1.16.00.00.00 Xavfsizlik va huquq tartibot muhofazasi / 16.05.00.00 Shaxs xavfsizligi / 16.05.03.00 Pasport-viza tizimi. Doimiy yashash va vaqtincha turgan joyi boʻyicha roʻyxatga olish]
[TSZ:
1.Davlat va jamiyat qurilishi / Fuqarolik. Aholi. Pasport tizimi]
Oʻzbekiston Respublikasi Prezidentining
Farmoni
Oʻzbekiston Respublikasida 2022-yilda aholini roʻyxatga olishni oʻtkazish konsepsiyasini tasdiqlash toʻgʻrisida
LexUZ sharhi
Mazkur Farmon Oʻzbekiston Respublikasi Prezidentining 2025-yil 19-sentabrdagi PF-173-sonli “Oʻzbekiston Respublikasida aholi va qishloq xoʻjaligini roʻyxatga olish tadbirini oʻtkazish toʻgʻrisida”gi Farmoniga asosan oʻz kuchini yoʻqotgan.
Oʻzbekiston Respublikasi aholisi va uning farovonligi toʻgʻrisidagi ishonchli maʼlumot uzoq muddatli prognozlar va davlatning ijtimoiy-iqtisodiy rivojlanish maqsadli dasturlarini, yangi ish oʻrinlari tashkil etish va aholi bandligini taʼminlash dasturlarini ishlab chiqish, barqaror rivojlanish Milliy maqsadlari indikatorlarini shakllantirish, mehnat resurslari joylashuvi va ulardan foydalanish jarayonlarini oʻrganish, ilmiy tadqiqotlar olib borish uchun muhim poydevor hisoblanadi.
Birlashgan Millatlar Tashkiloti 2015-yil 10-iyundagi “2020-yilda aholi va uy-joy fondini roʻyxatga olish borasidagi prinsiplar va tavsiyalar” rezolyutsiyasiga tayanib, aʼzo-davlatlarni 2020-yilda Butunjahon aholi va uy-joy fondini roʻyxatga olish dasturi doirasida aholi va uy-joy fondini roʻyxatga olishga taalluqli xalqaro va hududiy tavsiyalarni inobatga olgan holda kamida bir marta aholi va uy-joy fondini roʻyxatga olishni oʻtkazishni qatʼiy daʼvat etadi.
Mustaqillik yillarida Oʻzbekiston Respublikasida aholini roʻyxatga olish oʻtkazilmagan. Aholi soniga, yosh-jins tarkibiga keskin taʼsir koʻrsatgan oʻzgarishlar, respublika hududidagi aholi joylashuvi xususiyatlari va boshqa ijtimoiy-demografik oʻziga xosliklar aholining joriy hisobiga oid mavjud maʼlumotlarni qoʻllashni sezilarli darajada cheklamoqda.
Birlashgan Millatlar Tashkiloti 2020-yilda Butunjahon aholi va uy-joy fondini roʻyxatga olish dasturini koʻllab-quvvatlashini eʼtiborga olgan holda, shuningdek, aholi sonining aniq hisoblab chiqilishini taʼminlash, aniq belgilab qoʻyilgan yagona hisobga olish davrida aholining jinsi, yoshi, oilaviy ahvoli, maʼlumoti, hayot darajasi, yashash sharoiti, bandligi, millati, fuqaroligi hamda boshqa demografik, ijtimoiy-iqtisodiy xususiyatlari boʻyicha yakka tartibda hisobga olish va batafsil tavsiflash maqsadida:
1. Oʻzbekiston Respublikasida 2022-yilda aholini roʻyxatga olish oʻtkazilsin.
[OKOZ:
1.01.00.00.00 Konstitutsiyaviy tuzum / 01.05.00.00 Aholi / 01.05.11.00 Aholini roʻyxatga olish;
2.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.01.00 Davlat dasturlari, konsepsiyalar va boshqalar]
2. Quyidagilar:
Oʻzbekiston Respublikasida 2022-yilda aholini roʻyxatga olishni oʻtkazish konsepsiyasi 1-ilovaga muvofiq;
Oʻzbekiston Respublikasida 2022-yilda aholini roʻyxatga olishni oʻtkazishga doir kompleks chora-tadbirlar dasturi 2-ilovaga muvofiq tasdiqlansin.
[OKOZ:
1.01.00.00.00 Konstitutsiyaviy tuzum / 01.05.00.00 Aholi / 01.05.11.00 Aholini roʻyxatga olish]
3. Quyidagilar:
Oʻzbekiston Respublikasida 2022-yilda aholini roʻyxatga olishni oʻtkazishga koʻmaklashish boʻyicha respublika komissiyasi 3-ilovaga muvofiq tarkibda;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi Oʻzbekiston Respublikasida 2022-yilda aholini roʻyxatga olishni oʻtkazishga koʻmaklashish boʻyicha hududiy komissiyalar tashkil etilsin, ularning namunaviy tarkibi 4-ilovaga muvofiq tasdiqlansin.
[OKOZ:
1.01.00.00.00 Konstitutsiyaviy tuzum / 01.05.00.00 Aholi / 01.05.11.00 Aholini roʻyxatga olish]
4. Belgilab qoʻyilsinki:
a) Oʻzbekiston Respublikasida 2022-yilda aholini roʻyxatga olishni oʻtkazishga koʻmaklashish boʻyicha respublika komissiyasining asosiy vazifalari etib kuyidagilar belgilansin:
aholini roʻyxatga olishga tayyorgarlik koʻrish va uni oʻtkazish bilan bogʻliq tadbirlarning oʻz vaqtida va sifatli bajarilishini taʼminlash;
aholini roʻyxatga olishni oʻtkazishga vakolatli organ hamda boshqa davlat va xoʻjalik boshqaruvi organlari, mahalliy ijro etuvchi hokimiyat organlari oʻrtasidagi oʻzaro hamkorlikni muvofiqlashtirish;
aholini roʻyxatga olishga tayyorgarlik koʻrish va uni oʻtkazish jarayonini nazorat qilish;
aholini roʻyxatga olishga tayyorgarlik koʻrish va uni oʻtkazishni moliyalashtirish, materiallarni qayta ishlashni tashkil etish va yakuniy natijalarni eʼlon qilish masalalari boʻyicha takliflarni koʻrib chiqish;
aholini roʻyxatga olishni oʻtkazishda ishtirok etish uchun jismoniy va yuridik shaxslarni ularning mehnatiga haq toʻlash masalalarini hal qilgan holda jalb etishni tashkil etish;
tashkilotlarni ularning mulkchilik shaklidan qatʼi nazar aholini roʻyxatga olishga tayyorgarlik koʻrish va uni oʻtkazish bilan bogʻliq ishlarga, shuningdek, xalqaro tashkilotlar bilan hamkorlikni faollashtirish va hamkorlik samaradorligini oshirish boʻyicha takliflar ishlab chiqishga jalb qilish masalalarini koʻrib chiqish;
b) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi Oʻzbekiston Respublikasida 2022-yilda aholini roʻyxatga olishni oʻtkazishga koʻmaklashish boʻyicha hududiy komissiyalarning asosiy vazifalari etib quyidagilar belgilansin:
hududlarda aholini roʻyxatga olishga tayyorgarlik koʻrish va uni oʻtkazish boʻyicha ishlarni aniq chora-tadbirlar va masʼul ijrochilarni koʻrsatgan holda tashkil etish;
hududlarda aholini roʻyxatga olishga tayyorgarlik koʻrish va uni oʻtkazish uchun qulay shart-sharoitlar yaratish bilan bogʻliq masalalar yuzasidan, shuningdek, aholini roʻyxatga olishni oʻtkazish boʻyicha vakolatli organ hududiy boʻlinmalarini va bu jarayonga jalb qilingan boshqa tashkilotlarni moddiy-texnik taʼminlanganligini mustahkamlash masalalari boʻyicha takliflar ishlab chiqish;
hududlarda aholini roʻyxatga olishga tayyorgarlik koʻrish va uni oʻtkazish boʻyicha kompleks ishlar bajarilishini nazorat qilish;
hududlarda aholini roʻyxatga olishga tayyorgarlik koʻrish va uni oʻtkazishga jismoniy va yuridik shaxslarni jalb etish hamda ishtirok etganlarni ragʻbatlantirish.
