Oʻzbekiston Respublikasi Vazirlar Mahkamasining
qarori
2019 — 2023-yillar davrida Oʻzbekiston Respublikasida jismoniy tarbiya va ommaviy sportni rivojlantirish konsepsiyasini tasdiqlash toʻgʻrisida
Respublikada jismoniy tarbiya va sportni faol rivojlantirish, aholining barcha qatlamlarini, ayniqsa yoshlarni jismoniy tarbiya va ommaviy sport bilan muntazam shugʻullanishga jalb qilish, jamiyatda sogʻlom turmush tarzining foydasi va ustunligini keng targʻib qilish, mamlakatda yaratilgan jismoniy tarbiya-sogʻlomlashtirish va sport infratuzilmasidan toʻlaqonli va samarali foydalanishni taʼminlash, shuningdek, yanada takomillashtirish maqsadida Vazirlar Mahkamasi qaror qiladi:
Quyidagilar:
1. 2019 — 2023-yillar davrida Oʻzbekiston Respublikasida jismoniy tarbiya va ommaviy sportni rivojlantirish konsepsiyasi (keyingi oʻrinlarda Konsepsiya deb ataladi) 1-ilovaga muvofiq;
2019 — 2023-yillar davrida Oʻzbekiston Respublikasida jismoniy tarbiya va ommaviy sportni rivojlantirish konsepsiyasini amalga oshirish chora-tadbirlari dasturi (keyingi oʻrinlarda Dastur deb ataladi) 2-ilovaga muvofiq tasdiqlansin.
2. Quyidagilar Konsepsiyani va Dasturni amalga oshirish doirasida ustuvor yoʻnalishlar va vazifalar etib belgilansin:
aholining barcha qatlamlarini, ayniqsa yoshlarni jismoniy tarbiya va ommaviy sport bilan keng qamrab olishni taʼminlaydigan innovatsion shakllar va mexanizmlarni ishlab chiqish va joriy etishni tashkil etish;
ilgʻor jahon tajribasi asosida jismoniy tarbiya va ommaviy sportni rivojlantirishni ilmiy-metodik taʼminlashni takomillashtirish;
yangicha fikrlaydigan trener kadrlarni tanlash va tayyorlashni tashkil etish;
innovatsion tafakkurli maʼmuriy kadrlarni tayyorlash va tanlashni tashkil etish;
sport tibbiyotini takomillashtirish, sogʻlom turmush tarzini va sogʻlom ovqatlanishni targʻib qilish chora-tadbirlarini ishlab chiqish va amalga oshirish;
seleksiya yoʻli bilan iqtidorli sportchilarni tanlash, seleksioner trenerlar faoliyatini qoʻllab-quvvatlash chora-tadbirlarini kuchaytirish;
jismoniy tarbiya va ommaviy sportni, sogʻlom turmush tarzini ommalashtirish ishlarini tashkil etish va amalga oshirish jarayonida axborotlashtirishning yuqori darajasini taʼminlash va multimedia mahsulotlaridan foydalanish;
energiya va resurslarni tejaydigan texnologiyalarni faol joriy etish asosida davlat sport muassasalarining moddiy-texnika bazasini mustahkamlash;
jismoniy tarbiya va ommaviy sportni hamda sogʻlom turmush tarzini ommalashtirish boʻyicha innovatsion chora-tadbirlarni ishlab chiqish va amalga oshirish.
3. Dasturning masʼul ijrochilari:
Dastur toʻliq, oʻz vaqtida va sifatli amalga oshirilishini tashkil etsinlar;
tasdiqlangan Dasturga kiritilgan tadbirlar amalga oshirilishi toʻgʻrisidagi axborotni Oʻzbekiston Respublikasi Jismoniy tarbiya va sport vazirligiga choraklik asosida taqdim etsinlar.
Oldingi tahrirga qarang.
31. Belgilab qoʻyilsinki, Oʻzbekiston Respublikasi Jismoniy tarbiya va sport vazirligining budjetdan tashqari “Sport” maxsus hisob raqamining yillik harajatlar smetasi tegishli Bosh vazir oʻrinbosari bilan kelishiladi.
(31-band Oʻzbekiston Respublikasi Vazirlar Mahkamasining 2020-yil 12-avgustdagi 481-sonli qaroriga asosan kiritilgan — Qonun hujjatlari maʼlumotlari milliy bazasi, 13.08.2020-y., 09/20/481/1169-son)
4. Oʻzbekiston Respublikasi Jismoniy tarbiya va sport vazirligi:
tadbirlar toʻliq, oʻz vaqtida va sifatli bajarilishi ustidan tizimli nazorat oʻrnatgan holda Konsepsiya va Dasturni amalga oshirish doirasida vazirliklar, idoralar va boshqa tashkilotlarning faoliyati va samarali oʻzaro hamkorligi muvofiqlashtirilishini;
Oldingi tahrirga qarang.
nazorat natijalari boʻyicha Konsepsiya va Dasturni amalga oshirish doirasida tadbirlar bajarilishi munosabati bilan yuzaga keladigan muammoli masalalar boʻyicha axborot tegishli chora-tadbirlar koʻrish uchun Oʻzbekiston Respublikasi Bosh vazirining oʻrinbosari — Oʻzbekiston Respublikasi Turizmni rivojlantirish davlat qoʻmitasi raisiga oʻz vaqtida kiritilishini taʼminlasin.
(4-bandning uchinchi xatboshisi Oʻzbekiston Respublikasi Vazirlar Mahkamasining 2020-yil 26-iyundagi 411-sonli qarori tahririda — Qonun hujjatlari maʼlumotlari milliy bazasi, 27.06.2020-y., 09/20/411/1000-son)
5. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov va Oʻzbekiston Respublikasi jismoniy tarbiya va sport vaziri D.X. Nabiyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 13-fevral,
118-son
Vazirlar Mahkamasining 2019-yil 13-fevraldagi 118-son qaroriga
1-ILOVA
2019 — 2023-yillar davrida Oʻzbekiston Respublikasida jismoniy tarbiya va ommaviy sportni rivojlantirish
KONSEPSIYASI
Rivojlanishning barcha jihatlarida global raqobat kuchayishi sharoitlarida jahondagi har bir mamlakat oldida bugungi kunda inson kapitali sifatini oshirish zarurligi yuzaga keladi. Bu millatning salomatligini — barcha yoshdagi aholining sogʻlom dunyoqarashini, jismoniy, maʼnaviy-intellektual salomatligini asrash, jismoniy salomatligini mustahkamlash toʻgʻrisida doimiy gʻamxoʻrlik qilish masalalariga yondashuvlarni tubdan qayta koʻrib chiqishni talab etadi.
Oʻzbekiston Respublikasida jismoniy tarbiyaning yuqori darajasiga va aholining hayoti sifatiga erishish strategik vazifani — mamlakatni barqaror rivojlantirishni amalda roʻyobga chiqarish doirasida muhim shart hisoblanadi. Oʻzbekiston Respublikasini yanada rivojlantirish boʻyicha Harakatlar strategiyasini amalga oshirish doirasida mamlakat aholisining barcha qatlamlari butun hayoti davomida jismoniy tarbiya va sport bilan muntazam shugʻullanishi uchun zarur shart-sharoitlarni taʼminlash ushbu vazifani hal etishning asosiy omillaridan biri boʻladi.
Jamiyat oldida turgan oʻrtacha va uzoq muddatli strategik vazifalarni samarali amalga oshirish uchun insonning butun hayoti davomida sogʻlom turmush tarzini hamda jismoniy tarbiya va ommaviy sport bilan uzluksiz shugʻullanishning foydasini targʻib qilishga barcha saʼy-harakatlar va resurslarni birgalikda yoʻnaltirish, ushbu jarayonga barcha davlat muassasalari, nodavlat muassasalar va xoʻjalik yurituvchi subyektlarni jalb etishni taʼminlash talab etiladi.
Shu bilan birga, jismoniy tarbiya va ommaviy sport sohasini toʻliq koʻlamda rivojlantirish yoʻlidan borib hozirgi paytda mamlakatda bunga toʻsqinlik qiluvchi bir qator jiddiy kamchiliklar mavjudligini anglash muhimdir. Jumladan:
aholini, ayniqsa, yoshlarni jismoniy tarbiya va ommaviy sport bilan shugʻullanishga keng jalb etish, oʻsib kelayotgan avlodni uygʻun ravishda maʼnaviy va jismoniy kamol toptirishni taʼminlash uchun shart-sharoitlarni shakllantirish ishlarini tashkil etishning past darajasi, natijada — jismoniy tarbiya va ommaviy sport bilan shugʻullanishni istovchilarning yetarlicha qamrab olinmasligi;
jismoniy tarbiya va ommaviy sportni rivojlantirish tizimining qiziqishni qoʻllab-quvvatlashga, shaxsning professional va amaliy koʻnikmalariga sust yoʻnaltirilganligi;
sohada metodik taʼminlashning darajasi yetarli emasligi, bu aholida jismoniy tarbiya va ommaviy sport bilan shugʻullanishga kuchli va amaliy ijobiy qiziqishni shakllantirish va rivojlantirishni davom ettirishda toʻsiqqa aylanmoqda;
oliy maʼlumotli mutaxassislar taqchilligi jismoniy tarbiya va ommaviy sport sohasida koʻrsatilayotgan xizmatlar sifatini pasaytiribgina qolmasdan, balki ularning doirasini toraytiradi;
kam komplektli sport muassasalarining mashgʻulotlar va mashqlar sifatining zarur darajasini taʼminlash imkonini bermaydigan kadrlar tarkibi va moddiy-texnik jihozlanishi salohiyati past, sportning ayrim turlari boʻyicha sport kadrlari, trenerlar va pedagog kadrlar yetishmaydi, bir qator eng malakali kadrlar, yaʼni oliy va birinchi toifali sport kadrlari, trenerlar va pedagog kadrlar qisqarishi tendensiyasi kuzatilmoqda, xodimlarning umumiy kasbiy saviyasi pasaymoqda;
sport fakultetlari talabalari kontingentining sifati va tuzilmasi talab darajasida emas. Sport mutaxassisligiga kirish uchun ularda salohiyat mavjudligini va tanlangan kasbda ishlashdan manfaatdorligini, bolalar va katta yoshdagilar bilan umumiy til topish qobiliyatini, ruhiy barqarorlik va muomala qila bilishning yetarli darajasini aniqlash yuzasidan kiruvchilarning umumiy jismoniy tayyorgarligini, ruhiy-hissiy maʼlumotlarini baholashning aniq tartibotlari va xolisona mexanizmlari mavjud emas;
sport muassasalari trenerlari va xodimlari uchun ular salohiyati oʻsishiga nimalar toʻsqinlik qilayotganligini bilishi kerak boʻlgan mezonlar va talablarning aniq tavsifi mavjud boʻlgan milliy standartlarning yoʻqligi, buning natijasida sport muassasalari rahbarlarini tanlash va tayinlashning mavjud tartiboti samarasiz boʻlib qolmoqda;
sport muassasalarini boshqarish jarayoniga ishni rejalashtirish va tashkil etishning zamonaviy innovatsion usullarini, ilgʻor axborot-kommunikatsiya texnologiyalarini joriy etishning mavjud darajasi qabul qilinayotgan qarorlar amalga oshirilishi tashkil etilishini tezkor taʼminlash va bir vaqtning oʻzida ularning samaradorligini kuzatish imkonini bermaydi;
sport muassasalari ayrim rahbarlarida zarur masʼuliyat va tashabbuskorlikning yoʻqligi oldinga qoʻyilgan vazifalar va maqsadli koʻrsatkichlar oʻz vaqtida va sifatli bajarilishiga salbiy taʼsir koʻrsatmoqda;
sport muassasalari faoliyatiga bevosita rahbarlik qiluvchi ijro etuvchi hokimiyat organlari ishining ochiqligi va shaffofligining darajasi yetarli emasligi, jamoatchilik nazoratining zaifligi, baʼzan esa mutlaqo mavjud emasligi haddan tashqari byurokratiyaga va korrupsiyaning har xil shakllarda namoyon boʻlishiga olib kelmoqda;
sportchilarni va jismoniy tarbiya bilan shugʻullanuvchi shaxslarni tibbiy xizmatdan toʻliq foydalanishi va tibbiy xizmatning zarur sifati amalda taʼminlanmagan, aholini sogʻlomlashtirish uchun jismoniy tarbiyaning mavjud imkoniyatlaridan samarasiz foydalanilmoqda;
jismoniy tarbiya va ommaviy sportni rivojlantirish sohasiga zamonaviy axborot texnologiyalarini va multimedia mahsulotlarini joriy etishga zarur darajada eʼtibor berilmayapti;
sport muassasalari bir qismining moddiy-texnika bazasi holati, ularning ortiqcha yuklamaga ega ekanligi, ayrim hollarda faoliyatni tashkil etish uchun zarur boʻlgan tegishli uskunalar, koʻrgazmali qoʻllanmalar bilan yetarlicha taʼminlanmaganligi ularga yuklangan funksiyalar yetarlicha samarali bajarilmasligiga olib kelmoqda;
jismoniy tarbiya va ommaviy sportni ommalashtirish, shuningdek, sogʻlom turmush tarzini targʻib qilish sohasiga innovatsion texnologiyalarning passiv qoʻllanilishi.
Yuqorida sanab oʻtilgan va ushbu sohada yillar davomida toʻplanib qolgan boshqa muammolar, ayrim rahbarlar tafakkurining zaifligi va tashabbus koʻrsatmasligi respublikada jismoniy tarbiya va ommaviy sport tizimini zamonaviy talablarga muvofiq yanada takomillashtirish yoʻlida toʻsiq boʻluvchi omillarga aylanmoqda.
