PQ-4273-сон 09.04.2019. Davlat boshqaruvining ochiqligi va shaffofligini taʼminlash hamda mamlakatning statistika salohiyatini oshirish yuzasidan qoʻshimcha chora-tadbirlar toʻgʻrisida

Hujjat kuchini yo‘qotgan " " 01.03.2025

Oʻzbekiston Respublikasi Prezidentining

Qarori

Davlat boshqaruvining ochiqligi va shaffofligini taʼminlash hamda mamlakatning statistika salohiyatini oshirish yuzasidan qoʻshimcha chora-tadbirlar toʻgʻrisida

LexUZ sharhi

Mazkur qaror Oʻzbekiston Respublikasi Prezidentining 2025-yil 24-fevraldagi PF-27-sonli “Statistika ishlarini tashkil etish va yuritish tizimini yangi bosqichga olib chiqish boʻyicha qoʻshimcha chora-tadbirlar toʻgʻrisida”gi Farmoniga asosan oʻz kuchini yoʻqotgan.

Mamlakatda statistika axborotidan foydalanish samaradorligini oshirish, davlat statistika hisobotini ishonchli ravishda yuritishni shakllantirish yuzasidan izchillik bilan choralar koʻrilmoqda. Internetdagi yigʻma maʼlumotlarning milliy sahifasi Xalqaro valyuta jamgʻarmasi maʼlumotlarini tarqatishning kengaytirilgan umumiy tizimi bilan uygʻunlashtirildi.

Shu bilan birga, axborotlarning umumfoydalanish uchun ochiqlik holati, ochiq maʼlumotlarning oshkoralik va sifat darajasi, ularni fuqarolarga va jahon hamjamiyatga yetkazishning amaldagi mexanizmlari qabul qilingan xalqaro talablarga toʻliq javob bermaydi va natijada mamlakatimizning statistika salohiyati indeksidagi oʻrni pastligicha qolmoqda.

Mamlakatimiz nufuzi va investitsiyaviy jozibadorligini mustahkamlashga qaratilgan, davlat boshqaruvining ochiqligi hamda shaffofligini taʼminlash borasidagi islohotlarni yanada chuqurlashtirish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturidagi vazifalarni bajarishni taʼminlash maqsadida:

1. Maʼlumot uchun qabul qilinsinki, Oʻzbekiston Respublikasining Hukumat portali doirasida jismoniy va yuridik shaxslarning mashinada oʻqiladigan formatdagi axborotdan koʻp karra, erkin va bepul foydalanish imkonini beruvchi Oʻzbekiston Respublikasining Ochiq maʼlumotlar portali (keyingi oʻrinlarda — Portal) faoliyat yuritmoqda.

2. Belgilansinki:

a) Oʻzbekiston Respublikasi Davlat statistika qoʻmitasi (keyingi oʻrinlarda — Davlat statistika qoʻmitasi) davlat organlari va tashkilotlarining ochiq maʼlumotlar toʻplamlari roʻyxatini (keyingi oʻrinlarda — Roʻyxat) shakllantirish, yuritish va yangilash hamda tegishli axborotlarning Portalda oʻz vaqtida aks ettirilishi boʻyicha faoliyatini muvofiqlashtiradi;

b) Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (keyingi oʻrinlarda – Vazirlik) Portalni texnik qoʻllab-quvvatlash va taʼminlash hamda uzluksiz ishlab turishi uchun javobgar hisoblanadi;

(2-bandning “b” kichik bandi Oʻzbekiston Respublikasi Prezidentining 2021-yil 24-iyuldagi PF-6268-sonli Farmoni tahririda — Qonunchilik maʼlumotlari milliy bazasi, 24.07.2021-y., 06/21/6268/0700-son)

v) Portaldagi axborotlar:

faqat davlat organlari va tashkilotlarining respublika darajasidagi yuqori turuvchi tuzilmalari, shu jumladan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan eʼlon qilinadi;

oʻzbek, rus va ingliz tillarida, shu jumladan mashinada oʻqiladigan va boshqa formatlarda eʼlon qilinadi;

davlat organlari va tashkilotlarining rasmiy saytlarida eʼlon qilinadigan axborot bilan aynan bir xil va oʻzaro bogʻlangan boʻlishi lozim;

g) davlat organlari va tashkilotlarida axborotni tayyorlash va Portalda joylashtirish vazifasi Oʻzbekiston Respublikasi Prezidentining 2019-yil 17-yanvardagi “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturi toʻgʻrisida”gi PF-5635-son Farmoniga muvofiq tashkil qilingan, xalqaro reytinglar bilan ishlash va “Elektron hukumat” tizimini joriy etish uchun masʼul boʻlgan ixtisoslashtirilgan boʻlinmalar zimmasiga yuklanadi.

3. Davlat statistika qoʻmitasi markaziy apparati tuzilmasida boshqaruv xodimlarining belgilangan umumiy soni doirasida davlat organlari va tashkilotlarining Portalda Roʻyxatni shakllantirish, yuritish va yangilash boʻyicha faoliyatini muvofiqlashtirish bilan bogʻliq ishlar uchun masʼul boʻlinma tashkil etilsin.

Davlat statistika qoʻmitasi bir oy muddatda boʻlinmaning yuqori malakali kadrlar bilan toʻldirilishini taʼminlasin.

4. Davlat statistika qoʻmitasiga Portalni rivojlantirish faoliyatini amalga oshirish doirasida quyidagi huquqlar berilsin:

maʼlumotlar va ularning manbalaridan, shu jumladan maʼlumotlarni shakllantirish sohasida huquqiy munosabatlarni tartibga soluvchi ichki va boshqa hujjatlar hamda ulardan foydalanish;

Portalni rivojlantirish, shuningdek, eʼlon qilinadigan maʼlumotlarga taalluqli masalalar boʻyicha davlat organlari va tashkilotlaridan begʻaraz asosda maslahat yordami olish;

ushbu qarorni bajarish doirasida ekspertlar, konsultantlar va tashkilotlarni (shu jumladan, xorijiy) shartnoma asosida jalb etish;

Portalni takomillashtirish, shuningdek, davlat organlari va tashkilotlarining ochiq maʼlumotlar sohasidagi faoliyatini baholash uchun xalqaro moliya institutlari, donor mamlakatlarning mablagʻlarini, shu jumladan grantlari (texnik koʻmagi)ni jalb etish.

5. Belgilansinki, 2019-yil 1-apreldan:

Davlat statistika qoʻmitasi markaziy apparati xodimlarining lavozim maoshlarini Yagona tarif setkasi boʻyicha mehnatga haq toʻlashning tasdiqlangan razryadlariga asosan belgilashda tarif koeffitsiyenti 1,3 baravarga oshirgan holda qoʻllaniladi;

davlat statistika organlari xodimlariga koʻp yillik xizmatlari uchun har oylik ustamalar quyidagi miqdorlarda toʻlanadi (ragʻbatlantirish koeffitsiyentini hisobga olgan holda lavozim maoshlariga nisbatan koeffitsiyentlarda): 2 yildan 5 yilgacha — 0,1; 5 yildan 10 yilgacha — 0,2; 10 yildan 15 yilgacha — 0,3; 15 yildan 20 yilgacha — 0,4; 20 yildan 25 yilgacha — 0,5; 25 yildan ortiq — 0,6. Koʻp yillik xizmatlari uchun mukofot puli olish huquqini beradigan ish staji Oʻzbekiston Respublikasi Moliya vazirligi bilan kelishilgan holda Davlat statistika qoʻmitasi tomonidan tasdiqlanadigan tartibga muvofiq hisoblanadi.

Ushbu bandda nazarda tutilgan tadbirlarni amalga oshirish bilan bogʻliq xarajatlar Oʻzbekiston Respublikasi Davlat budjeti mablagʻlari hisobidan qoplanadi.

6. Quyidagilar:

Oʻzbekiston Respublikasining Ochiq maʼlumotlar portalini takomillashtirish boʻyicha chora-tadbirlar kompleksi 1-ilovaga muvofiq;

Oʻzbekiston Respublikasi Ochiq maʼlumotlar portalida joylashtirish uchun ochiq maʼlumotlar toʻplamlari roʻyxatini tuzishda ustuvor xalqaro maʼlumotlar bazalarini oʻrganib chiqish uchun masʼul vazirlik va idoralar roʻyxati 2-ilovaga muvofiq;

“Ochiq maʼlumotlar global indeksi” va “Ochiq maʼlumotlar barometri” talablariga muvofiq maʼlumotlarning ochiqlik holatini oʻrganish, shuningdek, Oʻzbekiston Respublikasining Ochiq maʼlumotlar portalida tegishli indikatorlarni joylashtirish uchun masʼul vazirlik va idoralar roʻyxati 3-ilovaga muvofiq;

Alohida tarkibiy indikatorlar boʻyicha Statistika salohiyati indeksida mamlakatning oʻrnini yaxshilashga oid “Yoʻl xaritasi” 4-ilovaga muvofiq;

Oldingi tahrirga qarang.

