidagi ishlarni tashkillashtirish vazifalari yuklatilganligi maʼlumot uchun qabul qilinsin.

6. Oʻzbekiston fermer, dehqon xoʻjaliklari va tomorqa yer egalari kengashiga ikki hafta muddatda:

mavjud vazifalar taqsimotini va shtat birliklarini qayta koʻrib chiqib, Kengash raisining oʻrinbosariga markaziy apparat, hududiy boshqarma va tuman boʻlimlaridan tegishli tuzilmalarni biriktirish;

Kengash raisining oʻrinbosari taklifiga koʻra, xoʻjalik hisobidan qoʻshimcha shtat birliklari olinishini taʼminlash tavsiya etilsin.

7. Oʻsimliklar karantini davlat inspeksiyasi bir oy muddatda:

xorijiy davlatlar fitosanitariya talablaridan kelib chiqib, sarimsoqpiyozning eksportbop navlarini yetishtirish, tayyorlash va qadoqlash borasida tavsiyalar ishlab chiqsin hamda amaliy yordam berish uchun karantin inspektorlarini tumanlar miqyosida mahsulot yetishtiruvchilarga biriktirsin;

Investitsiyalar va tashqi savdo vazirligi, Eksport qiluvchilar uyushmasi, Oʻzbekiston fermer, dehqon xoʻjaliklari va tomorqa yer egalari kengashi hamda Uyushma bilan birgalikda mahsulotning eng maqbul davlatlarga qulay vaqtlarda eksport qilinishini taʼminlash, yangi eksport bozorlarini ochish choralarini koʻrsin.

8. Innovatsion rivojlanish vazirligi va Qishloq xoʻjaligi vazirligi bir oy muddatda avgust piyozi, sarimsoqpiyoz va toʻqsonbosti usulida sabzavot mahsulotlarini yetishtirish boʻyicha 2021 — 2025-yillarga moʻljallangan fundamental va amaliy tadqiqotlar hamda innovatsion ilmiy-texnik loyihalarning grant tanlovlari asosida amalga oshirilishini taʼminlasin.

Belgilab qoʻyilsinki, grant tanlovlarida avgust piyozi, sarimsoqpiyoz va toʻqsonbosti usulida sabzavot ekinlarining yangi, eksportbop navlarini yaratish, onalik urugʻ va koʻchatzorlarni tashkil etishga alohida eʼtibor qaratiladi.

9. Qishloq xoʻjaligi vazirligi Oʻzbekiston fermer, dehqon xoʻjaliklari va tomorqa yer egalari kengashi bilan birgalikda:

ikki hafta muddatda Qishloq xoʻjaligi va oziq-ovqat taʼminoti ilmiy-ishlab chiqarish markazi bilan birgalikda hududlarning tuproq-iqlim sharoiti oʻziga xosligidan kelib chiqib, avgust piyozi, sarimsoqpiyoz va toʻqsonbosti usulida sabzavot ekinlari navlarini joylashtirish va yetishtirish agrotexnikasi boʻyicha tavsiyaviy qoʻllanma ishlab chiqib, joylarga yetkazsin;

bir oy muddatda Bogʻdorchilik va issiqxona xoʻjaligini rivojlantirish jamgʻarmasi hamda Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi toʻgʻrisidagi nizomlarga tegishli oʻzgartirish va qoʻshimchalar kiritilishini taʼminlasin;

Suv xoʻjaligi vazirligi bilan birgalikda avgust piyozi, sarimsoqpiyoz va toʻqsonbosti usulida sabzavot ekinlarini suv bilan taʼminlash, suv tejovchi texnologiyalarni keng joriy etish choralarini koʻrsin;

Sabzavot, poliz ekinlari va kartoshkachilik ilmiy-tadqiqot instituti tomonidan Uyushma bilan birgalikda avgust piyozi, sarimsoqpiyoz va toʻqsonbosti usulida sabzavot ekinlarining hududlar tuproq-iqlim sharoitlariga mos, shoʻrga va suvsizlikka chidamli navlarini yaratish boʻyicha ilmiy-tadqiqot loyihalari amalga oshirilishini taʼminlasin;

Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda Uyushmaga mahsulotni saqlash, eksport qilishda koʻmaklashsin.