Shu munosabat bilan 2019 — 2023-yillar davrida Oʻzbekiston Respublikasida jismoniy tarbiya va ommaviy sportni rivojlantirishning yangi konsepsiyasini shakllantirish alohida ahamiyat kasb etadi. Konsepsiya quyidagi asosiy yoʻnalishlarni nazarda tutadi:
1-bob. Aholining barcha qatlamlarini, ayniqsa, yoshlarni jismoniy tarbiya va ommaviy sport bilan keng qamrab olishni taʼminlaydigan innovatsion shakllar va mexanizmlarni ishlab chiqish va joriy etishni tashkil etish
1. Respublika mahallalari, tumanlari va mintaqalari boʻyicha tegishli hududlarda aholining jins-yosh tarkibi xususiyatlarini, ijtimoiy-iqtisodiy shart-sharoitlarni hisobga olgan holda oʻtkaziladigan sport tadbirlarining ommaviyligi va muntazamliligini taʼminlab sogʻlom turmush tarzini ommalashtirish, aholining barcha qatlamlarini jismoniy tarbiya va ommaviy sport bilan shugʻullanishga keng jalb etish ishlari doirasida sport muassasalari, ijro etuvchi hokimiyat organlari va joylarda fuqarolarning oʻzini oʻzi boshqarish organlari oʻzaro hamkorligining namunaviy modelini ishlab chiqish va joriy etish.
Oldingi tahrirga qarang.
2. Maktabgacha taʼlim tashkilotlaridan boshlab taʼlim muassasalarida jismoniy tarbiyaning innovatsion usullarini takomillashtirish va qoʻllash orqali bolalar va oʻsmirlarni jismoniy tarbiya va ommaviy sport bilan muntazam shugʻullanishga jalb etish, sport xonalari, zallari va maydonchalarini uskunalar va inventar bilan jihozlash, taʼlim muassasalarining jismoniy tarbiya va sport faoliyatini kadrlar bilan taʼminlash, taʼlim muassasalarida futbol, velosport, stol tennisi, badminton, yengil atletika, voleybol, basketbol va boshqalar boʻyicha toʻgaraklar va seksiyalar tashkil etish.
(2-band Oʻzbekiston Respublikasi Vazirlar Mahkamasining 2020-yil 26-iyundagi 411-sonli qarori tahririda — Qonun hujjatlari maʼlumotlari milliy bazasi, 27.06.2020-y., 09/20/411/1000-son)
3. Barcha darajalardagi hokimliklar, mulkchilikning barcha shakllaridagi muassasalar, tashkilotlar va korxonalarda jismoniy tarbiya jamoalarini tashkil etish orqali aholini jismoniy tarbiya va ommaviy sport bilan muntazam shugʻullanishga jalb etish, ishlab chiqarish jismoniy tarbiyasini mehnat sharoitlarini yaxshilashga yoʻnaltirilgan tadbirlar tizimiga kiritish, futbol, velosport, stol tennisi, badminton, yengil atletika, voleybol, basketbol va boshqalar boʻyicha sport musobaqalarini muntazamlilik asosida (bir chorakda kamida 1-marta) oʻtkazish.
4. Yoshlarni maʼnaviy kamol topish va jismonan sogʻlom shaxslar boʻlish ruhida tarbiyalash, ularni foydali mashgʻulotlar bilan qamrab olishni, mafkuraviy tahdidlardan himoya qilishni taʼminlash boʻyicha ishlar doirasida fuqarolarning oʻzini oʻzi boshqaruv organlarining sport tashkilotlari bilan oʻzaro hamkorligining samarali mexanizmlarini ishlab chiqish va amalga oshirish.
5. Hayotning zamonaviy tendensiyalari va shart-sharoitlarini hisobga olgan holda bolalar va katta yoshdagilar, istalgan yoshdagi havaskor sportchilar va professionallar uchun moʻljallangan yangi shakldagi ommaviy jismoniy tarbiya va ommaviy tomosha tadbirlarini ishlab chiqish va joriy etish, tadbirlarning ishtirokchilar va tomoshabinlar uchun tomoshabopligi va jozibadorligini oshirish.
6. Sport yulduzlari ishtirokida sport tadbirlari va ommaviy jismoniy tarbiya tadbirlari oʻtkazish uchun taʼlim muassasalari, ishlab chiqarish korxonalari, xususiy va biznes tuzilmalarning, sport muassasalarining sport infratuzilmasidan faol foydalanish, bolalar va barcha xohlovchilar uchun yetakchi professional trenerlarni jalb etgan holda ochiq mashqlar va dastxat-sessiyalarni tashkil etish.
7. Aholining turli qatlamlarini qamrab olishni kengaytirishga moʻljallangan oʻtkaziladigan “Sport — hayot tarzi” sport va jismoniy tarbiya — ommaviy mavzuli tadbirlarning turlari xilma-xil boʻlishi va tez-tez oʻtkazilishini, yangi media-texnologiyalardan foydalangan holda faol ishtirokchilarni moddiy va maʼnaviy ragʻbatlantirish choralarini taʼminlash.
8. Toshkent shahridagi ixtisoslashtirilgan sport taʼlim muassasalarida va chet eldagi yetakchi sport markazlarida taʼlim olish uchun mintaqalardan iqtidorli bolalarni tanlash maqsadida sportning ommaviy turlari boʻyicha sport taʼlim muassasalari oʻrtasida, ayniqsa, qizlar uchun muntazam ravishda mintaqaviy sport musobaqalari oʻtkazish.
9. Voyaga yetmagan bolalarning jismoniy tarbiya va ommaviy sport bilan shugʻullanishiga ota-onalar tomonidan qarshilik koʻrsatish hollarining oldini olish maqsadida fuqarolarning oʻzini oʻzi boshqarish organlari tomonidan doimiy monitoring olib borish mexanizmini joriy etish.
10. Aholining ijtimoiy muhofaza qilinmagan qatlamlari va qulayroq shart-sharoitlardagi fuqarolar uchun jismoniy tarbiya va ommaviy sport bilan shugʻullanish uchun teng imkoniyatlar yaratish, aholining kam taʼminlangan qatlamlari (daromadning past darajasi, toʻliq boʻlmagan oila, shu kabilar) bolalari shugʻullanadigan sport muassasalari faoliyatini, shuningdek, chekka tumanlarda (shu jumladan, togʻlik joylar va anklavlar) joylashgan sport muassasalari faoliyatini qoʻshimcha ravishda qoʻllab-quvvatlash.
2-bob. Ilgʻor jahon tajribasi asosida jismoniy tarbiya va ommaviy sportni rivojlantirishni ilmiy-metodik taʼminlashni takomillashtirish
11. Jismoniy tarbiya va ommaviy sport sohasida, shu jumladan, innovatsion gʻoyalar va texnologiyalarni ishlab chiqishni qoʻllab-quvvatlash uchun ilmiy-tadqiqot va innovatsion faoliyatni rivojlantirishga investitsiyalarni keng jalb etish, fuqarolarda kichik yoshdan boshlab sogʻlom turmush tarziga, jismoniy tarbiya va sport bilan shugʻullanishga, sogʻlom, kuchli va amaliy ijobiy qiziqishni singdirishga yoʻnaltirilgan tizimning yanada rivojlanishini taʼminlaydigan normativ-huquqiy bazani shakllantirish.
12. Yangilangan oʻquv rejalari va dasturlar talablarini, shuningdek, yetakchi jahon sport markazlarining ilgʻor tajribasini, innovatsion rivojlanishning tegishli ustuvorliklarini hisobga olgan holda ishlab chiqilgan sifati va mazmuniga koʻra zamonaviy oʻquv, oʻquv-metodik va ommaviy adabiyotlarni, yangi avlod normativ hujjatlarni tayyorlash va nashr etishni tashkil etish.
13. “Jismoniy tarbiya va sport” ixtisoslashtirilgan nashriyot markazi faoliyatini tashkil etish. Ushbu mavzu boʻyicha matbaa mahsulotlarini tayyorlash, nashr etish va tarqatish, shu jumladan, jismoniy tarbiya va ommaviy sport sohasidagi ilgʻor ilmiy-metodik adabiyotlarni oʻzbek va rus tillariga tarjima qilish ushbu noshirlik markazining asosiy maqsadlari va faoliyati yoʻnalishlari boʻlishi kerak.
14. Sportning ommaviy turlari boʻyicha oʻzbek va rus tillarida elektron taʼlim resurslarida mashq jarayonini tashkil etish va oʻtkazish boʻyicha metodik tavsiyalarning ochiq respublika maʼlumotlar bazasini tashkil etish.
3-bob. Yangicha fikrlaydigan trener kadrlarni tanlash va tayyorlashni tashkil etish
15. Muayyan koʻnikma va sifatlarga ega boʻlgan abituriyentlarning trenerlik kasbida ishlashga ishtiyoqini aniqlash uchun Oʻzbekiston davlat jismoniy tarbiya va sport universitetiga talabalarni tanlash jarayonini takomillashtirish.
16. Oliy taʼlim muassasalari va malaka oshirish markazlarida jismoniy tarbiya va sport yoʻnalishlari boʻyicha oʻquv dasturlarini yangilash, amaliy komponentlar ulushini koʻpaytirish, yuqori natijalarni namoyish qiluvchi eng tajribali trenerlar rahbarligida mashgʻulotlarni muntazamlilik asosida oʻtkazish amaliyotini joriy etish.
17. Respublikada hamma joyda oʻquv-mashq jarayoniga yetakchi jahon mutaxassislarini tizimli asosda jalb etishni tashkil etishga koʻmaklashish.
18. Sport tayyorgarligi eng muvaffaqiyatli tizimga ega boʻlgan mamlakatlardan mutaxassislarni jalb etib, yangicha fikrlaydigan trenerlar va maʼmuriy kadrlarni tayyorlash uchun eng yangi sport texnologiyalaridan foydalanib, sport ixtisosligidagi xorijiy oliy taʼlim muassasalari va sportchilarni tayyorlash markazlarining filiallarini tashkil etish.
19. Jismoniy tarbiya va sport yoʻnalishi boʻyicha sirtqi boʻlimlarga oliy taʼlim muassasalariga oʻqishga qabul qilish kvotalarini koʻpaytirish, shuningdek, Oʻzbekiston Respublikasi Jismoniy tarbiya va sport vazirligining taqdimnomasi boʻyicha respublikaning trener kadrlar yetishmaydigan chekka togʻli va choʻl tumanlaridan (shaharlaridan) abituriyentlarni imtiyozli oʻqishga qabul qilish uchun kvotalar ajratish.
20. Trener kasbining yuqori maqomi va nufuzini taʼminlashga qaratilgan chora-tadbirlar koʻrish, oʻzini oʻzi toʻlaqonli namoyon qilish va professional oʻsish uchun qulay shart-sharoitlar va imkoniyatlar yaratish, davlatning muvaffaqiyatli rivojlanishi uchun yosh avlodni tarbiyalash bilan shugʻullanadigan inson sifatida trenerning ijobiy qiyofasini shakllantirish.
4-bob. Innovatsion fikrlaydigan maʼmuriy kadrlarni tayyorlash va tanlashni tashkil etish
21. Jismoniy tarbiya va ommaviy sport sohasiga maʼmuriy kadrlar tayyorlash jarayoniga sportni boshqarishning maxsus dasturlarini joriy etish, professionallar, menejerlar, sport tibbiyot xodimlari va psixologlar uchun seminarlar oʻtkazish, Sport Management (sportni boshqarish), Sport Leadership (sportda rahbarlik qilish), Sport Administration (sport maʼmuriyatchiligi) yoʻnalishlari boʻyicha yetakchi jahon sport markazlarida tajriba orttirishlarni tashkil etish.
22. Sport muassasalari rahbarlarining ular oʻrtasida tajriba almashishni ragʻbatlantirish, rivojlantirish boʻyicha dasturlarda tizimli ishtirok etishini taʼminlash, shuningdek, ishning ilgʻor va eng samarali usullarini oʻzlashtirishga intilishda ularni qoʻllab-quvvatlash.
23. Jismoniy tarbiya va ommaviy sport sohasida davlat siyosati oʻz vaqtida, sifatli va toʻliq koʻlamda amalga oshirilishi uchun Oʻzbekiston Respublikasi Jismoniy tarbiya va sport vazirligi hududiy boʻlinmalari va ularning rahbarlarining mustaqilligini oshirish va masʼuliyatini kuchaytirish.
5-bob. Sport tibbiyotini takomillashtirish, sogʻlom turmush tarzi va sogʻlom ovqatlanishni targʻib qilish chora-tadbirlarini ishlab chiqish va amalga oshirish
24. Taʼlim muassasalarining oʻquv dasturlariga oʻquvchilarning jismoniy faolligini ragʻbatlantiruvchi sogʻlom turmush tarzi yuritish koʻnikmalarini shakllantirish va sogʻlom ovqatlanish boʻyicha tadbirlar va maxsus kurslarni kiritish.
25. Xususiy imoratlar uylarida va koʻp kvartirali uylarda yashaydigan shaxslarning yaqinda joylashgan ijtimoiy maqsaddagi obyektlarning (taʼlim, tibbiyot, sport va dam olish muassasalari) jismoniy tarbiya-sogʻlomlashtirish va sport inshootlaridan foydalanishini taʼminlash yoʻli bilan ular uchun jismoniy faollikni majburiy qoʻllab-quvvatlash mexanizmlarini joriy etish.
26. Sportchilar va jismoniy tarbiya bilan shugʻullanuvchi shaxslarning tibbiy xizmatlardan foydalanishini kengaytirish va tibbiy taʼminlash sifatini oshirish, aholini sogʻlomlashtirish uchun jismoniy tarbiyadan faol va samarali foydalanish.