5. Oʻzbekiston Respublikasi Davlat statistika qoʻmitasi, Iqtisodiyot va sanoat vazirligi, Moliya vazirligi, Ichki ishlar vazirligi, Adliya vazirligi boshqa manfaatdor vazirlik va idoralar bilan birgalikda 2019-yil 1-iyulga qadar muddatda quyidagilarni nazarda tutuvchi Oʻzbekiston Respublikasining “Aholini roʻyxatga olish toʻgʻrisida”gi Qonuni loyihasini ishlab chiqsin va Vazirlar Mahkamasiga kiritsin:
aholini roʻyxatga olishni oʻtkazishning maqsadlari, tartibi, davri va muddatlari;
ilgʻor xorijiy amaliyotda qabul qilingan zamonaviy texnologiya va uslubiyotlar asosida aholini roʻyxatga olishni tashkil etish va oʻtkazish;
aholini roʻyxatga olishni tashkil etish va oʻtkazishda davlat hokimiyati va boshqaruvi organlarining ishtiroki, ularning vazifalari, funksiyalari hamda javobgarligini koʻrsatish;
aholini roʻyxatga olishni tashkil etish va oʻtkazishda jismoniy hamda yuridik shaxslarning ishtiroki, ular mehnatiga haq toʻlashning aniq mexanizmlari va manbalarini belgilash;
aholini roʻyxatga olish yakunlarini amalga oshirish boʻyicha tashkiliy-amaliy, huquqiy, iqtisodiy va boshqa chora-tadbirlar.
6. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi ommaviy axborot vositalarida ushbu Farmonning maqsad hamda vazifalarini keng yoritish boʻyicha chiqishlar va mavzuga oid koʻrsatuvlarni tashkil etsin.
7. Vazirliklar va idoralar, mahalliy ijro etuvchi hokimiyat organlari, tegishli komissiyalar rahbarlari mazkur Farmonda nazarda tutilgan vazifalarning oʻz vaqtida, toʻliq va sifatli bajarilishi uchun shaxsan javobgarligi belgilab qoʻyilsin.
8. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 5-fevral,
PF-5655-son
Oʻzbekiston Respublikasi Prezidentining 2019-yil 5-fevraldagi PF-5655-son Farmoniga 1-ILOVA
Oʻzbekiston Respublikasida 2022-yilda aholini roʻyxatga olishni oʻtkazish
konsepsiyasi
1-bob. Umumiy qoidalar
1. Oʻzbekiston Respublikasida 2022-yilda aholini roʻyxatga olishni oʻtkazish konsepsiyasi (keyingi oʻrinlarda Konsepsiya deb yuritiladi) aholini roʻyxatga olishni oʻtkazishning maqsadi, asosiy vazifalari, bosqichlarini belgilaydi.
2. Aholini roʻyxatga olish mamlakatda yashovchi barcha aholiga tegishli boʻlgan demografik, iqtisodiy va ijtimoiy maʼlumotlarni yigʻish, umumlashtirish, baholash, tahlil qilish va eʼlon qilishning yagona jarayonini oʻz ichiga olib, aholi toʻgʻrisidagi maʼlumotlarning asosiy manbai hisoblanadi va u kelgusi 10 — 30 yillik rivojlanishning prognoz koʻrsatkichlarini hisoblash uchun ishonchli poydevor yaratadi, hududlarni rivojlantirish va jamiyatning ijtimoiy himoyaga muhtoj qatlamlariga yordam koʻrsatish boʻyicha siyosiy va boshqaruv qarorlarini qabul qilish uchun zarur maʼlumotlarni olish imkonini beradi. U aholi sonini ishonchli hisoblash, shuningdek, aniq belgilab qoʻyilgan yagona hisobga olish davrida aholining jinsi, yoshi, oilaviy ahvoli, maʼlumoti darajasi, yashash sharoiti, bandligi, millati, fuqaroligi hamda boshqa demografik, ijtimoiy va iqtisodiy xususiyatlari boʻyicha yakka tartibda hisobga olish va batafsil tavsiflashning universal usulini ishga solgan holda rasmiy statistika tizimida asosiy rol oʻynaydi.
3. Aholini roʻyxatga olishni tashkil etish:
respublika darajasida;
Qoraqalpogʻiston Respublikasi, viloyatlar va Toshkent shahri darajasida;
tumanlar va shaharlar darajasida amalga oshiriladi.
2-bob. Aholini roʻyxatga olishning maqsadi va asosiy vazifalari
4. Oʻzbekiston Respublikasi hududida yaxlit va xar bir maʼmuriy-hududiy birlik boʻyicha aniq bir vaqtda yashovchi shaxslarning turli tavsiflari toʻgʻrisida xalqaro taqqoslana oladigan ishonchli, xolis va yaxlit maʼlumotlarni yagona statistik uslublar asosida yigʻish aholini roʻyxatga olishning maqsadi hisoblanadi.
5. Quyidagilar aholini roʻyxatga olishni oʻtkazishning asosiy vazifalari hisoblanadi:
aholi tarkibidagi global oʻzgarishlarni baholash, demografik siyosatni, aholi sogʻligʻini mustahkamlash, ayollar va bolalar ahvolini yaxshilash va oilalarga yordam koʻrsatish chora-tadbirlarini ishlab chiqish uchun axborotlar bazasini kengaytirish;
aholi punktlari va shaharlar infratuzilmasini rivojlantirish, mehnat resurslaridan foydalanish va ularni joylashtirish boʻyicha qisqa, oʻrta va uzoq muddatli prognozlar, dasturlar tayyorlash va indikativ rejalashtirish;
milliy barqaror rivojlanish maqsadlarini shakllantirish va uning amalga oshirilishi ustidan monitoring oʻtkazish;
aholini roʻyxatga olish davrlari oraligʻida aholi soni va tarkibining joriy hisobini yuritish, aholi sonining hisobi va prognozlarini amalga oshirish uchun statistik bazani yaratish;
ijtimoiy-iqtisodiy muammolar boʻyicha ilmiy tadqiqotlarni amalga oshirish.