(6-bandning oltinchi xatboshisi Oʻzbekiston Respublikasi Prezidentining 2020-yil 3-avgustdagi PQ-4796-sonli qaroriga asosan chiqarilgan — Qonun hujjatlari maʼlumotlari milliy bazasi, 04.08.2020-y., 07/20/4796/1136-son)

Xalqaro budjet hamjamiyatining Budjet ochiqligi indeksida 2020-yildan boshlab Oʻzbekiston Respublikasining ishtirokini taʼminlash boʻyicha “Yoʻl xaritasi” 6-ilovaga muvofiq;

2020-2021-yillarda Oʻzbekiston Respublikasi Davlat statistika qoʻmitasida yangilanishi lozim boʻlgan axborot-kommunikatsiya tizimlari uskunalari roʻyxati 7-ilovaga muvofiq tasdiqlansin.

7. Quyidagilarning:

a) davlat organlari va tashkilotlari rahbarlarining:

Portalda eʼlon qilinadigan axborotning toʻliqligi, ishonchliligi, uning oʻz vaqtida shakllantirilishi va yangilab turilishi;

Portalda joylashtiriladigan axborotning mazmuni va sifati;

Internet tarmogʻida Oʻzbekiston Respublikasi axborotlarining oshkoraligi va foydalanish erkinligini taʼminlash;

tegishli axborotni shakllantirishda xalqaro metodologik standartlarni, tavsiyalarni oʻrganish hamda ularni amalda qoʻllash yuzasidan;

b) Vazirlikning Portaldan Oʻzbekiston Respublikasi toʻgʻrisida zarur axborotni olishda ichki va tashqi foydalanuvchilar uchun qulayliklar yaratish yuzasidan;

(7-bandning “b” kichik bandi Oʻzbekiston Respublikasi Prezidentining 2021-yil 24-iyuldagi PF-6268-sonli Farmoni tahririda — Qonunchilik maʼlumotlari milliy bazasi, 24.07.2021-y., 06/21/6268/0700-son)

v) Davlat statistika qoʻmitasining xalqaro tajribani va foydalanuvchilarning fikr-mulohazalarini inobatga olgan holda Portalda eʼlon qilinadigan Roʻyxatning muntazam yangilanib turilishini taʼminlash yuzasidan shaxsan javobgarligi belgilab qoʻyilsin.

8. Agentlik 2019-yil 1-avgustga qadar Davlat statistika qoʻmitasi bilan birgalikda maʼlumotlar toʻplami va ular egalarining yagona reyestrini shakllantirgan holda barcha turdagi hisobotlar hamda maʼlumotlar bazalari integratsiyalashtirilishini nazarda tutuvchi maʼlumotlarni boshqarish davlat tizimini yaratish boʻyicha “Yoʻl xaritasi”ni ishlab chiqsin va tasdiqlash uchun kiritsin.

9. Ushbu qarorning 2-ilovasida koʻrsatilgan vazirlik va idoralar Agentlik hamda Davlat statistika qoʻmitasi bilan birgalikda:

2019-yil 10-mayga qadar iqtisodiyot tarmoqlaridagi joriy ijtimoiy va iqtisodiy oʻzgarishlarning miqdor, sifat va mazmunga oid parametrlarini tavsiflovchi xalqaro koʻrsatkichlarni ushbu indikatorlar mavjudligi yoki yoʻqligini aniqlash nuqtai nazaridan oʻrganib chiqsin;

2019-yil 20-mayga qadar iqtisodiyot tarmoqlaridagi ijtimoiy va iqtisodiy vaziyatning xalqaro koʻrsatkichlarini oʻrganish asosida Portalda joylashtiriladigan Roʻyxatni zarur axborot (indikatorlar) bilan, shuningdek, davlat organlari va tashkilotlarida foydalaniladigan maʼlumotlar bazalari tizimlari boʻyicha axborot bilan toʻldirsin;

2019-yil 1-iyunga qadar mavjud boʻlmagan indikatorlarni shakllantirish metodikasini oʻrgansin hamda keyinchalik Portalda joylashtirish uchun ularni ishlab chiqish boʻyicha zarur choralarni koʻrsin.

10. Ushbu qarorning 3-ilovasida koʻrsatilgan masʼul ijrochilar Agentlik va Davlat statistika qoʻmitasi bilan birgalikda 2019-yil 20-mayga qadar “Ochiq maʼlumotlar global indeksi” va “Ochiq maʼlumotlar barometri” metodikasining asosiy yoʻnalishlariga muvofiq maʼlumotlar ochiqligi holatini oʻrganib chiqsin va tahlil qilsin hamda mavjud maʼlumotlarni Portalda eʼlon qilsin.

11. Oʻzbekiston Respublikasi Investitsiyalar va tashqi savdo vazirligi:

Oʻzbekiston Respublikasi Iqtisodiyot va sanoat vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2019-yil 1-iyulga qadar yagona metodologik yondoshuvni ishlab chiqish va keyinchalik Portalda joylashtirish uchun ulardan foydalanishni inobatga olgan holda hududning investitsiyaviy salohiyatini toʻla-toʻkis ochib beruvchi axborot va materiallar roʻyxatini Davlat statistika qoʻmitasi va Agentlikka kiritsin;

12. Davlat statistika qoʻmitasi:

(12-bandning birinchi xatboshisi Oʻzbekiston Respublikasi Prezidentining 2021-yil 24-iyuldagi PF-6268-sonli Farmoni tahririda — Qonunchilik maʼlumotlari milliy bazasi, 24.07.2021-y., 06/21/6268/0700-son)

a) 2019-yil 1-iyunga qadar:

Portalda joylashtirishning aniq muddatlari va shakllarini belgilagan holda Roʻyxatni tasdiqlasin;

xalqaro maʼlumotlar bazalarini qoʻshimcha ravishda oʻrganib chiqsin va axborotning yangi parametrlarini ishlab chiqish choralarini koʻrib, keyinchalik ularni Roʻyxatga kiritsin;

Oʻzbekiston Respublikasi Tashqi ishlar vazirligi bilan birgalikda Oʻzbekiston Respublikasining 2020-yildan boshlab “Ochiq maʼlumotlar global indeksi” va “Ochiq maʼlumotlar barometri” xalqaro reytinglarida ishtirokini taʼminlash boʻyicha chora-tadbirlar rejasini tasdiqlasin;

b) uch oy muddatda Ochiq maʼlumotlar puxtaligi modeli (“Open Data Maturity Model”) hamda boshqa xalqaro amaliyotlar asosida davlat organlari va tashkilotlarining ochiq maʼlumotlar sohasidagi faoliyatini baholash mexanizmini ishlab chiqsin va joriy etsin hamda natijalarni har chorakda Portalda eʼlon qilib borsin;

v) davlat organlari va tashkilotlari, shuningdek, mahalliy ijro etuvchi hokimiyat organlari tomonidan ochiq maʼlumotlarning joylashtirilishi va muntazam yangilab turilishi ustidan doimiy monitoring qilinishini taʼminlasin.

13. Oʻzbekiston Respublikasi Moliya vazirligi:

Davlat statistika qoʻmitasining 2019-yilda ushbu qarorni amalga oshirish doirasidagi sarf-xarajatlari uchun Oʻzbekiston Respublikasi Davlat budjeti parametrlari doirasida mablagʻlar ajratsin va 2020-yildan boshlab har yili zarur budjet mablagʻlarini nazarda tutsin;

har yili tasdiqlanadigan Davlat statistika ishlari dasturining qiymatini hisoblashda bazaviy hisoblash miqdorlari yanada oshirilganini inobatga olsin;

(13-bandning uchinchi xatboshisi Oʻzbekiston Respublikasi Prezidentining 2019-yil 13-dekabrdagi PF-5894-sonli Farmoni tahririda — Qonun hujjatlari maʼlumotlari milliy bazasi, 14.12.2019-y., 06/19/5894/4161-son)

7-ilovaga muvofiq, Davlat statistika qoʻmitasida yangilanishi lozim boʻlgan axborot-kommunikatsiya tizimlari uskunalarini xarid qilish uchun 2020-2021-yillarda Davlat budjetidan Davlat statistika qoʻmitasiga zarur mablagʻlar ajratilishini taʼminlasin.