27. Reabilitatsiya qiluvchi tibbiyot sohasida innovatsion usullar va texnologiyalardan keng foydalangan holda sportda intensiv jismoniy yuklamalardan, shuningdek, sportchilar va aholi kasallikni boshdan kechirganidan, jarohatlanganidan keyin tiklash tadbirlarini amalga oshirishda sifatli tibbiy yordam koʻrsatilishini tizimli asosda tashkil etish.
28. Aholi sogʻlom turmush tarzining asosi sifatida sogʻlom ovqatlanishni keng tushuntirish ishlarini tashkil etish va targʻib qilishni kuchaytirish.
29. Oziq-ovqat mahsulotlarining sifati va xavfsizligiga qoʻyilayotgan zamonaviy talablarga muvofiq oziq-ovqat xomashyosining asosiy turlarini mahalliy ishlab chiqarishni kengaytirish, almashtirib boʻlmaydigan komponentlar, sport bilan shugʻullanuvchilar uchun maxsus oziq-ovqat mahsulotlari va ovqatga qoʻshiladigan biologik faol qoʻshimchalar bilan boyitilgan oziq-ovqat mahsulotlari ishlab chiqarishni rivojlantirish.
6-bob. Seleksiya, seleksioner trenerlar faoliyatini qoʻllab-quvvatlash chora-tadbirlarini kuchaytirish yoʻli bilan isteʼdodli sportchilarni tanlash
30. Isteʼdodli sportchilarni tanlash va ularning natijalarini nazorat qilish boʻyicha mintaqaviy kengashlar tashkil etish, ularni maqsadli tayyorlash, iqtidorli sportchilarni ixtisoslashtirilgan sport maktablariga, taʼlim muassasalari va sport klublariga tanlashda shaffoflik va xolislikni taʼminlash chora-tadbirlarini amalga oshirish.
31. Isteʼdodli sportchilarni aniqlash uchun sport turlari boʻyicha respublika musobaqalari oʻtkazilishini, shu jumladan, uch bosqichli “Umid nihollari”, “Barkamol avlod” va “Universiada” sport musobaqalarining barcha bosqichlari tanqidiy tahlil qilinishini va monitoring olib borilishini joriy etish.
32. Jismoniy tarbiya va sport turlari boʻyicha sport sohasida ixtisoslashayotgan sport maktablari, taʼlim muassasalari va sport klublari oʻrtasida mintaqaviy, milliy va xalqaro oʻquv-mashq yigʻinlari oʻtkazish.
33. Sport turlari boʻyicha Oʻzbekiston chempionatlari gʻoliblari va sovrindorlarining jahon chempionatlari, Osiyo oʻyinlari va boshqa xalqaro musobaqalarda ishtirokini taʼminlash chora-tadbirlarini koʻrish.
34. Sport turlari boʻyicha innovatsion tafakkurli seleksioner trenerlarni tayyorlash va qayta tayyorlashni tashkil etish.
7-bob. Jismoniy tarbiya va ommaviy sportni, sogʻlom turmush tarzini ommalashtirish ishlarini tashkil etish va amalga oshirish jarayonida yuqori darajali axborotlashtirishni va multimedia mahsulotlaridan foydalanishni taʼminlash
35. Barcha sport muassasalarining butunjahon Internet axborot tarmogʻidan foydalanishi chora-tadbirlarini koʻrish, Oʻzbekiston Respublikasi Jismoniy tarbiya va sport vazirligining zamonaviy jozibador saytini yaratish va uning doimiy ishlashini taʼminlash.
36. “Sport — turmush tarzi” xeshtegi ostida jismoniy tarbiya va ommaviy sportni ommaviylashtirish kompaniyasini tashkil etish va ijtimoiy tarmoqlarda ilgari siljitish, SPORTS.UZ axborot portalini yaratish, Oʻzbekiston Respublikasi Jismoniy tarbiya va sport vazirligining vazirlikning asosiy vazifalari va faoliyati ustuvorliklariga yangicha yondashuvlarni aks ettiruvchi logotipini yaratish.
37. Dolzarb yoʻnalishlarda — jamoatchilik fikri monitoringi, ijtimoiy soʻrovlar oʻtkazishda (Oʻzbekiston Respublikasi Jismoniy tarbiya va sport vaziri bilan aloqa qilish liniyasini ochish, voqealar kalendari, mashqlar organayzeri, aholi faolligi monitoringi) iSPORT mobil tarmoqlari uchun sport ilovalarini ishlab chiqish.
38. Axborot texnologiyalarini va multimedia mahsulotlarini rivojlantirishda zamonaviy tendensiyalarni hisobga olgan holda oʻquv-mashq jarayoni kompyuterlashtirilishi darajasini oshirish.
39. Aholi orasida sogʻlom turmush tarzi koʻnikmalari va jismoniy faollikni targʻib qilish va bunday koʻnikmalarni shakllantirishning foydasi boʻyicha axborot-maʼrifiy faoliyatni kuchaytirish.
40. Jismoniy tarbiya va sportning milliy integratsiyalashtirilgan axborot tizimini, shu jumladan, sportchilar faoliyatini roʻyxatga olish va hisobga olish boʻyicha — “Skm-sportsmen”, trenerlarning maʼlumotlar bazasini taʼminlash boʻyicha — “Skm-trener” va respublikaning jismoniy tarbiya-sogʻlomlashtirish va sport inshootlarini pasportlashtirishni taʼminlash boʻyicha — “Skm-sportinshoot” axborot tizimlari orqali sport natijalari monitoringi va yutuqlarni baholash tizimlarini tashkil etish.
41. Ilgʻor xorijiy tajriba asosida jismoniy tarbiya va ommaviy sport sohasida axborot va statistika maʼlumotlarini toʻplash va ularni puxta ishlash tizimi va usullarini takomillashtirish.
8-bob. Energiya va resurslarni tejaydigan texnologiyalarni faol joriy etish asosida davlat sport muassasalarining moddiy-texnika bazasini mustahkamlash
42. Zamonaviy energiya va resurslarni tejaydigan, innovatsion qurilish texnologiyalarini faol joriy etish va ulardan foydalanish asosida sport muassasalari infratuzilmasi binolari va obyektlarini, shuningdek, umumtaʼlim muassasalarining sport inshootlarini bosqichma-bosqich qurish, rekonstruksiya qilish va kapital taʼmirlashni davom ettirish.
43. Umumtaʼlim maktablari va sport muassasalarini eng yangi texnologiyalardan foydalangan holda zamonaviy ergonomik va ekologik mebel, tegishli uskunalar, zamonaviy sport inventari bilan bosqichma-bosqich jihozlash va toʻliq jihozlashni davom ettirish.
Oldingi tahrirga qarang.
44. Mintaqalarning hududiy-iqlim xususiyatlarini hisobga olgan, taniqli xorijiy kompaniyalarning ilgʻor tajribasi asosida qurilish materiallaridan, zamonaviy energiya va resurslarni tejaydigan texnologiyalardan foydalangan holda sport obyektlari loyihalarini ishlab chiqish uchun Oʻzbekiston Respublikasi Jismoniy tarbiya va sport vazirligi huzurida ixtisoslashtirilgan loyiha institutini tashkil etish.
(44-band Oʻzbekiston Respublikasi Vazirlar Mahkamasining 2020-yil 12-avgustdagi 481-sonli qarori tahririda — Qonun hujjatlari maʼlumotlari milliy bazasi, 13.08.2020-y., 09/20/481/1169-son)
9-bob. Jismoniy tarbiya va ommaviy sportni, shuningdek, sogʻlom turmush tarzini ommalashtirish boʻyicha innovatsion chora-tadbirlarni ishlab chiqish va amalga oshirish
45. Ommaviy axborot vositalari, radio, televideniye, butunjahon Internet axborot tarmogʻi, bosma mahsulotlar, mulkchilik shakllaridan qatʼi nazar taʼlim muassasalari, korxonalar va tashkilotlarda jismoniy tarbiya va sport bilan muntazam shugʻullanuvchi odamlarning imkoniyatlari va yutuqlarini namoyish qiluvchi tadbirlarni yoritish, shu jumladan, koʻrgazmali materiallar va maʼruza shakllaridan faol foydalanish, jismoniy tarbiya va sport masalalari boʻyicha yagona axborot muhitini shakllantirishdan keng foydalanish yoʻli bilan turli yosh guruhlari orasida jismoniy tarbiya va ommaviy sportni, sogʻlom turmush tarzini, salbiy hodisalar profilaktikasini targʻib qilish boʻyicha ishlarni tizimli asosda kompleks tashkil etish va amalga oshirishga yoʻnaltirilgan doimiy ishlaydigan axborot-targʻibot tizimini shakllantirish.
46. Aholining barcha qatlamlarida jismoniy tarbiya va ommaviy sport bilan muntazam shugʻullanishdan manfaatdorlikni shakllantirish sohasida axborot va taʼlim vositalari samaradorligini oshirish.
47. Ommalashtirish jarayonining uzluksizligini taʼminlash, ommaviy dam olish joylarida va yashash joyida shaxsga (oila, maktabgacha, maktab, oʻrta kasb-hunar va oliy taʼlim muassasalari, ishlab chiqarish jamoalari) tarbiyaviy taʼsir koʻrsatishning uzviyligiga rioya qilish.
48. Jismoniy tayyorgarlikning yuqori darajasiga erishishda fuqarolarning jismoniy faolligini ragʻbatlantirish, sogʻlom turmush tarzining muhim elementi sifatida sport faolligini mustahkamlash
49. Sogʻlom turmush tarzini targʻib qiluvchi bosma va koʻrgazmali mahsulotlarni tarqatish, teleradio dasturlarini namoyish qilish va Internet resurslarini shakllantirish, jismoniy tarbiya va ommaviy sportni ommalashtirishga yetakchi sport mutaxassislarini, sportchilar, siyosatchilar, jamoat arboblarini jalb etish, ijtimoiy reklamadan foydalanish.
50. Davlat, jamoat tashkilotlari, biznes-tuzilmalar va xususiy shaxslarning mavzuli nominatsiyalari boʻyicha sovrinlari uchun “Sport bayrami” milliy festivali, marafonlar, sport musobaqalari va birinchiliklarini muntazamlilik asosida tashkil etish va oʻtkazish.
10-bob. 2019 — 2023-yillar davrida Oʻzbekiston Respublikasida jismoniy tarbiya va ommaviy sportni rivojlantirish konsepsiyasini amalga oshirish doirasida muammoli masalalarni koʻrib chiqish
Oldingi tahrirga qarang.
51. 2019 — 2023-yillar davrida Oʻzbekiston Respublikasida jismoniy tarbiya va ommaviy sportni rivojlantirish konsepsiyasini amalga oshirish doirasida muammoli masalalarni koʻrib chiqish Oʻzbekiston Respublikasi Jismoniy tarbiya va sport vazirligi tomonidan amalga oshiriladi.
(51-band Oʻzbekiston Respublikasi Vazirlar Mahkamasining 2020-yil 7-iyuldagi 429-sonli qarori tahririda — Qonun hujjatlari maʼlumotlari milliy bazasi, 08.07.2020-y., 09/20/429/1039-son)
11-bob. 2019 — 2023-yillar davrida Oʻzbekiston Respublikasida jismoniy tarbiya va ommaviy sportni rivojlantirish konsepsiyasini amalga oshirishdan kutilayotgan natijalar
52. Jismoniy tarbiya va ommaviy sport sohasini modernizatsiya qilishning oldinga qoʻyilgan vazifalarini hal etish iqtisodiyotni innovatsion rivojlantirishni taʼminlashning ustuvor yoʻnalishlaridan va Oʻzbekiston Respublikasining geosiyosiy raqobatbardoshliligidan kelib chiqib mamlakat inson kapitalini aniq maqsadni koʻzlab shakllantirishning keng imkoniyatlarini taʼminlaydi.
53. 2019 — 2023-yillar davrida Oʻzbekiston Respublikasida jismoniy tarbiya va ommaviy sportni rivojlantirish konsepsiyasini amalga oshirish:
aholini, ayniqsa, yoshlarni jismoniy tarbiya va ommaviy sport bilan shugʻullanishga keng jalb etish uchun qulay shart-sharoitlar yaratishga;
aholini jismoniy tarbiya va ommaviy sport mashgʻulotlari bilan qamrab olish tizimini boshqarishning innovatsion usullari joriy etilishini tezlashtirishga;
zamonaviy energiya va resurslarni tejaydigan innovatsion qurilish texnologiyalarini joriy etish, yangi texnologiyalarni hisobga olgan holda sport obyektlari va infratuzilmasini jihozlash va toʻliq jihozlash asosida umumtaʼlim va sport muassasalarining binolari va sport inshootlarini qurish, rekonstruksiya qilish va kapital taʼmirlashni kengaytirishga;
sportning ommaviy turlarini, shuningdek, boshqa qoʻshimcha omillar va yoʻnalishlarni (tibbiy, psixologik va shu kabilar) rivojlantirishga;
aholining barcha qatlamlari uchun koʻrsatiladigan jismoniy tarbiya-sogʻlomlashtirish va sport xizmatlarining sifati, dolzarbligi va xilma xilligini, manzilliligini oshirishga koʻmaklashadi.
Vazirlar Mahkamasining 2019-yil 13-fevraldagi 118-son qaroriga
2-ILOVA
2019 — 2023-yillar davrida Oʻzbekiston Respublikasida jismoniy tarbiya va ommaviy sportni rivojlantirish konsepsiyasini amalga oshirish
ChORA-TADBIRLARI DASTURI
Oldingi tahrirga qarang.