3-bob. Aholini roʻyxatga olishga tayyorgarlik koʻrish va uni oʻtkazish bosqichlari
6. Aholini roʻyxatga olishni oʻtkazish boʻyicha xalqaro tavsiyalar va xorijiy mamlakatlar tajribasidan kelib chiqqan holda, aholini roʻyxatga olishga tayyorgarlik koʻrish va uni oʻtkazish ishlari uch bosqichni oʻz ichiga olib, ularning doirasida tadbirlar ham bosqichma-bosqich, ham bir vaqtning oʻzida oʻtkazilishi mumkin:
Birinchi bosqichda (3 yilga yaqin davrda) quyidagilar amalga oshiriladi:
aholini roʻyxatga olishni tashkil etish, oʻtkazish tamoyillari, uslubiy asoslari va moliyalashtirish manbalarini aniqlash masalalarini tartibga soluvchi normativ-huquqiy hujjatlarni ishlab chiqish;
aholini roʻyxatga olish dasturini, roʻyxatga olish varaqalari blanklarini, aholini roʻyxatga olishni tashkil etish va oʻtkazish, uning natijalarini olish va eʼlon qilish metodologiyasini ishlab chiqish;
sinov asosida aholini roʻyxatga olishga tayyorgarlik koʻrish va uni oʻtkazishni tashkil etish, uning natijalarini tahlil qilish va uning asosida metodologik hujjatlarni takomillashtirish;
xaritalash, aholi punktlaridagi uylarning roʻyxatini tuzish va aholini roʻyxatga olishning tashkiliy rejalarini tuzish;
zamonaviy xaritalash texnologiyalaridan foydalangan holda aholini roʻyxatga olishga tayyorgarlik koʻrish, uning oʻtkazilishini nazorat qilish, yakuniy natijalarni olish va taqdim etishning avtomatlashtirilgan tizimini yaratish;
axborot-tushuntirish ishlarini oʻtkazish;
roʻyxatga olish varaqalarini va boshqa hujjatlarni chop etish;
moddiy-texnika taʼminoti vositalarini tayyorlash va (yoki) xarid qilish, shuningdek, ularni roʻyxatga olish uchastkalariga yetkazish;
roʻyxatga olish uchastkalarini bino, transport va aloqa vositalari bilan taʼminlash;
roʻyxatga olish tadbirida ishtirok etuvchi vaqtinchalik xodimlarni oʻqitish;
aholini roʻyxatga olishga tayyorgarlik koʻrish bilan bogʻliq boshqa ishlar.
Ikkinchi bosqichda (10 kundan 60 kungacha boʻlgan davrda) bevosita aholini roʻyxatga olish amalga oshiriladi, yaʼni aholi toʻgʻrisidagi maʼlumotlar yigʻiladi, nazorat tekshiruvi oʻtkaziladi va aholini roʻyxatga olish materiallari topshiriladi.
Uchinchi bosqichda (2 yildan 3 yilgacha boʻlgan davrda) quyidagilar amalga oshiriladi:
aholini roʻyxatga olishga doir birlamchi materiallarni maʼlumotlarni qayta ishlash boʻyicha ixtisoslashgan tuzilmalar tomonidan qabul qilib olish;
aholini roʻyxatga olish materiallarini avtomatlashtirilgan tizimda qayta ishlashga tayyorlash;
birlamchi maʼlumotlarni kiritish, kodlash, nazorat va tahrir qilish;
aholini roʻyxatga olish boʻyicha dastlabki natijalarni olish;
aholini roʻyxatga olish natijalarini eʼlon qilish va tarqatish.
4-bob. Aholini roʻyxatga olishga tayyorgarlik koʻrish va oʻtkazish ishtirokchilari
7. Aholini roʻyxatga olishga tayyorgarlik koʻrish va uni oʻtkazish bilan bogʻliq tadbirlarning oʻz vaqtida va sifatli bajarilishini taʼminlash, roʻyxatga olish ishlarining oʻtkazilishini muvofiqlashtirish va monitoring qilish, roʻyxatga olish natijalarini tahlil qilish Oʻzbekiston Respublikasida 2022-yilda aholini roʻyxatga olishni oʻtkazishga koʻmaklashish boʻyicha respublika komissiyasi (keyingi oʻrinlarda Respublika komissiyasi deb yuritiladi) tomonidan amalga oshiriladi.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzurida Oʻzbekiston Respublikasida 2022-yilda aholini roʻyxatga olishni oʻtkazishga koʻmaklashish boʻyicha hududiy komissiyalar tuzilib, ular normativ-huquqiy va uslubiy hujjatlar asosida aniq chora-tadbirlar va masʼul ijrochilarni koʻrsatgan holda tayyorlov tadbirlarini tashkil etish va aholini roʻyxatga olish boʻyicha tegishli qarorlar qabul qiladi.
8. Aholini roʻyxatga olishni oʻtkazish boʻyicha vakolatli organ — Oʻzbekiston Respublikasi Davlat statistika qoʻmitasi (keyingi oʻrinlarda Davlat statistika qoʻmitasi deb yuritiladi) Respublika komissiyasining ishchi organi hisoblanadi.
9. Davlat statistika qoʻmitasi:
a) muhim ilmiy va oliy taʼlim muassasalari ishtirokida aholini roʻyxatga olish boʻyicha ilmiy-uslubiy va qoʻllanma materiallar tayyorlaydi;
b) har bir aholi punktida aholini roʻyxatga olishni muvofiqlashtiruvchi roʻyxatga olish uchastkalari mudirlarini, davlat statistika organlari xodimlari orasidan supervayzerlar (nazoratchi instruktorlarning) tayinlanishini taʼminlaydi;
v) tumanlar va shaharlar hokimliklari bilan birgalikda joylarda roʻyxatga oluvchi xodimlarni oʻqitishni, shuningdek, roʻyxatga olish varaqalarini sinov koʻrinishida toʻldirish boʻyicha amaliy mashgʻulotlarni tashkil etadi, keyinchalik xatoliklarni tahlil qiladi va yuzaga kelgan qiyinchiliklarni tushuntiradi (oʻqitish oʻrganilgan material toʻgʻri oʻzlashtirganligini va oʻrganuvchilarning ishga tayyorlik darajasini nazorat qilish bilan yakunlanadi);
g) Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda:
moddiy-texnik vositalarni sotib olish, roʻyxatga olish natijalarini qayta ishlash tuzilmalarini mashina oʻqiydigan roʻyxatga olish varaqalarini avtomatik tarzda qayta ishlash uchun server uskunalari, skanerlar va boshqa ofis texnikalari bilan taʼminlash uchun tenderlar tashkil etilishini va oʻtkazilishini;
aholini roʻyxatga olish varaqalarini kiritish va qayta ishlash boʻyicha avtomatlashtirilgan tizim yaratilishini;
avtomatlashtirilgan tizimning shaxslar haqida axborot (STIR, pasport tizimi va hokazolar) olish uchun davlat organlari axborot resurslari bilan integratsiyasini;
aholini roʻyxatga olish natijalarini olish boʻyicha dasturiy vositalar tayyorlanishini taʼminlaydi;
d) Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi bilan birgalikda aholini roʻyxatga olishni oʻtkazish haqida aholini (shu jumladan SMS-xabarnoma orqali) xabardor qilish ishlarini muvofiqlashtiradi (aholini roʻyxatga olishda faol ishtirok etish boʻyicha aholi oʻrtasida targʻibot ishlarini olib borish, reklama roliklari, shiorlar chiqarish va boshqa shu kabi tadbirlarni amalga oshirish).
10. Oʻzbekiston Respublikasi Yer resurslari, geodeziya, kartografiya va davlat kadastri boʻyicha davlat qoʻmitasi oldindan va Davlat statistika qoʻmitasining talabnomalari boʻyicha bosqichma-bosqich ravishda belgilangan tartibda aholini roʻyxatga olishni oʻtkazish uchun zarur boʻlgan miqdorda kartografik materiallar (shahar va qishloq aholi punktlarining sxematik rejalari, maʼmuriy tumanlar xaritalari) tayyorlanishini taʼminlaydi.
11. Oʻzbekiston Respublikasi Davlat xavfsizlik xizmati, Milliy gvardiyasi, Mudofaa vazirligi, Ichki ishlar vazirligi, Favqulodda vaziyatlar vazirligi, Tashqi ishlar vazirligi, Sogʻliqni saqlash vazirligi aholining maxsus qatlamlarini roʻyxatga olinishini taʼminlaydi.