14. Davlat statistika qoʻmitasi tomonidan davlat statistika organlarining axborot-kommunikatsiya infratuzilmasini modernizatsiya qilish uchun belgilangan tartibda tuziladigan roʻyxatlar boʻyicha olib kelinadigan, Oʻzbekiston Respublikasida ishlab chiqarilmaydigan kompyuter texnikasi, server va kommunikatsiya uskunalari, dasturiy taʼminot vositalari hamda ularning ehtiyot qismlari va butlovchi buyumlari 2022-yil 1-yanvarga qadar bojxona toʻlovlaridan (qoʻshilgan qiymat soligʻi va bojxona yigʻimlaridan tashqari) ozod qilinsin.

15. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:

ikki oy muddatda oʻz binolariga ega boʻlmagan hududiy statistika organlarini joylashtirish choralarini koʻrsin;

hududiy statistika organlarining davlat tasarrufidagi binolar va xonalardan foydalanganligi uchun ijara haqi qiymatini “nol” stavkada belgilasin.

16. Oʻzbekiston Respublikasi Davlat statistika qoʻmitasi, Vazirlik hamda Iqtisodiyot va sanoat vazirligining:

(16-bandning birinchi xatboshisi Oʻzbekiston Respublikasi Prezidentining 2021-yil 24-iyuldagi PF-6268-sonli Farmoni tahririda — Qonunchilik maʼlumotlari milliy bazasi, 24.07.2021-y., 06/21/6268/0700-son)

2020-2021-yillarda YUNISEF bilan hamkorlikda Oʻzbekiston Respublikasida multiindikator klaster tekshiruvlarini oʻtkazish;

Oʻzbekiston Respublikasi Davlat statistika qoʻmitasi huzuridagi Kadrlarni qayta tayyorlash va statistik tadqiqotlar markazi negizida belgilangan shtat birliklari soni doirasida Oʻzbekiston Respublikasi Davlat statistika qoʻmitasi huzuridagi Kadrlar malakasini oshirish va statistik tadqiqotlar institutini (keyingi oʻrinlarda — Institut) tashkil etish toʻgʻrisidagi takliflariga rozilik berilsin.

17. Quyidagilar Institut faoliyatining asosiy vazifalari va yoʻnalishlari etib belgilansin:

davlat statistika organlari hamda boshqa vazirlik va idoralar xodimlarining bilim va koʻnikmalarini rivojlantirish hamda takomillashtirishni, shuningdek, kasb mahorati yuksak darajada boʻlishini taʼminlaydigan tayyorlash, qayta tayyorlash va malakasini oshirish tizimini tashkil etish;

statistika borasidagi koʻnikmalarni rivojlantirish, tahliliy fikrlash qobiliyatini shakllantirish va ularni amaliyotda qoʻllashga yoʻnaltirilgan, asosan ixtisoslik fanlaridan iborat boʻlgan zamonaviy taʼlim standartlari va sifat jihatidan yangi oʻqitish tizimini joriy etish;

statistika sohasidagi ilgʻor tajriba va ilmiy-tadqiqot yutuqlarini ayirboshlash, shuningdek, mutaxassislar tayyorlash, ularning malakasini oshirish va stajirovka oʻtashi boʻyicha mahalliy va xorijiy ilmiy hamda taʼlim muassasalari, xalqaro statistika tashkilotlari bilan hamkorlik qilish;

milliy darajada qoʻllanilayotgan metodologik vositalar, davlat va idoraviy statistik kuzatuvlarni xalqaro darajada uygʻunlashtirish, moslashtirish va qiyoslash nuqtai nazaridan ularni malakali ekspertizadan oʻtkazish;

keyinchalik amaliyotda qoʻllash uchun ilgʻor statistika metodlari va texnologiyalari, shuningdek, ochiq maʼlumotlar sohasida ilmiy tadqiqotlar olib borish hamda innovatsion ishlanmalarni amalga oshirish.

18. Oʻzbekiston Respublikasi Vazirlar Mahkamasi:

a) Davlat statistika qoʻmitasi bilan birgalikda:

2019-yil 1-iyulga qadar Portalda tegishli axborotni eʼlon qilish va yangilash tartibini buzganlik uchun maʼmuriy javobgarlik belgilanishini, shuningdek, notoʻgʻri davlat statistika hisobotlarini taqdim qilganligi uchun davlat organlari mansabdor shaxslarining javobgarligini kuchaytirishni nazarda tutuvchi qonun loyihasini;

2019-yil 1-dekabrga qadar ilgʻor xorijiy tajribani inobatga olgan holda “Rasmiy statistika toʻgʻrisida”gi qonun loyihasini;

b) Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi bilan hamkorlikda 2019-yil 1-oktabrga qadar “Davlat hokimiyati va boshqaruvi organlari faoliyatining ochiqligi toʻgʻrisida”, “Axborotdan foydalanish kafolatlari va erkinligi toʻgʻrisida”gi hamda “Axborot erkinligi prinsiplari va kafolatlari toʻgʻrisida”gi qonunlarning, shuningdek, axborotni tarqatishga taalluqli boshqa normativ-huquqiy hujjatlarning meʼyorlari unifikatsiyalashtirilishini nazarda tutuvchi axborotni tarqatish sohasidagi qonun loyihasini ishlab chiqsin hamda Oʻzbekiston Respublikasi Oliy Majlisi Qonunchilik palatasiga kiritsin.

19. Davlat statistika qoʻmitasi manfaatdor vazirliklar va idoralar bilan birgalikda ikki oy muddatda:

a) quyidagilar:

Oʻzbekiston Respublikasi Davlat statistika qoʻmitasi huzuridagi Kadrlar malakasini oshirish va statistik tadqiqotlar instituti faoliyatini tashkil etish;

2020-2021-yillarda YUNISEF bilan hamkorlikda Oʻzbekiston Respublikasida multiindikator klaster tekshiruvini oʻtkazish toʻgʻrisidagi hukumat qarori loyihasini;

b) qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni Oʻzbekiston Respublikasi Vazirlar Mahkamasiga kiritsin.

20. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 9-aprel,

PQ-4273-son

Oʻzbekiston Respublikasi Prezidentining 2019-yil 9-apreldagi PQ-4273-son qaroriga
1-ILOVA

Oʻzbekiston Respublikasining Ochiq maʼlumotlar portalini takomillashtirish boʻyicha