T/r

Tadbirlar nomi

Amalga oshirish shakli

Amalga oshirish muddatlari

Moliyalashtirish manbalari

Masʼul ijrochilar

I. Aholining barcha qatlamlarini, ayniqsa, yoshlarni jismoniy tarbiya va ommaviy sport bilan keng qamrab olishni taʼminlaydigan innovatsion shakllar va mexanizmlarni ishlab chiqish va joriy etishni tashkil etish

1.

Oʻtkaziladigan sport tadbirlarining ommaviyligi va muntazamliligini taʼminlagan, respublika mahallalari, tumanlari va mintaqalari boʻyicha tegishli hududlarda aholining jins-yosh tarkibi xususiyatlarini, ijtimoiy-iqtisodiy shart-sharoitlarni hisobga olgan holda sogʻlom turmush tarzini ommalashtirish, aholining barcha qatlamlarini jismoniy tarbiya va ommaviy sport bilan shugʻullanishga keng jalb etish ishlari doirasida sport muassasalari, ijro etuvchi hokimiyat va joylarda fuqarolarning oʻzini oʻzi boshqarish organlari oʻzaro hamkorligining namunaviy modelini ishlab chiqish va joriy etish.

Ijrochilarning qarorlari

2019-yil 20-fevral

Ijrochilar mablagʻlari, Jismoniy tarbiya va ommaviy sport tadbirlari Kalendar rejasi (keyingi oʻrinlarda kalendar reja deb ataladi) doirasida budjet mablagʻlari, xayriya ehsonlari

Jismoniy tarbiya va sport vazirligi, Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi, Yoshlar ittifoqi, Oila va xotin-qizlar davlat qoʻmitasi, Fuqarolarning oʻzini oʻzi boshqarish organlarini muvofiqlashtirish boʻyicha respublika kengashi, “Nuroniy” jamgʻarmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

2.