12. Oʻzbekiston Respublikasi Vazirlar Mahkamasi huzuridagi “Oʻzarxiv” agentligi aholini roʻyxatga olish varaqalarini va boshqa hujjatlarni saqlash boʻyicha ishlarni muvofiqlashtiradi, shuningdek, aholini roʻyxatga olishning yigʻma hujjatlari qayta ishlanganidan soʻng ularni doimiy saqlab turadi.
13. Qoraqalpogʻiston Respublikasi Vazirlar Kengashi, viloyatlar va Toshkent shahar, tumanlar (shaharlar) hokimliklari:
aholini roʻyxatga olishni oʻtkazishga jalb etilgan shaxslarning oʻqishi va ishlashi uchun yaroqli boʻlgan mebellar va aloqa vositalari bilan jihozlangan vaqtinchalik binolar ajratilishini;
aholini roʻyxatga olish varaqalari va boshqa hujjatlarni vaqtinchalik saqlash uchun qoʻriqlanadigan binolar ajratilishini;
zarur transport va aloqa vositalari taqdim etilishini;
davlat kadastri va davlat statistika organlari bilan birgalikda doimiy yashovchi aholi sonini koʻrsatgan holda aholi punktlarining toʻliq roʻyxati tuzilishini taʼminlaydi.
14. Oʻzbekiston Respublikasi Ichki ishlar vazirligi:
aholini roʻyxatga olishni oʻtkazishga jalb etilgan shaxslarning xavfsizligini va roʻyxatga olish materiallarining saqlanishini;
aholini roʻyxatga olish davrida aholini roʻyxatga olishni oʻtkazuvchi organlarning binolari va yuklari qoʻriqlanishini taʼminlaydi;
aholini roʻyxatga olishni oʻtkazuvchi organlar bilan birgalikda zarur maʼlumotlarni berishdan bosh tortgan yoki roʻyxatga oluvchilarning aholini roʻyxatga olish uchun korxona va tashkilotlar hududiga kirishiga toʻsqinlik qilgan shaxslarga nisbatan maʼmuriy taʼsir choralarini koʻradi.
15. Aholini roʻyxatga olishga tayyorgarlik koʻrish va uni oʻtkazish boʻyicha alohida ishlar tovarlar, ishlar va xizmatlarni xarid qilish uchun belgilangan tartibda oʻtkazilgan savdolar asosida tanlab olingan jalb etilgan pudrat tashkilotlari tomonidan bajariladi, ularga quyidagilar kiradi:
aholi oʻrtasida axborot-tushuntirish ishlarini oʻtkazish;
kartografik materiallarni chop etish;
roʻyxatga olish hujjatlarini chop etish;
moddiy-texnik taʼminlash;
roʻyxatga olish materiallarini tashish;
texnologik-loyiha ishlarini oʻtkazish va dasturiy taʼminotni ishlab chiqish;
roʻyxatga olish varaqalari maʼlumotlarini kiritish va avtomatlashtirilgan holda qayta ishlash.
16. Zarur xollarda, aholini roʻyxatga olishga tayyorgarlik koʻrish va uni oʻtkazish doirasidagi ayrim ishlar va tadbirlarni bajarishga koʻmaklashish uchun boshqa vazirliklar, idoralar va tashkilotlar qoʻshimcha ravishda jalb etilishi mumkin.
5-bob. Aholini roʻyxatga olish ishlariga jalb etiladigan xodimlar toifalari
17. Respublika miqyosida aholini roʻyxatga olishga tayyorgarlik koʻrish va uni oʻtkazishda Davlat statistika qoʻmitasi markaziy apparati xodimlari ishtirok etadi, hududlarda ishlarni tashkil etish va muvofiqlashtirish, materiallarni avtomatlashtirilgan holda qayta ishlash, dastlabki yakunlarni sarhisob qilish va natijalarni eʼlon qilish uchun Qoraqalpogʻiston Respublikasi, viloyatlar va Toshkent shahar statistika boshqarmalari, tumanlar va shaharlar statistika boʻlimlari xodimlari jalb etiladi.
Alohida davrlarda normativ-huquqiy hujjatlar, qoʻllanma va maʼlumotnoma hujjatlarini ishlab chiqishda ishtirok etish, aholini roʻyxatga olishni moliyaviy va moddiy-texnik taʼminlashda hisob-kitoblarni tayyorlash uchun qoʻshimcha ravishda shartnoma asosida shtatda boʻlmagan yuqori malakali mutaxassislar vaqtinchalik jalb etiladi.
18. Tuman va shahar miqyosida roʻyxatga olish, instruktorlik, hisob va statsionar uchastkalarda ishlarni tashkil etish va muvofiqlashtirish uchun toʻlov-shartnoma asosida xodimlar jalb etilishi mumkin.
19. Registratorlar shahar va qishloq aholi punktlaridagi uylarning tayyorgarlik bosqichida avval tuzilgan roʻyxatlarini va kartografik materiallarni aniqlash (aniq hududdagi uylarning haqiqatda mavjudligini tekshirish) uchun toʻlov-shartnoma asosida jalb etiladi.
Registratorlarni davlat statistikasi organlari va uy-joy fondidan foydalanuvchi tashkilotlar xodimlari orasidan tanlab olish tumanlar va shaharlar hokimliklari tomonidan davlat statistikasining hududiy organlari bilan birgalikda tashkil etiladi.
20. Davlat statistikasi organlari xodimlari, oliy taʼlim muassasalari oʻqituvchilari va yuqori kurs talabalari, akademik litseylar, kasb-hunar kollejlari va umumtaʼlim maktablari oʻqituvchilari orasidan roʻyxatga olish uchastkalari mudirlari, instruktorlar va roʻyxatga oluvchilarni tanlab olish tumanlar va shaharlar hokimliklari tomonidan davlat statistikasining hududiy organlari bilan birgalikda shartnoma asosida tashkil etiladi, zarur hollarda, boshqa toifadagi shaxslar ham, ular aholi roʻyxatini oʻtkazishga tayyorgarlik koʻrish va/yoki uni oʻtkazishda ishtirok etishga rozi boʻlgan taqdirda, bu jarayonga jalb qilinishi mumkin.
Vaqtinchalik jalb etiladigan xodimlarga ismlari yozilgan nishonlar (guvohnomalar) beriladi.
Bunda xodimning yashash joyi tekshirilayotgan aholi punktiga qatnash uchun qulay boʻlishi kerak.
6-bob. Aholini roʻyxatga olishga tayyorgarlik koʻrish va uni oʻtkazish jarayonlarini avtomatlashtirish
21. Aholini roʻyxatga olishga tayyorgarlik koʻrish va uni oʻtkazishning alohida bosqichlarini, uning materiallarini qayta ishlash va natijalarini eʼlon qilishning toʻliq davrini avtomatlashtirish maqsadida, zarur boʻlganda, tashqi pudratchini jalb etgan holda, milliy va xorijiy tajribani inobatga olib, eng yangi texnologik yechimlar bazasida kompleks avtomatlashtirilgan axborot tizimi yaratiladi.
22. Roʻyxatga olish varaqalaridagi aholi toʻgʻrisidagi shaxsiy maʼlumotlar foydalanilishi cheklangan maxfiy axborot hisoblanadi, tarqatishga yoʻl qoʻyilmaydi va faqat statistik maqsadlarda qayta ishlanadi.