CHORA-TADBIRLAR KOMPLEKSI

T/r	Chora-tadbirning nomi	Amalga oshirish muddati	Masʼul vazirlik va idoralar
1.	Ochiq maʼlumotlar toʻplamining umumlashtirilgan roʻyxatini ularni Oʻzbekiston Respublikasi Ochiq maʼlumotlar portalida (keyingi oʻrinlarda — Portal) joylashtirish muddatlari va shakllarini belgilagan holda ishlab chiqish va tasdiqlash.	2019-yil 1-iyun	Davlat statistika qoʻmitasi (B. Begalov), LBMA (D. Li), maʼlumotlarni yetkazuvchi organlar
2.	Portal bilan idoraviy axborot tizimlarini integratsiya qilish texnik talablarini ishlab chiqish.	2019-yil 1-iyun	LBMA (D. Li)
3.	Portalni takomillashtirish, shu jumladan unda quyidagilarni nazarda tutish: portal interfeysini ilgʻor xalqaro amaliyotni hisobga olgan holda yangilash; maʼlumotlar bilan ishlashda foydalanuvchilarga qulay sharoit yaratish maqsadida maʼlumotlarni aks ettirish va vizualizatsiya interaktiv funksiyalarini qoʻshish; maʼlumotlarni ularning belgilariga qarab aniqlash yoʻli orqali oʻzaro aloqador toʻplamini yaratish imkoniyatini taʼminlash; vazirlik va idoralarning idoraviy axborot tizimlari va resurslarini Portal bilan integratsiya qilish imkoniyatini yaratish; Portalning ingliz tilidagi versiyasini ishga tushirish.	2019-yil 1-avgust	LBMA (D. Li), Davlat statistika qoʻmitasi (B. Begalov) maʼlumotlarni yetkazuvchi organlar
4.	Portal bilan davlat organlarining idoraviy axborot tizimlari va resurslarini integratsiya qilish.	2019-yil 1-avgust	LBMA (D. Li), maʼlumotlarni yetkazuvchi organlar
5.	Portalda zarur maʼlumotlarni tasdiqlangan Ochiq maʼlumotlar toʻplami roʻyxati va eʼlon qilish muddatiga muvofiq mashinada oʻqiladigan (json, xml, csv), .xls va boshqa formatda joylashtirish va yangilash.	Belgilangan muddatlarga muvofiq	Axborot texnologiyalari vazirligi (Sh. Sadikov), maʼlumotlarni yetkazuvchi organlar
6.	Maʼlumotlarni standartlashtirilgan shaklda yuritish yoki interaktiv (raqamli) xaritada nuqtani tanlash imkonini beradigan geolokatsiya maʼlumotlarini kiritish instrumentini ishlab chiqish.	2019-yil 1-iyul	LBMA (D. Li), maʼlumotlarni yetkazuvchi organlar
7.	Ochiq maʼlumotlar toʻplamiga taqdim etilgan geografik obyektlarga geolokatsiya axborotlarini berish.	Maʼlumotlar yangilanib borishiga qarab	Axborot texnologiyalari vazirligi (Sh. Sadikov), maʼlumotlarni yetkazuvchi organlar
8.	Portalning ijtimoiy tarmoqlardagi akkauntini mazkur translyatsiyani Portalga joylashtirgan holda doimiy yangilab borish boʻyicha ishlarni faollashtirish.	Doimiy ravishda	Axborot texnologiyalari vazirligi (Sh. Sadikov)
9.	Yuqori talabga ega boʻlgan idoraviy forumlarni Portalda integratsiya qilishni taʼminlash.	2019-yil 1-iyul	LBMA (D. Li), maʼlumotlarni yetkazuvchi organlar
10.	Oliy taʼlim muassasalari, ilmiy-tadqiqot institutlari va tahliliy markazlarda ilmiy xodimlardan iborat maxsus guruhlarni tashkil etish, shuningdek, ilmiy-tadqiqot ishlarini tuzish rejalariga ochiq maʼlumotlarni rivojlantirishga bagʻishlangan mavzularni kiritish.	Har yili	Fanlar akademiyasi (B.Yuldashev), Oliy va oʻrta maxsus taʼlim vazirligi (I. Majidov), Axborot texnologiyalari vazirligi (Sh. Sadikov), manfaatdor vazirlik va idoralar
11.	Umumfoydalanishdagi axborotlarni oʻrganish maqsadida IT-kompaniyalar oʻrtasida tanlovlar oʻtkazish jadvallarini ishlab chiqish.	Jadval asosida	Axborot texnologiyalari vazirligi (Sh. Sadikov), Dasturiy mahsulotlar va axborot texnologiyalari texnologik parki
12.	Maʼlumotlarni yetkazuvchi organlar xodimlarini ochiq maʼlumotlar toʻplamini tayyorlash va ularni Portalda joylashtirish masalalari boʻyicha qoʻshimcha oʻqitish.	Doimiy ravishda	Axborot texnologiyalari vazirligi (Sh. Sadikov)
13.	Portalni “Maʼlumotnomalar va klassifikatorlar registri” davlat axborot tizimiga integratsiya qilish.	2019-yil 1-sentabr	LBMA (D. Li)
14.	Vazirlik va idoralarning axborot tizimlarini integratsiya qilish orqali “Maʼlumotnomalar va klassifikatorlar registri”ning aktualligini taʼminlash.	Doimiy ravishda	Vazirlik va idoralar
15.	API Portal servislari ishlab chiqishni oxiriga yetkazish va kengaytirish, maʼlumot olishning yangi texnologiyalarini, shu jumladan GraphQL texnologiyasini qoʻshish.	2019-yil 1-oktabr	LBMA (D. Li)
16.	Portalda davlat va xoʻjalik boshqaruvi organlari, shuningdek, mahalliy ijro hokimiyati organlarining barcha foydalanadigan reyestrlari va veb-saytlar boʻyicha ochiq maʼlumotlarni izlashga imkon beruvchi yagona izlash mexanizmini yaratish.	2019-yil 1-oktabr	LBMA (D. Li)
17.	Kelgusida katta hajmdagi maʼlumotlarni eʼlon qilish maqsadida maʼlumotlar oʻrtasida oʻzaro aloqani taʼminlash boʻyicha metodologiya va tizimostini ishlab chiqish.	2019-yil 1-oktabr	LBMA (D. Li)
18.	Portalda Portal konteksti bilan bogʻliq yuqori talabga ega idoraviy yangiliklarni joylashtirishni taʼminlash.	Doimiy ravishda	Axborot texnologiyalari vazirligi (Sh. Sadikov), maʼlumotlarni yetkazuvchi organlar
19.	Maʼlumotlarni yetkazuvchi organlar tomonidan maʼlumotlarning standart sarlavhalari bilan format-mantiqiy tekshirishni, matndagi imlo va xatolarni tekshirishni taʼminlash imkonini beruvchi ochiq maʼlumotlar toʻplamini joylashtirish va yangilashni monitoring qilish modulini ishlab chiqish.	2019-yil 1-oktabr	LBMA (D. Li)

(1-ilova Oʻzbekiston Respublikasi Prezidentining 2021-yil 24-iyuldagi PF-6268-sonli Farmoni tahririda — Qonunchilik maʼlumotlari milliy bazasi, 24.07.2021-y., 06/21/6268/0700-son)

Oʻzbekiston Respublikasi Prezidentining 2019-yil 9-apreldagi PQ-4273-son qaroriga
2-ILOVA

ROʻYXATI

T/r

Xalqaro maʼlumotlar bazasining nomi*

Masʼul vazirlik va idoralar

Jahon rivojlanish indikatorlari, Jahon banki.

(World Development Indicators, World Bank)

Iqtisodiyot va sanoat vazirligi (B. Xodjayev), Davlat statistika qoʻmitasi (B. Begalov),

vazirlik va idoralar
(taalluqli qismi)

BMT statistika departamentining maʼlumotlar bazasi.

(UN data)

Davlat statistika qoʻmitasi (B. Begalov),

vazirlik va idoralar
(taalluqli qismi)

“Jahon iqtisodiyotining rivojlanish istiqbollari” maʼlumotlar bazasi Xalqaro valyuta jamgʻarmasi.

(World economic outlook databases, IMF)

Davlat statistika qoʻmitasi (B. Begalov),
Markaziy bank (M. Nurmuratov),
Moliya vazirligi (A. Xaydarov),
vazirlik va idoralar
(taalluqli qismi)

Mehnat bozorining asosiy koʻrsatkichlari, Xalqaro mehnat tashkiloti.

(Key indicators of the labour Market, ILO)

Bandlik va mehnat munosabatlari vazirligi (Sh. Kudbiyev),
Davlat statistika qoʻmitasi (B. Begalov),
vazirlik va idoralar
(taalluqli qismi)

Global sogʻliqni saqlash observatoriyasi, Jahon sogʻliqni saqlash tashkiloti.

(Global Nealth Observatory data, World Nealth Organization)

Sogʻliqni saqlash vazirligi (A. Shadmanov), Davlat statistika qoʻmitasi (B. Begalov),

vazirlik va idoralar
(taalluqli qismi)

Suv taʼminoti va qishloq xoʻjaligi boʻyicha global axborot tizimi. Akvastat, FAO.

(Global information system of water and agriculture. Aquastat, FAO)

Suv xoʻjaligi vazirligi (Sh. Xamrayev),

Qishloq xoʻjaligi vazirligi (J. Xodjayev), Davlat statistika qoʻmitasi (B. Begalov),

vazirlik va idoralar
(taalluqli qismi)

Savdo va import toʻsiqlari toʻgʻrisida maʼlumotlar, Jahon banki.

(Data on trade and import barriers, World bank)

Investitsiyalar va tashqi savdo vazirligi (S. Umurzakov),

Davlat bojxona
qoʻmitasi (M. Azimov)
vazirlik va idoralar
(taalluqli qismi)

Global energiya maʼlumotlar, Xalqaro energiya agentligi.

(Global energy data, International Energy Agency)

Energetika vazirligi (A. Sultonov),

Davlat statistika qoʻmitasi (B. Begalov),

vazirlik va idoralar
(taalluqli qismi)

Asosiy transport statistikasi, Xalqaro transport forumi.

(Key Transport Statistics, International Transport Forum)

Transport vazirligi (I. Maxkamov),

Davlat statistika qoʻmitasi (B. Begalov),

vazirlik va idoralar
(taalluqli qismi)

10.

Taʼlim boʻyicha milliy statistika, YUNESKO.

(National Statistics on Education, UNESCO)

Oliy va oʻrta maxsus taʼlim vazirligi (I. Majidov), Xalq taʼlim vazirligi (Sh. Shermatov), Maktabgacha taʼlim vazirligi (A. Shin),

Davlat statistika qoʻmitasi (B. Begalov),

vazirlik va idoralar
(taalluqli qismi)

Izoh: xalqaro maʼlumotlar bazasining roʻyxati vazirlik va idoralar tashabbusi bilan toʻldirilishi mumkin.