Quyidagilar:

maktabgacha taʼlim muassasalaridan boshlab taʼlim muassasalarida jismoniy tarbiyaning innovatsion usullarini takomillashtirish va qoʻllash;

sport xonalari, zallari va maydonchalarini zamonaviy asbob-uskunalar va inventar bilan jihozlash;

taʼlim muassasalarining jismoniy tarbiya-sport faoliyatini kadrlar bilan taʼminlash;

taʼlim muassasalarida futbol, velosport, stol tennisi, badminton, yengil atletika, voleybol, basketbol va boshqalar boʻyicha toʻgaraklar va seksiyalar tashkil etish yoʻli bilan bolalar va oʻsmirlarni jismoniy tarbiya va ommaviy sport bilan muntazam shugʻullanishga jalb etish.

Ijrochilarning qarorlari

2019-yil 30-fevral

Ijrochilar mablagʻlari, Xayriya ehsonlari

Jismoniy tarbiya va sport vazirligi, Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

3.

Barcha darajalardagi hokimliklar, mulkchilikning barcha shakllaridagi muassasalar, tashkilotlar va korxonalarda jismoniy tarbiya jamoalarini tashkil etish orqali aholini jismoniy tarbiya va ommaviy sport bilan muntazam shugʻullanishga jalb etish, ishlab chiqarish jismoniy tarbiyasini mehnat sharoitlarini yaxshilashga yoʻnaltirilgan tadbirlar tizimiga kiritish, futbol, velosport, stol tennisi, badminton, yengil atletika, voleybol, basketbol, marafon, yarimmarafon va boshqalar boʻyicha sport musobaqalarini muntazamlilik asosida (bir chorakda kamida 1-marta) oʻtkazish.

Ijrochilarning qarorlari

2019-yil 20-fevral

Ijrochilar mablagʻlari, xayriya ehsonlari

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirliklar va idoralar

4.

Quyidagilar:

Jismoniy tarbiya va sport vazirligi, Yoshlar ittifoqi, Oila va xotin-qizlar davlat qoʻmitasi, Oʻzini oʻzi boshqaruv organlari faoliyatini muvofiqlashtirish boʻyicha respublika kengashi, “Nuroniy” jamgʻarmasi

fuq�rolarning oʻzini oʻzi boshqarish organlarining sport maktablari, sport turlari boʻyicha federatsiyalar va klublar hamda boshqa sport tashkilotlari bilan oʻzaro hamkorligi boʻyicha memorandumlarni imzolash;

Memorandumlarni imzolash

2019-yil 30-aprel

Ijrochilar mablagʻlari

mahalla darajasida va ular oʻrtasida sport va fizkultura-ommaviy tadbirlar oʻtkazish yoʻli bilan yoshlarni maʼnaviy kamol topish va jismonan sogʻlom shaxslar boʻlish ruhida tarbiyalash, ularni foydali mashgʻulotlar bilan qamrab olishni, mafkuraviy tahdidlardan himoya qilishni taʼminlash boʻyicha ishlar doirasida fuqarolarning oʻzini oʻzi boshqaruv organlarining sport tashkilotlari bilan oʻzaro hamkorligining samarali mexanizmlarini ishlab chiqish va amalga oshirish.

Kalendar reja

Har yili

5.

Hayotning zamonaviy tendensiyalari va shart-sharoitlarini hisobga olgan holda bolalar va katta yoshdagilar, istalgan yoshdagi havaskor sportchilar va professionallar uchun moʻljallangan yangi shakldagi ommaviy jismoniy tarbiya va ommaviy tomosha tadbirlarini ishlab chiqish va joriy etish, tadbirlarning ishtirokchilar va tomoshabinlar uchun tomoshabopligi va jozibadorligini oshirish.

Ijrochilarning qarorlari

2019-yil 20-fevral

—

Jismoniy tarbiya va sport vazirligi

6.

Sport yulduzlari ishtirokida sport tadbirlari va ommaviy jismoniy tarbiya tadbirlari oʻtkazish uchun taʼlim muassasalari, ishlab chiqarish korxonalari, xususiy va biznes tuzilmalarning, sport muassasalarining sport infratuzilmasidan faol foydalanish, bolalar va barcha xohlovchilar uchun yetakchi professional trenerlarni jalb etgan holda ochiq mashqlar va dastxat-sessiyalarni tashkil etish.

Tashkiliy tadbirlar

2019-yil 10-mart

Ijrochilar mablagʻlari, Kalendar reja doirasida budjet mablagʻlari, xayriya ehsonlari

Jismoniy tarbiya va sport vazirligi, Sogʻliqni saqlash vazirligi, Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi, Yoshlar ittifoqi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

7.

Aholining turli qatlamlarini qamrab olishni kengaytirishga moʻljallangan oʻtkaziladigan “Sport — hayot tarzi” sport va jismoniy tarbiya — ommaviy mavzuli tadbirlarning turlari xilma-xil boʻlishi va tez-tez oʻtkazilishini, yangi media-texnologiyalardan foydalangan holda faol ishtirokchilarni moddiy va maʼnaviy ragʻbatlantirish choralarini taʼminlash.

“Sport — hayot tarzi” sport va jismoniy tarbiya-ommaviy mavzuli tadbirlarni oʻtkazish boʻyicha Kalendar rejani ishlab chiqish va tasdiqlash, shuningdek, uni ommaviy axborot vositalari va media-texnologiyalar boʻyicha tarqatish.

Aholining turli qatlamlarini jalb etgan holda Kalendar rejaga muvofiq “Sport — hayot tarzi” sport va jismoniy tarbiya — ommaviy mavzuli tadbirlar oʻtkazish.

Tadbirlarning faol ishtirokchilarini moddiy va maʼnaviy ragʻbatlantirishni taʼminlash.

Tashkiliy tadbirlar

Kalendar rejaga muvofiq

Ijrochilar mablagʻlari, Kalendar reja doirasida budjet mablagʻlari

Jismoniy tarbiya va sport vazirligi, Sogʻliqni saqlash vazirligi, Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi, Yoshlar ittifoqi, Oila va xotin-qizlar davlat qoʻmitasi, Fuqarolarning oʻzini oʻzi boshqarish organlarini muvofiqlashtirish boʻyicha respublika kengashi, “Nuroniy” jamgʻarmasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

8.

Toshkent shahridagi ixtisoslashtirilgan sport taʼlim muassasalarida va chet eldagi yetakchi sport markazlarida taʼlim olish uchun mintaqalardan iqtidorli bolalarni tanlash maqsadida sportning ommaviy turlari boʻyicha sport taʼlim muassasalari oʻrtasida, ayniqsa, qizlar uchun muntazam ravishda mintaqaviy sport musobaqalari oʻtkazish.

Tashkiliy tadbirlar

Kalendar rejaga muvofiq

Ijrochilar mablagʻlari, Kalendar reja doirasida budjet mablagʻlari

Jismoniy tarbiya va sport vazirligi, Maktabgacha taʼlim vazirligi, Xalq taʼlimi vazirligi, Ol�y va oʻrta maxsus taʼlim vazirligi, Yoshlar ittifoqi, Fuqarolarning oʻzini oʻzi boshqarish organlarini muvofiqlashtirish boʻyicha respublika kengashi

9.

Voyaga yetmagan bolalarning jismoniy tarbiya va ommaviy sport bilan shugʻullanishiga ota-onalar tomonidan qarshilik koʻrsatish hollarining oldini olish maqsadida fuqarolarning oʻzini oʻzi boshqarish organlari tomonidan doimiy monitoring olib borish mexanizmini joriy etish.

Tashkiliy tadbirlar

2019-yil 30-may

—

Jismoniy tarbiya va sport vazirligi, Xalq taʼlimi vazirligi, Oliy va oʻrta maxsus taʼlim vazirligi, Yoshlar ittifoqi, Oila va xotin-qizlar davlat qoʻmitasi, Fuqarolarning oʻzini oʻzi boshqarish organlarini muvofiqlashtirish boʻyicha respublika kengashi, “Nuroniy” jamgʻarmasi

10.

Aholining ijtimoiy muhofaza qilinmagan qatlamlari va qulayroq shart-sharoitlardagi fuqarolar uchun jismoniy tarbiya va ommaviy sport bilan shugʻullanish uchun teng imkoniyatlar yaratish, aholining kam taʼminl�ngan qatlamlari (daromadning past darajasi, toʻliq boʻlmagan oila, shu kabilar) bolalari shugʻullanadigan sport muassasalari faoliyatini, shuningdek, chekka tumanlarda (shu jumladan, togʻlik joylar va anklavlar) joylashgan sport muassasalari faoliyatini qoʻshimcha ravishda qoʻllab-quvvatlash.

Aholining ijtimoiy himoyalanmagan qatlamlari va fuqarolar uchun jismoniy tarbiya va ommaviy sport bilan shugʻullanish uchun imtiyozli shart-sharoitlar yaratish chora-tadbirlarini koʻrish.

Shu jumladan aholining kam taʼminlangan qatlamlari sirasiga kiradigan bolalar shugʻullanadigan chekka tumanlarda joylashgan sport muassasalarini sport asbob-uskunalari va inventar bilan jihozlash uchun Jismoniy tarbiya va sportni rivojlantirish jamgʻarmasi hisobiga mablagʻlar ajratish.

Tashkiliy tadbirlar

2019-yil 30-sentabr

—

Jismoniy tarbiya va sport vazirligi, Xalq taʼlimi vazirligi, Oliy va oʻrta maxsus taʼlim vazirligi, Yoshlar ittifoqi, Oila va xotin-qizlar davlat qoʻmitasi, Fuqarolarning oʻzini oʻzi boshqarish organlarini muvofiqlashtirish boʻyicha respublika kengashi, “Nuroniy” jamgʻarmasi

II. Ilgʻor jahon tajribasi asosida jismoniy tarbiya va ommaviy sportni rivojlantirishni ilmiy-metodik taʼminlashni takomillashtirish

11.

Jismoniy tarbiya va ommaviy sport sohasida, shu jumladan, innovatsion gʻoyalar va texnologiyalarni ishlab chiqishni qoʻllab-quvvatlash uchun ilmiy-tadqiqot va innovatsion faoliyatni rivojlantirishga investitsiyalarni keng jalb etish, fuqarolarda kichik yoshdan boshlab sogʻlom turmush tarziga, jismoniy tarbiya va sport bilan shugʻullanishga, sogʻlom, kuchli va amaliy ijobiy qiziqishni singdirishga yoʻnaltirilgan tizimning yanada rivojlanishini taʼminlaydigan normativ-huquqiy bazani shakllantirish.

Kompleks tadbirlar

2019-yil 25-iyul

—

Jismoniy tarbiya va sport vazirligi, Sogʻliqni saqlash vazirligi, Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi

12.