23. Avtomatlashtirilgan axborot tizimi:
roʻyxatga olish varaqalaridagi maʼlumotlarni kiritish, toʻplash va saqlashni;
maʼlumotlarni qayta ishlash, almashish jarayonlarini va ushbu jarayonni uslubiy qoʻllab-quvvatlashni monitoring qilishni;
manzillar, maʼlumotnomalar va tasniflagichlar reyestrida mavjud boʻlgan maʼlumotlarni aktual holatda saqlashni;
registratorlar uchun kartografik materiallarni shakllantirishni;
aholini roʻyxatga olish boʻyicha tashkiliy reja tuzishni avtomatlashtirishni;
aholini roʻyxatga olishni oʻtkazishning shaxsiy maʼlumotlarini avtomatik qayta ishlashni;
shaxsiy maʼlumotlarni ruxsatsiz kirish, oʻgʻirlash, buzish yoki yoʻqotishlardan himoya qilishni;
maʼlumotlarning maxfiyligini taʼminlash sharti bilan qoʻshimcha soʻrovlarni shakllantirish uchun shaxsiy boʻlmagan maʼlumotlar bazasiga ayrim tadqiqotchilarning belgilangan tartibda kirishini;
aholini roʻyxatga olishning yakuniy maʼlumotlaridan foydalanishni boshqarishni taʼminlaydi.
7-bob. Aholini roʻyxatga olishga tayyorgarlik koʻrish va uni oʻtkazish xarajatlarini moliyaviy taʼminlash
24. Aholini roʻyxatga olish tadbirlarini oʻtkazish bilan bogʻliq xarajatlar Oʻzbekiston Respublikasi Prezidentining hujjatlariga va Oʻzbekiston Respublikasi Vazirlar Mahkamasining qarorlariga muvofiq belgilangan tadbirlarni amalga oshirish uchun koʻzda tutilgan Oʻzbekiston Respublikasi Davlat budjeti mablagʻlari va qonun bilan taqiqlanmagan boshqa mablagʻlar hisobiga moliyalashtiriladi.
25. Moliyalashtirish uchun zarur mablagʻlar hajmi Oʻzbekiston Respublikasi Davlat statistika qoʻmitasi, Moliya vazirligi, Iqtisodiyot va sanoat vazirligi va boshqa masʼul idoralar hisob-kitoblari asosida, shuningdek tender savdolarini oʻtkazish va tender hujjatlarini rasmiylashtirish natijalari boʻyicha aniqlanadi.
26. Aholini roʻyxatga olishga tayyorgarlik koʻrish va uni oʻtkazishga, uning materiallarini qayta ishlashga, natijalarini olish va eʼlon qilishga jalb etilgan xodimlarning mehnatiga haq toʻlash maxsus ishlab chiqilgan va tasdiqlangan normativlar asosida amalga oshiriladi.
8-bob. Aholini roʻyxatga olish yakunlari
27. Aholini roʻyxatga olish yakunlari bosqichma-bosqich shakllantiriladi, shu jumladan:
shahar va qishloqda roʻyxatga olingan aholi (shu jumladan erkaklar va ayollar) soni boʻyicha dastlabki natijalar roʻyxatga oluvchi xodimlar tomonidan tayyorlangan yigʻma roʻyxatlar natijalari asosida shahar va qishloq aholisiga ajratilgan holda tuziladi;
yakuniy natijalar Aholini roʻyxatga olish natijalarini eʼlon qilish dasturiga asosan mavzuli navbat boʻyicha birlamchi maʼlumotlar bazasidan maxsus grafik boʻyicha shakllantiriladi;
qoʻshimcha natijalar eʼlon qilingan maʼlumotlar miqdoridan ortiq hajmdagi foydalanuvchilarning soʻrovlari boʻyicha (soʻrovlar kelib tushishiga koʻra) maʼlumotlar bazasi asosida shakllantiriladi.
28. Aholini roʻyxatga olish natijalari rasmiy bosma mavzuli nashrlar koʻrinishida, shuningdek, elektron manbalarda (oʻzbek, rus va ingliz tillarida), foydalanuvchilarning keng ommasi uchun ommabop nashrlarda (risolalar, press-relizlar, atlaslar, taqdimot materiallarida) eʼlon qilinadi.
29. Qayta ishlangan qogʻoz koʻrinishidagi aholini roʻyxatga olish varaqalari Oʻzbekiston Respublikasi Vazirlar Mahkamasi huzuridagi “Oʻzarxiv” agentligi tomonidan qonun hujjatlarida belgilangan tartibda markazlashgan tarzda saqlanadi.
LexUZ sharhi
Qarang: Oʻzbekiston Respublikasining “Arxiv ishi toʻgʻrisida”gi Qonuni.
Oʻzbekiston Respublikasi Prezidentining 2019-yil 5-fevraldagi PF-5655-son Farmoniga 2-ILOVA
Oʻzbekiston Respublikasida 2022-yilda aholini roʻyxatga olishni oʻtkazishga doir kompleks chora-tadbirlar dasturi
T/r
Chora-tadbirlar nomi
Bajarish muddatlari
Masʼul ijrochilar
I. Aholini roʻyxatga olishni oʻtkazish boʻyicha tashkiliy-huquqiy tadbirlar
1.
Quyidagilarni nazarda tutuvchi Oʻzbekiston Respublikasining “Aholini roʻyxatga olish toʻgʻrisida”gi Qonuni loyihasini ishlab chiqish va Oʻzbekiston Respublikasi Vazirlar Mahkamasiga kiritish:
aholini roʻyxatga olishni oʻtkazishning maqsadlari, tartibi, davri va muddatlari;
ilgʻor xorij amaliyotida qabul qilingan zamonaviy texnologiya va uslubiyotlar asosida aholini roʻyxatga olishni tashkil etish va oʻtkazish;
aholini roʻyxatga olishni tashkil etish va oʻtkazishda davlat hokimiyati va boshqaruvi organlarining ishtiroki, ularning vazifalari, funksiyalari hamda javobgarligini koʻrsatish;
aholini roʻyxatga olishni tashkil etish va oʻtkazishda jismoniy hamda yuridik shaxslarning ishtiroki, ular mehnatiga haq toʻlashning aniq mexanizmlari va manbalarini belgilash;
aholini roʻyxatga olishning yakuniy natijalarini amalga oshirish uchun tashkiliy-amaliy, huquqiy, iqtisodiy va boshqa chora-tadbirlar.
2019-yil 1-iyulga qadar
Davlat statistika qoʻmitasi (B. Begalov), Iqtisodiyot va sanoat vazirligi (B. Xodjayev), Moliya vazirligi (A. Haydarov), IIV (P. Bobojonov), Adliya vazirligi (R. Davletov), vazirlik va idoralar
2.
Aholini roʻyxatga olishni tashkil etish, oʻtkazish tamoyillari, uslubiy asoslari va moliyalashtirish manbalarini aniqlash masalalarini tartibga soluvchi normativ-huquqiy hujjatlarni ishlab chiqish.
2022-yil 1-oktabrga qadar
Oʻzbekiston Respublikasida 2022-yilda aholini roʻyxatga olishni oʻtkazishga koʻmaklashish boʻyicha Respublika komissiyasi (keyingi oʻrinlarda — Respublika komissiyasi), Davlat statistika qoʻmitasi
(B. Begalov), Iqtisodiyot va sanoat vazirligi (B. Xodjayev), IIV (D. Nazarmuhamedov), Adliya vazirligi (M. Istamov), Moliya vazirligi (A. Haydarov), vazirlik va idoralar
3.
Aholini roʻyxatga olish dasturlarini, roʻyxatga olish varaqalari blanklarini, aholini roʻyxatga olishni tashkil etish va oʻtkazish, uning natijalarini olish va eʼlon qilish uslubiyatini ishlab chiqish.