Oʻzbekiston Respublikasi Prezidentining 2019-yil 9-apreldagi PQ-4273-son qaroriga
3-ILOVA

“Ochiq maʼlumotlar global indeksi” va “Ochiq maʼlumotlar barometri” talablariga muvofiq maʼlumotlarning ochiqligi holatini oʻrganish, shuningdek, Oʻzbekiston Respublikasining Ochiq maʼlumotlar portalida tegishli indikatorlarni joylashtirish uchun masʼul vazirliklar va idoralar

ROʻYXATI

T/r	Toifalar nomlanishi	Parametrlar	Tarkibiy indikatorlar	Masʼul vazirlik va idoralar
1.	Oʻzbekiston Respublikasining Davlat budjeti	Rejalashtirilgan davlat xarajatlari.	vazirlik, idoralarning budjeti; tarmoqlar kesimidagi budjet; iqtisodiy tasniflash kesimidagi budjet; hududlar kesimidagi budjet.	Moliya vazirligi (A. Haydarov)
2.	Oʻzbekiston Respublikasining Davlat budjeti xarajatlari	Davlat budjetining ijrosi va Davlat maqsadli jamgʻarmalarining ijrosi toʻgʻrisidagi maʼlumot.	vazirlik va idoralar kesimidagi budjet xarajatlari; tarmoqlar kesimidagi budjet xarajatlari; iqtisodiy tasniflash kesimidagi xarajatlar; hududlar kesimidagi budjet xarajatlari.	Moliya vazirligi (A. Haydarov)
3.	Oʻzbekiston Respublikasining Davlat budjeti mablagʻlari hisobidan xaridlar	Davlat organlarining barcha tanlovlari va tenderlari.	bitim turi; tovarning nomlanishi; summasi va miqdori.	“Oʻzbekiston respublika tovar-xom ashyo birjasi” AJ (F. Ibragimov), Moliya vazirligi (A. Haydarov)
4.	Saylovlarning natijalari	Oxirgi saylovlarning natijalari. Ovoz berish natijalari va saylov jarayoni toʻgʻrisida maʼlumotlar.	yirik milliy saylovlarning natijalari; roʻyxatga olingan ovozlar soni; haqiqiy emas deb topilgan ovozlar soni; buzilgan blanklar soni; saylov uchastkalari darajasida maʼlumotlar ochiqligi.	Markaziy saylov komissiyasi (S. Kurbankulov)
5.	Biznesni roʻyxatga olish	Roʻyxatga olingan kompaniyalar roʻyxati.	kompaniya nomlanishi; manzili; soliq toʻlovchining identifikatsiya raqami (STIR).	Adliya vazirligi (R. Davletov)
6.	Yerga egalik qilish	Yerdan foydalanish xaritalari.	yer uchastkasining chegaralari; yer uchastkasining kadastr raqami; soliq stavkasi va ball bonitet; egalik huquqi.	Yer resurslari, geodeziya, kartografiya va davlat kadastri davlat qoʻmitasi (A. Abdullayev), DSQ (B. Musayev)
7.	Milliy xaritalar	Mamlakat butun hududining 1:250 000dan kichik boʻlmagan masshtabdagi geografik (topografik) xaritasi.	asosiy avtomagistrallar, temir yoʻllar; gidrografiya (daryolar, koʻllar, kanallar va boshqalar); relyef; davlat chegarasi va maʼmuriy chegaralar; aholi punktlari.	Yer resurslari, geodeziya, kartografiya va davlat kadastri davlat qoʻmitasi (A. Abdullayev)
8.	Maʼmuriy birliklar	Maʼmuriy (mahalliy) boshqaruv maqsadlari uchun belgilangan maʼmuriy birliklar toʻgʻrisidagi maʼlumotlar.	maʼmuriy zona koordinatalari (kenglik, uzunlik); maʼmuriy zonaning nomlanishi; zona chegaralari (maʼlumotlar koordinatalarni izohlash imkonini beruvchi geografik prognozlardan tashkil topishi lozim).	Yer resurslari, geodeziya, kartografiya va davlat kadastri davlat qoʻmitasi (A. Abdullayev)
9.	Davlat manzilli tizimi	Pochta indekslarining makondagi tegishli joylashuvi koʻrsatilgan maʼlumotlar bazasi.	pochta indekslari manzillari (manzil koʻrsatilmaganida pochta indeksi koʻrsatilishi shart); koordinatalar (kenglik, uzunlik).	Axborot texnologiyalari va kommunikatsiyalarini rivojlantirish vazirligi (Sh. Sodiqov), Yer resurslari, geodeziya, kartografiya va davlat kadastri davlat qoʻmitasi (A. Abdullayev)
10.	Milliy statistika	Yalpi ichki mahsulot (YAIM) yoki ishsizlik va aholining statistikasi kabi demografik va iqtisodiy koʻrsatkichlar boʻyicha asosiy milliy statistik maʼlumotlar.	mamlakat aholisi (har yili yangilanadigan maʼlumotlar, tugʻilish va oʻlim statistikasi, kelganlar va ketganlar); yalpi ichki mahsulot (joriy narxlarda oʻlchanadigan, har chorakda yangilanadigan); ishsizlik (har chorakda yangilanadigan, iqtisodiy faol aholi soniga nisbatan ishsizlarning soni va darajasi).	Davlat statistika qoʻmitasi (B. Begalov), Adliya vazirligi (R. Davletov), Ichki ishlar vazirligi (P. Bobojonov) Bandlik va mehnat munosabatlari vazirligi (Sh. Qudbiyev)
11.	Qonun loyihalari	Ishlab chiqilayotgan yoki ishlab chiqish uchun rejalashtirilgan qonun loyihalari toʻgʻrisidagi maʼlumotlar, shuningdek ular boʻyicha ovoz berish natijalari.	koʻrib chiqilayotgan qonun loyihasining mazmuni; qonun loyihasining muallifi; qonun loyihasining holati; qonun loyihasi boʻyicha ovoz berish natijalari; munozaralar stenogrammasi.	Adliya vazirligi (R. Davletov), Oliy Majlis palatalari (kelishuv asosida)
12.	Milliy qonunchilik	Barcha milliy qonunchilik hujjatlari va ularning dolzarbligi toʻgʻrisida Internet tarmogʻida joylashtirilgan ochiq maʼlumotlar.	hujjatning mazmuni / uning maqomi; oxirgi oʻzgartirish kiritilgan sana; hujjatga kiritilgan oʻzgarti-rishlarning mazmuni.	Adliya vazirligi (R. Davletov)
13.	Havo sifati	Havonining oʻrtacha sutkalik ifloslanishi, ayniqsa odam salomatligiga jiddiy xavf tugʻdirishi mumkin boʻlgan konsentratsiyasi toʻgʻrisidagi maʼlumotlar (maʼlumotlar mamlakatning barcha hududlari yoki monitoring zonalari uchun, jumladan kamida 3 ta yirik shaharni qamrab olgan holda ochiq boʻlishi lozim).	qattiq zarrachalar; oltingugurt oksidi; azot oksidi; uglerod okisi; ozon.	Favqulodda vaziyatlar vazirligi huzuridagi Gidrometeorologiya xizmati markazi (B. Nishonov), Ekologiya va atrof muhitni muhofaza qilish davlat qoʻmitasi (B. Qoʻchqorov)
14.	Suv sifati	Ichimlik suv manbalari, shu jumladan suvning ekologik manbalari sifati toʻgʻrisida (koʻllar, daryolar, sizot suvlar) maʼlumotlar.	fekal koliformasi; margumush; ftorid darajalari; nitratlar; eritilgan qattiq moddalarning umumiy miqdori.	Uy-joy-kommunal xizmat koʻrsatish vazirligi (M. Soliyev), Davlat geologiya va mineral resurslar qoʻmitasi (B. Islomov), Ekologiya va atrof muhitni muhofaza qilish davlat qoʻmitasi (B. Qoʻchqorov)
15.	Transport	Jamoat transportining harakatlanish jadvali, sxemasi va yoʻl haqi.	yoʻnalishli avtobuslar; temir yoʻl poyezdlari (metro); aviatransport.	Transport vazirligi (I. Mahkamov)
16.	Tashqi savdo	Mamlakatning tashqi savdo faoliyati toʻgʻrisidagi maʼlumotlar.	tovarlar (tovarlar guruhi) kesimida eksport va import koʻrsatkichlari; savdo balansi (shu jumladan hamkor davlatlar kesimida).	Davlat statistika qoʻmitasi (B. Begalov), Investitsiyalar va tashqi savdo vazirligi (S. Umurzoqov), Davlat bojxona qoʻmitasi (M. Azimov)
17.	Sogʻliqni saqlash	Sogʻliqni saqlash tizimi toʻgʻrisidagi maʼlumotlar.	vaksinatsiya darajasi; tibbiy yordamdan foydalanish darajasi; aholi salomatligini saqlash-ning asosiy koʻrsatkichlari; aholining tibbiy xizmatlardan mamnunligi darajasi.	Sogʻliqni saqlash vazirligi (A. Shodmonov)
18.	Taʼlim	Maktabgacha, oʻrta (maktab) va oliy taʼlim toʻgʻrisidagi maʼlumotlar.	bolalarning maktabgacha taʼlim tashkilotlari bilan qamrab olinishi darajasi; bolalarni umumiy taʼlim muassasalari bilan qamrab olinishi darajasi; bolalarning maktabga qatnashi darajasi; taʼlim muassasalarining oʻqituvchilar bilan taʼminlanganligi; tadqiqotchilik faoliyati, shu jumladan xorijiy talabalar va oʻqituvchilar soni toʻgʻrisidagi maʼlumotlar koʻrsatilgan holda oliy taʼlim muassasalari roʻyxati.	Maktabgacha taʼlim vazirligi (A. Shin), Xalq taʼlimi vazirligi (Sh. Shermatov), Oliy va oʻrta maxsus taʼlim vazirligi (I. Majidov)
19.	Jinoyatchilik	Jinoyatchilik darajasi toʻgʻrisidagi maʼlumotlar.	jinoyatchilik boʻyicha hisobotlar; yoʻnalishlar va hududlar kesimida jinoyatchilik koʻrsatkichlari.	Ichki ishlar vazirligi (P. Bobojonov), Bosh prokuratura (O. Murodov)