10. Uyushmaga Oʻzbekiston fermer, dehqon xoʻjaliklari va tomorqa yer egalari kengashi, Qishloq xoʻjaligi vazirligi bilan birgalikda Uyushmaning qisqa muddatlarda belgilangan tartibda roʻyxatdan oʻtkazilishi, uning tashkiliy tuzilmasi, nizomi va hududiy jamiyatlarning namunaviy tuzilmasini tasdiqlash tavsiya etilsin.

Uyushma Toshkent viloyati, Toshkent tumani, Keles shaharchasidagi Sabzavot, poliz ekinlari va kartoshkachilik ilmiy-tadqiqot instituti binosiga tekin foydalanish huquqi asosida joylashtirilsin.

Oldingi tahrirga qarang.

11. Oʻzbekiston milliy teleradiokompaniyasiga Oʻzbekiston fermer, dehqon xoʻjaliklari va tomorqa yer egalari kengashi, Qishloq xoʻjaligi vazirligi, Oʻsimliklar karantini va himoyasi agentligi bilan birgalikda sarimsoqpiyoz va sabzavot ekinlarining eksportbop navlarini yetishtirish, ularni eksport qilish, xorijiy davlatlar fitosanitariya talablarini tushuntirishga oid maxsus koʻrsatuvlar tashkil etish va muntazam namoyish etib borish tavsiya etilsin.

(11-band Oʻzbekiston Respublikasi Prezidentining 2022-yil 11-fevraldagi PF-67-sonli Farmoni tahririda — Qonunchilik maʼlumotlari milliy bazasi, 12.02.2022-y., 06/22/67/0128-son)

12. Oʻzbekiston fermer, dehqon xoʻjaliklari va tomorqa yer egalari kengashi Qishloq xoʻjaligi vazirligi bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

13. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Sh.M. Gʻaniyev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 15-oktabr,

PQ-4863-son

Oʻzbekiston Respublikasi Prezidentining 2020-yil 15-oktabrdagi PQ-4863-son qaroriga
1-ILOVA

Respublikada barcha toifa xoʻjaliklarida 2021-2022-yillarda avgust piyozi, sarimsoqpiyoz va toʻqsonbosti usulida sabzavot mahsulotlari yetishtirishning prognoz koʻrsatkichlari toʻgʻrisidagi