Yangilangan oʻquv rejalari va dasturlar talablarini, shuningdek, yetakchi jahon sport markazlarining ilgʻor tajribasini, innovatsion rivojlanishning tegishli ustuvorliklarini hisobga olgan holda ishlab chiqilgan sifati va mazmuniga koʻra zamonaviy oʻquv, oʻquv-metodik va ommaviy adabiyotlarni, yangi avlod normativ hujjatlarni tayyorlash va nashr etishni tashkil etish.

Oʻquv, oʻquv-metodik adabiyotlarni tayyorlash va nashr etish

2019 — 2023-yillar

Ajratilgan budjet mablagʻlari doirasida, ijrochilarning budjetdan tashqari mablagʻlari

Jismoniy tarbiya va sport vazirligi, Sogʻliqni saqlash vazirligi, Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi Moliya vazirligi

13.

“Jismoniy tarbiya va sport” ixtisoslashtirilgan nashriyot markazi faoliyatini tashkil etish. Ushbu mavzu boʻyicha matbaa mahsulotlarini tayyorlash, nashr etish va tarqatish, shu jumladan, jismoniy tarbiya va ommaviy sport sohasidagi ilgʻor ilmiy-metodik adabiyotlarni oʻzbek va rus tillariga tarjima qilish ushbu noshirlik markazining asosiy maqsadlari va faoliyati yoʻnalishlari boʻlishi kerak.

Kompleks tadbirlar

2019-yil 1-iyul

Ajratilgan budjet mablagʻlari doirasida, ijrochilarning budjetdan tashqari mablagʻlar�

Jismoniy tarbiya va sport vazirligi

14.

Sportning ommaviy turlari boʻyicha oʻzbek va rus tillarida elektron taʼlim resurslarida mashq jarayonini tashkil etish va oʻtkazish boʻyicha metodik tavsiyalarning ochiq respublika maʼlumotlar bazasini tashkil etish.

Ijrochilarning qarorlari

2019-yil 20-aprel

Ijrochilar mablagʻlari, Jismoniy tarbiya va sportni rivojlantirish jamgʻarmasi mablagʻlari

Jismoniy tarbiya va sport vazirligi, Oila va xotin-qizlar davlat qoʻmitasi, Fuqarolarning oʻzini oʻzi boshqarish organlarini muvofiqlashtirish boʻyicha respublika kengashi

III. Yangicha fikrlaydigan trener kadrlarni tanlash va tayyorlashni tashkil etish

15.

Muayyan koʻnikma va sifatlarga ega boʻlgan abituriyentlarning trenerlik kasbida ishlashga ishtiyoqini aniqlash uchun Oʻzbekiston davlat jismoniy tarbiya va sport universitetiga talabalarni tanlash jarayonini takomillashtirish.

Tashkiliy tadbirlar

2019-yil 10-iyun

—

Jismoniy tarbiya va sport vazirligi, Oliy va oʻrta maxsus taʼlim vazirligi

16.

Oliy taʼlim muassasalari va malaka oshirish markazlarida jismoniy tarbiya va sport yoʻnalishlari boʻyicha oʻquv dasturlarini yangilash, amaliy komponentlar ulushini koʻpaytirish, yuqori natijalarni namoyish qiluvchi eng tajribali trenerlar rahbarligida mashgʻulotlarni muntazamlilik asosida oʻtkazish amaliyotini joriy etish.

Kompleks tadbirlar

2019-yil 20-avgust

—

Jismoniy tarbiya va sport vazirligi, Oliy va oʻrta maxsus taʼlim vazirligi

17.

Respublikada hamma joyda oʻquv-mashq jarayoniga yetakchi jahon mutaxassislarini tizimli asosda jalb etishni tashkil etishga koʻmaklashish.

Ijrochilarning qarorlari

2019 — 2023-yillar

Ijrochilar mablagʻlari

Jismoniy tarbiya va sport vazirligi, Milliy olimpiya qoʻmitasi

18.

Sport tayyorgarligi eng muvaffaqiyatli tizimga ega boʻlgan mamlakatlardan mutaxassislarni jalb etib, yangicha fikrlaydigan trenerlar va maʼmuriy kadrlarni tayyorlash uchun eng yangi sport texnologiyalaridan foydalanib, sport ixtisosligidagi xorijiy oliy taʼlim muassasalari va sportchilarni tayyorlash markazlarining filiallarini tashkil etish.

Oʻzaro hamkorlik haqida memorandum

2019 — 2023-yillar

Ijrochilar mablagʻlari

Jismoniy tarbiya va sport vazirligi, Oliy va oʻrta maxsus taʼlim vazirligi

19.

Jismoniy tarbiya va sport yoʻnalishi boʻyicha sirtqi boʻlimlarga oliy taʼlim muassasalariga oʻqishga qabul qilish kvotalarini koʻpaytirish, shuningdek, Oʻzbekiston Respublikasi Jismoniy tarbiya va sport vazirligining taqdimnomasi boʻyicha respublikaning trener kadrlar yetishmaydigan chekka togʻli va choʻl tumanlaridan (shaharlaridan) abituriyentlarni imtiyozli oʻqishga qabul qilish uchun kvotalar ajratish.

Ijrochilarning qarorlari

2019-yil 10-iyun

Ajratilgan budjet mablagʻlari doirasida, ijrochilarning budjetdan tashqari mablagʻlari

Jismoniy tarbiya va sport vazirligi, Oliy va oʻrta maxsus taʼlim vazirligi, Iqtisodiyot vazirligi

20.

Trener kasbining yuqori maqomi va nufuzini taʼminlashga qaratilgan chora-tadbirlar koʻrish, oʻzini oʻzi toʻlaqonli namoyon qilish va professional oʻsish uchun qulay shart-sharoitlar va imkoniyatlar yaratish, davlatning muvaffaqiyatli rivojlanishi uchun yosh avlodni tarbiyalash bilan shugʻullanadigan inson sifatida trenerning ijobiy qiyofasini shakllantirish.

Tuman, ayniqsa chekka tumanlar (shahar) sport maktablari, Olimpiya zaxiralari ixtisoslashtirilgan maktab-internatlar trenerlarini viloyat va respublika darajasida sport turlari boʻyicha terma jamoalar bilan oʻquv-mashq yigʻinlarida ishtirok etishga jal? qilish.

Tuman va viloyat darajasidagi sport maktablari trenerlarining malakasini yanada oshirish.

Tashkiliy tadbirlar

2019-yil 25-mart

—

Jismoniy tarbiya va sport vazirligi, Oliy va oʻrta maxsus taʼlim vazirligi, Yoshlar ittifoqi, Oila va xotin-qizlar davlat qoʻmitasi, Fuqarolarning oʻzini oʻzi boshqarish organlarini muvofiqlashtirish boʻyicha respublika kengashi, “Nuroniy” jamgʻarmasi

IV. Innovatsion fikrlaydigan maʼmuriy kadrlarni tayyor�ash va tanlashni tashkil etish

21.

Jismoniy tarbiya va ommaviy sport sohasiga maʼmuriy kadrlar tayyorlash jarayoniga sportni boshqarishning maxsus dasturlarini joriy etish, professionallar, menejerlar, sport tibbiyot xodimlari va psixologlar uchun seminarlar oʻtkazish, Sport Management (sportni boshqarish), Sport Leadership (sportda rahbarlik qilish), Sport Administration (sport maʼmuriyatchiligi) yoʻnalishlari boʻyicha yetakchi jahon sport markazlarida tajriba orttirishlarni tashkil etish.

Kompleks tadbirlar

2019-2020-yillar

Ijrochilar mablagʻlari, Kalendar reja doirasida budjet mablagʻlari, Jismoniy tarbiya va sport vazirligining budjetdan tashqari “Sport” maxsus hisob raqami mablagʻlari

Jismoniy tarbiya va sport vazirligi, Oliy va oʻrta maxsus taʼlim vazirligi

22.

Sport muassasalari rahbarlarining ular oʻrtasida tajriba almashishni ragʻbatlantirish, rivojlantirish boʻyicha dasturlarda tizimli ishtirok etishini taʼminlash, shuningdek, ishning ilgʻor va eng sa�arali usullarini oʻzlashtirishga intilishda ularni qoʻllab-quvvatlash.

Tashkiliy tadbirlar

Har yili

Ijrochilar mablagʻlari

Jismoniy tarbiya va sport vazirligi, Oliy va oʻrta maxsus taʼlim vazirligi

23.

Jismoniy tarbiya va ommaviy sport sohasida davlat siyosati oʻz vaqtida, sifatli va toʻliq koʻlamda amalga oshirilishi uchun Oʻzbekiston Respublikasi Jismoniy tarbiya va sport vazirligi hududiy boʻlinmalari va ularning rahbarlarining mustaqilligini oshirish va masʼuliyatini kuchaytirish.

Tashkiliy tadbirlar

2019-yil 15-iyun

—

Jismoniy tarbiya va sport vazirligi

V. Sport tibbiyotini takomillashtirish, sogʻlom turmush tarzi va sogʻlom ovqatlanishni targʻib qilish chora-tadbirlarini ishlab chiqish va amalga oshirish

24.

Taʼlim muassasalarining oʻquv dasturlariga oʻquvchilarning jismoniy faolligini ragʻbatlantiruvchi sogʻlom turmush tarzi yuritish koʻnikmalarini shakllantirish va sogʻlom ovqatlanish boʻyicha tadbirlar va maxsus kurslarni kiritish.

Tashkiliy tadbirlar

Muntazam ravishda

—

Jismoniy tarbiya va sport vazirligi, Sogʻliqni saqlash vazirligi

25.

Xususiy imoratlar uylarida va koʻp kvartirali uylarda yashaydigan shaxslarning yaqinda joylashgan ijtimoiy maqsaddagi obyektlarning (taʼlim, tibbiyot, sport va dam olish muassasalari) jismoniy tarbiya-sogʻlomlashtirish va sport inshootlaridan foydalanishini taʼminlash yoʻli bilan ular uchun jismoniy faollikni majburiy qoʻllab-quvvatlash mexanizmlarini joriy etish.

Taʼlim, sport va dam olish muassasalarida sportning ommaviy turlari boʻyicha sport toʻgaraklari va seksiyalarini tashkil etish.

Malakali mutaxassislarni jalb etgan holda tibbiyot jismoniy tarbiya-sogʻlomlashtirish obyektlarida davolovchi jismoniy tarbiyani tashkil etish.

Kompleks tadbirlar

Doimo

—

Jismoniy tarbiya va sport vazirligi, Sogʻliqni saqlash vazirligi, Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Yoshlar ittifoqi, Oila va xotin-qizlar davlat qoʻmitasi, Fuqarolarning oʻzini oʻzi boshqarish organlarini muvofiqlashtirish boʻyicha respublika kengashi, “Nuroniy” jamgʻarmasi

26.