(3-ilova Oʻzbekiston Respublikasi Prezidentining 2020-yil 8-oktabrdagi PQ-4857-sonli qarori tahririda — Qonun hujjatlari maʼlumotlari milliy bazasi, 09.10.2020-y., 07/20/4857/1357-son)

Oʻzbekiston Respublikasi Prezidentining 2019-yil 9-apreldagi PQ-4273-son qaroriga
4-ILOVA

Alohida tarkibiy indikatorlar boʻyicha Statistika salohiyati indeksida mamlakatning oʻrnini yaxshilashga oid

“YOʻL XARITASI”

T/r	Parametrlar	Chora-tadbirning nomi	Amalga oshirish muddati	Masʼul organ
I. Statistika metodologiyasini yaxshilash boʻyicha
1.	Toʻlov balansi boʻyicha qoʻllanmalar	Mamlakatning toʻlov balansini hisob-kitob qilishda “Toʻlov balansi va xalqaro investitsiya pozitsiyasi boʻyicha qoʻllanma”ning oltinchi nashridagi metodologik standartlardan foydalanish toʻgʻrisidagi maʼlumotlarni Jahon banki eʼtiboriga yetkazish (TBQ6).	2019-yil 30-aprel	Markaziy bank (M. Nurmurodov)
2.	Isteʼmol narxlari indeksining bazaviy yili	Oʻzbekiston Respublikasi isteʼmol narxlari indeksini tuzishda oʻtgan yil bazaviy yil hisoblanishi toʻgʻrisidagi maʼlumotni Jahon banki eʼtiboriga yetkazish.	2019-yil 30-aprel	Davlat statistika qoʻmitasi (B. Begalov)
3.	Sanoat ishlab chiqarish indeksi	Oʻzbekiston Respublikasining sanoat ishlab chiqarish indeksi har oyda hisoblanishi toʻgʻrisidagi maʼlumotni Jahon bankining eʼtiboriga yetkazish.	2019-yil 30-aprel	Davlat statistika qoʻmitasi (B. Begalov)
4.	Import va eksport narxlar indekslari	1. Import va eksport narxlar indeksini hisob-kitob qilish boʻyicha hisobotlar tuzish metodikasini oʻrganish va ishlab chiqish. 2. Import va eksport narxlari indekslarini har oyda eʼlon qilishni taʼminlash.	2019-yil 20-iyun 2019-yil 1-iyul	Davlat statistika qoʻmitasi (B. Begalov), Investitsiyalar va tashqi savdo vazirligi (S. Umurzokov)
5.	XVJ maʼlumotlarini joriy qilishning maxsus standartlari	1. Maʼlumotlarni joriy qilishning kengaytirilgan umumiy tizimidan (MJQk-UT) XVJ maʼlumotlarini joriy qilishning maxsus standartiga oʻtish (MJQMS) boʻyicha chora-tadbirlar rejasini ishlab chiqish. 2. MJQ k-UTdan XVJ MJQMSga oʻtish boʻyicha tashkiliy chora-tadbirlarni qabul qilish. 3. XVJ maʼlumotlarini tarqatish standartlarini qoʻllash.	2019-yil 30-aprel 2019-2020-yillar davomida 2020-yilda	Davlat statistika qoʻmitasi (B. Begalov), Moliya vazirligi (A. Xaydarov), Markaziy bank (M. Nurmurodov), “Toshkent” RFB (B. Usmonov), manfaatdor vazirlik va idoralar
II. Dastlabki maʼlumotlar sifatini yaxshilash boʻyicha
6.	Aholini roʻyxatga olish	“Aholini roʻyxatga olish toʻgʻrisida”gi Qonun loyihasida aholini roʻyxatga olishni 10 yilda kamida bir marotaba oʻtkazish tartibini mustahkamlash.	2019-yil 1-iyul	Davlat statistika qoʻmitasi (B. Begalov), Iqtisodiyot va sanoat vazirligi (B. Xodjayev), Moliya vazirligi (A. Xaydarov), IIV (P. Bobojonov), Adliya vazirligi (R. Davletov)
7.	Qishloq xoʻjaligini roʻyxatga olish	1. Qishloq xoʻjaligini roʻyxat olishni 2023-yilda oʻtkazish boʻyicha normativ-huquqiy hujjat loyihasini ishlab chiqish. 2. Qishloq xoʻjaligini roʻyxatga olishni 10 yilda kamida bir marotaba oʻtkazish boʻyicha chora-tadbirlarni qabul qilish.	2020-yil Roʻyxatga olish oʻtkazilganidan soʻng	Davlat statistika qoʻmitasi (B. Begalov), Qishloq xoʻjaligi vazirligi (J. Xodjayev), Iqtisodiy taraqqiyot va kambagʻallikni qisqartirish vazirligi (J. Qoʻchqorov), Vazirlar Mahkamasi huzuridagi Agrosanoat majmui ustidan nazorat qilish inspeksiyasi (A. Vaxabov)
8.	Salomatlikni tekshiruvdan oʻtkazish	1. 2019-yilda aholi salomatligini tekshiruvdan oʻtkazish boʻyicha chora-tadbirlarni qabul qilish. 2. Aholi salomatligini 3 yilda kamida bir marotaba tekshiruvdan oʻtkazish.	2019-yil 1-dekabr 2019-yildan	Sogʻliqni saqlash vazirligi (A. Shodmonov)
9.	Qashshoqlikni tekshiruvdan oʻtkazish	1. Isteʼmol savatchasi va tirikchilik uchun eng kam miqdorning aniq qiymati va tarkibini aniqlash. 2. Aholining qashshoqlik darajasi koʻrsatkichlarini hisoblash metodologiyasini oʻrganish. 3. Aholining qashshoqlik darajasi koʻrsatkichlarini aniqlash.	2019-yil 1-dekabr 2019-yil 1-dekabr 2020-yildan boshlab	Iqtisodiyot va sanoat vazirligi (B. Xodjayev), Davlat statistika qoʻmitasi (B. Begalov)
III. Maʼlumotlar bazasining davriyligi va dolzarbligi
10.	Daromadlar boʻyicha qashshoqlik darajasi	1. Xalqaro taqqoslash dasturining (XTD) navbatdagi global raundida ishtirok etishi boʻyicha choralar koʻrish. 2. Xalqaro taqqoslash dasturining global raundi yakunlari natijalariga koʻra daromadlar boʻyicha qashshoqlik darajasini aniqlash.	2019-yil 1-dekabr XTD natijalarining yakunlariga koʻra	Davlat statistika qoʻmitasi (B. Begalov)
11.	Bolalarning toʻyib ovqat yemasligi (5 yoshgacha boʻlgan bolalarda vazn yetishmovchiligining tarqalganligi)	1. Jahon sogʻliqni saqlash tashkilotining tavsiyalarini oʻrganib chiqish va ularga rioya qilish boʻyicha tegishli chora-tadbirlarni koʻrish. 2. Bolalarning toʻyib ovqat yemasligi boʻyicha maʼlumotlarni ishlab chiqish va eʼlon qilish, keyinchalik ularni kamida 3 yilda bir marotaba yangilab borish.	2019-yil 1-iyul 2020-yildan boshlab	Sogʻliqni saqlash vazirligi (A. Shodmonov)

(4-ilova Oʻzbekiston Respublikasi Prezidentining 2020-yil 21-iyuldagi PF-6031-sonli Farmoni tahririda — Qonun hujjatlari maʼlumotlari milliy bazasi, 22.07.2020-y., 06/20/6031/1088-son)

Oldingi tahrirga qarang.