2022-yil 1-oktabrga qadar
Respublika komissiyasi, Davlat statistika qoʻmitasi (B. Begalov), Moliya vazirligi (A. Haydarov),
Iqtisodiyot va sanoat vazirligi (B. Xodjayev),
vazirlik va idoralar, ilmiy muassasalar
4.
Oʻzbekiston Respublikasi Davlat statistika qoʻmitasining (keyingi oʻrinlarda — Davlat statistika qoʻmitasi) shtatdan tashqari xodimlari, aholini roʻyxatga olishni oʻtkazishga jalb etilgan vaqtinchalik xodimlar mehnatiga haq toʻlash shartlari toʻgʻrisidagi normativ hujjatlarni ishlab chiqish.
2022-yil 1-oktabrga qadar
Respublika komissiyasi, Davlat statistika qoʻmitasi (B. Begalov), Bandlik va mehnat munosabatlari vazirligi (Sh. Kudbiyev), Moliya vazirligi (A. Haydarov)
II. Aholini roʻyxatga olishga tayyorgarlik koʻrish va uni oʻtkazish
5.
Davlat statistika qoʻmitasi mutaxassislari uchun aholini roʻyxatga olishni oʻtkazish boʻyicha xorijiy davlatlar tajribalarini oʻrganish yuzasidan xorijiy mamlakatlarga, shu jumladan ushbu masalalar yuzasidan tajribaga ega boʻlgan MDH davlatlariga xizmat safarlarini tashkil etish.
2022-yil 1-sentabrga qadar
Respublika Komissiyasi, Davlat statistika qoʻmitasi (B. Begalov), TIV (A. Kamilov), BMT Aholishunoslik jamgʻarmasining Toshkentdagi vakolatxonasi, xalqaro tashkilotlar
6.
Maʼmuriy-hududiy birliklar roʻyxati va chegaralarini aniqlashtirish, shahar va qishloq aholi punktlari nomlari, koʻchalar nomlari, xonadon va uylar raqamlari koʻrsatilgan koʻrsatkichlarning mavjudligini taʼminlash.
2021-yil 1-aprelga qadar
Yergeodezkadastr davlat qoʻmitasi (A. Abdullayev), tuman va shahar hokimliklari, fuqarolarning oʻzini oʻzi boshqarish organlari
7.
Aholini roʻyxatga olishga tayyorgarlik koʻrish va uni oʻtkazish uchun ishtirokchilarni kartografik materiallar (sxematik reja va xarita) bilan taʼminlash.
2022-yil 1-iyulga qadar
Yergeodezkadastr davlat qoʻmitasi (A. Abdullayev)
8.
Sinov tariqasida aholini roʻyxatga olishga tayyorgarlik koʻrish, oʻtkazish va materiallarni qayta ishlash, xususan:
sinov tariqasida aholini roʻyxatga olishni oʻtkazish uchun hududlarni tanlash;
sinov tariqasida aholini roʻyxatga olishni oʻtkazish uchun xodimlarni jalb qilish;
xodimlarni oʻqitish;
xodimlarni roʻyxatga olish hujjatlari bilan taʼminlash;
sinov tariqasida aholini roʻyxatga olishni oʻtkazish;
dasturiy taʼminotni ishlab chiqish;
sinov tariqasida aholini roʻyxatga olish materiallarini qayta ishlash va tahlil qilish.
2021-yil 1-iyulga qadar
Respublika komissiyasi, Davlat statistika qoʻmitasi (B. Begalov), vazirlik va idoralar, ilmiy muassasalar, Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
9.
Registratorlarni davlat statistikasi organlari va uy-joy fondidan foydalanuvchi tashkilotlar xodimlari orasidan jalb qilish, bino va uylar roʻyxatini tuzish tartibini oʻqitish, shahar va qishloq aholi punktlaridagi uylar roʻyxatini tuzish, registratorlar xavfsizligini taʼminlash.
2021-yil 1-dekabrga qadar
Uy-joy kommunal xizmat koʻrsatish vazirligi (M. Soliyev), Davlat statistika qoʻmitasi (B. Begalov), IIV (D. Nazarmuhamedov), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
10.
Oʻzbekiston Respublikasi, Qoraqalpogʻiston Respublikasi, viloyatlar va Toshkent shahar, tumanlar va shaharlar darajasida aholini roʻyxatga olishni oʻtkazishning tashkiliy rejalarini tuzish:
tumanlar kesimida roʻyxatga olish (har bir aholi punktini roʻyxatga olish, instruktorlik va hisob uchastka hududlariga boʻlish);
har bir vaqtinchalik xodimlar toifalari boʻyicha talabni hisob-kitob qilish;
vaqtinchalik xodimlarni tanlash va oʻqitish jadvalini ishlab chiqish;
roʻyxatga olish va instruktorlik uchastkalarini joylashtirish uchun yetarli miqdordagi binolarni aniqlash.
2022-yil 1-iyunga qadar
Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari, Davlat statistika qoʻmitasi (B. Begalov), fuqarolarning oʻzini oʻzi boshqarish organlari
11.
Quyidagilarni:
aholi toʻgʻrisidagi maʼlumotlarni yigʻish bilan shugʻullanuvchi shaxslarni oʻqitish;
vaqtinchalik jalb etilgan xodimlar bilan ishlash;
aholini roʻyxatga olish materiallarini qayta ishlash;
aholini roʻyxatga olishni oʻtkazish uchun ajratilgan moddiy-texnika vositalarini saqlash;
roʻyxatga olish va boshqa hujjatlarni saqlash uchun binolar bilan taʼminlash.
2023-yil 1-mayga qadar
Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari, fuqarolarning oʻzini oʻzi boshqarish organlari
12.
Tumanlar (shaharlar) roʻyxatga olish boʻlimlari, roʻyxatga olish va instruktorlik uchastkalarini transport vositalari bilan taʼminlash.
2023-yil 1-mayga qadar
Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
13.
Davlat statistika qoʻmitasi soʻroviga asosan tumanlar (shaharlar) roʻyxatga olish boʻlimlari, roʻyxatga olish va instruktorlik uchastkalarini belgilangan tartibda aloqa vositalari bilan taʼminlash.
2023-yil 1-mayga qadar
Axborot texnologiyalari va kommunikatsiyalarini rivojlantirish vazirligi (Sh. Sadikov), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
14.
Roʻyxatga olish hujjatlarini chop etish.
2022-yil 1-iyulga qadar
Axborot va ommaviy kommunikatsiyalar agentligi, Davlat statistika qoʻmitasi (B. Begalov)
15.
Roʻyxatga olish hujjatlarini tumanlar (shaharlar) roʻyxatga olish boʻlimlari, roʻyxatga olish va instruktorlik uchastkalariga yetkazib berish.
2022-yil 1-sentabrga qadar
“Oʻzbekiston temir yoʻllari” AJ (A. Shukurov),
“Oʻzbekiston havo yoʻllari” MAK (U. Xusanov),
Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
16.
Aholini roʻyxatga olishga tayyorgarlik koʻrish va uni oʻtkazish masalalari boʻyicha:
Davlat statistika qoʻmitasi markaziy apparati xodimlarini;
Qoraqalpogʻiston Respublikasi, viloyatlar va Toshkent shahar hududiy statistika boshqarmalari xodimlarini;
tuman (shahar)lar statistika boʻlimlari xodimlarini oʻqitish.
2022-yil 1-sentabrga qadar
Davlat statistika qoʻmitasi (B. Begalov)
17.