HISOB-KITOB

														tonna
T/r	Hududlar nomi	Jami yetishtiriladigan yalpi hosil, tonna		Shu jumladan, turlari boʻyicha yetishtirish
		Jami yetishtiriladigan yalpi hosil, tonna		piyoz		sarimsoqpiyoz		sabzi		osh lavlagi		koʻkatlar		karam
		2021 yil	2022 yil	2021 yil	2022 yil	2021 yil	2022 yil	2021 yil	2022 yil	2021 yil	2022 yil	2021 yil	2022 yil	2021 yil	2022 yil
1.	Qoraqalpogʻiston Respublikasi	78 414	79 247	66 423	67 023	11 991	12 224
2.	Andijon viloyati	356 537	367 651	157 401	160 195	40 548	43 498	21 933	23 281	65 284	66 715	54 980	56 952	16 391	17 011
3.	Buxoro viloyati	110 223	113 577	72 648	73 812	16 658	17 440	7 940	8 218	1 526	1 526	6 797	7 581	4 654	5 000
4.	Jizzax viloyati	98 068	103 942	48 094	49 519	8 180	8 486	18 397	20 829	2 029	3 129	12 605	12 936	8 763	9 044
5.	Qashqadaryo viloyati	363 483	384 293	146 248	152 620	25 871	27 605	108 963	115 400	2 691	2 921	57 126	62 748	22 585	22 999
6.	Navoiy viloyati	138 974	142 828	72 013	73 804	17 777	18 035	18 662	19 681			30 523	31 308
7.	Namangan viloyati	378 141	408 191	128 005	141 711	42 594	45 091	54 651	60 622	31 979	36 009	68 274	69 959	52 638	54 799
8.	Samarqand viloyati	353 347	374 638	150 185	164 666	31 809	33 262	45 395	47 392	8 380	8 632	96 552	99 259	21 026	21 426
9.	Surxondaryo viloyati	813 230	870 943	302 908	315 757	21 765	22 521	107 161	121 433	29 647	29 881	180 088	192 684	171 662	188 667
10.	Sirdaryo viloyati	86 479	90 475	53 347	55 051	13 005	13 588	3 156	3 340			14 804	15 420	2 167	3 076
11.	Toshkent viloyati	484 542	501 357	184 055	190 231	33 881	35 794	60 135	62 860	19 865	20 088	150 125	153 387	36 481	38 997
12.	Fargʻona viloyati	687 556	753 619	337 344	392 629	92 517	96 378	81 949	84 466	25 275	26 650	84 251	86 266	66 220	67 230
13.	Xorazm viloyati	66 293	70 018	56 842	60 221	9 451	9 797
Jami		4 015 285	4 260 779	1 775 513	1 897 239	366 046	383 718	528 342	567 522	186 674	195 552	756 123	788 499	402 587	428 250

Oʻzbekiston Respublikasi Prezidentining 2020-yil 15-oktabrdagi PQ-4863-son qaroriga
2-ILOVA

Respublikada fermer xoʻjaliklari va qishloq xoʻjaligi korxonalarida 2021-2022-yillarda avgust piyozi, sarimsoqpiyoz va toʻqsonbosti usulida sabzavot mahsulotlari yetishtirishning prognoz koʻrsatkichlari toʻgʻrisidagi

HISOB-KITOB

														tonna
T/r	Hududlar nomi	Jami yetishtiriladigan yalpi hosil, tonna		Shu jumladan, turlari boʻyicha yetishtirish
		Jami yetishtiriladigan yalpi hosil, tonna		piyoz		sarimsoqpiyoz		sabzi		osh lavlagi		koʻkatlar		karam
		2021 yil	2022 yil	2021 yil	2022 yil	2021 yil	2022 yil	2021 yil	2022 yil	2021 yil	2022 yil	2021 yil	2022 yil	2021 yil	2022 yil
1.	Qoraqalpogʻiston Respublikasi	11 400	11 513	9 600	9 600	1 800	1 913
2.	Andijon viloyati	118 542	124 931	74 217	76 100	16 784	18 717	2 186	2 186	6 852	7 812	18 503	20 115
3.	Buxoro viloyati	13 312	14 041	10 702	11 214	2 609	2 827
4.	Jizzax viloyati	41 310	45 330	26 516	26 991	3 095	3 246	8 761	10 992	2 029	3 129	765	797	145	176
5.	Qashqadaryo viloyati	110 379	119 664	36 591	42 370	10 656	11 548	29 430	31 203	2 691	2 921	22 940	23 107	8 073	8 516
6.	Navoiy viloyati	48 594	49 302	46 645	47 236	927	989	283	302			740	775
7.	Namangan viloyati	248 627	268 822	104 769	116 080	15 063	16 075	40 764	44 124	21 547	23 991	29 687	30 216	36 796	38 335
8.	Samarqand viloyati	88 404	92 408	38 422	39 820	4 372	4 708	10 277	11 063	8 380	8 632	22 446	23 619	4 507	4 565
9.	Surxondaryo viloyati	365 299	380 243	161 532	162 969	5 486	5 738	34 309	39 188	3 657	3 864	58 356	59 064	101 957	109 419
10.	Sirdaryo viloyati	38 795	39 994	28 898	29 864	603	652	3 156	3 340			6 138	6 138
11.	Toshkent viloyati	250 002	253 329	102 985	104 161	10 863	11 762	42 247	42 635	19 865	20 088	48 491	48 667	25 552	26 015
12.	Fargʻona viloyati	377 473	429 138	227 255	271 524	26 471	27 486	47 596	49 976	23 480	24 848	36 473	38 296	16 198	17 008
13.	Xorazm viloyati	16 416	18 210	14 463	16 143	1 953	2 068
Jami		1 728 553	1 846 924	882 596	954 071	100 683	107 728	219 008	235 010	88 500	95 286	244 539	250 794	193 227	204 035