(5-ilova Oʻzbekiston Respublikasi Prezidentining 2020-yil 3-avgustdagi PQ-4796-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 04.08.2020-y., 07/20/4796/1136-son)

Oʻzbekiston Respublikasi Prezidentining 2019-yil 9-apreldagi PQ-4273-qaroriga
6-ILOVA

Xalqaro budjet hamjamiyatining Budjet ochiqligi indeksida 2020-yildan boshlab Oʻzbekiston Respublikasining ishtirokini taʼminlash boʻyicha

“Yoʻl xaritasi”

T/r	Chora-tadbirlarning nomi	Amalga oshirish mexanizmi	Amalga oshirish muddatlari	Masʼul ijrochilar
I. Budjet hujjatlarining jamoatchilik uchun ochiqligini taʼminlash
1.	Vazirliklar va davlat maqsadli jamgʻarmalari boʻyicha budjet ochiqligini kengaytirish.	1. Oliy Majlisga taqdim qilish uchun davlat budjeti va davlat maqsadli jamgʻarmalari ijrosi boʻyicha hisobot shakllarini ishlab chiqish. 2. Aholi va xorijiy foydalanuvchilar tomonidan foydalaniladigan Ochiq maʼlumotlar portali va boshqa ommaviy axborot vositalarida joylashtirish uchun Davlat budjeti va davlat maqsadli jamgʻarmalarining hisobot shakllarini ishlab chiqish.	2019-yil 1-iyul	Moliya vazirligi (A. Haydarov)
2.	Budjet hujjatlarining “ochiq budjet” va “ochiq maʼlumotlar” portallarida eʼlon qilinishini taʼminlash.	Budjet hujjatlari loyihalarini Budjet ochiqligi sharhi qoidalariga muvofiq belgilangan muddatlarda joylashtirish.	2019-yil 1-sentabrdan boshlab	Moliya vazirligi (A. Haydarov)
II. Budjet hujjatlarining mazmunini kengaytirish
3. .	Xalqaro standartlarga muvofiqlashtirish maqsadida Budjet tasnifini yanada kengaytirish, shu jumladan quyidagilarni nazarda tutish: daromadlar va xarajatlarni maʼmuriy birliklar boʻyicha guruhlashtirish (boʻysunuvdagi budjet mablagʻlaridan foydalanuvchi subyektlar); daromadlar va xarajatlar boʻyicha amaldagi budjet tasnifining xalqaro standartlarga muvofiqligi nuqtai nazaridan tahlili; soliq boʻlmagan manbalar boʻyicha batafsil maʼlumotlar.	Qonun hujjatlariga oʻzgartirishlar va qoʻshimchalar kiritish.	2019-yil 1-noyabr	Moliya vazirligi (A. Haydarov), vazirlik va idoralar
4.	Davlat budjeti daromadlari va xarajatlarining tushum turlari va maʼmuriy birliklar boʻyicha oʻrta istiqbolga moʻljallangan prognozlarini oshkor etish va eʼlon qilish.	1. Xarajatlarning vazirlik va idoralar boʻyicha oʻrta istiqbolga moʻljallangan prognozlarini ishlab chiqish metodologiyasini tasdiqlash. 2. Davlat budjeti daromadlari va xarajatlarining oʻrta istiqbolga moʻljallangan prognozlarini ishlab chiqish va “Ochiq budjet” axborot portalida joylashtirish.	2019-yil 1-avgust 2019-yil 1-noyabr	Moliya vazirligi (A. Haydarov), Iqtisodiyot va sanoat vazirligi (B. Xodjayev)
5.	Davlat qarzi (jalb qilingan mablagʻlar) toʻgʻrisidagi maʼlumotlarni xalqaro standartlarga muvofiq ravishda oshkor etish va eʼlon qilish.	1. Davlat qarzini baholash va boshqarish tizimini joriy etish boʻyicha takliflar ishlab chiqish uchun xalqaro moliyaviy institutlar ekspertlarini jalb etgan holda ishchi gyruhi tuzish. 2. Davlat qarzi toʻgʻrisidagi maʼlumotlarni xalqaro standartlarga muvofiq ravishda aks ettirish uchun budjet hisobotini ishlab chiqish va tasdiqlash.	2020-yildan boshlab	Moliya vazirligi (A. Haydarov), Markaziy bank (M. Nurmurodov), Davlat statistika qoʻmitasi (B. Begalov), vazirlik va idoralar
6.	XMI tavsiyalariga muvofiq, oʻrta istiqbolda budjetni rejalashtirish va qoidalar asosida budjet asoslarini rivojlantirish uchun yoʻriqnoma sifatida budjet maqsadli koʻrsatkichlarining ijrosi yoki ulardan ogʻishlar yuzasidan asoslantirishlarni baholashni oʻz ichiga olgan soliq-budjet sohasida davlat maqsadlari toʻgʻrisidagi maʼlumotlarni budjetnomaga kiritish.	1. Budjetnoma mazmunini kengaytirish. 2. Budjet qoidalarini ishlab chiqish va joriy etish boʻyicha takliflar tayyorlash maqsadida xalqaro moliyaviy institutlar ekspertlarini jalb etgan holda ishchi guruhi tuzish.	2020-yildan boshlab	Moliya vazirligi (A. Haydarov), vazirlik va idoralar
7.	Budjet tashkilotlarining barcha budjetdan tashqari mablagʻlari va budjetdan tashqari jamgʻarmalarni xalqaro moliyaviy institutlarning moliyaviy mablagʻlari hisobidan xarajatlarini konsolidatsiyalash yoʻli bilan Davlat budjeti qamrovining toʻliq boʻlishini taʼminlash.	Qonun hujjatlariga davlat sektoridagi barcha moliyaviy oqimlarni konsolidatsiyalashgan budjetda toʻla qamrab olishni nazarda tutuvchi oʻzgartirishlar kiritish.	2019-yil 1-noyabr	Moliya vazirligi (A. Haydarov), vazirlik va idoralar
8.	Budjetlararo transfertlar toʻgʻrisidagi batafsil maʼlumotlarni oshkor etish va eʼlon qilish.	Barcha budjetlararo transfertlarga taalluqli maʼlumotlarni, jumladan ularning batafsil tavsifini baholash va oshkor etish.	2019-yil 1-noyabr	Moliya vazirligi (A. Haydarov)
9.	Budjet siyosatining turli aholi guruhlariga moliyaviy taʼsirini ochib berish maqsadida Davlat budjeti xarajatlari toʻgʻrisidagi (jins, yosh, daromad darajasi yoki hudud kesimida) maʼlumotlarni oshkor etish.	Davlat budjeti xarajatlari toʻgʻrisidagi benefitsiarlarning turlari kesimida tahlil va eʼlon qilish.	2020-yildan boshlab	Moliya vazirligi (A. Haydarov)
10.	Davlat sektorining moliyaviy aktivlari, majburiyatlari va nomoliyaviy aktivlari toʻgʻrisidagi maʼlumotlarni oshkor etish va eʼlon qilish.	1. Vazirliklar, idoralar, budjet tashkilotlari, mahalliy davlat hokimiyati organlari va budjetdan tashqari jamgʻarmalarning pul depozitlari, taqdim qilingan qarzlar va qarz majburiyatlari toʻgʻrisidagi hisobotni tayyorlash va eʼlon qilish. 2. Vazirliklar, idoralar, budjet tashkilotlari, mahalliy davlat hokimiyati organlari va budjetdan tashqari jamgʻarmalarning moliyaviy aktivlari va majburiyatlari (jumladan debitorlik va kreditorlik qarzdorlik) toʻgʻrisidagi hisobotni tayyorlash va eʼlon qilish.	2020-yildan boshlab har yili 2020-yildan boshlab har yili	Moliya vazirligi (A. Haydarov), vazirlik va idoralar
11.	Davlat sektorining aktivlari va passivlari balansini shakllantirish.	1. Davlat sektori aktivlari va passivlari balans hisobotini XVJ standartlariga muvofiq tuzish tartibini ishlab chiqish. 2. Davlat sektori aktivlari va passivlari balans hisobotini XVJ standartlariga muvofiq tuzish.	2020-yildan boshlab 2020-yildan boshlab har yili	Moliya vazirligi (A. Haydarov), vazirlik va idoralar
12.	Davlatning shartli qarzdorligi (kreditlar boʻyicha davlat kafolatlari va boshqalar) toʻgʻrisidagi maʼlumotlarni oshkor etish va eʼlon qilish.	Davlatning shartli qarzdorligi toʻgʻrisida hisobot tayyorlash va eʼlon qilish.	2020-yildan boshlab har yili	Moliya vazirligi (A. Haydarov), vazirlik va idoralar
13.	Davlatning soliq xarajatlari toʻgʻrisida (soliq imtiyozlari toʻgʻrisida)gi maʼlumotlarni oshkor etish va eʼlon qilish.	Taqdim etilgan soliq imtiyozlari va preferensiyalar toʻgʻrisida hisobot tayyorlash va eʼlon qilish.	2020-yildan boshlab har yili	Moliya vazirligi (A. Haydarov), DSQ (B. Musayev)
14.	Konsolidatsiyalashgan budjet va budjet hisobotini DMS shaklida tayyorlash va taqdim qilish.	Normativ-huquqiy hujjatlarga oʻzgartirish va qoʻshimchalar kiritish.	2020-yildan boshlab	Moliya vazirligi (A. Haydarov)
III. “Fuqarolar uchun budjet” axborot nashrini yanada takomillashtirish
15.	“Fuqarolar uchun budjet” nashrining tarqatish kanallarini kengaytirish.	“Fuqarolar uchun budjet” nashrini kanallar va ommaviy axborot vositalarining turli shakllaridan foydalangan holda tarqatish.	2019-yil davomida	Moliya vazirligi (A. Haydarov)
16.	Aholining budjet maʼlumotlariga ehtiyojini aniqlash uchun jamoatchilik bilan maslahatlashuvlar mexanizmlarini taʼminlash maqsadida ijtimoiy tarmoqlar va mobil ilovalar imkoniyatlaridan foydalanish.	Ijtimoiy tarmoqlar va mobil ilovalar yordamida aholi bilan qayta muloqot kanallarini oʻrnatish.	2019-yil 1-noyabr	Moliya vazirligi (A. Haydarov)
17.	“Fuqarolar uchun budjet”ni budjet jarayonining har bir bosqichi uchun nashr qilish.	“Fuqarolar uchun budjet” nashrining davriyligini qayta koʻrib chiqish.	Doimiy	Moliya vazirligi (A. Haydarov)
IV. Jamoatchilikning budjet jarayonidagi ishtirokini kengaytirish va Oʻzbekiston Respublikasining Budjet ochiqligi indeksida ishtirokini taʼminlash boʻyicha tashkiliy chora-tadbirlar
18.	Davlat budjetining prognoz parametrlari bilan mustaqil institutlar prognozlarini qiyosiy tahlil qilish.	Rasmiy makroiqtisodiy va fiskal prognozlar bilan taqqoslash maqsadida mustaqil institutlar tomonidan muqobil ravishda Davlat budjetining kelgusi yildagi daromadlari prognoz parametrlarini tayyorlash amaliyotini joriy qilish.	2019-yil 1-noyabr	Moliya vazirligi (A. Haydarov), Budjet-soliq tadqiqotlari instituti
19.	Jamoatchilikni budjet jarayonida faol ishtirok etishga jalb qilish, fuqarolar bilan ochiq muloqotni taʼminlash.	Budjet jarayonida jamoatchilik ishtirokining ochiq mexanizmlarini keng qoʻllash boʻyicha takliflar kiritish.	2019-yil 1-noyabr	Moliya vazirligi (A. Haydarov)
20.	Xalqaro moliyaviy institutlar bilan hamkorlik qilish va Oʻzbekistonning Budjet ochiqligi indeksida qatnashishini taʼminlash uchun tadbirlarni tashkil etish.	Oʻzbekiston Respublikasining Budjet ochiqligi indeksida yuqori reytingga erishishi boʻyicha zarur chora-tadbirlarni amalga oshirish uchun xalqaro moliyaviy institutlarning ekspertlari va texnik koʻmagini jalb qilish. Budjetning ochiqlik darajasini tekshiruvdan oʻtkazish uchun masʼul vazirliklar, idoralar hamda mustaqil institutlar vakillaridan iborat Ishchi guruhini tuzish.	2019-yil 1-noyabr	Moliya vazirligi (A. Haydarov), vazirlik va idoralar