Aholini roʻyxatga olishga tayyorgarlik koʻrish va uni oʻtkazish boʻyicha vaqtinchalik jalb etilgan xodimlarning soni va shaxsiy tarkibini tanlash va tarkibini tasdiqlash.
2022-yil 1-avgustga qadar
Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
18.
Aholini roʻyxatga olishga jalb etiladigan xodimlarni oʻqitishni tashkillashtirish.
2022-yil 1-noyabrga qadar
Davlat statistika qoʻmitasi (B. Begalov)
19.
Aholini roʻyxatga olish boʻyicha axborot-tushuntirish ishlarini oʻtkazish, xususan respublika va hududiy ommaviy axborot vositalarida (televideniye, radio, bosma nashrlarda) reklama kompaniyalarini oʻtkazish, tashqi ijtimoiy reklamalarni joylashtirish, koʻrgazmali tashviqot vositalarini, aholini roʻyxatga olishning logotipi va shiorini, aholini roʻyxatga olishning boshqa qismlarini tayyorlash.
2024-yil 1-dekabrga qadar
Davlat statistika qoʻmitasi (B. Begalov), Oʻzbekiston Milliy axborot agentligi (A. Kuchimov), Oʻzbekiston Milliy teleradiokompaniyasi (A. Xadjayev),
Axborot va ommaviy kommunikatsiyalar agentligi
20.
Aholini roʻyxatga olishga tayyorgarlik koʻrish va uni oʻtkazishni moliyaviy taʼminlash, jumladan xarajatlar smetasini tayyorlash, aholini roʻyxatga olishga tayyorgarlik koʻrish va uni oʻtkazish uchun zarur boʻlgan mahsulotlarni sotib olishni amalga oshirish.
2024-yil 1-dekabrga qadar
Davlat statistika qoʻmitasi (B. Begalov), Moliya vazirligi (A. Haydarov), Iqtisodiyot va sanoat vazirligi (B. Xodjayev), vazirlik va idoralar
21.
Quyidagilarga imkon beruvchi “Aholini roʻyxatga olish” axborot tizimini ishlab chiqish va joriy etish:
roʻyxatga olish varaqalaridagi maʼlumotlarni kiritish, toʻplash va saqlash;
maʼlumotlarni qayta ishlash, almashish jarayonlarini va ushbu jarayonni uslubiy qoʻllab-quvvatlashni monitoring qilish;
manzillar, maʼlumotnomalar va tasniflagichlar reyestrida mavjud maʼlumotlarni aktual holatda saqlash;
registratorlar ishi uchun kartografik materiallarni shakllantirish;
aholini roʻyxatga olishni oʻtkazish boʻyicha tashkiliy reja tuzishni avtomatlashtirish;
aholini roʻyxatga olishning shaxsiy maʼlumotlarini avtomatik qayta ishlashni;
shaxsiy maʼlumotlarni ruxsatsiz kirish, oʻgʻirlash, buzish yoki yoʻqotishlardan himoya qilishni taʼminlash;
maʼlumotlarning maxfiyligini taʼminlash sharti bilan qoʻshimcha soʻrovlarni shakllantirish uchun shaxsiy boʻlmagan maʼlumotlar bazasiga ayrim tadqiqotchilarning belgilangan tartibda kirishi;
aholini roʻyxatga olishning yakuniy maʼlumotlaridan foydalanishni boshqarish.
2024-yil 1-dekabrga qadar
Davlat statistika qoʻmitasi (B. Begalov), Axborot texnologiyalari va kommunikatsiyalarini rivojlantirish vazirligi (Sh. Sadikov)
22.
Roʻyxatga oluvchilar tomonidan aholi oʻrtasida soʻrov oʻtkazish va javoblarni roʻyxatga olish varaqalarida qayd etish.
2022-yil noyabr-dekabr
Davlat statistika qoʻmitasi (B. Begalov), IIV (P. Bobojonov), Mudofaa vazirligi (A. Azizov), DXX (I. Abdullayev), FVV (T. Xudaybergenov), Milliy gvardiya (B. Tashmatov), Sogʻliqni saqlash vazirligi (A. Shadmanov), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari
23.
Roʻyxatga oluvchilarning xavfsizligini taʼminlash.
2022-yil noyabr-dekabr
IIV (P. Bobojonov)
III. Aholini roʻyxatga olish yakuniy natijalarini chiqarish
24.
Tumanlar va shaharlar, Qoraqalpogʻiston Respublikasi, viloyatlar, Toshkent shahar, butun respublika boʻyicha aholini roʻyxatga olishning dastlabki maʼlumotlarini tayyorlash.
2023-yil 1-martga qadar
Davlat statistika qoʻmitasi (B. Begalov)
25.
Maʼlumotlarni avtomatlashtirilgan qayta ishlash uchun tayyorlash, aholini roʻyxatga olish birlamchi maʼlumotlarini kodlash, kiritish, nazorat qilish va tahrirlash, aholini roʻyxatga olish maʼlumotlar bazasini shakllantirish.
2023-yil 1-dekabrga qadar
Davlat statistika qoʻmitasi (B. Begalov)
26.
Aholini roʻyxatga olishning respublika va hududlar darajasida yakuniy natijalarini olish.
2024-yil 1-dekabrga qadar
Davlat statistika qoʻmitasi (B. Begalov)
27.
Aholini roʻyxatga olish natijalarini rasmiy chop etish, tarqatish, axborot bilan taʼminlash va eʼlon qilish, aholini roʻyxatga olishning dastlabki va yakuniy maʼlumotlarini arxivda saqlashga tayyorlash.
2024-yil 1-dekabrga qadar
Davlat statistika qoʻmitasi (B. Begalov)
Izoh. Respublika komissiyasining qaroriga koʻra tadbirlarni amalga oshirish muddatlari koʻrib chiqilishi mumkin.