Oʻzbekiston Respublikasi Prezidentining 2020-yil 15-oktabrdagi PQ-4863-son qaroriga
3-ILOVA

Respublikada dehqon xoʻjaliklari va aholi tomorqa maydonlarida 2021-2022-yillarda avgust piyozi, sarimsoqpiyoz va toʻqsonbosti usulida sabzavot mahsulotlarini yetishtirishning prognoz koʻrsatkichlari toʻgʻrisidagi

HISOB-KITOB

														tonna
T/r	Hududlar nomi	Jami yetishtiriladigan yalpi hosil, tonna		Shu jumladan, turlari boʻyicha yetishtirish
		Jami yetishtiriladigan yalpi hosil, tonna		piyoz		sarimsoqpiyoz		sabzi		osh lavlagi		koʻkatlar		karam
		2021 yil	2022 yil	2021 yil	2022-yil	2021 yil	2022-yil	2021 yil	2022-yil	2021 yil	2022-yil	2021 yil	2022-yil	2021 yil	2022-yil
1.	Qoraqalpogʻiston Respublikasi	67 014	67 735	56 823	57 423	10 191	10 312
2.	Andijon viloyati	237 994	242 720	83 184	84 095	23 764	24 781	19 747	21 095	58 432	58 903	36 477	36 837	16 391	17 011
3.	Buxoro viloyati	96 911	99 536	61 946	62 598	14 049	14 613	7 940	8 218	1 526	1 526	6 797	7 581	4 654	5 000
4.	Jizzax viloyati	56 757	58 612	21 578	22 528	5 085	5 240	9 637	9 837			11 840	12 140	8 618	8 868
5.	Qashqadaryo viloyati	253 104	264 628	109 657	110 250	15 215	16 058	79 534	84 197			34 186	39 641	14 513	14 483
6.	Navoiy viloyati	90 380	93 526	25 368	26 568	16 850	17 046	18 379	19 379			29 783	30 533
7.	Namangan viloyati	129 514	139 368	23 236	25 630	27 531	29 016	13 887	16 497	10 432	12 018	38 586	39 743	15 842	16 464
8.	Samarqand viloyati	264 943	282 230	111 763	124 847	27 437	28 554	35 118	36 329			74 106	75 639	16 519	16 861
9.	Surxondaryo viloyati	447 931	490 701	141 376	152 788	16 278	16 783	72 851	82 245	25 990	26 017	121 732	133 620	69 704	79 248
10.	Sirdaryo viloyati	47 684	50 481	24 449	25 188	12 402	12 936					8 666	9 282	2 167	3 076
11.	Toshkent viloyati	234 539	248 028	81 070	86 070	23 018	24 031	17 889	20 225			101 634	104 720	10 928	12 982
12.	Fargʻona viloyati	310 083	324 481	110 089	121 105	66 045	68 892	34 353	34 491	1 795	1 802	47 778	47 969	50 022	50 222
13.	Xorazm viloyati	49 877	51 808	42 379	44 079	7 498	7 729
Jami		2 286 732	2 413 855	892 917	943 168	265 363	275 989	309 334	332 512	98 174	100 266	511 585	537 705	209 360	224 215

(Qonun hujjatlari maʼlumotlari milliy bazasi, 16.10.2020-y., 07/20/4863/1390-son; Qonunchilik maʼlumotlari milliy bazasi, 12.02.2022-y., 06/22/67/0128-son)