Oʻzbekiston Respublikasi Prezidentining 2019-yil 9-apreldagi PQ-4273-son qaroriga
7-ILOVA

2020-2021-yillarda Oʻzbekiston Respublikasi Davlat statistika qoʻmitasida yangilanishi lozim boʻlgan axborot-kommunikatsiya tizimlari uskunalari

ROʻYXATI

T/r	Axborot-kommunikatsiya texnologiyalari va dasturiy mahsulotlar	TIF TN kodi*	Miqdor	Narxi** (ming. AQSH dollarida) Davlat budjeti mablagʻlari
	Umumiy xarajatlar			2 218,2
1.	Narxlar, uy xoʻjaliklari, individual tadbirkorlik va turizm tekshiruvlarini oʻtkazish uchun maxsus qurilmalar (planshetlar) xarajati, shundan:			178,5
	planshetlar (290 AQSH dollaridan)	847130	450	130,5
	server (loyihaning texnik topshirigʻiga muvofiq konfiguratsiya)	847150	1	24
	dasturiy taʼminot (planshet uchun mobil ilova (6 ming AQSH dollari) va veb-platforma (18 ming AQSH dollari)			24
2.	Davlat statistika qoʻmitasi tizimida foydalaniladigan axborot-kommunikatsiya texnologiyalarini toʻliq yangilash xarajatlari, shundan:			1 368,6
	kompyuterlar	847141, 847149	1754	1 200
	printerlar	844331	346	120
	IP telefon tarmogʻini takomillashtirish (270 ta telefonlar uchun)			48,6
3.	Xavfsizlikni taʼminlash va korporativ aloqaning uzluksizligi hamda ularning ishga tushirilishi uchun maxsus dasturiy-texnik qurilmalarni (IDS/IPS i DLP) sotib olish uchun xarajatlar, shundan:			301,1
	korporativ aloqaning xavfsizligini taʼminlash uchun DLP litsenziya (2744 ta kompyuterga, har bir kompyuterga — 66 AQSH dollaridan)			181,1
	korporativ aloqaning sifati va uzluksizligini oshirish uchun VPN aloqa kanallarini kengaytirish (200 ta shahar va tumanlarda optik tolali kabeli boʻlgan VPN kanalini ishga tushirish)			120
4.	Masofadan turib oʻqitishni tashkil etish bilan bogʻliq boʻlgan xarajatlar, shundan:		80	200
	monitorlar	852852,	64	168,8
	kameralar, kolonkalar va mikrofonlar (komplektlar)	852580, 851822, 851810	16	30,7
	dasturiy mahsulot			0,5
5.	Statistik maʼlumotlarni qayta ishlash jarayonlariga Oracle, MS SQL Server maʼlumotlar bazasini boshqarishning zamonaviy tizimlarini joriy etish xarajatlari, shundan:			120
	MS SQL server dasturi litsenziyasi (4 ta litsenziya)			60
	dastur inspektorlari uchun dasturiy mahsulot			60
6.	Statistik maʼlumotlar yagona elektron bazasini ishlab chiqish va amaliyotga joriy etish xarajatlari, shundan:			50
	veb-platforma ishlab chiqish xarajatlari			50

* TIF TN boʻyicha mahsulotlarining yakuniy kodlari bojxona rasmiylashtiruvida aniqlanadi.

** Yakuniy narx tegishli tenderlar natijalariga koʻra aniqlanadi.

(Qonun hujjatlari maʼlumotlari milliy bazasi, 10.04.2019-y., 07/19/4273/2914-son, 14.12.2019-y., 06/19/5894/4161-son; 22.07.2020-y., 06/20/6031/1088-son, 04.08.2020-y., 07/20/4796/1136-son, 09.10.2020-y., 07/20/4857/1357-son; Qonunchilik maʼlumotlari milliy bazasi, 24.07.2021-y., 06/21/6268/0700-son)