Oʻzbekiston Respublikasi Prezidentining 2019-yil 5-fevraldagi PF-5655-son Farmoniga 3-ILOVA
Oʻzbekiston Respublikasida 2022-yilda aholini roʻyxatga olishni oʻtkazishga koʻmaklashish boʻyicha respublika komissiyasi
TARKIBI
A.N. Aripov
—
Oʻzbekiston Respublikasining Bosh vaziri, Respublika komissiyasi raisi
A.J. Ramatov
—
Oʻzbekiston Respublikasi Bosh vazirining birinchi oʻrinbosari — transport vaziri, Komissiya raisining oʻrinbosari
B.A. Begalov
—
Oʻzbekiston Respublikasi Davlat statistika qoʻmitasi raisi, Komissiya raisining oʻrinbosari
J.A. Qoʻchqorov
—
Oʻzbekiston Respublikasi Bosh vazirining oʻrinbosari — moliya vaziri
T.K. Narbayeva
—
Oʻzbekiston Respublikasi Bosh vazirining oʻrinbosari — Oʻzbekiston Xotin-qizlar qoʻmitasi raisi
I.B. Abdullayev
—
Oʻzbekiston Respublikasi Davlat xavfsizlik xizmati raisi
B.X. Tashmatov
—
Oʻzbekiston Respublikasi Milliy gvardiyasi qoʻmondoni
A.A. Azizov
—
Oʻzbekiston Respublikasi mudofaa vaziri
P.R. Bobojonov
—
Oʻzbekiston Respublikasi ichki ishlar vaziri
T.A. Xudaybergenov
—
Oʻzbekiston Respublikasi favqulodda vaziyatlar vaziri vazifasini bajaruvchi
B.A. Xodjayev
—
Oʻzbekiston Respublikasi iqtisodiyot va sanoat vaziri
A.H. Kamilov
—
Oʻzbekiston Respublikasi tashqi ishlar vaziri
R.K. Davletov
—
Oʻzbekiston Respublikasi adliya vaziri
Sh.M. Sadikov
—
Oʻzbekiston Respublikasi axborot texnologiyalari va kommunikatsiyalarini rivojlantirish vaziri
A.K. Shadmanov
—
Oʻzbekiston Respublikasi sogʻliqni saqlash vaziri
Sh.M. Kudbiyev
—
Oʻzbekiston Respublikasi bandlik va mehnat munosabatlari vaziri
B.S. Sayfullayev
—
Oʻzbekiston Respublikasi madaniyat vaziri
I.U. Madjidov
—
Oʻzbekiston Respublikasi oliy va oʻrta maxsus taʼlim vaziri
Sh.X. Shermatov
—
Oʻzbekiston Respublikasi xalq taʼlimi vaziri
M.B. Azimov
—
Oʻzbekiston Respublikasi Davlat bojxona qoʻmitasi raisi
A.A. Abdullayev
—
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi raisi
M.X. Saliyev
—
Oʻzbekiston Respublikasi uy-joy kommunal xizmat koʻrsatish vaziri
S.X. Bekenov
—
Oʻzbekiston Respublikasi investitsiyalarva tashqi savdo vazirining birinchi oʻrinbosari
Sh.S. Javlonov
—
“Mahalla” xayriya jamoat fondi boshqaruvi raisi
B.I. Xakimov
—
“Oʻzbekiston havo yoʻllari” milliy aviakompaniyasi bosh direktori vazifasini bajaruvchi
N.S. Turaxodjayev
—
Oʻzbekiston Respublikasi Vazirlar Mahkamasi huzuridagi Davlat personallashtirish markazi direktori
U.B. Aʼlamov
—
Oʻzbekiston Respublikasi Vazirlar Mahkamasi huzuridagi “Oʻzarxiv” agentligi bosh direktori
A.K. Kuchimov
—
Oʻzbekiston Milliy axborot agentligi bosh direktori
lavozimi boʻyicha
—
Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktori
A.J. Xadjayev
—
Oʻzbekiston Milliy teleradiokompaniyasi raisi vazifasini bajaruvchi
D.G. Tashmuxammedova
—
Oʻzbekiston Respublikasi Vazirlar Mahkamasi huzuridagi “Oila” ilmiy-amaliy tadqiqot markazi direktori
D.Q. Axmedov
—
TDIU huzuridagi “Oʻzbekiston iqtisodiyotini rivojlantirish muammolari va ilmiy asoslari” ilmiy-tadqiqot markazi direktori
Izoh: Komissiya aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaxslar yoki zimmasiga tegishli funksiyalarni bajarish yuklangan shaxslar kiritiladi.
Oʻzbekiston Respublikasi Prezidentining 2019-yil 5-fevraldagi PF-5655-son Farmoniga 4-ILOVA
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi Oʻzbekiston Respublikasida 2022-yilda aholini roʻyxatga olishni oʻtkazishga koʻmaklashish boʻyicha hududiy komissiyalarning
NAMUNAVIY TARKIBI
lavozimi boʻyicha
—
Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, Komissiya raisi
lavozimi boʻyicha
—
Qoraqalpogʻiston Respublikasi Vazirlar Kengashi Raisining birinchi oʻrinbosari, viloyatlar va Toshkent shahar hokimlarining iqtisodiyot va tadbirkorlik masalalari boʻyicha birinchi oʻrinbosarlari, Komissiya raisining oʻrinbosari
lavozimi boʻyicha
—
Qoraqalpogʻiston Respublikasi, viloyatlar va Toshkent shahar statistika boshqarmalari boshliqlari, Komissiya raisining oʻrinbosari
lavozimi boʻyicha
—
Qoraqalpogʻiston Respublikasi iqtisodiyot va sanoat vaziri, viloyatlar va Toshkent shahar iqtisodiyot va sanoat bosh boshqarmalari boshliqlari
lavozimi boʻyicha
—
Qoraqalpogʻiston Respublikasi moliya vaziri, viloyatlar va Toshkent shahar moliya bosh boshqarmalari boshliqlari
lavozimi boʻyicha
—
Qoraqalpogʻiston Respublikasi sogʻliqni saqlash vaziri, viloyatlar sogʻliqni saqlash boshqarmalari boshliqlari va Toshkent shahar sogʻliqni saqlash bosh boshqarmasi boshligʻi
lavozimi boʻyicha
—
Qoraqalpogʻiston Respublikasi adliya vaziri, viloyatlar va Toshkent shahar adliya boshqarmalari boshliqlari
lavozimi boʻyicha
—
Qoraqalpogʻiston Respublikasi ichki ishlar vaziri, viloyatlar ichki ishlar boshqarmalari boshliqlari va Toshkent shahar ichki ishlar bosh boshqarmasi boshligʻi
lavozimi boʻyicha
—
Qoraqalpogʻiston Respublikasi bandlik va mehnat munosabatlari vaziri, viloyatlar va Toshkent shahar bandlik bosh boshqarmalari boshliqlari
lavozimi boʻyicha
—
Qoraqalpogʻiston Respublikasi madaniyat vaziri, viloyatlar madaniyat boshqarmalari boshliqlari va Toshkent shahar madaniyat bosh boshqarmasi boshligʻi
lavozimi boʻyicha
—
Qoraqalpogʻiston Respublikasi xalq taʼlimi vaziri, viloyatlar xalq taʼlimi boshqarmalari boshliqlari va Toshkent shahar xalq taʼlimi bosh boshqarmasi boshligʻi
lavozimi boʻyicha
—
Qoraqalpogʻiston Respublikasi, viloyatlar va Toshkent shahar Davlat xavfsizlik xizmati boshqarmalari boshliqlari
lavozimi boʻyicha
—
Qoraqalpogʻiston Respublikasi, viloyatlar hamda Toshkent shahar yer resurslari va davlat kadastri boshqarmalari boshliqlari
lavozimi boʻyicha
—
Qoraqalpogʻiston Respublikasi uy-joy kommunal xizmat koʻrsatish vaziri, viloyatlar uy-joy kommunal xizmat koʻrsatish boshqarmalari boshliqlari va Toshkent shahar uy-joy-kommunal xizmat koʻrsatish bosh boshqarmasi boshligʻi
lavozimi boʻyicha
—
Qoraqalpogʻiston Respublikasi, viloyatlar va Toshkent shahar kasb-hunar taʼlimi boshqarmalari boshliqlari
lavozimi boʻyicha
—
Qoraqalpogʻiston Respublikasi, viloyatlar va Toshkent shahar mudofaa ishlari boshqarmalari boshliqlari
lavozimi boʻyicha
—
Qoraqalpogʻiston Respublikasi, viloyatlar va Toshkent shahar favqulodda vaziyatlar boshqarmalari boshliqlari
lavozimi boʻyicha
—
Qoraqalpogʻiston Respublikasi, viloyatlar va Toshkent shahar “Mahalla” xayriya jamoat fondi raislari
lavozimi boʻyicha
—
Qoraqalpogʻiston Respublikasi markaziy davlat arxivi boshligʻi, viloyatlar va Toshkent shahar davlat arxivlari boshliqlari
lavozimi boʻyicha
—
Qoraqalpogʻiston Respublikasi, viloyatlar va Toshkent shahar teleradiokompaniyalari boshliqlari
Izoh: Komissiya aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaxslar yoki zimmasiga tegishli funksiyalarni bajarish yuklangan shaxslar kiritiladi.
(Qonun hujjatlari maʼlumotlari milliy bazasi, 06.02.2019-y., 06/19/5655/2575-son)
LexUZ sharhi