Sportchilar va jismoniy tarbiya bilan shugʻullanuvchi shaxslarning tibbiy xizmatlardan foydalanishini kengaytirish va tibbiy taʼminlash sifatini oshirish, aholini sogʻlomlashtirish uchun jismoniy tarbiyadan faol va samarali foydalanish.

Sport turlari boʻyicha terma jamoalar aʼzolarini bir yilda kamida ikki marta sport tibbiyoti boʻlinmalarining koʻp ixtisosli tibbiyot markazlarida chuqurlashtirilgan tibbiy koʻrikdan oʻtkazish. Sogʻlomlashtirish va sogʻlom turmush tarzi vositasi sifatida aholi uchun jismoniy tarbiya va sportni targʻib qilish.

Tashkiliy tadbirlar

Muntazam ravishda

—

Jismoniy tarbiya va sport vazirligi, Sogʻliqni saqlash vazirligi, Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Yoshlar ittifoqi, Oila va xotin-qizlar davlat qoʻmitasi, Fuqarolarning oʻzini oʻzi boshqarish organlarini muvofiqlashtirish boʻyicha respublika kengashi, “Nuroniy” jamgʻarmasi

27.

Reabilitatsiya qiluvchi tibbiyot sohasida innovatsion usullar va texnologiyalardan keng foydalangan holda sportda intensiv jismoniy yuklamalardan, shuningdek, sportchilar va aholi kasallikni boshdan kechirganidan, jarohatlanganidan keyin tiklash tadbirlarini amalga oshirishda sifatli tibbiy yordam koʻrsatilishini tizimli asosda tashkil etish.

Tashkiliy tadbirlar

2019-2020-yillar

Ijrochilar mablagʻlari, Kalendar reja doirasida budjet mablagʻlari

Jismoniy tarbiya va sport vazirligi, Sogʻliqni saqlash vazirligi

28.

Aholi sogʻlom turmush tarzining asosi sifatida sogʻlom ovqatlanishni keng tushuntirish ishlarini tashkil etish va targʻib qilishni kuchaytirish.

Tashkiliy tadbirlar

2019-yil 25-mart

—

Jismoniy tarbiya va sport vazirligi, Sogʻliqni saqlash vazirligi

29.

Oziq-ovqat mahsulotlarining sifati va xavfsizligiga qoʻyilayotgan zamonaviy talablarga muvofiq oziq-ovqat xomashyosining asosiy turlarini mahalliy ishlab chiqarishni kengaytirish, almashtirib boʻlmaydigan komponentlar, sport bilan shugʻullanuvchilar uchun maxsus oziq-o�qat mahsulotlari va ovqatga qoʻshiladigan biologik faol qoʻshimchalar bilan boyitilgan oziq-ovqat mahsulotlari ishlab chiqarishni rivojlantirish.

Kompleks tadbirlar

2019-yil 20-may

—

Jismoniy tarbiya va sport vazirligi, Sogʻliqni saqlash vazirligi, Fanlar akademiyasi, “Oʻzbekoziqovqatxolding” XK

VI. Seleksiya, seleksioner trenerlar faoliyatini qoʻllab-quvvatlash chora-tadbirlarini kuchaytirish yoʻli bilan isteʼdodli sportchilarni tanlash

30.

Isteʼdodli sportchilarni tanlash va ularning natijalarini nazorat qilish boʻyicha mintaqaviy kengashlar tashkil etish, ularni maqsadli tayyorlash, iqtidorli sportchilarni ixtisoslashtirilgan sport maktablariga, taʼlim muassasalari va sport klublariga tanlashda shaffoflik va xolislikni taʼminlash chora-tadbirlarini amalga oshirish.

Ijrochilarning qarorlari

2019-yil 25-aprel

—

Jismoniy tarbiya va sport vazirligi, Oʻzbekiston Milliy olimpiya qoʻmitasi, sport federatsiyalari (uyushmalar)

31.

Isteʼdodli sportchilarni aniqlash uchun sport turlari boʻyicha respublika musobaqalari oʻtkazilishini, shu jumladan, uch bosqichli “Umid nihollari”, “Barkamol avlod” va “Universiada” sport musobaqalarining barcha bosqichlari tanqidiy tahlil qilinishini va monitoring olib borilishini joriy etish.

Kompleks tadbirlar

Doimo

—

Jismoniy tarbiya va sport vazirligi, Oʻzbekiston Milliy olimpiya qoʻmitasi, sport federatsiyalari (uyushmalar)

32.

Jismoniy tarbiya va sport tur�ari boʻyicha sport sohasida ixtisoslashayotgan sport maktablari, taʼlim muassasalari va sport klublari oʻrtasida mintaqaviy, milliy va xalqaro oʻquv-mashq yigʻinlari oʻtkazish.

Ijrochilarning qarorlari

Kalendar rejaga muvofiq

Ijrochilar mablagʻlari, Kalendar reja doirasida budjet mablagʻlari

Jismoniy tarbiya va sport vazirligi, Oʻzbekiston Milliy olimpiya qoʻmitasi, sport federatsiyalari (uyushmalar)

33.

Sport turlari boʻyicha Oʻzbekiston chempionatlari gʻoliblari va sovrindorlarining jahon chempionatlari, Osiyo oʻyinlari va boshqa xalqaro musobaqalarda ishtirokini taʼminlash chora-tadbirlarini koʻrish.

Ijrochilarning qarorlari

Kalendar rejaga muvofiq

Ijrochilar mablagʻlari, Kalendar reja doirasida budjet mablagʻlari

Jismoniy tarbiya va sport vazirligi, Oʻzbekiston Milliy olimpiya qoʻmitasi, sport federatsiyalari (uyushmalar)

34.

Sport turlari boʻyicha innovatsion tafakkurli seleksioner trenerlarni tayyorlash va qayta tayyorlashni tashkil etish.

Jismoniy tarbiya va sport boʻyicha mutaxassislarni ilmiy-metodik taʼminlash, ularni qayta tayyorlash va malakasini oshirish markazida sport turlari boʻyicha seleksioner trenerlarni tayyorlash va qayta tayyorlash boʻyicha boʻlinma ochish.

Seleksioner trenerlar tayyorlash va qayta tayyorlash amaliyotini oʻrganish va ilgʻor tajribani joriy etish.

Ijrochilarning qarorlari

2019-yil 25-iyul

Ijrochilar mablagʻlari, Kalendar reja doirasida budjet mablagʻlari

Jismoniy tarbiya va sport vazirligi, Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi, Oʻzbekiston Milliy olimpiya qoʻmitasi, Yoshlar ittifoqi, sport federatsiyalari (uyushmalar)

VII. Jismoniy tarbiya va ommaviy sportni, sogʻlom turmush tarzini ommalashtirish ishlarini tashkil etish va amalga oshirish jarayonida yuqori darajali axborotlashtirishni va multimedia mahsulotlaridan foydalanishni taʼminlash

35.

Barcha sport muassasalarining butunjahon Internet axborot tarmogʻidan foydalanishi chora-tadbirlarini koʻrish, Oʻzbekiston Respublikasi Jismoniy tarbiya va sport vazirligining zamonaviy jozibador saytini yaratish va uning doimiy ishlashini taʼminlash.

Kompleks chora-tadbirlar

2019-yil 10-aprel

—

Jismoniy tarbiya va sport vazirligi, Oʻzbekiston Milliy olimpiya qoʻmitasi, sport federatsiyalari (uyushmalar)

36.

“Sport — hayot tarzi” xeshtegi ostida jismoniy tarbiya va ommaviy sportni ommaviylashtirish kompaniyasini tashkil etish va ijtimoiy tarmoqlarda ilgari siljitish, SPORTS.UZ axborot portalini yaratish, Oʻzbekiston Respublikasi Jismoniy tarbiya va sport vazirligining vazirlikning asosiy vazifalari va faoliyati ustuvorliklariga yangicha yondashuvlarni aks ettiruvchi l�gotipini yaratish.

Tashkiliy tadbirlar

2019-yil 10-may

Ijrochilar mablagʻlari

Jismoniy tarbiya va sport vazirligi

37.

Dolzarb yoʻnalishlarda — jamoatchilik fikri monitoringi, ijtimoiy soʻrovlar oʻtkazishda (Oʻzbekiston Respublikasi Jismoniy tarbiya va sport vaziri bilan aloqa qilish liniyasini ochish, voqealar kalendari, mashqlar organayzeri, aholi faolligi monitoringi) iSPORT mobil tarmoqlari uchun sport ilovalarini ishlab chiqish.

Kompleks tadbirlar

2019 — 2023-yillar

Jismoniy tarbiya va sport vazirligining budjetdan tashqari “Sport” maxsus hisob raqami mablagʻlari

Jismoniy tarbiya va sport vazirligi

38.

Axborot texnologiyalarini va multimedia mahsulotlarini rivojlantirishda zamonaviy tendensiyalarni hisobga olgan holda oʻquv-mashq jarayoni kompyuterlashtirilishi darajasini oshirish.

Tashkiliy tadbirlar

Doimo

—

Jismoniy tarbiya va sport vazirligi

39.

Aholi orasida sogʻlom turmush tarzi koʻnikmalari va jismoniy faollikni targʻib qilish va bunday koʻnikmalarni shakllantirishning foydasi boʻyicha axborot-maʼrifiy faoliyatni kuchaytirish.

Kompleks tadbirlar

Doimo

—

Jismoniy tarbiya va sport vazirligi, Sogʻliqni saqlash vazirligi

40.

Jismoniy tarbiya va sportning milliy integratsiyalashtirilgan axborot tizimini, shu jumladan, sportchilar faoliyatini roʻyxatga olish va hisobga olish boʻyicha — “Skm-sportsmen”, trenerlarning maʼlumotlar bazasini taʼminlash boʻyicha — “Skm-trener” va respublikaning jismoniy tarbiya-sogʻlomlashtirish va sport inshootlarini pasportlashtirishni taʼminlash boʻyicha — “Skm-sportinshoot” axborot tizimlari orqali sport natijalari monitoringi va yutuqlarni baholash tizimlarini tashkil etish.

Oʻzbekiston Respublikasi Hukumati qarorlari

2019-yil 10-fevral

Jismoniy tarbiya va sportni rivojlantirish jamgʻarmasi mablagʻlari

Jismoniy tarbiya va sport vazirligi

41.

Sport obyektlarida zamonaviy axborot texnologiyalarini (turniketlar, videokuzatuv, hisobot berishning yagona tizimi, mablagʻlar tushishi�ing yagona bazasi va boshqalar) joriy etish.

Sport obyektlarida zamonaviy axborot texnologiyalarini joriy etishga qoʻyiladigan eng kam talablarni belgilash;

davlat-xususiy sheriklik shartlarida sport obyektlarida zamonaviy axborot texnologiyalarini joriy etish boʻyicha tadbirkorlik subyektlarining takliflarini jalb etish va ularning eng yaxshilarini tanlash.

Kompleks tadbirlar

2019-yil 30-may

Ijrochilar mablagʻlari va xayriya ehsonlari

Madaniyat obyektlari va muassasalarida zamonaviy axborot texnologiyalarini joriy etish boʻyicha ishchi guruh, Jismoniy tarbiya va sport vazirligi, Maktabgacha taʼlim vazirligi, Xalq taʼlimi vazirligi, Oliy va oʻrta maxsus taʼlim vazirligi, Sogʻliqni saqlash vazirligi

42.

Ilgʻor xorijiy tajriba (Koreya, Xitoy, Turkiya, Germaniya, Buyuk Britaniya) asosida jismoniy tarbiya va ommaviy sport sohasida axborot va statistika maʼlumotlarini toʻplash va ularni puxta ishlash tizimi va usullarini takomillashtirish.

Kompleks tadbirlar

2020-yil mart

Ijrochilar mablagʻlari

Jismoniy tarbiya va sport vazirligi

VIII. Energiya va resurslarni tejaydigan texnologiyalarni faol joriy etish asosida davlat sport muassasalarining moddiy-texnika bazasini mustahkamlash

43.

Zamonaviy energiya va resurslarni tejaydigan, innovatsion qurilish texnologiyalarini faol joriy etish va ulardan foydalanish asosida sport muassasalari infratuzilmasi binolari va obyektlarini, shuningdek, umumtaʼlim muassasalarining sport inshootlarini bosqichma-bosqich qurish, rekonstruksiya qilish va kapital taʼmirlashni davom ettirish boʻyicha takliflar tayyorlash.

Takliflarni tayyorlash

2019 ?il 15-iyun

Jismoniy tarbiya va sport vazirligi jamgʻarmasi mablagʻlari

Jismoniy tarbiya va sport vazirligi, Jismoniy tarbiya va sport vazirligi jamgʻarmasi mablagʻlari, Moliya vazirligi

44.

Umumtaʼlim maktablari va sport muassasalarini eng yangi texnologiyalardan foydalangan holda zamonaviy ergonomik va ekologik mebel, tegishli uskunalar, zamonaviy sport inventari bilan bosqichma-bosqich jihozlash va toʻliq jihozlashni davom ettirish.

Kompleks tadbirlar

2019-yil 10-iyul

Jismoniy tarbiya va sport vazirligi jamgʻarmasi mablagʻlari

Jismoniy tarbiya va sport vazirligi, Jismoniy tarbiya va sport vazirligi jamgʻarmasi mablagʻlari, Moliya vazirligi

45.

Mintaqalarning hududiy-iqlim xususiyatlarini hisobga olgan, taniqli xorijiy kompaniyalarning ilgʻor tajribasi asosida qurilish materiallaridan, zamonaviy energiya va resurslarni tejaydigan texnologiyalardan foydalangan holda sport obyektlari loyihalarini ishlab chiqish uchun Jismoniy tarbiya va sportni rivojlantirish jamgʻarmasi huzurida ixtisoslashtiri�gan loyiha institutini tashkil etish boʻyicha takliflar tayyorlash.

Takliflarni tayyorlash

2019-yil 1-aprel

Budjet mablagʻlari, Jismoniy tarbiya va sportni rivojlantirish jamgʻarmasi mablagʻlari

Jismoniy tarbiya va sport vazirligi, Jismoniy tarbiya va sportni rivojlantirish jamgʻarmasi, Moliya vazirligi, Qurilish vazirligi

IX. Jismoniy tarbiya va ommaviy sportni, shuningdek, sogʻlom turmush tarzini ommalashtirish boʻyicha innovatsion chora-tadbirlarni ishlab chiqish va amalga oshirish

46.

Ommaviy axborot vositalari, radio, televideniye, butunjahon Internet axborot tarmogʻi, bosma mahsulotlar, mulkchilik shakllaridan qatʼi nazar taʼlim muassasalari, korxonalar va tashkilotlarda jismoniy tarbiya va sport bilan muntazam shugʻullanuvchi odamlarning imkoniyatlari va yutuqlarini namoyish qiluvchi tadbirlarni yoritish, shu jumladan, koʻrgazmali materiallar va maʼruza shakllaridan faol foydalanish, jismoniy tarbiya va sport masalalari boʻyicha yagona axborot muhitini shakllantirishdan keng foydalanish yoʻli bilan turli yosh guruhlari orasida jismoniy tarbiya va ommaviy sportni, sogʻlom turmush tarzini, salbiy hodisalar profilaktikasini targʻib qilish boʻyicha ishlarni tizimli asosda kompleks tashkil etish va amalga oshirishga yoʻnaltirilgan doimiy ishlaydigan axborot-targʻibot tizimini shakllantirish.

Tashkiliy tadbirlar

2019-yil 30-iyun

Ijrochilar mablagʻlari

Jismoniy tarbiya va sport vazirligi, Jismoniy tarbiya va sportni rivojlantirish jamgʻarmasi, Moliya vazirligi, Qurilish vazirligi, Iqtisodiyot va sanoat vazirligi

47.

Aholining barcha qatlamlarida jismoniy tarbiya va ommaviy sport bilan muntazam shugʻullanishdan manfaatdorlikni shakllantirish sohasida axborot va taʼlim vositalari samaradorligini oshirish.

Jismoniy tarbiya va sportning vositalarini qoʻllashning foydasini targʻib qiluvchi telekoʻrsatuvlar tayyorlash va namoyish qilish;

Aholini jismoniy tarbiya va ommaviy sport bilan muntazam shugʻullanishga jalb etish boʻyicha sotsiologik soʻrovlar va tadqiqotlar, reklama kompaniyalari oʻtkazish va ijtimoiy roliklarni namoyish qilish;

Teleradio kanallarida jismoniy tarbiya va sport vositalarini qoʻllash masalalari boʻyicha keng tushuntirish ishlarini, shu jumladan, studiyadagi mavzuli va koʻchma telekoʻrsatuvlar va radioeshittirishlar turkumlarini, tok-sho�larni tashkil etish.

Kompleks tadbirlar

2019-yil 20-noyabr

—

Jismoniy tarbiya va sport vazirligi, Oʻzbekiston Milliy axborot agentligi, Oʻzbekiston Milliy teleradiokompaniyasi

48.

Ommalashtirish jarayonining uzluksizligini taʼminlash, ommaviy dam olish joylarida va yashash joyida shaxsga (oila, maktabgacha, maktab, oʻrta kasb-hunar va oliy taʼlim muassasalari, ishlab chiqarish jamoalari) tarbiyaviy taʼsir koʻrsatishning uzviyligiga rioya qilish.

Tashkiliy tadbirlar

2019-yil 20-may

—

Jismoniy tarbiya va sport vazirligi, Maktabgacha taʼlim vazirligi, Xalq taʼli?i vazirligi, Oliy va oʻrta maxsus taʼlim vazirligi, Yoshlar ittifoqi, sport federatsiyalari (uyushmalar)

49.

Jismoniy tayyorgarlikning yuqori darajasiga erishishda fuqarolarning jismoniy faolligini ragʻbatlantirish, sogʻlom turmush tarzining muhim elementi sifatida sport faolligini mustahkamlash.

Aholining turli qatlamlari orasida sport va jismoniy tarbiya — ommaviy tadbirlarni muntazam oʻtkazish, gʻoliblar va sovrindorlarni qimmatbaho sovrinlar bilan ragʻbatlantirish, shuningdek, har xil nominatsiyalar boʻyicha faol ishtirokchilarni sovrinlar bilan ragʻbatlantirish.

Musobaqalarning gʻoliblari va sovrindorlarini “Alpomish” va “Barchinoy”ning jismoniy tayyorgarligi va salomatligi holatini aniqlash boʻyicha test sinovdan oʻtkazish va ragʻbatlantirish.

Tashkiliy tadbirlar

Doimo

Kalendar reja doirasida budjet mablagʻlari, Jismoniy tarbiya va sport vazirligining budjetdan tashqari “Sport” maxsus hisob raqami mablagʻlari

Jismoniy tarbiya va sport vazirligi, Yoshlar ittifoqi, Oila va xotin-qizlar davlat qoʻmitasi, Fuqarolarning oʻzini oʻzi boshqarish organlarini muvofiqlashtirish boʻyicha respublika kengashi, “Nuroniy” jamgʻarmasi

50.

Sogʻlom turmush tarzini targʻib qiluvchi bosma va koʻrgazmali mahsulotlarni tarqatish, teleradio dasturlarini namoyish qilish va Internet resurslarini shakllantirish, jismoniy tarbiya va ommaviy sportni ommalashtirishga yetakchi sport mutaxassislarini, sportchilar, siyosatchilar, jamoat arboblarini jalb etish, ijtimoiy reklamadan foydalanish.

Kompleks tadbirlar

2019-yil 15-aprel

Bajaruvchilar mablagʻlari

Jismoniy tarbiya va sport vazirligi, Oʻzbekiston Milliy axborot agentligi, Oʻzbekiston milliy teleradiokompaniyasi

51.

Davlat, jamoat tashkilotlari, biznes-tuzilmalar va xususiy shaxslarning mavzuli nominatsiyalari boʻyicha sovrinlari uchun “Sport bayrami” milliy festivali, marafonlar, sport musobaqalari va birinchiliklarini muntazamlilik asosida tashkil etish va oʻtkazish.

Tashkiliy tadbirlar

2019 yil 10-oktabr

Kalendar reja doirasida budjet mablagʻlari, Jismoniy tarbiya va sportni rivojlantirish jamgʻarmasi mablagʻlari

Jismoniy tarbiya va sport vazirligi, Yoshlar ittifoqi, Oila va xotin-qizlar davlat qoʻmitasi, Fuqarolarning oʻzini oʻzi boshqarish organlarini muvofiqlashtirish boʻyicha respublika kengashi, “Nuroniy” jamgʻarmasi

(2-ilova Oʻzbekiston Respublikasi Vazirlar Mahkamasining 2022-yil 9-avgustdagi 438-sonli qarori tahririda — Qonunchilik maʼlumotlari milliy bazasi, 10.08.2022-y., 09/22/438/0726-son)
(Qonun hujjatlari maʼlumotlari milliy bazasi, 14.02.2019-y., 09/19/118/2612-son; 27.06.2020-y., 09/20/411/1000-son; 08.07.2020-y., 09/20/429/1039-son, 13.08.2020-y., 09/20/481/1169-son; Qonunchilik maʼlumotlari milliy bazasi, 10.08.2022-y., 09/22/438/0726-son)